ကညီဖိမုၣ်မုၣ်ခွါခွါႇ ဝၢ်က့ၤကိးက့ၤနၤလၢထါ
ယခိၣ်နၢ်ဒီးယသိၣ်ဒူ အိၣ်ဆိးဃူဖိးမၤဃူဃူ ထံကီၢ်ဖိ ဒီသိၣ်ဒီးမှံၤ ဘူၣ်ဘါခိၣ်ဃု၁်ဒီးဖိလံၤ ကျီၢ်မ့ၢ်လီၤဖးဘီၣ်သိၣ်အီၣ် ကညီဖိဧၢ..ဖုးသ့ၣ်နီၣ် လီၢ်မု၁်ဆိးပၢၤလၢသ ဘျ့ သူၣ်ထီၣ်က့ၤပကီၢ်သူလ့ၤ ခီဖျိတၢ်မၤသံမၤဝီ ဟံၣ်ဃီလီၢ်ဘၣ်အိၣ်လီၤဃီ တၢ်ဒုးတၢ်ယ၁်တသးလီ ဆၢအိၣ်ဘၣ်လၢကီၢ်ကညီ ကျိချံႇ ပှ၁်သၣ်ယူၤဝ့ၤဝီၤ ကညီဖိဘၣ်ကိၢ်ဘၣ်ဂီၤ
တၢ်ကအိးထီၣ်၀ဲပိာ်မုၣ်တၢ်ဆးစဲးတၢ်မၤလိ အဆိကတၢၢ်တဘျီဖဲ၀့ၢ်မအူၣ်ပ့ၣ်
လါဖ့ၤဘြူၤအါရံၤ ၂၇ သီႇ ၂၀၁၉နံၣ်ႇ နၣ်ဖီမွံၤရှၣ် ဒ်သိးကလုာ်ဒူၣ်ပိာ်မုၣ်ဖိသ့ၣ်တဖၣ် အတၢ်အိၣ်မူကလဲၤထီၣ်လဲၤထီအဂီၢ် တၢ်ပညိၣ်အီၤဒီး မအူၣ်ပ့ၣ်ကီၢ်ဆၣ်ႇ ကညီလံာ်လဲၢ်ဒီးတၢ်ဆဲးတၢ်လၤ ကမံးတံာ်တီခိၣ်ရိၣ်မဲ၀ဲဒီးကအိးထီၣ်န့ၢ်၀ဲ တၢ်ဆးစဲးတၢ်မၤလိလၢအယံာ်၀ဲ(၃)လါလၢတဘၣ်ဟ့ၣ်အလုၢ်အၦ့ၤဘၣ်န့ၣ်လီၤႉ တၢ်မၤလိအံၤ တၢ်ကအိးထီၣ်အီၤ ဖဲဧရၣ်၀တံၣ်ကီၢ်ခီဒိၣ်၊ မအူၣ်ပ့ၣ်ကီၢ်ဆၣ်၊ မဲၣ်ပ့ၣ် ပရံၣ်ယတံၣ် သီခါဖၠၣ်တၢ်သိၣ်လိလီၢ်အပူၤ ဖဲလါမးရှး (၆)သီအနံၤ တုၤလါယူၤ(၆)သီအနံၤလၢတၢ်ဟ့ၣ်လီၤသိၣ်လိအီၤလၢလံာ်ဒီးစုသ့ခီၣ်ဘၣ်န့ၣ်လီၤႉ မအူၣ်ပ့ၣ်ကီၢ်ဆၣ် ကညီလံာ်လဲၢ်ဒီးတၢ်ဆဲးတၢ်လၤကမံးတံာ်ၦၤပၢၤလီၢ်ဆ့ၣ်နီၤမါအီၣ်မ့နဲၣ်စံး၀ဲ“ကညီဖိ အနီၣ်ဂံၢ် အအါကတၢၢ်လီၤႉ ပယီၤသနာ်က့ပၣ် ဃုာ်လီၤႉ ၦၤဖိသၣ်တဖၣ်အံၤမ့ၢ်သ့မ့ၢ်ဘၣ်ထီၣ်သၦၢ်ကတၢၢ်ဒီး တၢ်မၤမ့ၢ်လဲၤအသးဘၣ်ဘျိးဘၣ်ဒါန့ၣ် ကကဲထီၣ်တၢ်သးမုာ်လီၤႇပပညိၣ်ဒ်သိးပၦၤကညီကလုာ်ကမၤန့ၢ်တၢ်မၤအကျိၤအကွာ်အဂီၢ်န့ၣ်လီၤႉ”အဂ့ၢ် စံး၀ဲန့ၣ်လီၤႉ တၢ်သိၣ်လိ၀ဲန့ၣ်အဂီၢ် ၦၤကဟဲထီၣ် တၢ်သိၣ်လိတဖၣ်အမံၤ စရီတၢ်ပာ်ပနီၣ်အီၤ အစဲၤခံကတၢၢ်ဖ့ၤဘြူၤအါရံၤ (၂၆)သီဒီးဒ်ၦၤဟဲဆှၢထီၣ်မံၤသ့ၣ်တဖၣ်အသိး တၢ်ပာ်ဂၢၢ်ပာ်ကျၢၤအီၤလၢၦၤကထီၣ်တၢ်မၤလိပိာ်မုၣ်(၆၂)ဂၤအဂ့ၢ် တၢ်သိၣ်လိၦၤဘၣ်မူဘၣ်ဒါတဖၣ်တဲ၀ဲန့ၣ်လီၤႉ တၢ်ဆးစဲးတၢ်သိၣ်လိအဂီၢ် သရၣ်မုၣ်(၅)ဂၤ...
ဆၢအိၣ်ဘၣ်ဒီးနၤလီၤစိၤ “ကီၢ်ပူၤကီၢ်ချၢကညီဖိဘျးစဲကရူၢ်”တၢ်က့ၤထံၣ်လိာ်ခိၣ်နၢ်လၢကီၢ်ကညီ
တၢ်သယုၢ်လီၤဘၣ်၀ဲယၤ သူလ့ၤကီၢ်ပူၤယက့ၤဟး တၢ်တိာ်ဒိၣ်ကတၢၢ်တမံၤ တၢ်ပၢၢ်ဆၢနွံဆံမုၢ်နံၤ ဒိၣ်ကတၢၢ်အဂၤတခါ က့ၤလၢကရူၢ်အခၢၣ်စး သလ့ၤလါဖိထီၣ်ဃိးသီ တုာ်ဃီၤဖဲပကီၢ်ကညီ ဒိးထီၣ်ချံဖဲသူမွဲနံၤ သးဖိၦဲၤယဲဒီးမဲာ်ထံ တၢ်သးခုလုၢ်ဘၢကွံာ်ယၤ ဖဲထံၣ်ကီၢ်ကညီဃံလၤ အိၣ်မုာ်ဆိးပၢၤလိာ်ပသး ပတၢ်ပၢၢ်ဆၢဖိအါဂၤ တုၤမီၤပၢၤခိၣ်ကၠိမဲာ်ညါ
တၢ်ထံၣ်လိာ်သံကွၢ်ဒီး ပဒိၣ်မါရှၣ် အဖိခွါသဒါ စလိၣ်ဖါ
လါဖ့ၤဘြူၤအါရံၤ-၂၀၁၈နံၣ် လါဖ့ၤဘြူၤအါရံၤ ၁၄သီအနံၤအံၤ မ့ၢ်၀ဲဒၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ အခိၣ်နၢ်ဒိၣ်ထီမံၤဟူသၣ်ဖျါတဂၤလၢအမ့ၢ် ပဒိၣ်မါရှၣ်လါဖါဘၣ်တၢ်ကူၣ်သံအီၤၦဲၤထီၣ် ၁၁လံန့ၣ်လီၤႉ လၢတၢ်သ့ၣ်နီၣ်ထီၣ်က့ၤ ပဒိၣ်မါရှၣ်လါဖါအံၤအဖီခိၣ်န့ၣ် ကညီတၢ်ကစီၣ်ထံၣ်လိာ်သံကွၢ်၀ဲ အဖိခွါသဒါ စလိၣ်ဖါ ဒ်အံၤန့ၣ်လီၤႉ သံကွၢ်-ပဒိၣ်မါရှၣ် သံၦဲၤထီၣ်အနံၣ် (၁၁)နံၣ်လံအဖီခိၣ် နအဲၣ်ဒိးဟ့ၣ်(မဲးစ့) လၢအမျၢၢ်ထံဖိကီၢ်ဖိအိၣ်ဒ်လဲၣ်ႉ စံးဆၢ- ပတၢ်ပညိၣ်ခီ အ၀ဲမ့ၢ်သံဘၣ်ဆၣ်အတၢ်ဖံးတၢ်မၤဒီးတၢ်လၢအ၀ဲမၤတ့ၢ်၀ဲတဖၣ်၊ ဒီးအတၢ်ဟ့ၣ်သါလၢကညီဒီတကလုာ်အဂီၢ်န့ၣ် ပတအဲၣ်ဒိးမၤလီၤမၢ်ဘၣ်ႉ ပအဲၣ်ဒိးမၤဖျါထီၣ်က့ၤအီၤမီၤႉ လီၤဆီဒၣ် တၢ် အ၀ဲမ့ၢ်ၦၤလၢအဲၣ်ၦၤဖှီၣ်ဖိယာ်ဖိႇၦၤကမျၢၢ်ႇအဲၣ်အထံအကီၢ်အဲၣ်အၦၤကလုာ်ဒီးအအဲၣ်အတၢ်ကရၢကရိႇဒီးအ၀ဲမ့ၢ်ၦၤလၢဟ့ၣ်လီၤသးတူၢ်ဆါအသးႇထီဘိန့ၣ်အ၀ဲတအိၣ်ခီလီဘၣ်ႉ မၤတၢ်ဆူၣ်ႇ ဖးလံာ်ဆူၣ်ဒီး တၢ်သ့တၢ်ဘၣ်လၢအအိၣ်ဒီးအီၤန့ၣ် မၤ၀ဲလၢအၦၤက လုာ်အဂီၢ်ႇ တကးဘၣ်သူ၀ဲဒၣ်လၢကလုာ်ဒူၣ်အဂီၢ်မ့ၢ်ဂ့ၤဒီးကီၢ်ပယီၤဒီတဘ့ၣ်အဂီၢ်မ့ၢ်ဂ့ၤအ၀ဲထံၣ်၀ဲဒၣ်လၢကီၢ်ပယီၤန့ၣ် မ့ၢ်ကလုာ်ဒိၣ်စိသနူလီၤမီၤႉ သနူ၀ဲန့ၣ်မ့ၢ်အိၣ်ဒ်ဒၣ်တၢ်မ့ၢ်အဲၣ်ဒိးမၢကဲကုၢ်ၦၤထံဖိကီၢ်ဖိကမျၢၢ်ဒီး ကညီဖိခဲလၢာ်န့ၣ်မ့ၢ် တၢ်လၢတဂ့ၤဘၣ်ခီဒုထီဘိန့ၣ် အဲၣ်ဒိးမၤလီၤမၢ်၀ဲကလုာ်ဒိၣ်စိသနူန့ၣ်ဒီး ထီဘိန့ၣ်ဂဲၤလိာ်၀ဲလၢကလုာ်တၢ်တုၤသိးထဲသိးႇ ၦၤခဲလၢာ် အခွဲးယာ်ကအိၣ်အဂီၢ်န့ၣ် အ၀ဲဂဲၤလိာ်၀ဲထီဘိလီၤႉ အဃိန့ၣ် အတၢ်ဖံးတၢ်မၤသ့ၣ်တဖၣ်ကဖျါထီၣ်အဂီၢ်န့ၣ် ကိးနံၣ်ဒဲးန့ၣ် ပမၤတၢ်သ့ၣ်နီၣ်ထီၣ်အီၤဒီးပဆၢမုၢ်လၢ်အ၀ဲဒၣ်တၢ်ဟူးတၢ်ဂဲၤတၢ်ဖံးတၢ်မၤတဖၣ်န့ၣ်ပ၀ဲဖိလံၤလၢခံတစိၤပကစိာ်မူစိာ်ဂဲၤကိးဂၤဒဲးဒီးကမၤဖျါထီၣ်က့ၤတၢ်လၢအမိၣ်န့ၢ်သးလီၤ၀ဲသ့ၣ်တဖၣ်အဂီၢ်မီၤႉ သံကွၢ်-ပဒိၣ်မါရှၣ်န့ၣ်တၢ်မၤလၢအမၤ၀ဲလီၤဆီတဖၣ်ကမ့ၢ်တၢ်မနုၤသ့ၣ်တဖၣ်လဲၣ်ႉ စံးဆၢ-ယပါန့ၣ်အ၀ဲမ့ၢ်ၦၤလၢဂဲၤလိာ်တၢ်ကိးကပၤဒဲးလီၤႉ ဘၣ်ဃးလၢတၢ်ရ့လိာ်သးလၢတၢ်ကစီၣ်သန့မ့ၢ်ဂ့ၤႇဂဲၤလိာ်၀ဲသၦၢ်လီၤႉ အ၀ဲတဲတၢ်အါႇကွဲးလံာ်အါဖးလံာ်အါမ့ၢ်ဂ့ၤဒီးဘၣ်ဃးလၢတၢ်ဒီသဒၢတကပၤအ၀ဲထီဘိန့ၣ်ရ့လိာ်အသးဒီးသုးမုၢ်သံၣ်ဘိသုးခိၣ်သုးနၢ်ခဲလၢာ်လီၤႉ ထီဘိန့ၣ် အ၀ဲဟ့ၣ်ကူၣ်ဟ့ၣ်ဖးႇ ဘၣ်ဃးလၢကမျၢၢ်အါဒံအါဂၤကထီဒါသကိးကလုာ်ဒိၣ်စိသနူအဂီၢ်န့ၣ် အ၀ဲဂဲၤလိာ်၀ဲ အဃိ ပကထံၣ်ဘၣ်လၢကီၢ်ပယီၤအပူၤန့ၣ် ကမျၢၢ်တဖၣ်က့ၤထီဒါကီၢ်ပယီၤဒိၣ်စိသနူန့ၣ်အိၣ်ဒီး တၢ်လၢအဂၤတခီဒ်သိး ထံဂုၤကီၢ်ဂၤ အဆီၣ်သနံး၀ဲဒၣ်ပယီၤကလုာ်ဒိၣ်စိသနာ်က့ၤအ၀ဲဂဲၤလိာ်တၢ်ဒီဒူၣ်ညါဘၣ်ဃးတၢ်ကွဲးထီၣ်လံာ်လၢ(ယူၣ်အဲၣ်)သနာ်က့အ၀ဲမၤ၀ဲႇအ၀ဲအတၢ်မုၢ်လၢ်ဒုလၢထံဂုၤကီၢ်ဂၤတၢ်ဆီၣ်သနံးဒု ပကဘၣ်မၤမ့ၢ်ဆူၣ်လီၤမီၤႉ တၢ်အ၀ဲန့ၣ်မးဒုၣ်ဒါန့ၣ် လၢဟီၣ်ဒီဖျၢၣ်ကသ့ၣ်ညါ၀ဲလၢ...
ကလုာ်ဒူၣ်တၢ်စံၣ်စိၤတဲစိၤဒီးကရ့ၣ်နံၣ်သးစၢ်တဖၣ် တၢ်ဃ့ထီၣ်တဖၣ် တၢ်ကပာ်ကဲအီၤအဂီၢ် (KWO) ဃ့ထီၣ်
လါဖ့ၤဘြူၤအါရံၤ ၂၂ သီ၊ ၂၀၁၉ နံၣ်၊ စးအဲၣ်ဆူ ကရ့ၣ်နံၣ်သးစၢ်တၢ်ဃ့ထီၣ်လၢတၢ်ကထုးကွံာ်သုးခိၣ်ကျၢၢ်အီၣ်ဆါတၢ်ဂီၤစိးပျၤအံၤအဖီခိၣ် ကီၢ်ပဒိၣ်တကပၤ ကပာ်ပနီၣ် ပာ်ကဲ၀ဲ ကလုာ်ဒူၣ်တဖၣ် အတၢ်စံၣ်စိၤတဲစိၤဒီး သးစၢ်တဖၣ် တၢ်ဃ့ထီၣ်လၢတၢ်မုာ်တၢ်ခုၣ်အံၤအဂ့ၢ် ကညီပိာ်မုာ်ကရၢ(KWO) ထုးထီၣ်၀ဲလံာ်တၢ်ပာ်ဖျါတဘ့ၣ် ဖဲလါဖ့ၤဘြူၤအါရံၤ ၁၂သီအနံၤန့ၣ်လီၤႉ ကတီၢ်အံၤ ကလုာ်ဒံၣ်မိၣ်ကရ့ၣ်စံၣ်ကရၢစိ (NLD) ပဒိၣ်ဒီး ထံလီၢ်ကီၢ်ပူၤ၀ဲၤကျိၤ အဖီလာ် ပၢၤကီၢ်သ့ၣ်တဖၣ် မ့ၢ်ပာ်လုၢ်ပာ်ၦ့ၤ ပာ်ပနီၣ်၀ဲ ကလုာ်ဒူၣ်တဖၣ် အဘၢၣ်စၢၤ တၢ်အိၣ်လီၤလိာ်အသးတဖၣ်ဒီး တၢ်လၢအအိၣ်တ့ၢ်ပာ်စၢၤသ့ၣ်တဖၣ်မး ထံလီၢ်ကီၢ်ပူၤ တၢ်မုာ်တၢ်ခုၣ်လၢအမ့ၢ်အတီ ကအိၣ်ထီၣ်၀ဲအဂ့ၢ်န့ၣ် (KWO) စံး၀ဲန့ၣ်လီၤႉ (KWO)အနဲၣ်ရွဲၣ် နီၢ်ကညီဖီစံး၀ဲလၢ“ကရ့ၣ်နံၣ်သးစၢ်တဖၣ်တၢ်ဃ့ထီၣ်အံၤကြၢးကဲထီၣ်သးန့ၣ်လီၤႉ ကီၢ်ပဒိၣ် ဒီး ကလုာ်ဒူၣ်တဖၣ် ကဘၣ်သူၣ်ထီၣ်တၢ်နၢ်ပၢၢ်ကတီၢ် တၢ်သ့ၣ်တဖၣ်တကြၢးကဲထီၣ်ဘၣ်ႉ ကထုးလီၤကွံာ်တၢ်ဂီၤ စိးပျၤအံၤမးတကးဘၣ်ႉ ဘၣ်ဆိကမိၣ်၀ဲကလုာ်ဒူၣ်သ့ၣ်တဖၣ်တၢ်မိၣ်န့ၢ်သးလီ၀ံၤမး ကဘၣ်မၤဂ့ၤထီၣ် တၢ်ပာ်ဖှိၣ်မၤသကိးတၢ်ဒီး ကလုာ်ဒူၣ်တဖၣ်န့ၣ်လီၤႉ”အဂ့ၢ် စံးဘၣ်ခ့ၣ်အဲးစံၣ်=ကညီတၢ်ကစီၣ်န့ၣ်လီၤႉ တကီၢ်ခါ ကီၢ်ပဒိၣ်အံၤ တသ့ၣ်ညါ မၤသကိးတၢ်ဒီး ကလုာ်ဒူၣ်သ့ၣ်တဖၣ်ဘၣ်အမဲာ်ညါ က့ၤမၤဘူးလိာ်က့ၤအသးဒီးသုးမီၤစိရိၤအဃိ တၢ်လီၤဖးယံာ်လိာ်အသးဒီး ကမျၢၢ်သ့ၣ်တဖၣ် အဖီခိၣ် လၢတၢ်ကက့ၤသူၣ်ထီၣ်က့ၤထံကီၢ်ဖဲၣ်ဒရၢၣ်လၢအမ့ၢ်အတီအဂီၢ်န့ၣ် ကဲထီၣ်၀ဲတၢ်တၤတၢ်သ့ၣ်တဖၣ်သ့အဂ့ၢ် နီၢ်ကညီဖီစံးအါထီၣ်၀ဲန့ၣ်လီၤႉ ခီဖျိတၢ်ဟဲပာ်လီၤသုးခိၣ်ကျၢၢ်အီၣ်ဆါတၢ်ဂီၤစိးပျၤအဖီခိၣ်...
မဲၢ်ကနဲသ၀ီအပူၤ ဟံၣ်ဃီလၢၦၤတအိၣ်ဆိးဘၣ်တဖၣ် တၢ်စးထီၣ်မၤဟးဂီၤ
လါဖ့ၤဘြူၤအါရံၤ ၂၃သီ၊ ၂၀၁၉ နံၣ်။ စးအဲၣ်ဆူ ကီၢ်စဲၣ်ပဒိၣ်၊ သုးခိးကီၢ်ဆၢ(BGF)ဒီး ကညီဖီၣ်စုက၀ဲၤကရူၢ်(၃)ဖု ၦၤဘၣ်မူဘၣ်ဒါတဖၣ် တၢ်တဲသကိးအဖီခိၣ် ဖဲကညီကီၢ်စဲၣ်၊ ရၤမတံကီၢ်ဆၣ်၊ မဲၢ်ကနဲသ၀ီအပူၤ ဟံၣ်လီၢ်တၢ်ဂ့ၢ်ကီကဲထီၣ်အသးအံၤ လၢတၢ်ကဘှါရှဲအီၤအဂီၢ် ဟံၣ်ဃီလၢၦၤတအိၣ်ဆိးဘၣ်တဖၣ် တၢ်စးထီၣ်မၤဟးဂီၤကွဲာ်အီၤလံအဂ့ၢ်ၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ လၢအပူၤကွံာ်ရွ့ၣ်မၠးစၣ်ဒံၣ်(a&GSjrpef'D) ဟံၣ်တၢ်တိာ်ကျဲၤအဃိ (ဒံၣ်ခ့ၣ်ဘံၣ်အ့ၣ်) သုးခိၣ် ညံၣ်ညံၣ်ဟံးန့ၢ်၀ဲ လီၢ်က ၀ီၤကမျၢၢ်တဖၣ် အစံာ်လီၢ်ဒီး ဆါလီၤ၀ဲဟီၣ်ခိၣ်လီၢ်တဖၣ်အဖီခိၣ် လၢတၢ်ကဘှါရှဲ၀ဲတၢ်ဂ့ၢ်အံၤ တၢ်ဃ့ထီၣ်အိၣ်အ ဖီခိၣ် ကီၢ်စဲၣ်ပဒိၣ်တီခိၣ်ရိၣ်မဲ၀ဲဒီး ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ၊ တၢ်ဘၣ်ဘျုးဒံၣ်မိၣ်ကရ့ၣ်စံၣ် ကညီသုးမုၢ်ဒိၣ် (ဒံၣ်ခ့ၣ်ဘံၣ်အ့ၣ်)၊ (KNNU/KNLA-PC)ကညီတၢ်မုာ်တၢ်ခုၣ်ကီၣ်ကးဒီး (BGF) သုးခိးကီၢ်ဆၢနုာ်လီၤ မၤရှဲ၀ဲအဂ့ၢ် ခ့ၣ်အဲၣ်ယူၣ် သုးခိၣ်ဒိၣ်ဖိ စီၤယဲၣ်နဲၣ်တဲ၀ဲန့ၣ်လီၤ။ “တၢ်ကဲထီၣ်သးဒီတခါအံၤအဖီခိၣ် ကီၢ်စဲၣ်ပဒိၣ်ကိတိာ်ခိၣ်ကျၢၢ်လဲၤ၀ဲလၢအဖိးသဲစးဒီး ကမၤ၀ဲလၢတၢ်တီတၢ်လိၤ လီၤႉ ၦၤလၢအဘၣ်ဒိတဖၣ် ဒ်သိးတဘၣ်ဒိဘၣ်အဂီၢ် ကမၤန့ၢ်၀ဲ လၢအဖိးသဲစးခဲလၢာ်အဂ့ၢ်ရဲၣ်ကျဲၤ၀ဲန့ၣ်လီၤ အဂ့ၢ် ”သုးခိၣ်ဒိၣ်ဖိ စီၤယၣ်နဲၣ်စံးဘၣ်ခ့ၣ်အဲးစံၣ်=ကညီတၢ်ကစီၣ်န့ၣ်လီၤႉ ဒ်တၢ်တဲသကိးအဖီခိၣ် ကတီၢ်အံၤ ၦၤလၢအလဲၤအိၣ်လဲၤဆိး ဖဲတၢ်လီၢ်၀ဲန့ၣ် လၢတၢ်ဂ့ၢ်ကလုာ်ကလုာ်သ့ၣ်တဖၣ် ဒ်သိးကကဲထီၣ် ဒ်အဖိးသဲစးဒီး ၦၤလၢလဲၤအိၣ်အနီၢ်ကီၢ်ဖဲန့ၣ်တဖၣ် တၢ်ကဟ့ၣ်အခွဲးလၢအိၣ်ဆိး၀ဲန့ၣ်လီၤႉ...
တၢ်ဃုထၢထီၣ် ကီၢ်စဲၣ်ဒီးကီၢ်ခီဒိၣ်ကိတိာ်တဖၣ် တၢ်ဘျၢနီၣ်ဂံၢ် (၂၆၁) တၢ်ကဘှီဘၣ်အဂီၢ် KPPတူၢ်လိာ်
လါဖ့ၤဘြူၤအါရံၤ ၂၆ သီ၊ ၂၀၁၉နံၣ်။ စီၤထိလ့ လၢတၢ်ကဃုထၢထီၣ် ကီၢ်စဲၣ်ဒီးကီၢ်ခီဒိၣ်ကိတိာ်ခိၣ်ကျၢၢ်တဖၣ် လၢကီၢ်စဲၣ်ဒီး ကီၢ်ခီဒိၣ်အဘျီၣ်ဒိၣ်ပူၤ အနီၢ်ကစၢ်ဒၣ် ကန့ၢ်၀ဲအဂီၢ် တၢ်ကြၢးဘှီဘၣ်၀ဲတၢ်ဘျၢခိၣ်သ့ၣ်နီၣ်ဂံၢ် (၂၆၁)အံၤလီၤန့ၣ် KPP -ကညီကမျၢၢ်ပၣ်တံၣ် လၢအဆီလီၤသးဖဲ၀့ၢ်တကူၣ်အံၤ တူၢ်လိာ်၀ဲအဂ့ၢ်စံးဘၣ် ခ့ၣ်အဲးစံၣ်-ကညီတၢ်ကစီၣ်ဖဲ လါဖ့ၤဘြူၤအါရံၤ ၂၀သီအနံၤန့ၣ်လီၤႉ ဘၣ်ဃးတၢ်ဂ့ၢ်၀ဲန့ၣ် ကညီကမျၢၢ်ပၣ်တံၣ်လီၢ်ခၢၣ်သးထီဘိကမံးတံာ်မၤ၀ဲတၢ်အိၣ်ဖှိၣ် ဖဲလါဖ့ၤဘြူၤအါရံၤ (၁၉) အ နံၤန့ၣ် လၢကလုာ်ဒူၣ်တၢ်ဃူတၢ်ဖိး၊ ကီၢ်စဲၣ်ကဒိးန့ၢ်အါထီၣ်တၢ်ပၢတၢ်ပြးဒီး လၢတၢ်ကတိစၢၤမၤစၢၤတၢ်မုာ်တၢ်ခုၣ် တၢ်လဲၤကျဲအဂီၢ် တၢ်ကြၢးဘှီဘၣ်၀ဲ ထံကီၢ်တၢ်ဘျၢခိၣ်သ့ၣ် နီၣ်ဂံၢ် (၂၆၁)အံၤန့ၣ် တူၢ်လိာ်ဆၢတဲာ်၀ဲအဂ့ၢ်ပၣ်တံၣ် ၦၤပၢၤလီၢ်ဆ့ၣ်နီၤ(၂)ဂၤတဂၤ စီၤစ့၀ါစံး၀ဲန့ၣ်လီၤႉ “ပတူၢ်လိာ်၀ဲလီၤႉ မ့ၢ်ကဲထီၣ်အသးဒ်န့ၣ်မး လၢကီၢ်စဲၣ်သ့ၣ်တဖၣ်အပူၤ တၢ်ပၢတၢ်ဆှၢကန့ၢ်၊ ကလဲၤအသးဒ်သိး ဖဲၣ်ဒရၢၣ် တၢ်ဟ့ၣ်ခီနီၤလီၤတၢ်ပၢတၢ်ပြး၊ မ့တမ့ၢ်ဘၣ်န့ၣ်ကလဲၤအသး ဒ်သိးလီၢ်ခၢၣ်သးဖီၣ်ဃာ်အီၤန့ၣ်လီၤ”အဂ့ၢ် စံးလီၤ၀ဲဒၣ်ဖဲ လါဖ့ၤဘြူၤအါရံၤ ၂၀သီအနံၤန့ၣ်လီၤႉ ၂၀၀၈ တၢ်ဘျၢခိၣ်သ့ၣ်အံၤ တၢ်ကဘှီဘၣ်က့ၤအဂီၢ် ကလုာ်ဒံၣ်မိၣ်ကရ့ၣ်စံၣ်ကရၢစိ (NLD)အံၤ ဖဲအပူၤကွံာ်လါယနူၤအါရံၤ၂၉သီအနံၤန့ၣ် ပာ်ဖျါထီၣ်၀ဲလၢကီၢ်စၢဖှိၣ်ဘျီၣ်ဒိၣ်အပူၤဒီး ဖဲလါဖ့ၤဘြူၤအါရံၤ ၆သီအနံၤန့ၣ် တၢ်ပာ်ဖျါအ၀ဲန့ၣ် တၢ်ဆၢတဲာ်ပာ်ဂၢၢ်ပာ်ကျၢၤက့ၤ၀ဲန့ၣ်လီၤႉ...
ဒ်သိးၦၤသးစၢ်သ့ၣ်တဖၣ် ဖီၣ်လိာ်စုကဂ့ၤထီၣ်အဂီၢ် တၢ်ဒုးအိၣ်ထီၣ်၀ဲ ဘံလ့ကီၢ်ဆၣ် ကညီသးစၢ်ဘျးစဲ
လါဖ့ၤဘြူၤအါရံၤ ၂၄ သီ၊ ၂၀၁၉ နံၣ်။ နါ၀့ၤဖၠိစၣ် ဖဲတလၢၤကီၢ်စဲၣ်၊ ဘံလ့ကီၢ်ဆၣ်အပူၤ ကညီကလုာ်သးစၢ်သ့ၣ်တဖၣ် ဒ်သိးဟူးဂဲၤမၤတၢ်လၢ ကလုာ်ဂ့ၢ်၀ီတၢ်ဖံးတၢ် မၤတဖၣ် ဖီၣ်လိာ်သးစုအဂ့ၤထီၣ်အဂီၢ် တၢ်ဒုးအိၣ်ထီၣ်၀ဲဘံလ့ကီၢ်ဆၣ် ကညီသးစၢ်ဘျးစဲတခါန့ၣ်လီၤႉ ကညီသးစၢ်ဘျးစဲ၀ဲန့ၣ် ဘၣ်တၢ်ဒုးအိၣ်ထီၣ်အီၤလၢ၀့ၢ်ဘံလ့၊ ဘိၣ်တ့ၣ်စၣ်က၀ီၤဒ့၊ စကဲပရံၣ်ယဲးတံၣ်သီခါဖၠၣ်အပူၤ ဖဲလါဖ့ၤဘြူၤအါရံၤ ၁၇သီ၊ တၢ်မၤ၀ဲဘံလ့ကီၢ်ဆၣ်သးစၢ်တၢ်ထံၣ်လိာ်တဲသကိး တၢတ၀ီတၢ်အိၣ်ဖှိၣ်အပူၤန့ၣ်လီၤႉ ၦၤဟူးဂဲၤမၤတၢ်လၢသးစၢ်သ့ၣ်တဖၣ်တၢ်ဘျးစဲကဂ့ၤထီၣ် ၦၤနဲၣ်တၢ်နီၢ်န့သစ့ၣ်မၠ့ၣ်စံး၀ဲလၢ “ဘံလ့ကီၢ် ဆၣ်သးစၢ်သ့ၣ်တဖၣ် ကဒဲကဒဲကရ့လိာ်သ့ၣ်ညါလိာ်အသး၊ ပၢၤဃာ်က့ၤကညီ တၢ်ဆဲးတၢ်လၤကန့ၢ်အဂီၢ် တကးဘၣ်လၢတၢ်မၤ၀ဲတၢ်ဂုၤထီၣ်ပသီထီၣ် တကပၤကနုာ်လီၤပၣ်ဃုာ်အဂီၢ် တၢ်ပညိၣ်အီၤဒီး တၢ်ဒုးအိၣ်ထီၣ်၀ဲန့ၣ်လီၤ”အဂ့ၢ် စံး၀ဲဒၣ်န့ၣ်လီၤႉ ဘံလ့ကညီသးစၢ်ဘျးစဲ၀ဲန့ၣ် တၢ်ဆဲးကျိးမူဒါခိၣ်ဒီး တၢ်မၤဆူညါသ့ၣ်တဖၣ်န့ၣ် အလီၢ်အိၣ်ဒံးလၢ တၢ်ကဆဲးဆီလီၤပာ်လီၤအီၤဒံးအဂ့ၢ် နီၢ်န့သစ့ၣ်မၠ့းတဲအါထီၣ်၀ဲလီၤႉ ဘံလ့ကီၢ်ဆၣ် ကညီသးစၢ်တၢ်ထံၣ်လိာ်ဘျီ၀ဲန့ၣ်(ခ့ၣ်အဲၣ်ယူၣ်) ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ် ခၢၣ်စးတဖၣ်၊ ဘံလ့ကီၢ်ဆၣ် ပဒိၣ်၀ဲၤကျိၤ၀ဲၤဒ့ ၦၤဘၣ်မူဘၣ်ဒါတဖၣ်၊ တလၢၤကီၢ်စဲၣ် ကညီသးစၢ်ကရၢ(KYO)၊ ကညီသးစၢ်ဘျးစဲကရူၢ်(KYN)ခၢၣ်စးတဖၣ် ဒီ ဘံလ့ကီၢ်ဆၣ် ကညီသူၣ်ဘီၣ်သးစၢ်သ့ၣ်တဖၣ်ခဲလၢာ် (၂၀၀)ဂၤဘျဲၣ်ဟဲထီၣ်၀ဲအဂ့ၢ်သ့ၣ်ညါဘၣ်လီၤႉ လၢတၢ်ထံၣ်လိာ်ဘျီ၀ဲန့ၣ်အပူၤ သးစၢ်လၢဟဲထီၣ်တဖၣ် ဒ်သိးဟူးဂဲၤမၤတၢ်လၢသးစၢ်ဂ့ၢ်၀ီကန့ၢ်တုၤလီၤတီၤလီၤ၊ ကဒဲကဒဲကဆဲးကျိးဆဲးကျၢလိာ်အသးဒီးမၤသကိးတၢ်တဖၣ်တၢ်တဲသကိးအီၤအမဲာ်ညါ၊ လၢတၢ်မုာ်တၢ်ခုၣ်တၢ်လဲၤကျဲၤအံၤအပူၤ လၢသးစၢ်တကပၤကနုာ်လီၤပၣ်ဃုာ်သ့ၣ်တဖၣ်တၢ်တဲသကိးအီၤန့ၣ်လီၤႉ လၢန့ၢ်အမဲာ်ညါ...
တၢ်ကအိးထီၣ်၀ဲပိာ်မုၣ်တၢ်ဆးစဲးတၢ်မၤလိ အဆိကတၢၢ်တဘျီဖဲ၀့ၢ်မအူၣ်ပ့ၣ်
လါဖ့ၤဘြူၤအါရံၤ ၂၇ သီႇ ၂၀၁၉နံၣ်ႇ နၣ်ဖီမွံၤရှၣ် ဒ်သိးကလုာ်ဒူၣ်ပိာ်မုၣ်ဖိသ့ၣ်တဖၣ် အတၢ်အိၣ်မူကလဲၤထီၣ်လဲၤထီအဂီၢ် တၢ်ပညိၣ်အီၤဒီး မအူၣ်ပ့ၣ်ကီၢ်ဆၣ်ႇ ကညီလံာ်လဲၢ်ဒီးတၢ်ဆဲးတၢ်လၤ ကမံးတံာ်တီခိၣ်ရိၣ်မဲ၀ဲဒီးကအိးထီၣ်န့ၢ်၀ဲ တၢ်ဆးစဲးတၢ်မၤလိလၢအယံာ်၀ဲ(၃)လါလၢတဘၣ်ဟ့ၣ်အလုၢ်အၦ့ၤဘၣ်န့ၣ်လီၤႉ တၢ်မၤလိအံၤ တၢ်ကအိးထီၣ်အီၤ ဖဲဧရၣ်၀တံၣ်ကီၢ်ခီဒိၣ်၊ မအူၣ်ပ့ၣ်ကီၢ်ဆၣ်၊ မဲၣ်ပ့ၣ် ပရံၣ်ယတံၣ် သီခါဖၠၣ်တၢ်သိၣ်လိလီၢ်အပူၤ ဖဲလါမးရှး (၆)သီအနံၤ တုၤလါယူၤ(၆)သီအနံၤလၢတၢ်ဟ့ၣ်လီၤသိၣ်လိအီၤလၢလံာ်ဒီးစုသ့ခီၣ်ဘၣ်န့ၣ်လီၤႉ မအူၣ်ပ့ၣ်ကီၢ်ဆၣ် ကညီလံာ်လဲၢ်ဒီးတၢ်ဆဲးတၢ်လၤကမံးတံာ်ၦၤပၢၤလီၢ်ဆ့ၣ်နီၤမါအီၣ်မ့နဲၣ်စံး၀ဲ“ကညီဖိ အနီၣ်ဂံၢ် အအါကတၢၢ်လီၤႉ ပယီၤသနာ်က့ပၣ် ဃုာ်လီၤႉ ၦၤဖိသၣ်တဖၣ်အံၤမ့ၢ်သ့မ့ၢ်ဘၣ်ထီၣ်သၦၢ်ကတၢၢ်ဒီး တၢ်မၤမ့ၢ်လဲၤအသးဘၣ်ဘျိးဘၣ်ဒါန့ၣ် ကကဲထီၣ်တၢ်သးမုာ်လီၤႇပပညိၣ်ဒ်သိးပၦၤကညီကလုာ်ကမၤန့ၢ်တၢ်မၤအကျိၤအကွာ်အဂီၢ်န့ၣ်လီၤႉ”အဂ့ၢ် စံး၀ဲန့ၣ်လီၤႉ တၢ်သိၣ်လိ၀ဲန့ၣ်အဂီၢ် ၦၤကဟဲထီၣ် တၢ်သိၣ်လိတဖၣ်အမံၤ စရီတၢ်ပာ်ပနီၣ်အီၤ အစဲၤခံကတၢၢ်ဖ့ၤဘြူၤအါရံၤ (၂၆)သီဒီးဒ်ၦၤဟဲဆှၢထီၣ်မံၤသ့ၣ်တဖၣ်အသိး တၢ်ပာ်ဂၢၢ်ပာ်ကျၢၤအီၤလၢၦၤကထီၣ်တၢ်မၤလိပိာ်မုၣ်(၆၂)ဂၤအဂ့ၢ် တၢ်သိၣ်လိၦၤဘၣ်မူဘၣ်ဒါတဖၣ်တဲ၀ဲန့ၣ်လီၤႉ တၢ်ဆးစဲးတၢ်သိၣ်လိအဂီၢ် သရၣ်မုၣ်(၅)ဂၤ ကဟ့ၣ်လီၤတၢ်သိၣ်လိဒီး တၢ်သိၣ်လိ တၢ်ဆၢတီၢ်ဂီၤတခီန့ၣ် စးထီၣ်ဖဲ ခီ(၈) နၣ်ရံၣ်တုၤဟါခီ(၄)နၣ်ရံၣ်တခီႇတနွံအတီၢ်ပူၤ(၆)သီႇတၢ်ကဟ့ၣ်လီၤ၀ဲတၢ်သိၣ်လိစးထီၣ်လၢအခီၣ်တဃာ်တဆီဘၣ်တဆီတုၤအသ့ထီၣ်တစုန့ၣ်လီၤႉ
ပၢၤဃာ်ကျၢၤကညီထူရူၢ်ဆဲးလၤ လၢတၢ်မၤလိတီၤဒၢးအပူၤ
တံနိ(သ၀ီတါ) ဖိသၣ်နီၢ်ဆံးသးစၢ်ခဲအံၤတဖၣ်ဒိၣ်ထီၣ်ဘၣ်၀ဲလၢစိၤတၢ်လဲၤထီၣ်လဲၤထီခ့ခါဆၢကတီၢ်အဃိတၢ်ဆၢကတီၢ်မ့ၢ်ချုးဒီးတၢ်မ့ၢ်ကၢၣ်အသးန့ၣ်သူလၢာ်ကွံာ်၀ဲအတၢ်ဆၢကတီၢ်တဖၣ်လၢတၢ်ကွၢ်ကွဲၤဟူဖျါတၢ်ရဲၣ်တၢ်ကျဲၤကွၢ်တၢ်ဂီၤမူလၢနီၢ်ကစၢ်ဟံၣ်ပူၤဂဲၤလိာ်ကွဲခီၣ်ဖၠူထၢၣ်တၢ်လိာ်ကွဲ( TV Game )န့ၣ်လီၤႉမ့တမ့ၢ်ဘၣ်တခီမိပါဟးလိာ်ကွဲက့ၤအ၀ဲသ့ၣ်ဆူတၢ်ဟးကသုၣ်အလီၢ်လၢအမ့ၢ်၀ဲဆၣ်ဖိကီၢ်ဖိကရၢၢ် ကမျၢၢ်တၢ်အိၣ်ကသုၣ်ဖိကရၢၢ်ဖိသၣ်တၢ်လိာ်ကွဲကရၢၢ်ဒီးဆူတၢ်လီၢ်ဒ်န့ၣ်တဖၣ်လီၤႉ တၢ်န့ၣ်မ့ၢ်တၢ်ဂ့ၤဒိၣ်မးလၢဖိသၣ်နီၢ်ဆံးတဖၣ်ကမၤအါထီၣ်ဘၣ်အတၢ်သ့ၣ်ညါနၢ်ပၢၢ်ဒီးခိၣ်နူာ်အတၢ်ဂုၤထီၣ်ပသီထီၣ်အဂီၢ်န့ၣ်လီၤႉဘၣ်ဆၣ် ဒ်န့ဆၢၣ်တၢ်ဘၣ်ထွဲအဖီခိၣ်တၢ်ဂ့ၤအိၣ်ဒီးတၢ်အၢအိၣ်၀ဲအသိးတၢ်လဲၤထီၣ်လဲၤထီအိၣ်ဒီးတၢ်ဆံးလီၤစှၤလီၤအိၣ်၀ဲစ့ၢ်ကိးလီၤႉဒ်စိၤခ့ခါစဲးဖီကဟၣ်တၢ်လဲၤထီၣ်လဲၤထီအတၢ်ပီးတၢ်လီဒီးစဲအ့ၣ်ပတီၢ်ထီတၢ်ကူၣ်သ့တၢ်မၤလိတဖၣ်မၤလဲၤထီၣ်လဲၤထီတဖၣ်အံၤမၤဆံးလီၤစှၤလီၤမၤဟါမၢ်ကွံာ်၀ဲၦၤတကလုာ်အတၢ်ဆဲးတၢ်လၤ အထူသနူလီၢ်လံၤဃံလၤတဖၣ်အိၣ်အါမးလၢဖံဖုမိၢ်ပၢ်လၢညါတစိၤဟ့ၣ်သါတ့ၢ်ၦၤန့ၣ်လီၤႉ လၢပနီၢ်ဆံးခါတစိၤန့ၣ်ကွဲၤဟူဖျါလၢပကကွၢ်အီၤခီၣ်ဖၠူထၢၣ်တၢ်ဂဲၤလၢပကလိာ်ကွဲအီၤဒ်အံၤန့ၣ်တအိၣ်ဒံးဘၣ်ႉလၢတၢ်န့ၣ်တဖၣ်အလီၢ်မုၢ်မ့ၢ်ဟါလါမ့ၢ်ကပီၤလီၤအဆၢကတီၢ် ပ၀ဲဖိသၣ်တဖၣ်ပမံနီၤဖှိၣ်၀းတရံးလၢပဖံပဖုအကပၤ မ့တမ့ၢ်လၢပမိပါပုၢ်၀ဲၢ်ကပၤ ပမၢအ၀ဲသ့ၣ်တဲန့ၢ်ၦၤတၢ်လၢပျၢၤပူဖိတဖၣ်တယုၢ်၀ံၤတယုၢ်ပကနၣ်အီၤဘျဲတသ့နီတဘျီဘၣ်ႉတၢ်တဲပူလၢအ၀ဲသ့ၣ်တဲန့ၢ်ၦၤတဖၣ်မ့ၢ်၀ဲမုၣ်လၢၤကၢၤအပူ စီၤပၤညၣ်ပဲာ်၀ါအပူ အံၣ်မီလ့ဒီးထီပျီာ်ဖီ ခုၣ်နီၣ်လ့ဒီးနီၢ်မုၣ်အ့ မုၣ်ယဲၤဖဲ ဖါဃၢၣ်ဃးအပူ နီၢ်အ့ၣ်မၢၤအပူ မီၢ်သြီာ်နိာ်ဒီးနီၢ်ခၣ်ရံး တနၢ်တူၢ်စီလဲၤဒုးသုးႉႉႉဒီးပူအဂၤတဖၣ်အိၣ်၀ဲအါမးလီၤႉပူလၢပျၢၤသ့ၣ်တဖၣ်အံၤဟ့ၣ်ပလီၢ်ၦၤလၢတၢ်ဆီဟံၣ်ဆီဃီအဂ့ၢ် ဟ့ၣ်ဒုးဆူၣ်ထီၣ်တၢ်အဲၣ်ပၦၤကလုာ်သးသဟီၣ် ပကသ့ကဟုကယာ်က့ၤပၦၤကလုာ်လၢကျဲဒ်လဲၣ်အတၢ်ဟ့ၣ်ပလီၢ် ပဒိးန့ၢ်ဘၣ်သးအတၢ်သ့ၣ်ညါအါမးခီဖျိပကညီပူလၢပျၢၤတဖၣ်အံၤအိၣ်န့ၣ်လီၤႉပ၀ဲဖိသၣ်နီၢ်ဆံးတဖၣ်အဂီၢ်ပူလၢပအဲၣ်ကတၢၢ်ဒီးပကနၣ်အီၤဘျဲတသ့နီတဘျီဘၣ်န့ၣ်မ့ၢ်၀ဲ ဆီဖိပဲအ့ၣ်နီလၢထံလူၤသၣ်အပူၤထံလူၤသၣ်သ့ၣ်ဖးဒီးတၢ်ဖိညီၤဘၣ်ဃ့ၢ်ကွံာ်အပူ ဒီးဖိၣ်ဃအပူထီရီၤတဖၣ်န့ၣ်လီၤႉ တၢ်ၦိၢ်ၦီၤန့ၣ်အိၣ်၀ဲခံကလုာ် တၢတကလုာ်န့ၣ်ပၦိၢ်ၦီၤအီၤဒ်တၢ်ကတိၤမုၢ်ဆ့ၣ်မုၢ်ဂီၤပတဲတၢ်အသိးဒီးတကလုာ်န့ၣ်ပၦိၢ်ၦီၤအီၤလၢထါအကျိာ်လီၤႉ၀ဲပအိၣ်လၢပၢၤထံးပတနၢၤထါဘၣ်အဃိပၦိၢ်ၦီၤန့ၢ်လိာ်သးတၢ်လၢတၢ်ကတိၤမုၢ်ဆ့ၣ်မုၢ်ဂီၤအကျိာ်လီၤႉတၢ်ၦိၢ်ၦီၤဒီးအစၢတနီၤလၢပနီၢ်ဆံးခါပမၤအီၤမ့ၢ်ဒ်အံၤ ႉၦိၤၦံၢ်ၦိၤၦီၢ် ပနၢ်မိၢ်ဃဲၤလီၤစုၣ်ထံ (ပၤဒိးအီၣ်ဘၢ) ႉၦိၤၦံၢ်ၦိၤၦီၢ် ကၠီးကၠ့ဒ့ဟးကွၢ်ဟုၣ်တၢ် (ဒုကလၤ) ႉၦိၤၦံၤၦိၤၦီၢ် လဲၤအခါနံၤဃဲးနံၤဃိ ဟဲက့ၤဒီးမဲာ်ထံမဲာ်နိ (ၦၤလဲၤ၀ဲအီၣ်ထံဒီးထံတၢၢ်) ႉၦိၤၦံၢ်ၦိၤၦီၢ် ဖုဒူကူသံးနံးကၢ်ချံး ၦၤမုၣ်ကနီၤဖိလီၤဒံး (ထးဂဲာ်ကူးဘု) ႉၦိၤၦံၢ်ၦိၤၦီၢ် တခုခိၣ်နီၢ်တခုခံနီၢ်၀ဲ (ၦၤခွီလုၣ်) ႉၦိၤၦံၢ်ၦိၤၦီၢ် နံၣ်ဘၣ်ယိၤဖိလီၤတ့ဃိၣ် (တၢ်စူၤလီၤသီထိးကလဲာ်အ၀ဲ) ႉၦိၤၦံၢ်ၦိၤၦီၢ် တလဲထီၣ်အနံၣ်ထဲကွံာ်အဆူၣ် (အိးအီၣ်ဘုခ့သၣ်အဖံးထုးကွံာ်အဆူၣ်) ႉၦိၤၦံၢ်ၦိၤၦီၢ် ပယီၤ၀ံခိၣ်လီၤလာ်ကု (နါဒ့၊နါစ့ၤ) ႉၦိၤၦံၢ်ၦိၤၦီၢ် ဆီအိၣ်အိလၢကၢၢ်ကိာ်လာ် (ၦၤအ့ၣ်နီ) ႉၦိၤၦံၢ်ၦိၤၦီၢ် အဒၢးပူၤအိၣ်အကျဲစၢၤတအိၣ် (၀ၣ်အိပူၤ) ႉၦိၤၦံၢ်ၦိၤၦီၢ် အကျဲစၢၤအိၣ်အဒၢးပူၤတအိၣ် (ပသံး၊ထံဖှံၣ်) ႉၦိၤၦံၢ်ၦိၤၦီၢ် အဖိပယီၢ်ဒံးဒူးအမိပဖူလဲးဖူသူ (ဃီသွါဒီးဃီတၢၢ်) မ့မ့ၢ်ဖိသၣ်အိၣ်လၢကစၢၢ်ခံကလိလိၤတဖၣ်အမိၢ်အပၢ်မ့ၢ်ၦၤမၤလုၢ်အုၣ်ထါသ့အဃိအ၀ဲသ့ၣ်အါတက့ၢ်ပျိၢ်ၦီၤန့ၢ်လိာ်အသးလၢထါအကျိာ်လီၤႉအ၀ဲတဂၤသ့ကွၢ်အီၤလၢထါအကျိာ်ဒီးၦၤစံးဆၢတၢ်စ့ၢ်ကိးစံးဆံးက့ၤအီၤလၢထါအကျိာ်လီၤႉတၢ်ၦိၢ်ၦီၤလၢထါအကျိာ်တနီၤမ့ၢ်ဒ်အံၤ ၁ႉကပီၤတၤသူအီၣ်ယုၢ်လါ ဖးကွၢ်အခီမီၣ်တခွါ ...