ခ့ၣ်အဲးစံၣ် – KIC News

လါယူၤလံ ၆ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၣ်စဲၣ် မၠၣ်၀တံၣ်၀့ၢ်ပူၤ တုၤလၢတနံၤအံၤ(လါယူၤလံ ၆)သီအနံၤတစု ၦၤသံလၢခိ၀ံၣ်တၢ်ဆါဃိအိၣ်၀ဲ(၇)ဂၤႇ ၦၤဘၣ်ကူဘၣ်ဂာ်အိၣ်၀ဲ(၃၄၀)ဘျဲၣ်လံအဖီခိၣ် ကၠိတဖၣ်ဘၣ်တၢ်ကးတံၢ်ဃာ်၀ဲခံနွံဒီး တၢ်ကဘၣ်ကးတံၢ်ကျးတနီၤဒီးတၢ်မၤလီၢ်တနီၤအဂ့ၢ် ၦၤဘၣ်မူဘၣ်ဒါလၢအဘၣ်ထွဲတဖၣ်ထုးထီၣ်လံာ်ဟ့ၣ်ပလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲအပူၤကွံာ်စှၤသီအခါ မၠၣ်၀တံၣ်၀့ၢ် တၢ်ထံၣ်န့ၢ်ခိ၀ံၣ်တၢ်ဆါဃၢ်လၢ အထက(၁)ကၠိႇသီခါဖၠၣ်ကၠိ(ဘက)ဃုာ်ဒီး ကၠိသရၣ်/မုၣ်တဖၣ်တဖၣ်ဒီးကၠိဖိအအိၣ်တနီၤ၀ံၤအလီၢ်ခံ ခီဖျိလၢလီၢ်က၀ီၤကမျၢၢ်တဖၣ်အဘၢၣ်စၢၤတၢ်ပဲာ် ထံနီၤဖးအိၣ်ထီၣ်လၢကြၢးကးတံၢ်ကွံာ်ကၠိအိၣ်ထီၣ်အဃိ ကူၣ်သ့၀ဲၤကျိၤထုးထီၣ်ပာ်ဖျါ၀ဲလၢကၠိကဘၣ်ကး တံၢ်ခံနွံစးထီၣ်ဖဲတနံၤအံၤ(လါယူၤလံ...

လါယူၤလံ ၆ သီႇ ၂၀၂၁ နံၣ်ႇ ခ့ၣ်အဲးစံၣ် ကီၢ်ကၠီၣ်တဲၣ်–ကီၢ်ပယီၤကီၢ်ဆၢ တးခ်ကီၢ်ရ့ၣ် ထၣ်စီၤယါကီၢ်ဆၣ် မဲၢ်လးဘၣ်ကီဘၣ်ခဲဒဲက၀ီၤအပူၤ ဖဲမဟါ(လါယူၤလံ ၅)သီအနံၤ ခီဖျိတၢ်ထံၣ်န့ၢ်ခိ၀ံၣ်တၢ်ဆါဃၢ်လၢပိာ်ခွါတဂၤအအိၣ်အဃိ ကတီၢ်အံၤ ဒဲက၀ီၤပူၤတၢ်မၤဃံးထီၣ်တၢ်ဟးထီၣ်က့ၤလီၤခံနွံအဂ့ၢ်န့ၣ် ဒဲက၀ီၤၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ ပိာ်ခွါလၢအအိၣ်ဖဲမဲၢ်လးဘၣ်ကီဘၣ်ခဲဒဲက၀ီၤ Zone-B B3(a) အပူၤတဂၤ ခီဖျိအအိၣ်တဆူၣ်ဘၣ်အဃိ လဲၤဒုးနဲၣ်သးလၢဒဲက၀ီၤတၢ်ဆါဟံၣ်ဒီး ဖဲန့ၣ်တၢ်သမံသမိးအတၢ်ဆါအဆၢထီၣ်လၢ(positive)အဃိ ကၠီၣ်တဲၣ်ၦၤဘၣ်မူဘၣ်ဒါတဖၣ် မၤဃံးထီၣ်၀ဲတၢ်ဟးထီၣ်က့ၤလီၤတဖၣ်လၢဒဲက၀ီၤပူၤအဂ့ၢ်န့ၣ်...

လါယူၤလံ ၆ သီႇ ၂ဝ၂၁နံၣ် ႇ ခ့ၣ်အဲးစံၣ် တနံၣ်ညါအံၤတၢ်မၤလိနံၣ်၂ဝ၂၁-၂ဝ၂၂ အဂီၢ် ခီကီၢ်ကၠိသ့ၣ်တဖၣ်ဂု၁်ကျဲးစၢးကတဲ၁်ကတီၤဃ၁်ဝဲဒၣ်ဒ်သိး ကထီၣ်ဘၣ်က့ၤကၠိအဂီၢ် ဘၣ်ဆၣ် ကီၢ်ကၠီၣ်တဲၣ်အပူၤ ခိဝံၣ် (Covid-19) တၢ်ဆါ ဟဲအါထီၣ်ဝဲအဃိ ကၠိကအိးထီၣ်က့ၤအဂီၢ် ဘၣ်အိၣ်ခိးကနၣ်ဒံး ဝဲတၢ်အိၣ်သးအဂ့ၢ် ခီကီၢ်တၢ်ကူၣ်ဘၣ်ကူၣ်သ့...

လါယူၤလံ ၅ သီႇ ၂၀၂၁ နံၣ်ႇ ခ့ၣ်အဲးစံၣ် တနံၤအံၤ(လါယူၤလံ ၅)သီလၢအလီၤဘၣ်၀ဲကီၢ်သူလ့ၤသုးမုၢ်ဒိၣ်မုၢ်နံၤစိးက့ၤ(၇၂)၀ီတ၀ီအနံၤအံၤ လၢကညီဒီကလုာ်စၢဖှိၣ်ကရၢ -KNU တၢ်ပၢဟီၣ်က၀ီၤကၠိတဖၣ်အပူၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် KNLA တီခိၣ်ရိၣ်မဲဒီးစံးကတိၤလီၤတၢ်တဆံးတက့ၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ KNLA လီၢ်ခၢၣ်သးရဲၣ်ကျဲၤပာ်၀ဲလၢကမၤ၀ဲဒ်တၢ်ရဲၣ်တၢ်ကျဲၤမူးအသိးဘၣ်ဆၣ် ခီဖျိခိ၀ံၣ်တၢ်ဆါဘၣ်ကူဘၣ်ဂာ်တၢ်အိၣ်သးအဃိ မၤ၀ဲတကဲထီၣ်လၢၤဘၣ်ဒီး ခီဖျိနဲၣ်လီၤ၀ဲ တၢ်ဖီလာ်သုးက့ဒီးသုးရ့ၣ်တဖၣ်လၢကမၤ၀ဲလၢဟီၣ်က၀ီၤတၢ်အိၣ်သးအဖီခိၣ်လီၤအဃိ ဘၣ်တၢ်မၤ၀ဲတဆံးတက့ၢ်ဒ်အံၤလီၤအဂ့ၢ်န့ၣ် KNLA ၦၤဘၣ်မူဘၣ်ဒါတဂၤစံး၀ဲန့ၣ်လီၤႉ “ခီဖျိခိ၀ံၣ်ဟဲက့ၤကဲထီၣ်သးအဃိ...

လါယူၤလံ ၅ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ဖဲမဟါလါယူၤလံ ၄ သီအနံၤ ပိာ်ခွါလၢခိ၀ံၣ်ဘၣ်ကူအီၤတဂၤသံကွံာ်၀ဲဒီး မၠၣ်၀တံၣ်၀့ၢ်ပူၤတနွံအတီၢ်ပူၤ ခိ၀ံၣ်တၢ်ဆါဘၣ်ကူဘၣ်ဂာ်ကဲထီၣ်သးဒီး ၦၤသံအိၣ်တုၤ၀ဲလၢ ၃ ဂၤလံအဂ့ၢ်န့ၣ် သ့ၣ်ညါဘၣ်န့ၣ်လီၤႉ မၠၣ်၀တံၣ်၀့ၢ် နီၣ်ဂံၢ်(၃)က၀ီၤဒ့ အလီဖယါကျဲ ပိာ်ခွါလၢအသးနံၣ်အိၣ်(၅၁)နံၣ်တဂၤ သံကွံာ်၀ဲဖဲမဟါလၢခိ၀ံၣ်တၢ်ဆါအဃိလီၤအဂ့ၢ်န့ၣ် မၠၣ်၀တံၣ်၀့ၢ် နီၣ်ဂံၢ်(၃)က၀ီၤဒ့ ပၢပြးရူၦၤဘၣ်မူဘၣ်ဒါတဂၤ...

လါယူၤလံ ၅ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိသုးမီၤစိရိၤအသုးဒီး ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ သုးက့(၅)အဘၢၣ်စၢၤတၢ်ဒုးကဲထီၣ်အဃိ မုၢ်တြီၢ်ကီၢ်ရ့ၣ်ပူၤၦၤဃ့ၢ်မှံဟးဖျိးတဖၣ်အဂီၢ် လိၣ်ဘၣ်ဒံး၀ဲဂ့ၢ်ဂီၢ်အူကသံၣ်ကသီတဖၣ်အဂ့ၢ်န့ၣ် တၢ်ကရၢကရိလၢအမၤစၢၤၦၤဃ့ၢ်မှံဟးဖျိးတဖၣ်စံး၀ဲန့ၣ်လီၤႉ တကီၢ်ခါခဲအံၤတၢ်စူၤခါအတီၢ်ပူၤ ကမျၢၢ်ၦၤဃ့ၢ်မှံဟးဖျိးတဖၣ်အဂီၢ် လိၣ်ဘၣ်ဒံး၀ဲကသံၣ်လၢကကူစါယါဘျါတၢ်ညၣ်ဂိၢ်တၢ်ဆါတဖၣ်ႇတၢ်ဒီတဒၢပစိၤတၢ်ဖိတၢ်လံၤတဖၣ်ဒီး တၢ်ခိၣ်ဒုးႇယၣ်ႇပ့ၢ်ပီၤတဖၣ်အဂ့ၢ်န့ၣ် ကီၢ်သူလ့ၤဆူၣ်ချ့မၤစၢၤ၀ဲၤကျိၤ(KDHW)စံး၀ဲန့ၣ်လီၤႉ KDHW တၢ်သိလိမူဒါခိၣ် စီၤဒိဒိၤအဲၣ်ကလုာ်စံး၀ဲလၢ“ခဲအံၤ ကီၢ်ပူၤၦၤဃ့ၢ်မှံဟးဖျိးတဖၣ်ဟဲက့ၤအိၣ်ကဒုတန့ၢ်ခဲလၢာ်ဒံးဘၣ်ႉ ဘၣ်ဟဲက့ၤခီခီဘၣ်က့ၤအိၣ်ခီခီအဃိန့ၣ် ပလိၣ်ဘၣ်တၢ်မၤစၢၤဃံးဃီၣ်ဒီၣ်ဒ်သိးလၢၦၤမၤစၢၤလၢအပူၤကွံာ်အသိးန့ၣ်မီၤနီၤႉ ခဲအံၤပလိၣ်ဘၣ်န့ၣ်မ့ၢ်၀ဲတၢ်ညၣ်ဂိၢ်ကသံၣ်ႇကသံၣ်ပစိၤႇကသံၣ်ပစိၤလၢၦၤဖူလၢလိၤတဖၣ်ႇပ့ၢ်ပီၤႇယၣ်တဖၣ်မီၤနီၤ”အဂ့ၢ် န့ၣ်...

လါယူၤလံ ၁ သီအနံၤန့ၣ်မ့ၢ်၀ဲဒၣ်ကီၢ်သူလ့ၤတၢ်သူၣ်သကိးသ့ၣ်မုၢ်နံၤန့ၣ်လီၤႉ လၢမုၢ်နံၤအ၀ဲအံၤ ကီၢ်သူလ့ၤသ့ၣ်ၦၢ်၀ဲၤကျိၤ မ့ၢ်အတၢ်ရဲၣ်တၢ်ကျဲၤအိၣ်ဒ်လဲၣ်ဒီးလၢကီၢ်သူလ့ၤဟီၣ်က၀ီၤအပူၤ ဘၣ်ထွဲဒီးတၢ်ကတီၤက့ၤသ့ၣ်ၦၢ်အဂီၢ် မ့ၢ်တၢ်ပာ်လီၤဃာ်၀ဲကျဲသနူအိၣ်ဒ်လဲၣ်န့ၣ် ပဆဲးကျိးသံကွၢ်၀ဲသ့ၣ်ၦၢ်၀ဲၤကျိၤခိၣ် ပဒိၣ်မါဘးထိဒ်အံၤန့ၣ်လီၤႉ တၢ်သံကွၢ်–ဘၣ်ထွဲဒီးကီၢ်သူလ့ၤတၢ်သူၣ်သ့ၣ်မုၢ်နံၤဟဲကဲထီၣ်သးအဂ့ၢ်အကျိၤအခီၣ်ထံးခီၣ်ဘိဒီး အတၢ်ပညိၣ်အခိၣ်သ့ၣ်န့ၣ် ၀ံသးစူၤရှဲပၠးအါထီၣ်န့ၢ်ၦၤတစဲးႉ စံးဆၢ–တၢ်သူၣ်သ့ၣ်မုၢ်နံၤဟဲကဲထီၣ်သးအံၤ လၢနံၣ်ကတၢၢ်တၢ်အိၣ်ဖှိၣ်တဘျီအပူၤန့ၣ် ပတၢ်ပာ်သးအိၣ်ဒီး ပပာ်ပနီၣ်ကီၢ်သူလ့ၤတၢ်သူၣ်သကိးသ့ၣ်မုၢ်နံၤတဂ့ၤဧါန့ၣ် ဖဲန့ၣ်ခိၣ်နၢ်ခၢၣ်စးသ့ၣ်တဖၣ်သးလီၤပလိာ်ကြၢး၀ဲအဃိ ဖဲ(၁၆)ဘျီတဘျီခီကရဲးအပူၤန့ၣ် ပပာ်ဂၢၢ်ပာ်ကျၢၤလၢကီၢ်သူလ့ၤတၢ်သူၣ်သကိးသ့ၣ်မုၢ်နံၤန့ၣ်လီၤႉ တၢတထံၣ်န့ၣ်လၢကီၢ်သူလ့ၤဟီၣ်က၀ီၤအပူၤသ့ၣ်ထူၣ်၀ၣ်ဘိသ့ၣ်တဖၣ်ကအါထီၣ်ဒီး ဒ်သိးသ့ၣ်ၦၢ်တၢ်န့ၢ်ဘျုးတဖၣ်ကဟဲအါထီၣ်အဂီၢ်လီၤႉ ခံထံၣ်တထံၣ်န့ၣ်လၢပၦၤကလုာ်ထံဖိကီၢ်ဖိအကျါတၢ်ပာ်ဖှိၣ်မၤသကိးတၢ်သူၣ်သကိးသ့ၣ်အသးသဟီၣ်ကအိၣ်ထီၣ်အဂီၢ်လီၤႉ အဂၤတခါန့ၣ်ကမျၢၢ်ထံဖိကီၢ်ဖိဒီးပသ့ၣ်ၦၢ်၀ဲၤကျိၤတၢ်ပာ်ဖှိၣ်မၤသကိးအဂံၢ်ကဆူၣ်ထီၣ်အဂီၢ်လီၤႉ ဒ်သိးဒီးပသ့ၣ်ၦၢ်၀ဲၤကျိၤန့ၣ် ဘၣ်ဃးဒီးသ့ၣ်ၦၢ်ကဂုၤထီၣ်ပသီထီၣ်မ့ၢ်ဂ့ၤႇခိၣ်ဃၢၤန့ဆၢၣ်အဖီခိၣ်မ့ၢ်ဂ့ၤန့ၣ်...

လါယူၤလံ ၂ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ မၠၣ်၀တံၣ်၀့ၢ် လၢအသီ(၁၀)အတီၢ်ပူၤ တၢ်ထံၣ်န့ၢ်ၦၤဘၣ်ခိ၀ံၣ်တၢ်ဆါဃၢ်အသီအိၣ်တုၤ၀ဲလၢ(၁၉၈)ဂၤဒီး ဖဲန့ၣ်အကျါသံ၀ဲ ၂ ဂၤအဂ့ၢ်န့ၣ် သ့ၣ်ညါဘၣ်လၢမၠၣ်၀တံၣ်တၢ်တိစၢၤမၤစၢၤၦၤဂ့ၢ်၀ီကရူၢ်အအိၣ်န့ၣ်လီၤႉ စးထီၣ်ဖဲအပူၤကွံာ်လါယူၤ ၂၁ သီတုၤလၢတလါအံၤလါယူၤလံ ၁ သီအနံၤ ဒ်မၠၣ်၀တံၣ်တၢ်ဆါဟံၣ် သမံသမိးမၤကွၢ်၀ဲအသိးန့ၣ် လၢအသီ(၁၀)အတီၢ်ပူၤတၢ်ထံၣ်န့ၢ်ၦၤဘၣ်ခိ၀ံၣ်တၢ်ဆါဃၢ်အိၣ်၀ဲ(၁၉၈)ဂၤဒီး ၦၤဆါလၢအဘၣ်ခိ၀ံၣ်တၢ်ဆါအကျါ ပိာ်ခွါ(၆၃)နံၣ်တဂၤဒီး ပိာ်မုၣ်(၅၁)နံၣ်တဂၤသံ၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ၦၤဆါလၢအဘၣ်ခိ၀ံၣ်တၢ်ဆါဃၢ်တဖၣ်...

လါယူၤလံ ၁ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲလါယူၤလံ ၁သီႇတဂီၤညါအံၤအဆၢကတီၢ် သုးခိးကီၢ်ဆၢ(BGF)သုးဖိလၢအဟံတၢ်ဘံၣ်တၢ်ဘၢ ဖဲကီၢ်ကၠီၣ်တဲၣ်– ကီၢ်ပယီၤကီၢ်ဆၢ မၠၣ်၀တံၣ်နီၣ်ဂံၢ်(၁)တၢ်ရ့လိာ်မုာ်လိာ်တိၤအဖီခိၣ်အံၤ ကဒဲကဒဲအဘၢၣ်စၢၤတၢ်ခးလိာ်သးကဲထီၣ်ဒီးသံ၀ဲ ၂ ဂၤႇ ဘၣ်ဒိ ၁ ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ “တၢ်ကဲထီၣ်သးဖဲလါယူၤလံ ၁ သီႇ ဂီၤခီ ၁ ရံၣ်အဆၢကတီၢ်လီၤႉ နၢ်ဟူကျိသီၣ်ဘၣ်ဆၣ်...

လါယူၤလံ ၁ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ သုးက့(၅)ဟီၣ်က၀ီၤအပူၤ ဖဲအပူၤကွံာ်လါမ့ၤတုၤလၢလါယူၤအတီၢ်ပူၤ တၢ်ဒုးကဲထီၣ်ဒီးသုးမီၤစိရိၤအသုးအဘျီဟဲအါထီၣ်၀ဲဒီး သုးမီၤစိရိၤအသုးစ့ၢ်ကီးသံအါန့ၢ်ဒံးအပူၤကွံာ်လၢညါတလါဒံးအဂ့ၢ်န့ၣ် KNU သုးက့(၅)တၢ်မၤနီၣ်ကိးလါဒဲးတၢ်ဒုးကဲထီၣ်စရီအသိး သ့ၣ်ညါဘၣ်န့ၣ်လီၤႉ ဖဲအပူၤကွံာ်လါမ့ၤအကတၢၢ်တနွံတုၤလၢလါယူၤ ၃၀ သီအနံၤန့ၣ် သုးက့(၅)ဟီၣ်က၀ီၤအပူၤ တၢ်ဒုးကဲထီၣ်ပာ်ဖှိၣ်ခဲလၢာ်အိၣ်၀ဲအဘျီ(၂၀၀)ဘျဲၣ်ဒီး သုးမီၤစိရိၤအသုးသံ(၁၀၀)ဘျဲၣ်ဒီး ဘၣ်ဒိကဒီးအဂၤ(၁၀၀)ဘျဲၣ်အဂ့ၢ်န့ၣ် KNU သုးက့(၅) ၦၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ်...