(JMC-S) တလၢၤဒီး ကညီ ကမျၢၢ်ခၢၣ်စးအကျါ ပိာ်မုၣ်တၢ်ပၣ်ဃုာ် ဟဲဂ့ၤထီၣ်
လါစဲးပထ့ဘၢၣ် ၂၄ သီႇ၂၀၁၉ နံၣ်ႇ နါ၀့ၣ်ဖၠိစၣ်ႉ (JMC-S)ကညီကီၢ်စဲၣ် ဒီးတလၢၤကီၢ်စဲၣ် ကီၢ်စဲၣ်ပတီၢ် တၢ်ကွၢ်ဟုၣ်ကွၢ်စုၣ် တၢ်ပတုာ်တၢ်ခး ကမံးတံာ် ကမျၢၢ်ခၢၣ်စးအပူၤ ပိာ်မုၣ်တၢ်ပၣ်ဃုာ် မျးကယၤ အိၣ်ဒီးတၢ်သးမံအဂ့ၢ် (JMC-S)အပူၤ ကမျၢၢ်ခၢၣ်စးတဖၣ် စံး၀ဲန့ၣ်လီၤႉ (JMC-S) ကညီ ကမျၢၢ်ခၢၣ်စးအပူၤ ပၣ်ဃုာ်၀ဲ ၈ ဂၤအကျါ ပိာ်မုၣ်ပၣ်ဃုာ်၀ဲ ၄ ဂၤဒီး(JMC-S)တလၢၤ ကမျၢၢ်ခၢၣ်စးကရူၢ်အပူၤ ၄ ဂၤအကျါ ပိာ်မုၣ်ပၣ်ဃုာ်၀ဲ ၂ ဂၤအဃိ မ့ၢ်၀ဲ တၢ်ပၣ်ဃုာ်လၢ အိၣ်ဒီးတၢ်ထဲးသိးတုၤသိးအဂ့ၢ် ပိာ်မုၣ်ခၢၣ်စးတဖၣ် စံး၀ဲန့ၣ်လီၤႉ “လၢၦၤကညီတကပၤ ပၣ်ဃုာ်၀ဲ ၅၀ မျးကယၤအဃိ သးမံလီၤႉ လၢတၢ်မုာ်တၢ်ခုၣ် တၢ်လဲၤကျဲကတီၢ် ပဖၢနုာ်လီၤ ပကလုၢ်န့ၢ်လၢတၢ်လီၢ်တကစူးစူးမီၣ်ႉ လၢဘျီၣ်ဒိၣ်အပူၤ ပိာ်မုၣ်တၢ်ပၣ်ဃုာ် အိၣ်၀ဲအသိး လၢ(JMC-S)အပူၤ ပၣ်ဃုာ်အဃိ လၢတၢ်မုာ်တၢ်ခုၣ် တၢ်လဲၤကျဲအပူၤ တၢ်ဘၣ်ဂံာ်ဂူာ်ဒီး တၢ်ဘၣ်ဒိဘၣ်ထံး တၢ်မၤသ့ၣ်တဖၣ် ပတဲအီၤကန့ၢ်လီၤႉ ပိာ်မုၣ်တဖၣ် တၢ်ပၣ်ဃုာ်အဃိ တၢ်ဘၣ်ဂံာ်ဂူာ်ဒီး...
ရၤမတံကီၢ်ဆၢ (Automated Border Control.E.Gate) တၢ်အိးထီၣ်ကန့ၢ်အဂီၢ် တၢ်စးထီၣ်ရဲၣ်ကျဲၤ
လါစဲးပထ့ဘၢၣ် ၂၄ သီႇ၂၀၁၉ နံၣ် ႇန့ၣ်နီၣ်ႉ ကီၢ်ကၠီၣ်တဲၣ်-ကီၢ်ပယီၤ ကီၢ်ဆၢတၢ်နုာ်လီၤဟးထီၣ် လံာ်အုၣ်သး (Automated Border Control.E.Gate (ABC) Gate)တၢ်အိးထီၣ်ကန့ၢ်အဂီၢ် တၢ်မၤကစၢ်တဖၣ် စးထီၣ်ရဲၣ်ကျဲၤ ၀ဲလံအဂ့ၢ် သ့ၣ်ညါဘၣ်န့ၣ်လီၤႉ တၢ်မၤ၀ဲ (Automated Border Control.E.Gate)ကီၢ်ဆၢ တၢ်နုာ်လီၤဟးထီၣ်ကတီၢ် လၢတၢ်ဘံၣ်တၢ်ဘၢအဂီၢ် ကဲထီၣ်၀ဲတၢ်မၤစၢၤအဂ့ၢ် ကညီကီၢ်စဲၣ်ႇ ရၤမတံကီၢ်ဆၣ် တၢ်ကွၢ်ထွဲၦၤနုာ်လီၤဟးထီၣ် ၀ဲၤကျိၤအဒ့ ၦၤနဲၣ်တၢ်ခိၣ် ၂ ကီၢ်ပယီၤ -ကီၢ်ကၠီၣ်တဲၣ် ကီၢ်ဆၢ အူသဲရွ့ၣ် တဲ၀ဲဒံးအံၤန့ၣ်လီၤႉ ၦၤနဲၣ်တၢ်ခိၣ် ၂ အူသဲရွ့ၣ်တဲ၀ဲ“လၢကီၢ်ဆၢတၢ်လီၢ်အပူၤ တၢ်အိးထီၣ်(E gate)ကန့ၢ်အဂီၢ် တၢ်စးထီၣ်မၤ (E gate)တၢ်ရဲၣ်တၢ်ကျဲၤအံၤလံႉ ဘၣ်ဒိတၢ်ဂီၤႇဘၣ်ဆီၣ်လီၤစုမုၢ်ကျၢၢ်ႇ တၢ်ဖးစ့ၢ်ကီးဒီး မဲာ်ချံ(စကဲၣ်)အဃိ တၢ်ဆၢကတီၢ် ကယံာ်၀ဲတစဲးဖိလီၤႉ ဟံးန့ၢ်ဂံၢ်ခိၣ်ထံးလၢ (E gate)တၢ်မၤ လၢတၢ်နုာ်လီၤဟးထီၣ် လၢကီၢ်ဆၢ လံာ်အုၣ်သးတဖၣ်လံ”အဂ့ၢ် တဲ၀ဲဖဲ လါစဲးပထ့ဘၢၣ် ၂၄ သီအနံၤန့ၣ်လီၤႉ အ၀ဲတဲအါထီၣ်၀ဲဒၣ်လၢ“လၢတၢ်မၤ(E gate)အဃိ ဖဲတၢ်နုာ်လီၤဟးထီၣ်လၢ ကီၢ်ဆၢကတီၢ် လၢတၢ်ဘံၣ်တၢ်ဘၢအဂီၢ်...
တၢ်တဘၣ်သူ ဒ်မၤထူရၤအမုၢ်နံၤအမံၤဘၣ်အဂ့ၢ် တၢ်တဲဖျါထီၣ်၀ဲဖဲတၢ်မူးတၢ်ရၢ်အဆၢကတီၢ်အဖီခိၣ် လီၤသးအုး၀ဲအဂ့ၢ် နီၢ်အိလးစံး၀ဲ
လါစဲးပထ့ဘၢၣ် ၂၄ သီႇ ၂၀၁၉နံၣ်ႇ ခ့ၣ်အဲးစံၣ်ႉ ခီဖျိ မၤလၤကပီၤ ကညီမၤထူရၤအမုၢ်နံၤအဃိ ဘၣ်တၢ်လိာ်ကွီၢ်၀ဲ ၦၤတီရိၣ်မဲတၢ်တဖၣ် တၢ်မူးတၢ်ရၤအံၤ ၦၤလၢ အလိာ်ကွီၢ်တၢ်ဖိတဖၣ် ဖဲလါစဲးပထ့ဘၢၣ် ၂၄သီအနံၤ တၢ်ဟဲထီၣ်ကွီၢ်ဘျီၣ်အကတီၢ် စံးဖျါထီၣ်၀ဲလၢ တၢ်တဘၣ်သူအမံၤဒ်မၤထူရၤအမုၢ်နံၤဘၣ်အဃိ သူၣ်တမုာ်သးတမုာ်ဒီး လီၤသူၣ်အုးသးအုး၀ဲအဂ့ၢ်န့ၣ် နီၢ်အိလးစံးဘၣ်၀ဲ တၢ်ကစီၣ်သန့တဖၣ် ဖဲတၢ်ဟဲထီၣ်ကွီၢ်ဘျီၣ်အကတီၢ်န့ၣ်လီၤႉ ခီဖျိမၤလၤကပီၤ၀ဲ ကညီမၤထူရၤအမုၢ်နံၤအဖီခိၣ် မၤကမၣ်၀ဲ တၢ်သိၣ်တၢ်သီတၢ်ဘျၢအဃိ ကီၢ်ပဒိၣ် လိာ်ကွီၢ်၀ဲ နီၢ်အိ လးႇစီၤအဲလ်ဘၢၣ်ခၠိၣ်ဒီး စသ့စီၣ်မ့တၢ်မူးတၢ်ရၢ်အံၤ ဖဲလါစဲးပထ့ဘၢၣ် ၂၄သီအနံၤ ကၠီၣ်တတါကီၢ်ဆၣ် ကွီၢ်ဘျီၣ်အပူၤ တၢ်စးထီၣ်သမံသမိး၀ဲ ၦၤလိာ်ကွီၢ်တၢ်ဖိဒီး ၦၤလိာ်ကွီၢ်တၢ်ဖိ (တၢ်အုၣ်ကီၤ)သ့ၣ်တဖၣ်န့ၣ်လီၤႉ “တနံၤအံၤ တၢ်သမံသမိးဒီး တၢ်က့ၤစံးဆၢကတီၢ် တမၢသူ၀ဲ ကညီမၤထူရၤမုၢ်နံၤအမံၤဘၣ် ခဲအံၤခဲအံၤလီၤႉ တမၢသူ၀ဲ ပမၤမၤထူရၤ မုၢ်နံၤအမံၤဘၣ်အံၤယသးတမုာ်နီတစဲးဘၣ်ႉ ကီၢ်ပဒိၣ်လၢအတဲ၀ဲ ကလုာ်ဒူၣ်တၢ်ဃူတၢ်ဖိးဒီး ၀ဲၤကျိၤဘၣ်မူဘၣ်ဒါတဖၣ် တဲ၀ဲဒ်အံၤအဖီခိၣ် သးတမုာ်နီတစဲးဘၣ်”အဂ့ၢ် နီၢ်အိလး စံး၀ဲန့ၣ်လီၤႉ ကီၢ်ပဒိၣ် ကတိၤတၢ်ဒ်အံၤအဖီခိၣ် ထံၣ်၀ဲလၢ မ့ၢ်၀ဲတၢ်မၤလီၤဖး...
ခီဖျိ ပၢၤကီၢ်ကရူၢ် နီၢ်ဂံၢ်စှၤအဃိ တၢ်ကီတၢ်ခဲအိၣ်လၢ ကဖီၣ်ကသံၣ်မူၤဘှီးအဂ့ၢ် ခ့ၣ်အဲၣ်ယူၣ်စံး၀ဲ
လါစဲးပထ့့ဘၢၣ် ၂၃ သီႇ၂၀၁၉ နံၣ်ႇ စီၤမၠးအူသၣ်ႉ ခီဖျိပၢၤကီၢ် ဂံၢ်ဘါစှၤအဃိ လၢတၢ်ကဖီၣ်၀ဲ တၢ်ဆါကသံၣ်မူၤဘှီးတဖၣ်အဂီၢ် တၢ်ကီတၢ်ခဲအိၣ်အဂ့ၢ် ခ့ၣ်အဲၣ်ယူၣ် ၀ီၢ်ရီကီၢ်ဆၣ် ၀ဲၤကျိၤဘၣ်မူဘၣ်ဒါ ကီၢ်ဆၣ်ကမံးတံာ် ပဒိၣ်မါဆၣ်တူၢ်ဂီၤ တဲလီၤ၀ဲဖဲ တၢ်မၤ၀ဲတၢ်ထံၣ်လိာ် အိၣ်သကိးဒီး ကမျၢၢ်ဖဲ ချၢၣ်သ၀ီ ကၠၤအ့ဆ့ၣ်ကၠံကီၢ်ဆၣ် ဖဲလါစဲးပထ့ဘၢၣ် ၂၂ သီအနံၤန့ၣ်လီၤႉ “သူၣ်ပံၤထူၣ်(ဘိန်းစာရွက်)လၢကဒိးန့ၢ်ဘၣ်ကျိၣ်စ့အလီၢ်န့ၣ်သူၣ်သကိးဘၣ်လၢတၢ်ဒိးတၢ်လၣ် တဖၣ်မီၤႉ သူကသံၣ်မူၤဘှီး၀ံၤ မၤသံလီၤနီၢ်ကစၢ်သး က့ၤမၤကီခဲက့ၤ ဟံၣ်ဖိဃီဖိအိၣ်လီၤႉ ဘၣ်ဒိလၢာ်ဃုာ် စၢၤသွဲၣ်သီတဖၣ်လီၤႉ တၢ်ဆါကသံၣ်ကသ့ၣ်ဒီး တၢ်အဂၤသ့ၣ်တဖၣ် ပဖီၣ်မးတဘူၣ်ဘၣ်ႉ ၀ီၢ်ရီကီၢ်ဆၣ်အပူၤ ပၢၤကီၢ်အိၣ် ၂၈ ဂၤလီၤႉ တၢ်မ့ၢ်ဆှၢအါထီၣ် နီၢ်ဂံၢ်တခီ ပကဖီၣ်လီၤ”အဂ့ၢ် ပဒိၣ်မါဆၣ်တူၢ်ဂီၤ တဲ၀ဲလီၤႉ လၢဟီၣ်က၀ီၤ၀ဲန့ၣ်အပူၤ ကသံၣ်မူၤဘှီးဒီး တၢ်တၤကျိၣ်တၤစ့လီၢ်တဖၣ် က့ၤဘၣ်ဒိ၀ဲ စၢၤသွဲၣ်သီတဖၣ်အဃိ ကဘၣ်ဒီသဒၢစိအီၤဒီး ကဘၣ်ရဲၣ်ကျဲၤမၤအီၤအဂ့ၢ် ပဒိၣ်မါဆၣ်တူၢ်ဂီၤ တဲလီၤ၀ဲဖဲ တၢ်ထံၣ်လိာ်အိၣ်သကိး တၢ်ရဲၣ်တၢ်ကျဲၤ ပူၤန့ၣ်လီၤႉ တၢ်ထံၣ်လိာ်တဲသကိးမူးအပူၤ ဒ်ခ့ၣ်အဲၣ်ယူၣ် တၢ်ဘျၢသဲစးအသိး ကွီၢ်ထံ(တရားမမှု),တၢ်မၤကမၣ်ကွီၢ်မ့ၣ်သဲစးတဖၣ် တၢ်တဲရှဲလဲအီၤ၀ံၤ ကီၢ်ဆၣ်အပူၤ ဘၣ်ထွဲ...
တၢ်မုာ်တၢ်ခုၣ်ကန့ၢ်အဂီၢ် ကလုာ်ဒူၣ်ဂ့ၢ်၀ီအံၤ တၢ်ကြၢးဃုအစၢလၢ တၢ်မုာ်တၢ်ခုၣ်ပူၤအဂ့ၢ် ပဒိၣ်စီၤသမ့ၣ်ထိစံး၀ဲ
လါစဲးပထ့ဘၢၣ် ၂၃ သီႇ ၂၀၁၉နံၣ်ႇ စီၤရှါႉ ကီၢ်ပယီၤပူၤ ထံလီၢ်ကီၢ်ပူၤ တၢ်မုာ်တၢ်ခုၣ်ဒီးကလုာ်ဒူၣ် ဂ့ၢ်၀ီအဂီၢ် ကီၢ်ပဒိၣ်တကပၤ ကြၢးမၤထွဲ၀ဲလၢ တၢ်မုာ်တၢ်ခုၣ်ကျိၤကျဲၤလီၤအဂ့ၢ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ လီၢ်ခၢၣ်သး ထီဘိကမံးတံာ် တဂၤလၢအမ့ၢ် ပဒိၣ်စီၤသမ့ၣ်ထိ စံး၀ဲန့ၣ်လီၤႉ ကညီကီၢ်စဲၣ် ကလံၤစိးတကပၤ သၣ်တီၣ်၀့ၢ်သီအပူၤ ဖဲလါစဲးပထ့ဘၢၣ် ၂၁ သီအနံၤ တၢ်မၤလၤကပီၤ၀ဲ ဟီၣ်ခိၣ်ဒီဖျၢၣ် တၢ်မုာ်တၢ်ခုၣ်မုၢ်နံၤ တၢ်ကတိၤအိးထီၣ်အခါ ပဒိၣ်စီၤသမ့ၣ်ထိ စံးလီၤ၀ဲဒ်အံၤန့ၣ်လီၤႉ “ကီၢ်ပဒိၣ်တကပၤ လၢကလုာ်ဒူၣ်တဖၣ်ဒီး ကီၢ်ပူၤတၢ်မုာ်တၢ်ခုၣ်အဂီၢ် ကြၢးဟူးဂဲၤမၤအီၤလၢ တၢ်မုာ်တၢ်ခုၣ်အပူၤ လၢတပၣ်ဃုာ်ဒီး ကျိချံမျီာ်သၣ်ဘၣ်န့ၣ် လိၣ်၀ဲလီၤႉ တၢ်န့ၣ်မး လၢကီၢ်စၢဖှိၣ်အဂီၢ် ကလုာ်ဒူၣ်တဖၣ် ကဘၣ်မၤန့ၢ်၀ဲ မတၤလဲၣ်န့ၣ် အစၢကဟဲဖျါထီၣ်ႉ တဂၤဒီးတဂၤ ကအိၣ်ထီၣ်ဒီး တၢ်နၢ်ပၢၢ်လိာ်သးလီၤႉ ကတီၢ်အံၤ လဲၤအသးလၢ ကပၤကပၤဒ်အံၤန့ၣ် လၢတၢ်သူၣ်ထီၣ် တၢ်နၢ်ပၢၢ်အဂီၢ် လိၣ်ဖးအါဒံးန့ၣ်လီၤ”အဂ့ၢ် စံး၀ဲန့ၣ်လီၤႉ ကညီဂံၢ်ခီၣ်ထံး တၢ်ကရၢကရိ ခံဖုလၢအမ့ၢ် ဆၣ်မုၢ်ထီၣ်ဒီး ဆၣ်တူၢ်ဂီၤ တီခိၣ်ရိၣ်မဲမၤ၀ဲ တၢ်ရဲၣ်တၢ်ကျဲၤလၢ သၣ်တီၣ်၀့ၢ်သီႇ...
(DKBA)ဒီး မိၣ်ကီၢ်သီပၣ်တံၣ် တၢ်ခးလိာ်သးကဲထီၣ် ၂ ဘျီႉ
လါစဲးပထ့ဘၢၣ် ၂၀ သီႇ၂၀၁၉ နံၣ်ႇ စးအဲၣ်ဆူ ဘူးဒးတၢ်ဘါ တၢ်လဲၤထီၣ်လဲၤထီ ကညီသုးမုၢ်ဒိၣ်(DKBA)ဒီး မိၣ်ကီၢ်သီပၣ်တံၣ် (NMSP)သ့ၣ်တဖၣ် ဖဲလါစဲးပထ့ဘၢၣ် ၁၇ သီအနံၤဒီး ၁၈ သီအနံၤန့ၣ် တၢ်ခးလိာ်သးကဲထီၣ်ဖဲ ကညီကီၢ်စဲၣ် ၀့ၢ်ဃိၣ်သၢဖျၢၣ် တကပၤ လၢကီၢ်ကၠီၣ်တဲၣ် ကီၢ်ပယီၤကီၢ်ဆၢ တၢ်လီၢ်တတီၤအဂ့ၢ် ခံခီခ့ကပၤ ၦၤဘၣ်မူဘၣ်ဒါတဖၣ် ပာ်ဂၢၢ်ပာ်ကျၢၤ တဲ၀ဲန့ၣ်လီၤႉ ဖဲအပူၤကွံာ် လါစဲးပထ့ဘၢၣ် ၁၇ သီအနံၤ (NMSP)ဒီး သုးခိၣ်ကျၢၢ်စီၤကၠီၣ်သဲး စုဒုၣ်စုတီၤဖီလာ် (DKBA)ထုးဖးသးကရူၢ်တဖၣ် မၤ၀ဲတၢ်ထံၣ်လိာ်သးတခါ၀ံၤအလီၢ်ခံ တၢ်ခးလိာ်အသးကဲထီၣ်ဒီး မ့ၢ်၀ဲတၢ်လဲၤရှဲပျီ ဟီၣ်က၀ီၤဒီး ဘၣ်သဂၢၢ်လိာ်သး တဆံးတက့ၢ်အဂ့ၢ် (NMSP)တကပၤ သုးခိၣ် နဲၣ်အၣ်ကၣ် တဲ၀ဲန့ၣ်လီၤႉ အ၀ဲတဲ၀ဲလၢ“ဒ်ပသ့ၣ်ညါဘၣ်အသိး ပသုးကျိၤ ၃ ဒူၣ် လဲရှဲပျီဟီၣ်က၀ီၤကတီၢ် ဘၣ်သဂၢၢ်လိာ်သး တဆံးတက့ၢ်လီၤႉ ဒ်သ့ၣ်ညါဘၣ်အသိး ထံၣ်လိာ်သး၀ံၤကတီၢ် ပသုးကျိၤတကပၤ အိၣ်လၢအံၤတဒူၣ် လၢန့ၣ်တဒူၣ်ဒီး ကဲထီၣ်အသးလီၤႉ တၢ်ကဲထီၣ်သးအံၤ မ့ၢ်၀ဲတၢ်လဲၤ&ှဲပျီဟီၣ်က၀ီၤဒီး ခးလိာ်အသး ၃ ထံၣ်...
တၢ်ဃ့ထီၣ်တၢ်ပျဲလၢ တၢ်ကထုးထီၣ်လၢၢ်ဒါကျဲလၢ လိညးကစၢၢ်အဖီခိၣ် လီၢ်က၀ီၤဖိတဖၣ် ထီဒါ
လါစဲးပထ့ဘၢၣ် ၁၉သီႇ ၂၀၁၉နံၣ်ႇ နါ၀့ၣ်ဖၠိစၣ် ကညီကီၢ်စဲၣ်ႇ ဖၣ်အၣ်ကီၢ်ဆၣ် လိညးသ၀ီကရူၢ် ကစၢၢ်ဟီၣ်က၀ီၤအပူၤ တၢ်တီၣ်ထီၣ်ဃာ်အခွဲး လၢကထုးထီၣ်လၢၢ်ဒါကျဲ အဖီခိၣ် သ၀ီ ၄ ဖျၢၣ်အပူၤ သ၀ီဖိတဖၣ် ဆှၢထီၣ်၀ဲ လံာ်ထီဒါဖဲ လါစဲးပထ့ဘၢၣ် ၁၉ သီအနံၤအဂ့ၢ် လီၢ်က၀ီၤဖိတဖၣ် တဲ၀ဲန့ၣ်လီၤႉ လိညးသ၀ီကရူၢ် ဟီၣ်ခိၣ်နီၣ်ဂံၢ် ၁၃၆၃ႇ ကစၢၢ်ဟီၣ်က၀ီၤ ၂ႉ၄၉ အ့ကၢၣ်အပူၤ ဒီၣ်တ့ၣ်မၣ်၀့ၣ်တဂၤအံၤ ဃ့ထီၣ်အခွဲးလၢ ကထုးထီၣ် လၢၢ်ဒါကျဲတၢ်မၤအဂ့ၢ် သ့ၣ်ညါဘၣ်လီၤႉ လၢတၢ်ဃ့ထီၣ် အခွဲးအဖီခိၣ် ၦၤလၢအဲၣ်ဒိးထီဒါမ့ၢ်အိၣ် ဆှၢထီၣ်လံာ်ထီဒါ ဃုာ်ဒီးတၢ်ဂ့ၢ်တၢ်ကျိၤ လီၤတံၢ်လီၤဆဲးန့ၢ်အဂ့ၢ် ဖၣ်အၣ်ကီၢ်ဆၣ် ၦၤပၢဆှၢရဲၣ်ကျဲၤတၢ် တကပၤ ပာ်ဖျါထီၣ်ဃာ်၀ဲလၢ လါစဲးပထ့ဘၢၣ် ၂၁ သီအနံၤ အစဲၤခံကတၢၢ် ဆှၢထီၣ်လံာ်ထီဒါန့ၢ်အဃိ လီၢ်ကက၀ီၤဖိတဖၣ် ထီဒါ၀ဲဒ်အံၤန့ၣ်လီၤႉ လံာ်ထီဒါ၀ဲန့ၣ်အပူၤ သ၀ီဖိလၢ လိညးသ၀ီႇ တတါအူသ၀ီႇ ကမီးပိၣ်သ၀ီဒီး မဲၣ်အီၣ်သ၀ီဖိတဖၣ် ဆဲးလီၤ၀ဲစုမုၢ်ကျၢၢ်၀ံၤ ထီဒါ၀ဲအဂ့ၢ် ၦၤတီခိၣ်ရိၣ်မဲတၢ် တဂၤလၢအမ့ၢ် စီၤည့ဖၠူၣ်တဲ၀ဲဒ်အံၤန့ၣ်လီၤႉ “ပ၀ဲန့ၣ် ပတဟ့ၣ်တၢ်ပျဲလၢ ၦၤကဟဲထုးထီၣ်လၢၢ်...
တၢ်ထၢဖှိၣ် ဖိသၣ်အိၣ်ဖျဲၣ်စရီ တၢ်ဂ့ၢ် ခ့ၣ်အဲၣ်ယူၣ်ဒီး ကီၢ်စဲၣ်ပဒိၣ် ကဆဲးတဲသကိး
လါစဲးပထ့ဘၢၣ် ၁၈ သီႇ၂၀၁၉နံၣ်ႇစီၤရှါႉ တၢ်လီၢ်လၢ ကီၢ်စဲၣ်ပဒိၣ် လဲၤက့ၤတတုၤ တၢ်လီၢ်တဖၣ်ဒ်အမ့ၢ် ဘၣ်ကီဘၣ်ခဲဒဲက၀ီၤတဖၣ် ခီကီၢ်ကၠိဖိသ့ၣ်တဖၣ်ဒီး ကညီဖီၣ်စုက၀ဲၤ ဟီၣ်က၀ီၤတဖၣ်အပူၤ ဖိသ့ၣ်တဖၣ် အိၣ်ဖျဲၣ်စရီ တၢ်ဂ့ၢ်တဖၣ်အံၤ တၢ်ကတဲသကိးအီၤဒီး တၢ်ကဖီၣ်လိာ်စု မၤသကိးတၢ်အဂ့ၢ် ခံခီခ့ကပၤ ဘၣ်မူဘၣ်ဒါတဖၣ် တဲ၀ဲန့ၣ်လီၤႉ ဘၣ်ဃးဒီး တၢ်ကထၢဖှိၣ် ဖိသၣ်အိၣ်ဖျဲၣ်ကစရီ ခီခံကပၤ ၦၤဘၣ်မူဘၣ်ဒါတဖၣ် တၢ်အိၣ်ဖှိၣ်၀ဲန့ၣ် ဘၣ်တၢ်မၤအီၤဖဲ လါစဲးပထ့ဘၢၣ် ၁၅ သီအနံၤဖဲ ၀့ၢ်ဖၣ်အၣ်ႇ တီၣ်၀့ၣ်ယတနၣ် ဟိၤထဲအပူၤဒီး ကညီကီၢ်စဲၣ် ၦၤဂ့ၢ်၀ီကိတိာ်ႇ ခ့ၣ်အဲၣ်ယူၣ် ထံလီၢ်ကီၢ်ပူၤဒီး တၢ်ဘူၣ်တၢ်ဘါ၀ဲၤကျိၤႇ ကညီ ဆူၣ်ချ့မၤစၢၤ၀ဲၤကျိၤကရူၢ် (KDHW), မဲၢ်တီၣ်တၢ်ဆါဟံၣ်(MTC), ထၢၣ်၀ံချၢဆူၣ်ချ့ကရူၢ်(BPHWT) တဖၣ်ဒီး ကရၢသဘျ့ (NGO)တဖၣ်ဟဲထီၣ်၀ဲန့ၣ်လီၤႉ ခ့ၣ်အဲၣ်ယူၣ်-ကညီဆူၣ်ချ့မၤစၢၤ၀ဲၤကျိၤခိၣ် (KDHW)ပဒိၣ်စီၤအဲၣ်ကလုာ်ရွ့ၣ်အူတဲ၀ဲ“ကီၢ်ပဒိၣ်တကပၤ အ၀ဲသ့ၣ်ထၢဃာ် စရီအိၣ်ႉ ပ၀ဲသနာ်က့ ပထၢဃာ်အိၣ်လီၤႉ ဖိသၣ်အိၣ်ဖျဲၣ်စရီလၢ ပထၢဃာ်အီၤတဖၣ် လၢကီၢ်ပဒိၣ်တကပၤ ကပာ်ပနီၣ်န့ၢ်ၦၤဒီး လၢကညီကလုာ်မံၤအမဲာ်ညါ မံၤတၢ်ပနီၣ်တဖၣ် ဒ်အမ့ၢ် “စီၤ နီၢ် နၣ်...
ကညီမၤထူရၤမုၢ်နံၤအံၤ တၢ်မၤအီၤဒ်တၢ်ဘျၢသဲစးအခွဲးအယာ်ကန့ၢ်အဂီၢ် ကီၢ်ပူၤကညီတၢ်ကရၢကရိ ၁၈ ဖုပာ်ဖျါထီၣ်တၢ်ပာ်သး
လါစဲးပထ့ဘၢၣ် ၁၅ သီႇ၂၀၁၉ နံၣ်ႇစီၤထိလ့ႉ ကညီဒီကလုာ် မၤထူရၤမုၢ်နံၤအံၤ မ့ၢ်၀ဲမုၢ်နံၤဒိၣ်ထီလၢ ကညီကလုာ်အဂီၢ်အဃိ ဒ်တၢ်ဘျၢသဲစး တၢ်ခွဲးတၢ်ယာ်အိၣ်အသိး တၢ်မၤအီၤကန့ၢ်လၢလၢၦဲၤၦဲၤအဂီၢ် ကီၢ်ပဒိၣ်တကပၤ ကမၤထွဲန့ၢ်လၢ တၢ်တီတၢ်ြတၢ်အဂ့ၢ် ကီၢ်ပူၤကညီဂ့ၢ်ခီၣ်ထံးတၢ်ကရၢကရိ ၁၈ ဖု ထုးထီၣ်ပာ်ဖျါထီၣ်တၢ်ဘၣ်သးဖဲ လါစဲးပထ့ဘၢၣ် ၁၄ သီအနံၤန့ၣ်လီၤ. ဘၣ်ဃး ကညီဒီကလုာ် မၤထူရၤမုၢ်နံၤန့ၣ် ကီၢ်ပူၤကညီဂံၢ်ခီၣ်ထံး တၢ်ကရၢက&ိတဖၣ် မၤ၀ဲတၢ်အိၣ်ဖှိၣ်လၢ ၀့ၢ် တကူၣ်ႇ လာ်ခီကၠံၣ်မၠ့ၣ်တဲၣ်ကျဲ နီၢ်ဂံၢ် ၅၂၄ တၢ်သူၣ်ထီၣ် ၉ ကတြၢအပူၤ ဖဲလါစဲးပထ့ဘၢၣ် ၁၄ သီအနံၤႇ ဂီၤခီ အနၣ်ရံၣ် ၁၀ တုၤ ဟါလီၤ ၂ နၣ်ရံၣ်ကတီၢ် တၢ်မၤအီၤ၀ံၤ တၢ်ထုးထီၣ်၀ဲ တၢ်ပာ်သးဒ်အံၤန့ၣ်လီၤႉ “တနံၤအံၤ ကညီခိၣ်နၢ်လၢ အမံၤဟူသၣ်ဖျါတဖၣ်ႇ တၢ်ကရၢကရိအပူၤ ခိၣ်နၢ်တဖၣ် တၢ်အစၢသ့ၣ်တခါအံၤ တမ့ၢ်လၢ တနံၣ်ဂီၢ်ဘၣ်ဒီး ကမ့ၢ်၀ဲ တစိၤသးလၢ ကညီဒီတကလုာ်အဂီၢ် ယထံၣ်လၢ မ့ၢ်တၢ်စိကမိၣ်ဆိအီၤတခါလီၤ”အဂ့ၢ်...
ရၤမတံအပူၤ တရူးထံဖိကီၢ်ဖိ ၇ ဂၤ နဲၣ်ဖျါထီၣ်၀ဲ တၢ်ဟူးတၢ်ဂဲၤလၢ အလီၤရၢၢ်အဃိ တၢ်ဟံးအ၀ဲအရ့
လါစဲးပထ့ဘၢၣ် ၁၄ သီႇ၂၀၁၉ နံၣ်ႇ န့ၣ်နီၣ်ႉ ကညီကီၢ်စဲၣ် ၀့ၢ်ရၤမတံႇ က၀ီၤဒ့ ၄ႇ ဘးယ့ၣ်နီၣ် ကျဲမုၢ်ကပၤႇ လဲၣ်သ့ၣ် လီတဲဆိကျးအမဲာ်ညါ ဖဲလါစဲးပထ့ဘၢၣ် ၁၃ သီအနံၤ ဟါလီၤခီ ၇ နၣ်ရံၣ်ကတီၢ် ဆံၣ်ဆါလၢ ကျဲမုၢ်ကပၤ လၢတကြၢးဘၣ်ဒီး ဆိၣ်ထုတၢ်အဃိ တရူးထံဖိကီၢ်ဖိ ၇ ဂၤအံၤ တၢ်ဟံးန့ၢ်အရ့လၢ ရၤမတံ ပၢၤကီၢ်ရူလၢ တၢ်ဘျၢကွီၢ်မ့ၣ် သဲစး အဆၢဒိၣ် ၃ ခါ အဂ့ၢ် ပၢၤကီၢ်ကရူၢ် ပာ်ဖျါဃၣ်၀ဲန့ၣ်လီၤႉ တၢ်ကဲထီၣ်သးအံၤ ဖဲစဲးပထ့ဘၢၣ် ၁၃ သီအနံၤ ဟါလီၤခီ ၇ နၣ်ရံၣ်ဘျဲၣ်ကတီၢ် လဲၣ်သ့ၣ် လီတဲဆိကျးအမဲာ်ညါ တၢ်သူၣ်ထီၣ် ၄ကထြၢအဖီခိၣ် တ တရူးထံဖိကီၢ်ဖိ ၉ ဂၤ တၢ်ပနီၣ်ဖျါဒံး အသူ၀ဲ တၢ်မူၤတၢ်ဘှီးဒီး ဟဲလီၤလၢတၢ်သူၣ်ထီၣ် အဖီလာ်၀ံၤ တဂၤန့ၣ် ဆံၣ်ဆါလၢ ၦၤမဲာ်ညါ လီတဲဆိကျးအမဲာ်ညါ...