ခ့ၣ်အဲးစံၣ် – KIC News

လါဖ့ၤဘြူၤအါရံၤ ၃ သီႇ ၂၀၂၁ နံၣ်ႇ စးအဲၣ်ဆူ ဖဲလါယနူၤအါရံၤ ၁ သီအနံၤ တၢ်ကဲထီၣ်သးလၢ ကီၢ်ပယီၤသုးမုၢ်ဒိၣ်ဟံးန့ၢ်က့ၤထံကီၢ်တၢ်စိတၢ်ကမီၤအဖီခိၣ် တတူၢ်လိာ်၀ဲဘၣ်အဂ့ၢ်န့ၣ် ကညီဒီကလုာ်စၢဖှိၣ်ကရၢ (လီၢ်ခၢၣ်သး) ထုးထီၣ်၀ဲလံာ်တၢ်ပာ်သး ဖဲမဟါ လါယနူၤအါရံၤ ၂ သီအနံၤန့ၣ်လီၤႉ ကီၢ်ပယီၤသုးမုၢ်ဒိၣ်ဟံးန့ၢ်ကွံာ်ထံကီၢ်တၢ်စိတၢ်ကမီၤအံၤန့ၣ် ဒံၣ်မိၣ်ခြ့ၣ်စံၣ်က့ၢ်ဂီၤတၢ်ဆီတလဲသးအဖီခိၣ် ဘၣ်ဒိဘၣ်ထံး၀ဲဒၣ်ဒိၣ်ဒိၣ်မုၢ်မုၢ်ဒီး ထံရူၢ်ကီၢ်သဲးတၢ်ဂ့ၢ်ကီန့ၣ် ဘှါရှဲ၀ဲလၢထံရူၢ်ကီၢ်သဲးအကျဲတမ့ၢ်ဘၣ်အဂ့ၢ်န့ၣ် KNU နဲၣ်ရွဲၣ်ခိၣ်ကျၢၢ်...

လါဖ့ၤဘြူၤအါရံၤ ၃ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါ(လါယနူၤအါရံၤ ၂)သီအနံၤ ဒ်ကီၢ်ပယီၤကီၢ်စၢဖှိၣ် သုးမုၢ်ဒိၣ်တၢ်ဒီသဒၢ၀ဲၤလီၢ်ခိၣ်သ့ၣ်ရူ ထုးထီၣ်ပာ်ဖျါ၀ဲအသိးန့ၣ် ပယီၤသုးမီၤစိရိၤပဒိၣ် ဒုးအိၣ်ထီၣ်ထံကီၢ်တၢ်ပၢတၢ်ပြးကီၣ်ကးကရၢဖိအကျါ ပၣ်ဃုာ်၀ဲဒၣ်ဒီး ခ့ၣ်အဲၣ်ယူၣ် ခိၣ်နၢ်လီၢ်လံၤ ပဒိၣ်မါည့မီၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ထွဲဒီးတၢ်ဘိးဘၣ်ရၤလီၤတၢ်ဟ့ၣ်တၢ်ကလုၢ်အံၤ လၢကပာ်ဂၢၢ်ပာ်ကျၢၤအီၤအဂီၢ် ခ့ၣ်အဲးစံၣ်ဆဲးကျိးသံကွၢ်၀ဲပဒိၣ်မါည့မီၣ်ဒီးအ၀ဲစံး၀ဲလၢ“ဘၣ်ထွဲဒီးတၢ်ကစီၣ်န့ၣ်တအဲၣ်ဒိးတဲတၢ်နီတမံၤဘၣ်” အဂ့ၢ်န့ၣ် က့ၤစံးဆၢကဒါ၀ဲန့ၣ်လီၤႉ ဒ်တၢ်သူၣ်ထီၣ်တၢ်ဘျၢသဲစးခိၣ်သ့ၣ် အဆၢဒိၣ်(၄၁၉)အသိး တၢ်ဒုးအိၣ်ထီၣ်၀ဲပၢဆှၢရဲၣ်ကျဲၤပၢပြးကီၣ်ကး...

လါဖ့ၤဘြူၤအါရံၤ ၂ သီႇ ၂၀၂၁ နံၣ်ႇ စးအဲၣ်ဆူ ကညီကီၢ်စဲၣ်အပူၤ ဘၣ်ထွဲဒီးတၢ်ဖီလာ်သုးတၢ်သဘံၣ်သဘုၣ်တၢ်ဂ့ၢ်တဖၣ်အံၤ ဒ်သိးတၢ်ကဘှါရှဲထိၣ်ဃူထိၣ်ဖိးအဂီၢ် ကညီဒီကလုာ်စၢဖှိၣ်ကရၢ -KNU အထဲးဂံၢ်ထဲးဘါအဖီခိၣ် တၢ်က့ၤခီၣ်ဆၢကဒါတအိၣ်နီတမံၤဘၣ်အဃိ အလီၢ်အိၣ်လၢ ထံဂုၤကီၢ်ဂၤကဟ့ၣ်သကိးတၢ်ဆီၣ်သနံးအဂီၢ်လိၣ်၀ဲဒၣ်လံအဂ့ၢ်န့ၣ် KNU စံး၀ဲန့ၣ်လီၤႉ တကီၢ်ခါတၢ်သဘံၣ်သဘုၣ်တဖၣ်အဖီခိၣ် ဒ်သိးကဘှါရှဲ၀ဲအဂီၢ် KNU အံၤ ထဲးဂံၢ်ထဲးဘါလၢကထံၣ်လိာ်ထိၣ်ဃူထိၣ်ဖိးဒီးသုးမုၢ်ဒိၣ် ဘၣ်ဆၣ် ခီဖျိလၢတၢ်က့ၤခီၣ်ဆၢကဒါတအိၣ်နီတမံၤဘၣ်အဃိ တၢ်မုာ်တၢ်ခုၣ်တၢ်မၤအကျဲအံၤ ထံဂုၤကီၢ်ဂၤႇ...

လါဖ့ၤဘြူၤအါရံၤ ၂ သီႇ ၂၀၂၀ နံၣ်ႇ ခ့ၣ်အဲးစံၣ် ဖဲမဟါ(လါဖ့ၤဘြူၤအါရံၤ ၁)ဂီၤခီအဆၢကတီၢ် ခီဖျိလၢတၢ်ဖီၣ်၀ဲဒၣ် ထံကီၢ် ကီၢ်ခိၣ် အူ၀့မၠ့ၣ်ႇ ဒီၣ်အီၣ်ဆါဆူးကၠံၣ်ဃုာ်ဒီး ပဒိၣ်ၦၤပၢဆှၢတၢ်ခိၣ်နၢ်ဒိၣ်ထီတဖၣ်ဒီး ထံရူၢ်ကီၢ်သဲးခိၣ်နၢ်တဖၣ်အဃိ ကီၢ်ပယီၤထံဖိကီၢ်ဖိလၢအတုၤအိၣ်ယပၣ်ထံကီၢ်တဖၣ် ပာ်ဖှိၣ်ထီၣ်သးဒီးပာ်ဖျါထီၣ်တၢ်ဘၣ်သး ဖဲဘီမုၢ်စၢဖှိၣ်ကရၢ(UN)ရူအမဲာ်ညါန့ၣ်လီၤႉ ကီၢ်ပယီၤထံဖိကီၢ်ဖိအကထိလၢအတုၤအိၣ်လၢယပၣ်ထံကီၢ်တဖၣ်အံၤ လဲၤပာ်ဖှိၣ်ထီၣ်သးဒီးကိးသတြီထီၣ်တၢ်ဂ့ၢ်လၢပယီၤကျိာ်ႇယပၣ်ကျိာ်အံၤလၢ ယပၣ်ထံကီၢ်ႇ Shibuya ၀့ၢ် ဘီမုၢ်စၢဖှိၣ်ကရၢ(UN)ရူအမဲာ်ညါလၢ ပျၢ်လီၤက့ၤဒီၣ်အီၣ်ဆါဆူးကၠံၣ်ဃုာ်ဒီး ပဒိၣ်ကိတိာ်ႇ...

လါဖ့ၤဘြူၤအါရံၤ ၁ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ ဖၣ်အၣ်၀့ၢ် ကီၢ်စဲၣ်ပဒိၣ်ကရူၢ်ဖိ ကိတိာ်အဟံၣ်ကရၢၢ်ဒီး ကီၢ်စဲၣ်ဘျီၣ်ဒိၣ်ကရၢၢ်ပူၤတဖၣ် ဖဲတနံၤအံၤ(လါယနူၤအါရံၤ ၁ သီ)ဂီၤခီအဆၢကတီၢ်န့ၣ် ကီၢ်ပယီၤသုးဟဲပာ်လီၤ၀ဲတၢ်ဘံၣ်တၢ်ဘၢအဂ့ၢ်န့ၣ် လီၢ်က၀ီၤဖိလၢအထံၣ်ဘၣ်ဒီးအမဲာ်တဖၣ် စံး၀ဲန့ၣ်လီၤႉ လီၢ်က၀ီၤဖိတဂၤစံး၀ဲလၢ “ဖဲယလဲၤကပာ်ဘၣ်ဒီးထံၣ်လၢကိတိာ်အဟံၣ်န့ၣ် တၢ်ကးတံၢ်၀ဲဒီးထးပဲတြီဃံးဃံးလီၤႉ လၢတၢ်ခိၣ်ထိးန့ၣ် သုးဖိတဖၣ်အိၣ်ခိးတၢ်လီၤႉ ဘျီၣ်ဒိၣ်ရူစ့ၢ်ကီးဒ်န့ၣ်အသိးလီၤႉ ကျဲလၢအဂၤတဖၣ်န့ၣ်ဟးထီၣ်က့ၤလီၤဒ်လၢညါအသိးလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ဖဲတနံၤအံၤဂီၤခီ...

လါယနူၤအါရံၤ ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးကီၢ်ပယီၤပူၤတၢ်ဒုးတၢ်ယာ်ကပတုာ်ကွံာ်အဂီၢ်ဒီး သုးကလၢၤလၢအအိၣ်ဆီလီၤသးလၢကလုာ်ဒူၣ်ဟီၣ်က၀ီၤအပူၤတဖၣ်အံၤ ဒ်သိးတၢ်ကထုးကွံာ်၀ဲအဂီၢ် ကညီႇ ရၢၣ်ခၢၣ်ႇ ကခၠ့ၣ် ဒီး ယိၤဒိၣ်ကလုာ်ဒူၣ်ကရူၢ်ကရၢလၢအတုၤအိၣ်ယပၣ်ကီၢ်တဖၣ် ဖဲလါယနူၤအါရံၤ ၂၇သီအနံၤ မၤ၀ဲပာ်ဖျါထီၣ်တၢ်ဘၣ်သး ဖဲကၠပၣ်ထံကီၢ်ႇ Shibuya ၀့ၢ် ဘီမုၢ်စၢဖှိၣ်ကရၢ(UN)ရူအမဲာ်ညါအဂ့ၢ်န့ၣ် ၦၤတီခိၣ်ရိၣ်မဲတၢ်တဖၣ် စံးဘၣ်ခ့ၣ်အဲးစံၣ်န့ၣ်လီၤႉ တကီၢ်ခါ တၢ်ကဲထီၣ်သးလၢကညီကီၢ်စဲၣ်အပူၤ ပယီၤသုးမုၢ်ဒိၣ်အံၤလုၢ်သ့ၣ်ခါပ...

လါယနူၤအါရံၤ ၂၈ သီႇ ၂၀၂၁ နံၣ်ႇ စီၤမၠၣ်အူသၣ် ကညီကီၢ်စဲၣ် တၢ်အိၣ်ဆူၣ်အိၣ်ချ့ဒီး တၢ်ဂဲၤလိာ်ကွဲကိတိာ်၀ဲၤကျိၤအဖီလာ် ၀ဲၤကျိၤစုာ်စုာ်ၦၤမၤတၢ်ဖိတဖၣ်အံၤ ဖဲလါယနူၤအါရံၤ ၂၇ သီအနံၤန့ၣ် တၢတဘျီတၢ်စးထီၣ်ဆဲးန့ၢ်၀ဲ Covid-19 ကသံၣ်ဒီသဒၢလံအဂ့ၢ်န့ၣ် သ့ၣ်ညါဘၣ်လၢ ကီၢ်စဲၣ်ကမျၢၢ်တၢ်အိၣ်ဆူၣ်အိၣ်ချ့၀ဲၤကျိၤၦၤဘၣ်မူဘၣ်ဒါအအိၣ်န့ၣ်လီၤႉ ကီၢ်ဆၣ် ၇ ဘ့ၣ်အပူၤ တၢ်အိၣ်ဆူၣ်အိၣ်ချ့ဒီးတၢ်ဂဲၤလိာ်ကွဲ၀ဲၤကျိၤ ၦၤမၤတၢ်ဖိတဖၣ်အံၤ ကမျၢၢ်တၢ်ဆါဟံၣ်လၢအဘၣ်ထွဲတဖၣ် တၢ်နီၤဖးလီၤ၀ဲတၢ်ဆၢကတီၢ်ဆဲးန့ၢ်၀ဲကသံၣ်ဒီး ကိတိာ်၀ဲၤကျိၤအဖီလာ်...

လါယနူၤအါရံၤ ၂၈ သီႇ ၂၀၂၁ နံၣ်ႇ စးဖါရှီ ဘံလ့ကီၢ်ဆၣ်အပူၤ လီၢ်က၀ီၤဖိတဖၣ်ဘၣ်ယိၣ်၀ဲလၢသုးတၢ်သဘံၣ်သဘုၣ်ကဟဲက့ၤကဲထီၣ်ကဒါအဃိ ဖဲမဟါ(လါယနူၤအါရံၤ ၂၇ သီ)ဂီၤခီအဆၢကတီၢ်န့ၣ် လီၢ်က၀ီၤဖိတကထိဘျဲၣ် ခံဘျီတဘျီပာ်ဖျါ ထီၣ်ကဒီးတၢ်ဘၣ်သးအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲအပူၤကွံာ် လါဒံၣ်စ့ဘၢၣ်ထီၣ်သီအဆၢကတီၢ်န့ၣ် KNU- ကညီဒီကလုာ်စၢဖှိၣ်ကရၢ သုးက့(၁)ဟီၣ်က၀ီၤတဖၣ်အပူၤ ခီဖျိလၢ ပဒိၣ်သုးမုၢ်ဒိၣ်ဒီး KNU တဖၣ်အဘၢၣ်စၢၤ တၢ်ဖ့ၣ်ဆၢလၢအကဲထီၣ်သးတဆီ တၢ်အိၣ်သးအတၢ်ပိာ်ထွဲထီၣ်အခံတဖၣ်အဃိ...

လါယနူၤအါရံၤ ၂၇ သီႇ ၂၀၂၁ နံၣ်ႇ စီၤရှါ ကညီဒိတၢ်ဂဲၤကလံၣ်အံၤ ကညီကီၢ်စဲၣ်တကးဘၣ်အမဲာ်ညါ ဒ်သိးတၢ်ကသ့ၣ်ညါပာ်ပနီၣ်အီၤတုၤလၢဟီၣ်ခိၣ်ဒီဘ့ၣ်အဂီၢ် ကဂုာ်ကျဲးစၢး၀ဲအဂ့ၢ်န့ၣ် ကညီကီၢ်စဲၣ်ကိတိာ်ခိၣ်ကျၢၢ် နါခ့ၤထွ့မၠ့ၣ် စံးလီၤ၀ဲဖဲမဟါ(လါယနူၤအါရံၤ ၂၆ သီ)အနံၤန့ၣ်လီၤႉ ဒ်သိးတၢ်ကဆှၢနုာ်လီၤကညီလုၢ်လၢ်ဒိတၢ်ဂဲၤကလံၣ်ဆူ(UNESCO)တၢ်ပာ်ပနီၣ်စရီပူၤအဂီၢ် တၢ်မၤ၀ဲတၢ်ဒုးနဲၣ်ထီၣ်တၢ်ဂဲၤကလံၣ်တၢ်ရဲၣ်တၢ်တၢ်ကျဲၤဖဲဖၣ်အၣ်၀့ၢ်ႇ ဖၣ်အၣ်ဖၠၣ်စိမိၤကၠိအပူၤအကတီၢ် ကိတိာ်ခိၣ်ကျၢၢ် ထၢနုာ်စံးလီၤ၀ဲဖဲတၢ်အိးထီၣ်မူးအပူၤန့ၣ်လီၤႉ ကိတိာ်ခိၣ်ကျၢၢ် နါခ့ၤထွ့မၠ့ၣ် စံး၀ဲလၢ “အစိၤဘၣ်အစိၤအနံၣ်တဖၣ်အနံၣ် ဒိတၢ်ဂဲၤကလံၣ်အံၤ ပရဲၣ်သဲကတီၤပၢၤဃာ်၀ဲဒီး တစိၤအံၤပမၤဖျါထီၣ်၀ဲအံၤ...

လါယနူၤအါရံၤ ၂၇ သီႇ ၂၀၂၁ နံၣ်ႇ စးဖါရှီ ဖဲအပူၤကွံာ် လါယနူၤအါရံၤထီၣ်သီအဆၢကတီၢ် ဘၣ်ထွဲဒီးတၢ်ထုးလီၤကွံာ် ကညီဒီကလုာ်ခိၣ်နၢ် စီၤဘးအူကၠံ တၢ်ဂီၤစိးပျၤ ဖဲဘဲကယဲးသ၀ီပူၤတၢ်ဂ့ၢ်အံၤ ဒ်သိးတၢ်ကက့ၤပာ်ထီၣ်ကဒါကန့ၢ်အဂီၢ် ကဂုာ်ကျဲးစၢးဒုးအိၣ်ထီၣ်၀ဲကမံးတံာ်တဒူၣ်လၢအပၣ်ဃုာ်ဒီး ကညီတၢ်ကရၢကရိတဖၣ်စုာ်စုာ်အဂ့ၢ်န့ၣ် သ့ၣ်ညါဘၣ်လၢၦၤတီခိၣ်ရိၣ်မဲဟူးဂဲၤတၢ်ဖိတဖၣ်အအိၣ်န့ၣ်လီၤႉ ဖဲမဟါ လါယနူၤအါရံၤ ၂၆ သီအနံၤ ဒ်သိးတၢ်ကက့ၤပာ်ထီၣ်ကဒါစီၤဘးအူကၠံတၢ်ဂီၤစိးပျၤကန့ၢ်အဂီၢ် ကၤကၠံဒီၣ်ကီၢ်ဆၣ် ကွ့ယါကၠံသ၀ီႇ ပီၤတီၤမူၤကၠိ တၢ်ကွၢ်ကီကျိၣ်အလီၢ်...