ခ့ၣ်အဲးစံၣ် – KIC News

လါယူၤ ၁၄ သီႇ ၂၀၂၁ နံၣ်ႇ ခ့ၣ်အဲးစံၣ် ဘၣ်ထွဲဒီးတၢ်ဒုးကဲထီၣ်လၢကညီဖီၣ်စုက၀ဲၤကဒဲကဒဲအဘၢၣ်စၢၤတၢ်ဂ့ၢ်တဖၣ်အံၤ လၢကဟခဲမုၢ်ဆ့ၣ်(လါယူၤ ၁၅)သီအနံၤ ကညီဖီၣ်စုက၀ဲၤခိၣ်နၢ်ဒိၣ်ထီတဖၣ်ကမၤ၀ဲဒၣ်တၢ်ထံၣ်လိာ်တၢၣ်ပီၣ်တဲသကိးတခါဖဲ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)တၢ်ပၢဟီၣ်က၀ီၤတၢ်လီၢ်တတီၤအပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ တၢ်အိၣ်ဖှိၣ်အ၀ဲအံၤ တၢ်ရိၣ်ဖှိၣ်ဃူဖိးကညီဖီၣ်စုက၀ဲၤကမံးတံာ်တီခိၣ်ရိၣ်မဲ၀ဲဒီး ကွဲမုာ်၀ဲဒၣ်ကညီတၢ်ထူၣ်ဖျဲးသုးမုၢ်ဒိၣ် -KNLA˜ ကညီသုးခိးကီၢ်ဆၢ(BGF)ႇ တၢ်ဘၣ်ဘျုးဒံၣ်မိၣ်ခြ့ၣ်စံၣ် ကညီသုးမုၢ်ဒိၣ်(DKBA)ဒီး KNU/KNLA-PC သုးခိၣ်နၢ်ဒိၣ်ထီတဖၣ်အဂ့ၢ်န့ၣ် ကမံးတံာ်လံာ်ကွဲမုာ်အပူၤ ပာ်ဖျါ၀ဲန့ၣ်လီၤႉ ဘၣ်ထွဲဒီးတၢ်ဂ့ၢ်အံၤ...

လါယူၤ ၁၁ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါ(လါယူၤ ၁၀)သီအနံၤ တၢ်ဖီၣ်၀ဲဖၣ်အၣ်ကီၢ်ဆၣ် ပီၢ်ရီ ၂ ဂၤလၢအလူၤန့ၢ်၀ဲကညီကီၢ်စဲၣ်ကိတိာ်ခိၣ်ကျၢၢ် နါခ့ၤထွ့မၠ့ၣ်ဃုာ်ဒီး ၦၤလၢသုးမီၤစိရိၤဖီၣ်ဒုးဃာ်၀ဲတဖၣ်အတၢ်မူးတၢ်ရၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ပီၢ်ရီ ၂ ဂၤအံၤ လူၤစၢၤ၀ဲဒၣ် ကညီကီၢ်စဲၣ်ကိတိာ်ခိၣ်ကျၢၢ်ဒီးကိတိာ်တဖၣ်အတၢ်မူးတၢ်ရၢ်ႇကညီသးစၢ် စီၤလ့ထဲၣ်တၢ်မူးႇဒီၣ်ကထၢၣ် ခၠိၤယူၣ်မိၤတၢ်မူး ဃုာ်ဒီးတနံၤအံၤ သးစၢ်(၃၆)ဂၤလၢ ကွီၢ်ဘျီၣ်ရူ စံၣ်ညီၣ်လီၤ၀ဲလၢကဘၣ်အိၣ်ဃိာ်ပူၤ...

လါယူၤ ၁၁ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤ(လါယူၤ ၁၁)သီ ဂီၤခီအဆၢကတီၢ် မ့ၣ်ပိၢ်ပိၢ်ဖးထီၣ်လၢကညီကီၢ်စဲၣ် ဖၣ်အၣ်၀့ၢ်ပူၤ တစှၤန့ၢ်ဒံးတၢ်လီၢ် ၇တီၤဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ “ဖဲတဂီၤအံၤ ဂီၤခီ ၅ နၣ်ရံၣ်ဃၣ်ဃၣ်န့ၣ် နၢ််ဟူလၢမ့ၣ်ပိၢ်ပိၢ်ဖးထီၣ်သီၣ်လီၤႉ နၢ်ဟူသီၣ်ဒီတ၀့ၢ်ညါလီၤႉ တစှၤန့ၢ်ဒံးတၢ်လီၢ် ၇ တီၤ နၢ်ဟူမ့ၣ်ပိၢ်ပိၢ်ဖးထီၣ်သီၣ်လီၤ”အဂ့ၢ်န့ၣ် ဖၣ်အၣ် လီၢ်က၀ီၤဖိတဂၤ...

လါယူၤ ၁၁ သီႇ ၂၀၂၁ နံၣ်ႇ ခ့ၣ်အဲးစံၣ် ကီၢ်ကၠီၣ်တဲၣ်=ကီၢ်ပယီၤကီၢ်ဆၢ တးခ်ကီၢ်ရ့ၣ်ႇ ထၣ်ဆီၤယါကီၢ်ဆၣ် မဲၢ်လးဘၣ်ကီဘၣ်ခဲဒဲက၀ီၤအပူၤ ဖဲမဟါ(လါယူၤ ၁၀)သီအနံၤ ကၠီၣ်တဲၣ်ၦၤဘၣ်မူဘၣ်ဒါတဖၣ် ဖီၣ်ချုးန့ၢ်၀ဲကသံၣ်မူၤဘှီးအဖျၢၣ်ခံကထိဃၣ်ဃၣ်အဂ့ၢ်န့ၣ် သ့ၣ်ညါဘၣ်လၢဒဲက၀ီၤၦၤဘၣ်မူဘၣ်ဒါအအိၣ်န့ၣ်လီၤႉ ကၠီၣ်တဲၣ်သုးႇပၢၤကီၢ်သုးဒီးဒဲက၀ီၤဘံၣ်ဘၢၦၤဘၣ်မူဘၣ်ဒါတဖၣ် ဖီၣ်ချုးန့ၢ်၀ဲက သံၣ်မူၤဘှီး(၁ႇ၉၉၀)ဖျၢၣ်လၢဒဲက၀ီပူၤသးစၢ်(၂)ဂၤအအိၣ်အဂ့ၢ်န့ၣ် ဒဲက၀ီၤခိၣ် စီၤအီနဲး စံးဘၣ်ခ့ၣ်အဲးစံၣ်=ကညီတၢ်ကစီၣ်၀ဲၤလီၢ်ခိၣ်သ့ၣ် ဒ်အံၤန့ၣ်လီၤႉ အ၀ဲစံး၀ဲလၢ“ၦၤချုးန့ၢ်၀ဲဒၣ်လၢသးစၢ် ၂ ဂၤအအိၣ်လီၤႉ သးစၢ်ခံဂၤန့ၣ်အိၣ်လၢ(Zone B)လီၤႉ...

လါယူၤ ၁၀ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ ဖၣ်အၣ်ကီၢ်ဆၣ် မံၤကၠံၣ်သ၀ီကရူၢ် ၀ဲပၠၣ်သ၀ီပူၤ သုးခိးကီၢ်ဆၢ BGF ကိးထံၣ်၀ဲဒၣ် လီၢ်က၀ီၤ သ၀ီဖိတဖၣ်ဒီး ဟ့ၣ်တၢ်ဆီၣ်သနံးမၢ၀ဲသ၀ီဖိတဖၣ်ပျဲထီၣ်အဖိကၠိအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအ အိၣ်န့ၣ်လီၤႉ ခီဖျိသရၣ်မုၣ်ကၠိခိၣ်ဒီးလီၢ်က၀ီၤသ၀ီဖိလၢအတူၢ်လိာ်၀ဲဒၣ်သုးမီၤစိရိၤတနီၤလဲၤတၢၣ်၀ဲအဃိ ဖဲအပူၤကွံာ်(လါယူၤ ၇)သီအနံၤ BGF သုးခိၣ်တ့ၤ၀့အံၤကိးထံၣ်၀ဲဒၣ်လီၢ်က၀ီၤသ၀ီဖိတဖၣ်ဒီးစံး၀ဲလၢ မ့ၢ်တပျဲထီၣ်ဖိသၣ်ကၠိ ဘၣ်န့ၣ်ကဟံးအရ့လီၤအဂ့ၢ်န့ၣ်...

လါယူၤ ၁၀ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢဆဲးလီၤတ့ၢ်ဃာ်ထံကီၢ်ဒီဘ့ၣ်တၢ်ပတုာ်တၢ်ခး လံာ်တၢ် ဆဲးပနီၣ်(NCA)အိၣ်ပာ်အသိး ကလူၤပိာ်မၤထွဲ၀ဲလီၤတံၢ်လီၤဆဲးလီၤအဂ့ၢ်န့ၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးရိၣ်မဲခိၣ်ကျၢၢ် သုးခိၣ်ကျၢၢ်ဒိၣ်စိ စီၤကၠီၤနံၤ ထုးထီၣ်၀ဲလံာ်တၢ်ပာ်ဖျါတဘ့ၣ်ဖဲလါယူၤ(၉)သီအနံၤန့ၣ်လီၤႉ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA အံၤ အိၣ်၀ဲဒၣ်လၢ KNU ထံရူၢ်ကီၢ်သဲးအတၢ်တီခိၣ်ရိၣ်မဲ တၢ်ဟံးစုနဲၣ်ကျဲအဖီလာ်ဒီး ဖံးမၤ၀ဲတၢ်လၢဒံၣ်မိၣ်ခြ့ၣ်စံၣ်ႇတၢ်တုၤသိးထဲသိး ဒီး ကညီဒီကလုာ်ဂ့ၢ်၀ီအဂီၢ်ဒီး...

လါယယူၤ ၉ သီ၊ ၂၀၂၁ နံၣ်၊ ခ့ၣ်အဲးစံၣ် ဖဲမဟါ(လါယူၤ ၈)သီ မုၢ်နၤခီအဆၢကတီၢ် သုးမီၤစိရိၤအသုးဒီး ဖီၣ်စုက၀ဲၤကရူၢ် လၢတၢ်တသ့ၣ်ညါအမံၤ တဒူၣ်အဘၢၣ်စၢၤ တၢ်ခးလိာ်သးကဲထီၣ်လၢကညီကီၢ်စဲၣ် သၣ်တီၣ်ကၠံ၀့ၢ် ၁၃ မံးလာ်ဒီး ဖဲန့ၣ်သုးမီၤစိရိၤ အသုး သံ၀ဲ ၁ ဂၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ သုးမီၤစိရိၤအသုးဒီးဖီၣ်စုက၀ဲၤကရူၢ်လၢတၢ်တသ့ၣ်ညါအမံၤတဒူၣ် ဖဲမဟါ(လါယူၤ...

လါယူၤ ၉ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိတၢ်ဒုးကဲထီၣ်လၢ ကညီကီၢ်စဲၣ် မၠၣ်၀တံၣ်၀့ၢ် ဖလူဟီၣ်က၀ီၤတကပၤအဃိ ၦၤဃ့ၢ်တၢ်ဒုးလၢအလဲၤစံၣ်ထီၣ်လၢကၠီၣ်တဲၣ်ပူၤတဖၣ် ဖဲ(လါယူၤ ၅)သီအနံၤ ဟဲက့ၤကဒါလၢအလီၢ်အကျဲဘၣ်ဆၣ် ခီဖျိသုးမီၤစိရိၤအသုးဆီလီၤသးလၢဒူသ၀ီဟံၣ်တဖၣ်အပူၤအဃိ လီၢ်က၀ီၤဖိတနီၤတုၤလၢခဲအံၤတစု က့ၤထီၣ်လၢအဟံၣ်ပူၤအသ့ဒံးဘၣ်အဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ သုးမီၤစိရိၤအသုးဆီလီၤသးလၢဖလူသ၀ီဖိအပူၤအိၣ်၀ဲအသိး ခီဖျိသုးမီၤစိရိၤ အသုးနုာ်လီၤအိၣ်၀ဲလၢလီၢ်က၀ီၤဖိတနီၤအဟံၣ်ပူၤအဃိ လီၢ်က၀ီၤသ၀ီဖိတနီၤက့ၤ ကဒါလၢအဟံၣ်တဘူၣ်လၢၤဘၣ်ဒီး လဲၤအိၣ်ကဒု၀ဲဒၣ်လၢလ့က့ၣ်ကီာ်၀့ၢ်သီအကပၤ ထံမဲး၀ါခံသ၀ီ ကၠိပူၤအဂ့ၢ်န့ၣ်...

လါယူၤ ၉ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ သၣ်တီၣ်ကၠံကီၢ်ဆၣ်အပူၤ ဖဲလါယူၤ(၇)သီအနံၤ သုးမီၤစိရိၤအသုး ဟဲနုာ်လီၤလၢ ယၤဒိၤ သ၀ီတကပၤအါအါဂီၢ်ဂီၢ်အဃိ လီၢ်က၀ီၤသ၀ီဖိတဖၣ်ဘၣ်ယိၣ်ဘၣ်ဘှီတၢ်ဒီး တနီၤန့ၣ်ဟးဃ့ၢ်အိၣ်ခူသူၣ် အိၣ်၀ဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ သုးမီၤစိရိၤအသုး သုးတြိၤ(၆၆)သုးတဖၣ် အိၣ်ပတုာ်၀ဲဒၣ်ဖဲခီၣ်ချ့သုး ရ့ၣ်(ခမရ=၆၀၃) လၢအအိၣ်ဆီလီၤသး ဖဲ တၤပူၤ (လ့ၣ်သိၤ)၀့ၢ်၀ံၤ ဖဲလါယူၤ...

လါယူၤ ၇ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် လူၢ်ပျဲၢ်၀့ၢ် ဂံၢ်ခီၣ်ထံးတီၤထီကၠိတဖၣ်လၢတၢ်စးထီၣ်အိးထီၣ်အီၤ ဖဲလါယူၤထီၣ် ၁ သီအနံၤအံၤ ကၠိဖိမိၢ်ပၢ်တဖၣ်ဘၣ်ဟံးန့ၢ်၀ဲတၢ်ဘံၣ်တၢ်ဘၢလၢအဖိကထီၣ်ကၠိအဂီၢ်အဂ့ၢ်န့ၣ် ၦၤအိၣ်၀့ၢ်ပူၤတဖၣ် စံး၀ဲန့ၣ်လီၤႉ လူၢ်ပျဲၢ်(အႉထႉက)ကၠိအံၤ ၦၤဟဲထီၣ်ကၠိအိၣ်ဒၣ်ထဲကၠိဖိလၢအအိၣ်လၢသုးတ၀ၢအပူၤတဖၣ်ဒီး ကၠိဖိလၢအိၣ်လူၢ် ပျဲၢ်၀့ၢ်ပူၤတဖၣ်န့ၣ်လီၤႉ ကၠိတၢ်ဘံၣ်တၢ်ဘၢအဂီၢ် ပၢၤကီၢ်သုးတဖၣ်ဟံးန့ၢ်တၢ်ဘံၣ်တၢ်ဘၢအမဲာ်ညါ ကၠိဖိမိၢ်ပၢ်တဖၣ်စ့ၢ်ကီး အိၣ်ခိး၀ဲဒၣ်တၢ်ဘံၣ်တၢ်ဘၢလၢအကလဲးအဂ့ၢ်န့ၣ် ၦၤအိၣ်၀့ၢ်ပူၤတဖၣ်စံး၀ဲအသိး သ့ၣ်ညါဘၣ်န့ၣ်လီၤႉ ၦၤအိၣ်၀့ၢ်ပူၤလၢတအဲၣ်ဒိးပာ်ဖျါအမံၤတဂၤစံး၀ဲ “ၦၤလဲၤထီၣ်ကၠိဒုအိၣ်လီၤႉ...