ခ့ၣ်အဲးစံၣ် – KIC News

လါဖ့ၤဘြူၤအါရံၤ ၁၀သီ, ၂၀၂၅နံၣ်, ခ့ၣ်အဲးစံၣ်, ကီၢ်ကၠီၣ်တဲၣ်,ကီၢ်ပယီၤကီၢ်ဆၢကညီဘၣ်ကီဘၣ်ခဲဒဲကဝီၤတနီၤအပူၤ,စးထီၣ်ဖဲတလါအံၤလါဖ့ၤဘြူၤအါရံၤအပူၤတၢ်စးထီၣ်ပတုၥ်ကွံၥ်ဝဲ(Standard)ပှၤပတီၢ်မုၢ်ဖိကရူၢ်အဟံၣ်ဖိဃီဖိတဖၣ်တၢ်အီၣ်မိၢ်ပှၢ်လံအဂ့ၢ်,သ့ၣ်ညါဘၣ်လၢဒဲကဝီၤပှၤဘၣ်မူဘၣ်ဒါဒီးဒဲကဝီၤဖိတဖၣ်အအိၣ်န့ၣ်လီၤ. ဘၣ်ဃး(Standard)ဟံၣ်ဖိဃီဖိကရူၢ်တၢ်အီၣ်တၢ်ဆီၣ်ထွဲမၤစၢၤပတုၥ်ကွံၥ်သးအဖီခိၣ်,မဲၢ်လးဒဲကဝီၤခိၣ်စီၤစၢဒ့စံးဝဲဒ်အံၤန့ၣ်လီၤ. “စးထီၣ်ဖဲလါဖ့ၤဘြူၤအါရံၤလၢၥ်(၂၀၂၆)အံၤပှၤပတီၢ်မုၢ်ဖိ(Standard)ဖိတဖၣ်တဒိးန့ၢ်ဘၣ်တၢ်အီၣ်လၢၤဘၣ်.(TBC)ရၤလီၤဒုးသ့ၣ်ညါဝဲအိၣ်ခံလါသၢလါလံ,ဘၣ်ဆၣ်သနၥ်က့မ့မ့ၢ်ပှၤ(Standard)ဖိလၢနးနးကျံးကျံးတဖၣ်န့ၢ်ခီန့ၣ်,မ့ဖိးမံလိၥ်သးဒီး(CMT)တၢ်ဘျၢဒုတၢ်ခွဲးတၢ်ယၥ်အိၣ်လၢကပတံထီၣ်က့ၤဝဲန့ၣ်လီၤ”အဂ့ၢ်စံးဝဲန့ၣ်လီၤ. ဘၣ်ကီဘၣ်ခဲဒဲကဝီၤတဖၣ်အပူၤ(Standard)ပှၤပတီၢ်မုၢ်ဖိဟံၣ်ဖိဃီဖိဟံၣ်ဒူၣ်သ့ၣ်တဖၣ်အံၤ,စးထီၣ်လၢအပူၤကွံၥ်(၂၀၂၅)နံၣ်လါအ့ဖြ့ၣ်ဒီးလါမ့ၤအခါလံၤလံၤတၢ်အီၣ်တၢ်အီတၢ်ဆီၣ်ထွဲမၤစၢၤလီၤစှၤကွံၥ်ဝဲဒၣ်ဒီးခီဖျိသဂၢၢ်ဘၣ်ဝဲတၢ်ဃံးတၢ်စ့ၤအဃိ,(၂၀၂၅)လါယူၤဒီးလါယူၤလံအပူၤက့ၤဒိးန့ၢ်အါထီၣ်ကဒါက့ၤဝဲတၢ်အီၣ်တၢ်အီတၢ်ဆီၣ်ထွဲမၤစၢၤဘၣ်ဆၣ်,တနံၣ်အံၤ(၂၀၂၆)နံၣ်လါဖ့ၤဘြူၤအါရံၤအပူၤတၢ်အီၣ်တၢ်ဆီၣ်ထွဲမၤစၢၤပတုၥ်ကွံၥ်ဝဲအသးလီၤအဂ့ၢ်,သ့ၣ်ညါဘၣ်န့ၣ်လီၤ. တၢ်အီၣ်ပတုၥ်ဝဲသးအဖီခိၣ်,တကီၢ်ခါခဲအံၤဘၣ်အိၣ်ဝဲလၢတၢ်ဃံးတၢ်စ့ၤအပူၤဒီးပှၤတနီၤလဲၤပတံထီၣ်ဝဲခွဲးယၥ်အိၣ်ဘၣ်ဆၣ်တုၤခဲအံၤတဒိးန့ၢ်ဘၣ်ဝဲတၢ်စံးဆၢနီတမံၤဒံးဘၣ်အဂ့ၢ်,နိၣ်ဖိဒဲကဝီၤပိၥ်မုၣ်တဂၤစံးဝဲဒ်အံၤန့ၣ်လီၤ. “တၢ်အီၣ်စးထီၣ်ပတုၥ်လၢၥ်ပမၤတဘၣ်ဘၣ်ပဘၣ်ဃုအီၣ်ဃၤအီၣ်ဝဲ,ပဟုဘ့ၣ်ဟုသးလၢၥ်လံ,ပကလဲၤဃုတၢ်မၤလၢတၢ်ချၢနါက့ခဲအံၤပဟီၣ်ကဝီၤတၢ်ဖံးတၢ်မၤလီၤဆီတအိၣ်နီမံၤဘၣ်.တၢ်မၤလီၤစှၤလံ.ဒဲကဝီၤပူၤတၢ်ကရၢကရိတနီၤတပတုၥ်အသးခဲလၢၥ်ဒံးအဃိပလဲၤမၤပန့ၢ်တဂၤတလါ(၁၅၀၀)ဘးဘၣ်ဆၣ်အီၣ်တလၢဘၣ်.ပှၤတဲလၢပှၤတနီၤတီၣ်ထီၣ်ကဒါက့ၤတၢ်အီၣ်တၢ်ခွဲးတၢ်ယၥ်အိၣ်နါက့ပကဝီၤဒ့ပူၤပှၤတီၣ်ထီၣ်ဟံၣ်(၂၀)ဖျၢၣ်,တန့ၢ်နီၤဂၤဒံး,တသ့ၣ်ညါတၢ်လီၤတံၢ်နီမံၤဒံးဘၣ်”အဂ့ၢ်စံးဝဲန့ၣ်လီၤ. ဘၣ်ကီဘၣ်ခဲဒဲကဝီၤတဖၣ်အပူၤတၢ်ထွဲမၤစၢၤလီၤစှၤကွံၥ်ဝဲဒၣ်ကယီကယီအလီၢ်ခံ(TBC)ရဲၣ်ကျဲၤဝဲလၢကဒုးသူဝဲဒဲကဝီၤဖိတဖၣ်တၢ်အီၣ်ကး(ခ်)လၢတၢ်မၤလီၤစှၤတၢ်လၢဘူၣ်လၢၤစ့ၤအဂီၢ်ဒီး နီၤဖးလီၤဝဲပှၤကရူၢ်(၄)ဖုလၢအမ့ၢ် ပတီၢ်မုၢ်ဟံၣ်ဖိဃီဖိ,ပှၤလိၣ်ဘၣ်တၢ်မၤစၢၤ,ပှၤလိၣ်ဘၣ်တၢ်မၤစၢၤလီၤဆီဒိၣ်ဒီးနီၢ်ကစၢ်မၤစၢၤလီၤသးသ့သ့ၣ်တဖၣ်အဂ့ၢ်,သ့ၣ်ညါဘၣ်န့ၣ်လီၤ. ဒီးပှၤ(Standard)ဟံၣ်ဒူၣ်တဖၣ်အံၤတဒိးန့ၢ်ဘၣ်ဝဲတၢ်အီၣ်တၢ်ဆီၣ်ထွဲလၢၤဘၣ်ဆၣ်,မ့မ့ၢ်ပှၤလိၣ်ဘၣ်တၢ်မၤစၢၤဒီး,ပှၤလိၣ်ဘၣ်တၢ်မၤစၢၤလီၤဆီဒိၣ်တဖၣ်တခီဒိးန့ၢ်ဘၣ်ဝဲတၢ်မၤစၢၤဒ်လီၢ်လီၢ်အသိးလီၤအဂ့ၢ်,သ့ၣ်ညါဘၣ်ဒ်ဒဲကဝီၤပှၤဘၣ်မူဘၣ်ဒါတဖၣ်စံးဝဲဒၣ်အသိးန့ၣ်လီၤ. (၂၀၂၆)နံၣ်အပူၤ,ဘၣ်ကီဘၣ်ခဲဒဲကဝီၤဖိတဖၣ်ကသဂၢၢ်ဘၣ်ဝဲတၢ်တၤတၢ်လၢတၢ်ဒိးန့ၢ်ဘၣ်တၢ်ဆီၣ်ထွဲမၤစၢၤဒ်အမ့ၢ်သွး,ထံအီ,မ့ၣ်အူလဲ,ကသံၣ်ကသီဒီးတၢ်ဆီၣ်ထွဲပှၤမၤစၢၤကသံၣ်ကသီပှၤမၤတၢ်ဖိဘူးလဲတဖၣ်အိၣ်ထီၣ်ဝဲအဂ့ၢ်,ဒဲကဝီၤပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ. ဒ်န့ၣ်အသိး,တၢ်တၤတၢ်အါမံၤအဃိဒဲကဝီၤဖိတဖၣ်ကဘၣ်ဆၢထၢၣ်က့ၤဝဲလၢအနီၢ်ကစၢ်ခီၣ်အဖီခိၣ်,ဒဲကဝီၤခိၣ်နၢ်တဖၣ်ကမၤသကိးဝဲတၢ်ဒီးကမျၢၢ်လၢအဂ့ၤကတၢၢ်အဂ့ၢ်,ဒဲကဝီၤပှၤဘၣ်မူဘၣ်ဒါတဖၣ်ကတိၤပၥ်ဖျါဝဲဒၣ်န့ၣ်လီၤ.

လါဖ့ၤဘြူၤအါရံၤ ၉ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ် အံလူၢ်ကရူၢ်အပူၤ ပယီၤသုးကျိၤနုၥ်လီၤအါအါဂီၢ်ဂီၢ်တၢ်ဒုးကဲထီၣ်ဝဲဒီး က့ၤစိၥ်ဃုၥ်ဝဲသဝီ(၂)ဖျၢၣ် ကမျၢၢ်အစဲးကၢးတစှၤန့ၢ်(၁၇)ခိၣ်ဃုၥ်ဒီးတၢ်ဖိတၢ်လံၤလၢအဂၤအဂ့ၢ်န့ၣ် သဝီအံၤပှၤဘၣ်မူဘၣ်ဒါ စံးဝဲအသိး သ့ၣ်ညါဘၣ်န့ၣ်လီၤ. ဖဲတလါအံၤလါဖ့ၤဘြူၤအါရံၤ ၆ သီအနံၤန့ၣ် သုးမီၤစိရိၤအသုးတြိၤ(၄၄)စုတီၤဖီၥ်လၥ်လၢသုးဂံၢ်ဘါကအိၣ်လၢ(၁၀၀)ဘျဲၣ် ၂၀၀ ခိၣ်ဃၢၤအံၤ နုၥ်လီၤဝဲလၢအံလူၢ်ကရူၢ် ဖုဝါသံၣ်သဝီအပူၤ မံဖဲန့ၣ်တနၤဝံၤမုၢ်ဆ့ၣ်ထီၣ်...

လါဖ့ၤဘြူၤအါရံၤ ၉ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဒွဲၣ်လိကီၢ်ဆၣ် ကမၤမိၢ်ဝ့ၢ်ပူၤ ဖဲအပူၤကွံၥ်လါဖ့ၤဘြူၤအါရံၤ ၆ သီအနံၤန့ၣ် ဖိသၣ်မုၣ်(၁၀)နံၣ် တဂၤ လဲၤဖီၣ်ဝဲမ့ၣ်ပိၢ်လီၢ်လံၤတဖျၢၣ်အဃိ ဘၣ်ဒိဘၣ်ထံးဝဲအဂ့ၢ်န့ၣ် သ့ၣ်ညါဘၣ်လၢအဟံၣ်ဖိဃီဖိဒီး ပှၤမၤစၢၤတၢ်ဖိတဖၣ် အအိၣ် န့ၣ်လီၤ. ဖဲ ၆ သီ ကဘၣ်ဖဲဟါခီ ၃း၀၀...

လါဖ့ၤဘြူၤအါရံၤ ၈ သီ, ၂၀၂၆ နံၣ်, ခ့ၣ်အဲးစံၣ် ကညီတၢ်မုၥ်တၢ်ခုၣ်ကီၣ်ကးကရၢ-KNU/KNLA-PC တၢ်ကရၢကရိအပူၤ ခါဆူမဲၥ်ညါကလဲၤသးဘၣ်ဂ့ၢ်ဘၣ်ဝီအဂီၢ် ကမၤဂ့ၤ ထီၣ်ဝဲတၢ်ပၢတၢ်ြပး,သုးဂ့ၢ်ဝီအသိး ကမၤသကိးတၢ်ဒီးကလုၥ်ဒူၣ်တဖၣ်အဂ့ၢ်န့ၣ် ကရူၢ်အံၤဆၢတဲၥ်လီၤဝဲဖဲအိၣ်ဖှိၣ်ဖးဒိၣ် အံၤပူၤ အဂ့ၢ်န့ၣ် သ့ၣ်ညါလၢကရူၢ်ပှၤဘၣ်မူဘၣ်ဒါအအိၣ်န့ၣ်လီၤ. ဖဲလါဖ့ၤဘြူၤအါရံၤ ၄ သီတုၤ ၆ သီအနံၤ လၢ(၃)သီအတီၢ်ပူၤ အဆိကတၢၢ်တဘျီ KNU/KNLA-PC ဖီၣ်စုကဝဲၤကရူၢ် မၤဝဲ...

လါဖ့ၤဘြူၤအါရံၤ ၈ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဟီၣ်ကဝီၤ ဖဲတၢ်ဒုးကဲထီၣ်ဝဲလၢဖၣ်ပူၣ်ဒုးယၤသုးကလၢၤအခါန့ၣ် ခံခီခံကပၤတၢ်သံ တၢ်ဘၣ်ဒိဘၣ်ထံးအိၣ်ဝဲအဂ့ၢ်န့ၣ် KNLA ပှၤဘၣ်မူဘၣ်ဒါစံးဝဲအသိး သ့ၣ်ညါဘၣ်န့ၣ်လီၤ. စးထီၣ်ဖဲတလါအံၤလါဖ့ၤဘြူၤအါရံၤ ၄ သီအနံၤန့ၣ် ပယီၤသုးလၢအိၣ်ဖၣ်ပူၣ်ဒုးယၤသုးကလၢၤတဖၣ်အံၤဒီး ဟီၣ်ကဝီၤ(KNLA) သုးပၥ်ဖှိၣ်အဘၢၣ်စၢၤတၢ်ဒုးဆူၣ်ထီၣ်ဝဲအဃိ ဖဲန့ၣ်ပယီၤသုးတကပၤသံဘၣ်ဒိဘၣ်ထံးအိၣ်အိၣ်အါမးအဂ့ၢ်န့ၣ် စံးဝဲန့ၣ်လီၤ. ဒ်န့ၣ်အသိး တၢ်ဒုးကဲထီၣ်အကတီၢ် ခီဖျိသုးမီၤစိရိၤအံၤသူဝဲကဘီယူၤဟဲခးလီၤတၢ်တပယူၥ်ဃီအဃိ တၢ်ပၢၢ်ဆၢသုးပၥ်ဖှိၣ်ကရူၢ်...

လါဖ့ၤဘြူၤအါရံၤ ၇ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ချၢၣ်လွံၢ်ထူၣ်ကီၢ်ရ့ၣ်(သုးက့ ၃)ဒီး ဒူသထူၣ်ကီၢ်ရ့ၣ်(သုးက့ ၁)ဟီၣ်ကဝီၤအပူၤ ခီဖျိလၢသုးမီၤစိရိၤအကဘီယူၤ, ကျိဖးဒိၣ်ဒီးဒြိအံၤအဃိ ၅ သီအတီၢ်ပူၤ ကမျၢၢ်သံ ၃ ဂၤအကျါပၣ်ဃုၥ်ဝဲဖိသၣ်(၉)နံၣ်တဂၤ ဒီး ဟံၣ်တၢ်သူၣ်ထီၣ်ဟးဂီၤဝဲ ၁၉ ဖျၢၣ် အဂ့ၢ်န့ၣ် သ့ၣ်ညါဘၣ်န့ၣ်လီၤ. ချၢၣ်လွံၢ်ထူၣ်ကီၢ်ရ့ၣ်(သုးက့ ၃)...

လါဖ့ၤဘြူၤအါရံၤ ၇ သီ, ၂၀၂၆ နံၣ်, ခ့ၣ်အဲးစံၣ် ကီၢ်ကၠီၣ်တဲၣ်-ကီၢ်ပယီၤကီၢ်ဆၢ မဲၢ်လးဘၣ်ကီဘၣ်ခဲဒဲကဝီၤတဘ့ၣ်လၢပှၤနီၣ်ဂံၢ်အါကတၢၢ်အံၤ ဖဲတနံၤအံၤ ကမျၢၢ်ပိၥ်ခွါ စၢၢ်သံလီၤကဒီးအကိၥ်တဂၤကဲထီၣ်ဝဲအဂ့ၢ်န့ၣ် သ့ၣ်ညါဘၣ်လၢဒဲကဝီၤပှၤဘၣ်မူဘၣ်ဒါအအိၣ်န့ၣ်လီၤ. ကမျၢၢ်ပိၥ်ခွါလၢအစၢၢ်သံလီၤကိၥ်တဂၤအံၤအမံၤမ့ၢ်ဝဲ စီၤမီၤဒါပံၥ် သးနံၣ်အိၣ်ဝဲ(၅၂)နံၣ် အိၣ်ဝဲလၢ(Zone-B B3-B)န့ၣ်လီၤ. စီၤမီၤဒါပံၥ်အံၤ ဖဲမဟါလါဖ့ၤဘြူၤအါရံၤ ၆ သီမုၢ်နၤခီ ၁၂ နၣ်ရံၣ်ဃၣ်ဃၣ်အဆၢကတီၢ်န့ၣ်လီၤမၢ်ဝဲဒီး မုၢ်ဆ့ၣ်ထီၣ်ဖဲတနံၤအံၤ ၇ သီ...

လါဖ့ၤဘြူၤအါရံၤ ၆ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)သထူၣ်ကီၢ်ဆၣ် ဝ့ၢ်တကူၣ်-မီၣ်လမၠဲၣ်ကျဲ စွ့ၣ်အ့ၣ်ဒိၢ်သဝီဖိလၢပယီၤသုးဖီၣ်က့ၤကိးဝဲအံၤ န့ၢ်ခံနွံဘျဲၣ်လံဘၣ်ဆၣ် တုၤလၢခဲအံၤတၢ်တပျၢ်လီၤဝဲဒံးဘၣ်ဒီးတၢ်တပျဲဒုးထံၣ်စ့ၢ်ကီးအီၤလၢအဟံၣ်ဖိဃီဖိဘၣ်အဂ့ၢ်န့ၣ် သ့ၣ်ညါဘၣ်လၢ သဝီပှၤဘၣ်မူ ဘၣ်ဒါ အအိၣ်န့ၣ်လီၤ. ပယီၤသုးအံၤဟ့ၣ်ထီၣ်တၢ်ဂ့ၢ်လၢသဝီဖိတဂၤအံၤတၢ်ဘၣ်ထွဲအိၣ်ဒီး(PDF)အဃိ ဖဲအပူၤကွံၥ်လါယနူၤအါရံၤ ၂၀ သီ အနံၤန့ၣ် ပယီၤသုးတမှံၤ လၢအိၣ်ကီးတရံးအံၤတဖၣ်ဟဲနုၥ်လီၤလၢ သထၣ်ကီၢ်ဆၣ် ဒီၣ်ယးကရူၢ်...

လါဖ့ၤဘြူၤအါရံၤ ၆ သီ, ၂၀၂၆ နံၣ်, ခ့ၣ်အဲးစံၣ် ဖၣ်ပူၣ်ဒုးယၤသုးကလၢၤလၢအိၣ်ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဟီၣ်ကဝီၤပူၤအံၤ စးထီၣ်ဖဲတလါအံၤ သုးမီၤစိရိၤ သူကဘီယူၤအါဘ့ၣ် မုၢ်နၤမုၢ်ဆါလဲၤတ့ၢ်လီၤဝဲမ့ၣ်ပိၢ်တပယူၥ်ဃီလၢသုးကလၢၤအခိၣ်အဃၢၤအဂ့ၢ်န့ၣ် သ့ၣ်ညါဘၣ်လၢ KNLA ပှၤဘၣ်မူဘၣ်ဒါ အအိၣ် န့ၣ်လီၤ. ဖၣ်ပူၣ်ကလၢၤလၢဟီၣ်ကဝီၤတၢ်ပၢၢ်ဆၢသုးပၥ်ဖှိၣ်ကရူၢ်ကဝီၤခးဝဲန့ၢ်လၢတနံၣ်ဃၣ်ဃၣ်အံၤန့ၣ် သုးကလၢၤအံၤသုတလီၤ တဂ့ၤအဂီၢ် စးထီၣ်ဖဲတလါအံၤလါဖ့ၤဘြူၤအါရံၤထီၣ်အံၤ သုးမီၤစိရိၤအကဘီယူၤဟဲခးလီၤတၢ်အါန့ၢ်ဒံးအပူၤကွံၥ် လါ ဒံးအဂ့ၢ်န့ၣ် သုးက့...

လါဖ့ၤဘြူၤအါရံၤ ၅ သီ, ၂၀၂၆ နံၣ်, ခ့ၣ်အဲးစံၣ် ကီၢ်ကၠီၣ်တဲၣ်-ကီၢ်ပယီၤကီၢ်ဆၢ မဲၢ်တရံးဝၢ်ခီ ဖၣ်အၣ်ကီၢ်ရ့ၣ်(သုးက့ ၇)သ့ၣ်ဘ့ၣ်ထၣ် KNLA သုးဝဲၤလီၢ်ခိၣ်သ့ၣ်တၢ်လီၢ်လၢ အပူၤကွံၥ်တၢ်လဲၤတ့ၢ် လီၤဒြိမ့ၣ်ပိၢ် အံၤန့ၣ် ဖဲတနံၤအံၤ ကညီဒီကလုၥ်စၢဖှိၣ်ကရၢမုၢ်နံၤအတီၢ်ပူၤ ဂီၤခီအဆၢကတီၢ်န့ၣ် တၢ်လဲၤတ့ၢ်လီၤကဒီးဝဲဒြိမ့ၣ်ပိၢ်(၂)ဖျၢၣ်အဂ့ၢ်န့ၣ် သ့ၣ်ညါဘၣ်န့ၣ် လီၤ. ဖဲတနံၤအံၤလါဖ့ၤဘြူၤအါရံၤ ဂီၤခီ ၈း၀၀ နၣ်ရံၣ်ဃၣ်ဃၣ်အဆၢကတီၢ်န့ၣ် Kamikazi...