ပယီၤသုးလိာ်ကွီၢ်လၢတၢ်ထုးမ့ၣ်ပိၢ်တၢ်ဂ့ၢ်န့ၣ် KNU ဆှဲလဲထီဒါက့ၤ၀ဲ
လါဖ့ၤြဘူၤအါရံၤ ၄ သီႇ ၂၀၂၀ နံၣ်ႇ စးအဲၣ်ဆူ KNU= ကညီဒီကလုာ်စၢဖှိၣ်ကရၢႇ သုးက့(၅) ဒီး သုးက့(၂)ဟီၣ်က၀ီၤအပူၤ ဖဲအပူၤကွံာ်လါယနူၤအါရံၤ ၂၇ သီအနံၤန့ၣ် ဘၣ်ဃးဒီးမ့ၣ်ပိၢ်ပိၢ်ဖးထီၣ်တၢ်ဂ့ၢ်အံၤ KNU ဒိးလီၤဃာ်မၤပိၢ်ဖးထီၣ်၀ဲအဂ့ၢ် ပယီၤသုးလိာ်ကွီၢ် ၀ဲဒၣ်အဖီခိၣ်ႇ KNU သုးက့(၅)တပၤ ထုးထီၣ်၀ဲလံာ်တၢ်ပာ်ဖျါတဘ့ၣ်န့ၣ်လီၤႉ တၢ်ကဲထီၣ်သးန့ၣ် သုးက့(၅)တပၤ တၢ်တအိၣ်ခိးထုးဒီးမ့ၣ်ပိၢ်ဘၣ်ဒီး ကီၢ်ပယီၤတပၤမၤဆှဲလဲ၀ဲမ့ၣ်ပိၢ်အဆၢကတီၢ် KNU ဒိးလီၤဃာ်ကါမ့ၣ်ပိၢ်န့ၣ် အ၀ဲသ့ၣ်ဃုဒီးထံၣ်၀ဲအဃိမၤပိၢ်ဖးထီၣ်၀ဲဒၣ်လီၤႉ ပယီၤသုးလိာ်ကွီၢ်၀ဲတၢ်ဒ်န့ၣ်ႇ တမ့ၢ်၀ဲဘၣ်န့ၣ် တနံၤအံၤ (လါဖ့ၤြဘူၤအါရံၤ ၃ သီ)အနံၤန့ၣ် ဆှၢထီၣ်လံာ်တၢ်က့ၤဆှဲလဲအံၤဆူကလံၤထံးကီၢ်ခီသုး၀ဲၤလီၢ်ခိၣ်သ့ၣ်အအိၣ်ဒီး လံာ်တၢ်က့ၤထီဒါကဒါက့ၤအပူၤပာ်ဖျါ၀ဲလီၤႉ ဘၣ်ထွဲဒီးတၢ်ဂ့ၢ်အံၤ ခ့ၣ်အဲၣ်ယူၣ် မုၢ်ြတီၢ်ကီၢ်ရ့ၣ် ၦၤပၢၤလီၢ်ဆ့ၣ်နီၤ ပဒိၣ်စီၤထဲဒၢၣ် စံး၀ဲလၢ “အ၀ဲသ့ၣ်(ပယီၤသုး)လိာ်ကွီၢ်၀ဲဒၣ်လၢ KNLA ၦၤသုးဖိတဖၣ် လဲၤဒိးလီၤဃာ်မ့ၣ်ပိၢ်ဒီးမၤပိၢ်ဖးထီၣ်တၢ်လီၤႉ ပက့ၤဃုသ့ၣ်ညါကဒါက့ၤန့ၣ် KNLA လဲၤမၤပိၢ်ဖးထီၣ်၀ဲတမ့ၢ်ဘၣ်ႉ မ့ၢ်၀ဲဒၣ်မ့ၣ်ပိၢ် လၢၦၤဒိးလီၤဃာ်လၢ အပူၤကွံာ်လံန့ၣ်လီၤႉ ဖဲအ၀ဲသ့ၣ်လဲၤဆှဲလဲ၀ဲအဆၢကတီၢ် ဘၣ်၀ဲဒၣ်ဒီးပိၢ်ဖးထီၣ်၀ဲအဃိ ဘၣ်ဒိဘၣ်ထံး၀ဲဒၣ်န့ၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ လၢတၢ်ဂ့ၢ်အံၤအဖီခိၣ် ပယီၤသုးတပၤ ထုးထီၣ်ပာ်ဖျါ၀ဲတၢ်ကစီၣ်လၢ...
မၠၣ်၀တံၣ်၀့ၢ်ပူၤ မ့ၣ်ပိၢ်၂ ဖျၢၣ် ပိၢ်ဖးထီၣ်တဘျီဃီအဃိ ဘၣ်ဒိ ၂ဂၤ
လါဖ့ၤြဘူၤအါရံၤ ၃ သီႇ ၂၀၂၀ နံၣ်ႇ န့ၣ်နီၣ် ဖဲကီၢ်ကၠီၣ်တဲၣ်=ကီၢ်ပယီၤကီၢ်ဆၢ ကညီကီၢ်စဲၣ်ႇ မၠၣ်၀တံၣ်၀့ၢ်ပူၤ တနံၤအံၤ (လါဖ့ၤြဘူၤအါရံၤ ၃ သီ)ဂီၤခီ (၇း၃၀ မံးနံး)အဆၢကတီၢ်န့ၣ်ႇ မ့ၣ်ပိၢ်ပိၢ်ဖးထီၣ်၀ဲတဘျီဃီခံဖျၢၣ်အဃိ ပိာ်ခွါ ၂ ဂၤ ဘၣ်ဒိ၀ဲဒၣ်ဒီးဘၣ်တၢ်ဆှၢအီၤဆူ မၠၣ်၀တံၣ်ကီၢ်ရ့ၣ်တၢ်ဆါဟံၣ်လီၤအဂ့ၢ်န့ၣ် သ့ၣ်ညါဘၣ်လီၤႉ မၠၣ်၀တံၣ်၀့ၢ် နီၣ်ဂံၢ်(၄)က၀ီၤဒ့ မ့ပဒိၣ်မၤ၀ိ အ့ရှါကျဲမုၢ်ကပၤ အူစီတ့ၤမၠ့ၣ်(၆၁)နံၣ် အဟံၣ်မဲာ်ညါမ့ၣ်ပိၢ်ပိၢ်ဖးထီၣ်၀ဲဒၣ်ဒီးႇ ခီဖျိလၢမ့ၣ်ပိၢ်ပိၢ်ဖးထီၣ်အဃိ ဟံၣ်ကစၢ်လၢအမ့ၢ် အူစီတ့ၤမၠ့ၣ် အခီၣ်ကံၣ်ဒုၣ်လၢအစ့ၣ်တပၤဘၣ်၀ဲဒၣ်ဒီးဘျါအ့ၣ်ဒီးႇ အသကိးတဂၤလၢအမ့ၢ် အူစ့ၣ်လ့(၅၉)နံၣ် အခီၣ်ညါသးလၢအစ့ၣ်တပၤဘၣ်ဒိဘၣ်ထံး၀ဲဒၣ်အဃိ ဘၣ်တၢ်ဆှၢအ၀ဲသ့ၣ်ဆူ မၠၣ်၀တံၣ်ကီၢ်ရ့ၣ်တၢ်ဆါဟံၣ်န့ၣ်လီၤႉ ဘၣ်ထွဲဒီးမ့ၣ်ပိၢ်ပိၢ်ဖးထီၣ်တၢ်ဂ့ၢ်န့ၣ် ဟံၣ်ကစၢ်အူစီတ့ၤမၠ့ၣ်စံး၀ဲလၢ “ဖဲ (၇း၃၀) မံးနံးအဆၢကတီၢ်န့ၣ် ယအိးထီၣ်၀ဲဟံၣ်မဲာ်ညါြတဲၤဒီး ယဟးထီၣ်အီမီာ်ထူလၢတၢ်ချၢလီၤႉ ဒီးယထံၣ်လၢဟံၣ်မဲာ်ညါအကပၤန့ၣ် တၢ်ဘိၣ်သူသူတဘိၣ်လၢအကအိၣ်၀ဲစုတတၢၤပံာ်ဒီး ယထံၣ်ကဒီးတၢ်ဘိၣ်အသီတဘိၣ်လၢလီၢ်ဆ့ၣ်နီၤအဖီခိၣ်အဃိႇ ယကွံာ်၀ဲတၢ်ဘိၣ်လၢအအိၣ်လၢဟံၣ်မဲာ်ညါတဘိၣ်န့ၣ်ဒီး ပိၢ်ဖးထီၣ်၀ဲဒၣ်၀ံၤအလီၢ်ခံႇ လၢအကယံာ်၀ဲအမံးနံးတဆံဃၣ်ဃၣ်န့ၣ် တၢ်ဘိၣ်လၢအဂၤတဘိၣ်ပိၢ်ဖးထီၣ်ကဒီး၀ဲလီၤ” အဂ့ၢ်န့ၣ်စံး၀ဲလီၤႉ ဟံၣ်ကစၢ်အူစီတ့ၤမၠ့ၣ်အံၤ အပူၤကွံာ်န့ၣ်မ့ၢ်၀ဲဒၣ် ဘူးဒးတၢ်ဘါတၢ်ဂုၤထီၣ်ပသီထီၣ်ကညီသုးမုၢ်ဒိၣ်=DKBA ကရူၢ်ဖိလီၢ်လံၤတဂၤအသိးႇ လၢသုးခိးကီၢ် BGF စ့ၢ်ကီးမၤ၀ဲတၢ် ၅ နံၣ် ၀ံၤအလီၢ်ခံ...
မုၢ်ြတီၢ်ကီၢ်ရ့ၣ် တၢ်သဘံၣ်သဘုၣ် ခ့ၣ်အဲၣ်ယူၣ် တၢ်ပာ်သး
“ခီဖျိလၢပတၢ်ထံၣ်လဲၢ်အဃိန့ၣ် ပဂုာ်ကျဲးစၢးထီဒါက့ၤ၀ဲလီၤႉ တၢ်၀ဲအံၤန့ၣ်မ့ၢ်၀ဲဒၣ်မၤကမၣ်၀ဲ (NCA) လီၤႉ” တကီၢ်ခါ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ မုၢ်ြတီၢ်ကီၢ်ရ့ၣ်အပူၤ ခီဖျီပယီၤသုးတၢ်ခူၣ်သိလ့ၣ်ကျဲအဃိ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်ဒီး ပယီၤပဒိၣ်သုးအဘၢၣ်စၢၤ တၢ်သဘံၣ်သဘုၣ်အိၣ်ထီၣ်၀ဲအဖီခိၣ် ခ့ၣ်အဲးစံၣ်=ကညီတၢ်ကစီၣ်ထံၣ်လိာ်သံကွၢ်သံဒိး၀ဲ ခ့ၣ်အဲၣ်ယူၣ်အနဲၣ်ရွဲၣ်ခိၣ်ကျၢၢ် ပဒိၣ်စီၤတၤဒိၣ်မူဒ်အံၤန့ၣ်လီၤႉ အဆိကတၢၢ်မ့ၢ်ဘၣ်တဲဒု တၢ်၀ဲအံၤန့ၣ်မ့ၢ်ဒၣ်ခီဖျိလၢပတၢ်ဆဲးလီၤတၢ်ပတုာ်တၢ်ခးတၢ်အိၣ်သးတခါန့ၣ်ႇ အခီပညီန့ၣ်မ့ၢ်၀ဲဒၣ်လၢ ပကဒုးအိၣ်ထီၣ်က့ၤတၢ်ပတုာ်တၢ်ခးဒီး ပဃုကျဲလၢပကလဲၤ၀ဲဒၣ်လၢစီၤနီၢ်ခိၣ်ႇ ထံရူၢ်ကီၢ်သဲးအဖီခိၣ်ပကဂဲာ်လိာ်ႇ ပကဘၣ်တဲသကိးအီၤလၢစီၤနီၢ်ခိၣ်အဖီခိၣ်လီၤႉ ဘၣ်ဆၣ်သနာ်က့ ပတၢ်အိၣ်သးလၢ ဒ်ပဆဲးတ့ၢ်လံစုမုၢ်ကျၢၢ်လၢ (NCA) တဘ့ၣ်အံၤအဖီခိၣ်န့ၣ်ႇ ဒ်ပအၢၣ်လီၤအီလီၤတ့ၢ်လံလၢပဆဲးလီၤ (NCA) ၀ံၤဘျီန့ၣ် သုးတကိးသုးကဘၣ်ထံၣ်လိာ်အသး န့ၣ်အိၣ်၀ဲဒၣ်လီၤႉ သုးတကိးသုးဘၣ်ထံၣ်လိာ်သး၀ံၤအလီၢ်ခံမး ပကလဲၤတဲလိာ်သး လၢ (NCA) အဖီခိၣ်တဆီ ဘၣ်တဆီန့ၣ် ခံခီယၢ်ပာ်တူၢ်လိာ်၀ဲသ့သ့ၣ်တဖၣ် ကဟဲထီၣ်၀ဲဒၣ်ဒီး ခံခီယၢ်ပာ်ပပိာ်ထွဲ၀ဲဒၣ်န့ၣ် တၢ်ဂ့ၢ်မိၢ်ၦၢ်န့ၣ်အိၣ် ၀ဲဒၣ်ဒ်န့ၣ်လီၤႉ ဘၣ်ဆၣ်သနာ်က့န့ၣ် ပဆဲးလီၤစုမုၢ်ကျၢၢ်ၦဲၤ ၄ နံၣ်မး သုးတကီးသုးထံၣ်လိာ်၀ဲသးကဲထီၣ်၀ဲဒၣ် အဆိကတၢၢ်တဘျီဖဲ ၂၀၁၉ နံၣ် လါဒံၣ်စ့ဘၢၣ် ၁၀ သီလီၤႉ အခီပညီန့ၣ် (NCA) အဖီခိၣ်န့ၣ် တဂၤလၢအထုး န့ၢ်၀ဲဒၣ်လၢအခီပညီဒၣ်၀ဲဒီး...
မုၢ်ြတီၢ်လီၢ်က၀ီၤ ဖီၣ်စုက၀ဲၤတၢ်သဘံၣ်သဘုၣ်အဃိ IDPs အနီၣ်ဂံၢ်ဟဲအါထီၣ်၀ဲဒီး တၢ်ဘၣ်ယိၣ်ဘၣ်ဘှီဟဲအါထီၣ်၀ဲ
လါဖ့ၤြဘူၤအါရံၤ ၂၅ သီႇ ၂၀၂၀ နံၣ်ႇ စးအဲၣ်ဆူ တကီၢ်ခါတၢ်ကဲထီၣ်သးလၢ ပယီၤပဒိၣ်သုး ဒီး KNU - ကညီဒီကလုာ်စၢဖှိၣ်ကရၢ သုးက့(၅) စုဒုၣ်စုတီၤအဖီလာ်သုးတဖၣ်အဘၢၣ်စၢၤ တၢ်သဘံၣ်သဘုၣ်အပူၤႇ ၦၤစံၣ်မှံဟးဖျိး ( IDP) ဖိတဖၣ် အနီၣ်ဂံၢ်ဟဲအါထီၣ်၀ဲအဃိ လီၢ်က၀ီၤဒူဖိသ၀ီဖိတဖၣ် တၢ်ဘၣ်ယိၣ်ဘၣ်ဘှီဟဲအါထီၣ်၀ဲအဂ့ၢ်န့ၣ် လီၢ်က၀ီၤဖိ ၦၤဘၣ်မူဘၣ်ဒါတဖၣ်စံး၀ဲလီၤႉ KNU သုးက့(၅)လီၢ်က၀ီၤအပူၤ ခီဖျိလၢကီၢ်ပဒိၣ်သုးတဖၣ် မၤအါထီၣ်၀ဲဒၣ်သုးတၢ်ဟူးတၢ်ဂဲၤအဃိႇ စးထီၣ်ဖဲ လါဖ့ၤြဘူၤအါရံၤ ထီၣ်သီန့ၣ် ၦၤလီၢ်အိၣ်ကမှံဖိ အနီၣ်ဂံၢ်ဒၣ်ထဲ ၃၀၀ ဂၤ ဘျဲၣ် ဒီး ဆၢကတီၢ်ခဲအံၤ ၦၤလၢအိၣ်ကတီၤထီၣ်အသးလၢကဃ့ၢ်တၢ်ဒုးအဂီၢ် အနီၣ်ဂံၢ်ခဲလၢာ်အိၣ်၀ဲ (၂ႇ၀၀၀) ဂၤဘျဲၣ်လံအဂ့ၢ်န့ၣ် KNU မုၢ်ြတီၢ်ကီၢ်ရ့ၣ် နဲၣ်ရွဲၣ်ခိၣ် စီၤရီဘ့ၣ်မူ စံး၀ဲဒ်အံၤလီၤႉ “ခဲအံၤ ဒ်စရီပူၤအသိး ဒူသ၀ီကရူၢ်တဖၣ်ဟဲအါထီၣ်၀ဲအဖီခိၣ် ဟဲအိၣ်အါထီၣ်၀ဲဒၣ် အဂၤ ၂ႇ၀၀၀ ဘျဲၣ်ညါလီၤႉ ဘၣ်ဆၣ် ၦၤအဂၤ ၂ႇ၀၀၀ ဘျဲၣ်အံၤ ၦၤလၢအစံၣ်မှံဟးဖျိးတဖၣ်စ့ၢ်ကီး ပၣ်ဃုာ်၀ဲဒၣ်ဒီး ၦၤလၢအအိၣ််လၢတၢ်ဘၣ်ယိၣ်ဘၣ်ဘှီအဖီလာ်တဖၣ်လီၤ...
ပဒိၣ်မၤ၀ဲန့ၢ်လၢအတလိၣ်ကမျၢၢ်ဘၣ်န့ၣ် တမ့ၢ်ဒံၣ်မိၣ်ြခ့ၣ်စံၣ်ဘၣ်အဂ့ၢ်န့ၣ် ဒီၣ်အီၣ်ဆါဆူၣ်ကၠံၣ်စံး၀ဲ
လါဖ့ၤြဘူၤအါရံၤ ၂၄ သီႇ ၂၀၂၀ နံၣ်ႇ န့ၣ်နီၣ် ထံဖိကီၢ်ဖိကမျၢၢ်တလိၣ်ဘၣ် ပဒိၣ်ကစၢ်ဒၣ်၀ဲမၤ၀ဲမ့ၢ်န့ၢ်န့ၣ်ႇ တမ့ၢ်ဒံၣ်မိၣ်ြခ့ၣ်စံၣ်ပဒိၣ်ဘၣ်အသိး ကမျၢၢ်အတၢ်တူၢ်လိာ်မ့ၢ်တအိၣ်ႇ တၢ်ပာ်ဖှိၣ်မၤသကိးဒီးကမျၢၢ်မ့ၢ်တအိၣ်ဘၣ်န့ၣ် ခါဆူညါအဂီၢ် တမ့ၢ်လၢကဒိးန့ၢ်ဘၣ်တၢ်မၤနၢၤဘၣ်အဂ့ၢ်န့ၣ် ထံကီၢ်ၦၤဟ့ၣ်ကူၣ်ဟ့ၣ်ဖးတၢ်တဂၤလၢအမ့ၢ် ဒီၣ်အီၣ်ဆါဆူၣ်ကၠံၣ် စံးလီၤ၀ဲန့ၣ်လီၤႉ လါဖ့ၤြဘူၤအါရံၤ ၂၄ သီႇ တနံၤအံၤဂီၤခီ (၁၀)နၣ်ရံၣ် အဆၢကတီၢ်န့ၣ် တၢ်မၤ၀ဲဒၣ်တၢ်ထံၣ်လိာ်အိၣ်သကိးဒီးကမျၢၢ်အံၤ ဖဲကညီကီၢ်စဲၣ်ႇ ကီးတရံး၀့ၢ် ခၠီတီၣ်ယၣ် ကညီနံၣ်ထီၣ်သီပျီပူၤအကတီၢ်န့ၣ် ဒီၣ်အီၣ်ဆါဆူၣ်ကၠံၣ်တဲလီၤတၢ်ဒီး ထၢနုာ်စံးလီၤ၀ဲဒ်အံၤလီၤႉ “ပဒိၣ်နီတဖုလၢ မ့ၢ်တဲ၀ဲ မ့ၢ်ဂ့ၤထဲလဲၣ်ႇ မ့ၢ်သ့ထဲလဲၣ်ဘၣ်ဆၣ် ထံဖိကီၢ်ဖိကမျၢၢ်တဖၣ်အတၢ်တူၢ်လိာ်ႇ တၢ်ပာ်ဖှိၣ်မၤသကိးမ့ၢ်တအိၣ်ဘၣ်န့ၣ် တၢ်တိာ်ကျဲၤလၢအဒိၣ်အထီတဖၣ် လၢကမၤနၢၤတၢ်အဂီၢ် မၤ၀ဲတန့ၢ်ဘၣ်လီၤႉ ကမျၢၢ်တဖၣ်တလိၣ်ဘၣ်ႉ ပကစၢ်ဒၣ်၀ဲပမၤသ့ပဒိၣ်တဖၣ်န့ၣ် တမ့ၢ်ဒံၣ်မိၣ်ခြ့ၣ်စံၣ်အပဒိၣ်ဘၣ်ႉ ခါဆူညါအဂီၢ်စ့ၢ်ကီး တမ့ၢ်ပဒိၣ်လၢအမၤနၢၤတၢ်ဘၣ်” အဂ့ၢ်န့ၣ် အ၀ဲစံး၀ဲလီၤႉ ဒီၣ်အီၣ်ဆါဆူၣ်ကၠံၣ် ဆဲးစံးကဒီး၀ဲလၢ ကညီကီၢ်စဲၣ်န့ၣ် တၢ်ပတုာ်တၢ်ခး၀ံၤအလီၢ်ခံ လၢတၢ်လဲၤတၢ်က့ၤအဂီၢ် ကျဲဟဲဂ့ၤထီၣ်၀ဲႇ မုၢ်ကျိၤ၀ဲၤကွာ်ႇ တၢ်ကူၣ်ဘၣ်ကူၣ်သ့ ဒီး တၢ်မၤ၀ဲဒၣ် တၢ်ကွၢ်ထွဲတၢ်အိၣ်ဆူၣ်အိၣ်ချ့တဖၣ်အံၤ ဟဲညီထီၣ်၀ဲဒၣ်အသိးႇ လီသဟီၣ်ဂံၢ်ဘါမ့ၢ်န့ၢ်စ့ၢ်ကီးန့ၣ် တၢ်ဘၣ်ဘျုးကအိၣ်၀ဲအဃိ တၢ်လိၣ်ဘၣ်တဖၣ် ဒ်သိးကန့ၢ် အဂီၢ်...
KNLA ဒီး ပယီၤသုးတဖၣ်အဘၢၣ်စၢၤ တၢ်ခးလိာ်သးကဲထီၣ်
လါဖ့ၤြဘူၤအါရံၤ ၂၃ သီႇ ၂၀၂၀ နံၣ်ႇ ခ့ၣ်အဲးစံၣ် KNU- ကညီဒီကလုာ်စၢဖှိၣ်ကရၢ သုးက့ (၅)စုဒုၣ်စုတီၤအဖီလာ် ကညီတၢ်ထူၣ်ဖျဲးသုးမုၢ်ဒိၣ် -KNLA သုးဒီး ပယီၤသုး စုဒုၣ်စုတီၤအဖီလာ်သုးတဖၣ်အဘၢၣ်စၢၤ ဖဲမဟါတနံၤ လါဖ့ၤြဘူၤအါရံၤ ၂၂ သီအနံၤ တၢ်ခးလိာ်သး ကဲထီၣ်၀ဲလၢမံးနံးအတီၢ်ပူၤ ဖဲ မုၢ်ြတီၢ် (ဖၣ်ပူၣ်ကီၢ်ရ့ၣ်)ႇ ဒွဲၣ်လိကီၢ်ဆၣ်ႇ လ့ဖိထၣ်သ၀ီကရူၢ် ထီးကျီးခံ ဒီး ဘီကၠိၣ်လဲၤသ၀ီအဘၢၣ်စၢၤအဂ့ၢ်န့ၣ် KNU ထုးထီၣ်ဘိးဘၣ်ရၤလီၤ၀ဲတၢ်ကစီၣ်ဖဲတနံၤအံၤလီၤႉ KNU သုးက့(၅)စုဒုၣ်စုတီၤအဖီလာ် KNLA သုးရ့ၣ် (၁၀၂) သုးဒ့ ၃ ဒီး နီၣ်ဂံၢ်(၈) ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ် စုဒုၣ်စုတီၤအဖီလာ် ခီၣ်ချ့သုးရ့ၣ်(ခမရ - ၄၀၆) သုးရ့ၣ်ခိၣ် ဆါထဲၣ် တီခိၣ်ရိၣ်မဲ ပယီၤသုးကျိၤတဖၣ်အဘၢၣ်စၢၤႇ ဖဲမုၢ်ဃ့ၢ်လီၤ ၂ နၣ်ရံၣ် အဆၢကတီၢ်န့ၣ် လၢမံးနံးအတီၢ်ပူၤတၢ်ခးလိာ်သးကဲထီၣ်သးလီၤအဂ့ၢ်န့ၣ် KNU လီၢ်ခၢၣ်သး တၢ်ကရၢကရိ၀ဲၤကျိၤဒီးတၢ်ဘိးဘၣ်ရၤလီၤ၀ဲၤကျိၤ ထုးထီၣ်ဘိးဘၣ်ရၤလီၤ၀ဲတၢ်ကစီၣ်န့ၣ်လီၤႉ သုးရ့ၣ်ခိၣ် ဆါထဲၣ် တီခိၣ်ရိၣ်မဲပယီၤသုးကျိၤလၢအနီၣ်ဂံၢ်အိၣ်၀ဲ...
တၢ်တမုာ်ခုၣ်အဂ့ၢ်အကျိၤမ့ၢ်သ့ၣ်ညါမး ဘှါဆှဲတၢ်သဘံၣ်သဘုၣ်ကန့ၢ်၀ဲဒၣ်အဂ့ၢ် KNU စံး၀ဲ
လါဖ့ၤြဘူၤအါရံၤ ၁၇ သီႇ ၂၀၂၀ နံၣ်ႇ စီၤရှါ တၢ်တမုာ်တခုၣ်ဟဲကဲထီၣ်သးအဂံၢ်ခိၣ်သ့ၣ်တၢ်ဂ့ၢ်တၢ်ကျိၤအံၤ ပမ့ၢ်သ့ၣ်ညါမးႇ ကဘၣ်ဘှါဆှဲအီၤအကျိၤအကျဲန့ၣ် ကသ့ၣ်ညါဘၣ်လီၤအဂ့ၢ်န့ၣ် KNU ကညီဒီကလုာ်စၢဖှိၣ်ကရၢ နဲၣ်ရွဲၣ်သဃဲၤ(၂) ပဒိၣ်စီၤလၣ်ထိ စံး၀ဲဒၣ်န့ၣ်လီၤႉ လါဖ့ၤြဘူၤအါရံၤ ၁၆ သီ(မဟါကၢာ်)န့ၣ် တၢ်မၤ၀ဲတၢ်မုာ်တၢ်ခုၣ် ဒီး တၢ်ဘှါဆှဲ၀ဲတၢ်သဘံၣ်သဘုၣ် ဂ့ၢ်၀ီတၢ်တၢၣ်ပီၣ်တဲသကိး ဖဲကညီကီၢ်စဲၣ်ႇ ဖၣ်အၣ်ဖၠၣ်စိမိၤကၠိပူၤ အကတီၢ် ပဒိၣ်စီၤလၣ်ထိစံးလီၤ၀ဲ ဒ်အံၤန့ၣ်လီၤႉ ပဒိၣ်စီၤလၣ်ထိ စံး၀ဲလၢ “ကီၢ်ပယီၤပူၤ တၢ်တမုာ်တခုၣ်တဖၣ်အိၣ်၀ဲဒၣ်အံၤႇ ဒ်သိးကမုာ်ကခုၣ်အဂီၢ် ပမၤအီၤအလီၢ် န့ၣ် ပဘၣ်သဂၢၢ်ဘှါဆှဲ၀ဲတၢ်သဘံၣ်သဘုၣ်တဖၣ်အိၣ်၀ဲဒၣ်အါမးလီၤႉ တၢ်ဂ့ၢ်တၢ်ကျိိၤလၢအဟဲကဲထီၣ်အသးမ့ၢ်သ့ၣ် ညါဒီးႇ ကထံၣ်လိာ်တၢၣ်ပီၣ်တဲသကိးဒီးဃုသကိးအစၢမး ကမၤနၢၤဘၣ်တၢ်လီၤ” အဂ့ၢ်န့ၣ်စံး၀ဲလီၤႉ ဒံၣ်မိၣ်ြခ့ၣ်စံၣ်သနူလီၤမၢ်ကွံာ်ဒီး လၢအနံၣ် ၆၀ ဘျဲၣ် သုးမီၤစိရိၤပၢတၢ်သနူအဃိႇ ကလုာ်ဒူၣ်အတၢ်ခွဲးတၢ်ယာ်ရှူကွံာ်၀ဲတဖၣ်န့ၣ်ႇ ကီၢ်ပယီၤပူၤ စုက၀ဲၤတၢ်သဘံၣ်သဘုၣ် ဃုာ်ဒီး ကီၢ်ပူၤတၢ်သဘံၣ်သဘုၣ်ဟဲအိၣ်ထီၣ်၀ဲဒၣ် အခိၣ်သ့ၣ်န့ၣ်မ့ၢ်၀ဲဒၣ်ဂံၢ်ခီၣ်ထံးတၢ်ဂ့ၢ်တကျိၤအဂ့ၢ်န့ၣ် ပဒိၣ်စီၤလၣ်ထိ စံးၦဲၤ၀ဲန့ၣ်လီၤႉ ဒီကလုာ်တၢ်မၤဃူမၤဖိးက့ၤတၢ်ဒီး တၢ်မုာ်တၢ်ခုၣ်လီၢ်ခၢၣ်သး၀ဲၤကျိၤ (NRPC) ရဲၣ်ကျဲၤ၀ဲဒီး မၤ၀ဲ “တၢ်မုာ်တၢ်ခုၣ်ဒီးသးစၢ်တဖၣ်”အတၢ်ရဲၣ်တၢ်ကျဲၤႇ တၢ်မၤ၀ဲဖဲမဟါကၢာ်တနံၤတၢ်တၢၣ်ပီၣ်တဲသကိးအံၤ တၢ်က့ၤကွၢ်ထံသမံသမိးက့ၤ၀ဲ သးစၢ်တဖၣ်အသနၢၣ်ႇ တၢ်မုာ်တၢ်ခုၣ်တၢ်ထဲးဂံၢ်ထဲးဘါအတၢ်လဲၤကျဲ...
ရွ့ၣ်မၠၣ်စၤဒံၣ် ဟံၣ်လီၢ်တၢ်ဂ့ၢ်လိာ်ဘှီလိာ်တၢ်ဂ့ၢ် ၦၤမၤစၢၤတၢ်နီၢ်အိလၣ်ဒီး ၦၤအဂၤ ၃ ဂၤ တၢ်စံၣ်ညီၣ်လီၤလၢဘၣ်လီၤဃိာ်ပူၤတဂၤ တလါစုာ်စုာ်
လါဖ့ၤြဘူၤအါရံၤ ၁၇ သီႇ ၂၀၂၀ နံၣ်ႇ ခ့ၣ်အဲးစံၣ် မၠၣ်၀တံၣ်၀့ၢ် မဲၢ်ကနဲသ၀ီ ရွ့ၣ်မၠၣ်စၤဒံၣ် ဟံၣ်လီၢ်တၢ်တိာ်ကျဲၤအတၢ်ဂ့ၢ်လိာ်ဘှီလိာ်အပူၤႇ လၢလီၢ်က၀ီၤဖိတပၤ ၦၤလၢအပၣ်ဃုာ်မၤစၢၤတၢ်တဂၤလၢအမ့ၢ် နီၢ်အိလၣ်ဃုာ်ဒီး ၦၤလၢအထီဒါ၀ဲတၢ်တိာ်ကျဲၤ ၃ ဂၤအံၤႇ တနံၤအံၤ လါဖ့ၤြဘူၤအါရံၤ ၁၇ သီအနံၤန့ၣ် မၠၣ်၀တံၣ်ကီၢ်ဆၣ် ကွီၢ်ဘျီၣ်ရူ စံၣ်ညီၣ်တဲာ်၀ဲလၢဘၣ်လီၤလၢဃိာ်ပူၤ တဂၤတလါစုာ်စုာ်အဂ့ၢ်န့ၣ် သ့ၣ်ညါဘၣ်လီၤႉ ဖဲအပူၤကွံာ် ၂၀၁၉ နံၣ် လါအ့ြဖ့ၣ် ၂၁ သီအနံၤ တၢ်တဘၣ်မၤဟးဂီၤကွံာ်တၢ်တိာ်ကျဲၤဘၣ်အဃိႇ တၢ်ပာ်ဖျါထီၣ်သး၀ံၤအလီၢ်ခံ ကညီပိာ်မုၣ်ကရၢ =BWU ၦၤပၢၤလီၢ်ဆ့ၣ်နီၤ နီၢ်အိလၣ်ဃုုာ်ဒီး ၦၤတီခိၣ်ရိၣ်မဲတၢ် ၃ ဂၤအံၤႇ မၠၣ်၀တံၣ်၀့ၢ် ပၢၤကီၢ်သုး လိာ်ကီွၢ်အ၀ဲသ့ၣ်လၢ တၢ်ထုးဖှိၣ်သးလၢတၢ်မုာ်တၢ်ခုၣ်ဒီး ပိာ်ကျဲတၢ်ပာ်ဖျါထီၣ်သး သဲစးနီၣ်ဂံၢ် (၁၉/၂၀) တၢ်လိာ်ကွၢ်၀ဲဒီး ဖဲတၢ်သ့ၣ်ဆၢဖးအကတီၢ် ၂၄ ဘျီ ၀ံၤႇ တၢ်စံၣ်ညီၣ်တဲာ်လီၤ၀ဲဒ်အံၤလီၤအဂ့ၢ်န့ၣ် သ့ၣ်ညါဘၣ်လီၤႉ ဘၣ်ထွဲဒီးတၢ်စံၣ်ညီၣ်တဲာ်လီၤလၢဘၣ်လီၤလၢဃိာ်ပူၤအံၤန့ၣ် နီၢ်အိလၣ် စံး၀ဲလၢ “လၢပထံလီၢ်ကီၢ်ပူၤအံၤ တုၤလၢ အခဲအံၤသဲစးတၢ်ဒိၣ်စိတအိၣ်၀ဲဒံးဘၣ်လီၤႉ...
ကီၢ်ကၠီၣ်တဲၣ်ပူၤကလုာ်ဒူၣ်တဖၣ် ဒ်သိးတၢ်ကပာ်ပနီၣ်၀ဲအလုၢ်အၦ့ၤအဂီၢ် ဟ့ၣ်ခီနီၤလိာ်သကိး လုၢ်လၢ်ထူသနူ
လါဖ့ၤြဘူၤအါရံၤ ၁၅ သီႇ ၂၀၂၀ နံၣ်ႇ စးအဲၣ်ဆူ ကလုာ်ဒူၣ်တဖၣ် အလုၢ်အၦ့ၤအံၤ ဒ်သိးတၢ်ကသ့ၣ်ညါပာ်ပနီၣ်၀ဲကအါထီၣ်အဂီၢ် ပညိၣ်ဒီး ကီၢ်ကၠီၣ်တဲၣ်ႇ တးခ်ကီၢ်ရ့ၣ် ကီၢ်ဆၣ် ၅ ဘ့ၣ်အပူၤ တၢ်မၤ၀ဲဒၣ် ကလုကလုာ်ဒူၣ်သူၣ်ဘီၣ်သးစၢ်တဖၣ် လုၢ်လၢ်တၢ်ဟ့ၣ်ခီဟ့ၣ်နီၤလိာ်သးတၢ်ရဲၣ်တၢ်ကျဲၤအံၤ ဖဲ လါဖ့ၤြဘူၤအါရံံၤ ၅ သီအနံၤ ႇ ဖဲမဲၢ်ဆီး၀့ၢ်ဖီကရၢၢ်အပူၤ န့ၣ်လီၤႉ တးခ်ကီၢ်ရ့ၣ်အပူၤ အူဖၣ်ႇ ဖိၣ်ြဖၣ် မဲၢ်ဆီးႇ မဲၢ်ရမၣ် ဒီး ထၣ်ဆီၤယါ ကီၢ်ဆၣ် ၅ ဘ့ၣ်အပူၤ ကလုာ်ဒူၣ်တဖၣ်အလုၢ်လၢ်ႇ တၢ်ဆဲးတၢ်လၤ ဒီး လုၢ်လၢ်ထူသနူတဖၣ်န့ၣ် တၢ်ဒုးနဲၣ်ဖျါထီၣ်၀ဲဒီး ၦၤဟဲထီၣ်တၢ်တဖၣ် ဒ်သိး အနီၢ်ကစၢ်ဒၣ်၀ဲကဃုသ့ၣ်ညါဘၣ်၀ဲဂီၢ် ဒီး ဒ်သိးကနၢ်ပၢၢ်အါထီၣ်၀ဲအဂီၢ်ႇ တၢ်မၤ၀ဲဒၣ်တၢ်ရဲၣ်တၢ်ကျဲၤအံၤလီၤအဂ့ၢ်န့ၣ် ၦၤတီခိၣ်ရိၣ်မဲတၢ်ရဲၣ်တၢ်ကျဲၤတဖၣ်စံး၀ဲလီၤႉ “အပူၤကွံာ် ပမ့ၢ်ဘၣ်တဲန့ၣ်ၦၤကီၢ်ကၠီၣ်တဲၣ်ဖိတနီၤန့ၣ်် ပာ်ဆံးထံၣ်၀ဲဒၣ်ကလုာ်ဒူၣ်တဖၣ်လၢ အပတီၢ်ဖုၣ်န့ၢ်ဒံးအ၀ဲသ့ၣ်လီၤႉ ဘၣ်ဆၣ်သနာ်က့ အ၀ဲသ့ၣ်မ့ၢ်ဟဲထံၣ် ပလုၢ်လၢ်တၢ်ဆဲးတၢ်လၤလၢ အစှၤက တၢၢ်လွံၢ်ခါအံၤန့ၣ်ႇ ပ၀ဲပတၢ်သ့ၣ်ညါနၢ်ပၢၢ်ဒီးပတၢ်ကူၣ်ဘၣ်ကူၣ်သ့တဖၣ် ကထံၣ်၀ဲလၢအဂ့ၤတပၤဒီး လၢအ၀ဲသ့ၣ်ခိၣ်နူာ်ပူၤႇ လၢအသးပူၤအအိၣ်ထီဃာ်၀ဲဒၣ်ဒီး အ၀ဲသ့ၣ်ကရ့ၦၤတုၤသိးထဲသိးလီၤ”...
ပဒိၣ်မါရှၣ် လဲၤပူၤကွံာ်ၦဲၤထီၣ် ၁၂ နံၣ်တနံၣ် တၢ်မၤ၀ဲတၢ်သ့ၣ်နီၣ်ဆၢက့ၤအီၤဒီးတၢ်ဒွဲၣ်မ့ၣ်အူလၢအဒဲဟီၣ်ခိၣ် တၢ်ပနီၣ်အလီၢ်
လါဖ့ၤြဘူၤအါရံၤ ၁၅ သီႇ ၂၀၂၀ နံၣ်ႇ ခ့ၣ်အဲးစံၣ် KNU=ကညီဒီကလုာ်စၢဖှိၣ်ကရၢ အနဲၣ်ရွဲၣ်ခိၣ်ကျၢၢ်လီၢ်လံၤ ပဒိၣ်မါရှၣ်လါဖါ တၢ်ကူၣ်သံအီၤၦဲၤထီၣ်၀ဲ ၁၂ နံၣ်တနံၣ်ႇ တၢ်မၤ၀ဲဒၣ်တၢ်သ့ၣ်နီၣ်ဆၢက့ၤ အတၢ်ရဲၣ်တၢ်ကျဲၤအံၤလၢ အဒဲဟီၣ်ခိၣ်တၢ်ပနီၣ်အလီၢ်လၢ အအိၣ်ဖဲသ့ၣ်ဘ့ၣ်ထၣ်တၢ်လီၢ်အံၤ တၢ်မၤ၀ဲတၢ်ဒွဲၣ်မ့ၣ်အူတခါဖဲ လါဖ့ၤြဘူၤအါရံၤ ၁၄ သီအနံၤ ဟါခီအဆၢကတီၢ်န့ၣ်လီၤႉ ပဒိၣ်မါရှၣ်လါဖါ အဖိခွါဒိၣ် ပဒိၣ်စီၤစ့စ့ ဒီး အၦၤမၤသကိးတၢ်ခိၣ်နၢ်တဖၣ် တီခိၣ်ရိၣ်မဲ၀ဲဒၣ်ဒီး ကိးနံၣ်ဒဲး လါဖ့ၤြဘူၤအါရံံၤ ၁၄ သီအနံၤန့ၣ်ႇ လၢအလီၤဘၣ်၀ဲတၢ်ကူၣ်သံအီၤမုၢ်နံၤအံၤန့ၣ် ဒ်သိးတၢ်ကသ့ၣ်နီၣ်ထီၣ်၀ဲအဂီၢ် ပညိၣ်ဒီးမၤ၀ဲဒၣ်တၢ်ရဲၣ်တၢ်ကျဲၤအံၤလီၤႉ ၁၂ နံၣ်တနံၣ် တၢ်သ့ၣ်နီၣ်ဆၢက့ၤမုၢ်နံၤ တၢ်ရဲၣ်တၢ်ကျဲၤအံၤႇ ခိၣ်နၢ်လၢအအဲၣ်ဘၣ်အီၤပာ်ကဲအီၤတဖၣ် ဒီး သိဒူသိၣ်မှံၤအသကိးတဖၣ်ႇ ကၠိဖိသူၣ်ဘီၣ်သးစၢ်တဖၣ် ပာ်ဖှိၣ်ခဲလၢာ် အဂၤ ၁၀၀ ဃၣ်ဃၣ် ဟဲထီၣ်၀ဲဒၣ် ဒွဲၣ်ထီၣ်၀ဲပနဲဒီး အိၣ်ဘှ့ၣ်ဘှီၣ်၀ဲတမံးနံးလၢတၢ်ဟ့ၣ်တၢ်ယူးယီၣ်ဒီး ဘၣ်ထွဲဒီးခိၣ်နၢ်တဖၣ် တဲလီၤ၀ဲတၢ်သ့ၣ်နီၣ်ဆၢက့ၤတဖၣ်န့ၣ်လီၤႉ ဒ်န့ၣ်အသိး ပဒိၣ်မါရှၣ်လါဖါ အအိၣ်ဖျဲၣ်ထီၣ်အလီၢ်ဒ်အမ့ၢ် ပါတနီၣ်ကီၢ်ဆၣ်ႇ တီကၠီသ၀ီတဖၣ်စ့ၢ်ကီး ဖဲမဟါအနံၤန့ၣ် အဟံၣ်ဖိဃီဖိလၢအအိၣ်တ့ၢ်တဖၣ် ဒီး ထံရူၢ်ကီၢ်သဲးပၣ်တံၣ်ခိၣ်နၢ်လၢ အအဲၣ်ဘၣ်အီၤပာ်ကဲအီၤတဖၣ်ႇ တၢ်ဘူၣ်တၢ်ဘါခိၣ်နၢ်တဖၣ်ႇ...