လါယူၤ ၂၀ သီ, ၂၀၂၅ နံၣ်, ခ့ၣ်အဲးစံၣ်
တနံၤအံၤလါယူၤအသီ(၂၀)လၢအလီၤဘၣ်ဝဲဟီၣ်ခိၣ်ဒီဖျၢၣ်ဘၣ်ကီဘၣ်ခဲအမုၢ်နံၤအံၤအဖီခိၣ်န့ၣ်(TBC)ဃ့ၢ်ထီၣ်ဝဲဒၣ်ကီၢ်ကၠီၣ်တဲၣ်ပဒိၣ်ဒီးထံဂုၤကီၢ်ဂၤသ့ၣ်တဖၣ်လၢကမၤအါထီၣ်ဘၣ်ဝဲတၢ်ဆီၣ်ထွဲမၤစၢၤဒီးတၢ်ခွဲးတၢ်ယၤသ့ၣ်တဖၣ်လၢပှၤဘၣ်ကီဘၣ်ခဲလၢအအိၣ်လၢကီၢ်ကၠီၣ်တဲၣ်ဒီးကီၢ်ပယီၤကီၢ်ဆၢဒဲကဝီၤသ့ၣ်တဖၣ်အဂီၢ်အဂ့ၢ်(TBC)ထုးထီၣ်ပၥ်ဖျါဝဲဖဲတနံၤအံၤန့ၣ်လီၤ.
တကီၢ်ခါအခဲအံၤန့ၣ်ပှၤဘၣ်ကီဘၣ်ခဲဖိလၢအိၣ်ဆိးကီၢ်ကၠီၣ်တဲၣ်-ကီၢ်ပယီၤကီၢ်ဆၢပှၤနီၣ်ဂံၢ်(၁၀၈,၀၀၀)ဂၤသ့ၣ်တဖၣ် သဂၢၢ်ဘၣ်ဝဲတၢ်ဃံးတၢ်စ့ၤခီဖျိလၢတၢ်ဆီၣ်ထွဲမၤစၢၤသ့ၣ်တဖၣ်လီၤစှၤကွံၥ်ဝဲအဃိဟ့ၣ်ဝဲတၢ်ဆီၣ်သနံး(TBC)လၢတၢ်ဘၣ်ထုးစှၤလီၤကွံၥ်ဝဲပှၤဒဲကဝီၤဖိသ့ၣ်တဖၣ်တၢ်အီၣ်အိၣ်ထီၣ်တ့ၢ်ဝဲဒၣ်န့ၣ်လီၤ.
လၢတၢ်န့ၣ်အဃိမ့ၢ်လၢတကီၢ်ခါခဲအံၤတၢ်ဆီၣ်ထွဲမၤစၢၤသ့ၣ်တဖၣ်လီၤစှၤကွံၥ်ဝဲဒၣ်အဃိတၢ်ဃံးတၢ်စ့ၤအိၣ်ထီၣ်ဝဲဒၣ်လၢတၢ်အီၣ်တၢ်အီတကပၤမ့ၢ်ဂ့ၤ,ဆူၣ်ချ့တကပၤမ့ၢ်ဂ့ၤဒ်အံၤအဖီခိၣ်လၢတကီၢ်ခါခဲအံၤတၢ်ဃံးတၢ်စ့ၤအဆၢကတီၢ်တၢ် ကြၢးဃုသကိးဝဲကျဲလၢတၢ်ကဘှါၡဲတၢ်ဃံးတၢ်စ့ၤသ့ၣ်တဖၣ်အံၤအဂ့ၢ်(TBC)ဆီၣ်တခူထီၣ်ဝဲလၢအလံၥ်ပၥ်ဖျါအပူၤ န့ၣ်လီၤ.
ဒ်န့ၣ်အသိးလၢတၢ်ကဘှါၡဲတၢ်ဃံးတၢ်စ့ၤတဖၣ်အံၤအဂီၢ်(TBC)တကပၤဃ့ထီၣ်ဝဲလၢ"တၢ်ကပျဲပှၤဒဲကဝီၤဖိလၢအိၣ်ကီၢ်ကၠီၣ်တဲၣ်ပူၤသ့ၣ်တဖၣ်ကဖံးကမၤဘၣ်တၢ်လၢအဖိးမံဒီးသဲစးစ့ၢ်ကီး"ဒီးတၢ်မ့ၢ်ပျဲအဝဲသ့ၣ်ခီန့ၣ်အနီၢ်ကစၢ်ဒၣ်ဝဲဆီၣ်ထွဲမၤစၢၤက့ၤအဟံၣ်ဖိဃီဖိသ့ဝဲအသိးတမ့ၢ်ထဲဒိးသန့ၤအသးလၢတၢ်ဆီၣ်ထွဲမၤစၢၤအဖီခိၣ်လၢၤဘၣ်အဂ့ၢ်(TBC)စံးဝဲဒၣ်န့ၣ်လီၤ.
တကတီၢ်ဃီဒ်(TBC)အလံၥ်ဘိးဘၣ်ရၤလီၤအိၣ်ဝဲအသိးန့ၣ်လၢကီၢ်ပယီၤပူၤစ့ၢ်ကီးထံကီၢ်တၢ်အိၣ်သးတဂၢၢ်တကျၢၤဘၣ်ဒီးခီဖျိတၢ်ဒုးတၢ်ယၤအဃိပှၤ(၃)ကကွဲၢ်ဘျဲၣ်ဘၣ်ဃ့ၢ်တၢ်ဒုးတၢ်ယၤ,ဘၣ်သုးလီၢ်သုးကျဲအိၣ်ထီၣ်ဝဲဒၣ်ဒီးလၢအကျါပှၤကညီလၢအကလးဟဲဃ့ၢ်ထီၣ်အိၣ်ကဒုဝဲဒၣ်ဆူကီၢ်ကၠီၣ်တဲၣ်တကပၤလံအသိးပှၤနီၣ်ဂံၢ်သ့ၣ်တဖၣ်အံၤကအါထီၣ်န့ၢ်ဒံးအလီၢ်သ့ဝဲဒၣ်အဖီခိၣ်ထံဂုၤကီၢ်ဂၤတၢ်မၤဘူၣ်ကစၢ်တဖၣ်ကဆဲးဟ့ၣ်တၢ်ဆီၣ်ထွဲမၤစၢၤဒံးအဂ့ၢ်အဂ့ၢ်ပၥ်ဖျါဝဲန့ၣ် လီၤ.
လၢတၢ်န့ၣ်အဃိတနံၤအံၤလၢအလီၤဘၣ်ဝဲဟီၣ်ခိၣ်ဒီဖျၢၣ်ဘၣ်ကီဘၣ်ခဲမုၢ်နံၤအံၤအဖီခိၣ်ဒ်သိးဒီပှၤဘၣ်ကီဘၣ်ခဲဖိလၢအိၣ်ကီၢ်ကၠီၣ်တဲၣ်တကပၤမ့ၢ်ဂ့ၤ,လၢကီၢ်ပူၤမ့ၢ်ဂ့ၤဒ်သိးကဒိးန့ၢ်ဘၣ်ဝဲတၢ်ဆီၣ်ထွဲမၤစၢၤဒီးတၢ်ခွဲးတၢ်ယၤသ့ၣ်တဖၣ်အဂီၢ်(TBC)ဃ့ၢ်ထီၣ်ဝဲဒၣ်ကီၢ်ကၠီၣ်တဲၣ်ပဒိၣ်ဒီးထံဂုၤကီၢ်ဂၤသ့ၣ်တဖၣ်ဒ်အံၤလီၤအဂ့ၢ်သ့ၣ်ညါဘၣ်န့ၣ်လီၤ.
လါယူၤ ၁၉ သီ, ၂၀၂၅ နံၣ်, ခ့ၣ်အဲးစံၣ်
သထူၣ်,ကၠဲးထိၣ်ဒီးဘံလ့ကီၢ်ဆၣ်အပူၤ စးထီၣ်ဖဲတလါယူၤတလါအံၤအတီၢ်ပူၤန့ၣ် သုးကီၣ်ကးအပှၤသမံသမိးဖီၣ်၀ဲသိလ့ၣ်ဒီး သိလ့ၣ်ယီၢ်(စဲးကၢး)လၢအလံၥ်လဲၢ်တအိၣ်ဘၣ်တဖၣ်ဟဲအါထီၣ်အဃိ ခိခိၣ်ဒူသ၀ီကမျၢၢ်တဖၣ်လဲၤလီၤလၢ၀့ၢ်ပူၤ တဘူၣ်လၢၤဘၣ် အဂ့ၢ်န့ၣ် လီၢ်က၀ီၤကမျၢၢ်တဖၣ်စံး၀ဲန့ၣ်လီၤ.
ဖဲအပူၤကွံၥ်လါမ့ၤ ၂၀ သီ န့ၣ်ပၠံၣ်တီၣ်တၢ်အိၣ်ဖှိၣ်အခါ သုးမီၤစိရိၤအခိၣ် မ့အီၣ်လဲၣ် စံးလီၤ၀ဲလၢသိလ့ၣ်,သိလ့ၣ်ယီၢ်လၢအလံၥ် အလဲၢ်တအိၣ်ဘၣ်တဖၣ်တၢ်ကဘၣ်ဖီၣ်ဟံထီၣ်ဖီၣ်ထီၣ်အရ့ဒီးဖဲန့ၣ်၀ံၤလီၢ်ခံစးထီၣ်ဖဲလါယူၤ ၁ သီအနံၤန့ၣ် လၢကီၢ်ပယီၤတၢ်လီၢ် အါတီၤအပူၤ တၢ်ဖီၣ်၀ဲသိလ့ၣ်,စဲးကၢး လၢအလံၥ်အလဲၢ်တအိၣ်ဘၣ်တဖၣ်ဟဲအိၣ်ထီၣ်၀ဲန့ၣ်လီၤ.
ဒ်န့ၣ်အသိးလၢကၠဲးထိၣ်ကီၢ်ဆၣ်,ဘံလ့ကီၢ်ဆၣ်,သထူၣ်ကီၢ်ဆၣ် ၀့ၢ်ပူၤ၀့ၢ်ချၢကျဲဖးဒ့တၢ်လီၢ်သ့ၣ်တဖၣ်န့ၣ် တၢ်အိၣ်ခိးဖီၣ်၀ဲသိလ့ၣ် လၢအလံၥ်အလဲၢ်တအိၣ်ဘၣ်တဖၣ်၀ံၤ စဲးကၢး(သိလ့ၣ်ယီၢ်)ဒီးသိလ့ၣ်တဖၣ်တၢ်ဘၣ်က့ၤရ့ထီၣ်အီၤအိၣ်လၢအကလီၢ်တုၤအကလီၢ် လၢအဆံညါအဂ့ၢ်န့ၣ် ကမျၢၢ်လၢအိၣ်၀့ၢ်ပူၤတဖၣ်စံး၀ဲအသိး သ့ၣ်ညါဘၣ်န့ၣ်လီၤ.
လၢတၢ်န့ၣ်အဃိခီဖျိတၢ်ဖီၣ်သိလ့ၣ်ဒီးဆဲးကၢးအိၣ်ထီၣ်ဒ်အံၤအဖီခိၣ် ကမျၢၢ်လၢအိၣ်ခိခိၣ်ဒူပူၤသ၀ီပူၤသ့ၣ်တဖၣ်လဲၤလီၤဟးလၢ၀့ၢ်ပူၤ တဘူၣ်လၢၤ၀ဲဘၣ်အသိး အ၀ဲသ့ၣ်ဖီၣ်တၢ်ဘျီ၀ဲအံၤဘၣ်ရ့ထီၣ်အမဲၥ်ညါတၢ်သ့ကွံၥ်သိလ့ၣ်ဒုးလီၤ၀ဲလၢဃိၥ်ပူၤစ့ၢ်ကီးအိၣ်၀ဲအဂ့ၢ်န့ၣ် သထူၣ်ကီၢ်ဆၣ်ပူၤကမျၢၢ်တဂၤ စံးဘၣ်ခ့ၣ်အဲးစံၣ်-ကညီတၢ်ကစီၣ်ဒ်အံၤန့ၣ်လီၤ.
“စးထီၣ်ဖဲတလါအံၤထီၣ်န့ၣ်အ၀ဲသ့ၣ်သမံသမိးဖီၣ်တၢ်တုၤလၢခဲအံၤလီၤ.စဲးကၢး,သိလ့ၣ်လၢလံၥ်လဲၢ်တအိၣ်ဘၣ်တဖၣ်န့ၣ်...
လါယူ ၁၉ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢဘျံးဒဝဲၢ်ကီၢ်ရ့ၣ်,တနီသရံၣ်ကီၢ်ဆၣ်,ဖဲလါယူၤ(၁၇)သီအနံၤ, ဂီၤခီ(၉း၀၀)နၣ် ရံၣ်အဆၢကတီၢ်န့ၣ်မ့ၢ်လၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၄)နုၥ်လီၤခးပယီၤသုးအဃိပယီၤသုးအပှၤသံအဂၤ(၁၀)ဘျဲၣ်,အကျါပၣ်ဃုၥ်သုးခိၣ်တဂၤအဂ့ၢ်ခ့ၣ်အဲၣ်ယူၣ်-ဘျံးဒဝဲၢ်ကီၢ်ရ့ၣ်ပၥ်ဖျါဝဲဖဲမဟါလါယူၤ(၁၈)သီအနံၤန့ၣ်လီၤ.
ဖဲအပူၤကွံၥ်လါယူၤ(၁၇)သီအနံၤန့ၣ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်သုးက့(၄),သုးရ့ၣ်(၁၁)သ့ၣ်တဖၣ်နုၥ်လီၤခးဝဲ ပယီၤသုးကီၣ်ကးဖဲမိဒီၢ်-ဘျံးကျဲမုၢ်,ဖဲသံခိသဝီဒီးခၠီနပီးသဝီအဘၢၣ်စၢၤတၢ်ဒုးယံၥ်ဝဲအမံးနံး(၃၀)အတီၢ်ပူၤဒီးပယီၤသုး သံအဂၤ(၁၀)ဘျဲၣ်အကျါပၣ်ဃုၥ်သုးခိၣ်တဂၤအဂ့ၢ်သ့ၣ်ညါဘၣ်ဒ်ခ့ၣ်အဲၣ်ယူၣ်-ဘျံးဒဝဲၢ်ကီၢ်ရ့ၣ်အတၢ်ပၥ်ဖျါအိၣ်ဝဲအသိးန့ၣ်လီၤ.
တကတီၢ်ဃီပယီၤသုးကီၣ်ကးအံၤဖဲတၢ်ဒုးကဲထီၣ်ဝံၤအလီၢ်ခံဖဲတနံၤဃီဝဲန့ၣ်ဟါခီ(၁)နၣ်ရံၣ်ဘျဲၣ်အဆၢကတီၢ်န့ၣ်ဟဲတ့ၢ်လီၤဝဲမ့ၣ်ပိၢ်ဒီးကဘီယူၤဖဲသုးရ့ၣ်(၁၁)ဝဲၤဒၢး,ကနဲဒိၣ်တၢ်လီၢ်တဘျီဒီးဖဲဟါခီဘူးထီၣ်(၆)နၣ်ရံၣ်ဃၣ်ဃၣ်အဆၢကတီၢ်ဟဲတ့ၢ်လီၤကဒီးဝဲမ့ၣ်ပိၢ်ဖဲ(သံခိ)သဝီဒီးခၠီနပီးသဝီအဘၢၣ်စၢၤတဘျီအဂ့ၢ်ခ့ၣ်အဲၣ်ယူၣ်-ဘျံးဒဝဲၢ်ကီၢ်ရ့ၣ်စံးဝဲဒၣ်န့ၣ်လီၤ.
ဒ်န့ၣ်အသိးဖဲမဟါလါယူၤ(၁၈)သီအနံၤဖဲ(မိဒီၢ်-ဘျံး)ကျဲမုၢ်,ဖဲ(က့ၣ်)သဝီအပူၤန့ၣ်တၢ်ဒုးတၢ်ယၤကဲထီၣ်အသးတအိၣ် ဘၣ် ဘၣ်ဆၣ်ပယီၤသုးအံၤဟဲတ့ၢ်လီၤကဒီးမ့ၣ်ပိၢ်(၂)ဖျၢၣ်အသိး ပယီၤသုးကီၣ်ကးအံၤဟီၣ်ကဝီၤလၢတမ့ၢ်ဒုးယၤအလီၢ် ဒၣ်လဲၥ်ဟဲတ့ၢ်လီၤမ့ၣ်ပိၢ်အဃိကမျၢၢ်တဖၣ်ကခူၣ်ပၥ်တၢ်ပူၤအဂ့ၢ်လီၢ်ကဝီၤတၢ်ပၢၢ်ဆၢကရူၢ်ဟ့ၣ်ပလီၢ်ဝဲဒၣ်စ့ၢ်ကီးန့ၣ်လီၤ.
ဘၣ်ဆၣ်ပယီၤသုးကီၣ်ကးကဘီယူၤဟဲတ့ၢ်လီၤမ့ၣ်ပိၢ်တၢ်ကဲထီၣ်အသးအံၤန့ၣ်ဘၣ်ထွဲဒီးကမျၢၢ်တၢ်သံတၢ်ပှၢ်,တၢ်ဘၣ်ဒိဘၣ်ထံးဒီးတၢ်ဟးဂူၥ်ဟးဂီၤတခီဘျံးဒဝဲၢ်ကီၢ်ရ့ၣ်ထုးထီၣ်ပၥ်ဖျါဝဲတအိၣ်ဒံးဘၣ်အဂ့ၢ်သ့ၣ်ညါဘၣ်န့ၣ်လီၤ.
လၢန့ၣ်အမဲၥ်ညါဖဲ(မိဒီၢ်-ဘျံး)ကျဲမုၢ်အဘၢၣ်စၢၤ, ဖဲ(သံခိ)သဝီအပူၤန့ၣ်အပူၤကွံၥ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် သုးရ့ၣ်(၁၁)နုၥ်လီၤခးဝဲပယီၤသုးသ့ၣ်တဖၣ်အိၣ်ဝဲခဲအံၤခဲအံၤအသိးပယီၤသုးအပှၤသံဘၣ်ဒိ,တၢ်ဖီၣ်မူဒံးန့ၢ်ဝဲဒီးတၢ်မၤန့ၢ်ဝဲပယီၤသုးတၢ်စုကဝဲၤ,ကျိချံပှၥ်သၣ်သ့ၣ်တဖၣ်အိၣ်ဝဲအဂ့ၢ်လီၢ်ကဝီၤပှၤဘၣ်မူဘၣ်ဒါဘၣ်ထွဲတဖၣ်စံးဝဲဒၣ်န့ၣ်လီၤ.
မ့ၢ်ဘၣ်ကွၢ်က့ၤဝဲပယီၤသုးကီၣ်ကးအံၤလၢတၢ်ကထီၣ်မၤန့ၢ်ဝဲကီၢ်ဆၢ(မိဒီၢ်)ဝ့ၢ်အဂီၢ်စးထီၣ်လၢပူၤကွံၥ်နံၣ်လါဒံၣ်စဲဘၢၣ်(၁၈)သီအနံၤအခါလံၤလံၤလၢ(ဘျံး)တဆီမၤဝဲသုးကျိၤတၢ်ထီၣ်ဒုးဘၣ်ဆၣ်မ့ၢ်လၢလီၢ်ကဝီၤတၢ်ပၢၢ်ဆၢသုးအိၣ်ခိးခးဝဲအဃိလၢ(၆)လါအတီၢ်ပူၤလံဘၣ်ဆၣ်ပယီၤသုးအံၤအိၣ်ဒံးဝဲဖဲ(မိဒီၢ်-ဘျံး)ကျဲမုၢ်ဖဲ(သံခိ)သဝီအပူၤအဖၢမုၢ်န့ၣ်လီၤ.
လါယူၤ ၁၉ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,မုၢ်တြီၢ်ကီၢ်ရ့ၣ်-သုးက့(၅)ဟီၣ်ကဝီၤအပူၤလၢ(၁၅)သီအတီၢ်ပူၤတၢ်ဒုးကဲထီၣ် ဝဲလၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KLNA)သုးက့(၅)ဒီးပယီၤသုးကီၣ်ကးအဘၢၣ်စၢၤ(၃၅)ဘျီ,ပယီၤသုးတကပၤအပှၤသံ(၁၁)ဂၤအဂ့ၢ်ခ့ၣ်အဲၣ်ယူၣ်-မုၢ်တြီၢ်ကီၢ်ရ့ၣ်ထုးထီၣ်ပၥ်ဖျါဖဲမဟါလါယူၤ(၁၈)သီအနံၤန့ၣ်လီၤ.
စးထီၣ်လၢလါယူၤ(၁)သီတုၤ(၁၅)သီအနံၤလၢလါတဝၥ်အတီၢ်ပူၤန့ၣ်တၢ်ဒုးကဲထီၣ်ဝဲဒၣ်လၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KLNA)သုးက့နီၣ်ဂံၢ်(၅)ဒီးပယီၤသုးကီၣ်ကးအဘၢၣ်စၢၤ(၃၅)ဘျီဒ်အံၤအဖီခိၣ်,ပယီၤသုးတကပၤအပှၤသံ(၁၁)ဂၤအသိးဘၣ်ဒိစ့ၢ်ကီးဝဲ(၁၂)ဂၤအဂ့ၢ်ဒ်တၢ်ပၥ်ဖျါပူၤအသိးသ့ၣ်ညါဘၣ်န့ၣ်လီၤ.
ဒ်န့ၣ်အသိးလၢခံခီခံကပၤတၢ်ဒုးကဲထီၣ်ဝဲ(၃၅)ဘျီဒ်အံၤအဖီခိၣ်လၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KLNA)တကပၤတၢ်ဘၣ်ဒိဘၣ်ထံးအိၣ်ဝဲတဆံးတက့ၢ်အဂ့ၢ်မုၢ်တြီၢ်ကီၢ်ရ့ၣ်ပၥ်ဖျါဝဲဒၣ်အသိးခီဖျိလၢတၢ်ဒုးကဲထီၣ်အဃိပယီၤသုးကီၣ်ကးသ့ၣ်တဖၣ်ခးတပျုၤတပျီၤဝဲကျိဖးဒိၣ်(၂)ဘျီ,လၢကလံၤကျါကဘီယူၤန့ၣ်(၁)ဘျီအဂ့ၢ်ပၥ်ဖျါစ့ၢ်ကီးဝဲန့ၣ်လီၤ.
တကတီၢ်ဃီမ့ၢ်လၢပယီၤသုးကီၣ်ကးခးတပျုၤတပျီၤကျိဖးဒိၣ်,မၤဝဲကလံၤကျါတၢ်ဟဲတ့ၢ်လီၤမ့ၣ်ပိၢ်အဃိမၤဟးဂီၤကွံၥ်ဝဲမုၢ်တြီၢ်ကီၢ်ရ့ၣ်ကမျၢၢ်ဒူဖိသဝီဖိသ့ၣ်တဖၣ်တၢ်ဖံးအီၣ်မၤအီၣ်လီၢ်ကျဲဒီးကမျၢၢ်သ့ၣ်တဖၣ်ပျံၤတၢ်ဖုးတၢ်,ဘၣ်သုးလီၢ်သုးကျဲအိၣ်ထီၣ်ဝဲအဂ့ၢ်ဒ်တၢ်ပၥ်ဖျါပူၤအသိးသ့ၣ်ညါဘၣ်န့ၣ်လီၤ.
ဖဲအပူၤကွံၥ်လါယူၤ(၉)သီအနံၤစ့ၢ်ကီးန့ၣ်ဒွဲၣ်လိၣ်ကီၢ်ဆၣ်ဟီၣ်ကဝီၤအပူၤပယီၤသုးကီၣ်ကးအသုးကလၢၤတဖျၢၣ်လၢအမ့ၢ်(ကတၢတံး)သုးကလၢၤအံၤပယီၤသုးဟဲက့ၤထီၣ်အိၣ်က့ၤဝဲဃုၥ်ဒီးအပှၤနီၣ်ဂံၢ်(၁၀၀)ဃၣ်ဃၣ်အဂ့ၢ်(သုးက့-၅)အ သုးက့ခိၣ်စံးစ့ၢ်ကီးဝဲန့ၣ်လီၤ.
လၢန့ၣ်အမဲၥ်ညါမ့ၢ်ဘၣ်ကွၢ်က့ၤဝဲဖဲအပူၤကွံၥ်မဟါတလါ,လါမ့ၤအတီၢ်ပူၤန့ၣ်မုၢ်တြီၢ်ကီၢ်ရ့ၣ်ဟီၣ်ကဝီၤအပူၤတၢ်ဒုးကဲထီၣ်ဝဲလၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KLNA)ဒီးပယီၤသုးကီၣ်ကးအဘၢၣ်စၢၤ(၈၅)ဘျီ,ပယီၤသုးတကပၤအပှၤသံ(၁၇)ဂၤဒီးဘၣ်ဒိဝဲအိၣ်(၂၂)ဂၤအဂ့ၢ်သ့ၣ်ညါဘၣ်ဒ်အပူၤကွံၥ်မုၢ်တြီၢ်ကီၢ်ရ့ၣ်တၢ်ပၥ်ဖျါပူၤအသိးန့ၣ်လီၤ.
လါယူၤ ၁၈ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ်(သုးက့ ၆)ကီးတရံးကီၢ်ဆၣ် မၠၣ်၀တံၣ်၀့ၢ်ဃၢၤ ဖလူဖးဒိၣ်သ၀ီအပူၤ အပူၤကွံၥ်စှၤသီအခါ တၢ်ဖီၣ်န့ၢ်၀ဲကသံၣ်မူၤဘှီး(၂၄,၉၀၀)ဘျဲၣ်လၢကမျၢၢ်ပိၥ်မုၣ်တဂၤအအိၣ်အဂ့ၢ်န့ၣ် ကီၢ်ရ့ၣ် တၢ်ကစီၣ် ထုးထီၣ်ပၥ်ဖျါ၀ဲဖဲတနံၤအံၤ န့ၣ်လီၤ.
ဖဲအပူၤကွံၥ်လါယူၤ ၁၄ သီ မုၢ်ဃ့ၢ်လီၤ ၂း၂၀ မံးနံးအဆၢကတီၢ်န့ၣ် လၢဖလူဖးဒိၣ် က၀ီၤဒ့(၄)အပူၤ ခီဖျိတၢ်ဒိးန့ၢ်တၢ်ကစီၣ်အဃိ ကီၢ်ရ့ၣ်ဒီးကီၢ်ဆၣ် ကညီဒီကလုၥ်ပၢၤကီၢ်သုး(KNPF)သုးပၥ်ဖှိၣ်ထီၣ်သးနုၥ်လီၤသမံသမိးဒီးဖီၣ်ချုးန့ၢ်၀ဲကသံၣ်မူၤဘှီးလၢ နီၢ်မုၣ်ကါအဟံၣ်ပူၤကဲထီၣ် ဒ်အံၤ န့ၣ်လီၤ.
အဃိလၢတၢ်နုၥ်လီၤသမံသမိးတၢ်ဘျီ၀ဲအံၤန့ၣ် တၢ်ဖီၣ်န့ၢ်၀ဲကသံၣ်မူၤဘှီး(၂၄,၉၂၀)ဖျၢၣ်,ကိးက့(၂)ဖၢ်,လီတဲစိတဖျၢၣ်, (power bank)တဖျၢၣ်ဒီးပသံးထူတဘိအဂ့ၢ်န့ၣ် လံၥ်တၢ်ပၥ်ဖျါအပူၤပၥ်ဖျါ၀ဲန့ၣ်လီၤ.
ကတီၢ်ခါခဲအံၤကမျၢၢ်ပိၥ်မုၣ်လၢတၢ်ဖီၣ်ဃၥ်၀ဲခဲအံၤန့ၣ် တၢ်ကဆဲးဟံထီၣ်ဖီၣ်ထီၣ်အရ့ ဒ်ခ့ၣ်အဲၣ်ယူၣ်တၢ်သိၣ်တၢ်သီတၢ်ဘျၢ အိၣ်၀ဲအသိးအဂ့ၢ်န့ၣ် ခ့ၣ်အဲၣ်ယူၣ်...
လါယူၤ ၁၈ သီ, ၂၀၂၅ နံၣ်, ခ့ၣ်အဲးစံၣ်
မၠၣ်၀တံၣ်ဒီးစွ့ၤကိၣ်ကိၤဟီၣ်က၀ီၤပူၤဒ်သိးကဒိးန့ၢ်ဘၣ်လီမ့ၣ်အူအဂီၢ် တၢ်ရဲၣ်တၢ်ကျဲၤအိၣ်လၢတၢ်ကတ့ထီၣ်၀ဲထံဂံၢ်ဘါလီသ ဟီၣ်ဒီး စဲးဖီကဟၣ်တၢ်မၤလီၢ်ဖးဒိၣ်လၢအလဲၢ်အိၣ်(၂၀၀)အ့ကၢၣ်အံၤအဂ့ၢ်န့ၣ် ကညီသုးခိးကီၢ်ဆၢ(BGF) ပှၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် နဲၤမီၤစီၤ စံးဘၣ်တၢ်ကစီၣ်သန့ဖဲ မဟါလါယူၤ ၁၇ သီလၢ(အီၤလါ)ပူၤအံၤတဆီန့ၣ်လီၤ.
ဒ်တၢ်ကရၢကရိတၢ်အိၣ်ဖှိၣ်လၢတၢ်မၤ၀ဲဖဲအပူၤကွံၥ်လါယူၤ ၁၄ သီအနံၤ တၢ်ဆၢတဲၥ်အိၣ်ထီၣ်လၢအပူၤကွံၥ်စဲးဖီကဟၣ် တၢ်မၤလီၢ် လၢတၢ်တိၥ်လီၤ၀ဲလၢ ကဒုးအိၣ်ထီၣ်၀ဲအံၤ တၢ်ကမၤဖျါထီၣ်အမိၢ်လံၤမိၢ်ပှၢ်ဒီး ဒ်န့ၣ်အသိးစွ့ၤကိၣ်ကိၤဒီးမၠၣ်၀တံၣ်ဟီၣ်က၀ီၤပူၤ ဒ်သိး ကမျၢၢ်ထံဖိကီၢ်ဖိကဒိးန့ၢ်ဘၣ်လီမ့ၣ်အူ(၂၄)နၣ်ရံၣ်ပှဲၤပှဲၤအဂီၢ် ကဒုးအိၣ်ထီၣ်၀ဲထံဂံၢ်ဘါလီသဟီၣ်တၢ်တိၤကျဲၤနီၢ်နီၢ်အဂ့ၢ်န့ၣ် သုးခိၣ်ဒိၣ် ဂီၢ်ဂ့ၢ် နဲၤမီၤစီၤ စံး၀ဲန့ၣ်လီၤ.
အ၀ဲစံး၀ဲလၢ“မၠၣ်၀တံၣ်ဒီးစွ့ၤကိၣ်ကိၤဟီၣ်က၀ီၤပူၤဒ်သိးကဒိးန့ၢ်ဘၣ်လီမ့ၣ်အူ(၂၄)နၣ်ရံၣ်ပှဲၤပှဲၤအဂီၢ်န့ၣ် တၢ်ရဲၣ်တၢ်ကျဲၤအိၣ်လၢတၢ်က ဒုးအိၣ်ထီၣ်၀ဲထံဂံၢ်ဘါလီသဟီၣ်လီၤ.လၢခံတခါန့ၣ်တၢ်ရဲၣ်တၢ်ကျဲၤအိၣ်စ့ၢ်ကီးလၢပကဒုးအိၣ်ထီၣ်၀ဲစဲးဖီကဟၣ်တၢ်မၤလီၢ်လၢအလဲၢ်အိၣ်(၂၀၀)အ့ကၢၣ်အံၤစ့ၢ်လီၤ.တၢ်သ့ၣ်တဖၣ်အံၤပကမၤဖျါထီၣ်အမိၢ်လံၤမိၢ်ပှၢ်.တကးဒံးဘၣ်ဒ်သိးပကဒိးန့ၢ်ဘၣ်တၢ်ဖံးတၢ်မၤအခွဲးအယၥ်အဂီၢ်ဒီးဆူမဲၥ်ညါပတၢ်ကရၢကရိဆဲးအိၣ်ဆၢထၢၣ်ကန့ၢ်အဂီၢ်,ပဟီၣ်က၀ီၤပူၤတၢ်လဲၤထီၣ်လဲၤထီကအိၣ်ထီၣ်အဂီၢ်န့ၣ် ပကဘၣ်ပၥ်လီၤဒီး မၤဖျါထီၣ်တၢ်မၤရဲၣ်ကျဲၤသ့ၣ်တဖၣ်အံၤအမိၢ်လံၤမိၢ်ပှၢ်န့ၣ်လီၤ”အဂ့ၢ်န့ၣ် စံးလီၤ၀ဲလၢတၢ်မၤဆှဲလဲတၢ်ကစီၣ်မူးအပူၤန့ၣ်လီၤ.
တကးဒံးဘၣ်လၢတၢ်ကတ့ထီၣ်ဘှီထီၣ်စဲးဖီကဟၣ်တၢ်မၤလီၢ်အဂီၢ်အံၤစ့ၢ်ကီး (BGF) ကဘၣ်တၢၣ်ပီၣ်တဲသကိးတၢ်ဒီး...
လါယူၤ ၁၈သီ, ၂၀၂၅နံၣ်, ခ့ၣ်အဲးစံၣ်,
ကီၢ်ပယီၤပူၤဒုးယၤတၢ်သဘံၣ်သဘုၣ်အဆၢကတီၢ်,သုးကီၣ်ကးဒီးပှၤလၢအမၤထီဒါဝဲသွံၣ်ထံးမုၣ်ခွါတၢ်စုဆူၣ်ခီၣ်တကးတဖၣ်အံၤတၢ်ကဟံးန့ၢ်အရ့တုၤလီၤတီၤလီၤဒီးတၢ်ကမၤစၢၤပှၤလၢအတူၢ်ဘၣ်တၢ်တဖၣ်ချူးဆၢချူးကတီၢ်အဂီၢ်,Women's League of Burma (WLB)ပှၤဘၣ်မူဘၣ်ဒါတဖၣ်ဆီၣ်တခူထီၣ်ဝဲထံဂုၤကီၢ်ဂၤဒီးကရူၢ်ကရၢဘၣ်ထွဲတဖၣ်န့ၣ်လီၤ.
သုးကီၣ်ကးအံၤ,တစိၤဘၣ်တစိၤဒုးယၤတၢ်သဘံၣ်ဘုၣ်အပူၤသူဝဲတၢ်မၤထီဒါသွံၣ်ထံးမုၣ်ခွါတၢ်စုဆူၣ်ခီၣ်တကးတဖၣ်ဒ်စုကဝဲၤတခါအသိးဒီး,မၤဝဲတၢ်မၤထီဒါသွံၣ်ထံးမုၣ်ခွါလၢကလုၥ်ဒူၣ်ဟီၣ်ကဝီၤပူၤပိၥ်မုၣ်ဒီးဖိသၣ်တဖၣ်အဖီခိၣ်အိၣ်ဝဲတပယူၥ်ဃီဘၣ်ဆၣ်,တၢ်ဟံးထီၣ်ဖီၣ်ထီၣ်အရ့တအိၣ်ဝဲဘၣ်ဒီးပူၤဖျဲးဝဲဒၣ်ဒီးတၢ်ကမၣ်အဂ့ၢ်(WLB)ပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ.
လၢတၢ်န့ၣ်အဃိ,ဒ်သိးတၢ်မၤထီဒါသွံၣ်ထံးမုၣ်ခွါတၢ်စုဆူၣ်ခီၣ်တကးတဖၣ်အံၤကပတုၥ်ကွံၥ်ဝဲအသးအဂီၢ် Political Initiative Team Member, Women's League of Burma (WLB)နီၢ်ဆၢဆၢ ဆီၣ်တခူစံးဝဲဒၣ်ထံဂုၤကီၢ်ဂၤဒီးကရူၢ်ကရၢဘၣ်ထွဲတဖၣ်ဒ်အံၤန့ၣ်လီၤ.
“တၢ်သဘံၣ်သဘုၣ်ကတီၢ်တၢ်မၤထီဒါသွံၣ်ထံးမုၣ်ခွါတၢ်စုဆူၣ်ခီၣ်တကးလၢပိၥ်မုၣ်ပိၥ်မၢၤဒီးဖိဒံဖိသၣ်ပိၥ်မုၣ်တဖၣ်အဖီခိၣ်န့ၣ်တမ့ၢ်ထဲခဲအံၤဘၣ်.ကဲထီၣ်တ့ၢ်သးဖးယံၥ်လံတုၤလၢခဲအံၤဒၣ်လဲၣ်အိၣ်ဒၣ်တၢ်ဒံးလီၤ.ပှၤမၤကမၣ်တၢ်တဖၣ်အံၤတၢ်ဟံးန့ၢ်အရ့တအိၣ်ဘၣ်,ပူၤဖျဲးဝဲအဖီခိၣ်န့ၣ်ပဟ့ၣ်ဂံၢ်ဟ့ၣ်ဘါထံဂုၤကီၢ်ဂၤလၢကဟံးထီၣ်ဖီၣ်ထီၣ်ပှၤသ့ၣ်တဖၣ်အံၤအရ့တုၤလီၤတီၤလီၤအသိးန့ၣ်,ကတိစၢၤမၤစၢၤပှၤတူၢ်ဘၣ်တၢ်ဖိတဖၣ်လၢချူးဆၢချူးကတီၢ်အဂီၢ်န့ၣ်လီၤ.”အဂ့ၢ်စံးဝဲဒၣ်န့ၣ်လီၤ.
လၢန့ၣ်အမဲၥ်ညါ,ဆီၣ်တခူထီၣ်စ့ၢ်ကီးဝဲကီၢ်ပယီၤပူၤကလုၥ်ဒူၣ်ဖီၣ်စုကဝဲၤကရူၢ်ကရၢဃုၥ်ဒီးတၢ်ကရၢကရိသ့ၣ်တဖၣ်လၢကလူၤပိၥ်မၤထွဲဝဲတၢ်ဘျၢဖီလ်စံၣ်လၢတၢ်ကဘၣ်ဒီသဒၢဝဲပိၥ်မုၣ်သ့ၣ်တဖၣ်အသိး,ဒုးယၤတၢ်သဘံၣ်ဘုၣ်ပူၤသွံၣ်ထံးမုၣ်ခွါတၢ်စုဆူၣ်ခီၣ်တကးမ့ၢ်အိၣ်ထီၣ်န့ၣ်တၢ်ဟံးမူဟံးဒါတုၤလီၤတီၤလီၤအဂ့ၢ်,ဆီၣ်တခူထီၣ်ဝဲဒၣ်န့ၣ်လီၤ.
ဒ်န့ၣ်အသိး,ပှၤတဝၢတဖၣ်သုတပဲၥ်အၢပဲၥ်သီ,ပၥ်ကမၣ်ကွၢ်တလီၤပှၤလၢအတူၢ်ဘၣ်တၢ်တဖၣ်ဒီးမ့မ့ၢ်တခီကဒိသူၣ်ဒိသးတိစၢၤမၤစၢၤ,ကဟုကယၥ်နၢ်ပၢၢ်ဝဲပှၤတူၢ်ဘၣ်တၢ်စုဆူၣ်ခီၣ်တကးတဖၣ်အံၤအဂ့ၢ်,စံးစ့ၢ်ကီးဝဲဒၣ်န့ၣ်လီၤ.
(၂၀၂၁)နံၣ်သုးဟံးန့ၢ်တၢ်စိကမီၤအလီၢ်ခံတုၤလၢ(၂၀၂၅)နံၣ်တဝၥ်အပူၤဒုးယၤတၢ်သဘံၣ်ဘုၣ်အတီၢ်ပူၤတၢ်မၤထီဒါဝဲသွံၣ်ထံးမုၣ်ခွါတၢ်စုဆူၣ်ခီၣ်တကးလၢပိၥ်မုၣ်ပိၥ်မၢၤဒီးဖိဒံဖိသၣ်ပိၥ်မုၣ်တဖၣ်အဖီခိၣ်အတၢ်မူးတၢ်ရၢ်ကဲထီၣ်ဝဲ(၉၆၃)မူးအဂ့ၢ်,သ့ၣ်ညါဘၣ်ဒ်(WLB)အတၢ်မၤနီၣ်မၤဃါအိၣ်ဝဲအသိးန့ၣ်လီၤ.
ဒီးတၢ်မူးတၢ်ရၢ်လၢအကဲထီၣ်ဝဲ(၉၀၀)ဘျဲၣ်သ့ၣ်တဖၣ်အံၤမ့ၢ်သုးကီၣ်ကးအပှၤဒီးအစုတီၤဖီလၥ်(ပၠူၤစီထံ)သ့ၣ်တဖၣ်မၤထီဒါဝဲအမဲၥ်ညါ,သုးကီၣ်ကးအပှၤဒိၣ်ကျိၣ်ဒိၣ်စ့ဃုၥ်ဒီးလီၢ်ကဝီၤဖိဃ့ၢ်အိၣ်ကဒုသးကဒဲကဒဲအဘၢၣ်စၢၤကဲထီၣ်သးပၣ်ဃုၥ်ဝဲအဂ့ၢ်,(WLB)ပှၤဘၣ်မူဘၣ်ဒါတဖၣ်စံးစ့ၢ်ကီးဝဲဒၣ်န့ၣ်လီၤ.
လါယူၤ ၁၇ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ် ၀ဲပၠၣ်ကရူၢ်အပူၤ ဖဲမဟါမုၢ်ထူၣ်အဆၢကတီၢ် န့ၣ် ကမျၢၢ်သးစၢ်ပိၥ်ခွါယီၢ်ဘၣ်ကဒီး၀ဲမ့ၣ်ပိၢ်တဂၤအဂ့ၢ်န့ၣ် သ့ၣ်ညါဘၣ်လၢဒူသ၀ီပှၤဘၣ်မူဘၣ်ဒါအအိၣ်န့ၣ်လီၤ.
ဖဲမဟါလါယူၤ ၁၆ သီ မုၢ်ထူၣ် ၁၂း၀၀ နၣ်ရံၣ်ဃၣ်ဃၣ်အဆၢကတီၢ် ၀ဲပၠၣ်သ၀ီဖိ စီၤငဲၤပူၣ်(၂၁)နံၣ်တဂၤအံၤ ဖဲအ၀ဲလဲၤဃုအီၣ် တၢ်ဒိးတၢ်လၣ်လၢ၀ဲပၠၣ်(ဃိၣ်လူၢ်)ကစၢၢ်လၢတၢ်တြီဃၥ်၀ဲဒီးဖဲန့ၣ်ယီၢ်ဘၣ်၀ဲဟီၣ်လၥ်မ့ၣ်ပိၢ်အဃိ အခီၣ်လၢအထွဲ တကပၤ ဘၣ်ဖၠးကွံၥ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤ.
ဒ်န့ၣ်အသိးတၢ်လီၢ်လၢတၢ်ကဲထီၣ်သးခဲအံၤန့ၣ်ခီဖျိပယီၤသုးသူ၀ဲဒၣ်လၢသုးဂ့ၢ်၀ီအဃိလၢတၢ်ဘံၣ်တၢ်ဘၢအဂီၢ် ဘၣ်တၢ်ဒိးလီၤ ဃၥ်၀ဲလီၤဒီးလၢန့ၣ်အမဲၥ်ညါတချုးတၢ်ဒိးလီၤဃၥ်မ့ၣ်ပိၢ်န့ၣ်လီၢ်က၀ီၤပှၤဘၣ်မူဘၣ်ဒါဟ့ၣ်ပလီၢ်ကမျၢၢ်လၢ လ့ၤတက့ၤလဲၤ တန့ၢ်ဘၣ် အိၣ်၀ဲအဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါလၢအိၣ်ဘူးဖဲန့ၣ်တဂၤ စံး၀ဲန့ၣ်လီၤ.
အ၀ဲစံး၀ဲလၢ“အမ့ၢ်လီၤပှၤယီၢ်ဘၣ်မ့ၣ်ပိၢ်တဂၤအံၤအိၣ်လၢ၀ဲပၠၣ်သ၀ီ.တၢ်န့ၣ်အအိၣ်လၢဒဲကလဲၤဃုအီၣ်တၢ်ဒိးတၢ်လၣ်,ဘီၣ်ဧါသၢၣ်.တချုးအလဲၤန့ၣ်အမါတဲအီၤလဲၤတဂ့ၤတၢ်လီၢ်၀ဲန့ၣ်ပှၤလဲၤပှၤတအဲၣ်ဘၣ်.အ၀ဲလဲၤဘျီဘၣ်၀ဲဖဲမုၢ်ထူၣ်ထီၣ်န့ၣ်.အမ့ဃုအီၣ်၀ဲဖဲအဒဲကပိၤကပၤန့ၣ်တဘၣ်နီမံၤဘၣ်.အလဲၤတၢ်န့ၣ်န့ၢ်သးလၢတၢ်လူၢ်ခိၣ်မီၤနီၤ.အခီၣ်န့ၣ်ပှၤဘၣ်ဖၠးဧါသၢၣ်.တၢ်လီၢ်တဒူၣ်န့ၣ်ပှၤတြီဃၥ်ဖးယံၤလံ.ပှၤကမျၢၢ်န့ၣ်တချုးပှၤဒိးလီၤဘၣ်န့ၣ်ပှၤတဲဃၥ်အိၣ်ပှၤတဲမၢ်မၢ်လီၤ.မ့ၣ်ပိၢ်န့ၣ်ပှၤဟ့ၣ်ပလီၢ်ကမျၢၢ်၀ံၤမးပှၤဒိးလီၤ”အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
လၢန့ၣ်အမဲၥ်ညါတၢ်လီၢ်၀ဲန့ၣ်တဘၣ်လၢလီၢ်က၀ီၤကမျၢၢ်လဲၤဖံးလဲၤမၤကျဲဘၣ်အသိးပှၤကညီအမဲၥ်ညါဆၣ်ဖိကီၢ်ဖိ,ကျီၢ်,ပနၢ်စ့ၢ်ကီးတၢ်တဟ့ၣ်အခွဲးလၢကလဲၤ၀ဲဘၣ်အဂ့ၢ်န့ၣ် လီၢ်က၀ီၤကမျၢၢ်လၢအိၣ်ဘူးဖဲန့ၣ်တဖၣ်စံး၀ဲန့ၣ်လီၤ.
ဒ်န့ၣ်အသိးဖဲအပူၤကွံၥ်လါယူၤ ၄ သီ ဂီၤခီ...
လါယူၤ ၁၇သီ, ၂၀၂၅နံၣ်, ခ့ၣ်အဲးစံၣ်,
ကီၢ်ကၠီၣ်တဲၣ်ကီၢ်ပယီၤကီၢ်ဆၢ,မဲၢ်ဆီးဝ့ၢ်ပူၤတၢ်ဖီၣ်ဝဲ(Three-wheeled motorcycle)သိလ့ၢ်ယီၢ်လၢအအိၣ်သၢပၣ်သ့ၣ်တဖၣ်အဃိ,ခီကီၢ်ပှၤမၤတၢ်ဖိလၢအနီသိလ့ၢ်ယီၢ်(၃)ပၣ်သ့ၣ်သဂၢၢ်ဘၣ်ဝဲတၢ်ကီတၢ်ခဲအဂ့ၢ်,ပှၤနီ(Three-wheeled motorcycle)တဖၣ်စံးဝဲဒၣ်န့ၣ်လီၤ.
မဲၢ်ဆီးဝ့ၢ်ကီၢ်ပယီၤခီကီၢ်ပှၤမၤတၢ်ဖိလၢအလုၢ်အီၣ်သးသမူလၢတၢ်နီသိလ့ၣ်ယီၢ်(၃)ပၣ်သ့ၣ်တဖၣ်အံၤညီနုၢ်ဟးဆါဝဲထံ,ဟးတီဆှၢဝဲတၢ်ဖိတၢ်လံၤဒီးဟးတီဆှၢဝဲဒၣ်ကီၢ်ပယီၤပှၤဟးထီၣ်က့ၤလီၤဖိဖဲဝ့ၢ်ပူၤတဖၣ်န့ၣ်လီၤ.
တကီၢ်ခါခဲအံၤ,ခီဖျိကၠီၣ်တဲၣ်ခိၣ်နၢ်ပှၤဘၣ်မူဘၣ်ဒါတဖၣ်ခိးဖီၣ်ဝဲတၢ်လၢကျဲတီၤဒီးတနီၤကူသိးဝဲဒ်မုၢ်ဆ့ၣ်မုၢ်ဂီၤမၤဝဲတၢ်သမံသမိးလၢကျဲကဆူးကတ့ၤတဖၣ်အပူၤအိၣ်ဝဲအဃိ,ခီကီၢ်ပှၤမၤတၢ်ဖိလၢအနီဝဲသိလ့ၣ်ယီၢ်(၃)ပၣ်သ့ၣ်တဖၣ်သဂၢၢ်ဘၣ်ဝဲကျိၣ်စ့တၢ်ဟဲနုၥ်တၢ်ကီတၢ်ခဲအဂ့ၢ်,ပှၤဆါထံဖိတဂၤစံးဝဲဒ်အံၤန့ၣ်လီၤ.
“တနံၤအံၤတီမီဖီၣ်တၢ်သပှၢ်လီၤ.ဖီၣ်ဝဲအါတစဲးအဃိလၢယနၢ်ဟူတဘျီဃီန့ၣ်ယအိၣ်ဘှံးလီၤ.ယတဟးဆှၢထံလၢၤဘၣ်.ပတဟးဆါဘၣ်ထံလၢၤအဃိတၢ်ကီတၢ်ခဲအိၣ်ဝဲ,ပစ့ဟဲနုၥ်တအိၣ်လၢၤဘၣ်မီၤ.ဒ်န့ၣ်အသိးန့ၣ်,ပှၤလၢညီနုၢ်ဟံထံလၢပအိၣ်ဒ်သိးခီနီကျး,လးဖးထံကျးတၢ်အီၣ်ကျးတၢ်လီၢ်သ့ၣ်တဖၣ်န့ၣ်အထံလၢၥ်ကိးနံၤလီၤ.အသုတန့ၢ်ဘၣ်ထံအဃိကဲထီၣ်ဝဲတၢ်ကီတၢ်ခဲန့ၣ်လီၤ.ဘၣ်ခိးကွၢ်တၢ်အိၣ်သးလၢဂီၤမ့ဂ့ၤမး,ကဘၣ်ဆဲးဆှၢဖှိၣ်န့ၢ်က့ၤအဝဲသ့ၣ်လီၤ.”အဂ့ၢ်စံးဝဲဒၣ်န့ၣ်လီၤ.
မဲၢ်ဆီးဝ့ၢ်ပူၤကီၢ်ပယီၤခီကီၢ်ပှၤမၤတၢ်ဖိလၢအနီဝဲ(Three-wheeled motorcycle)ဟးဆါဝဲထံတဖၣ်အံၤညီနုၢ်ဘၣ်ဟ့ၣ်လီၤဝဲကၠီၣ်တဲၣ်ပၢၤကီၢ်ခိသွဲ(၅၀၀)ဘးကိးလါဒဲးအိၣ်ဝဲဒီးမ့မ့ၢ်ပှၤလၢအတီဆှၢတၢ်ဖိတၢ်လံၤဒီးတီဆှၢတၢ်ဟးထီၣ်က့ၤလီၤသ့ၣ်တဖၣ်တခီဘၣ်ဟ့ၣ်ဝဲပၢၤကီၢ်(၃၀၀၀)ဆူဖီခိၣ်အိၣ်ဝဲအဂ့ၢ်,ခီကီၢ်ပှၤမၤတၢ်ဖိတဖၣ်စံးဝဲဒၣ်န့ၣ်လီၤ.
ဒီးတၢ်ဖီၣ်ဝဲသိလ့ၣ်ယီၢ်အံၤမ့ၢ်ကၠီၣ်တဲၣ်ပှၤဘၣ်မူဘၣ်ဒါလၢထးတဖၣ်အတၢ်ရဲၣ်တၢ်ကျဲၤအဂ့ၢ်,သ့ၣ်ညါဘၣ်လၢခီကီၢ်ပှၤမၤတၢ်ဖိတဖၣ်အအိၣ်န့ၣ်လီၤ.
ဒ်န့ၣ်အသိး,ခီကီၢ်ပှၤမၤတၢ်ဖိလၢအနီဝဲသိလ့ၣ်ယီၢ်(၃)ပၣ်သ့ၣ်တဖၣ်အံၤတၢ်ဖီၣ်ဝဲအီၤခီဖျိမၤဝဲတၢ်ဖံးတၢ်မၤလၢကၠီၣ်တဲၣ်ပၥ်ပနီၣ်ဝဲလၢထံဂုၤကီၢ်ဂၤပှၤမၤတၢ်ဖိတဖၣ်မၤဝဲခွဲးယၥ်တအိၣ်ဘၣ်သ့ၣ်တဖၣ်အဃိအဂ့ၢ်ဒီး,ဂုၥ်န့ၢ်ဝဲကၠီၣ်တဲၣ်ပှၤမၤတၢ်ဖိတဖၣ်အတၢ်ဖံးတၢ်မၤခွဲးယၥ်အဃိအဂ့ၢ်,သ့ၣ်ညါဘၣ်ဒ်ခီကီၢ်ပှၤမၤတၢ်ဖိတဖၣ်စံးဝဲအသိးန့ၣ်လီၤ.
လါယူၤ ၁၆ သီ, ၂၀၂၅ နံၣ်, ခ့ၣ်အဲးစံၣ်
အံလူၢ်ကရူၢ်ဒီးတကွံပူၤကရူၢ်လၢအိၣ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ်အပူၤအံၤ တနံၤဃီအတီၢ်ပူၤ ခီဖျိပယီၤသုးကျိဖးဒိၣ်အဃိ ကမျၢၢ်ပိၥ်မုၣ်ဘၣ်ဒိ(၂)ဂၤအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤပှၤဘၣ်မူ ဘၣ်ဒါ အအိၣ် န့ၣ် လီၤ.
ဖဲလါယူၤ ၁၄ သီ ဂီၤခီ ၁၀း၁၀ မံးနံးအဆၢကတီၢ် တၢ်ဒုးကဲထီၣ်တအိၣ်ပယီၤသုးခီၣ်ချ့သုးရ့ၣ်(ခမရ-၃)ခးလီၤ(၁၂၀ မမ)ကျိဖးဒိၣ် (၃)ဖျၢၣ်ဆူ တကွံပူၤကရူၢ် စံကိ(ဇီးကုန်း)သဝီပူၤအဃိ ဒီၤအ့ဆါ(၅၃)နံၣ်အံၤကျိဖးဒိၣ်အက့အခီဘၣ်၀ဲအခီၣ်ကံၣ်ဒုၣ်ဒီးလၢန့ၣ်အမဲၥ် ညါဟံၣ်ဘၣ်ဒိဘၣ်ထံး၀ဲ(၂)ဖျၢၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ.
တကတီၢ်ဃီတၢ်ကဲထီၣ်သး၀ံၤတနံၤဃီဖဲဟါခီ ၅း၀၃ မံးနံးအဆၢကတီၢ်န့ၣ်စ့ၢ်ကီး ပယီၤသုးတဒူၣ်ဃီ၀ဲအံၤခးလီၤကဒီး၀ဲ(၁၂၀ မမ) ကျိဖးဒိၣ်(၂)ဖျၢၣ်လီၤတဲၥ်ပိၢ်ဖးထီၣ်လၢအံလူၢ်ကရူၢ် အံလူၢ်ဒိၣ်သ၀ီပူၤတဖျၢၣ်ဒီးသ၀ီချၢတဖျၢၣ်အဃိ မၣ်၀ၤ၀ၤအူ(၃၀)နံၣ်အံၤ ကျိဖးဒိၣ်အက့အဃိဘၣ်စ့ၢ်ကီး၀ဲအခီၣ်ကံၣ်ဒုၣ်အဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါစံး၀ဲန့ၣ်လီၤ.
ဒ်န့ၣ်အသိးဖဲအပူၤကွံၥ်လါယူၤ ၁၁...