၂၀၁၈ နံၣ် ပဒိၣ်မါရှၣ် သးစၢ်ခိၣ်နၢ်ဖိ ခိၣ်ဖး (FBR) ကသံၣ်သရၣ် စီၤကၠိစဲးဒိးန့ၢ်
လါဖ့ၤဘြူၤအါရံၤ ၁ သီ၊ ၂၀၁၉ နံၣ်။ စီၤရှါ ဖါဖီၣ်ဒ့ရှၢၣ် ဟ့ၣ်လီၤ၀ဲ ၂၀၁၈နံၣ်အဂီၢ် ပဒိၣ်မါရှၣ်လါဖါ သးစၢ်ခိၣ်နၢ်ဖိခိၣ်ဖးအံၤ စီၤကၠိစဲး လၢအဟူးဂဲၤမၤ တၢ်လၢ(Free Burma Ranger-FBR)အံၤ ဒိးန့ၢ်ဘၣ်၀ဲအဂ့ၢ်န့ၣ် သ့ၣ်ညါဘၣ်လီၤႉ ခိၣ်ဖးအံၤန့ၣ်တၢ်ဟ့ၣ်လီၤအီၤ ဖဲလါယနူၤအါရံၤ၃၁သီ ဖဲမုၢ်တြီၢ်ကီၢ်ရ့ၣ်၊ သုးက့(၅)အပူၤ လၢတၢ်မၤလၤ ကပီၤ၀ဲကညီတၢ်ပၢၢ်ဆၢမုၢ်နံၤၦဲၤထီၣ် (၇၀)နံၣ်မူးတၢ်ရဲၣ်တၢ်ကျဲၤအပူၤန့ၣ်လီၤႉ စီၤကၠိးစဲး မ့ၢ်၀ဲ (Free Burma Ranger -FBR)ကသံၣ်သရၣ် တဂၤလၢအမၤစၢၤ၀ဲကမျၢၢ် သ့ၣ်တဖၣ်လၢကီၢ်ပယီၤအပူၤ ဒ်အမ့ၢ် ကညီ၊ ယိၤဒိၣ်၊ ကခၠ့ၣ်ကီၢ်စဲၣ်တကးဘၣ် ကီၢ်မုၢ်ထီၣ်ခၢၣ်သးအပူၤ ဒ်အမ့ၢ် စံရံယါ၊ အံၣ်ရၣ်ဒီးကၣ်ဒ့ၣ်စတဲၣ်ထံကီၢ်သ့ၣ်တဖၣ်အပူၤ ကမျၢၢ်သ့ၣ်တဖၣ်အဂီၢ် လၢတၢ်အိၣ်ဆူၣ်အိၣ်ချ့တကပၤအဃိ ဘၣ်တၢ်ဟ့ၣ်လီၤဟ့ၣ်ကပီၤ၀ဲ ခိၣ်ဖးအံၤလီၤအဂ့ၢ်န့ၣ် ဖါဖီၣ်ဒ့ရှၢၣ်ထုးထီၣ်ဘိးဘၣ်ရၤလီၤ၀ဲဒၣ်န့ၣ်လီၤႉ ပဒိၣ်မါရှၣ်လါဖါခိၣ်နၢ်ဖိ တၢ်ဟ့ၣ်လၤကပီၤခိၣ်ဖးအံၤ ကဘၣ်မ့ၢ်ၦၤလၢအတကွၢ်လီၤနီၢ်ကစၢ်တၢ်ဘၣ်ဘျုး၊ မၤစၢၤ တၢ်လၢကညီဒီကလုာ်တၢ်လဲၤထီၣ်လဲၤထီလၢတၢ်ကူၣ်ဘၣ်ကူၣ်သ့၊ ၦၤဂ့ၢ်၀ီအခွဲးအယာ်ဒီး လုၢ်လၢ်ထူသနူ တၢ်ဆဲးတၢ်လၤတဖၣ်ဒီး ကဘၣ်မ့ၢ် ၦၤသးစၢ် လၢအသးနံၣ်(၃၅)နံၣ်ဆူ အဖီလာ်သ့ၣ်တဖၣ်အံၤ တၢ်ဃုထၢဟ့ၣ်လီၤအီၤကိးနံၣ်ဒဲးလၢအမဲရ ကၤစ့ဒီလၣ်(၂၀၀၀)န့ၣ်လီၤႉ ဖါဖီၣ်ဒ့ရၢၣ်အံၤ ဘၣ်တၢ်စးထီၣ်ဒုးအိၣ်ထီၣ်အီၤ ဒ်သိး တၢ်သ့ၣ်နီၣ်မၤလၤကပီၤ၀ဲ...
ကၠီၣ်တဲၣ်ကလုာ်ဒူၣ်သးစၢ်ရဲၣ်ကျဲၤလၢ ကမၤ၀ဲ သးစၢ်တၢ်ထံၣ်လိာ်အိၣ်သကိးမူး
ယနူၤအါရံၤ ၃၀ သီ၊ ၂၀၁၉နံၣ်။ ခ့ၣ်အဲးစံၣ် ကီၢ်ကၠီၣ်တဲၣ်၊ တးခ်ကီၢ်ရ့ၣ်ကီၢ်ဆၣ်(၅)ဘ့ၣ်အပူၤ ကလုာ်ဒူၣ်သးစၢ်လၢအပၣ်ဃုာ်ဒီးကညီသးစၢ်ကလုာ်ဒူၣ်(၆)ဒူၣ်တဖၣ် ကမၤ၀ဲသးစၢ်တၢ်ထံၣ်လိာ်တဲသကိးတခါ ဖဲလါမးရှးအလၢာ်လၢ၀့ၢ်မဲၢ်ဆီး(Bodhivijjalaya)ဖၠၣ်စိမိၤကၠိအဂ့ၢ် ၦၤဘၣ်မူဘၣ်ဒါတဖၣ်တဲ၀ဲလီၤႉ မဲၢ်ဆီး၊ အူဖၣ်၊ ဖိဖရၣ်၊ မဲၢ်ရးမၣ် ဒီးထၣ်ဆီၣ်ယါကီၢ်ဆၣ်အပူၤ ကညီ၊ လါဟူၣ်၊ မၠီၣ်၊ အခၣ်၊ လံၤဆူ၊ (Mien) ကလုာ်ဒူၣ်သးစၢ်သ့ၣ်တဖၣ်ဒ်သိးမၤ၀ဲတၢ်ထံၣ်လိာ်တဲသကိးကန့ၢ်အဂီၢ် ဖဲလါယနူၤအါရံၤ=၂၄သီအနံၤ မၤ၀ဲတၢ်အိၣ်ဖှိၣ်ဒီးဆၢတဲာ်လီၤ၀ဲအဂ့ၢ်ကညီသးစၢ်ခိၣ်နၢ်လၢ(Youth People For Development-YPD)စီၤကွံကွံၣ်တဲ၀ဲဒ်အံၤန့ၣ်လီၤႉ “လါမးရှးလၢအဟဲ(၂၉=တုၤ ၃၁)အနံၤ တၢ်ကရဲၣ်ကျဲၤမၤအီၤလၢ(Bodhivijjalaya)ဖၠၣ်စိမိၤလၢအအိၣ်ဖဲ၀့ၢ်မဲၢ်ဆီးအပူၤန့ၣ်လီၤႉ မ့ၢ်ဒ်သိးကလုာ်ဒူၣ်သးစၢ်သ့ၣ်တဖၣ်ကဟ့ၣ်နီၤလိာ်သးတၢ်ထံၣ်တၢ်ဆဲးတၢ်လၤတဖၣ်လီၤႉ တနံၣ်အံၤခီကွဲဃုာ်၀ဲဒီးပကညီဖိသးစၢ်(YPD)န့ၣ်လီၤႉ”အဂ့ၢ် စီၤကွံကွံၣ် တဲဘၣ်ခ့ၣ်အဲးစံၣ်=ကညီတၢ်ကစီၣ်န့ၣ်လီၤႉ လၢတၢ်ရဲၣ်တၢ်ကျဲၤ၀ဲန့ၣ်အပူၤမုၢ်ဆါခီတၢ်ရဲၣ်တၢ်ကျဲၤ(Bodhivijjalaya)ဖၠၣ်စိမိၤကလုာ်ဒူၣ်သးစၢ်သ့ၣ်တဖၣ်ကပာ်ဖျါထီၣ်၀ဲတၢ်ဆဲးတၢ်လၤလၢတဒ်သိးဘၣ်တဖၣ်၊ ဟါလီၤခီတကပၤမဲၢ်ဆီးတရူးတၢ်လီၢ်(Chinese Town အပူၤတၢ်ကဒုးနဲၣ်၀ဲတၢ် ဆဲးတၢ်လၤတဖၣ်ဒီး တၢ်သူၣ်၀ံၣ်သးဆၢ တဖၣ်လီၤအဂ့ၢ်စီၤကွံကွံၣ်တဲအါထီၣ်၀ဲလီၤႉ ကၠီၣ်တဲၣ်ပူၤ ကလုာ်ဒူၣ်သးစၢ် တၢ်ထံၣ်လိာ်တဲသကိး၀ဲန့ၣ် လၢအပူၤကွံာ်၂၀၁၆နံၣ်တၢ်စးထီၣ်မၤအီၤဒီးလၢနံၣ်၀ဲအံၤအပူၤမ့ၢ်၀ဲလွံၢ်ဘျီတဘျီလံအဂ့ၢ်သ့ၣ်ညါဘၣ်လီၤႉ
ဖီၣ်စုက၀ဲၤကရူၢ်တဖၣ် တဃူတဖိးဘၣ်အဃိ တၢ်ပၢၢ်ဆၢဘၣ်ယံာ်၀ဲအဂ့ၢ် (KNLA) သုးရိၣ်မဲခိၣ် ကျၢၢ်စံး၀ဲ
ယနူၤအါရံၤ ၃၁သီ၊ ၂၀၁၉ နံၣ် ကလုာ်ဒူၣ်ဖီၣ်စုက၀ဲၤကဒဲကဒဲအဘၢၣ်စၢၤတၢ်ဃူတၢ်ဖိးတအိၣ်အဃိ တၢ်ပၢၢ်ဆၢအံၤ ဘၣ်ယံာ်၀ဲအဂ့ၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA)သုးရိၣ်မဲခိၣ်ကျၢၢ် သုးခိၣ်ကျၢၢ်ဒိၣ်စိ စီၤကၠီၣ်နံၣ် စံးလီၤ၀ဲ ဖဲတနံၤအံၤယနူၤအါရံၤ(၃၁)သီ၊ ကညီတၢ်ပၢၢ်ဆၢအမုၢ်နံၤၦဲၤထီၣ်၀ဲ (၇၀)နံၣ်အမူး တၢ်ရဲၣ်တၢ်ကျဲၤအပူၤန့ၣ်လီၤႉ သုးခိၣ်ကျၢၢ်ဒိၣ်စိ စီၤကၠီၣ်နံၣ် စံး၀ဲလၢ“တၢ်ပၢၢ်ဆၢအတီၢ်ဘၣ်ယံာ်၀ဲတုၤခဲအံၤန့ၣ်ပ၀ဲကလုာ်တဖၣ်၊ ကလုာ်ဒူၣ်တဖၣ်၊ ကရူၢ်ဖီစုက၀ဲၤ တဖၣ်တၢ်ဃူတၢ်ဖိး စှၤစ့ၢ်ႉ ဖီလိာ်စုမၤသကိးတၢ် ဂံၢ်စၢ်အဃိ အခဲအံၤအိၣ်ၦဲၤဒူၣ်လဲၣ်န့ၣ် ပမ့ၢ်တဲသု၊ သုသ့ၣ်ညါလီၤႉ ကဲထီၣ်ခံကရူၢ် သၢကရူၢ်တုၤကတီၢ်အံၤ ပတၢ်ဃူတၢ်ဖိးတအိၣ် ဘၣ်အဃိန့ၣ်ပတၢ်ပၢၢ်ဆၢအံၤၦဲၤထီၣ်၀ဲနံၣ်(၇၀)လံ”အဂ့ၢ် ကတိၤလီၤ၀ဲဖဲ တၢ်ပၢၢ်ဆၢအမုၢ်နံၤၦဲၤထီၣ် (၇၀)နံၣ်မူး တၢ်ရဲၣ်တၢ်ကျဲၤ လၢဘၣ်တၢ်မၤအီၤ ဖဲသုးက့(၇) သုး၀ဲၤလီၢ်ခိၣ်သ့ၣ်၊ ကျိၣ်ယီၤလ့အပူၤန့ၣ်လီၤႉ ကတီၢ်အံၤ ခံခီခံကပၤတူၢ်လိာ်ဆဲးလီၤဃာ်စုပနီၣ် ကီၢ်ဒီတဘ့ၣ်တၢ်ပတုာ် တၢ်ခးအလံာ်ဃံး ဃာ် (NCA) အတၢ်သိၣ် တၢ်သီအဖီခိၣ် တကပၤဒီး တကပၤလူၤပိာ်မၤထွဲအီၤအဂံၢ်စၢ်အဂ့ၢ်၊ တၢ်ကီ တၢ်ခဲလၢအအိၣ်ပၢၢ်ထီၣ်သ့ၣ်တဖၣ်ကြၢးဃုတၢ်အစၢလၢတၢ်မုာ်တၢ်ခုၣ်အပူၤအဂ့ၢ် သုးခိၣ်ကျၢၢ်ဒိၣ်စိ စီၤကၠီၣ်နံၣ်တဲအါထီၣ်၀ဲလီၤႉ ကညီတၢ်ပၢၢ်ဆၢမုၢ်နံၤ၀ဲန့ၣ်အပူၤ(ခ့ၣ်အဲၣ်ယူၣ်)ကရၢခိၣ်သုးခိၣ်ကျၢၢ်ဒိၣ်စိစီၤမူးတူစ့ဖိ၊ သုးရိၣ်မဲခိၣ်ကျၢၢ် သုးခိၣ်ကျၢၢ်ဒိၣ်စိစီၤကၠီၣ်နံၣ်ဒီး (KNU)ခိၣ်နၢ်ဒိၣ်ထီတဖၣ်၊ ကညီကီၢ်စဲၣ်ကိတိာ်ခိၣ်ကျၢၢ်နါခ့ၤထွ့မၠ့ၣ်၊ ကီၢ်စၢဖှိၣ်ကိတိာ်လီၢ်လံၤအူအီၣ်မ့၊ ကလုာ်ဒူၣ်ခိၣ်နၢ်လၢဘၣ်တၢ်ကွဲမုာ်အီၤသ့ၣ်တဖၣ်၊ ထံရူၢ်ကီၢ်သဲးပၣ် တံၣ်ခိၣ်နာ်တဖၣ်၊...
အီၣ်ဘုသီခိၣ်ကဲကွလၤ, မ့ၢ်စၢၤသွဲၣ်မူဒါတၢ်မၤ
စီၤလီဒူ( လါယနူၤအါရံၤ,၂၁၀၉နံၣ်) မုၢ်ဆ့ၣ်ထီၣ်ဘူးထီၣ်ဖဲမုၢ်တၢ်ကပီၤအယဲၤတဖၣ် ကဟဲဖျါထီၣ်၀ဲကတီၢ်လၢနံၣ်ထီၣ်သီပျီၦၤကိးဂၤဒဲး ဟဲ ကူကၤထီၣ်၀ဲကူကၤ ကညီ ကိးဂၤဒဲးလၢပျီဒီဘ့ၣ်အပူၤဒီးလၢန့ၣ်အကျါသူၣ်က့သးၦၢ်တဖၣ်၊ မုၣ်လိၣ်ဘိ၊ ခွါလိၣ်ဘိ စှၤဂၤဟဲယီးထီၣ်၀ဲထဲၢ်၊ ၦာ်၊ ကု၊ ကုၢ်ထီၣ်၀ဲဒီးခိၣ်မီာ်(ခိၣ်သလုး)၀ံၤ ပိာ်လိာ်သးခံတဂ့ၢ်ဒီး လဲၤနုာ်လီၤ၀ဲဆူ ကရၢၢ်လၢတၢ်ဒုးဃာ်၀ဲလၢ၀ၣ်က့တဖၣ်၊ အကပၤအိၣ်ဒီး သ့ၣ်တထူၣ်လၢအဘျးလီၤဃာ်၀ဲဒီးမ့ၤတီၤဘိၣ်၊ ဆ့ကညီ၊ ခိၣ်ဖၢၣ်ဒီးတၢ်ဖိတၢ်လံၤအဂၤတဖၣ်၊ ဒီးကရၢၢ်၀ဲန့ၣ်အသး ကံၢ်တီတီပာ်ပူ ထီၣ်ဃာ်၀ဲဘုသၣ်လၢအဘ့ၣ်ဘီဘီ တပူၣ်ဒီးလဲၤပာ်လီၤ၀ဲထဲၢ်၊ ကု၊ ၦာ်၊ တၢ်ဖိတၢ်လံၤလၢဟဲစိာ်၀ဲတဖၣ်န့ၣ်လီၤႉ ႉႉႉႉႉႉႉႉႉႉ အ၀ဲအံၤမ့ၢ်၀ဲတၢ်လဲၤမၤလၤကပီၤကညီနံၣ်ထီၣ်၊ တၢ်အီၣ်ဘုသီခိၣ်အတၢ်ရဲၣ်တၢ်ကျဲၤန့ၣ်လီၤႉႉႉႉႉႉႉႉႉ မ့ၢ်တုၤဃီၤလၢသလ့ၤလါထီၣ်(၁)သီလံန့ၣ် ကညီဖိကိးဂၤဒဲးဒိၣ်ဆံးပြံသွါခဲလၢာ် သ့ၣ်ညါ၀ဲဒၣ်လၢပချုးန့ၢ်၀ဲကညီနံၣ်ထီၣ်သီကဒီးတ နံၣ်လၢပကဘၣ်မၤလၤကပီၤအီၤန့ၣ်လီၤႉ ဘၣ်ဆၣ်တၢ်အရ့ဒိၣ်တခါလၢပတနီၣ်ပာ်သူၣ်ပာ်သးအီၤတခါ လၢအမ့ၢ်တၢ်အီၣ်ဘုသီခိၣ်တၢ်ကွဲက့ၤ၀ဲ ဖံဘံယီၤ၊ ဖုဘံယီၤ အ၀ံကလၤတၢ်ဖံးတၢ်မၤအံၤကညီဖိကိးဂၤဒဲးကြၢးသ့ၣ်ညါမၤနီၣ်မၤဃါက့ၤအီၤဒီး အါဒၣ်တၢ်တက့ၢ်သးစၢ်လၢဒိၣ်ထီၣ်လၢစိၤ ခဲအံၤသ့ၣ်တဖၣ်တနီၣ်ပာ်သူၣ်ပာ်သးအီၤလၢၤဘၣ်ဒီး သးစၢ်လၢအဒိၣ်ထီၣ်လၢခူခိၣ်၀့ၢ်ပူၤ တနီၤသ့ၣ်တဖၣ်တသ့ၣ်ညါအီၤ၊ တနၢ်ပၢၢ်အီၤ လ့ၤတက့ၤလၢၤဘၣ်န့ၣ်လီၤႉ ကညီမိၢ်ပၢ်ဖံဖုလၢညါသ့ၣ်တဖၣ်မၤ၀ဲတၢ်အီၣ်ဘုသီခိၣ်၊ တၢ်ကွဲဘု၊ ကွဲ၀ံကလၤအံၤန့ၣ် လၢအခီၣ်ထံးခါ မိၢ်ပၢ်ဖံဖု တဖၣ် မၤဒၣ်အီၤလၢနီၢ်ကစၢ်စံာ်လီၢ်၊ ခုး(ဃုး)လီၢ်အဒဲပူၤဒီး တဆီဘၣ်တဆီဘၣ်တၢ်မၤဖှိၣ်အီၤ လၢသ၀ီဒီ တဖျၢၣ်ညါအပတီၢ်အဃိ၊ တဂၤဒီး တဂၤဘၣ်ခိးလိာ် အသးတုၤမၤဘုမၤဟု၀ံၤခဲလၢာ်အဖီခိၣ်၊ အ၀ဲသ့ၣ်ပာ် ပနီၣ်၀ဲတၢ်ဆၢကတီၢ်တခါ လၢကိးဂၤဒဲးကဘၣ်ဟဲပာ်ဖှိၣ်ထီၣ်သးလၢတဒူၣ်တထၢဃီအံၤ ဖဲသလ့ၤ...
ထံဒိၣ်ကတီၢ် ကညီကီၢ်စဲၣ်ပူၤ တၢ်ဟးဂီၤအလုၢ်အပှ့ၤကအိၣ် လၢအကကွဲၢ် (၁၇၀၀၀)ကၠးဘျဲၣ်
လါယနူၤအါရံၤ ၂၉သီ၊ ၂၀၁၉နံၣ်။ နါ၀့ၤဖၠိစၣ် အပူၤကွံာ် ၂၀၁၈နံၣ် စးထီၣ်လၢလါယူၤလံတုၤလါစဲးပထ့ဘၢၣ်အပူၤ ကညီကီၢ်စဲၣ်အပူၤ ထံဒိၣ်ထံလုၢ်ဘၢတၢ်အဃိ လၢကီၢ်ဆၣ် (၃) ဘ့ၣ်အပူၤ တၢ်ဟးဂူာ်ဟးဂီၤ၀ဲလၢ စ့ပယီၤအကကွဲၢ် တကလးနွံကထိ(၁၇၀၀၀)ကၠးဘျဲၣ်အဂ့ၢ် သ့ၣ်ညါဘၣ်လၢၦၤမၤစၢၤ၀ဲထံဖိကီၢ်ဖိလၢဘၣ်ဒိဘၣ်ထံးလၢန့ဆၢၣ်တၢ်တၢ်ဘၣ်ဒိအလံာ်တၢ်ပာ်ဖျါအပူၤန့ၣ်လီၤႉ လၢလံာ်တၢ်ပာ်ဖျါ၀ဲန့ၣ်အပူၤ ၦၤဂ့ၢ်၀ီၦၤမၤတၢ်ဖိတၢ်ပၢဆှၢရဲၣ်ကျဲၤ၀ဲၤကျိၤတီခိၣ်ရိၣ်မဲ၀ဲဒီး ကီၢ်စဲၣ်အပူၤ ဂံၢ်ခီၣ်ထံးတၢ်ကရၢကရိတဖၣ် ပာ်ဖှိၣ်ထီၣ်အသးဒီးနုာ်လီၤဃုထၢမၤနီၣ်မၤဃါ၀ဲတၢ်ဂ့ၢ်တဖၣ် ဖဲဖၣ်အၣ်၊ လူၢ်ပျဲၢ်ဒီး ကီးတရံးကီၢ်ဆၣ် အပူၤ သ၀ီ(၁၉)ဖျၢၣ် လၢအတူၢ်ဘၣ်ထံလုၢ်ဘၢသ့ၣ်တဖၣ်၀ံၤ ထုးထီၣ်၀ဲလံာ်တၢ်ပာ်ဖျါအံၤန့ၣ်လီၤႉ ကီၢ်ဆၣ်ၦၤဂ့ၢ်၀ီၦၤမၤတၢ်ဖိတၢ်ပၢဆှၢရဲၣ်ကျဲၤ၀ဲၤကျိၤခိၣ် အူစီၣ်မ့စံး၀ဲလၢ“ ထံကီၢ်ခိၣ်နၢ်တဖၣ်န့ၣ် တၢ်တိာ်ကျဲၤ ဆိပာ်လၢၦၤဘၣ်ဒိဘၣ်ထံးဒီးန့ဆၢၣ်တဖၣ်အဂီၢ် အတၢ်ရဲၣ်တၢ်ကျဲၤအိၣ်လီၤႉ လၢတၢ်ရဲၣ်ကျဲၤကတီၢ် ဒ်သိးကကဲထီၣ် တၢ်မၤစၢၤအဂီၢ် တၢ်လီၤဟံးန့ၢ်၀ဲတၢ်ဂ့ၢ်တၢ်ကျိၤတဖၣ်န့ၣ်လီၤႉ မ့ၢ်၀ံၤတၢ်လီၢ်ဖဲလဲၣ်ကမ့ၢ်၀ဲထံထီၣ် တၢ်လီၤဘၣ်ယိၣ် လဲၣ်ႉ ၦၤကမျၢၢ်သ့ၣ်တဖၣ်န့ၣ်တၢ်မၤစၢၤအဂီၢ်တၢ်ကရဲၣ်ကျဲၤအီၤဒ်လဲၣ်ႉ နံၣ်လၢဆူမဲာ်ညါအဂီၢ် ကကဲထီၣ်တၢ် မၤစၢၤလီၤႉ”အဂ့ၢ် စံးဘၣ် ခ့ၣ်အဲၣ်စံၣ်-ကညီတၢ်ကစီၣ်န့ၣ်လီၤႉ လၢအပူၤကွံာ်တၢ်စူၤခါကတီၢ်ဃိၣ်လိာ်ကျိ၊ (ဂျိုင်းမြစ်) ကၠၢၢ်ယာ်ကျိဒီးလူၢ်ပျဲၢ်ကျိသ့ၣ်တဖၣ်ထံဒိၣ်လုၢ်ဘၢ တၢ်အဃိန့ၣ် တၢ်ဘၣ်ဒိဘၣ်ထံးသ့ၣ်တဖၣ်အိၣ်၀ဲဒီး ဒ်သိးတၢ်ကသ့ၣ်ညါဘၣ်၀ဲတၢ်ဘၣ်ဒိဘၣ်ထံးသ့ၣ်တဖၣ်အဂီၢ်ဒီး တၢ်ပာ်ကီၤ၀ဲတၢ်ဂ့ၢ်တၢ်ကျိၤသ့ၣ်တဖၣ်ကန့ၢ်အဂီၢ် နံၣ်ဆူညါ ထံဒိၣ်လုၢ်ဘၢတၢ်အံၤမ့ၢ်အိၣ်ထီၣ်ဒ်သိးတၢ်ကတြီဆၢ ကတီၤသးကန့ၢ်အဂီၢ်တၢ်လီၤဃုထၢ၀ဲတၢ်ဂ့ၢ်တၢ်ကျိၤလီၤအဂ့ၢ်ပာ်ဖျါဃာ်၀ဲလီၤႉ ကဒိးန့ၢ်ဘၣ်လံာ်တၢ်ပာ်ဖျါတၢ်ဂ့ၢ်တၢ်ကျိၤအံၤအဂီၢ် ၦၤတီခိၣ်ရိၣ်မဲ၀ဲတၢ်ဖိတဂၤလၢအမ့ၢ် ကညီကီၢ်စဲၣ်သးစၢ်ဂ့ၢ်၀ီက မံးတံာ်အနဲၣ်ရွဲၣ်နါထဲးထဲးလ့စိစံး၀ဲလၢ “ပ၀ဲတခီပဘၣ်လီၤထၢအီၤလၢတၢ်ဆၢကတီၢ်...
ခီဖျိပယီၤသုးကျိဖးဒိၣ်အဃိ သ၀ီဖိတဖၣ်ဘၣ်ဃ့ၢ်၊ ပနၢ်တဖၣ်ဘၣ်သံ
ယနူၤအါရံၤ၂၉ သီ၊ ၂၀၁၉နံၣ်။ (ခ့ၣ်အဲၣ်ယူၣ်)ကညီဒီကလုာ်စၢဖှိၣ်ကရၢ၊ မုၢ်တြီၢ်ကီၢ်ရ့ၣ်(သုးက့=၅)ဟီၣ်က၀ီၤအပူၤ ဖဲယနူၤအါရံၤ၂၅ ဒီး ၂၆သီအနံၤ ပယီၤပဒိၣ်အသုးခးလီၤ၀ဲကျိဖးဒိၣ်ဆူသ၀ီဖိအိၣ်ဆိးလီၢ်သ့ၣ်တဖၣ်အဃိ ဖိဒံဖိသၣ်သးၦၢ်ပၣ်ဃုာ်သ၀ီဖိတဖၣ် ဘၣ်ဃ့ၢ်ပူၤဖျဲးအသးဒီး ဆၣ်ဖိကီၢ်ဖိလၢအမ့ၢ်ပနၢ် တဖၣ်သံ၀ဲအဂ့ၢ်(ခ့ၣ်အဲၣ်ယူၣ်)သုးက့=၅ သုးဂ့ၢ်၀ီခိၣ် သုးခိၣ်ဒိၣ်ဖိ စီၤကျၢၤဒိၣ်စံး၀ဲန့ၣ်လီၤႉ “ဖဲ၂၆သီ ဟါလီၤခီ(၅) နၣ်ရံၣ်ကတီၢ် စှီၤမုၢ်ပျီ သ၀ီဖိဟဲက့ၤခီကျဲဒီးပနၢ်တဖၣ်ကတီၢ် ပယီၤသုး လၢအဟံးကျဲတၢ် ဘံၣ်တၢ်ဘၢတဖၣ်ခး၀ဲၦၤကညီဒီးပနၢ်သ့ၣ်ဖၣ်န့ၣ်လီၤႉ ဘၣ်ဆၣ်ၦၤကညီဘၣ်ဒိတအိၣ်ဘၣ်ႉ ဘၣ်ဆၣ်ပနၢ် တဖၣ်အိၣ်တ့ၢ်ဖဲန့ၣ်ခဲလၢာ်လီၤႉ သံၦဲၤဒုလဲၣ်ခီတသ့ၣ်ညါဘၣ်ႉ တုၤကတီၢ်အံၤလဲၤကွၢ်တဘူၣ်ဒံးဘၣ်ႉ”အဂ့ၢ် သုးခိၣ်ဒိၣ်ဖိ စီၤကျၢၤဒိၣ် စံး၀ဲန့ၣ်လီၤႉ ဒ်န့ၢ်အသိးဖဲ ၂၅ သီအနံၤ ဂီၤခီကတီၢ် ပီၣ်ဃ့ခိၣ်ဟီၣ်က၀ီၤ တကူၣ်သဲသ၀ီအပူၤ ပယီၤသုး ခးလီၤ၀ဲကျိဖးဒိၣ်အဃိ လီၢ်က၀ီၤကမျၢၢ် ၂၉ ဂၤပျံၤတၢ်ဃ့ၣ်ဟး ထီၣ်ကွံာ်ဒီးဖဲ ၂၆အနံၤစ့ၢ်ကီးပယီၤ သုးတကပၤခးလီၤ ကဒီး၀ဲကျိ ဖးဒိၣ် အဆူ သ၀ီဖိအအိၣ်အဃိ လီၢ်က၀ီၤအမျၢၢ်(၃၅)ဂၤဘၣ်ဟးထီၣ်ကွံာ်ကဒီး၀ဲအဂ့ၢ် သုးခိၣ်ဒိၣ်ဖိ စီၤကျၢၤဒိၣ်တဲ အါထီၣ်ကဒီး၀ဲန့ၣ်လီၤႉ ကီၢ်ပဒိၣ်သုးလၢအခးလီၤ၀ဲကျိဖးဒိၣ်အံၤ တၢ်တသ့ၣ်ညါအီၤလၢမ့ၢ်သုးရ့ၣ်မတၤလဲၣ်ဆၣ် ဖဲစှီၤမုၢ်ပျီဟီၣ်က၀ီၤ ကလံၤစိးသုး၀ဲၤလီၢ်န့ၣ် အိၣ်ဒၣ်ထဲ(တပခ)စုဒုၣ်စုတီၤအဖီလာ်ဒီး ဟံး၀ဲကျဲတၢ်ဘံၣ်တၢ်ဘၢဒီး ဘၣ်မနုၤအဃိ ခးလီၤ၀ဲန့ၣ်တၢ်တသ့ၣ်ညါအီၤဘၣ်ဒီးလီၤဂာ်ဒ်က့ၤမၤ၀ဲဒ်အပူၤကွံာ်ညီနုၢ်တၢ်မၤအသိးလီၤအဂ့ၢ်သုးခိၣ်ဒိၣ်ဖိ...
ကညီသးစၢ်လၢ တၢ်လီၢ်အါတီၤသ့ၣ်တဖၣ်မၤ၀ဲ (Karen Youth Fellowhip)
ယနူၤအါရံၤ၂၉သီ၊ ၂၀၁၉နံၣ်။ နါဖီမွံၤရှါ ဒ်သိးကညီသးစၢ်သ့ၣ်တဖၣ်ကဃူဖိးအဂီၢ် ပညိၣ်၀ဲဒီး ရဲၣ်ကျဲၤမၤ၀ဲ ကညီသးစၢ်လၢ ကီၢ်ခီဒိၣ်(၁၁)အပူၤ ပၣ်ဃုာ်၀ဲအံၤ သးစၢ်တၢ်ရ့လိာ်မုာ်လိာ် ( Karen Youth Fellowship) တခါ ဖဲယနူၤအါရံၤ၂၉သီလၢ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢတၢ်ပၢ ဖၣ်အၣ်ကီၢ်ရ့ၣ်၊ သ့ၣ်ဘ့ၣ်ထၣ်တၢ်လီၢ်အပူၤန့ၣ်လီၤႉ တၢ်ရဲၣ်တၢ်ကျဲၤ၀ဲၤန့ၣ်အပူၤ ကညီသးစၢ်ကရၢ (KYO)ကညီသးစၢ်ဘျးစဲ(KYN)ဒီး ကညီသးစၢ်တၢ်မုာ်တၢ်ခုၣ်ဒီးတၢ်ဂုၤထီၣ်ပသီထီၣ်ကမံးတံာ်ခိၣ်နၢ်တဖၣ်ရဲၣ်ကျဲၤမၤ၀ဲန့ၣ်လီၤႉ ကညီသးစၢ်ကရၢခိၣ် စီၤလၢၢ်နၢၢ်စံး၀ဲလၢ “ကညီခိၣ်နၢ်သ့ၣ်တဖၣ်ဂုာ်ကျဲးစၢးဟူးဂဲၤတ့ၢ်၀ဲအနံၣ်(၇၀)ဘျဲၣ် တၢ်စံၣ်စိၤတဲစိၤအံၤ ကနၢ်ပၢၢ်ဒီးကဟံးထီၣ်မူဒါအဂီၢ်၊ ကညီသးစၢ်လၢကီၢ်ပူၤ တဖၣ်ကဃူဖိး အဂီၢ်လိၣ်၀ဲဒီးကတိစၢၤမၤစၢၤအီၤအဂီၢ်ရဲၣ်ကျဲၤမၤ၀ဲဒၣ်လီၤႉ”အဂ့ၢ် စံးဘၣ်ခ့ၣ်အဲးစံၣ်န့ၣ်လီၤႉ တၢ်ရဲၣ်တၢ်ကျဲၤဘျီ၀ဲအံၤအပူၤ ကညီခိၣ်နၢ်တဖၣ်ဟ့ၣ်ခီနီၤလီၤ၀ဲအတၢ်လဲၤခီဖျိတၢ်စံၣ်စိၤတဲစိၤသ့ၣ်တဖၣ် ကညီသးစၢ်ကရူၢ်တဖၣ်လၢအမ့ၢ်(KYO,KYN,KSNG,KWO)သ့ၣ်တဖၣ်ဟ့ၣ်ခီနီၤလီၤ၀ဲအတၢ်ဟူးတၢ်ဂဲၤတဖၣ်၊ လၢအပူၤကွံာ်ကညီတၢ်ထံၣ်လိာ်တၢၣ်ပီၣ်တဲသကိး(Youth Seminar) အပူၤကမံးတံာ် (၁၅)ဂၤပာ်ဖျါထီၣ်တၢ်မၤဆူမဲာ်ညါသ့ၣ်တဖၣ်န့ၣ်လီၤႉ ဆူတၢ်ရဲၣ်တၢ်ကျဲၤဘျီ၀ဲန့ၣ် ကညီသးစၢ်လၢ ကီၢ်ခီဒိၣ်(၁၁)ဘ့ၣ် လၢအမ့ၢ်ဧရၣ်၀တံၣ်၊ ၀့ၢ်တကူၣ်၊ ပကိ၊ တီအူ၊ တလၢၤ၊ သၣ်တီၣ်၊ ကရ့ၣ်နံၣ်၊ တနီတရံၣ်၊ ကီၢ်ပယီၤထးခီ၊ ကီၢ်ဆၢဒီး ကညီကီၢ်စဲၣ် သ့ၣ်တဖၣ်ပာ်ဃုာ်၀ဲဒီးကညီကၠိဖိၦာ်ဘျးစဲကရူၢ်၊ ဒဲက၀ီၤအပူၤ ဒီးခီလ့ၣ်ကၠိတဖၣ်အပူၤ ကညီသးစၢ်ခဲလၢာ်၂၀၀ဃၣ်ဃၣ် လဲၤထီၣ်၀ဲန့ၣ်လီၤႉ
ကီၢ်ပယီၤသုးပဒိၣ်ထုးထီၣ်၀ဲလံာ်တၢ်ပာ်ဖျါအံၤမ့ၢ်၀ဲတၢ်လိာ်ဘၢလိာ်ကွီၢ်လီၤအဂ့ၢ် ခ့ၣ်အဲၣ်ယူၣ်စံး၀ဲ
ယနူၤအါရံၤ၂၈၊ ၂၀၁၉နံၣ်၊ ခ့ၣ်အဲးစံၣ်။ ထံကီၢ်ဒီဘ့ၣ်တၢ်ပတုာ်တၢ်ခးလံာ်ဃံးဃာ် တၢ်အၢၣ်လီၤအံၤအ ဖီခိၣ် (ခ့ၣ်အဲၣ်ယူၣ်)တကပၤမၤကမၣ်ထီဒါ၀ဲအဂ့ၢ် ဖဲယနူၤအါရံၤ (၂၅)သီအနံၤ ကီၢ်ပဒိၣ်အသုးမုၢ်ဒိၣ်တကပၤထုးထီၣ်၀ဲလံာ်တၢ်ပာ်ဖျါအဖီခိၣ်န့ၣ် တၢ်အ၀ဲအံၤ မ့ၢ်ဒၣ်တၢ်လိာ်ဘၢလိာ်ကွီၢ်တခါလီၤအဂ့ၢ်န့ၣ် (ခ့ၣ်အဲၣ်ယူၣ်) ကညီဒီကလုာ်စၢဖှိၣ်ကရၢ က့ၤထုးထီၣ်က့ၤ၀ဲလံာ်တၢ်ပာ်ဖျါဖဲ လါယနူၤအါရံၤ (၂၆)သီအနံၤန့ၣ်လီၤႉ ဒ်ကီၢ်ပဒိၣ်သုးတၢ်ပာ်ဖျါအဖီခိၣ်(ခ့ၣ်အဲၣ်ယူၣ်)အံၤန့ၣ် လၢမုၢ်ထီၣ်ကလံၤစိးသုး၀ဲၤလီၢ်ခိၣ်သ့ၣ်၊ လူၢ်ပျဲၢ်ကီၢ်ဆၣ်၊ (ကါရိတါ)ဟီၣ်က၀ီၤသုး၀ဲၤလီၢ်ခိၣ်သ့ၣ်၊ ဘျံးဟီၣ်က၀ီၤတၢ်လီၢ်သ့ၣ်တဖၣ်အပူၤ တၢ်ထၢ၀ဲအခိအသွဲ(၂)ဘျီ၊ ကလံၤစိးသုး၀ဲၤလီၢ်ခိၣ်သ့ၣ်၊ လၢၢ်မုၢ်ပျီကျဲဟီၣ်က၀ီၤအပူၤတၢ်ခးစဲးပြဲး၀ဲ(၉)ဘျီ၊ သိလ့ၣ်မ့ၣ်ပိၢ်(၂)ဘျီ ဟဲအိၣ်ထီၣ် အသးဒီးမ့ၢ်၀ဲတၢ်မၤဟးဂီၤ(အဲၣ်စံၣ်အ့ၣ်)လီၤအဂ့ၢ် ကီၢ်ပယီၤသုးမုၢ်ဒိၣ်ထုး ထီၣ်၀ဲလံာ်တၢ် ပာ်ဖျါအဖီခိၣ်(ခ့ၣ်အဲၣ်ယူၣ်)တကပၤက့ၤမၤရှဲ၀ဲဒ်အံၤန့ၣ်လီၤႉ (ခ့ၣ်အဲၣ်ယူၣ်)နဲၣ်ရွဲၣ်ခိၣ်ကျၢၢ်ပဒိၣ်စီၤတၢ်ဒိၣ်မူစံး၀ဲလၢ“မ့ၢ်က့ၤကွၢ်ကဒါက့ၤတၢ်ကဲထီၣ်သးအံၤတၢ်နၢ်ပၢၢ်၀ဲ(အဲၣ်စံၣ်အ့ၣ်)အံၤအခီပညီတဂၤတမံၤလၢအခီပညီတဒ်သိးလိာ်သးဘၣ်န့ၣ်လီၤႉ လၢတၢ်ကတဲသကိးဘၣ်ဃး (အဲၣ်စံၣ်အ့ၣ်) လၢသုးဂ့ၢ်၀ီတကပၤခံခီခံကပၤဘၣ်သဂၢၢ်ခးလိာ်သးတၢ်ဂ့ၢ်သ့ၣ်တဖၣ်အံၤ တၢ်တဲသကိးအီၤ လီၤတံၢ်လီၤဆဲးတအိၣ်ဒံးဘၣ်ထံၣ်၀ဲဒ်န့ၣ်လီၤ”အဂ့ၢ် ပာ်ဖျါထီၣ်၀ဲ ဖဲ၂၆ သီအနံၤ လၢ(အ့ၣ်ထၢၣ်နဲး)လံာ်မဲာ်သၣ်အပူၤန့ၣ်လီၤႉ ဘၣ်ဃးတၢ်ထၢခိသွဲတၢ်ဂ့ၢ် တၢ်လိာ်ဘၢလိာ်ကွီၢ်တၢ်အံၤအဖီခိၣ်(ခ့ၣ်အဲၣ်ယူၣ်)ဟီၣ်က၀ီၤအပူၤ ဒ်သိးတၢ်ကမၤဂ့ၤ ထီၣ်တၢ်ဂုၤထီၣ်ပသီထီၣ်၊ တၢ်ဘံၣ်တၢ်ဘၢ တၢ်ဖံးတၢ်မၤတဖၣ် တၢ်ရဲၣ်ကျဲၤမၤအီၤကန့ၢ်အဂီၢ် တၢ်ဟံးန့ၢ်၀ဲလၢ ကမျၢၢ်သ့ၣ်တဖၣ်အအိၣ်ဒ်တၢ်ပာ်ပနီၣ်ဃာ်အသိးလီၤအဂ့ၢ် လၢလံာ်တၢ်ပာ်ဖျါအပူၤ(ခ့ၣ်အဲၣ်ယူၣ်)ပာ်ဖျါထီၣ်ဃာ်၀ဲန့ၣ်လီၤႉ လၢတၢ်တဲ၀ဲတၢ်ထၢအခိသွဲအံၤန့ၣ်ဒ်(အဲၣ်စံၣ်အ့ၣ်) အဆၢဒိၣ်(၃)၊ အဆၢဖိ (၅) (ခ)အပူၤအသိးန့ၣ် ‘တကပၤဒီးတကပၤထီဒါလိာ်သး(မ့)တဲတရီတပါလိာ်သးလၢလိၤလိၤမ့ၢ်ဂ့ၤ၊ လၢတၢ်တဲတရံးမ့ၢ်ဂ့ၤတၢ်တဘၣ်မၤအီၤဘၣ်ႉ’ ဒီး ဒ်အဆၢဖိ(စ)အသိးန့ၣ် ‘တဒူၣ်ဒီးတဒူၣ်အဘၢၣ်စၢၤတၢ်မၤတၢထီၣ်တၢလီၤတၢ်၊ တၢ်လၢအတဘၣ်၊ လၢအမၤလီၤသူးသ့ၣ်လၤကပီၤတဖၣ်အံၤလၢကီၢ်ပူၤမ့ၢ်ဂ့ၤ၊ ကီၢ်ချၢမ့ၢ်ဂ့ၤတၢ်ကဘၣ်ဟးရှးအီၤ’...
ခ့ၣ်အဲၣ်ယူၣ်ဘျံးဒ၀ဲၢ်ကီၢ်ရ့ၣ်စံၣ်ညီၣ်ကွီၢ် ခိၣ်ကျၢၢ်ပဒိၣ်စီၤဘံလၢၢ်စူးကွံာ်အသး
ယနူၤအါရံၤ ၂၇သီ၊ ၂၀၁၉ နံၣ်။ စီၤမၠးအူသၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ၊ ဘျံးဒ၀ဲၢ်ကီၢ်ရ့ၣ် (သုးက့-၄) ၦၤစံၣ်ညီၣ်ကွီၢ်ခိၣ်ကျၢၢ် ပဒိၣ်စီၤဘံလၢၢ် စူး ကွံာ်အသး ဖဲယနူၤအါရံၤ(၂၆)သီ၊ ဟါခီ (၈)နၣ်ရံၣ်ကတီၢ် ဖဲကီၢ်ကၠီၣ်တဲၣ်၊ ရံၣ်ဘူၣ်လ့ၣ်တၢ်ဆါဟံၣ်အပူၤ လၢပသိၣ်ခဲစၢၣ်တၢ်ဆါန့ၣ်လီၤႉ ပဒိၣ်စီၤဘံလၢၢ်အံၤ အမ့ၢ်တ့ၢ်၀ဲ ဘျံးဒ၀ဲၢ် ကီၢ်ရ့ၣ်ခိၣ်တဂၤအသိးဒီး ဖဲအ၀ဲစူးကွံာ်အသးကတီၢ် အသးနံၣ်အိၣ်၀ဲ (၆၈)နံၣ်န့ၣ်လီၤႉ အ၀ဲမ့ၢ်၀ဲ(ခ့ၣ်အဲၣ်ယူၣ်)လီၢ်ခၢၣ်သးကမံးတံာ်တဂၤ၊ ဘျံးဒ၀ဲၢ်ကီၢ်ရ့ၣ်စံၣ်ညီၣ်ကွီၢ်ခိၣ် ကျၢၢ်ဒီးတနီသရံးကီၢ်ခီဒိၣ်(JMC)တၢ်ကွၢ်ဟုၣ်ကွၢ်စူၣ်တၢ်ပတုာ်တၢ်ခးကမံးတံာ်ၦၤပၢၤလီၢ်ဆ့ၣ်နီၤ(၂) တၢတဂၤ န့ၣ်လီၤႉ “အ၀ဲမ့ၢ်ၦၤလၢအဟံးမူဒါကတီၢ် စူးကွံာ်အသးလၢတၢ်ဆါလီၤမီၤႉ လၢတၢ်မုာ်တၢ်ခုၣ်တၢ်လဲၤကျဲ အပူၤအ၀ဲမ့ၢ်ၦၤ လၢဘျၢလီၤအသးဒီးနီၢ်ခိတဂၤလီၤႉ အ၀ဲမ့ၢ်ၦၤလၢအမၤ တၢ်ဖျိဖျိဖျါဖျါတဂၤလီၤႉ ပာ်ကဲစ့ၢ်ကီးအီၤလၢအ၀ဲတၢ်ဒူ လၢတၢ်မုာ်တၢ်ခုၣ်တၢ်လဲၤကျဲအပူၤန့ၣ်လီၤႉ မ့ၢ်တၢ်ဘၣ်ဒိဖးဒိၣ်တခါလၢပဂီၢ်လီၤ ”အဂ့ၢ် ကီၢ်ရ့ၣ်ဘျံးဒ၀ဲၢ် ကီၢ်ရ့ၣ်ခိၣ်ပဒိၣ်စီၤဆၣ်ပံၢ်တူးစံး၀ဲန့ၣ်လီၤႉ ပဒိၣ်စီၤဘံလၢၢ်အံၤ ဖျိထီၣ်၀ဲကၠိလၢ စကဲကီၢ်ခီဒိၣ်ကီၢ်စၢဖှိၣ်ကလုာ်ဒူၣ်တဖၣ်တၢ်ဂုၤထီၣ်ပသီထီၣ်စဲအ့ၣ်ဖၠၣ်စိမိၤ ဒီးမၤတ့ၢ်၀ဲသရၣ်ကၠိခိၣ်လၢတနီသရံးကီၢ်ဆၣ်၊ သကၠဲးခၠီသ၀ီအပူၤခီဖျိထံရူၢ်ကီၢ်သဲးတၢ်အိၣ်သးအဃိ ဖဲ(၁၉၇၈) နံၣ်န့ၣ်နုာ်လီၤ၀ဲဒၣ်ဆူကညီတၢ်ပၢၢ်ဆၢအပူၤန့ၣ်လီၤႉ လၢန့ၢ်အမဲာ်ညါအ၀ဲကဲထီၣ်၀ဲဘျံးဒ၀ဲၢ်ကီၢ်ရ့ၣ်ခိၣ်၊ ကီၢ်ဆၣ်ခိၣ်(၂) တဆီဘၣ်တဆီဒီး ကတီၢ်အံၤမ့ၢ်၀ဲ(KNU)လီၢ်ခၢၣ်သးထီဘိကမံးတံာ်တဂၤန့ၣ်လီၤႉ ဘျံးဒ၀ဲၢ်ကညီပီၢ်ရီဘျးစဲကရူၢ်စးအ့ၣ်ယၣ်၀့စံး၀ဲလၢ“လၢလီၢ်က၀ီၤအဂီၢ်၊ ကလုာ်အဂီၢ်ဒီး (ခ့ၣ်အဲၣ်ယူၣ်)အဂီၢ် ၦၤအရ့ဒိၣ်တဂၤလီၤမၢ်ကွံာ်အဃိ မ့ၢ်တၢ်လီၤသးအုးဖးဒိၣ်တခါလီၤႉ ဒ်သိးသးစၢ်သ့ၣ်တဖၣ်ကကဲထီၣ်ခိၣ်နၢ်အဂီၢ် မုၢ်လၢ်၀ဲဒီးဒုးအိၣ်ဖျဲၣ်ထီၣ်၀ဲဒီဒူၣ်၊ ဒ်တၢ်ကလဲၤလၢ(NCA)အဂီၢ်...
တၢ်ကကွဲးကညီလံာ်ညိၣ်သိၣ်ဒိၣ်အဂီၢ် လိၣ်ဘၣ်တၢ်မၤစၢၤအဂ့ၢ် ကမံးတံာ်စံး၀ဲ
ယနူၤအါရံၤ ၂၉ သီ၊ ၂၀၁၉နံၣ်၊ စီၤထိလ့။ ကီၢ်ပဒိၣ်ဂံၢ်ခီၣ်ထံးကၠိတဖၣ်အပူၤ ဒ်သိးသိၣ်လိ၀ဲလံာ်ကညီကလဲၤအသး တခါဃီအဂီၢ် တၢ်ကကွဲးပာ်လီၤ၀ဲ ကညီလံာ်ညိၣ်သိၣ်ဒိၣ်အံၤ တၢ်ကပာ်ဖှိၣ်မၤသကိးအီၤအဂ့ၢ် တၢ်ကွဲးပာ်လီၤကညီလံာ်ညိၣ်သိၣ်ဒိၣ် ကမံးတံာ်ၦၤဘၣ်မူဘၣ်ဒါတဖၣ် စံးဘၣ် ခ့ၣ်အဲးစံၣ်ကညီတၢ်ကစီၣ်န့ၣ်လီၤႉ ကီၢ်ဆၣ်ဒီးကီၢ်ခီဒိၣ်(၅)ဘ့ၣ်အပူၤ ကညီလံာ်လဲၢ်ဒီးတၢ်ဆဲးတၢ်လၤကမံးတံာ်ခၢၣ်စးတဖၣ်၊ ၦၤကူၣ်ဘၣ်ကူၣ်သ့လၢ တၢ်လီၢ်အါတီၤတဖၣ်ပၣ်ဃုာ်ဒီးဒုးအိၣ်ထီၣ်၀ဲကညီလံာ်ညိၣ်သိၣ်ဒိၣ်ကမံးတံာ်အံၤ ဖဲ၂၀၁၈နံၣ်၊ လါယူၤလံ၂၈သီအပူၤ ဒီးလၢတၢ်ကွဲးပာ်လီၤလံာ်ညိၣ်သိၣ်ဒိၣ်တၢ်မၤကတီၢ်အံၤကျိၣ်စ့တၢ်လိၣ်အိၣ်ထီၣ်၀ဲဒီးဒ်သိးကပာ်ဖှိၣ်ဟ့ၣ်တၢ်မၤစၢၤအဂီၢ်ကမံးတံာ်နဲၣ်ရွဲၣ်မါသါ၀့အူစံး၀ဲန့ၣ်လီၤႉ “ၦိၢ်ဒီးစှီၤတတီၤအလံာ်ညိၣ်သိၣ်ဒိၣ်အဂီၢ်ကရူၢ်ခၢၣ်စးတဖၣ်ထံၣ်လိာ်အသးလၢ၀့ၢ်တကူၣ်တလါန့ၣ်သၢသီန့ၣ်လီၤႉ လၢတၢ်န့ၣ်အဂီၢ်တၢ်လဲၤတၢ်က့ၤ၊ တၢ်တူၢ်လိာ်၊ တၢ်ဟ့ၣ်၀ဲသရၣ်သရၣ်မုၣ်သ့ၣ်တဖၣ်တၢ်ဟ့ၣ်ကနၢၤတဖၣ် တၢ်ဘၣ်သူ အီၤႉဒီးဘၣ်ပာ်လီၤၦၤမၤတၢ်ဖိလၢကဒိ၀ဲကညီကျိာ်ခံခါလၢာ်အဂီၢ်၊ လၢလံာ်ညိၣ်သိၣ်ဒိၣ်အဂီၢ်ဘၣ်သူ၀ဲလံာ် ဒီးၦၤခဲၣ်တၢ်ဂီၤသ့ၣ်တဖၣ်အဂီၢ်တၢ်လၢာ်ဘူၣ်လၢာ်စ့ၤလီၤႉ လၢတၢ်န့ၣ်အဂီၢ် ဘၣ်ထုးထီၣ်သူအီၤန့ၣ်လီၤႉ အဃိအဲၣ်ဒိးတဲလၢၦၤကမၤစၢၤၦၤန့ၣ်လီၤ”အဂ့ၢ် မါသါ၀့အူ စံး၀ဲန့ၣ်လီၤႉ ကတီၢ်အံၤလၢတၢ်ကွဲးပာ်လီၤကညီလံာ်ညိၣ်သိၣ်ဒိၣ်အဂီၢ် ကညီဖိလၢတအဲၣ်ဒိးပာ်ဖျါအမံၤတဂၤ ဟ့ၣ်မၤစၢၤ၀ဲအက လီၢ်(၃၀)ကၠး ဒီးလၢတၢ်ကွဲးပာ်လီၤလံာ်ညိၣ်သိၣ်ဒိၣ်တုၤအ၀ံၤန့ၣ် တၢ်တယးအီၤလၢကလီၤလၢ ၀ဲစ့ခဲလၢာ်အကလီၢ်(၂၀၀)ဃၣ်ဃၣ်အဂ့ၢ် မါသါ၀့အူတဲအါထီၣ်၀ဲလီၤႉ လၢတၢ်ကွဲးပာ်လီၤ၀ဲကညီလံာ်ညိၣ်သိၣ်ဒိၣ်အံၤမ့မ့ၢ်လၢစှီၤကျိာ်တတီၤအဂီၢ်န့ၣ် ၀ံၤလံ၀ဲသၢပူခံပူလံဒီး မ့မ့ၢ်လၢၦိၢ်ကညီကျိာ်န့ၣ်၀ံၤလံ၀ဲခဲလၢာ်ဒီးအိၣ်တ့ၢ်ဒၣ်ထဲၦၤခဲၣ်တၢ်ဂီၤသ့ၣ်တဖၣ်ကဘၣ်ခဲၣ်၀ံၤ၀ဲတၢ်ဂီၤန့ၣ်လီၤႉ ကညီလံာ်ညိၣ်သိၣ်ဒိၣ်တၢ်လိၣ်ထီၣ်ဖးထီၣ်ကမံးတံာ်ၦၤပၢၤလီၢ်ဆ့ၣ်နီၤန့ၣ် မ့ၢ်၀ဲစီၤကၠူပလံၤစၤလၣ်၊ ၦၤပၢၤလီၢ် ဆ့ၣ်နီၤ(၂)န့ၣ် တၢ်ပာ်လီၤအီၤလၢ ကီၢ်ခီဒိၣ်ဒီးကီၢ်ဆၣ်(၅)ဘ့ၣ်အပူၤ ကညီလံာ်လဲၢ်ဒီး တၢ်ဆဲးတၢ်လၤၦၤဘၣ်မူဘၣ် ဒါတဖၣ်ဒီးကမံးတံာ်အနဲၣ်ရွဲၣ်မ့ၢ်၀ဲမါသါ၀့အူန့ၣ်လီၤႉ ဒ်န့ၣ်အသိးလၢတၢ်ကွဲးပာ်လီၤ၀ဲစှီၤကညီလံာ်ညိၣ်သိၣ်ဒိၣ်ကရူၢ်ခိၣ်မ့ၢ်၀ဲစီၤလ့ခဲၣ်(ပသံၣ်တၢ်ကူၣ်ဘၣ်ကူၣ်သ့ခီလ့ၣ်ကၠိခိၣ်လၢဟံးတၢ်အိၣ်ဘှံး)ဒီကထၢၣ်စီၤကၠံၣ်စိပကိဖၠၣ်စိမိၤၦၤကူၣ်ဘၣ်ကူၣ်သ့လၢဟံးတၢ်အိၣ်ဘှံးဒီးကညီၦၤကူၣ်ဘၣ်ကူၣ်သ့တဖၣ် (၁၀)ဂၤပၣ်ဃုာ်၀ဲန့ၣ်လီၤႉ ကီၢ်ပဒိၣ်တီၤဖုၣ်ကၠိသ့ၣ်တဖၣ်အပူၤ တၢ်သိၣ်လိ၀ဲကညီလံာ်ဘၣ်ဆၣ်တဒ်သိးလိာ်အသးခဲလၢာ်ဘၣ်အဃိ ဒ်ခ့ခါတၢ်ဆၢကတီၢ်တၢ်အိၣ်သးအသိး တၢ်က့ၤကွဲးပာ်လီၤအီၤဒီး ကညီလံာ်လဲၢ် တၢ်ဆဲးတၢ်လၤလၢ ကီၢ်ခီဒိၣ်ဒီးကီၢ်ဆၣ်တဖၣ်တူၢ်လိာ်အၢၣ်လီၤ၀ဲဒီးဒုးအိၣ်ထီၣ်၀ဲအဂ့ၢ်ဒီး...