ဒ်သိးတၢ်ြတီဆၢ Covid-19 တၢ်ဆါကန့ၢ်အဂီၢ် KNU ထုးထီၣ်၀ဲလံာ်တၢ်နဲၣ်လီၤဆူ ကီၢ်ရ့ၣ်ႇ ကီၢ်ဆၣ်ဒီး ဒူသ၀ီတဖၣ်
လါအ့ြဖ့ၣ် ၁၈ သီႇ ၂၀၂၀ နံၣ်ႇ စးအဲၣ်ဆူ တကီၢ်ခါ (Covid-19) တၢ်ဆါဘၣ်ကူဘၣ်ဂာ်အဆၢကတီၢ် ဒ်သိးတၢ်ဆါအံၤ တၢ်ဒီသဒၢြတီဆၢအီၤကန့ၢ်အဂီၢ် ဖဲမဟါကၢာ် (လါအ့ြဖ့ၣ် ၁၅ သီ)အနံၤန့ၣ် KNU– ကညီဒီကလုာ်စၢဖှိၣ်ကရၢ လီၢ်ခၢၣ်သး၀ဲၤလီၢ်ခိၣ်သ့ၣ် ဆှၢလီၤ၀ဲလံာ်တၢ်နဲၣ်လီၤဆူ ကီၢ်ရ့ၣ်ႇ ကီၢ်ဆၣ်ႇ ကရူၢ်ႇ ဒူသ၀ီလၢ ကလူၤပိာ်မၤထဲတွၢ်သိၣ်တၢ်သီလံာ်တဖၣ်န့ၣ်လီၤႉ ဟီၣ်ခိၣ်ဒီဘ့ၣ်တၢ်ဆါဘၣ်ကူဘၣ်ဂာ်လၢအဟဲကဲထီၣ်ဒံးအသးအကတီၢ်ဒီး ဒ်န့ၣ်အသိးကီၢ်ပယီၤပူၤစ့ၢ်ကီး ၦၤဆါလၢတၢ်ဘၣ်ကူဘၣ်ဂာ်တဖၣ်ဟဲအါထီၣ်၀ဲအဖီခိၣ် ခ့ၣ်အဲၣ်ယူၣ် အဟီၣ်က၀ီၤပူၤ ဒ်သိး တၢ်ဘၣ်ကူဘၣ်ဂာ်သုတဟဲကဲထီၣ်သးတဂ့ၤအဂီၢ်ႇ ဒ်ဟီၣ်ခိၣ်ဒီဘ့ၣ်တၢ်အိၣ်ဆူၣ်အိၣ်ချ့က ရၢ (WHO) အတၢ်နဲၣ်လီၤအကျိၤအကျဲတဖၣ်အသိး ဘၣ်တၢ်ဆှၢဟ့ၣ်၀ဲလံာ်တၢ်နဲၣ်လီၤအဂ့ၢ်န့ၣ် ခ့ၣ်အဲၣ်ယူၣ် နဲၣ်ရွဲၣ်ခိၣ်ကျၢၢ်သဃဲၤ(၁) ပဒိၣ်စီၤဆၢၦဲၤ စံး၀ဲလီၤႉ အ၀ဲစံး၀ဲ “လၢပဟီၣ်က၀ီၤအပူၤန့ၣ် လၢအဘၣ်ကူဘၣ်ဂာ်ႇအိၣ်တဆူၣ်တချ့ဘၣ်န့ၣ် တၢ်တထံၣ်န့ၢ် ၀ဲဒံးဘၣ်ႉ ဒ်သိးဒီးတၢ်ဆါအံၤ လၢဟီၣ်က၀ီၤပူၤ သုတဟဲနုာ်လီၤဘၣ်ကူဘၣ်ဂာ်တဂ့ၤအဂီၢ် ဒ်ဟီၣ်ခိၣ်ဒီဘ့ၣ်ြတီဆၢ၀ဲအသိး ပ၀ဲသ့ၣ်တဖၣ်စ့ၢ်ကီး လၢဟီၣ်ခိၣ်ချၢအံၤမ့ၢ်၀ဲၦၤတကလုာ်အဃိ လၢပဟီၣ်က၀ီၤလီၢ်က၀ီၤတၢ်အိၣ်သးအဖီခိၣ်န့ၣ် ပပၢတၢ်ဟီၣ်က၀ီၤအပူၤ သုတနုာ်လီၤဘၣ်ကူဘၣ်ဂာ်တဂ့ၤအဂီၢ် ပြတီဆၢဆိပာ်စၢၤ၀ဲဒၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ လၢ KNU လံာ်တၢ်နဲၣ်လီၤအပူၤန့ၣ် ဟီၣ်က၀ီၤပူၤတၢ်နုာ်လီၤဟးထီၣ်တဖၣ် တၢ်ကမၤ၀ဲတၢ်သမံသမိးႇ...
ပယီၤပဒိၣ်ဒီး သုးမုၢ်ဒိၣ်ဘိးဘၣ်ရၤလီၤ၀ဲ AA လၢၦၤပူထီၣ်လီထီၣ်တၢ်ကရူၢ်အံၤ မ့ၢ်တၢ်ဟ့ၣ်ပလီၢ်ဆူ ကလုာ်ဒူၣ်တၢ်ပၢၢ်ဆၢအဂၤတဖၣ်အဂ့ၢ်န့ၣ် IKO စံး၀ဲ
လါအ့ြဖ့ၣ် ၁၅သီႇ ၂၀၂၀ နံၣ်ႇ စးအဲၣ်ဆူ ကီၢ်ပယီၤပဒိၣ်ဒီး သုးမုၢ်ဒိ ဘိးဘၣ်ရၤလီၤ၀ဲ ရခၢၣ်သုးမုၢ်ဒိၣ် (AA)အံၤလၢ ၦၤပူထီၣ်လီထီၣ်တၢ်ကရူၢ်အံၤဒီး လဲၤထီၣ်ဒုး၀ဲ ရခၢၣ်တၢ်ဂ့ၢ်အံၤ လီၤဂာ်ဒ်သိး မ့ၢ်တၢ်ဟ့ၣ်ပလီၢ်ဆူ ကလုာ်ဒူၣ်တၢ်ပၢၢ်ဆၢကရူၢ်အဂၤတဖၣ်အဂီၢ် စ့ၢ်ကီးလီၤအဂ့ၢ်န့ၣ် ဖဲလါအ့ြဖ့ၣ် ၁၄သီအနံၤ ဟီၣ်ခိၣ်ဒီဘ့ၣ်ကညီကရၢ –IKO ထုးထီၣ်၀ဲလံာ်တၢ်ပာ်ဖျါဒီး စံး၀ဲဒၣ်န့ၣ်လီၤႉ ရခၢၣ်သုးမုၢ်ဒိၣ် (AA) အံၤ စးထီၣ်လၢတၢ်မၤ၀ဲတၢ်တဲသကိး ထံလီၢ်ကီၢ်ပူၤတၢ်မုာ်တၢ်ခုၣ်အခါလံၤလံၤန့ၣ် မ့ၢ်တၢ်ကရၢကရိတဖုလၢ အပၣ်ဃုာ်တ့ၢ်လံလၢတၢ်မၤသကိးတၢ်အပူၤန့ၣ်လီၤႉ တကီၢ်ခါထံ လီၢ်ကီၢ်ပူၤတၢ်မုာ်တၢ်ခုၣ်အဂီၢ် မ့ၢ်တၢ်ဆၢကတီၢ်လၢတၢ်ထံၣ်လိာ်တၢၣ်ပီၣ်တဲသကိးအကတီၢ်အသိးႇ မၤ၀ဲဒၣ်တၢ်ထီၣ်ဒုး ရခၢၣ်သုးမုၢ်ဒိၣ် (AA) ဒိၣ်ဒိၣ်မုၢ်မုၢ်အံၤ မ့ၢ်တၢ်လၢအြတီမၤတံာ် တာ်၀ဲကလုာ်ဒူၣ်တဖၣ်အတၢ်မုၢ်လၢ်ကွၢ်စိလၢအမ့ၢ်“တၢ်ကသူၣ်ထီၣ်ကီၢ်စၢဖှိၣ်ဖဲၣ်ြဒၢၣ်အတၢ်တိာ်ကျဲၤ”အံၤန့ၣ် လီၤႉ ခီဖျိလၢပယီၤပဒိၣ်ႇသုးမုၢ်ဒိၣ်အတၢ်ပာ်သးအံၤအဃိတၢ်မုာ်တၢ်ခုၣ်အတၢ်တိာ်ကျဲၤလၢတၢ်ကဆဲးလဲၤခါ ဆူညါအဂီၢ် ကဲထီၣ်၀ဲဒၣ်တၢ်ကီတၢ်ခဲအဂ့ၢ်န့ၣ် IKO စံး၀ဲန့ၣ်လီၤႉ IKO ၦၤကတိၤတၢ်ပၢ စီၤစီၣ်နီၤ စံး၀ဲ “ပယီၤပဒိၣ်အံၤဘိးဘၣ်ရၤလီၤ၀ဲလၢ ရၢၣ်ခၢၣ်သုးမုၢ်ဒိၣ် (AA) အံၤမ့ၢ်၀ဲ ၦၤပူထီၣ်လီထီၣ်တၢ်ကရူၢ်ဒီး လဲၤထီၣ်ဒုး၀ဲတၢ်ဂ့ၢ်အံၤန့ၣ် ပထံၣ်၀ဲဒၣ်လၢတၢ်အံၤလီၤဂာ်ဒ်သိး မ့ၢ်တၢ်ဒုးသ့ၣ်ညါဟ့ၣ်ပလီၢ်ဆူ ကလုာ်ဒူၣ်ဖီၣ်စုက၀ဲၤကရူၢ်လၢအဂၤတဖၣ်အဂီၢ်န့ၣ်လီၤႉ တၢ်ကရၢကရိတဖၣ်အံၤစ့ၢ်ကီး ကီၢ်ပယီၤသုးမုၢ်ဒိၣ်တဖၣ်မ့ၢ်လိၣ်ဘၣ်၀ဲန့ၣ် ကိးဆၢကတီၢ်ဒဲးဘိး ဘၣ်ရၤလီၤ၀ဲဒၣ်လၢအတဖိးသဲစးသ့၀ဲဒၣ်လီၤန့ၣ်...
တၢ်ဆါသံသြတိာ်အကတီၢ် ကပတုာ်ကွံာ်တၢ်ဒုးတၢ်ယၤလၢကလုာ်ဒူၣ်ဟီၣ်က၀ီၤပူၤအဂီၢ် WLB ဃ့ထီၣ်၀ဲ
လါအ့ြဖ့ၣ် ၁၄ သီႇ ၂၀၂၀ နံၣ်ႇ နါ၀့ၤဖၠိစၣ် ခီဖျိလၢ Covid-19 တၢ်ဆါဘၣ်ကူဘၣ်ဂာ်အဃိ ဟီၣ်ခိၣ်ဒီဘ့ၣ်ဘၣ်ယိၣ်ဘၣ်ဘှီတၢ်အဆၢကတီၢ်ႇ ကီၢ်ပယီၤ ကလုာ်ဒူၣ် ဟီၣ်က၀ီၤတဖၣ်အပူၤ ကီၢ်ပဒိၣ် ဒီး ကလုာ်ဒူၣ်ဖီၣ်စုက၀ဲၤတဖၣ်အဘၢၣ်စၢၤ ကပတုာ်ကွံာ်တၢ်ထီၣ်ဒုး တၢ်ဒုးတၢ်ယၤ တဖၣ်အဂ့ၢ်န့ၣ် ကီၢ်ပယီၤပိာ်မုၣ်ကရၢစိ (WLB) ထုးထီၣ်၀ဲလံာ်တၢ်ပာ်ဖျါဒီးဆီၣ်ကခူထီၣ်၀ဲန့ၣ်လီၤႉ ဆၢကတီၢ်ဖဲဘၣ်သဂၢၢ်ဒီး Covid-19 အတီၢ်ပူၤ လၢကညီကီၢ်စဲၣ်ႇ ခၠီကီၢ်စဲၣ်ႇ ရၢၣ်ခၢၣ်ကီၢ်စဲၣ် ဒီး ယိၤဒိၣ်ကီၢ်စဲၣ်တဖၣ် ခီဖျိလၢ တၢ်ဒုးတၢ်ယၤဟဲအါထီၣ်၀ဲဒၣ်အဃိ ထံဖိကီၢ်ဖိကမျၢၢ်တဖၣ် ဘၣ်ပာ်တ့ၢ်ကွံာ် အလီၢ်အကျဲ အဟံၣ်အဃီဒီး ၦၤလီၢ်အိၣ် ကမှံဖိတဖၣ် ၦၤနီၣ်ဂံၢ်ဟဲအါထီၣ်၀ဲအဖီခိၣ် ကီၢ်ပယီၤပိာ်မုၣ်ကရၢစိ =WLB အံၤ ဖဲလါအ့ြဖ့ၣ် ၉ သီအနံၤန့ၣ် ထုးထီၣ်၀ဲလံာ်တၢ်ပာ်ဖျါဒီး ဃ့ထီၣ်၀ဲန့ၣ်လီၤႉ WLB နဲၣ်ရွဲၣ် နီၢ်ဆၢဆၢ စံး၀ဲလၢ “တကီၢ်ခါ ကလုာ်ဒူၣ်ဖီၣ်စုက၀ဲၤဟီၣ်က၀ီၤအပူၤတနီၤန့ၣ် ၦၤလီၢ်အိၣ်ကမှံဖိတဖၣ် ဟဲအါထီၣ်၀ဲ ဒၣ်ကွ့ၢ်ကွ့ၢ်လီၤႉ တနီၤန့ၣ် လၢကလဲၤဃုဖံးမၤတၢ်လၢတၢ်ချၢစ့ၢ်ကီး ခီဖျိလၢတၢ်ဆါအဃိ တၢ်မၤတအိၣ်လၢၤဘၣ်ႉ ကျဲသ့ၣ်တဖၣ်ကး...
ဖဲတၢ်ဆါသံသြတိာ်ကဲထီၣ်အကတီၢ် ဘၣ်ကီဘၣ်ခဲဒဲက၀ီၤပူၤ တၢ်ကဟ့ၣ်အါထီၣ် တၢ် အီၣ်ၦ့ၤ ၅ မျးကယၤ
လါအ့ြဖ့ၣ် ၉သီႇ ၂၀၂၀ နံၣ်ႇ စးအဲၣ်ဆူ Covid-19 တၢ်ဆါဟဲကဲထီၣ်သးလၢဟီၣ်ခိၣ်ဒီဘ့ၣ်အဆၢကတီၢ် ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ဘၣ်ကီဘၣ်ခဲဒဲက၀ီၤ (၉)ဖျၢၣ်အပူၤ တၢ်ရဲၣ်ကျဲၤ၀ဲဒၣ်လၢ တၢ်ကဟ့ၣ်အါထီၣ်၀ဲတၢ်အီၣ်စ့ကးအလုၢ်အပ့ှၤ ၅ မျးကယၤ တစိၢ်တလီၢ်အဂ့ၢ်န့ၣ် သ့ၣ်ညါဘၣ်လၢဒဲက၀ီၤၦၤဘၣ်မူဘၣ်ဒါတဖၣ်အအိၣ်လီၤႉ ကီၢ်ပယီၤဘၣ်ကီဘၣ်ခဲဒဲက၀ီၤ (၉)ဖျၢၣ် အဂီၢ် (TBC) လၢအဆီၣ်ထွဲမၤစၢၤ၀ဲဒၣ်တၢ်အီၣ်တၢ်အီအံၤ ဖဲမဟါန့ၣ် ဟဲဒုးသ့ၣ်ညါ၀ဲ ဒဲက၀ီၤၦၤဘၣ်မူဘၣ်ဒါတဖၣ်န့ၣ်လီၤႉ ကီၢ်ကၠီၣ်တဲၣ်အပူၤ ခီဖျိလၢ (Covid-19) တၢ််ဆါအဃိ တၢ်ဟးထီၣ်က့ၤလီၤလၢဒဲက၀ီၤအပူၤဟဲဃံးထီၣ်၀ဲအဖီခိၣ်ႇ တကီၢ်ခါလၢ အဒိးန့ၢ်ဘၣ်၀ဲဂံၢ်ခီၣ်ထံး တၢ်မၤစၢၤအဖၣ် အမဲာ်ညါ တၢ်လၢအလိၣ်အါထီၣ်တဖၣ် ဒ်သိးကမၤၦဲၤက့ၤ၀ဲအဂီၢ် ဘၣ်တၢ်ဆီထဲမွၤစၢၤအါထီၣ်၀ဲဒ်အံၤန့ၣ်လီၤႉ ကညီဘၣ်ကီဘၣ်ခဲကမံးတံာ် –KRC နဲၣ်ရွဲၣ် စီၤၦဲၤစ့ စံး၀ဲလၢ “ဖဲတလါအံၤ လါအ့ြဖ့ၣ်ဘူးကလၢာ်န့ၣ် တၢ်ကစး ထီၣ်ဟ့ၣ်၀ဲလီၤႉ တၢ်အီၣ်ကးအံၤ အါဒၣ်တက့ၢ်န့ၣ် လါလၢာ်မးတၢ်ထၢနုာ်န့ၢ်၀ဲစ့လီၤႉ တၢ်ကဟ့ၣ်၀ဲ ဘၣ်ကီဘၣ်ခဲခဲလၢာ်တဘျီဃီလီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ လၢန့ၣ်အမဲာ်ညါ ဆၢကတီၢ်ခဲအံၤစ့ၢ်ကီး တၢ်အီၣ်တၢ်အီတဖၣ်အလုၢ်အၦ့ၤထီၣ်၀ဲအဃိ ဒ်တၢ်က့ၤမၤၦဲၤက့ၤ၀ဲအသိး လၢအ၀ဲသ့ၣ်န့ၢ်ပာ်၀ဲစ့အနီၣ်ဂံၢ်ခဲအံၤန့ၣ် တၢ်ဟ့ၣ်ဒုးအါထီၣ်၀ဲ ၅ မျးကယၤဒီး ဘၣ်ထဲတွၢ်ဟ့ၣ်အါထီၣ်တၢ်ဂ့ၢ်တၢ်ကျိၤန့ၣ်...
မုၢ်ြတီၢ်တၢ်သဘံၣ်သဘုၣ် ခ့ၣ်အဲၣ်ယူၣ် ဒီး ပယီၤသုး ဆှၢဟ့ၣ်လိာ်သးလံာ်ထီဒါ
လါအ့ြဖ့ၣ် ၈ သီႇ ၂၀၂၀ နံၣ်ႇ ခ့ၣ်အဲးစံၣ် ပယီၤသုးလၢအဟူးဂဲၤ ဖဲကညီကီၢ်စဲၣ်ႇ မုၢ်ြတီၢ် (ဖၣ်ပူၣ်) လီၢ်က၀ီၤအပူၤတဖၣ် မၤကမၣ်၀ဲဒၣ် ထံကီၢ်ဒီဘ့ၣ်တၢ်ပ တုာ်တၢ်ခးအလံာ်ဃံးဃာ် (NCA) တၢ်အၢၣ်လီၤ တဖၣ်အဂ့ၢ် ဖဲလါအ့ြဖ့ၣ် ၅ သီအနံၤန့ၣ် KNLA သုးက့(၅) ဆှၢဟ့ၣ်၀ဲလံာ်ထီဒါအံၤဆူ ပကိကီၢ်ခီဒိၣ် တၢ်ကွၢ်စူၣ် ကယာ်တၢ်ပတုာ်တၢ်ခးသဃဲၤ ကမံးတံာ် (JMC-S) အအိၣ်န့ၣ်လီၤႉ KNU စုဒုၣ်စုတီၤအဖီလာ်ႇ KNLA သုးက့(၅) လံာ်ထီဒါအပူၤ ဖဲလါမးရှး ၂၃ သီအနံၤန့ၣ် ပယီၤသုးလၢ အအိၣ်ဆီလီၤအသးလၢ မီၤဖူ(ယိစလ့) ဒီး ကီၤသွ့စိတဖၣ်ဒွဲၣ်အူ၀ဲၦၢ်အဃိ လ့ဂီၤလီၢ်က၀ီၤသ၀ီဖိတဖၣ် ခုးလီၢ် လၢတၢ်ကျီ၀ဲဘူးက၀ံၤ (၇)လီၢ် မ့ၣ်အူအီၣ်ဟးဂီၤကွံာ်၀ဲဒၣ်အသိးႇ တနံၤဃီအ၀ဲန့ၣ် ပယီၤသုးကလၢၤ လၢအအိၣ်ဆီ လီၤအသးဖဲ ကဲဒဲစိၤ ဒီး ကူၣ်ခိၣ်တဖၣ် ခးလီၤ၀ဲဒၣ်ကျိဖးဒိၣ် ၉ ဖျၢၣ် ဆူ ကူဒ့...
ကညီပိာ်မုၣ်ကရၢဃုထၢထီၣ်ဒီး ဟ့ၣ်လၤကပီၤ ကညီပိာ်မုၣ်ဖျိးစိ (၆)ဂၤ ဖဲကညီပိာ်မုၣ်ကရၢအနံၣ်ဆဲးဆၢမုၢ်နံၤ
လါအ့ြဖ့ၣ် ၆ သီႇ ၂၀၂၀ နံၣ်ႇ ခ့ၣ်အဲးစံၣ် ဖဲလါအ့ြဖ့ၣ် ၅ သီအနံၤ လၢအလီၤဘၣ်၀ဲကညီပိာ်မုၣ်ကရၢ (KWO) အနံၣ်ဆဲးဆၢၦဲၤထီၣ် ၃၅ ၀ီတ၀ီ အမုၢ်နံၤအံၤ ကညီပိာ်မုၣ်ကရၢ ဃုထၢထီၣ်ဒီးဟ့ၣ်လၤကပီၤ၀ဲ ကညီပိာ်မုၣ်ခိၣ်နၢ် ဖျိးစိ ၆ ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ကညီပိာ်မုၣ်လၢအဒိးန့ၢ်ဘၣ် ကညီပိာ်မုၣ်ကရၢ တၢ်ဟ့ၣ်လၤကပီၤသ့ၣ်တဖၣ်န့ၣ်လၢ KNU-ကညီဒီကလုာ်စၢဖှိၣ်ကရၢဒီး KWO တၢ်ကရၢကရိတဖၣ်အပူၤ မ့ၢ်ၦၤလၢအဟ့ၣ်လီၤသးမၤတၢ်လၢ ၦၤဂ့ၢ်၀ီႇ တၢ်အိၣ်ဆူၣ်အိၣ်ချ့ႇ တၢ်ကူၣ်ဘၣ်ကူၣ်သ့၀ဲၤကျိၤတဖၣ်ဒီး လၢအ၀ဲသ့ၣ်အတၢ်ဟ့ၣ်လီၤသးလၢာ်လၢာ်ဆ့ဆ့အဖီခိၣ် ပကသ့ၣ်ညါပာ်ပနီၣ်အီၤဒီး ဘၣ်တၢ်ဟ့ၣ်လၤကပီၤ၀ဲဒၣ်လီၤအဂ့ၢ်န့ၣ် KWO နဲၣ်ရွဲၣ်ခိၣ်ကျၢၢ် နီၢ်ကညီဖီ စံး၀ဲဒၣ်လီၤႉ “ၦၤတဖၣ်အံၤမ့ၢ်ၦၤလၢ အဟ့ၣ်လီၤအသးဒီးတူၢ်ဆါအသးလၢအနံၣ်ယံာ်တဖၣ်န့ၣ်လီၤႉ လၢပိာ်ခွါအါဂၤအသိးအကျါန့ၣ် မ့ၢ်ဒၣ်ပိာ်မုၣ်စှၤဂၤဘၣ်ဆၣ် အ၀ဲသ့ၣ်တဖၣ်တူၢ််ဆါအသးဒီး ဖံးမၤ၀ဲဒၣ်တၢ်လီၤႉ ၀ံၤဘျီကညီကလုာ်အဂီၢ် ဟ့ၣ်လီၤအသးလၢာ်လၢာ်ဆ့ဆ့အဃိ မ့ၢ်တၢ်ဟ့ၣ်လၤကပီၤအ၀ဲသ့ၣ်တခါန့ၣ်လီၤ” အဂ့ၢ်န့ၣ် အ၀ဲစံး၀ဲဒၣ်လီၤႉ ကညီပိာ်မုၣ်လၢအဒိးန့ၢ်ဘၣ်တၢ်လၤကပီၤ ၆ ဂၤအကျါလၢအမ့ၢ် ပဒိၣ်နီၢ်စ့ဖီ ဒီး ပဒိၣ်နီၢ်န့ဆၢၣ်ဖီ ခံဂၤအံၤ လၢခ့ၣ်အဲၣ်ယူၣ် ကီၢ်ရ့ၣ်အပတီၢ်န့ၣ်မ့ၢ်၀ဲ ပိာ်မုုၣ်ခိၣ်နၢ်တဖၣ်အသိးႇ...
မၠဲၣ်ကၠံငူၣ်ၦၤလီၢ်အိၣ်ကမှံဖိအဂီၢ် တၢ်အီၣ်တၢ်အီကလၢာ်ကွံာ်န့ၣ် သူၣ်ကိၢ်သးဂီၤ ဒိၣ်န့ၢ်ဒံး Covid-19 တၢ်ဆါ
လါအ့ြဖ့ၣ် ၆ သီႇ ၂၀၂၀ နံၣ်ႇ နါ၀့ၤဖၠိစၣ် ကညီကီၢ်စဲၣ်ႇ လူၢ်ပျဲၢ်ကီၢ်ဆၣ်အပူၤ မၠဲၣ်ကၠံငူၣ် ၦၤလီၢ်အိၣ်ကမှံတဖၣ် တၢ်အီၣ်တၢ်အီကလၢာ်ကွံာ်တၢ်အိၣ်သးအံၤ တၢ်သူၣ်ကိၢ်သးဂီၤအါဒိၣ်န့ၢ်ဒံး တကီၢ်ခါဟီၣ်ခိၣ်ဒီဘ့ၣ် တၢ်ဘၣ်ကူဘၣ်ဂာ်အချ့လၢအမ့ၢ် Covid-19 တၢ်ဆါအံၤလီၤအဂ့ၢ်န့ၣ် မၠဲၣ်ကၠံငူၣ် ၦၤလီၢ်အိၣ်ကမှံ ၦၤဘၣ်မူဘၣ်ဒါတဖၣ်စံး၀ဲလီၤႉ ၦၤလီၢ်အိၣ်ကမှံဖိလၢအအိၣ်ဖဲန့ၣ်သ့ၣ်တဖၣ်အဂီၢ် ဟုသးလၢပဒိၣ်မၤစၢၤ၀ဲတဖၣ် တၢ်အိၣ်သးခဲအံၤအိၣ်တ့ၢ်က့ၤ ၀ဲထဲဒၣ် အသီ ၂၀ အဂီၢ်လီၤအဃိႇ လၢလါအ့ြဖ့ၣ်ဒီတလါအဂီၢ် ဟုသးတလၢ၀ဲဒၣ်လၢာ်ဘၣ်အသိး ၦၤမၤဘူၣ်လီၤ တၢ်ဖိမ့ၢ်တအိၣ်လၢၤဘၣ်န့ၣ် ဟံၣ်ဖိဃီဖိလၢအအိၣ်ဖဲလီၢ်အိၣ်ကမှံတၢ်လီၢ်တဖၣ်အဂီၢ် ကသဂၢၢ်ဘၣ်ဒီးတၢ်ကီ တၢ်ခဲသ့၀ဲဒၣ်လီၤအဂ့ၢ်န့ၣ် မၠဲၣ်ကၠံငူၣ် အ့လ့မၠၣ်ရှ့ၣ်လီၢ်အိၣ်ကမှံဒဲက၀ီၤၦၤဘၣ်မူဘၣ်ဒါ စီၤရှွ့ၣ်ထိ စံးဘၣ်ခ့ၣ်အဲးစံၣ်ဒ်အံၤလီၤႉ အ၀ဲစံး၀ဲလၢ “ပ၀ဲသ့ၣ်တဖၣ်လၢပကအီၣ်ကအီအဂီၢ်ခဲအံၤန့ၣ် ပသူၣ်ကိၢ်သးဂီၤဒိၣ်န့ၢ်ဒံး တၢ်ဆါတခါအံၤလီၤႉ ဟုသးအံၤမ့ၢ်လၢာ်န့ၣ် လၢကၦ့ၤအီၣ်အဂီၢ်န့ၣ်စ့တအိၣ်ဘၣ်ႉ လၢတၢ်ဆါတကပၤအဂီၢ် တၢ်ဟးထီၣ်နုာ်လီၤန့ၣ်တၢ်ြတီဃာ်အိၣ်၀ဲလီၤႉ တၢ်အရ့မ့ၢ်တဒိၣ်န့ၣ် တဘၣ်ဟးထီၣ်လၢတၢ်ချၢဘၣ်န့ၣ် တၢ်ြတီဃာ်အိၣ်၀ဲလီၤႉ ဟုသးက လၢာ်တၢ်အိၣ်သးခီန့ၣ် ပတီၣ်ထီၣ်၀ဲဆူကီၢ်ဆၣ်ၦၤဘၣ်မူဘၣ်ဒါတဖၣ်အအိၣ်လီၤႉ ကဟဲဟ့ၣ်ဟုသးဧါ တဟဲဟ့ၣ်ဧါဒု တသ့ၣ်ညါဒံးဘၣ်ႉ ကဟးထီၣ်မၤတၢ်လၢတၢ်ချၢအဂီၢ်စ့ၢ်ကီး တဘၣ်ဂီၢ်ဘၣ်ဒွါဘၣ်အဃိ ဟုသးကလၢာ်န့ၣ် ပသူၣ်ကီၢ်သးဂီၤအဒိၣ်ကတၢၢ်လီၤ” အဂ့ၢ်န့ၣ် စီၤရွ့ၣ်ထိ...
ဖဲတၢ်ဆါကဲထီၣ်သးအကတီၢ် ကဘၣ်ပတုာ်ကွံာ်တၢ်ခးလၢ ကမျၢၢ်ၦၤလီၢ်အိၣ်ကမှံဖိအဂီၢ် KNDP ဃ့ထီၣ်၀ဲ
လါအ့ြဖ့ၣ် ၆ သီႇ ၂၀၂၀ နံၣ်ႇ နါ၀့ၤဖၠိစၣ် ဟီၣ်ခိၣ်ဒီဘ့ၣ် တၢ်ဆါသံသြတိာ် တၢ်ဘၣ်ကူဘၣ်ဂာ်လၢအချ့ကဲထီၣ်သးအကတီၢ် ကကွၢ်န့ၢ်တၢ်လၢ ကလုာ်ဒူၣ် လီၢ်ဟီၣ်က၀ီၤပူၤ ကမျၢၢ်ၦၤဃ့ၢ်မှံဟးဖျိးတဖၣ်အဂီၢ်ဒီး ကပတုာ်ကွံာ်တၢ်ခးအဂ့ၢ်န့ၣ် ကညီဒီကလုာ် ဒံၣ်မိၣ်ြခဲၣ်တ့ၣ် ပၣ်တံၣ် =KNDP ဃ့ထီၣ်၀ဲဒၣ်ဆူ ၦၤဘၣ်မူဘၣ်ဒါလၢအဘၣ်ထွဲတဖၣ်အအိၣ်န့ၣ်လီၤႉ ခီဖျိလၢကီၢ်ပူၤတၢ်ဒုးတၢ်ယၤအဃိ ကလုာ်ဒူၣ်ဟီၣ်က၀ီၤအပူၤ ကမျၢၢ်ၦၤဃ့ၢ်တၢ်ဒုးတၢ်ယၤတဖၣ် တူၢ်ဘၣ်၀ဲဒၣ် တၢ်ကီတၢ်ခဲအါအါဂီၢ်ဂီၢ်လံဒီး တူၢ်ဘၣ်ကဒီး၀ဲတကီၢ်ခါ (Corona Virus) တၢ်ဆါဘၣ်ကူဘၣ်ဂာ် တၢ်အိၣ်သးအိၣ်၀ဲအဃိ ကပတုာ်ကွံာ်တၢ်ခးလိာ်သးခဲလၢာ်အဂီၢ်ႇ ဖဲလါအ့ြဖ့ၣ် ၂ သီအနံၤ ကညီဒီကလုာ်ဒံၣ်မိၣ်ြခဲၣ်တ့ၣ်ပၣ်တံၣ် (Corona Virus) လၢအအိၣ်သူၣ်လီၤအသးလၢကညီကီၢ်စဲၣ်အံၤ ထုးထီၣ်ဘိးဘၣ်ရၤလီၤ၀ဲလံာ်တၢ်ပာ်ဖျါဒီး ဆီၣ်တခူထီၣ်၀ဲန့ၣ်လီၤႉ KNDP ပၣ်တံၣ် ၦၤပၢၤလီၢ်ဆ့ၣ်နီၤ မါအီၣ်ပၠံၣ်စိ စံး၀ဲလၢ “ လၢတၢ်ဒုးတၢ်ယၤအကျါန့ၣ် ကဘၣ်ဟးဆှဲးကဒီး တၢ်သ့ၣ်တဖၣ်အံၤလီၤႉ တၢ်ကိၢ်တၢ်ဂီၤအါထီၣ်တခါ၀ံၤတခါအဃိ တၢ်ဒုးတၢ်ယၤတအိၣ်လၢၤဘၣ်ႉ မ့ၢ်ဘၣ်အိၣ်လၢတဂၤလၢကစၢ်ဟံၣ်န့ၣ် တဂ့ၤဒိၣ်ဧါႉ လၢအ၀ဲသ့ၣ်အဂီၢ် မ့ၢ်တခးလိာ်သးလၢၤဘၣ်န့ၣ် လၢတၢ်မုာ်တၢ်ခုၣ်အဂီၢ်စ့ၢ်ကီး တဂ့ၤဒိၣ်၀ဲဧါႇ တၢ်အဃိန့ၣ် ပထုးထီၣ်ပာ်ဖျါ၀ဲဒၣ်လီၤ” အဂ့ၢ်န့ၣ် စံးဘၣ် ခ့ၣ်အဲးစံၣ်လီၤႉ ခီဖျိလၢတၢ်ဒုးတၢ်ယၤအဃိ...
ပယီၤသုးခး၀ဲအဃိ လီၢ်က၀ီၤကမျၢၢ်ခိၣ်နၢ်တဂၤသံ၀ဲအဂ့ၢ်န့ၣ် KNU စံး၀ဲ
လါအ့ြဖ့ၣ် ၃ သီႇ ၂၀၂၀ နံၣ်ႇ စးအဲၣ်ဆူ မုၢ်ြတီၢ်(ဖၣ်ပူၣ်)ကီၢ်ရ့ၣ်ႇ လူၢ်သီကီၢ်ဆၣ်ႇ စီၤမုၢ်ပျီဟီၣ်က၀ီၤအပူၤ ဖဲလါမးရှး ၃၁ သီအနံၤန့ၣ် လီၢ်က၀ီၤသ၀ီဖိတဖၣ် လဲၤၦ့ၤ၀ဲတၢ်ဖိတၢ်လံၤလၢအဟံၣ်ဖိဃီဖိအဂီၢ်၀ံၤ ဖဲအဟဲက့ၤဒီးခီတဲာ်ကျဲအဆၢကတီၢ်န့ၣ် ပယီၤသုးလၢအအိၣ်ဆီလီၤအသးလၢတၢ်လီၢ်ဖဲန့ၣ်တဖၣ် ခး၀ဲဒၣ်ၦၤသ၀ီဖိတဖၣ်အံၤအဃိ လီၢ်က၀ီၤကမျၢၢ်ခိၣ်နၢ်တဂၤ သံ၀ဲအဂ့ၢ်န့ၣ် KNU- ကညီဒီကလုာ်စၢဖှိၣ်ကရၢ ထုးထီၣ်ဘိးဘၣ်ရၤလီၤ၀ဲတၢ်ကစီၣ် ဖဲလါအ့ြဖ့ၣ် ၁ သီအနံၤန့ၣ်လီၤႉ KNU ထုးထီၣ်ဘိးဘၣ်ရၤလီၤတၢ်ကစီၣ်အသိး ဖဲလါမးရှး ၃၁ သီအနံၤ တၢ်ဆၢကတီၢ်ဟါခီ ၆ နၣ်ရံၣ် ၅၀ မံးနံးဃၣ်ဃၣ်န့ၣ် ဖဲပယီၤသုးတဖၣ်တ့ကျဲအလီၢ်န့ၣ် ဖဲလီၢ်က၀ီၤသ၀ီဖိတဖၣ် ခီကျဲအဆၢကတီၢ်န့ၣ် ပယီၤသုးတပၤခး၀ဲအဃိ ဘၣ်၀ဲဒၣ်ထံဘီခံသ၀ီဖိ စီၤသဲးမံ(ကိး)ဘူဂီၤစဲပါ ၅၆ နံၣ်အံၤ ဘၣ်၀ဲဒၣ်ဒီးကျိအဃိ သံ၀ဲဒၣ်အဂ့ၢ်န့ၣ် KNU သုးက့(၅)ႇ မုၢ်ြတီၢ်ကီၢ်ရ့ၣ် ပာ်ဂၢၢ်ပာ်ကျၢၤ၀ဲဒီးစံး၀ဲန့ၣ်လီၤႉ မုၢ်ြတီၢ်ကီၢ်ရ့ၣ် ၦၤဂ့ၢ်၀ီမူဒါခိၣ် နီၢ်ခၠဲၤရံၤ စံး၀ဲလၢ “သုးကလၢၤလၢအခးတၢ်န့ၣ် အိၣ်၀ဲလၢ စီၤနွဲၢ်ပျီလီၢ်က၀ီၤ ၀ၢ်ကျဲတူၢ်လီၤႉ ဖဲန့ၣ်လီၢ်က၀ီၤဖိတဂၤ စိာ်၀ဲဒၣ်တၢ်အီၣ်တၢ်အီလီၤႉ မုၢ်ဟါလီၤမး တိာ်ဃာ်၀ဲလၢကခီ၀ဲကျဲန့ၣ်လီၤႉ ဖဲန့ၣ်ၦၤဟးထီၣ်ဟးလီၤအိၣ်ဒီဒူၣ်ညါႉ...
တးခ်ကီၢ်ရ့ၣ်အပူၤ ထံဂုၤကီၢ်ဂၤခီကီၢ်ၦၤမၤတၢ်ဖိတဖၣ် တၢ်စးထီၣ်ကးတံာ်၀ဲတၢ်ဟးထီၣ်က့ၤလီၤ
လါအ့ြဖ့ၣ် ၃ သီႇ ၂၀၂၀ နံၣ်ႇ စးအဲၣ်ဆူ ကီၢ်ကၠီၣ်တဲၣ်ႇ တးခ်ကီၢ်ရ့ၣ်အပူၤ ထံဂုၤကီၢ်ဂၤခီကီၢ်ၦၤမၤတၢ်ဖိတဖၣ် ဒ်တၢ်ြတီဆၢ၀ဲ (Covid-19) တၢ်တိာ်ကျဲၤအသိးႇ စးထီၣ်ဖဲတလါအံၤ လါအ့ြဖ့ၣ် ၁ သီအနံၤန့ၣ် တၢ်စးထီၣ်းကးတံာ်၀ဲတၢ်ဟးထီၣ်က့ၤလီၤ လံအဂ့ၢ်န့ၣ် ဖဲမးရှး ၁ သီအနံၤ တးခ်ကီၢ်ရ့ၣ် ၦၤဘၣ်မူဘၣ်ဒါတဖၣ် ထုးထီၣ်ဘိးဘၣ်ရၤလီၤ၀ဲန့ၣ်လီၤႉ ဖဲအပူၤကွံာ် လါမးရှး ၂၅ သီအနံၤ ကီၢ်ကၠီၣ်တဲၣ် တၢ်နုာ်လီၤ ဟးထီၣ်ႇ ၦၤမၤတၢ်ဖိ ကိတိာ်၀ဲၤကျိၤ ဒီး ၦၤဂ့ၢ်၀ီတၢ်ဂုၤထီၣ်ပသီထီၣ် ကိတိာ်၀ဲၤကျိၤ ၃ ခါအံၤ တၢ်တၢၣ်ပီၣ်တဲသကိးအဖီခိၣ်ဒီး ဖဲလါမးရှး ၃၁ သီအနံၤန့ၣ် တးခ်ကီၢ်ရ့ၣ် တၢ်ြတီဆၢတၢ်ဘၣ်ကူဘၣ်ဂာ် ကမံးတံာ်ဖိတဖၣ် တၢ်အိၣ်ဖှိၣ်အပူၤ တၢ်သးလီၤပလိာ်အိၣ်အသိးႇ တၢ်ဘၣ်ကးတံာ်၀ဲ ဒ်အံၤန့ၣ်လီၤႉ ၦၤကီၢ်ပယီၤဖိဂ့ၢ်၀ီ တၢ်ပာ်ဖှိၣ်မၤသကိးတၢ် ကမံးတံာ် (JACBA) ၦၤပၢၤလီၢ်ဆ့ၣ်နီၤ အူမိကၠိ စံး၀ဲလၢ “ဖဲ ၂၀၂၀ နံၣ် လါမးရှး...