တနၢ်တူၢ်စီမံၤဒိၣ်သွါ နမ့ၢ်သွံၣ်ကညီစ့ၢ်ဧါ
တနၢ်တူၢ်စီမံၤဒိၣ်သွါ နမ့ၢ်သွံၣ်ကညီစ့ၢ်ဧါ တံနိ (သ၀ီတါ) ဖဲ ၂၀၀၃ နံၣ် တၢ်ကိၢ်ခါအဆၢကတီၢ်န့ၣ် ယလဲၤတုၤဘၣ်ဆူကီၢ်ကၠီၣ်တဲၣ်ကလံၤထံးႇ စၣ်ခၠးဘူၤရံၤအဆိကတၢၢ်တဘျီအခါႇ ယလဲၤမံအိၣ်တမှံၤဘၣ်ဖဲ “ခၠီလိၣ်” ကညီသ၀ီတနွံလီၤႉ သ၀ီလၢအိၣ်ဘူးအိၣ်တံၢ်လိာ်သးဖဲအံၤတဖၣ် အါဒၣ်တက့ၢ်န့ၣ်မ့ၢ်၀ဲၦၤၦိၢ်ဖိစှီၤဖိအဒူသ၀ီဒီး ၦၤကၠီၣ်တဲၣ်ဖိအိၣ်ကျီၣ်ကျဲဃုာ်တနီၤစ့ၢ်ကီးလီၤႉ သ၀ီဘူးဘူးတံၢ်တံၢ်ဖဲအံၤတနီၤန့ၣ် မ့ၢ်၀ဲ-ခၠီလိၣ်သ၀ီႇ ခၠူးလဲးသ၀ီဒီး ဟွ့းယါခဒံၤသ၀ီန့ၣ်လီၤႉ တၢ်ကိးသ၀ီအမံၤတဖၣ် သီၣ်ဘၣ်ယနၢ်လီၤဆီတစဲးအဃိ ယသံကွၢ်တၢ်ဂ့ၢ်တၢ်ကျိၤဒီးတၢ်အိၣ်ဖှိၣ်သရၣ်စူၤရးခၠဲလၢ အမ့ၢ်ၦၤထူလံၤဖိအိၣ်ဖျဲၣ်ထီၣ်ဖဲတၢ်လီၢ်အံၤဒီး ဒိၣ်ထီၣ်၀ဲဖဲအံၤတဂၤတဲဘၣ်ယၤဒ်အံၤ- “သ၀ီအမံၤတဖၣ်အံၤတမ့ၢ်ကၠီၣ်တဲၣ်အတၢ်ကိးဘၣ်ႉ မ့ၢ်ဒၣ်ၦိၢ်အတၢ်ကိးလီၤႉ မ့ၢ်လၢၦၤကၠီၣ်တဲၣ်ဖိတဖၣ် ကိးထွဲကွဲးထွဲက့ၤ၀ဲၦိၢ်အတၢ်ကိးသီၣ် တပံၣ်တကျါဘၣ်အဃိ တၢ်ကိးသ၀ီအမံၤတဖၣ်အံၤ အသီၣ်ဆီတလဲက့ၤအသးန့ၣ်လီၤႉ ခၠီလိၣ်သ၀ီအံၤ လၢညါခါၦိၢ်ကိး၀ဲလၢ“ခၠီးမျိ” လၢစှီၤတခီအခီပညီမ့ၢ်၀ဲဆီလီၤမျီာ်(ကျိဖးဒိၣ်)န့ၣ်လီၤႉ “ခၠူၤလဲ” သ၀ီစ့ၢ်ကီးမ့ၢ်ဒၣ်ၦိၢ်အတၢ်ကိးႇ အခီပညီမ့ၢ်၀ဲဆဲးလီၤမံၤလၢလံာ်ဃံၤဃာ်အပူၤလီၤႉ (မ့ၢ်တၢ်ကတိၤကျီၣ်ကျဲသးဒီးပယီၤကျိာ် စာချုပ် န့ၣ်လီၤ)“ဂ့ၢ်ခၣ်ဒုၣ်ကျိသ၀ီ”စ့ၢ်ကီးမ့ၢ်လၢၦၤကၠီၣ်တဲၣ်ဖိတဖၣ် ကိး၀ဲကွဲး၀ဲလၢကၠီၣ်တဲၣ်ကျိာ်တပံၣ်တကျါဘၣ်အဃိ ကဲထီၣ်က့ၤဆူဟွ့းယါခဒံးသ၀ီန့ၣ်လီၤႉ လၢယနီၢ်ဆံးအခါ ပမိပပါတဲဘၣ်ၦၤဒ်အံၤ-လၢညါလၢပဖံဖးဒိၣ်ဖုဖးဒိၣ်အစိၤအခါန့ၣ် ပယီၤစီၤပၤဒီးကၠီၣ်တဲၣ်စီၤပၤအၦၤသုးဖိတဖၣ် ဟဲထီၣ်ဒုးလိာ်ယၤလိာ်အသးဖဲပအိၣ်တၢ်လီၢ်တတီၤအံၤလီၤႉ ယိၤစီၤပၤအသုးတဖၣ်န့ၣ် ဆီလီၤအမျီာ်ဖဲတၢ်လီၢ်အံၤအဃိ လၢခံတၢ်ကိးထွဲက့ၤတၢ်လီၢ်အံၤအမံၤလၢၦိၢ်ကျိာ်လၢ “ခၠီးမျိ”န့ၣ်လီၤႉ လၢခံကဒီးဖဲကၠီၣ်တဲၣ်စီၤပၤအခိၣ်အနၢ်ဒီး ပယီၤစီၤပၤအခိၣ်အနၢ်တဖၣ်မၤက့ၤတၢ်ပတုာ်တၢ်ဒုးတၢ်ယၤဒီး ဆဲးလီၤမံၤလၢလံာ်ပူၤ(ခၠိးလံာ်ခၠိးလဲၢ်-စာချုပ်ချုပ်သည်)ဖဲတၢ်လီၢ်အံၤအဃိ လၢခံတၢ်ကိးထွဲက့ၤတၢ်လီၢ်တတီၤအံၤအမံၤလၢၦိၢ်အကျိာ်“ခၠိးလဲ”အခီပညီမ့ၢ်၀ဲ ကၠီၣ်တဲၣ်ဒီးပယီၤမၤတၢ်အၢၣ်လီၤဆဲးလီၤမံၤလၢလံာ်အပူၤန့ၣ်လီၤႉ ပအိၣ်ဖဲန့ၣ်တနွံအခါ သရၣ်စူၤးခၠဲလဲၤဟးက့ၤၦၤဆူကီၢ်ကၠီၣ်တဲၣ်ဒီးကီၢ်ဆၢဃိၣ်သၢဖျၢၣ်တၢ်လီၢ်န့ၣ်လီၤႉ ခၠီလိၣ်သ၀ီဒီးဃိၣ်သၢဖျၢၣ်န့ၣ် ပနီဘၣ်သိလ့ၣ်(၂)နၣ်ရံၣ်ဃၣ်ဃၣ်လီၤႉ ဖဲပလဲၤတုၤဆူဃိၣ်သၢဖျၢၣ်ပဟးဆှၣ်ကွၢ်ကီ တၢ်လီၢ်တၢ်ကျဲ၀း၀းတတီၤဒိၣ်ဒိၣ်၀ံၤႇယလဲၤဆ့ၣ်နီၤအိၣ်ဘှံးလၢဃိၣ်သၢဖျၢၣ်ကပၤတါထူၣ်(ထီထူၣ်)တထူၣ်အကဒုဖီလာ်ဒီး ယကွၢ်စိဃီၤယဲတၢ်ဆူပကစၢ်ကီၢ်(ကညီကီၢ်)တပၤလီၤႉ...
ပဒိၣ်သုးဒီး(AA) တၢ်ဒုးကဲထီၣ်ဒီး ခးလီၤ၀ဲကျိဖးဒိၣ်လၢကမျၢၢ်အိၣ်တၢ်လီၢ်အဃိ ဘၣ်ဒိၦၤကၠိဖိ ၂၀ ဃၣ်ဃၣ်အဖီခိၣ် (KHRG) ထီဒါ၀ဲ
လါဖ့ၤြဘူၤအါရံၤ ၂၂သီႇ ၂၀၂၀နံၣ်ႇ ခ့ၣ်အဲးစံၣ် ဖဲမဟါတနံၤ လါဖ့ၤြဘူၤအါရံၤ ၂၀ သီအနံၤ ကညီဂ့ၢ်၀ီခွဲးယာ်ကရူၢ် (KHRG) အံၤ ထုးထီၣ်၀ဲလံာ်ဘိးဘၣ်ရၤလီၤတဘ့ၣ်လၢ အဘၣ်ထွဲဒီး ဖီၣ်စုက၀ဲၤကရူၢ်ခးလီၤ၀ဲကျိဖးဒိၣ်လၢ ရခၢၣ်ကီၢ်စဲၣ်အဃိ ဖိသၣ်ဖဲဟီၣ်က၀ီၤ၀ဲန့ၣ်အပူၤ တစှၤန့ၢ်ဒံး အဂၤ ၂၀ ဘၣ်ဒိဘၣ်ထံံး၀ဲအဖီခိၣ် ပဲာ်အၢပဲာ်သီဒီး ထီဒါ၀ဲဒိၣ်ဒိၣ်မုၢ်မုၢ်န့ၣ်လီၤႉ လါဖ့ၤြဘူၤအါရံၤ ၁၃ သီနံၤ ဂီၤခီကတီၢ် ကျိဖးဒိၣ်တဖျၢၣ်လဲၤဘၣ်၀ဲဘူသံတီၣ်ကီၢ်ဆၣ်ႇ ခမွ့ၣ်ခၠီသ၀ီ တီၤဖုၣ်တလၢကၠိတဖျၢၣ်ဒီး ဖဲန့ၣ်ကတီၢ် ဖိသၣ်အစှၤကတၢၢ် ၂၀ဂၤ ဘၣ်ဒိ၀ဲန့ၣ်လီၤႉ ဒီးၦၤကၠိဖိလၢအဘၣ်ဒိတဖၣ် ဒိးန့ၢ်ဘၣ်တၢ်ကူစါယါဘျါဖဲ သုးကလၢၤတဖျၢၣ်အပူၤဒီး မ့မ့ၢ်ဖိသၣ်လၢအဘၣ်ဒိးနးနးကျံးကျံး ၅ ဂၤတခီ ဘၣ်တၢ်ဆှၢဃီၤအ၀ဲသ့ၣ်လၢတၢ်ဆါဟံၣ် တဘျီဃီန့ၣ်လီၤႉ (KHRG) ၦၤနဲၣ်တၢ် နီၢ်ထူထူစံး၀ဲလၢ “ဖီၣ်စုက၀ဲၤကရူၢ်တဖၣ်န့ၣ်ြကၢးသ့ၣ်ညါ၀ဲလၢ တဘၣ်ခးလီၤကျိဖးဒိၣ်လၢ ၦၤကမျၢၢ်အ ကျါဘၣ်ႉ ဖီၣ်စုက၀ဲၤကရူၢ်တဖၣ် ကဘၣ်ပဲာ်ထံနီၤဖး၀ဲကမျၢၢ်တၢ်လီၢ်ဒီး ဒုၣ်ဒါတၢ်လီၢ်ႉ အခဲအံၤန့ၣ် ၦၤတသ့ၣ်ညါလီၤတံၢ်လၢ (AA) ခးဧါႉ ကီၢ်ပဒိၣ်သုးခးဧါန့ၣ် တသ့ၣ်ညါလီၤတံၢ်ဒံးဘၣ်အဃိ ယတအဲၣ်ဒိးတဲလၢကီၢ်ပဒိၣ်ခးဘၣ်ႉ သနာ်က့ တဖုဂ့ၤ တဖုဂ့ၤမီၤနီၤ...
တၢ်ဒိးစဲးဆၢကတီၢ် ဘၣ်ဃ့ၢ်မှံဟးဖျိးအဃိ တၢ်တံာ်တာ်ကဲထီၣ်လၢ ကၠိဖိတၢ်ဖးလံာ်အဂီၢ်
လါဖ့ၤြဘူၤအါရံၤ ၁၉သီႇ ၂၀၂၀နံၣ်ႇ ခ့ၣ်အဲးစံၣ် စးထီၣ်ဖဲတလါအံၤ လါဖ့ၤြဘူၤအါရံၤ ၃ သီအနံၤ ခီဖျိ ကီၢ်ပဒိၣ်သုးတကပၤ ခးလီၤ၀ဲကျိဖးဒိၣ်လၢ မုၢ်ြတီၢ်ကီၢ်ရ့ၣ် ႇ လူၢ်သီကီၢ်ဆၣ် ကုၤဒ့သ၀ီအပူၤအဃိႇ သ၀ီဒီတဖျၢၣ် ကမျၢၢ် ၃၀၀ ဘျဲၣ်ဘၣ်ဃ့ၢ်မှံဟးဖျိး၀ဲဒီး ကတီၢ်အံၤမ့ၢ်စ့ၢ်ကီး၀ဲလၢၦၤကၠိဖိသ့ၣ်တဖၣ် ကဘၣ်ဒိးစဲး၀ဲတၢ်ဒိးစဲးအဃိ ၦၤကၠိဖိသ့ၣ်တဖၣ်အဂီၢ် ကဲထီၣ်၀ဲတၢ်တံာ်တာ်လၢ ကမၤလိမၤဒိးတၢ်ဒီး တၢ်ဖးလံာ်ဖးလဲၢ်အဂီၢ်န့ၣ်လီၤႉ စးထီၣ်ဖဲ လါဖ့ၤြဘူၤအါရံၤ ၁၇ သီအနံၤ ကုၤဒ့သ၀ီ တီၤဖုၣ်ကၠိစးထီၣ်၀ဲတၢ်ဒိးစဲးလံဘၣ်ဆၣ် လၢၦၤကၠိဖိသ့ၣ်တဖၣ် အဂီၢ် တၢ်ဖံးလိမၤလိဒီး ကကွၢ်လံာ်ကွၢ်လဲၢ်လၢၦၢ်လၢ်ကျါအပူၤအဂီၢ် တၢ်ကီတၢ်ခဲအိၣ်၀ဲအဂ့ၢ်န့ၣ် ကုၤဒ့တီၤဖုၣ်ကၠိ ကၠိသရၣ်မုၣ် နီၢ်ထံ၀ါဆၢ စံး၀ဲဒ်အံၤန့ၣ်လီၤႉ “ပကွၢ်ကဒါက့ၤန့ၢ်အ၀ဲသ့ၣ်လံာ် ပမၢဖးက့ၤလံာ်ဒီးပလဲၤခိးကွၢ်ထဲအွ၀ဲသ့ၣ်လီၤႉ ပသိၣ်လိန့ၢ်အ၀ဲသ့ၣ်လံာ်လၢ သ့ၣ်ဘ့ၣ်ဘၣ်ကပၤလီၤႉ ဖိသၣ်တဖၣ် မုၢ်နၤခီဖးလံာ်လၢပနဲလီၤႉ လဲၤစိာ်ဃုာ်ဒီးပနဲ မ့မ့ၢ်လီမ့ၣ်အူလၢဒွဲၣ်ဒီး (ဘဲးထရံၣ်)တဖၣ် အိၣ်တ့ၢ်ခဲလၢာ်လီၤ” အဂ့ၢ် အ၀ဲစံး၀ဲန့ၣ်လီၤႉ ကတီၢ်အံၤ ဖိသၣ် (KG-A, KG-B) သ့ၣ်တဖၣ် ဒိးစဲး၀ံၤလံဒီး မ့မ့ၢ်လၢၦၤကၠိဖိ...
တၢ်ကသူၣ်ထီၣ် ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ်အဂီၢ် တဘၣ်ထုးတၢ်ကဆၢကတီၢ်ဘၣ်န့ၣ် ခ့ၣ်အဲၣ်ယူၣ်စံး၀ဲ
လါဖ့ၤြဘူၤအါရံၤ ၁၂ သီႇ ၂၀၂၀ နံၣ်ႇ စီၤထိလ့ တၢ်မ့ၢ်အဲၣ်ဒိးသူၣ်ထီၣ် ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ်အံၤ နီၢ်နီၢ်ကီၢ်ကီၢ်န့ၣ်ႇ တဘၣ်ထုးတၢ်ဆၢကတီၢ်ဘၣ်အဂ့ၢ်န့ၣ် ခ့ၣ်အဲၣ်ယူၣ် =ကညီဒီကလုာ်စၢဖှိၣ်ကရၢ ထံဂုၤကီၢ်ဂၤ ၀ဲၤကျိၤခိၣ် ပဒိၣ် စီၤတီနံ စံးလီၤ၀ဲဒၣ် ဖဲလါဖ့ၤြဘူၤအါရံၤ ၁၁ သီအနံၤ ဖဲတၢ်မၤလၤကပီၤ ၇၂၀ီတ၀ီ ကညီဒီကလုာ်အမုၢ်နံၤအမူး လၢ မၠီမၠးကီၢ်ဆၣ်ႇ ပၠံၣ်သ၀ီတဲၣ်နဲၤႇ ကဒဲၣ်ကွ့သ၀ီအပူၤအံၤန့ၣ်လီၤႉ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ဖဲ ၁၉၅၄ နံၣ် လံၤလံၤန့ၣ်ႇ ကီၢ်ပယီၤအံၤ ကသူၣ်ထီၣ်သကိး၀ဲလၢ ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ် အဂီၢ် ဆၢတဲာ်၀ဲ၀ံၤအလီၢ်ခံႇ ဘၣ်နုာ်လီၤပၢၢ်ဆၢတၢ်ယံာ်၀ဲ အနံၣ် ၆၀ ဘျဲၣ် သးသမူအါအါဂီၢ်ဂီၢ်ႇ တၢ်ထူးတၢ်တီၤတဖၣ်အါအါဂီၢ်ဂီၢ်ႇ ဘၣ်ဟ့ၣ်လီၤကံွာ် တၢ်မဲာ်ထံမဲာ်နိတဖၣ်အဂ့ၢ်န့ၣ် ပဒိၣ်စီၤတီနံ ဆှဲပၠးတဲ၀ဲဖဲတၢ်ရဲၣ်တၢ်ကျဲၤမူးအပူၤန့ၣ်လီၤႉ ဒီး ၂၀၁၄ နံၣ် ကလုာ်ဒူၣ်ၦၤဖီၣ်စုက၀ဲၤတၢ်ပၢၢ်ဆၢကရူၢ်တဖၣ် ဒီး ပဒိၣ်ႇ သုးမုၢ်ဒိၣ်တဖၣ် တၢ်သးလီၤပလိာ်သကိး၀ဲဒၣ်လၢ ကသူၣ်ထီၣ်၀ဲ ဒံၣ်မိၣ်ြခ့ၣ်စံၣ်...
၂၀၂၀ တၢ်ဃုထၢန့ၣ် ကဟ့ၣ်တၢ်ဖးထဲဒၣ် လၢကညီပၣ်တံၣ်အဂီၢ် KNU လီၢ်ခၢၣ်သးကမံးတံာ် ပဒိၣ်မါည့မီၣ် ဟ့ၣ်သဆၣ်ထီၣ်
လါဖ့ၤြဘူၤအါရံၤ ၁၁ သီႇ ၂၀၂၀ နံၣ်ႇ စးအဲၣ်ဆူ လၢကဟဲ ၂၀၂၀ တၢ်ဃုထၢဖးဒိၣ်အံၤ တၢ်ကဟ့ၣ်၀ဲ တၢ်ဖးထဲဒၣ် ကညီပၣ်တံၣ်တဖၣ်န့ၣ် KNU ကညီဒီကလုာ်စၢဖှိၣ်ကရၢ လီၢ်ခၢၣ်သးကမံးတံာ်ဖိ ပဒိၣ်မါည့မီၣ် ဟ့ၣ်သဆၣ်ထီၣ်၀ဲဒၣ်န့ၣ်လီၤႉ ဖဲ လါဖ့ၤြဘူၤအါရံၤ ၁၀သီမုၢ်နၤခါ တၢ်မၤ၀ဲ တၢ်ခိးသဂၢၢ် ၇၂၀ီတ၀ီ ကညီဒီကလုာ်အမုၢ်နံၤ ဖဲအ့ၣ်ယၣ်၀တံၣ်ကီၢ်ခီဒိၣ်ႇ ကၠီကိကီၢ်ဆၣ် အနီၣ်စူၣ်သ၀ီပူၤအကတီၢ် အ၀ဲစံးလီၤဟ့ၣ်သဆၣ်ထီၣ်၀ဲဒၣ်လီၤႉ အ၀ဲစံး၀ဲလၢ “နသုမုၢ်လၢ်လၢ၂၀၁၅ အခါ လံလီၤႉ ပ၀ဲဒၣ်ကညီတဖၣ်တကဲထီၣ်တၢ်နီတမံၤဘၣ်ႉ ၂၀၂၀ အံၤ တၢ်ဃုထၢ ကဟဲကဒီးလီၤႉ ၂၀၂၀ နံၣ်န့ၣ် ယအဲၣ်ဒိးတဲလၢ ကညီထံရူၢ်ကီၢ်သဲးပၣ်တံၣ်တဖၣ်န့ၣ် သုမ့ၢ်တူၢ်လိာ် KPP န့ၣ် ဟ့ၣ်န့ၢ်တၢ်ဖးလၢ KPP သုမ့ၢ်ဘၣ်သးလၢ KNP န့ၣ် ဟ့ၣ်တၢ်ဖးလၢ KNP ပၣ်တံၣ်လၢအတမ့ၢ်ကညီပၣ်တံၣ်ဘၣ််န့ၣ် တဘၣ်ဟ့ၣ်တၢ်ဖးဘၣ်” အဂ့ၢ်န့ၣ် စံးလီၤ၀ဲဒၣ်နၣ့်လီၤႉ လၢန့ၣ်အမဲာ်ညါ ကညီဖိတဖၣ်အဂီၢ် ပကဘၣ် ပာ်ဂံၢ်ပာ်ဘါလၢ...
တၢ်မ့ၢ်ယွၤဖိယွၤဆိၣ်ဘံႇ ဖိဝဲၢ်ကိတအိၣ်ဖှီၣ်သံ
တၢ်မ့ၢ်ယွၤဖိယွၤဆိၣ်ဘံႇ ဖိဝဲၢ်ကိတအိၣ်ဖှီၣ်သံ ဆိမိၣ်မှံကသူၣ်ထီၣ်ကီၢ်ႇ မီၤစိရိၤလိ၁်ဘၢလိ၁်ကွီၣ် ကအိၣ်ဃူဖိးထုးဖှိၣ်သးႇ ဒ့ၣ်သကိးဒ့ၣ်အီၣ်လိ၁်သး အီၣ်အီကူသိးကဘံၣ်ဘၢႇ ပၢၢ်ဆၢထီဒါဒံးအဖၢ လီၢ်မံလီၢ်ဒါကဂၢၢ်ကျၢၤႇ သကုၤဟီၣ်ခိၣ်ဃ့ၢ်ဖျိးလၢၤ ခိၣ်ကု၁်ထံဃဲစၢအိၣ်ယံၤႇ ဖဲပစိၤအံၤတတုၤဒံး နွံက့ၣ်ထံတၦဲၤထီၣ်ဒံးႇ နွံကဘီကဘၣ်လဲၤဒံး မှံၤၦၢ်လၢပျၢၤမံမီၢ်ဝဲႇ ဖိလံၤခဲအံၤထံၣ်လၢမဲ၁် တလၢၤပံၤယီၤမီလံၤလံၤႇ တူၢ်ဘၣ်ခီၣ်ဘၣ်တုၤခဲအံၤ မိၢ်မ့ၢ်ဃိၣ်ဒီးပၢ်မ့ၢ်ယွၤႇ ပိှၢ်ဒီးစှီၤကညီကိးဂၤ ကွဲၢ်ကဘီဒီးနီၢ်ဘုၣ်ဘီႇ မိၢ်ထံးပၢ်ထံးအိၣ်ထီၣ်ထီ ၦဲၤဟံၣ်ခိၣ်ကစၢၢ်ဒီခိၣ်ႇ စှီၤထူလံၤဖိလဲၤအိၣ်ဖှိၣ် ကွဲၢ်ကဘီလ့ကစၢၢ်ဒီႇ ဃိၣ်ဒီးဝၣ်စီၤသီတ့ဘှီ ဆ့ပျိၢ်တခွဲဘိပနီၣ်ႇ သိၣ်ထီၣ်ဘှဲၣ်အိၣ်စဲပနီၣ် ကျိၣ်ဒီးကွဲၤအက့ၢ်အဂီၤႇ မ့ၢ်ကညီဖိလၤကပီၤ နီၣ်တယၢ်လိၤမုၢ်ခွံယဲၤႇ ဆူမဲ၁်ညါကညီဖိလဲၤ တၢ်မ့ၢ်ယွၤဖိယွၤဆိၣ်ဘံႇ ဖိဝဲၢ်ကိတအိၣ်ဖှီၣ်သံ ထိးကလဲ၁်အီၣ်ဟီၣ်မ့ၢ်လၢ၁်ႇ ကညီဖိကအိၣ်မု၁်ပၢၤ ထံနၢ်ကွ၁်ခံယွၤရဲးရဲးႇ ဒ့ၣ်ဖိၦ့ၤသီၣ်ထီၣ်အဲးအဲး ဖုထိးမဲပၢ်ကဟဲက့ၤႇ ကီၢ်လါသူလ့ၤကန့ၢ်က့ၤ ဟံၣ်မု၁်ဃီပၢၤကန့ၢ်သါႇ နူၢ်ထီြပးသးကအိၣ်ဖျါ. လၢတၢ်အဲၣ်ကကွဲၢ်ကဘီ စီၤကီၢ်ဖျါစ့ (တီနီၢ်ဖိ) ၃ဝ.၁.၂ဝ၂ဝ
ဖီၣ်လိာ်စုပၢၢ်ဆၢခဲလၢာ်
ဖီၣ်လိာ်စုပၢၢ်ဆၢခဲလၢာ် ============= (၁) နွံတၢနံၣ်ၦဲၤတၢ်ပၢၢ်ဆၢ သုးက့နွံဘ့ၣ်ဒုးပၢၢ်ဆၢ ကိးမံၤလၢသုးတပၢၢ်ဆၢ ကိးမံၤလၢကုၢ်တပၢၢ်ဆၢ (၂) နဖီၣ်စုက၀ဲၤၦၤထံၣ် ပၢၢ်ဆၢဒုၣ်ဒါၦၤတထံၣ် စုက၀ဲၤတဂၤဂီၢ်ဧါ စုက၀ဲၤတဒူၣ်ဂီၢ်ဧါ (၃) ပျဲၢ်န့ၣ်မၢတမၤခဲလၢာ် ကုၢ်န့ၣ်မၢဘၣ်မၤခဲလၢာ် မ့ၢ်ပအိၣ်လၢကုၢ်လီၢ်ဧါ မ့ၢ်ပအိၣ်လၢပျဲၢ်လီၢ်ဧါ (၄) ဆိမိၣ်ကွၢ်ထံနံၣ်အါလံ တူၢ်တကဲဘၣ်နးအါလံ တတူၢ်ဘၣ်နတသ့ၣ်ညါ ပဘၣ်နးဃိပသ့ၣ်ညါ (၅) စုက၀ဲၤအိၣ်လၢပစု စိကမီၤအိၣ်လၢပစု ခး/ဒုးဒုၣ်ဒါမ့ၢ်တသူ မ့ၢ်ဒၣ်ဒုၣ်ဒါဖုမဲာ်သူ (၆) ဒုၣ်ဒါဟဲထီၣ်ကပၢၢ်ဆၢ စုက၀ဲၤအိၣ်ဖီၣ်ပၢၢ်ဆၢ ဘၣ်ပၢၢ်ဆၢမ့ၢ်တပၢၢ်ဆၢ ကဲဒ်ကုၢ်ဃိတပၢၢ်ဆၢ (၇) တနံၤပၢၢ်ဆၢကလၢၦဲၤ တၢသွံၣ်ကညီကဘၣ်ၦဲၤ ခံဖီၣ်စုက၀ဲၤခဲလၢာ် ဖီၣ်လိာ်စုပၢၢ်ဆၢခဲလၢာ် ဆူ ပကညီဒီကလုာ်တၢ်ပၢၢ်ဆၢ ခံနွံယဲၢ်ခွံ/နွံဆံ=တၢနံၣ်ကွဲး လၢအၦၤအဲၣ်စ့ ကညီဘၣ်ကီဘၣ်ခဲဒဲက၀ီၤႇ တၢ်လီၢ်သီ
KNU သုးက့ ၅ ဟီၣ်က၀ီၤပူၤ ပယီၤသုး သုးရ့ၣ်ခိၣ်တဂၤဘၣ်သံဒီးမ့ၣ်ပိၢ်
လါယနူၤအါရံၤ ၂၉ သီႇ ၂၀၂၀ နံၣ်ႇ ခ့ၣ်အဲးစံၣ် ဖဲအပူၤကွံာ် လါယနူၤအါရံၤ ၂၇ သီအနံၤန့ၣ် ပယီၤသုးခိၣ်တဂၤဘၣ်သံ၀ဲဒၣ်ဒီးမ့ၣ်ပိၢ် ခီဖျိလၢအဟဲနုာ်လီၤ၀ဲဆူ ကညီဒီကလုာ်စၢဖှိၣ်ကရ KNU သုးက့ ၅ တၢ်ြတီဃာ်ဟီၣ်က၀ီၤအပူၤအဃိအဂ့ၢ်န့ၣ် ခ့ၣ်အဲၣ်ယူၣ်တပၤစံး၀ဲလီၤႉ တၢ်ကဲထီၣ်သးအံၤ KNU ဟီၣ်က၀ီၤလၢမ့ၢ် သုးက့ ၂ ဒီး သုးက့ ၅ ဟီၣ်က၀ီၤအပူၤဒီး ပယီၤသုးအံၤ ဖဲအလဲၤမၤဆှဲလဲ၀ဲ KNU ဒိးလီၤဃာ်၀ဲမ့ၣ်ပိၢ်အဆၢကတီၢ် တၢ်ကဲထီၣ်သးဒ်န့ၣ်လီၤအဂ့ၢ်န့ၣ် သုးက့ ၅ ၦၤတဲတၢ်ပၢတဂၤလၢအမ့ၢ် သုးခိၣ်ဒိၣ်ဖိ စီၤကျၢၤဒိၣ် စံး၀ဲဒ်အံၤလီၤႉ အ၀ဲစံး၀ဲလၢ “သုးက့ ၅ တပၤန့ၣ် တဲဃာ်၀ဲလံ ဘၣ်တၢ်တြီဃာ်၀ဲလံအဃိ တၢ်ပံးဃာ်ကျဲဒီးတၢ်ဒိး လီၤဃာ်၀ဲမ့ၣ်ပိၢ်အံၤလီၤႉ တၢ်ဒိးလီၤဃာ်၀ဲမ့ၣ်ပိၢ်အံၤ အ၀ဲသ့ၣ်တပာ်အ&့ဘၣ်ဟဲထီၣ်၀ဲလီၤႉ အ၀ဲသ့ၣ်ထံၣ်မ့ၣ်ပိၢ်န့ၣ် လဲၤမၤပိၢ်ဖး၀ဲလီၤႉ ခီဖျိလၢမၤပိၢ်ဖးမ့ၣ်ပိၢ်အဃိ ပိၢ်ဖးထီၣ်၀ဲဒၣ်ဒီးက့ၤဘၣ်ကဒါက့ၤအ၀ဲသ့ၣ်အၦၤလီၤ” အဂ့ၢ်န့ၣ်စံးဘၣ်ခ့ၣ်အဲးစံၣ်လီၤႉ ဒ် KNU သုးက့ ၅ တပၤ စံး၀ဲအသိးန့ၣ် ပယီၤသုးအံၤန့ၣ် တၢ်ပျဲဟးအီၤဒီးသိလ့ၣ်န့ၣ်တုၤ၀ဲဒၣ်ဖဲ သုးက့...
ဖုကီၢ်ခိၣ်သုးခိၣ်ကျၢၢ်စိရိၤစီၤဘိၣ်မၠးလၢယသ့ၣ်ညါအီၤ
တံနိ (သ၀ီတါ) ၂၀၂၀နံၣ် လါယနူၤအါရံၤ(၃၁)သီအံၤမ့ၢ်၀ဲ=ကညီတၢ်ပၢၢ်ဆၢမုၢ်နံၤၦဲၤထီၣ်(၇၁)နံၣ်န့ၣ်လီၤႉ လၢတၢ်ဆၢကတီၢ် (၇၁)နံၣ်အတီၢ်ပူၤႇကညီမၤထူရၤၦၤဒူၦၤဃိၤလၢ အတူၢ် ဆါခီၣ်ဆါအသးဒီး လုၢ်ထီၣ်ကွံာ်အသးသမူလၢ အထံကီၢ်ဒီးအၦၤကလုာ်အဂီၢ်တဖၣ်ႇ ဒီးကညီတၢ်ပၢၢ်ဆၢသိၣ်ဒူခိၣ်နၢ် လၢအဘၣ်လုၢ်ထီၣ်ကွံာ်အနီၢ်ခိက့ၢ်ဂီၤတဖၣ် အိၣ်၀ဲအါမးန့ၣ်လီၤႉ အ၀ဲသ့ၣ်တဖၣ်မ့ၢ်ၦၤလၢအအဲၣ်ဘၣ်အထံအကီၢ်ႇ အအဲၣ်ဘၣ်အၦၤကလုာ်ဒီး မ့ၢ်ဒ်သိးပ ၦၤကလုာ်ကညီဖိတဖၣ်ကဒိးန့ၢ်ဘၣ်၀ဲ–“ကညီထံကီၢ်တၢ်သဘျ့ႇ ကလုာ်ဒူၣ်တဖၣ်အတၢ်ခွဲးတၢ်ယာ် ထဲသိးတုၤသိး လိာ်သးႇ တၢ်စံၣ်ညီၣ်ပၢလီၤဘၣ်နီၢ်ကစၢ်အသးႇ ဒီးကသူၣ်ထီၣ်ဘၣ်ဖဲၣ်ြဒၢၣ် ဒံၣ်မိၣ်ြခ့ၣ်စံၣ် ကီၢ်စၢဖှိၣ် ”အဂီၢ်ႇ အ၀ဲသ့ၣ်တဖၣ်ဖီၣ်ထီၣ်တၢ်စုက၀ဲၤဒီး ဒုးထီဒါဒုၣ်ဒါတုၤလၢဘၣ်လုၢ်ထီၣ်ကွံာ် အသးသမူ လၢထံကီၢ်ဒီးၦၤကလုာ်အဂီၢ်တစုန့ၣ်လီၤႉ တၢ်ဆၢကတီၢ်မ့ၢ်တုၤဃီၤဆူ ကညီတၢ်ပၢၢ်ဆၢမုၢ်နံၤတဘျီလၢ်လၢ်ပသ့ၣ်နီၣ်ထီၣ်ဘၣ်က့ၤပတၢ်ပၢၢ်ဆၢခိၣ်နၢ် လၢအလဲၤပူၤကွံာ်တ့ၢ်ၦၤတဖၣ် အ၀ဲသ့ၣ်တၢ်မုၢ်လၢ်ကွၢ်စိဒီးအတၢ်ဖံးတၢ်မၤလၢမၤတ့ၢ်၀ဲတဖၣ်အဂ့ၢ်န့ၣ်လီၤႉ ၦၤက လုာ်တၢ်ပၢၢ်ဆၢခိၣ်နၢ်လၢ ပကဘၣ်ယၢၤထီၣ်အမံၤဒီးမၤလၤကပီၤက့ၤအီၤလၢ ပၦၤကလုာ်အကျါန့ၣ်အိၣ်၀ဲအါမးလီၤႉ လၢပခိၣ်ပနၢ်တဖၣ်အကျါႇ အဲၣ်ဒိးပာ်ဖျါဒုးသ့ၣ်နီၣ်ထီၣ်လိာ်က့ၤပသးလၢ ပကီၢ်ခိၣ်သုးခိၣ်ကျၢၢ်စိရိၤဖုဘိၣ်မၠးအဂ့ၢ် တတဲာ်တတီၤလၢယသ့ၣ်ညါအီၤဒ်အဖီလာ်အသိး ဖဲကညီတၢ်ပၢၢ်ဆၢမုၢ်နံၤအံၤန့ၣ်လီၤႉ ၁၉၇၉ နံၣ်ႇ တၢ်ယီၤခါဆၢကတီၢ်အမုၢ်တနံၤႉ မ့ၢ်ယလဲၤတုၤဘၣ်ဆူသုးခိၣ်ကျၢၢ်ႇ ကီၢ်ခိၣ်ဖုဘိၣ်မၠးအဟံၣ်ႇ အိၣ်ဖဲမုၢ်ယုၢ်ထံကျိကၢၢ်ခိၣ်ဖှ့ဘီလူၢ်(ခဲအံၤမဲၢ်လးအူးကညီဘၣ်ကီဘၣ်ခဲဒဲက၀ီၤ)အဆိကတၢၢ်တဘျီန့ၣ်လီၤႉ တၢ်ဆၢကတီၢ်ဖဲန့ၣ်အခါ ဘၣ်ဖဲပယီၤသုးပဒိၣ်အလံာ်တၢ်ကစီၣ်ဒီးအလံာ်ပရၢလၢ၀့ၢ်တကူၣ်တဖၣ် ကွဲးခဲၣ်သူခဲၣ်ဂီၤတၢ်လၢ ကမၤလီၤဖး၀ဲကညီတၢ်ပၢၢ်ဆၢခိၣ်နၢ်လၢတၢ်ဖီခိၣ်ဒီး သုးဖိလၢတၢ်ဖီလာ်တဖၣ် ကထံၣ်ကမၣ်လိာ်သးဒီး တၢ်ဖုၣ်ထံၣ်ဖုၣ်ထီကအိၣ်ထီၣ်လၢခိၣ်နၢ်ဒီးသိၣ်ဒူသုးဖိတဖၣ်အဘၢၣ်စၢၤအဂီၢ်န့ၣ်လီၤႉ လၢတၢ်ကွဲးအပူၤ ကွဲး၀ဲ KNU ခိၣ်နၢ်တဖၣ်န့ၣ် မ့ၢ်ထဲၦၤခရံာ်ဖိလီၤႉ မ့မ့ၢ်ၦၤသုးဖိလၢ...
ၦၤထံဂုၤကီၢ်ဂၤလၢအဟဲနုၤဖဲ ကီၢ်ပယီၤ=ကီၢ်ကၠီၣ်တဲၣ်ကီၢ်ဆၢတိၤတဖၣ် တၢ်သမံသမိး၀ဲတၢ်အိၣ်ဆူၣ်အိၣ်ချ့
လါယနူၤအါရံၤ ၂၇ သီႇ ၂၀၂၀ နံၣ်ႇ န့ၣ်နီၣ် ကီၢ်ပယီၤ=ကီၢ်ကၠီၣ်တဲၣ် ကီၢ်ဆၢႇ မၠၣ်၀တံၣ်=မဲၢ်ဆီး တၢ်ရ့လိာ်မုာ်လိာ်တိၤတဆီ ၦၤထံဂုၤကီၢ်ဂၤဖိလၢ အဟဲနုာ်လီၤလၢကီၢ်ပယီၤတဖၣ်န့ၣ် ဘၣ်ဃးဒီး Corona virus (ကိၣ်ရိၣ်နၣ် တၢ်ဆါဃၢ်)အံၤန့ၣ်ႇ စးထီၣ်ဖဲ လါယနူၤအါရံၤ ၂၆ သီအနံၤန့ၣ် ကီၢ်ပယီၤ=ကီၢ်ကၠီၣ်တဲၣ် ခံကပၤလၢာ် တၢ်သမံသမိးကွၢ်၀ဲတၢ်အိၣ်ဆူၣ်အိၣ်ချ့ လီၤတံၢ်လီၤဆဲးအဂ့ၢ်န့ၣ် သ့ၣ်ညါဘၣ်လီၤႉ ဘၣ်ထဲဟွီၣ်ခိၣ်ဒီဘ့ၣ် တၢ်နုာ်လီၤအလီၢ်ႇ တၢ်ဟးထီၢ်အလီၢ်လၢအမ့ၢ် မၠၣ်၀တံၣ် နီၣ်ဂံၢ်(၁) တၢ်ရ့လိာ်မုာ်လိာ်တိၤႇ နီၣ်ဂံၢ်(၂) တၢ်ရ့လိာ်မုာ်လိာ်အတိၤအံၤႇ စးထီၣ်လၢတလါအံၤ လါယနူၤအါရံၤ ၂၆ သီအနံၤန့ၣ် ဘၣ်ဃးဒီး Corona virus တၢ်သမံသမိးကွၢ်၀ဲဒၣ်ဒီးစဲးလၢအပတီၢ်ထီတဖၣ်ဒီး တၢ်အိၣ်သးတုၤလၢအခဲအံၤ တၢ်တထံၣ်န့ၢ်၀ဲၦၤဆါ လၢတၢ်တနာ်န့ၢ်၀ဲတအိၣ်ဒံး၀ဲနီတဂၤဘၣ်အဂ့ၢ်န့ၣ် တၢ်အိၣ်ဆူၣ်အိၣ်ချ့ ၦၤဘၣ်မူဘၣ်ဒါတဖၣ်စံး၀ဲလီၤႉ ကီၢ်ပယီၤ=ကီၢ်ကၠီၣ်တဲၣ် နီၣ်ဂံၢ်(၁)တၢ်ရ့လိာ်မုာ်လိာ်တိၤအံၤ ၦၤလၢအမၤကွၢ်သမံသမိး၀ဲတၢ်အိၣ်ဆူၣ်အိၣ်ချ့ ကသံၣ်သရၣ်မုၣ်တဂၤစံး၀ဲလၢ “လါယနူၤအါရံၤ ၂၆ သီ တုၤလၢဟါခီ ၂ နၣ်ရံၣ်အဆၢကတီၢ် တရူးထံဖိကီၢ်ဖိ ၅၈ ဂၤ လၢအကလဲၤဆူ မၠၣ်၀တံၣ်...