ခ့ၣ်အဲးစံၣ် – KIC News

လါအ့ဖြ့ၣ် ၅ သီႇ၂၀၁၉ နံၣ်ႇ စီၤထိလ့ နီၢ်အိလးလၢမ့ၢ် ထံရူၢ်ကီၢ်သဲး ၦၤဃိာ်ဖိလီၢ်လံၤဒီး အမၤတ့ၢ်တၢ်လၢပၣ်တံၣ်ထံရူၢ်ကီၢ်သဲးလၢ(၁၀)နံၣ်ဘျဲၣ်တဂၤအံၤ ကက့ၤမၤကဒါက့ၤ ပၣ်တံၣ်ထံရူၢ်ကီၢ်သဲးအဂ့ၢ်စံး၀ဲဖဲ အ့ဖြ့ၣ်, ၅သီအနံၤန့ၣ်လီၤ. ၁၉၉၀ ကမျၢၢ်ဘျီၣ်ဒိၣ်ခၢၣ်စးကရူၢ် ကဒုးအိၣ်ထီၣ် ထံရူၢ်ကီၢ်သဲးပၣ်တံၣ်တဖုအဂီၢ် မၤ၀ဲတၢ်ထံၣ်လိာ်တဲသကိးအမူး ဖဲ၀့ၢ်တကူၣ်ႇ ဘိၣ်တထီၣ်ကျဲမုၢ်ႇရၣ်မကရ့ၣ်ရှ့ၣ်ဘျီၣ်ပူၤအကတီၢ် နီၢ်အိလးစံးလီၤ၀ဲဒ်န့ၣ်လီၤ. နီၢ်အိလးစံး၀ဲလၢ “တကီၢ်ခါ ဖဲတၢ်ဒုးအိၣ်ထီၣ် တၢ်ဆီတလဲတၢ်မၤအကျိၤအကျဲအံၤ ပဟူးဂဲၤမၤတၢ်လၢ...

လါအ့ဖြ့ၣ် ၅ သီႇ ၂၀၁၉နံၣ် တၢ်မုာ်တၢ်ခုၣ်တၢ်လဲၤကျဲအပူၤ တၢ်ဂ့ၢ်လၢအရ့ဒိၣ်တဖၣ်အပူၤ ကညီပိာ်မုၣ်တဖၣ်ကပာ်ဃုာ်အါထီၣ်အဂီၢ် ကြၢးမၤဂ့ၤထီၣ်အါထီၣ်ကံၢ်စီအဂ့ၢ် ခ့ၣ်အဲၣ်ယူၣ်, ကညီဒီကလုာ်စၢဖှိၣ်ကရၢ ထီဘိကမံးတံာ် ပဒိၣ်နီၢ်ဒါဒါစံးလီၤ၀ဲဖဲ ကညီပိာ်မုၣ်ကရၢမုၢ်နံၤၦဲၤထီၣ် (၃၄)၀ီတ၀ီ ဖဲလါအ့ဖြ့ၣ် ၅ သီအနံၤန့ၣ်လီၤ. ကညီပိာ်မုၣ်ပိာ်မၢၤသ့ၣ်တဖၣ် လၢတၢ်မုာ်တၢ်ခုၣ်တၢ်တဲသကိးတဖၣ်အပူၤ တၢ်ပာ်ဃုာ်ပာ်ဂီၢ်အိၣ်၀ဲဘၣ်ဆၣ် တၢ်ဂ့ၢ်လၢအရ့ဒိၣ်တဖၣ် ကြၢးပာ်ဃုာ်အါထီၣ်အဂ့ၢ် ပဒိၣ်နီၢ်ဒါဒါစံးလီၤ၀ဲဖဲ တၢ်မၤလၤကပီၤ ကညီပိာ်မုၢ်ကရၢမုၢ်နံၤ...

လါအ့ဖြ့ၣ် ၄သီႇ ၂၀၁၉နံၣ်ႇန့ၣ်နီၣ် ကီၢ်ကၠီၣ်တဲၣ် ကီၢ်ပယီၤရၤမတံက၀ီၤဒ့(၅) ယ့ၣ်ပူၣ်သ၀ီပူၤ တိၤနီၢ်ဂံၢ်(၂)လၢ အိၣ်လၢကီၢ်ကၠီၣ်တဲၣ် ဟဲခီပတာ်၀ဲဆူရၤမတံအံၤန့ၣ် တၢ်လီၢ်အ၀ဲန့ၣ် တပူၤဒီးကျဲဘၣ်အဃိ မၤဟးဂီၤကွံာ်၀ဲၦၤအိၣ်ဟံၣ်လီၢ်တဖၣ်ဒီး ကရၢၢ်တဖၣ် ဖဲလါအ့ဖြ့ၣ် ၄သီဂီၤခီကတီၢ် အဂ့ၢ်သ့ၣ်ညါဘၣ်လီၤ. ဟံၣ်(၃)ဖျၢၣ်လၢအတပူၤဒီးကျဲမုၢ်အံၤ တကးဘၣ် လၢအပူၤကွံာ် ၂၀၁၈နံၣ် လါဒံၣ်စ့ဘၢၣ် ၂ သီအနံၤ ဟံၣ်(၅)ဖျၢၣ် အလီၢ် လၢတၢ်မၤဟးဂီၤဃာ်အီၤ...

လါအ့ဖြ့ၣ် ၃ သီႇ ၂၀၁၉နံၣ်ႇ စဖါရှီ ကညီကီၢ်စဲၣ်ႇဖၣ်အၣ်ကီၢ်ဆၣ် စဲၣ်ပရံသ၀ီကရူၢ်အပူၤ တၢ်ကသူၣ်လီၤအါထီၣ်၀ဲဟံၣ်လီၢ်တၢ်တိာ်ကျဲၤတခါအဂ့ၢ် တၢ်ပာ်ဂၢၢ်ပာ်ကျၢၤလီၤ၀ဲဖဲ တၢ်မၤ၀ဲခံဘျီတဘျီကီၢ်စဲၣ်ဘျီၣ်ဒိၣ်တၢ်အိၣ်ဖှိၣ် သၢသီတသီ ဖဲလါအ့ဖြ့ၣ် ၃သီအနံၤန့ၣ်လီၤ. ဘၣ်ဃးတၢ်ကတ့အါထီၣ်၀ဲ တီၣ်ကလ့ဟံၣ်လီၢ်တၢ်တိာ်ကျဲၤအံၤအဖီခိၣ် ကီၢ်စဲၣ်ပဒိၣ်ကပာ်ဂၢၢ်ပာ်ကျၢၤအီၤအဂီၢ် ကညီကီၢ်စဲၣ် တၢ်တိာ်ကျဲၤႇ တၢ်ပၢၤဃာ် ကျိၣ်စ့ဒီးတၢ်ကဟုကယာ်န့ဆၢၣ်ကိတိာ်ခိၣ် အူသါနဲၣ်တီၣ်ဖျါထီၣ်၀ဲဖဲ ကီၢ်စဲၣ်ဘျီၣ်ဒိၣ် ခံဘျီတဘျီတၢ်အိၣ်ဖှိၣ်အပူၤန့ၣ်လီၤႉ ကိတိာ်အူသါနဲၣ်တဲ၀ဲ“လၢပ၀ဲတကပၤ ကဘၣ်က့ၤကွၢ်ကဒါက့ၤတၢ်လၢ ကမျၢၢ်ဘၣ်ဒိလၢ...

လါမးရှး၂၈ သီႇ၂၀၁၉ နံၣ်, စီၤရှါ (KNU) ဒူပျာ်ယာ်ကီၢ်ရ့ၣ်ႇKNPF ကညီပၢၤကီၢ်လၢအတြီဆၢကသံၣ်မူၤဘှီးတဖုအံၤ ပံၤလၣ်ဒီး ကသံၣ်မူၤဘှီးလၢ အဖီန့ၢ်၀ဲတဖၣ်န့ၣ် ဖဲလါမးရှး ၂၂သီအနံၤန့ၣ် ဒွဲၣ်အူမၤဟးဂီၤကွံာ်၀ဲန့ၣ်လီၤႉ ကၠၣ်အ့ဆ့ၣ်ကၠံကီၢ်ဆၣ်ႇလါမးရှးအပူၤ တၢ်ဖီၣ်န့ၢ်၀ဲပံၤလၣ်(၄ႇ၆၀၀) ဘျဲၣ် (လၢအၦၤ့အိၣ်၀ဲ ၅ ကလီၢ်ဘျဲၣ် ) ဒီးကသံၣ်ကသ့ၣ်အဖျၢၣ် ၂၈၀ဘျဲၣ်အံၤဒွဲၣ်အူမၤ ဟးဂီၤကွံာ်၀ဲအဂ့ၢ် (KNPF)ပၢၤကီၢ်ခိၣ်စံးဘၣ်ခ့ၣ်အဲးစံၣ်-ကညီတၢ်ကစီၣ်လီၤႉ အ၀ဲစံး၀ဲလၢ“လၢပ၀ဲ၀ီၢ်ရီကီၢ်ဆၣ်အပူၤ ပမၤ၀ဲတၢ်ထီဒါကသံၣ်မူၤဘှီးအံၤအိၣ်လီၤႉ...

လါမးရှး ၂၇ သီ,၂၀၁၉ နံၣ်, စအဲၣ်ဆူ ထံကီၢ်ပဒိၣ်ဒီး ကီၢ်ပယီၤအသုးသ့ၣ်တဖၣ် မ့ၢ်ကွၢ်တၢ်လၢတၢ်မုာ်တၢ်ခုၣ်အဂီၢ်န့ၣ် အသုးမုၢ်လၢအဆှၢပာ်၀ဲလၢရခၢၣ် ကီၢ်စဲၣ်သ့ၣ်တဖၣ်ကက့ၤထုးကွံာ်၀ဲ၀ံၤ လၢရခၢၣ်သုးမုၢ်ဒိၣ်-AA သ့ၣ်တဖၣ်အဖီခိၣ် တၢ်ထီၣ်ဒုးသ့ၣ်တဖၣ်စ့ၢ်ကီး ကပတုာ်ကွံာ်တဘျီဃီအဂီၢ် ထံဂုၤကီၢ်ဂၤကညီတၢ်ကရၢကရိ -IKO ထုးထီၣ်ပာ်ဖျါ၀ဲအတၢ်ဃ့ထီၣ်ဖဲ လါမးရှး ၂၆သီ အနံၤန့ၣ်လီၤႉ လၢကီၢ်ပဒိၣ်သုးအတၢ်ထီၣ်ဒုး၀ဲ(AA)သုးမုၢ်ဒိၣ်န့ၣ် အ၀ဲသ့ၣ်အိၣ်ဒီး တၢ်ပညိၣ်လိၤလိၤ လၢရခၢၣ်ထံဖိကီၢ်ဖိသ့ၣ် တဖၣ်အဖီခိၣ် ဒီးခး၀ဲဒၣ်အဃိ...

လါမးရှး ၂၆သီႇ ၂၀၁၉ႇ စးအဲၣ်ဆူ KNU မုၢ်တြီၢ် ကီၢ်ရ့ၣ် ကညီဒီကလုာ်စၢဖှိၣ်ကရၢ ခ့ၣ်အဲၣ်ယူၣ် သူၣ်ထီၣ်၀ဲကၠိလၢအမ့ၢ် Mutraw Junior Collage-MTJC ကၠိႇ အကၠိဖိမုၣ် (၂) ဂၤလီၤအုးသံ၀ဲလၢ ၦဲၤလိာ်ကျိအပူၤ ဖဲတလါအံၤ ၂၂ နံၤအဂ့ၢ် ကညီကူၣ်သ့ဆဲး လၤ၀ဲၤကျိၤ KED ထုးထီၣ်ပာ်ဖျါ၀ဲတၢ်ကစီၣ်...

လါမးရှး၂၇ သီႇ၂၀၁၉ နံၣ်ႇ ခ့ၣ်အဲးစံၣ် အ့ၣ်ရၣ်၀တံၣ်ကီၢ်ခီဒိၣ်အပူၤႇ ကညီအလံာ်ထူလံၤလၢအမ့ၢ်၀ဲ“လံာ်ကွဲၢ်ကီၢ်”လၢအဘၣ်တၢ်ထုးဖျါထီၣ်က့ၤအီၤလၢ မၠဲၣ်ကၠံငူၣ်သီခါဖးဒိၣ်အံၤ လၢတၢ်ကဟဲသိၣ်လိအီၤအဖီခိၣ် ကီၢ်ခီဒိၣ်လံာ်လဲၢ်ဒီးတၢ်ဆဲးတၢ်လၤ ကမံးတံာ်သ့ၣ်တဖၣ် တပာ်မနီၣ်၀ဲဘၣ်အဂ့ၢ် အ့ၣ်ရၣ်၀တံၣ်ကီၢ်ခီဒိၣ် ကညီလံာ်လဲၢ်ဒီးတၢ်ဆဲးတၢ်လၤ အၦၤပၢၤလီၢ်ဆ့ၣ်နီၤ မါအဲၣ်ခလ့ စံး၀ဲဒၣ်န့ၣ်လီၤႉ အ့ၣ်ရၣ်၀တံၣ်ကီၢ်ခီဒိၣ် ကညီလံာ်လဲၢ်ဒီးတၢ်ဆဲးတၢ်လၤ ကမံးတံာ်အၦၤပၢၤလီၢ်ဆ့ၣ်နီၤ မါအဲၤခလ့စံး၀ဲလၢ “ လံာ်ကွဲၢ်ကွီၢ်အံၤန့ၣ် မ့ၢ်၀ဲလံာ်လၢအရ့ဒိၣ်န့ၣ် ပတတူၢ်လိာ်ဘၣ်. ပ၀ဲဒၣ်ခီဒုပကပာ်ပနီၣ်ဒီးသူ၀ဲ ကညီၦိၢ်မုၢ်နုာ်...

လါမးရှး ၂၆ႇ ၂၀၁၉ နံၣ်ႇ ခ့ၣ်အဲးစံၣ် KNU ကညီဒီကလုာ်စၢဖှိၣ်ကရၢ သုးက့ (၇)ဟီၣ်က၀ီၤအပူၤ ဖဲ လါမးရှး ၂၆သီႇ မုၢ်ဃ့ၢ်လီၤ ၁ နၣ်ရံၣ်အဆၢကတီၢ် သိလ့ၣ်(ကါ) တခိၣ်လၢ အ့ၣ်ရၣ်၀တံၣ်ကညီသးစၢ်သ့ၣ်တဖၣ် ဟဲဒိး၀ဲန့ၣ် တကျၢၢ်၀ဲအဃိ ၦၤဒိးသိလ့ၣ်အကျါသံ ၄ဂၤဒီး ဘၣ်ဒိ၀ဲအဂၤ ၁၀ ဘျဲၣ်န့ၣ်လီၤႉ...

တဘျီလဲၤတုၤဘၣ်ယဲဒၣ်ႇ ဆူကီၢ်ကညီ၀့ၢ်ဖၣ်အၣ် ဆၢတုၤဘၣ်ယဲယံာ်တ့ၢ်လံာ်ႇ ခဲအံၤၦဲၤယဲဒီးသးမံ ဖၣ်အၣ်ကညီ၀့ၢ်ခိၣ်စိႇ ပာ်ကဖၢသးလၢနဃိ ဘၣ်ဆၣ်တၢ်မၤဖှီၣ်ယသးႇ လၢနဃိန့ၣ်အိၣ်အါမး တၢ်လၢမၤဖှီၣ်ယသးဖိႇ နမံၤလၢကီၢ်ပယီၤကျိာ်ဃိ ဆူမံၤကညီမ့ၢ်ခီလဲႇ ကသးခုတပျုာ်ထုးယဲႉ (နဲဒၣ်မီၣ်) လၢဖၠါပူၤဟးထီၣ်ဟးလီၤႇ ထံၣ်ထဲၦၤကတိၤပယီၤ ကညီဖိကဒဲကဒဲႇကတိၤပယီၤလီၤလဲကဲ ကညီကျိာ်ယဆၢနၢ်ဟူႇ စံးဆၢယၤ “ပၠီမတးဘူ” တံနိကတိၤၦၤကညီႇ ကဲထီၣ်ၦၤအီပံၢ်အီပီႉ (တၢ်အံၤတၢ်ဖးကီ) ကွဲမုာ်သုလၢသးကဆှီႇ ဟဲဟးဘၣ်ဆူကီၢ်ကညီ ဘၣ်ဆၣ်တချုးသုးဟဲဟးႇ ပယီၤကျိာ်မၤလိဆိသး ကညီဖိလၢ၀့ၢ်ဖၣ်အၣ်ႇ တကတိၤကညီကျိာ်ဘၣ် တချုးနဟဲ၀့ၢ်ဖၣ်အၣ်ႇ ကတိၤလိပယီၤမ့ၢ်ဘၣ် နကတိၤကညီကျိာ်ဃိႇ နကအီပီဒ်တံနိႉ (လီၤတံၢ်ဒါခီ) ဆိမိၣ်ဟဲတုၤကညီ၀့ၢ်ႇ ကဖးဘၣ်လံာ်ကညီစ့ၢ် (ဆိမိၣ်ဒိၣ်ပာ်စၢၤညါ) ဟဲတုၤကညီ၀့ၢ်တဘျီႇ တၢ်ဆိမိၣ်ခိၣ်ခံအီထီ ကျဲမုၢ်ကျဲဘိအကပၤႇ ၦၤကွဲးလီၤလံာ်လဲၢ်အိၣ်ရး အိၣ်ထဲပယီၤကျိာ်တဘျီႇ ဖးတဘၣ်ယဘၣ်ကွၢ်ကီ...