ခီဖျိတၢ်ဒုးကဲထီၣ်လၢဖၣ်ပူၣ်၀့ၢ်ကပၤသ၀ီပူၤတဖၣ်အဃိ လီၢ်က၀ီၤဖိတဖၣ်သဂၢၢ်ဘၣ်တၢ်ကီတၢ်ခဲ
လါမ့ၤ ၅ သီႇ ၂၀၂၁ နံၣ်ႇ ခ့ၣ်အဲးစံၣ် ဖၣ်ပူၣ်ကီၢ်ဆၣ်အပူၤ ခီဖျိမီၤစိရိၤအသုးဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးက့(၅)တဖၣ်အဘၢၣ်စၢၤ တၢ်ဒုးကဲထီၣ်ကိးမုၢ်နံၤဒဲးအဃိ လီၢ်က၀ီၤသ၀ီဖိလၢအအိၣ််ဘူးဒီးဖၣ်ပူၣ်၀့ၢ်တဖၣ် ဟးထီၣ်က့ၤလီၤတသ့ဘၣ်ဒီးတၢ်အီၣ်တၢ်အီတဖၣ်ဘူးထီၣ်ကလၢၤလံအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိတဖၣ်အအိၣ်န့ၣ်လီၤႉ လီၢ်က၀ီၤကမျၢၢ်ထံဖိကီၢ်ဖိလၢအအိၣ်ဖၣ်ပူၣ်၀့ၢ်ပူၤတဖၣ် ခီဖျိတၢ်ဒုးကဲထီၣ်အဃိစးထီၣ်ဖဲအပူၤကွံာ်လါမးရှး လၢာ် ဟးထီၣ်ဟးလီၤလၢတၢ်ချၢတန့ၢ်လၢၤဘၣ်အမဲာ်ညါ ခီဖျိတၢ်ဒုးကဲထီၣ်အဆၢတတဲာ်ဘၣ်အဃိ ကမျၢၢ်တဖၣ်ထံၣ်ဘၣ်ဒီးတၢ်အီၣ်တၢ်အီတၢ်ဂ့ၢ်ကီအဂ့ၢ်န့ၣ် သ့ၣ်ညါဘၣ်န့ၣ်လီၤႉ တကီၢ်ခါခဲအံၤ ကမျၢၢ်ထံဖိကီၢ်ဖိလၢအအိၣ်ဖဲဟီၣ်က၀ီၤအပူၤတဖၣ် ခီဖျိတၢ်ဒုးကဲထီၣ်အဃိ ဟးထီၣ်လၢတၢ်ချၢတန့ၢ်ဘၣ်အမဲာ်ညါ ၀့ၢ်ချၢဒီးသ၀ီအချၢတဖၣ်စ့ၢ်ကီးခီဖျိတၢ်ဒိးလီၤဃာ်မ့ၣ်ပိၢ်အဃိ ၦၤလၢအဟးထီၣ်လၢတၢ်ချၢတဖၣ်ဒီးဆၣ်ဖိကီၢ်ဖိတနီၤဘၣ်ဒိဘၣ်ထံးအိၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ “မ့ၢ်ဆဲးလဲၤသးဒ်အံၤဒု ဆူညါတလါန့ၣ် ကဘၣ်အီၣ်က့ၤမ့ၤချီလီၤႉ မၤတၢ်တန့ၢ်နီတမံၤဘၣ် စ့မ့ၢ်အိၣ်နါက့ဟးဃုၦ့ၤအီၣ်ဟုသးႇသိႇအံသၣ်တန့ၢ်လၢၤဘၣ်ႉ ကလဲၤဃုအီၣ််တၢ်လၢကျီးပူၤအဂီၢ်စ့ၢ်ကီး ခီၣ်အပိၣ်တပၣ်ဘၣ်အဃိလဲၤတဘူၣ်လၢၤဘၣ်ႉ ဖဲလဲၤဆၢကတီၢ်တၢ်ဒုးမ့ၢ်ကဲထီၣ်ဒုတညီဘၣ်ႉ ခး၀ဲဒီး ကျိဖးဒိၣ်တဖၣ်ကိးမုၢ်နံၤဒဲးလီၤ”အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံးဘၣ်ခ့ၣ်အဲးစံၣ်န့ၣ်လီၤႉ တကီၢ်ခါခဲအံၤ ခီဖျိတၢ်ကးတံၢ်ဃာ်၀ဲ ဖၣ်ပူၣ်=ကမၤမိၢ်ကျဲမုၢ်ဖးဒိၣ်အဃိ သိလ့ၣ်လၢအတီၣ်ဆှၢထီၣ်ဆှၢလီၤ တၢ်ဖိတၢ်လံၤတဖၣ်ဟးထီၣ်တဘူၣ်လၢၤဘၣ်အဃိ ၀့ၢ်ပူၤဂံၢ်ခီၣ်ထံးတၢ်အီၣ်တၢ်အီ တဖၣ်ဒီး တၢ်ဖိတၢ်လံၤလၢ အဂၤတဖၣ်အလုၢ်အၦ့ၤထီၣ်၀ဲဒၣ်ဒီး ကျးတဖၣ်စ့ၢ်ကီးစှၤလီၤ၀ဲအဂ့ၢ်န့ၣ် သ့ၣ်ညါဘၣ်လၢဖၣ်ပူၣ်လီၢ်က၀ီၤဖိ အအိၣ်န့ၣ်လီၤႉ ဖၣ်ပူၣ်ကီၢ်ဆၣ်အပူၤ သ၀ီလၢအဟးထီၣ်လၢတၢ်ချၢတဘူၣ်ဘၣ်အိၣ်၀ဲအါမးဒီး ဒူသ၀ီကမျၢၢ်လၢအအိၣ်ဘူး ဒီးထံကျိတနီၤန့ၣ် ဟးဃု၀ဲဒၣ်ကျဲဒီးလဲၤဃ့ၢ်အိၣ်ကဒုအသးလၢ မၠဲၣ်ကၠံငူၣ်စ့ၢ်ကီးအိၣ်၀ဲအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ဒ်န့ၣ်အသိး ဖၣ်ပူၣ်၀့ၢ်ပူၤ မီၤစိရိၤအသုးကလၢၤတဖၣ်စ့ၢ်ကီး ကမျၢၢ်တဖၣ်မ့ၢ်ဟးထီၣ်နုာ်လီၤန့ၣ် ကဘၣ်ဒုးသ့ၣ်ညါအ၀ဲသ့ၣ်သုးကလၢၤ၀ံၤမး နုာ်လီၤဟးထီၣ်သ့အဂ့ၢ်န့ၣ် သ့ၣ်ညါဘၣ်န့ၣ်လီၤႉ
သုးခိးကီၢ်ဆၢ -BGF ဟဲထီၣ်လၢ သုးက့(၅)ဟီၣ်က၀ီၤပူၤအါအါဂီၢ်ဂီၢ်အဂ့ၢ် KNU စံး၀ဲ
လါမ့ၤ ၅ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးကလဲၤဆှၢမၤစၢၤမီၤစိရိၤအသုးတဖၣ်တၢ်အီၣ်တၢ်အီအဂီၢ် သုးခိးကီၢ်ဆၢ -BGF သုးတဖၣ် ဟဲတုၤ၀ဲဒၣ်လၢ KNU- ကညီဒီကလုာ်စၢဖှိၣ်ကရၢ သုးက့(၅)ဟီၣ်က၀ီၤအါအါဂီၢ်ဂီၢ်အဂ့ၢ်န့ၣ် သုးက့(၅)တကပၤ စံး၀ဲန့ၣ်လီၤႉ ခီဖျိသုးတၢ်အီၣ်တၢ်အီတလၢတၦဲၤဘၣ်ဒီး တၢ်ကးတံၢ်ဃာ်၀ဲတၢ်အီၣ်တၢ်အီအကျဲတဖၣ်အဃိ ဒ်သိးကလဲၤဆှၢမၤစၢၤ၀ဲမီၤစိရိၤအသုးကလၢၤလၢအအိၣ်ဖဲသုးက့(၅)ဟီၣ်က၀ီၤပူၤတဖၣ်တၢ်အီၣ်တၢ်အီအဂီၢ် သုးခိးကီၢ်ဆၢ(BGF)တဖၣ် စးထီၣ်ဖဲအပူၤကွံာ်စှၤသီန့ၣ် သုးနီၣ်ဂံၢ် ၅၀၀ ဘျဲၣ် ဟဲတုၤ၀ဲဒၣ်လၢကမၤမိၢ်၀့ၢ်အဂ့ၢ်န့ၣ် ခ့ၣ်အဲၣ်ယူၣ် သုးက့(၅)ၦၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံး၀ဲန့ၣ်လီၤႉ အ၀ဲစံး၀ဲ“ဖဲအပူၤကွံာ်တနွံန့ၣ် ဒ်ပဒိးန့ၢ်ဘၣ်တၢ်ကစီၣ်အသိး ပနၢ်ဟူလၢဃုာ်ဒီးပယီၤသုးနီၣ်ဂံၢ် ၁၅၀ ဂၤဃၣ်ဃၣ် ဟဲထီၣ်၀ဲလီၤႉ ဖဲလါမ့ၤ ၃ သီအနံၤစ့ၢ်ကီး သုးဂံၢ်ဘါဟဲအါထီၣ်ကဒီး(၄၀၀)ဘျဲၣ်လီၤႉ အဃိန့ၣ် ဖဲအံၤကအိၣ်၀ဲဒၣ် ၅၅၀ ညါမီၤနီၤႉ လၢအံၤတကပၤခီဒု လၢကဟဲဆှၢသုးတၢ်အီၣ်တၢ်အီတဖၣ်အဂီၢ်မၤစၢၤ၀ဲမီၤနီၤႉ တနီၤန့ၣ်လဲၤထီၣ်၀ဲဒၣ်လၢသုးက့(၁)တကပၤဒီး လဲၤပာ်ဖှိၣ်မၤသကိးတၢ်ဒီးပယီၤသုးလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ သုးခိးကီၢ်ဆၢ(BGF)လၢအဟဲတုၤ၀ဲဒၣ်ခဲအံၤတဖၣ်န့ၣ် မ့ၢ်မတဂၤတီခိၣ်ရိၣ်၀ဲဒီးမ့ၢ်မနုၤသုးရ့ၣ်တဖၣ်လဲၣ်န့ၣ် တ သ့ၣ်ညါဘၣ်လီၤတံၢ်လီၤဆဲးဒံးဘၣ်အဂ့ၢ်ဒီး သုးရ့ၣ်လၢအအိၣ်ပာ်စၢၤလၢညါတဖၣ်န့ၣ် မ့ၢ်၀ဲဒၣ် (၁၀၁၃)သုးရ့ၣ် ဒီး (၁၀၁၄)သုးရ့ၣ်တဖၣ်လီၤဒီး သုးလၢအဟဲတုၤ၀ဲခဲအံၤတဖၣ် ဆီလီၤသုးကလၢၤအိၣ်ဒံး၀ဲဒၣ်လၢကမၤမိၢ်ဒံးအဂ့ၢ်န့ၣ် KNU...
မ့ၣ်ပိၢ်ပိၢ်ဖးထီၣ်လၢလူၢ်ပျဲၢ်ကူၣ်သ့၀ဲၤဒၢးအကပၤ
လါမ့ၤ ၄ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤ(လါမ့ၤ ၄ သီ)ဂီၤခီ ၂ နၣ်ရံၣ်တခီအဆၢကတီၢ် မ့ၣ်ပိၢ်ပိၢ်ဖးထီၣ်လၢ ကညီကီၢ်စဲၣ် လူၢ်ပျဲၢ်၀့ၢ် ကူၣ်သ့၀ဲၤဒၢးအကပၤတခါအဂ့ၢ်န့ၣ် ၦၤအိၣ်လၢ၀့ၢ်ပူၤတဖၣ်စံး၀ဲန့ၣ်လီၤႉ ၦၤအိၣ်လၢ၀့ၢ်ပူၤလၢတအဲၣ်ဒိးပာ်ဖျါအမံၤတဂၤ စံး၀ဲ“ဖဲမုၢ်နၤခီ ၂ နၣ်ရံၣ်တခီအဆၢကတီၢ် မ့ၣ်ပိၢ်ပိၢ်ဖးထီၣ်လၢ လူၢ်ပျဲၢ်ဖၠါအမဲာ်ညါ ကူၣ်သ့၀ဲၤဒၢးအကရၢၢ်ကပၤလီၤႉ ကဲ၀ဲမ့ၣ်ပိၣ်လၢတၢ်တ့န့ၢ်လၢစုလီၤႉ ခီဖျိမ့ၣ်ပိၢ်ပိၢ်ဖးထီၣ်အဃိ အိၣ်ဒၣ်ထဲလၢယွၤသ့ၣ်ဖးလီၤႉ ၦၤဘၣ်ဒိဘၣ်ထံးဒုတအိၣ်ဘၣ်”အဂ့ၢ်န့ၣ် စံး၀ဲန့ၣ်လီၤႉ ဖဲမ့ၣ်ပိၢ်ပိၢ်ဖးထီၣ်၀ံၤအလီၢ်ခံ ဂီၤခီ ၃ နၣ်ရံၣ်ဘျဲၣ်အဆၢကတီၢ် သုးမီၤစိရိၤ အပၢၤကီၢ်သုးတဖၣ်ဟဲတုၤသမံသမိး၀ဲတၢ်ဒီး တကီၢ်ခါတၢ်လီၢ်လၢမ့ၣ်ပိၢ်ပိၢ်ဖးထီၣ်အခိၣ်အဃၢၤန့ၣ် ပၢၤကီၢ်သုးတဖၣ်ဆီလီၤ၀ဲတၢ်ဘံၣ်တၢ်ဘၢလီၤအဂ့ၢ်န့ၣ် ၦၤအိၣ်လၢ၀့ၢ်ပူၤတဂၤဃီအ၀ဲန့ၣ် စံး၀ဲန့ၣ်လီၤႉ
သုးက့(၁)ဟီၣ်က၀ီၤအပူၤ တၢ်ဒုးကဲထီၣ်အိၣ်ကိးမုၢ်နံၤဒဲး
လါမ့ၤ ၃ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်= ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ် သုးက့(၁)ဟီၣ်က၀ီၤအပူၤ စးထီၣ်ဖဲသုး ကီၣ်ကးဒီးသုးခိးကီၢ်ဆၢ -BGF ပာ်ဖှိၣ်ထီၣ်သးဟူးဂဲၤအလီၢ်ခံ တၢ်ဒုးကဲထီၣ်၀ဲဒၣ်ဒီး KNU သုးက့(၁) စုဒုၣ်တီၤအဖီလာ်တဖၣ်ကိးမုၢ်နံၤဒဲးအဂ့ၢ်န့ၣ် သ့ၣ်ညါဘၣ်လၢ ခ့ၣ်အဲၣ်ယူၣ် လီၢ်က၀ီၤခိၣ်နၢ်အအိၣ်န့ၣ်လီၤႉ ဖဲအပူၤကွံာ်စးထီၣ်ဖဲလါအ့ဖြ့ၣ် ၂၃ သီ တုၤလၢ လါအ့ဖြ့ၣ် ၃၀ သီအနံၤ တၢ်ဒုးကဲထီၣ်၀ဲလၢ သုးက့(၁)ဟီၣ်က၀ီၤအပူၤကိးမုၢ်နံၤဒဲးဒီး သုးကီၣ်ကးဒီး သုးခိးကီၢ်ဆၢ -BGF သုးတဖၣ်ဖှိၣ်ထီၣ်သး ပညိၣ်ခးလီၤကျိဖးဒိၣ်တဖၣ်ဆူဒူသ၀ီပူၤအိၣ်၀ဲအဂ့ၢ်န့ၣ် KNU ဒူသထူၣ်ကီၢ်ရ့ၣ် နဲၣ်ရွဲၣ် ပဒိၣ်စီၤစိမၠ့ၣ်စံး၀ဲဒ်အံၤန့ၣ်လီၤႉ “တၢ်ဒုးဒုကဲထီၣ်ကိးမုၢ်နံၤဒဲးလီၤႉ မ့ၢ်တသးမံဘၣ်န့ၣ် ဖီၣ်စုက၀ဲၤကဒဲကဒဲခးတမ့ၢ်ဘၣ်ဒီး ခးလီၤ၀ဲဒၣ်ကျိဖးဒိၣ်လၢဒူသ၀ီအပူၤလီၤႉ ဖဲလါမးရှး ၃၀ သီအနံၤစ့ၢ်ကီး ခးလီၤ၀ဲကျိဖး ဒိၣ်လၢထိဘိၣ်ႇ နိၣ်ဖးလဲၢ်သ၀ီပူၤလီၤႉ လၢ(ဒေါင်း)သ၀ီတကပၤစ့ၢ်ကီးခး၀ဲလီၤႉ တၢ်ဘၣ်ဒိဘၣ်ထံးမ့ၢ်အိၣ်န့ၣ်ဘၣ်ဒိ၀ဲလၢကမျၢၢ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ခီဖျိသုးမီၤစိရိၤအသုးခးလီၤကျိဖးဒိၣ်ကျိဖိတဖၣ်လၢသ၀ီပူၤအဃိ ဟံၣ်ဃီဟးဂီၤ၀ဲဒီး သ၀ီပူၤသူၣ်က့သးၦၢ်ႇ ပိာ်မုၣ်ပိာ်မၢၤဒီးဖိဒံဖိသၣ်တဖၣ် ဘၣ်သုးလီၢ်သုးကျဲဆူတၢ်လီၢ်အဂၤန့ၣ်လီၤႉ KNU သုးက့(၁) ဒူသထူၣ်ကီၢ်ရ့ၣ် ကီၢ်ဆၣ်...
ဒ်သိးကထီဒါဒီးဒုးလီၤၦီၢ်သကိးပယီၤသုးမီၤစိရိၤတဖၣ်ဒူဒူအဂီၢ် သုးခိၣ်ကျၢၢ်စိ စီၤဘီကၠီၣ်ဟဲ ဆီၣ်တခူထီၣ် ကညီဖီၣ်စုက၀ဲၤကရူၢ်တဖၣ်
လါမ့ၤ ၃ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးကထီဒါဒီးဒုးလီၤၦီၢ်သကိးပယီၤသုးမီၤစိရိၤတဖၣ်ဒူဒူအဂီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးရိၣ်မဲခိၣ်ကျၢၢ်(၂) သုးခိၣ်ကျၢၢ်စိ စီၤဘီကၠီၣ်ဟဲ ဆီၣ်တခူထီၣ်ကညီဖီၣ်စုက၀ဲၤကရူၢ် ၄ ဒူၣ် ဖဲမဟါ(လါမ့ၤ ၂ သီ)အနံၤန့ၣ်လီၤႉ ဘၣ်ထွဲပယီၤသုးမီၤစိရိၤအသုးတၢ်ဟဲကွံာ်လီၤမ့ၣ်ပိၢ်ဒီးတၢ်ဟဲထီၣ်ဒုးကညီကီၢ်စဲၣ်ကလံၤစိး ဖၣ်ပူၣ်ဟီၣ်က၀ီၤပူၤတၢ်ဂ့ၢ်အံၤ KNLA သုးရိၣ်မဲခိၣ်ကျၢၢ်=၂ သုးခိၣ်ကျၢၢ်စိ စီၤဘီကၠီၣ်ဟဲ ဆှၢန့ၢ်၀ဲ လံာ်တၢ်ကတိၤဟ့ၣ်ဂံၢ်ဟ့ၣ်ဘါတဘ့ၣ်ဆူ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA, တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA, ကညီတၢ်မုာ်တၢ်ခုၣ်ကီၣ်ကး -KNU/KNLA-PC ဒီး ကညီသုးခိးကီၢ်ဆၢ -BGF တဖၣ် ဖဲလါမ့ၤ ၂ သီအနံၤန့ၣ်လီၤႉ “ခိၣ်နၢ်သိၣ်ဒူလၢ KNLA,DKBA, KNU/KNLA-PC ဒီး BGF ခဲလၢာ်သ့ၣ်သုဧၢႇ လၢကညီအတၢ်ပၢၢ်ဆၢအနံၣ် ၇၀ ဘျဲၣ်အတီၢ်ပူၤ တၢ်ခွဲးတၢ်ယာ်ဂ့ၤဒ်သိးမုၢ်မဆါတနံၤအံၤ တအိၣ်နီတဘျီဒံးဘၣ်ႉ မ်ပကဟံးန့ၢ်သကိးတၢ်ခွဲးဂ့ၤယာ်ဘၣ်အံၤႉ ပကဂဲၤဆၢ ထၢၣ်သကိးဃူဃူဒူဒူလၢတၢ်ပၢၢ်ဆၢ ဒုးလီၤၦီၢ်ကွံာ်ပယီၤသုးမီၤစိရိၤအသနူဖဲပစိၤအံၤ ဒ်သိးစိၤလၢခံတဖၣ်ကဒိးန့ၢ်ဘၣ်တၢ်ထူၣ်ဖျဲးတၢ်သဘျ့အဂီၢ်တက့ၢ်ႉ မ်ပကၦဲၤဒီး တၢ်ပၢၢ်ဆၢသးသဟီၣ်ဂံၢ်ဘါႇကညီၦၤဒူၦၤဃိၤအတၢ်သူၣ်ဒူသးဒူႇဒီးမ်တၢ်ထံတၢ်တီကစၢ်ကအိၣ်ၦိၤၦၤထီဘိတုၤပတုၤဆူပတၢ်မၤနၢၤဖီတၢၣ်တစုတက့ၢ်”အဂ့ၢ်န့ၣ် သုးခိၣ်ကျၢၢ်စိ စီၤဘီကၠီၣ်ဟဲ ဆီၣ်တခူထီၣ်၀ဲန့ၣ်လီၤႉ တကီၢ်ခါဆၢကတီၢ်ခဲအံၤ ...
ခီဖျိမီၤစိရိၤအသုးကဘီယူၤဟဲကွံာ်လီၤကဒီးမ့ၣ်ပိၢ်အဃိ မုၢ်တြီၢ် လီၢ်က၀ီၤဖိ ၃၀၀ ဘျဲၣ်ဃ့ၢ်ထီၣ်ဆူကၠီၣ်တဲၣ်ပူၤ
လါအ့ဖြ့ၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲလါအ့ဖြ့ၣ် ၂၈ သီအနံၤ ခီဖျိပယီၤသုးမီၤစိရိၤအသုးကဘီယူၤဟဲကွံာ်လီၤမ့ၣ်ပိၢ်လၢ ခ့ၣ်အဲၣ်ယူၣ်= ကညီဒီလုာ်စၢဖှိၣ်ကရၢ သုးက့ ၅ ဟီၣ်က၀ီၤပူၤအဃိ လီၢ်က၀ီၤသ၀ီဖိ ၃၀၀ ဘျဲၣ် လဲၤဘၣ်ဃ့ၢ်ထီၣ်၀ဲဆူကီၢ်ကၠီၣ်တဲၣ်တကပၤအဂ့ၢ်န့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ -KPSN ပာ်ဖျါထီၣ်၀ဲဖဲတနံၤအံၤ တၢ်မၤရှဲလဲၦၤကွဲးတၢ်ကစီၣ်ဖိၣ်အမူးလၢ(online)ပူၤ အဆၢကတီၢ်န့ၣ်လီၤႉ ဖဲ ၂၇ သီ ဂီၤခီအဆၢကတီၢ် စးထီၣ်ဖဲခ့ၣ်အဲၣ်ယူၣ် သုးက့(၅) ထီၣ်ဒုးဟံးန့ၢ်ကွံာ် ပယီၤသုးကလၢၤလၢအအိၣ်ဖဲသီလဲၤထၣ်၀ံၤ တနံၤဃီန့ၣ် သုးကီၣ်ကးအသုးဟဲကွံာ်လီၤမ့ၣ်ပိၢ်ဒီးကဘီယူၤဒီး ဖဲမဟါလါအ့ဖြ့ၣ် ၂၈ သီအနံၤစ့ၢ်ကီးဟဲကွံာ်လီၤကဒီးမ့ၣ်ပိၢ်အဃိ လီၢ်က၀ီၤသ၀ီဖိ ၃၀၀ ဘျဲၣ် ဘၣ်လဲၤဃ့ၢ်ထီၣ်၀ဲဆူကီၢ်ကၠီၣ်တဲၣ်အပူၤဟဲအိၣ်ထီၣ်၀ဲအဂ့ၢ်န့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ -KPSN စံး၀ဲန့ၣ်လီၤႉ တကီၢ်ခါဆၢကတီၢ်ခဲအံၤ လီၢ်က၀ီၤဒူသ၀ီဖိလၢအဟဲဃ့ၢ်ထီၣ်ဆူကီၢ်ကၠီၣ်တဲၣ်အပူၤတဖၣ် အ၀ဲသ့ၣ်ဒၣ်၀ဲဘၣ်ဟဲစိာ်၀ဲ တၢ်အီၣ်တၢ်အီဒီး ကၠီၣ်တဲၣ်ၦၤဘၣ်မူဘၣ်ဒါတဖၣ်ပာ်အ၀ဲသ့ၣ်ဖဲလဲၣ်အဂ့ၢ်န့ၣ် KPSN ၦၤကတိၤတၢ်ပၢ နီၢ်ကညီဖီ စံးဘၣ် ခ့ၣ်အဲးစံၣ်=ကညီတၢ်ကစီၣ်၀ဲၤလီၢ်ခိၣ်သ့ၣ် ဒ်အံၤန့ၣ်လီၤႉ “ဒ်ပဒိးန့ၢ်ဘၣ်စရီအသိးန့ၣ် ဖဲမဟါမုၢ်နၤခီန့ၣ်ဟဲနုာ်လီၤ၀ဲအဂၤ ၃၀၀...
တၢ်ဖီၣ် မၠၣ်၀တံၣ် က၀ီၤဒ့(၂)သးၦၢ်လီၢ်လံၤ
လါအ့ဖြ့ၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ဖဲမဟါမုၢ်နၤခီအဆၢကတီၢ် တၢ်လဲၤကိးလံၣ်၀ဲက၀ီၤဒ့(၂)သးၦၢ်လီၢ်လံၤဒီး တၢ်ဖီၣ်ဒုးဃာ်၀ဲဖဲမၠၣ်၀တံၣ်မၠိၣ်မၣ်ပၢၤကီၢ်၀ဲၤလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲမဟါ လါအ့ဖြ့ၣ် ၂၈ သီ မုၢ်နၤခီ ၁၁ နၣ်ရံၣ်အဆၢကတီၢ် နီၣ်ဂံၢ်(၁)က၀ီၤဒ့ ကရူၢ်ခိၣ် ဟဲကိး၀ဲသးၦၢ်လီၢ်လံၤတဲ၀ဲလၢအဲၣ်ဒိးဃ့တၢ်မၤစၢၤအိၣ်ဒီးက့ၤကိး၀ဲအဂ့ၢ်န့ၣ် က၀ီၤဒ့(၂)သးၦၢ်လီၢ်လံၤ အူမီၤမီၤညိၣ်အဟံၣ်ဖိဃီဖိတဖၣ် စံး၀ဲန့ၣ်လီၤႉ “က့ၤကိး၀ဲလၢမၠၣ်၀တံၣ်မၠိၣ်မၣ်ပၢၤကီၢ်၀ဲၤလီၢ်၀ံၤအလီၢ်ခံ တၢ်ဖီၣ်ဒုးဃာ်၀ဲအူမီၤမီၤညိၣ်လီၤႉ ဘၣ်မနုၤအဃိဘၣ်ဟဲဖီၣ်၀ဲလဲၣ်န့ၣ်တသ့ၣ်ညါဒံးဘၣ်အသိး တုၤလၢခဲအံၤတစု တဟ့ၣ်ထံၣ်၀ဲဒီးဟံၣ်ဖိဃီဖိဒံးဘၣ်”အဂ့ၢ်န့ၣ် အဟံၣ်ဖိဃီဖိတဂၤစံး၀ဲန့ၣ်လီၤႉ မၠၣ်၀တံၣ်၀့ၢ် က၀ီၤဒ့အိၣ်၀ဲ ၅ ခါအကျါ လၢအပူၤကွံာ်သးၦၢ်လီၢ်လံၤ ၄ ဂၤန့ၣ် သုးကီၣ်ဆဲးတူၢ်လိာ်တီၣ်ထီၣ်၀ဲဒီး လီၤဒံး၀ဲမူဒါဘၣ်ဆၣ် မ့မ့ၢ်က၀ီၤဒ့(၂)သးၦၢ်အူမီၤမီၤညိၣ်အံၤ မ့ၢ်ၦၤလၢအဟးထီၣ်တ့ၢ်လၢနီၢ်ကစၢ်တၢ်ဘၣ်သးအသိးတဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲမဟါမုၢ်နၤခီအဆၢကတီၢ် ပၢၤကီၢ်၀ဲၤလီၢ်ကိး၀ဲ မၠၣ်၀တံၣ်၀့ၢ် က၀ီၤဒ့(၅)ခါ က၀ီၤဒ့သးၦၢ် ၅ ဂၤ၀ံၤအလီၢ်ခံ ဖီၣ်၀ဲထဲက၀ီၤဒ့(၂)သးၦၢ်လီၢ်လံၤအူမီၤမီၤညိၣ်တဂၤလီၤအဂ့ၢ်န့ၣ် ၦၤလၢအအိၣ်ဘူးဒီးအဟံၣ်ဖိဃီဖိတဂၤ စံးဘၣ်ခ့ၣ်အဲးစံၣ်န့ၣ်လီၤႉ ဒ်န့ၣ်အသိး ဖဲမဟါမုၢ်နၤခီအဆၢကတီၢ် ကညီကီၢ်စဲၣ် ကီးတရံး၀့ၢ်ပူၤ တၢ်ဟးဖီၣ်၀ဲဒၣ်သးၦၢ်လီၢ်လံၤလၢအတမၤတၢ်လၢသုးကီၣ်ကးတၢ်ပၢအဖီလာ်တဖၣ်စ့ၢ်ကီးအိၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ
သုးမီၤစိရိၤအသုးဟဲကွံာ်လီၤမ့ၣ်ပိၢ်ခံသီဆဲးတဲးလၢ သုးက့ ၅ ဟီၣ်က၀ီၤအပူၤ
လါအ့ဖြ့ၣ် ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ပယီၤသုးမီၤစိရိၤအသုးကဘီယူၤဟဲကွံာ်လီၤမ့ၣ်ပိၢ်ခံသီဆဲးတဲးလၢ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်ႇ သုးက့ ၅ တၢ်ပၢဟီၣ်က၀ီၤအပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲမဟါ လါအ့ဖြ့ၣ် ၂၇ သီ ဂီၤခီအဆၢကတီၢ် KNU စုဒုၣ်တီၤအဖီလာ် KNLA သုးက့ ၅ လဲၤထီၣ်ဟံးန့ၢ်ကွံာ်၀ဲ သုးမီၤစိရိၤ အသုးကလၢၤလၢအအိၣ်ဖဲ သီလဲၤထၣ်ႇ ကီၢ်ကၠီၣ်တဲၣ်=ကီၢ်ပယီၤကီၢ်ဆၢ၀ံၤအလီၢ်ခံ သုးမီၤစိရိၤအသုးဟဲကွံာ်လီၤမ့ၣ်ပိၢ်ဒီး ကဘီယူၤအဆၢတတဲာ်၀ဲဘၣ်အဂ့ၢ်န့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ြ -KPSN ကရူၢ် စံးဘၣ်ခ့ၣ်အဲးစံၣ်န့ၣ်လီၤႉ KPSN ၦၤကတိၤတၢ်ပၢ နီၢ်၀ါခုၣ်ရှံ စံး၀ဲ“မဟါန့ၣ်ခး၀ဲတၢ်လီၢ် ၃ တီၤလီၤႉ နၣ်ဟူလၢဟဲကွံာ်လီၤမ့ၣ်ပိၢ်လၢ ဘှါဒၢႇဒါကွ့ၤဒီးသီလဲၤထၣ်အဖီလာ်တၢ်လီၢ်တတီၤလီၤႉ တနံၤညါအံၤဟဲခးကဒီး၀ဲဒါကွ့ၤတဘျီလီၤႉ နၢ်ဟူဘၣ်လၢသ၀ီဖိတဖၣ်ဘၣ်ဒိဘၣ်ထံးအိၣ်ဘၣ်ဆၣ် ပာ်ဂၢၢ်ပာ်ကျၢၤတန့ၢ်ဒံးဘၣ်”အဂ့ၢ်န့ၣ် စံး၀ဲန့ၣ်လီၤႉ သုးမီၤစိရိၤအသုးဟဲကွံာ်လီၤမ့ၣ်ပိၢ်ဒီးကဘီယူၤအံၤ ပညိၣ်ဟဲခး၀ဲ တၢ်လီၢ်လၢကမျၢၢ်ထံဖိကီၢ်ဖိအိၣ်အလီၢ်လီၤ အဂ့ၢ်န့ၣ် KNLA သုးက့ ၅ ၦၤကတိၤတၢ်ပၢ သုးခိၣ်ဒိၣ်စိ စီၤကျၢၤဒိၣ် စံး၀ဲဒ်အံၤန့ၣ်လီၤႉ “လၢအပူၤကွံာ်တဘျီဟဲကွံာ်လီၤမ့ၣ်ပိၢ်န့ၣ်ဟဲကွံာ်လီၤ၀ဲလၢတၢ်လီၢ်လၢကမျၢၢ်ထံဖိကီၢ်ဖိအိၣ်ဆိးအလီၢ်လီၤႉ ဘၣ်ဒိသံ၀ဲထဲဒူဖိသ၀ီဖိလီၤႉ သုးကီၣ်ကးသုးကရူၢ်အံၤဖီၣ်စုက၀ဲၤကဒဲကဒဲအဘၢၣ်စၢၤ တၢ်မ့ၢ်ကဲထီၣ်တမံၤမံၤလံန့ၣ် တခး၀ဲဒၣ်ဖီၣ်စုက၀ဲၤကဒဲဒဲဘၣ်ဒီး...
DKBA ဒီး KNU/KNLA(PC) ကရူၢ်အံၤ ကြၢးလၢကဘၣ်ကနၣ်ကမျၢၢ်တၢ်အိၣ်သးဒီးအကလုၢ်အဂ့ၢ် KPSN စံး၀ဲ
လါအ့ဖြ့ၣ် ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီဖီၣ်စုက၀ဲၤကရူၢ်လၢအမ့ၢ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA ဒီး ကညီတၢ်မုာ်တၢ်ခုၣ်ကီၣ်ကး -KNU/KNLA(PC) ခိၣ်နၢ်လၢအလဲၤထံၣ်လိာ်သးဒီးသုးကီၣ်ကးတဖၣ်အံၤ ကြၢးလၢကဘၣ်ကနၣ်ကမျၢၢ်တၢ်အိၣ်သးဒီးအကလုၢ်တဖၣ်အဂ့ၢ်န့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ -KPSN ဟ့ၣ်ထီၣ်အတၢ်ထံၣ်စံး၀ဲန့ၣ်လီၤႉ ဖဲလါအ့ဖြ့ၣ် ၂၆ သီအနံၤ ဘၣ်ထွဲဒီး DKBA ဒီး KNU/KNLA(PC) ကညီဖီၣ်စုက၀ဲၤခံဒူၣ် လဲၤထံၣ်လိာ်သးဒီး သုးကီၣ်ကးဒီကလုာ်တၢ်ဃူတၢ်ဖိးဒီးတၢ်မၤဖျါထီၣ် တၢ်မုာ်တၢ်ခုၣ်တၢ်ထိၣ်ဃူထိၣ်ဖိးကမံးတံာ် -NSPC ကရူၢ်တၢ်ဂ့ၢ်အံၤ ပသံဒိးသံကွၢ်၀ဲ ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ -KPSN အၦၤကတိၤတၢ်ပၢ နီၢ်၀ါခုၣ်ရှံ ဒီး အ၀ဲဟ့ၣ်ထီၣ်အတၢ်ထံၣ်ဒ်အံၤန့ၣ်လီၤႉ “ပယီၤသုးအံၤမၤသံ၀ဲဒၣ်ဒူဖိသ၀ီဖိထံဖိကီၢ်ဖိဆှုၣ်မဲာ်ကဲၤမဲာ်ႇဟဲထီၣ်ဒုး၀ဲဒၣ်ပဟီၣ်က၀ီၤတဖၣ်ဒီးကမျၢၢ်ဘၣ်ဃ့ၢ်မှံဟးဖျိးလီၤႉ အဃိန့ၣ်ပထံၣ်လၢကညီဖီၣ်စုက၀ဲၤသ့ၣ်တဖၣ်န့ၣ် မ့မ့ၢ်ၦၤလၢအဆၢထၢၣ်လၢၦၤထံဖိကီၢ်ဖိအဂီၢ် မ့မ့ၢ်ၦၤလၢအဒုးတၢ်ဖီၣ်စုက၀ဲၤလၢကတြီဆၢ၀ဲဒၣ်ဟီၣ်က၀ီၤပဟီၣ်ခိၣ်ကပံာ်ပထံဖိကီၢ်ဖိန့ၣ် ကြၢးလၢကဘၣ်ကနၣ်စ့ၢ်ကီးထံဖိကီၢ်ဖိတၢ်အတၢ်ထံၣ်အကလုၢ်လီၤႉ မ့ၢ်လဲၤလၢနီၢ် တဂၤမ့ၢ်ဂ့ၤႇလဲၤလၢတၢ်ကရၢကရိမ့ၢ်ဂ့ၤန့ၣ် လ့ၤတက့ၤတၢ်သ့ၣ်တဖၣ်အံၤန့ၣ်တကြၢးလၢပဘၣ်မၤဘၣ်မီၤနီၤႉ ပမ့ၢ်လဲၤလၢနီၢ်တဂၤနါက့ခီဖျိလၢပဘၣ်ဃးဒီးတၢ်ကရၢကရိအဃိ အ၀ဲန့ၣ် ပတဲလၢပလဲၤလၢပကစၢ် တၢ်ဘၣ်သးတသ့ဘၣ်ႉ ပမ့မ့ၢ်ၦၤလၢအအဲၣ်တၢ်သဘျ့တၢ်မုာ်တၢ်ခုၣ်န့ၣ် ကြၢးလၢပကဘၣ်ကနၣ်ထံဖိကီၢ်ဖိအကလုၢ်လီၤ”အဂ့ၢ်န့ၣ် အ၀ဲစံးဘၣ်ခ့ၣ်အဲးစံၣ်န့ၣ်လီၤႉ တၢ်လဲၤထံၣ်လိာ်သးဒီး NSPC ကရူၢ်တၢ်ဂ့ၢ်တၢ်ကျိၤတခီန့ၣ် မ့ၢ်ဒၣ်တၢ်မုာ်တၢ်ခုၣ်ဒီး တၢ်ဂုၤထီၣ်ပသီထီၣ်တၢ်ဂ့ၢ်လီၤဒီး တပၣ်ဃုာ်ထံရူၢ်ကီၢ်သဲးတၢ်ဂ့ၢ်ဘၣ်အဂ့ၢ်န့ၣ် KNU/KNLA(PC) သုးခိၣ်ဒိၣ်စိ စီၤကၠီၤညိၣ်...
တၢ်ဆဲးကျိးသံကွၢ်ဒီး သုးခိၣ်ဒိၣ်စိ စီၤကျၢၤဒိၣ်
တၢ်ဆဲးကျိးသံကွၢ်ဒီး သုးခိၣ်ဒိၣ်စိ စီၤကျၢၤဒိၣ် ‘အ၀ဲသ့ၣ်အိၣ်၀ဲဒၣ်လၢထံကျိနံၤမၤတံာ်တာ်တၢ်ခး၀ဲထံဖိကီၢ်ဖိကမျၢၢ်အချံအဃိ တၢ်သ့ၣ်တဖၣ်အံၤပတူၢ်လိာ်တသ့ဘၣ်အဖီခိၣ် အလီၢ်အိၣ်လၢဒ်ပမၤန့ၢ်မၤသ့အသိးန့ၣ် ပကဘၣ်မၤဖျိးထီၣ်က့ၤအီၤန့ၣ်အလီၢ်အိၣ်၀ဲလီၤႉ’ ဖဲတနံၤအံၤ (လါအ့ဖြ့ၣ် ၂၇)သီအနံၤ ဂီၤခီန့ၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်=ခ့ၣ်အဲၣ်အဲလ်အ့ၣ် သုးက့ ၅ ထီၣ်ဒုးန့ၢ်၀ဲ သီလဲၤထၣ် သုးမီၤစိရိၤအသုးကလၢၤလၢအအိၣ်ဖဲ ကီၢ်ကၠီၣ်တဲၣ်=ကီၢ်ပယီၤကီၢ်ဆၢအံၤန့ၣ်လီၤႉ ဘၣ်ထွဲဒီးတၢ်ဂ့ၢ်အံၤ ကညီတၢ်ကစီၣ်၀ဲၤလီၢ်ခိၣ်သ့ၣ် ဆဲးကျိးသံကွၢ်၀ဲ သုးက့ (၅) ၦၤကတိၤတၢ်ပၢဒ်အံၤန့ၣ်လီၤႉ တၢ်သံကွၢ်= အဆိဒုးသ့ၣ်ညါဘၣ် ဘၣ်ထွဲဒီးတၢ်ထီၣ်ဒုး၀ဲသီလဲၤထၣ်သုးမီၤစရိၤ သုးကလၢၤအံၤတက့ၢ်ႉ စံးဆၢ=လၢပကဘၣ်ကတိၤရှဲကတိၤလဲတၢ်ခီန့ၣ် ပသုးမုၢ်ဒိၣ်တီၣ်ထီၣ်န့ၢ်ၦၤတန့ၢ်ဒံးဘၣ်ႉ တၢ်ကဲထီၣ်သးဒုကဲထီၣ်သးအနီၢ်ကီၢ်လီၤႉ ပယီၤသုးကလၢၤဒုထီၣ်၀ဲန့ၢ်လီၤႉ အ၀ဲသ့ၣ်ဘၣ်ရှဲလဲတၢ်အိၣ်ဒံး၀ဲလီၤႉ ပသုးမုၢ်ဒိၣ်ဒုတီၣ်ထီၣ်န့ၢ်ၦၤတအိၣ်ဒံးဘၣ်ႉ ဘၣ်ဆၣ်နါက့အမ့ၢ်ဒုအမ့ၢ်လီၤတံၢ်လီၤမီၤနီၤႉ တၢ်သံကွၢ်=ပနၢ်ဟူဘၣ်လၢတၢ်ကဲထီၣ်သး၀ံၤအလီၢ်ခံတၢ်ပိာ်ထွဲထီၣ်အခံဒ်အမ့ၢ် ပယီၤသုးကတဲာ်ကတီၤထီၣ်သးလၢကဟဲကွံာ်လီၤကဒါမ့ၣ်ပိၢ်အိၣ်၀ဲလီၤႉ ဘၣ်ထွဲဒီးတၢ်ဂ့ၢ်တခါအံၤတဲပၠးဘၣ်ကသ့စ့ၢ်ဧါႉ စံးဆၢ=မ့မ့ၢ်လၢတၢ်ဟဲကဲထီၣ်သးဒ်အံၤအဖီၣ်ခိၣ်ခီန့ၣ် တၢ်ဒုးသ့ၣ်ညါ ဟ့ၣ်ပလီၢ်ၦၤဒ်သိးကအိၣ်ဒီးတၢ်ပလီၢ်ပဒီသးဒုအိၣ်၀ဲလီၤမီၤနီၤႉ ၀ံၤဘျီလၢတၢ်ကိပူၤတပၤနါက့ဂ့ၤ ဟ့ၣ်တၢ်ကစီၣ်ဒ်သိးလၢကွဲၢ်လဲၢ်ဘီဘျ့ၣ်ဘျီၣ်လၢအဟဲမၤတၢ်တဖၣ်န့ၣ်ခီဒု ကတီၤသးဒီးတၢၤ၀့ၤ၀ီၤလၢအခိၣ်အဃၢၤဒုအိၣ်၀ဲအဖီခိၣ်အဃိ တၢ်ဒုးပလီၢ်ဒ်န့ၣ်အိၣ်၀ဲလီၤႉ တၢ်သံကွၢ်=ဘၣ်ထွဲဒီးသုးက့ ၅ ထီၣ်ဒုးဟံးန့ၢ်ကွံာ်ပယီၤသုးကလၢၤတၢ်ဂ့ၢ် ၦၤအါဂၤတၢ်ပဲာ်ထံနီၤဖးအိၣ်အါကလုာ်အဖီခိၣ် နအဲၣ်ဒိးရှဲပၠးၦၤထံဖိကီၢ်ဖိကမျၢၢ်ဒ်လဲၣ် ႉ တၢ်စံးဆၢ=ဘၣ်ထွဲဒီးတၢ်ကစီၣ်ဟူထီၣ်သါလီၤဒ်အံၤအဖီခိၣ် ယဲဒုယအဲၣ်ဒိး ရှဲပၠးဒ်ယနီၢ်တဂၤတၢ်ထံၣ်အဖီၣ်အသိးန့ၣ် တၢ်လီၢ်၀ဲအံၤမ့ၢ်ဒၣ်ပနီၢ်ကစၢ်ဒၣ် ပအိၣ်ဖျဲၣ်ထီၣ်ပထူလံၤဖိဟီၣ်က၀ီၤလီၤႉ ပတလဲၤမၤၦၤတၢ်လီၢ်တၢ်ကျဲဘၣ်ႉ အဃိန့ၣ်လၢတၢ်ဒီသဒၢလီၤက့ၤပသးဒီး ပဟီၣ်က၀ီၤဒၣ်၀ဲကအိၣ်ဒီးနီၢ်ကစၢ်ဒၣ်၀ဲတၢ်စံၣ်ပၢလီၤသးခွဲးယာ်လၢ ကန့ၢ်ဘၣ်ကီၢ်စၢဖှိၣ်စဲၤနီၢ်ခီန့ၣ် တၢ်တဖၣ်န့ၣ်တကြၢးဟဲအိၣ်လၢပဟီၣ်က၀ီၤပူၤဘၣ်အဃိ ပမၢက့ၤတက့ၤ၀ဲဘၣ်ႉ တက့ၤ၀ဲဘၣ်အဃိ ဒ်ပမၤအီၤန့ၢ်မၤအီၤသ့အသိးန့ၣ်ပကဘၣ်မၤအီၤကဘၣ်နီဟးက့ၤအီၤလီၤႉ...