ၦၤဘၣ်ကီဘၣ်ခဲဖိ ၅၀၀ ဂၤဘျဲၣ် ကက့ၤဆူ အထံအကီၢ်
လါဖ့ၤဘြူၤအါရံၤ ၂၂ သီ၊ ၂၀၁၉နံၣ်၊ စီၤလီဒူ ဒ် တၢ်က့ၤဆူအလီၢ်အကျဲလၢ နီၢ်ကစၢ်တၢ်ဘၣ်သး (Voluntary Repatriation Center-VRC)အတၢ်ရဲၣ် တၢ်ကျဲၤအသိး ဖဲတလါအံၤ လါဖ့ၤဘြူၤအါရံၤအတီၢ်ပူၤန့ၣ် ကီၢ်ကၠီၣ်တဲၣ်=ကီၢ်ပယီၤကီၢ်ဆၢ ၦၤဘၣ်ကီဘၣ်ခဲ ဒဲက၀ီၤတဖၣ်ပူၤ ၦၤဒဲက၀ီၤဖိ (၅၇၅)ဂၤ ကက့ၤလီၤ၀ဲဆူကီၢ်ပယီၤအပူၤန့ၣ်လီၤႉ ကီၢ်ကၠီၣ်တဲၣ်၊ ကီၢ်ပယီၤပဒိၣ်ဒီး (UNHCR) ၦၤဘၣ်မူဘၣ်ဒါတဖၣ် မၤသကိးတၢ်အဖီခိၣ် စးထီၣ် ဖဲတလါအံၤလါဖ့ၤဘြူၤအါရံၤ (၂၀) သီအနံၤ၊ မဲၢ်လးဘၣ်ကီဘၣ်ခဲဒဲက၀ီၤအပူၤ ၦၤနီၣ်ဂံၢ်(၁၃၃)ဂၤ၊ ဖဲလါဖ့ၤဘြူၤအါရံၤ (၂၁)သီအနံၤန့ၣ် အူးပၠၣ် ဘၣ်ကီဘၣ်ခဲဒဲက၀ီၤအပူၤ ၦၤနီၣ်ဂံၢ်(၂၀၁)ဂၤ၊ ဒီးဒဲက၀ီၤအဂၤ ဒ်အမ့ၢ်နိၣ်ဖိ(၁၃၇)ဂၤ၊ ဘါဒိၣ်ယါ(၄၅)ဂၤ၊ ဘးမဲၣ်နဲစဲၣ် (ကရ့ၣ်နံၣ်ဘၣ်ကီဘၣ်ခဲဒဲက၀ီၤ) ၅၉ ဂၤခဲလၢာ်(၅၇၅)ဂၤ ကပိာ်ထွဲဒီးက့ၤအခံအဂ့ၢ်န့ၣ် ဒဲက၀ီၤၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ ကညီဘၣ်ကီဘၣ်ခဲကမံးတံာ် (KRC) နဲၣ်ရွဲၣ်သရၣ်စီၤၦဲၤစ့စံး၀ဲ “ဘၣ်ဃးဒဲက၀ီၤဖိသ့ၣ်တဖၣ် တၢ်က့ၤဆီလီၤ သး (Voluntary Repatriation Center-VRC)အံၤန့ၣ်(KRC)အကျါပပၣ်ဃုာ်ခံဂၤ၊ အ၀ဲသ့ၣ်တၢၣ်ပီၣ်တဲ သကိးဒီးဟ့ၣ်၀ဲၦၤကက့ၤလီၤအနီၣ်ဂံၢ်စရီလီၤႉ ဒီးအ၀ဲသ့ၣ်န့ၣ်တဲသကိးတၢ်ဒီး ကီၢ်ကၠီၣ်တဲၣ်ပဒိၣ်၊ ကီၢ်ပယီၤပဒိၣ် တတီၤတတီၤဒီး တုၤတၢ်ဆၢကတီၢ်ဘၣ်ဒီး ပာ်ဂၢၢ်ပာ်ကျၢၤၦၤကက့ၤလီၤအစရီဒီးတဲပၠးၦၤႉ”အဂ့ၢ်...
ကၠီၣ်တဲၣ်ကီၢ်ဆၢ ဘၣ်ကီဘၣ်ခဲဒဲက၀ီၤအပူၤ တၢ်ကသူအါထီၣ်(Food Card )
လါဖ့ၤဘြူၤအါရံၤ ၂၀ သီ၊ ၂၀၁၉ နံၣ်။ စးအဲၣ်ဆူ ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဘၣ်ကီဘၣ်ခဲ ဒဲက၀ီၤသ့ၣ်တဖၣ်အပူၤ (The Border Consortium-TBC )လၢအဆီၣ်ထဲမွၤစၢၤ ဒဲက၀ီၤဖိသ့ၣ်တဖၣ် ဖဲတလါအံၤအတီၢ်ပူၤ သုးကျဲၤ၀ဲ လၢကစူးကါအါထီၣ် (Food card ခးက့) အဂ့ၢ်န့ၣ် ဒဲက၀ီၤ ဘၣ်မူဘၣ်ဒါတဖၣ်တဲ၀ဲန့ၣ်လီၤႉ ဖဲအပူၤကွံာ် ၂၀၁၆နံၣ်၊ လါယူၤလံန့ၣ် (TBC) စးထီၣ်သူကွၢ်၀ဲ ( Food card ခးက့) အံၤလၢ ဒဲက၀ီၤ ၂ဘ့ၣ် လၢအမ့ၢ် နိၣ်ဖိဒီး ထါမ်ဟ့ၣ်ဒဲက၀ီၤခံဘ့ၣ်အပူၤလီၤႉ စးထီၣ်က့ၤ တနံၣ်အံၤလါဖ့ၤဘြူၤအါရံၤအပူၤ ဒဲက၀ီၤလၢအအိၣ်တ့ၢ် တဖၣ်န့ၣ် ကသူအါထီၣ်၀ဲအဂ့ၢ် ကညီဘၣ်ကီဘၣ်ခဲကမံးတံာ်=( KRC)ၦၤပၢၤလီၢ်ဆ့ၣ်နီၤ စီၤရီပၠဘၢးထွ့တဲဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ အ၀ဲစံး၀ဲ “အခဲအံၤ (Food card)အံၤ ဒဲက၀ီၤလၢအိၣ်တ့ၢ်တဖၣ်တၢ်ရဲၣ်ကျဲၤမၤအီၤလံႉ ခဲအံၤန့ၣ်နိၣ်ဖိ၊ ထါမ်ဟ့ၣ်၊ ဘါဒိၣ်ယါဒဲက၀ီၤသ့ၣ်တဖၣ်၀ံၤလံ၊ တနံၤအံၤန့ၣ် တၢ်လဲၤလီၤလၢအူးပၠၣ်ဒီးတဲပၠးဘၣ်ဃး( Food card)တၢ်ဂ့ၢ်တၢ်ကျိၤတဖၣ်လံႉ လၢခံတလါတၢ်ကလဲၤစိာ်၀ဲစဲးဖီကဟၣ်တဖၣ်န့ၣ်လီၤႉ ဒဲက၀ီၤလၢအိၣ်တ့ၢ်တဖၣ်တလါအံၤတၢ်ကဟ့ၣ်တၢ်သ့ၣ်ညါနၢ်ပၢၢ်တဖၣ်န့ၣ်လီၤႉ ”အဂ့ၢ် တဲ၀ဲလီၤႉ ကညီဘၣ်ကီဘၣ်ခဲ...
တၢ်ပတုာ်တၢ်ခးဟီၣ်က၀ီၤ မိၢ်ဒၢဒီး (၂)နံၣ်ဆူအဖီလာ် ဖိသၣ်ဆံးတဖၣ် ဒိးန့ၢ်ကီၢ်ပဒိၣ် တၢ်ဆီၣ်ထွဲ
လါဖ့ၤဘြူၤအါရံၤ ၁၈ သီ၊ ၂၀၁၉ နံၣ်။ နၣ်ဖီမွံၤရှၤ ကညီကီၢ်စဲၣ်အပူၤ ဖီၣ်စုက၀ဲၤ ကရူၢ်လၢအဆဲးလီၤဃာ်တၢ်ပတုာ်တၢ်ခးသ့ၣ်တဖၣ် အအိၣ်ဆီလီၤအသးတၢ်လီၢ် ဟီၣ်က၀ီၤ၊ တၢ်လီၢ်လၢအစီၤစုၤဒီးခူခိၣ်၀့ၢ်ပူၤတဖၣ်အပူၤ မိၢ်ဒၢ်တဖၣ်ဒီး ၂နံၣ်ဆူအဖီလာ် ဖိသၣ်ဆံးတဖၣ်အဂီၢ် ထံကီၢ်ပဒိၣ် ဟ့ၣ်လီၤ၀ဲ စ့တၢ်မၤစၢၤဆူ ကညီဆူၣ်ချ့မၤစၢၤ၀ဲၤကျိၤ KDHW အအိၣ်တဆီန့ၣ်လီၤႉ မိၢ်ဒၢဒီးဖိသၣ်ဆံးသ့ၣ်တဖၣ် ဒ်သိးကလၢၦဲၤဒီး တၢ်ဂံၢ်တၢ်ဘါအဂီၢ် ပညိၣ်ဃာ်၀ဲဒီး ကညီကီၢ်စဲၣ်၊ ပယီၤကလုာ် ဒူၣ်ဂ့ၢ်၀ီကိတိာ် အူတ့ၤစၣ်ထိလဲၣ်ထွ့ဟ့ၣ်လီၤ၀ဲဒၣ်ဆူ မိၢ်ဒၢ(၂၈၀)ဂၤ၊ (၂)နံၣ်ဆူအဖီလာ် ဖိသၣ်ဆံး (၉၁)ဂၤ ခဲ လၢာ်(၃၇၁)ဂၤအံၤ လၢစ့ပယီၤ(၁၄,၂၅၀,၀၀၀)ကၠး ဖဲလါဖြ့ၤဘြူၤအါရံၤ ၇သီအနံၤ လၢ၀့ၢ်ဖၣ်အၣ်၊ ကမီၣ်ကစ့ၣ် သ၀ီသီ(KDHW)အရူန့ၣ်လီၤႉ ကညီဆူၣ်ချ့မၤစၢၤ၀ဲၤကျိၤၦၤနဲၣ်တၢ်စၢၤစီၤဟဲနရံၣ်ထိစံး၀ဲလၢ“ပကဆဲးကျိးဒီး ကမျၢၢ်လၢပဟ့ၣ်တ့ၢ်ဃာ်တၢ်သိၣ် လိ၀ံၤတဖၣ်ဒီး ဆူၣ်ချ့ၦၤမၤတၢ်ဖိသ့ၣ်တဖၣ်၀ံၤဘျီ အ၀ဲသ့ၣ်ကက့ၤဟ့ၣ်လီၤတဆီန့ၣ်လီၤႉ ကတီၢ်အံၤလီၢ် က၀ီၤကမျၢၢ်လၢပဆဲးကျိးန့ၢ်တဖၣ် ပစးထီၣ်ဟ့ၣ်လီၤအ၀ဲသ့ၣ်လံႉ”အဂ့ၢ် စံးဘၣ်ခ့ၣ်အဲးစံၣ်န့ၣ်လီၤႉ တၢ်ဟ့ၣ်တၢ်ဆီၣ်ထဲမွၤစၢၤအ၀ဲအံၤ ကဘၣ်မ့ၢ်၀ဲ ဖိသၣ်လၢအိၣ်ဖျဲၣ်လီၤ ဖဲ ၂၀၁၈နံၣ်၊ လါအိးကထိ ဘၢၣ်(၁)သီ အလီၢ်ခံတဖၣ်ဒီးၦၤမိၢ်ဒၢတဖၣ်န့ၣ်လီၤႉ ကဟ့ၣ်လီၤ၀ဲ တလါန့ၣ်(၁,၅၀၀)ကၠးဒီး လၢ ၃လါတဘျီန့ၣ်လီၤႉ မိၢ်ဒၢဒီး...
၂၀၂၀ နံၣ်တၢ်ဃုထၢအပူၤ ကညီဖိတဖၣ် ကအိၣ်ဃူအိၣ်ဖိးအဂီၢ် (ခ့ၣ်အဲၣ်ယူၣ်) သဆၣ်ထီၣ်
ဖ့ၤဘြူၤအါရံၤ ၁၇ သီ၊ ၂၀၁၉ နံၣ်။ နါဖီမွံၤရှါ ကညီကလုာ်ဂ့ၢ်၀ီတၢ်ဂ့ၢ်တၢ်ကျိၤသ့ၣ်တဖၣ် ဒ်သိးတၢ်တဲသကိးအီၤလၢဘျီၣ်ဒိၣ်အပူၤကန့ၢ်အဂီၢ် နံၣ်လၢကဟဲ ၂၀၂၀ တၢ်ဃုထၢအပူၤ ကညီဖိတဖၣ် ကအိၣ်ဃူအိၣ်ဖိး၀ဲအဂီၢ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ လီၢ်ခၢၣ်သးကမံးတံာ် ပဒိၣ်စီၤတီနံ သဆၣ်ထီၣ်အခံ ဖဲတၢ်မၤလၤကပီၤ ကညီဒီကလုာ်အမုၢ်နံၤ ၦဲၤ ၇၁နံၣ် ဖဲ ဧရၣ်၀တံၣ်ကီၢ်ခီဒိၣ်၊ ၀့ၢ်မၠီမၠးတၢ်ရဲၣ်တၢ်ကျဲၤအပူၤန့ၣ်လီၤႉ ဖဲလါဖ့ၤဘြူၤအါရံၤ ၁၁သီ၊ တၢ်မၤလၤကပီၤ၀ဲကညီဒီကလုာ်မုၢ်နံၤတၢ်ရဲၣ်တၢ်ကျဲၤ ဖဲမၠီမၠးကီၢ်ဆၣ်၊ မံသွ့ခၠီသ၀ီကရူၢ်၊ စခဲကၠံသ၀ီအပူၤအံၤန့ၣ် (ခ့ၣ်အဲၣ်ယူၣ်)လီၢ်ခၢၣ်သးထီဘိကမံးတံာ်ပဒိၣ်စီၤတီနံ ကတိၤဟ့ၣ်ဒုးသ့ၣ်ညါ၀ဲ ဘၣ်ဃး တကီၢ်ခါကီၢ်ဒီတဘ့ၣ်တၢ်ပတုာ်တၢ်ခးအလံာ်ဃံးဃာ်(အဲၣ်စံၣ်အ့ၣ်) ဒီး(ခ့ၣ်အဲၣ်ယူၣ်)တၢ်လဲၤကျဲလၢတၢ်မုာ်တၢ်ခုၣ်အဂ့ၢ်အကျိၤသ့ၣ်တဖၣ်အံၤအကတီၢ် အ၀ဲစံးလီၤ၀ဲဒၣ်ဒ်န့ၣ်န့ၣ်လီၤႉ “ဖဲ ၂၀၁၀, ၂၀၁၅ တၢ်ဃုထၢအပူၤ ပမၤတ့ၢ်မတၤလဲၣ်န့ၣ် ပကသ့ၣ်ညါလီၤႉ မ့မ့ၢ်လၢ ၂၀၂၀အံၤန့ၣ် (ခ့ၣ်အဲၣ်ယူၣ်)တကပၤဆၢထံၣ်ကညီဖိတဖၣ်လၢ ကမၤ၀ဲ ကညီဖိတၢ်မၤန့ၣ်လီၤႉ ၂၀၂၀ မ့ၢ်တုၤန့ၣ် ပခိၣ်ပနၢ်သ့ၣ် တဖၣ် ဆ့ၣ်နီၤလၢဘျီၣ်ဒိၣ်ပူၤကန့ၢ်အဂီၢ်၊ ကစံးကတိၤဘၣ် ကညီဂ့ၢ်၀ီသ့ၣ်တဖၣ်ကန့ၢ်အဂီၢ် ကညီဖိကိးဂၤဒဲကဘၣ်အိၣ်ဒီးတၢ်ဃူတၢ်ဖိးန့ၣ်လီၤႉ”အဂ့ၢ် ပဒိၣ်စီၤတီနံစံး၀ဲန့ၣ်လီၤႉ ဖဲအပူၤကွံာ်၂၀၁၅ နံၣ်တၢ်ဃုထၢအပူၤ ကညီထံရူၢ်ကီၢ်သဲးပၣ်တံၣ်လၢ အသူၣ်လီၤအသး ဖဲကညီကီၢ်စဲၣ်အပူၤ...
ကလုာ်ဒူၣ်တၢ်စံၣ်စိၤတဲစိၤဒီးကရ့ၣ်နံၣ်သးစၢ်တဖၣ် တၢ်ဃ့ထီၣ်တဖၣ် တၢ်ကပာ်ကဲအီၤအဂီၢ် (KWO) ဃ့ထီၣ်
လါဖ့ၤဘြူၤအါရံၤ ၁၈ သီ၊ ၂၀၁၉ နံၣ်၊ စးအဲၣ်ဆူ ကရ့ၣ်နံၣ်သးစၢ်တၢ်ဃ့ထီၣ်လၢတၢ်ကထုးကွံာ်သုးခိၣ်ကျၢၢ်အီၣ်ဆါတၢ်ဂီၤစိးပျၤအံၤအဖီခိၣ် ကီၢ်ပဒိၣ်တကပၤ ကပာ်ပနီၣ် ပာ်ကဲ၀ဲ ကလုာ်ဒူၣ်တဖၣ် အတၢ်စံၣ်စိၤတဲစိၤဒီး သးစၢ်တဖၣ် တၢ်ဃ့ထီၣ်လၢတၢ်မုာ်တၢ်ခုၣ်အံၤအဂ့ၢ် ကညီပိာ်မုာ်ကရၢ(KWO) ထုးထီၣ်၀ဲလံာ်တၢ်ပာ်ဖျါတဘ့ၣ် ဖဲလါဖ့ၤဘြူၤအါရံၤ ၁၂သီအနံၤန့ၣ်လီၤႉ ကတီၢ်အံၤ ကလုာ်ဒံၣ်မိၣ်ကရ့ၣ်စံၣ်ကရၢစိ (NLD) ပဒိၣ်ဒီး ထံလီၢ်ကီၢ်ပူၤ၀ဲၤကျိၤ အဖီလာ် ပၢၤကီၢ်သ့ၣ်တဖၣ် မ့ၢ်ပာ်လုၢ်ပာ်ၦ့ၤ ပာ်ပနီၣ်၀ဲ ကလုာ်ဒူၣ်တဖၣ် အဘၢၣ်စၢၤ တၢ်အိၣ်လီၤလိာ်အသးတဖၣ်ဒီး တၢ်လၢအအိၣ်တ့ၢ်ပာ်စၢၤသ့ၣ်တဖၣ်မး ထံလီၢ်ကီၢ်ပူၤ တၢ်မုာ်တၢ်ခုၣ်လၢအမ့ၢ်အတီ ကအိၣ်ထီၣ်၀ဲအဂ့ၢ်န့ၣ် (KWO) စံး၀ဲန့ၣ်လီၤႉ (KWO)အနဲၣ်ရွဲၣ် နီၢ်ကညီဖီစံး၀ဲလၢ“ကရ့ၣ်နံၣ်သးစၢ်တဖၣ်တၢ်ဃ့ထီၣ်အံၤကြၢးကဲထီၣ်သးန့ၣ်လီၤႉ ကီၢ်ပဒိၣ် ဒီး ကလုာ်ဒူၣ်တဖၣ် ကဘၣ်သူၣ်ထီၣ်တၢ်နၢ်ပၢၢ်ကတီၢ် တၢ်သ့ၣ်တဖၣ်တကြၢးကဲထီၣ်ဘၣ်ႉ ကထုးလီၤကွံာ်တၢ်ဂီၤ စိးပျၤအံၤမးတကးဘၣ်ႉ ဘၣ်ဆိကမိၣ်၀ဲကလုာ်ဒူၣ်သ့ၣ်တဖၣ်တၢ်မိၣ်န့ၢ်သးလီ၀ံၤမး ကဘၣ်မၤဂ့ၤထီၣ် တၢ်ပာ်ဖှိၣ်မၤသကိးတၢ်ဒီး ကလုာ်ဒူၣ်တဖၣ်န့ၣ်လီၤႉ”အဂ့ၢ် စံးဘၣ်ခ့ၣ်အဲးစံၣ်=ကညီတၢ်ကစီၣ်န့ၣ်လီၤႉ တကီၢ်ခါ ကီၢ်ပဒိၣ်အံၤ တသ့ၣ်ညါ မၤသကိးတၢ်ဒီး ကလုာ်ဒူၣ်သ့ၣ်တဖၣ်ဘၣ်အမဲာ်ညါ က့ၤမၤဘူးလိာ်က့ၤအသးဒီးသုးမီၤစိရိၤအဃိ တၢ်လီၤဖးယံာ်လိာ်အသးဒီး ကမျၢၢ်သ့ၣ်တဖၣ် အဖီခိၣ် လၢတၢ်ကက့ၤသူၣ်ထီၣ်က့ၤထံကီၢ်ဖဲၣ်ဒရၢၣ်လၢအမ့ၢ်အတီအဂီၢ်န့ၣ် ကဲထီၣ်၀ဲတၢ်တၤတၢ်သ့ၣ်တဖၣ်သ့အဂ့ၢ် နီၢ်ကညီဖီစံးအါထီၣ်၀ဲန့ၣ်လီၤႉ ခီဖျိတၢ်ဟဲပာ်လီၤသုးခိၣ်ကျၢၢ်အီၣ်ဆါတၢ်ဂီၤစိးပျၤအဖီခိၣ်...
တၢ်ကတိၤတၢ်မုာ်တၢ်ခုၣ်လၢ အဖိးသဲစး ကစးထီၣ်က့ၤအဂီၢ်ဂံၢ်ခီၣ်ထံးကရၢတဖၣ် ကဂုာ်ကျဲးစၢး
ဖ့ၤဘြူၤအါရံၤ ၁၁ သီ၊ ၂၀၁၉ နံၣ်။ စီၤထိလ့ တကီၢ်ခါ ကီၢ်ပယီၤ တၢ်မုာ်တၢ်ခုၣ်တၢ်လဲၤကျဲအံၤ တၢ်ကတိၤတၢ်မုာ်တၢ်ခုၣ် လၢအဖိးသဲစး ကစးထီၣ်က့ၤအသးအဂီၢ် ဂံၢ်ခီၣ်ထံး တၢ်ကရၢကရိတဖၣ် ကဂုာ်ကျဲးစၢး၀ဲအဂ့ၢ် ဖဲဖ့ၤဘြူၤအါရံၤ ၇သီအနံၤ ဂံၢ်ခီၣ်ထံးတၢ်ကရၢကရိတဖၣ် မၤ၀ဲ ၂၁ ဘျီတဘျီ တၢ်အိၣ် ဖှိၣ် (Forum) လၢ၀့ၢ်တကူၣ်၊ ပစိၣ်တီၣ်ကီၢ်ဆၣ်၊ (Orchid)ဟိးအကတီၢ် တၢ်အိၣ်ဖှိၣ်ၦၤကတိၤတၢ်ပၢ အူသွ့ၣ်လ့အီၣ်စံး၀ဲန့ၣ်လီၤႉ အ၀ဲစံး၀ဲလၢ “ပ၀ဲပတၢ်ထံၣ်န့ၣ် မ့ၢ်ဒ်သိးပကမၤစၢၤ၀ဲတၢ်မုာ်တၢ်ခုၣ် တၢ်လဲၤကျဲအံၤလၢတုၤလီၤတီၤလီၤန့ၣ်လီၤႉ ခဲအံၤ တၢ်ပတုာ် ဃာ်၀ဲတၢ်တဲသကိးတၢ်မုာ်တၢ်ခုၣ်တၢ်လဲၤကျဲအံၤဒ်သိးတၢ်ကစးထီၣ်တဲသကိးအီၤလီၤႉ တၢ်ပညိၣ်အိၣ်စ့ၢ်ကီး လၢတၢ်က့ၤ စးထီၣ်က့ၤအီၤကန့ၢ်အဂီၢ်လီၤ”အဂ့ၢ် စံး၀ဲန့ၣ်လီၤႉ (၂၁) ဘျီတဘျီ ဂံၢ်ခီၣ်ထံးကရူၢ် တၢ်မုာ်တၢ်ခုၣ်တၢ်အိၣ်ဖှိၣ် လၢတၢ်မၤအီၤ ဖဲလါဖ့ၤဘြူၤအါရံၤ ၄သီ ၅သီအနံၤ လၢ၀့ၢ်တကူၣ်၊ ပဲၣ်ဒၣ်ဟိးထဲအံၤန့ၣ် ထုးထီၣ်ဘိးဘၣ်ရၤလီၤ၀ဲ တၢ်မုာ်တၢ်ခုၣ်အလံာ်ပရၢတဘ့ၣ်န့ၣ်လီၤႉ လံာ်ပရၢအ၀ဲန့ၣ်တၢ်ကဆှၢထီၣ်၀ဲ ဆူ NRPC -တၢ်က့ၤမၤဘၣ်ဂီၢ်ကလုာ်ဒီးတၢ်မုာ်တၢ်ခုၣ်လီၢ်ခၢၣ်သးၦၤပၢၤလီၢ်ဆ့ၣ်နီၤ ဒီၤအီၤဆါစူးကၠံၣ်ဒီး တၢ်ဒီသ ဒၢသုးရိၣ်မဲခိၣ်ကျၢၢ်၊ သုးခိၣ်ကျၢၢ်ဒိၣ်စိ မ့အီၣ်လဲၣ်အအိၣ်န့ၣ်လီၤႉ လၢန့ၢ်အမဲာ်ညါလံာ်ပရၢအ၀ဲန့ၣ် ကဆှၢဃီၤ၀ဲဆူ...
ကီးတရံး-အ့ၣ်ဒူၣ်ကျဲ တၢ်ကမၤစှၤလီၤ၀ဲတၢ်ထၢတိၤခိသွဲတဖၣ် တအိၣ်၀ဲအဂ့ၢ် ကီၢ်စဲၣ်ကိတိာ်စံး၀ဲ
ဖ့ၤဘြူၤအါရံၤ ၁၁ သီ၊ ၂၀၁၉ နံၣ်။ နါ၀့ၣ်ဖၠိစၣ် ကညီကီၢ်စဲၣ်အပူၤ အ့ၣ်ဒူၣ်-ကီးတရံးအဘၢၣ်စၢၤကျဲမုၢ်လၢတကီၢ်ခါ တၢ်ပတုာ်ဃာ်တၢ်ဘှီကျဲ တၢ်ဖံး တၢ်မၤအံၤ ကျဲဟးဂီၤနးနးကျံၤကျံၤဘၣ်ဆၣ် တၢ်ထၢ၀ဲကျဲ၊ တိၤတဖၣ်အခိအသွဲဒ်အလီၢ်လီၢ်အသိးဒီး တၢ်ကမၤစှၤလီၤတၢ်ထၢတၢ်ခိတၢ်သွဲအံၤအဂီၢ်န့ၣ် လၢနံၣ်၀ဲအံၤအပူၤတၢ်ရဲၣ်တၢ်ကျဲၤတအိၣ်ဒံးဘၣ်အဂ့ၢ် ကညီကီၢ်စဲၣ်ပဒိၣ်ကရူၢ်ကိတိာ်အူစီၤပၠံၤသၤစံး၀ဲန့ၣ်လီၤႉ ကတီၢ်အံၤ ကျဲတၢ်အိၣ်သးတဂ့ၤဒံးဘၣ်အဖီခိၣ် ၦၤလဲၤၦၤက့ၤတၢ်ဖိတဖၣ်အဂီၢ် တၢ်ကထၢစှၤလီၤ၀ဲ တၢ် ခိတၢ်သွဲ တၢ်ရဲၣ်တၢ်ကျဲၤအိၣ်တအိၣ်တၢ်ဂ့ၢ်န့ၣ် ဖဲလါဖ့ၤဘြူၤအါရံၤ ၇ သီအနံၤ ကညီကီၢ်စဲၣ်ဘျီၣ်ဒိၣ် (၉)ဘျီတဘျီ တၢ်အိၣ် ဖှိၣ်(၄)သီတသီအပူၤရၤမတံကီၢ်ဆၣ် တၢ်ဖးနီၣ်ဂံၢ် (၂)ကီၢ်စဲၣ်ဘျီၣ်ဒိၣ်ခၢၣ်စး အူသၣ်စ့ၣ်အီၣ် သံကွၢ်ထီၣ်၀ဲအဖီခိၣ် ကီၢ်စဲၣ်တၢ်ကွၢ်ထွဲကဟုကယာ်ခိၣ်ဃၢၤန့ဆၢၣ်၊ သ့ၣ်ၦၢ်၊ ဟီၣ်လာ် စၢၢ်ထးဒီး ကျဲမုၢ်ကျဲဘိ ကိတိာ်ခိၣ်ကျၢၢ် အူစီၤပၠံၤသၤ စံးဆၢက့ၤ၀ဲဒ်န့ၣ်န့ၣ်လီၤႉ “တၢ်ထၢ၀ဲကျဲ၊ တိၤခိသွဲအံၤ လၢတၢ်ကပာ်ပတုာ်တခီ တၢ်ရဲၣ်တၢ်ကျဲၤတအိၣ်ဒံးဘၣ်ႉ ဘၣ်မနုၤဃိ လဲၣ်န့ၣ် လၢ၂၀၁၈-၁၉ နံၣ်စ့တိာ်ပာ်အဂီၢ် တၢ်စူးကါ ကျဲအဘူးအလဲ၊ တၢ်ခိတၢ်သွဲတဖၣ်န့ၣ် ၦၤထၢတၢ်ခိတၢ်သွဲဖိတဖၣ် ဆှၢထီၣ်တ့ၢ်ဃာ်၀ဲ၀ံၤလံအဂ့ၢ်န့ၣ်လီၤႉ ကီးတရံးကျဲအံၤ ဖဲ ၂၀၁၉-၂၀၁၀နံၣ်န့ၣ် တၢ်တ့ထီၣ်အီၤ...
တၢ်ကဖီၣ်၀ဲ သိလ့ၣ် တၢ်ကစီၣ်အဃိ ကညီကီၢ်စဲၣ်အပူၤ တၢ်ဘၣ်ယိၣ်တၢ်ဟဲအါထီၣ်
ဖ့ၤဘြူၤအါရံၤ ၇ သီ၊ ၂၀၁၉ နံၣ်။ စီၤရှါ တၢ်ကစီၣ်ဟူထီၣ်သါလီၤ၀ဲဒၣ်လၢ ကညီကီၢ်စဲၣ်အပူၤန့ၣ် တၢ်ကဟးလူၤဖီၣ်၀ဲ သိလ့ၣ်ဒီး သိလ့ၣ် ယီၢ်(ဆဲးကဲး)တဖၣ် အဃိ ကမျၢၢ်တဖၣ် တၢ်ဘၣ်ယိၣ် ဒီး ပျံၤတၢ်ဖုးတၢ်တဖၣ် ဟဲအိၣ်အါထီၣ်၀ဲဒီး သဂၢၢ်ဘၣ်တၢ်ကီတၢ်ခဲလၢတၢ်လဲၤတၢ်က့ၤအဂီၢ် အဂ့ၢ်သ့ၣ်ညါဘၣ်လီၤႉ စးထီၣ်ဖဲ ဖဲလါယနူၤအါရံၤ ခံနွံတနွံ တုၤကတီၢ်အံၤတၢ်ကစီၣ်ဟူထီၣ်သါလီၤဒ်န့ၣ်အဖီခိၣ် တၢ်ကူလဲၢ်မၤကၤ တၢ်ဖံးတၢ်မၤဒီး တၢ်တၢ်လဲၤတၢ်က့ၤတဖၣ် သဂၢၢ်ဘၣ် တၢ်ကီတၢ်ခဲအါအါဂီၢ်ဂီၢ်အဂ့ၢ်န့ၣ် ကၠၤအ့ဆ့းကၠံ ကီၢ်ဆၣ်အပူၤ ကမျၢၢ်တဂၤလၢတအဲၣ်ဒိးပာ်ဖျါအမံၤ အံၤ စံးဘၣ် ခ့ၣ်အဲးစံၣ်-ကညီတၢ်ကစီၣ်ဖဲလါဖ့ၤဘြူၤအါရံၤ(၅)သီအနံၤ ဒ်အံၤန့ၣ်လီၤႉ “မ့ၢ်တၢ်ကစီၣ်ဟူထီၣ်သါလီၤဧါ၊ အနီၢ်ကီၢ်တခီဧါန့ၣ် တသ့ၣ်ညါလီၤတံၢ်ဘၣ်ႉ တၢ်စံး၀ဲလၢ ကတီၢ်အံၤလၢချၢၣ်၊ တကူၣ်တဲၣ်သ၀ီတကးဘၣ်၊ ကၠိၣ်ခ၀ဲၣ်၊ ဖါပြးသ၀ီသ့ၣ်တဖၣ်အပူၤ လူၤဖီၣ်၀ဲတုၤဟံၣ်ခီၣ်ထံးလီၤႉပ၀ဲနာ်က့ၤပဘၣ်သူ(စူးကါ)အီၣ်၀ဲသိလ့ၣ်တဖၣ်အံၤလီၤႉ ကတီၢ်အံၤပလဲၤတၢ်ဒီးသိလ့ၣ်လၢတကူၣ်တဲၣ်မးတဘူၣ်လၢၤဘၣ်ႉ”အဂ့ၢ် စံး၀ဲန့ၣ်လီၤႉ ကၠၤအ့ဆ့းကၠံကီၢ်ဆၣ်၊ ၀ီၢ်ရ့ၣ်ဟီၣ်က၀ီၤအံၤ အစဲဘူးလိာ်အသးဒီး ၀့ၢ်မူးဒိၣ် (အိၣ်လၢတလၢၤကီၢ်စဲၣ်အပူၤ) အဃိ ဘၣ်ဃးလၢမုၢ်ကျိၤ၀ဲၤကွာ်၊ တၢ်ကူၣ်ဘၣ်ကူၣ်သ့၊ တၢ်အိၣ်ဆူၣ်အိၣ်ချ့ လၢအမ့ၢ်တၢ်သ့ၣ်တဖၣ်အံၤ ဘၣ်လဲၤ၀ဲဒၣ်ဆူ မူးဒိၣ်၀့ၢ်လီၤအဃိ တၢ်ကစီၣ်ဟူထီၣ်သါလီၤဒ်အံၤအဖီခိၣ် တၢ်ဘၣ်ဒိဘၣ်ထံးအိၣ်၀ဲအါထီၣ်အဂ့ၢ်...
ထ့ကူာ်လါ ကညီနံၣ်ထီၣ်သီ ဘၣ်တၢ်မၤလၤကပီၤ ဒ်ညီနုၢ်အသိး
ဖ့ၤဘြူၤအါရံၤ ၆ သီ၊ ၂၀၁၉နံၣ်၊ စးအဲၣ်ဆူ ထံထၣ်စွ့ဟီၣ်က၀ီၤ ဧရၣ်၀တံၣ်ကီၢ်ခီဒိၣ်၊ ပါတနီၣ်၊ ၀ါခဲၣ်မး၊ မအူၣ်ပ့ၣ်၊ ညီၣ်တိ၊ ကီၢ်ဆၣ်သ့ၣ်တဖၣ် အပူၤ မၤလၤကပီၤ၀ဲ ကညီနံၣ်(၂၇၅၈)နံၣ်အဂီၢ် ကညီနံၣ်ထီၣ်သီ လၢအလီၤဘၣ်ဖဲ ထ့ကူာ်လါထီၣ် ၁သီ (ဖဲ ဖ့ၤဘြူၤအါရံၤ (၅)သီအနံၤ)အံၤ ဒ်တၢ်မၤလၤကပီၤညီနုၢ်အသိးန့ၣ်လီၤႉ သလ့ၤလါထီၣ်တသီအနံၤအံၤ ကီၢ်ပူၤ၊ ကီၢ်ချၢ ကညီဒီတကလုာ်ပာ်ပနီၣ်ဃာ်၀ဲ လၢကညီနံၣ်ထီၣ် သီမုၢ်နံၤ ဘၣ်ဆၣ် ဒ်ဖံဖုသ့ၣ်တဖၣ် ပာ်ပနီၣ်တ့ၢ်ဃာ်၀ဲ ကညီလံာ်နံၣ်လံာ်လါတၢ်မၤနီၣ် မၤဃါ အဂံၢ်ထံးအသိး တၢ်ဘၣ်မၤလၤကပီၤ၀ဲ ကညီနံၣ်ထီၣ်သီအမုၢ်နံၤ လၢမုၢ်နံၤ၀ဲန့ၣ်အဂ့ၢ် ၦၤတီခိၣ်ရိၣ်မဲ တၢ်တဖၣ်စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤႉ ပါတနီၣ်ကီၢ်ဆၣ်ၦၤတီခိၣ်ရိၣ်မဲကညီနံၣ်ထီၣ်သီအမူး ၦၤဘၣ်မူဘၣ်ဒါ မါထ့ၣ်၀့စ့ၣ်စံး၀ဲလၢ“ပ၀ဲကညီဖိ နံၣ်ထီၣ်သီလုၢ်လၢ်၊ ကညီနံၣ်၊ လါ၊ နံၤသီသ့ၣ်တဖၣ်အံၤ တၢ်ပာ်ပနီၣ်ဃာ်၀ဲ လၢကညီဖိသ့ၣ်တဖၣ် တၢ်ဖံးအီၣ်မၤအီၣ်၀ံၤကတီၢ်တၢ်ဟံးန့ၢ်အခီၣ်တဃာ်ဖဲန့ၣ်၀ံၤတၢ်ပာ်ပနီၣ်ဃာ်၀ဲလံာ်နံၣ်လံာ်လါန့ၣ်လီၤႉ ကညီလံာ်နံၣ်လံာ်လါအံၤလၢဖၣ်ပူၣ်(မုၢ်တြီၢ်)ကညီကစၢ်ခိၣ်မၤတ့ၢ်ဃာ်၀ဲလၢသ့ၣ်ဘၣ်လိၤန့ၣ်လီၤႉ လၢလံာ်စးခိတအိၣ်ဒံးဘၣ်ကတီၢ်ကညီလံာ်နံၣ်လံာ်လါအံၤအိၣ်ပာ်စၢၤဃာ်အသးန့ၣ်လီၤႉ ပဟံးန့ၢ်အခီၣ် တဃာ်ဖဲန့ၣ်ဒီးပမၤအီၤတုၤမုၢ်မဆါတနံၤအံၤန့ၣ်လီၤႉ” တၢ်မၤလၤကပီၤ၀ဲ ကညီနံၣ်ထီၣ် ဒ်လံာ်နံၣ်လံာ်လါဒ်အံၤ တမ့ၢ်၀ဲတၢ်မၤဟးဂီၤ ကညီခိၣ်နၢ် သ့ၣ်တဖၣ်အတၢ်ဂုာ်ကျဲးစၢးဘၣ်ဒီး မ့ၢ်၀ဲတၢ်မၤအီၤ ဒ်တၢ်ဃုသ့ၣ်ညါက့ၤကညီနံၣ်ထီၣ်သီအမ့ၢ်အတီ လၢ‘သရၣ်မိလိၣ်’အတၢ်ဃုသ့ၣ်ညါအဖီခိၣ်ဒီးမ့ၢ်၀ဲတၢ်ဟ့ၣ်ခီလီၤက့ၤတၢ်စံၣ်စိၤတဲစိၤဆူ...
About KIC
ကညီတၢ်ကစီၣ်၀ဲၤလီၢ် (KIC)အံၤ ဘၣ်တၢ်စးထီၣ်ဒုးအိၣ်ထီၣ်၀ဲ ဖဲ ၁၉၉၇ နံၣ်န့ၣ်လီၤႉ တၢ်ပညိၣ် ဒ်သိး တၢ်ကခီနီၤအါထီၣ်သကိး၀ဲ တၢ်ကစီၣ်တၢ်ဂ့ၢ်တၢ်ကျိၤ ၊ တၢ်သ့ၣ်ညါနၢ်ပၢၢ်တဖၣ်အဂီၢ် ဒီး အိၣ်ဆၢထၢၣ်သးလၢ ၦၤဟီၣ်ခိၣ်ဖိခွဲးယာ် ၊ ကလုာ်ဒူၣ်တဖၣ်အခွဲးအယာ် ၊ ဒံၣ်မိၣ်ကရ့ၣ်စံၣ်ဂ့ၢ်၀ီသ့ၣ်တဖၣ်အဖီခိၣ်ဒီး ထုးထီၣ်ရၤလီၤ၀ဲ “ကညီကလုာ်တၢ်ကစီၣ်” လၢ ပၣ်ဃုာ်၀ဲ ကျိာ်(၂)ကျိာ်လၢအမ့ၢ် ကညီကျိာ်ဒီး ပယီၤကျိာ်န့ၣ်လီၤႉ ဒီး စးထီၣ်လၢ ၂၀၀၄နံၣ်အံၤ ထုးထီၣ်ရၤလီၤ၀ဲဒီး “ကညီတၢ်ကစီၣ်၊ ကရင်သတင်းစဥ်”အမံၤအံၤ တုၤလၢ မုၢ်မဆါတနံၤအံၤန့ၣ်လီၤႉ KIC (ကညီတၢ်ကစီၣ်၀ဲၤလီၢ်ခိၣ်သ့ၣ်) ကညီတၢ်ကစီၣ်၀ဲၤလီၢ်သ့ၣ်(KIC)အံၤ မ့ၢ်၀ဲ တၢ်ကစီၣ်သန့လၢအသဘျ့တဖုန့ၣ်လီၤႉ တၢ်ထံၣ်စိတၢ် (Vision) ကသူၣ်ထီၣ်၀ဲ ၦၤဟီၣ်ခိၣ်ဖိတ၀ၢလၢ အအိၣ်လၢၦဲၤ၀ဲဒီး တၢ်သ့ၣ်ညါနၢ်ပၢၢ်၊ တၢ်ကူၣ်ဘၣ်ကူၣ်သ့လၢ အအိၣ်မုာ်အိၣ်ခုၣ် ဒီး အိၣ်ဒီး တၢ်ပာ်ကဲသကိးသး ယၢ်ခီယၢ်ခီလၢ ကညီကမျၢၢ်တဖၣ် အတၢ်ထံၣ်တၢ်ပာ်သးဒီး တၢ်ခွဲးတၢ်ယာ်သ့ၣ်တဖၣ်အဂီၢ်န့ၣ်လီၤႉ (Mission) - ဒ်သိး ကကဲထီၣ်၀ဲ တၢ်ကစီၣ်၀ဲၤ လီၢ်အသဘျ့လၢ အတီခိၣ်ရိၣ်မဲ မၤဖျါထီၣ်၀ဲ ကညီကမျၢၢ်အကလုၢ်ဒီး...