ခ့ၣ်အဲးစံၣ် – KIC News

လါဒံၣ်စ့ဘၢၣ် ၉ သီႇ ၂၀၁၉ နံၣ်ႇ စီၤရှါ ကညီသးစၢ်ၦၤလိာ်ကွဲဖျၢၣ်ထူဖိ စီၤကျၢၤဟဲမ့ၢ်ၦၤတဂၤလၢ အလိာ်ကွဲ၀ဲဖျၢၣ်ထူလၢအဲကလံးထံကီၢ် သၢပတီၢ်တပတီၢ် ဖျၢၣ်ထူ ကရၢ(ဃူကဘ )အပူၤအံၤန့ၣ် ဆၢကတီၢ်ခဲအံၤ ရဲၣ်ကျဲၤ၀ဲဒီးအဲၣ်ဒိးဟဲက့ၤလိာ်ကွဲက့ၤလၢ ကီၢ်ကၠီၣ်တဲၣ် မ့တမ့ၢ် ကီၢ်ပယီၤ ဃူကဘ တဖုဖု အဂ့ၢ်န့ၣ်စံး၀ဲဒၣ်လီၤႉ စီၤကျၢၤဟဲအံၤ အိၣ်၀ဲဒၣ်လၢ ကီၢ်ကၠီၣ်တဲၣ် ကီၢ်ပယီၤကီၢ်ဆၢ ဘၣ်ကီဘၣ်ခဲဒဲက၀ီၤတၢ်လီၢ်တတီၤဒီး...

လါဒံၣ်စ့ဘၢၣ် ၁၀ သီႇ ၂၀၁၉ နံၣ်ႇ စီၤရှါ ၂၀၂၀ နံၣ်အပူၤ တၢ်ကမၤ၀ဲ တၢ်ဃုထၢဖးဒိၣ်အံၤန့ၣ် တပာ်ဖှိၣ်ထီၣ်သးဒီးပၣ်တံၣ်နီတဖုဘၣ် ဒီး ကနုာ်လီၤ၀ဲတၢ်ဃုထၢအဂ့ၢ်န့ၣ်ကညီကလုာ်ဒံၣ်မိၣ်ကရဲၣ်တံၣ်ပၣ်တံၣ် KNDP ပၣ်တံၣ်ခိၣ်မါအီၣ်ပၠံၣ်စိ စံးလီၤ၀ဲဒၣ်န့ၣ်လီၤ တကီၢ်ခါ KNDP အံၤန့ၣ်တၢ်ကစီၣ်ဟူထီၣ်သါလီၤလၢကပာ်ဖှိၣ်ထီၣ်သးဒီး ကီၢ်စၢဖှိၣ်သွံၣ်ဃူဖိး ဒီး တၢ်ဂုၤထီၣ်ပသီထီၣ်ပၣ်တံၣ် USDP အဖီခိၣ်န့ၣ်မါအီၣ်ပၠံၣ်စိစံးဘၣ်ခ့ၣ်အဲးစံၣ်ဖဲလါဒံၣ်စ့ဘၢၣ် ၉...

လါဒံၣ်စ့ဘၢၣ် ၁၀ သီႇ ၂၀၁၉ နံၣ်ႇ စးအဲၣ်ဆူ ၦၤဂ့ၢ်၀ီခွဲးယာ်အတၢ်ဟူးတၢ်ဂဲၤတဖၣ်အပူၤသူၣ်ဘီၣ်သးစၢ်တဖၣ် ကဟူးဂဲၤပၣ်ဃုာ်အါထီၣ်၀ဲအဂီၢ် လိၣ်၀ဲအဂ့ၢ်န့ၣ် ကညီၦၤဂ့ၢ်၀ီခွဲးယာ်ကရူၢ် KHRG ဟ့ၣ်သဆၣ်ထီၣ်၀ဲ ဖဲလါဒံၣ်စ့ဘၢၣ် ၁၀ သီလၢအလီၤဘၣ်၀ဲ ဟီၣ်ခိၣ်ဒီဘ့ၣ်ၦၤဂ့ၢ်၀ီ ခွဲးယာ်အမုၢ်နံၤအံၤန့ၣ်လီၤႉ ကီၢ်ပယီၤပူၤန့ၣ်တုၤလၢအခဲအံၤ တၢ်မၤကမၣ်၀ဲၦၤဂ့ၢ်၀ီခွဲးယာ်တဖၣ် ဆဲးအိၣ်ဒံး၀ဲဒီးႇ လၢၦၤဂ့ၢ်၀ီခွဲးယာ်တၢ်တုၤသိး ထဲသိးအဂီၢ် တတုၤထီၣ်ထီၣ်ဘးဒံးဘၣ်အဃိႇသူၣ်ဘီၣ်သးစၢ်တဖၣ်ကဘၣ်ဟူးဂဲၤပၣ်ဃုာ်အါထီၣ်အဂီၢ်လိၣ်၀ဲအဂ့ၢ်န့ၣ် ကညီၦၤဂ့ၢ်၀ီခဲွးယာ်ကရူၢ် ဟ့ၣ်သဆၣ်ထီၣ်၀ဲဖဲ တၢ်မၤလၤကပီၤ၀ဲ...

လါဒံၣ်စ့ဘၢၣ် ၁၀ သီႇ ၂၀၁၉ နံၣ်ႇ နါ၀့ၤဖၠိစၣ် KNU ကညီဒီကလုာ်စၢဖှိၣ်ကရၢ တၢ်ပၢဟီၣ်က၀ီၤအပူၤ ဒူသထူၣ်ကီၢ်ရ့ၣ် (သုးက့ ၁ ဟီၣ်က၀ီၤ)အပူၤန့ၣ် ခီဖျိလၢတနံၣ်အံၤထံၣ်ဘၣ်၀ဲလၢဘုတဖၣ်ဟးဂီၤ၀ဲအါအါဂီၢ်ဂီၢ်အဃိသဂၢၢ်ဘၣ်၀ဲဒီး ဘုသၣ်ဟးထီၣ်စှၤလီၤ၀ဲ တၢ်အိၣ်သးတဖၣ်အံၤအဂ့ၢ်န့ၣ် ၦၤမၤအီၣ်ဃုးဖိတဖၣ်စံး၀ဲလီၤႉ ၦၤမၤအီၣ်ဃုးဖိလၢအအိၣ်ဖဲတၢ်လီၢ်တဖၣ်န့ၣ်အါဒၣ်တက့ၢ်န့ၣ် သူၣ်ဖျး၀ဲဘုလၢတၢ်စူၤခါဒီး တနံၣ်အံၤခီဖျိလၢ မူခိၣ်ကလံၤသီၣ်ဂီၤအတၢ်အိၣ်သးဒီး တဒိးန့ၢ်ဘၣ်ထံ လၢလၢၦဲၤၦဲၤဘၣ်အဃိဘုသ့ၣ်တဖၣ်ဟးဂီၤ၀ဲဒၣ်ဒီး အသၣ်တဖၣ်တဂ့ၤ၀ဲဘၣ်ဟဲကဲထီၣ်အသးဒ်အံၤလီၤအဂ့ၢ်န့ၣ် ၦၤမၤအီၣ်ဃုးဖိတဖၣ်ပဲာ်ထံနီၤဖးစံး၀ဲလီၤႉ ၦၤမၤအီၣ်ဃုးဖိတဖၣ် ထံၣ်ဘၣ်၀ဲဒၣ်...

လါဒံၣ်စ့ဘၢၣ် ၈ သီႇ ၂၀၁၉ နံၣ်ႇ စးအဲၣ်ဆူ KNU ကညီဒီကလုာ်စၢဖှိၣ်ကရၢဘျံးဒ၀ဲၢ်ကီၢ်ရ့ၣ်ဟီၣ်က၀ီၤႇလ့ၤညၤဘိၣ်ပၠ့ကီၢ်ဆၣ်ဟီၣ်က၀ီၤလီၤဆီအပူၤန့ၣ် ခ့ၣ်အဲၣ်ယူၣ် တၢ်ပၢအဖီလာ်ကညီဒီကလုာ်ပၢၤကီၢ်သုး KNPF လၢအလီၤဘၣ်မူဒါတဂၤ ဖဲလါဒံၣ်စ့ဘၢၣ် ၇ သီအနံၤန့ၣ်ဘၣ်တၢ်ကျီအီၤ ဒီးဃဲာ်အဃိ သံ၀ဲဒၣ်ဒီးဘၣ်ဒိ၀ဲတဂၤအဂ့ၢ်န့ၣ်သ့ၣ်ညါဘၣ်လီၤႉ တၢ်ကဲထီၣ်သးတခီန့ၣ် KNPF သုးပၢၤကီၢ်တဖၣ်လၢ အဖီၣ်ဃာ်၀ဲအူ၀့ငဲၤတဂၤအံၤဖဲလါဒံၣ်စ့ဘၢၣ် ၇ သီ ဂီၤခီ ၅...

လါဒံၣ်စ့ဘၢၣ် ၆ သီႇ ၂၀၁၉ နံၣ်ႇ စးအဲၣ်ဆူ ကီၢ်ပယီၤတၢ်ရ့လိာ်မုာ်လိာ်လၢအမုာ်အခုၣ်အံၤ ဒ်သိးအကျဲကအိးထီၣ်သးအဂီၢ် ကဂုာ်ကျဲးစၢးမၤအီၤအဂ့ၢ်န့ၣ် အ့ၣ်ယၣ်၀တံၣ်ကီၢ်ခီဒိၣ် ကိတိာ်ခိၣ်ကျၢၢ်လီၢ်လံၤ မါကၠီၣ်နံၣ် ဆီၣ်တခူထီၣ်ကညီသးစၢ်တဖၣ် ဖဲလါဒံၣ်စ့ဘၢၣ် ၆ သီအနံၤ လၢတၢ်စးထီၣ်မၤ၀ဲ အ့ၣ်ယၣ်၀တံၣ်ကီၢ်ခီ ကညီသးစၢ်တၢ်ထံၣ်လိာ်အိၣ်သကိးအံၤအပူၤ ဖဲအ့ၣ်ယၣ်၀တံၣ်ကီၢ်ခီဒိၣ် ပသံၣ်ကီၢ်စဲၣ် မယါကၠီတၢ်လီၢ်အံၤန့ၣ်လီၤႉ “အခဲအံၤကီၢ်ပယီၤန့ၣ် တၢ်မုာ်တၢ်ခုၣ်ကန့ၢ်အဂီၢ်န့ၣ် တၢ်ဂုာ်ကျဲးစၢး၀ဲလီၤႉ ပ၀ဲသ့ၣ်တဖၣ်ပကဘၣ်မ့ၢ်ကညီလၢအစဲၤနီၢ်ဒီး...

လါဒံၣ်စ့ဘၢၣ် ၆သီႇ ၂၀၁၉ နံၣ်ႇ နါ၀့ၤဖၠိစၣ် ကညီကီၢ်စဲၣ် ဖၣ်အၣ်ကီၢ်ဆၣ် ဃိၣ်လိာ်ကျိမုၢ်နုာ်တကပၤ ဒူသ၀ီတဖၣ် ထံဟဲထီၣ်သူ တၢ်ဂ့ၢ်ကီလၢအဟဲပိာ်ထွဲထီၣ် အခံသ့ၣ်တဖၣ် တၢ်ကဟဲဘှါဆှဲအီၤအဂီၢ်တိာ်ပာ်၀ဲဒီး လီၢ်က၀ီၤဖိတဖၣ် ပာ်ဖှိၣ်ထီၣ်သး ဖဲလါဒံၣ်စ့ဘၢၣ် ၅ သီအနံၤ ဖဲမယ့ကိသ၀ီန့ၣ်ဒီး ဒုးအိၣ်ထီၣ်၀ဲကမံးတံာ်တဖုန့ၣ်လီၤႉ ကမံးတံာ်တဖုအံၤကိး၀ဲလၢ “မၠဲၣ်တီၣ်ကရူၢ်ပူၤ တၢ်ကဘှါဆှဲ၀ဲထံသူတၢ်ဂ့ၢ်ကီကမံးတံာ်”ဒီး ဘၣ်ထဲထွံသူတၢ်ဂ့ၢ်ကီႇ မၠဲၣ်ကလ့ဂာ်လၢၢ်ကမူၣ်စဲးဖီကဟၣ်တၢ်မၤလီၢ် လၢအလဲၤတရံးအသးလၢလၢၢ်သွဲၣ်လး...

လါဒံၣ်စ့ဘၢၣ် ၅ သီႇ ၂၀၁၉ နံၣ်ႇ စီၤရှါ တၢ်ဘၣ်ဘျုးဒံၣ်မိၣ်ြခ့ၣ်စံၣ်ကညီသုးမုၢ်ဒိၣ် DKBA ဒီး ဘူးဒးတၢ်ဘါတၢ်ဂုၤထီၣ်ပသီထီၣ် ကညီသုးမုၢ်ဒိၣ် DKBA (ထုးဖးသးကရူၢ်)တဖၣ် ဒ်သိးကက့ၤပာ်ဖှိၣ်ထီၣ်က့ၤအသးကန့ၢ်၀ဲအဂီၢ် ဂုာ်ကျဲးစၢး၀ဲအဂ့ၢ်န့ၣ် DKBA (ထုးဖးသးကရူၢ်)သုးရိၣ်မဲခိၣ်ကျၢၢ် သုးခိၣ်ကျၢၢ်စိ စီၤကၠီၤသဲၣ် စံးဘၣ် ခ့ၣ်အဲးစံၣ် ဖဲတနံၤအံၤ လါဒံၣ်စ့ဘၢၣ် ၅...

လါယနူၤအါရံၤ(၃၁)သီႇ၂ဝ၂ဝနံၣ်အံၤမ့ၢ်ဝဲကညီတၢ်ပၢၢ်ဆၢမုၢ်နံၤၦဲၤထီၣ်ဝဲ(၇၁)နံၣ်တီတီန့ၣ်လီၤ.လၢကီၢ်ပယီၤထံရူၢ်ကီၢ်သဲးအတၢ်စံၣ်စိၤတဲစိၤအပူၤႇတကးဒံးဘၣ်လၢဟီၣ်ခိၣ်ဒီဘ့ၣ်အတၢ်စံၣ်စိၤတဲစိၤအပူၤကညီတၢ်ပၢၢ်ဆၢအံၤကဘၣ်တၢ်ပာ်ပနီၣ်ဒီးကွဲးတ့ၢ်က့ၤအဂ့ၢ်လၢအမ့ၢ်ဝဲ“တၢ်ပၢၢ်ဆၢလၢအယံာ်အထၢကတၢၢ်လၢဟီၣ်ခိၣ်ချၢန့ၣ်လီၤ.ထံရူၢ်ကီၢ်သဲးကရၢလၢအပၢဆှၢတီခိၣ်ရိၣ်မဲကညီတၢ်ပၢၢ်ဆၢအံၤမ့ၢ်ဝဲခ့ၣ်အဲန်ယူၣ်ကညီဒီကလုာ်စၢဖှိၣ်ကရၢန့ၣ်လီၤ. စးထီၣ်လၢ၁၉ယၤဖှိၣ်နံၣ်အဲကလံးပဒိၣ်ဟဲနုာ်လီၤပၢပကီၢ်အခါလံၤလံၤဒီးတုၤဃီၤဆူ၂၁ယၤဖှိၣ်နံၣ်ခဲအံၤန့ၣ်လၢကီၢ်ပယီၤအတၢ်ပၢတၢ်ပြးပူၤထံရူၢ်ကီၢ်သဲးတၢ်ကရၢကရိအိၣ်ထီၣ်တ့ၢ်ဝဲအဖုလၢအကယၤတဖၣ်လီၤ.ကီၢ်ပယီၤထံရူၢ်ကီၢ်သဲးတၢ်ကရၢကရိအဖုလၢအကယၤသ့ၣ်တဖၣ်န့ၣ်မုၢ်မဆါတနံၤအံၤတအိၣ်တ့ၢ်က့ၤဝဲနီတဖုလၢၤႇလီၤမၢ်ကွံာ်ဝဲခဲလၢာ်လံန့ၣ်လီၤ.လၢကီၢ်ပယီၤအထံရူၢ်ကီၢ်သဲးတၢ်စံၣ်စိၤတဲစိၤအပူၤထံရူၢ်ကီၢ်သဲးကရၢလၢအအိၣ်ဂၢၢ်ကျၢၤယံာ်ယံာ်ထၢထၢကတၢၢ်တဖုႇစးထီၣ်အိၣ်သူၣ်လီၤသးလၢ၁၈၈၁နံၣ်လံၤလံၤလၢအမ့ၢ်ဝဲ–ကညီဒီကလုာ်ကရၢ(Karen National Association-KNA )ဒီးဆီတလဲက့ၤအမံၤတဆီဘၣ်တဆီဒီးအိၣ်ဂၢၢ်ဆိးကျၢၤဝဲဂၢၢ်ဂၢၢ်ကျၢၤ ကျၢၤတုၤလၢမုၢ်မဆါတနံၤအံၤန့ၣ်မ့ၢ်ဝဲ–KNUကညီဒီကလုာ်စၢဖှိၣ်ကရၢအံၤန့ၣ်လီၤ. စးထီၣ်လၢဟီၣ်ခိၣ်တၢ်ဒုးခံဘျီတဘျီဝံၤသီသီဆၢကတီၢ်(၁၉၄၅)နံၣ်ခါလံၤလံၤကညီဒီကလုာ်စၢဖှိၣ်ကရၢဆၢထၢၣ်ဃ့ထီၣ်တၢ်ဆူအဲကလံးပဒိၣ်အအိၣ်လၢကဟ့ၣ်လီၤကညီကီၢ်လီၤဆီအတၢ်သဘျ့အဂီၢ်န့ၣ်လီၤ.လၢတၢ်ဘူၣ်တဂ့ၤတီၢ်တဘၣ်အပူၤအဲကလံးပဒိၣ်ထီၣ်က့ၤလၢအသီတဖု(Labour Party)န့ၣ်ကွၢ်ကပာ်ကွံ၁်ကညီဖိအတၢ်မၤဘျုးမၤဖှိၣ်တ့ၢ်အဝဲ သ့ၣ်ဖဲဟီၣ်ခိၣ်တၢ်ဒုးခံဘျီတဘျီအခါ ခဲလၢာ်ဒီးဟ့ၣ်လီၤက့ၤတၢ်သဘျ့ဆူပယီၤ(ဖဆပလ)အူနူးပဒိၣ်အစုပူၤ ဖဲ၁၉၄၈နံၣ် လါယနူၤအါရံၤ(၄)သီန့ၣ်လီၤ.ကီၢ်ပယီၤတၢ်သဘျ့န့ၢ်ဝံၤတၢ်စိတၢ်ကမီၤအိၣ်က့ၤလၢ(ဖဆပလ)ပဒိၣ်အစုပူၤအခါကညီဒီကလုာ်စၢဖှိၣ်ကရၢအံၤဃ့ထီၣ်ကဒီးဝဲလၢကဒိးန့ၣ်ဘၣ်ကညီကီၢ် စဲၣ်လီၤဆီတၢ်သဘျ့ဆူကီၢ်ပယီၤထံရူၢ်ကီၢ်သဲးစီၢ်နီၤခိၣ် လၢဖိးသဲစးတၢ်ဘျၢအပူၤန့ၣ်လီၤ. မ့ၢ်လၢပယီၤပဒိၣ်(ဖဆပလ)အတၢ်ပာ်သးတဘျၢဘၣ်ဒီးနုာ်လီၤခဲၣ်သူခဲၣ်ဂီၤတၢ်လၢကညီဖိကဒဲကဒဲအဘၢၣ်စၢၤအဃိကညီထံရူၢ်ကီၢ်သဲးတၢ်ကရၢကရိဘၣ်လီၤဖးကွံ၁်ဝဲခံဖု(ကညီသးစၢ်ကရၢဒီးကညီဒီကလုာ်စၢဖှိၣ်ကရၢ)ဒီးကညီသးစၢ်ကရၢလီၤတဲာ်ကွံ၁်ဝဲဆူ(ဖဆပလ)အတၢ်ကွဲန့ၢ်လွဲန့ၢ်တၢ်အထၢၣ်ခံဒးအပူၤန့ၣ်လီၤ.မ့မ့ၢ်ကရၢမိၢ်ၦၢ်KNUတခီဆၢထၢၣ်ဂၢၢ်ဂၢၢ်ဒ်အတၢ်ပာ်သးခီၣ်ထံးခီၣ်ဘိလၢက ဒိးန့ၣ်ဘၣ်ကညီကီၢ်လီၤဆီအတၢ်သဘျ့အဂီၢ်ဒီးလီၢ်ခံကတၢၢ်လၢတၢ်ဆၢကတီၢ် တၢ်အိၣ်သးအတၢ်ဃ့ထီၣ်အဖီခိၣ်ဘၣ်စးထီၣ်ဝဲကညီတၢ်ပၢၢ်ဆၢအတၢ်ဒုးဖဲ၁၉၄၉နံၣ်လါယနူၤအါရံၤ(၃၁)သီအနံၤန့ၣ်လီၤ. KNUစးထီၣ်ဒုးထီဒါတၢ်လၢကညီဖိကဒိးန့ၣ်ဘၣ်အထံကီၢ်တၢ်သဘျ့အဂီၢ်စးထီၣ်လၢန့ၣ်လံၤလံၤဒီးတုၤဃီၤဆူမုၢ်မဆါတနံၤအံၤတပယူာ်ဃီႇခဲအံၤၦဲၤထီၣ်ဝဲ(၇၁)နံၣ်တီတီလံန့ၣ်လီၤ. ဘၣ်ဆၣ်တုၤခဲအံၤပတတုၤဃီၤဒၣ်လဲာ်ဒံးဆူပတၢ်မၤနၢၤအဖီတၢၣ်ဒံးဘၣ်.တၢ်အံၤမ့ၢ်လၢတၢ်ဂ့ၢ်မနုၤအဃိလဲၣ်.အလီၢ်အိၣ်စဲဃဲၤလၢပကဘၣ်ကွၢ်သမံသမိးကဒါက့ၤ,ဘၣ်မနုၤအဃိတုၤမုၢ်မဆါတနံၤအံၤပတဒိးန့ၢ်ဘၣ်ဒံးပတၢ်မၤနၢၤဘၣ်န့ၣ်လဲၣ်?အဂ့ၢ်န့ၣ်လီၤ.လၢပကကွၢ်သမံသမိးကဒါက့ၤကညီတၢ်ပၢၢ်ဆၢဘၣ်မနုၤအဃိဘၣ်လဲၤခီဖျိတၢ်ယံာ်ယံာ်ထၢထၢဒ်အံၤလဲၣ်အဂီၢ်အလီၢ်အိၣ်စဲဃဲၤလၢၦၤကိးဂၤဒဲး(လီၤဆီဒၣ်တၢ်ကညီစၢၤသွဲၣ်သီဖိခဲအံၤတဖၣ်)ကဘၣ်သ့ၣ်ညါလီၤတံၢ်ဆိဝဲကညီတၢ်ပၢၢ်ဆၢစးထီၣ်အသးဒ်လဲၣ်ဒီးအတၢ်စး ထီၣ်သးတဘျီဃီတၢ်ပၢၢ်ဆၢအတၢ်ဂံၢ်ဆူၣ်အတၢ်ဂံၢ်စၢ်မ့ၢ်တၢ်မနုၤသ့ၣ်တဖၣ်လဲၣ်န့ၣ် လီၤ.ဒ်န့ၣ်မၣ်ဒီးကသ့ထံၣ်လီၤက့ၤတၢ်ပၢၢ်ဆၢအတၢ်ဂံၢ်ဆူၣ်အတၢ်ဂံၢ်စၢ်တၢ်အိၣ်သးနီၢ်နီၢ်ဒီးကသ့ဟံးန့ၢ်တၢ်မၤလိလၢတၢ်မၤနၢၤအဂီၢ်န့ၣ်လီၤ. ကညီသးစၢ်စၢၤသွဲၣ်သီဖိတဖၣ်ကသ့ၣ်ညါဘၣ်က့ၤဝဲကညီတၢ်ပၢၢ်ဆၢစးထီၣ်အသးဒ်လဲၣ်လီၤတံၢ်လီၤဆဲးအဂီၢ်သးအိၣ်ပာ်ဖျါထီၣ်န့ၢ်သုလၢကီၢ်ခိၣ်မါဘးဇၣ်(ဖဲကညီတၢ်ပၢၢ်ဆၢစးထီၣ်သီသီအခါအဝဲမ့ၢ်(KNDO)သုးခိၣ်ကျၢၢ်လၢအဘၣ်တီခိၣ်ရိၢ်မဲနိၣ်တၢ်မျၢ်တၢ်ဒုး)အတၢ်တဲဘၣ်က့ၤၦၤလၢတၢ်ပၢၢ်ဆၢစးထီၣ်သးအဆိကတၢၢ်ဆၢကတီၢ်ခါ KNU & KNDO အတၢ်ဂံၢ်ဆူၣ် တၢ်ဂံၢ် စၢ်တၢ်အိၣ်သးအိၣ်ဒ်လဲၣ်အ ဂ့ၢ်န့ၣ်လီၤ.တၢ်ဂ့ၢ်လၢအဖီလာ်တဖၣ်အံၤမ့ၢ်ဝဲဖုကီၢ်ခိၣ်မါဘးဇၣ်တချုးလၢအသံဒံးဘၣ်အခါ...

(စီၤလီဒူ) “လၢအပူၤကွံာ်တနံၣ်ခံနံၣ်န့ၣ် သဒီၣ်ဖိႇညၣ်တဖၣ်ဟးထီၣ်၀ဲလီၤႉ ဒီးလဲၤဆါ၀ဲ အသံဂ့ၤအမူဂ့ၤ ၦၤဟံးန့ၢ်ခဲလၢာ်လီၤႉ ထံသူတခါအံၤဟဲကဲထီၣ်တဘျီဃီန့ၣ် ညၣ်တဖၣ်မ့ၢ်သံန့ၣ် ၦၤတဟံးလၢၤဘၣ် ဘၣ်ထွဲတၢ်မၤ၀ဲ မုၢ်ကျိၤ၀ဲၤကွာ်တခါအံၤဒု တၢ်ကီတၢ်ခဲဟဲအိၣ်ထီၣ်လံလီၤႉ” အ၀ဲအံၤ မ့ၢ်၀ဲ သီခါ အူ၀ံၣ်ရံၣ်ယၣ် တဲပၠးဘၣ်ဃး တ၀ဲကိး(မယ့ကိ)သ၀ီ ထံသူထီၣ်အဃိ ဒူဖိသ၀ီဖိတဖၣ် ကွၢ်ဆၢၣ်မဲာ်ဘၣ်၀ဲ တၢ်ဂ့ၢ်ကီသ့ၣ်တဖၣ်န့ၣ်လီၤႉ ဖဲတနံၣ်ညါအံၤ ၂၀၁၉ နံၣ်ႇ စးထီၣ်ဖဲလါအီးကထိဘၢၣ်ထီၣ်သီကတီၢ်...