၄၀၂ အမျိၥ်သုး အပှၤ(၃)ဂၤ ဟဲက့ၤပၥ်ဖှိၣ်မၤသကိးတၢ်ဒီးခ့ၣ်အဲၣ်ယူၣ်(သုးက့ ၁)
လါယနူၤအါရံၤ ၂၅ သီ, ၂၀၂၅ နံၣ်, ခ့ၣ်အဲးစံၣ် သုးကီၣ်ကး(၄၀၂)အမျိၥ်သုးကလၢၤ အပှၤ ၃ ဂၤ လၢအအိၣ်ဆီလီၤသးဖဲခ့ၣ်အဲၣ်ယူၣ်-ကညီဒီကလုၥ် စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁) သထူၣ်ကီၢ်ဆၣ်ပူၤအံၤ ဖဲတနံၤညါအံၤ ဟဲက့ၤပၥ်ဖှိၣ်မၤသကိးတၢ်ဒီးဟီၣ်က၀ီၤကညီ ဒီကလုၥ် တၢ်ထူၣ်ဖျဲးသုးမုၢ်ဒိၣ် (KNLA) သုးပၥ်ဖှိၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ. (၄၀၂)အမျိၥ်သုး အပှၤ(၃)ဂၤလၢအဟဲက့ၤပၥ်ဖှိၣ်မၤသကိးတၢ်ဒီးဟီၣ်က၀ီၤ(KNLA)သုးရ့ၣ် ၂ သုးပၥ်ဖှိၣ်အံၤတဖၣ် မ့ၢ်ပှၤစၢ် အသးနံၣ်ကအိၣ်ဒံးဒၣ်ထဲအနံၣ်(၂၀)ဘျဲၣ် (၃၀)ခိၣ်ဃၢၤလီၤဒီး ဒ်န့ၣ်အသိးအ၀ဲသ့ၣ်န့ၣ်အနုၥ်လီၤမၤတၢ်သုးကျါကအိၣ်ဒံးဒၣ် ထဲတနံၣ်ဘျဲၣ်ဒံးလီၤအဂ့ၢ်န့ၣ် သထူၣ်ကီၢ်ဆၣ် နဲၣ်ရွဲၣ် စီၤမိစီၣ်ထဲၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. စံး၀ဲလၢ“ဖဲတနံၤအံၤ ၂၅ သီ ဂီၤခီန့ၣ် ပလဲၤအိၣ်စိၢ်အ၀ဲသ့ၣ်. အ၀ဲသ့ၣ်အဲၣ်ဒိးဟဲက့ၤမၤသကိးတၢ်ဒီးပှၤအဃိ ပတူၢ်လိၥ်ခီၣ်ဆၢ အ၀ဲသ့ၣ်မုၥ်မုၥ်လီၤ. ပှၤသုးဖိတဖၣ်အံၤအမၤတ့ၢ်ဃၥ်တၢ်လၢသုးကျါန့ၣ်တယံၤဒံးဘၣ်. အထီၣ်တၢ်မၤလိ၀ံၤကန့ၢ်တနံၣ်ဘျီ အဟဲလီၤမူဒါဖဲအံၤကအိၣ်ဒံးဖဲသၢလါလွံၢ်လါဒံးလီၤ.အ၀ဲသ့ၣ်နါက့ဆိမိၣ်ဃၥ်လၢညါလံၤလံၤလံလၢကဟဲက့ၤလၢပအိၣ်န့ၣ်. ” အဂ့ၢ်န့ၣ် စံး၀ဲ န့ၣ်လီၤ. လၢန့ၣ်အမဲၥ်ညါပယီၤသုး(၃)ဂၤအံၤ ဟဲက့ၤစိၥ်ဃုၥ်၀ဲ(MA 2) ၃ ခိၣ်, ကျိအမဲးကစံဒၢ(၉)ခါ, စုကွံၥ်မ့ၣ်ပိၢ်(၂)ဖျၢၣ် ဃုၥ်ဒီးကျိအချံ သ့ၣ်တဖၣ်ဒီး ဒ်န့ၣ်အသိးပှၤသၢဂၤအံၤ ခ့ၣ်အဲၣ်ယူၣ် ကီၢ်ဆၣ်ပှၤဘၣ်မူဘၣ်ဒါ...
ကီၢ်သူလ့ၤတၢ်ပၢဟီၣ်ကဝီၤတနံၣ်အတီၢ်ပူၤတၢ်ဒုးကဲထီၣ်အဘျီ(၃၀၀၀)ဘျဲၣ်ဒီးပယီၤသုးသံအဂၤ(၃၀၀၀)ဘျဲၣ်
လါယနူၤအါရံၤ ၂၅ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကီၢ်သူလ့ၤတၢ်ပၢဟီၣ်ကဝီၤအပူၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်,ကညီဒီကလုၥ်ဂၢၤသးကရၢဃုၥ်ဒီးအတၢ်တီခိၣ် ရိၣ်မဲအဖီလၥ်တၢ်ပၢၢ်ဆၢသုးပၥ်ဖှိၣ်သ့ၣ်တဖၣ်တနံၣ်အတီၢ်ပူၤတၢ်ဒုးကဲထီၣ်ဝဲဒီးပယီၤသုးကီၣ်ကးအဘၢၣ်စၢၤအိၣ်ဝဲအဘျီ(၃၀၀၀)ဘျဲၣ်ဒီးပယီၤသုးတကပၤစ့ၢ်ကီးသံအဂၤ(၃၀၀၀)ဘျဲၣ်အဂ့ၢ်ခ့ၣ်အဲၣ်ယူၣ်လီၢ်ခၢၣ်သးထုးထီၣ်ပၥ်ဖျါဝဲဖဲမဟါလါယနူၤအါရံၤ(၂၄)သီအနံၤန့ၣ်လီၤ. လၢခ့ၣ်အဲၣ်ယူၣ်တၢ်ပၢဟီၣ်ကဝီၤဒူသထူၣ်ကီၢ်ရ့ၣ်,တီအူကီၢ်ရ့ၣ်,ချၢၣ်လွံၢ်ထူၣ်ကီၢ်ရ့ၣ်,ဘျံးဒဝဲၢ်ကီၢ်ရ့ၣ်,မုၢ်ြတီၢ်ကီၢ်ရ့ၣ်,ဒူပျၥ်ယၥ်ကီၢ်ရ့ၣ်,ဒီးဖၣ်အၣ်ကီၢ်ရ့ၣ်သ့ၣ်တဖၣ်အပူၤ(၂၀၂၄)နံၣ်အတီၢ်ပူၤအံၤတၢ်ဒုးအဆံး,တၢ်ဒုးဖးဒိၣ်ကဲထီၣ်ဝဲခဲလၢၥ်တစှၤန့ၢ်(၃၂၂၉)ဘျီဘၣ်အမဲၥ်ညါပယီၤသုးတကပၤသံစှၤန့ၢ်(၃၁၃၆)ဂၤဒီးဘၣ်ဒိဘၣ်ထံးဝဲ(၂၂၂၅)ဂၤဃၣ်ဃၣ်အဂ့ၢ်န့ၣ်တၢ်ပၥ်ဖျါအပူၤပၥ်ဖျါဝဲဒၣ်န့ၣ်လီၤ. လၢန့ၣ်အမဲၥ်ညါ(၂၀၂၄)နံၣ်အတီၢ်ပူၤတၢ်ဒုးကဲထီၣ်ဝဲဒီးပယီၤသုးခိၣ်သုးနၢ်ဃုၥ်ဒီးသုးဖိသ့ၣ်တဖၣ်လၢအကထိဘျဲၣ်ဘၣ်သံဘၣ်ပှၥ်,ဘၣ်ဒိဘၣ်ထံးဝဲတကးဒံးဘၣ်တၢ်ဖီၣ်မူဒံးန့ၢ်ဝဲပယီၤသုးစးထီၣ်လၢအဒုးယၤခိၣ်ပတီၢ်ဒီးတုၤလီၤလၢအသုးဖိပတီၢ်သ့ၣ်တဖၣ်လၢအကယၤဘျဲၣ်အဂ့ၢ်သ့ၣ်ညါဘၣ်လၢတၢ်ပၥ်ဖျါအပူၤန့ၣ်လီၤ. မ့ၢ်ဘၣ်ကွၢ်က့ၤဒ်ခ့ၣ်အဲၣ်ယူၣ်တၢ်ပၥ်ဖျါပူၤအသိးန့ၣ်ချၢၣ်လွံၢ်ထူၣ်ကီၢ်ရ့ၣ်ဟီၣ်ကဝီၤအပူၤတၢ်ဒုးကဲထီၣ်ဝဲအဘျီ(၇၀၀)ဘျဲၣ်,ပယီၤသုးသံ(၉၉၁)ဂၤဒီးမ့ၢ်ကီၢ်ရ့ၣ်တဘ့ၣ်လၢပယီၤသုးသံအနီၣ်ဂံၢ်အါကတၢၢ်ကီၢ်ရ့ၣ်တဘ့ၣ်န့ၣ်လီၤ. ဒ်န့ၣ်အသိးမုၢ်တြီၢ်ကီၢ်ရ့ၣ်ဟီၣ်ကဝီၤ အပူၤစ့ၢ်ကီးတၢ်ဒုးကဲထီၣ်ဝဲခဲလၢၥ်အိၣ်(၉၄၇)ဘျီ,ပယီၤသုးသံ(၅၉၆)ဂၤဒီးမ့ၢ်ကီၢ်ရ့ၣ်ခံဘ့ၣ်တဘ့ၣ်လၢပယီၤသုးသံအါကတၢၢ်န့ၣ်လီၤ. ဒ်န့ၣ်အသိးတၢ်ဒုးကဲထီၣ်ဝဲလၢခံခီခံကပၤဒ်အံၤအဖီခိၣ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်,ကညီဒီကလုၥ်ဂၢၤသးကရၢဃုၥ်ဒီးအတၢ်တီခိၣ်ရိၣ်မဲအဖီလၥ်တၢ်ပၢၢ်ဆၢသုးပၥ်ဖှိၣ်ကရူၢ်တကပၤသ့ၣ်တဖၣ်ဘၣ်သံဝဲဒၣ်အဂၤ(၁၀၀)ဃၣ်ဃၣ်ဒီးဘၣ်ဒိဘၣ်ထံးဝဲဒၣ်(၃၂၅)ဂၤဃၣ်ဃၣ်အဂ့ၢ်န့ၣ်ခ့ၣ်အဲၣ်ယူၣ်ထုးထီၣ်ပၥ်ဖျါဝဲဒၣ်စ့ၢ်ကီးန့ၣ်လီၤ. တကတီၢ်ဃီခီဖျိလၢဒုးယၤတၢ်သဘံၣ်သဘုၣ်အဃိအတၢ်ပိၥ်ထွဲထီၣ်အသးလၢအမ့ၢ်ကမျၢၢ်သ့ၣ်တဖၣ်ဘၣ်ဃ့ၢ်အိၣ်ကဒုသးအနီၣ်ဂံၢ်ဟဲအါထီၣ်ဝဲအသိးစးထီၣ်လၢသုးမီၤစိရိၤဟံးန့ၢ်ဆူၣ်တၢ်စိတၢ်ကမီၤတုၤလီၤလၢ(၂၀၂၃)နံၣ်,နံၣ်ကတၢၢ်န့ၣ်ပှၤလီၢ်အိၣ်ကမှံဖိအနီၣ်ဂံၢ်အိၣ်ဝဲ(၇၅၀,၀၀၀)ဘျဲၣ်ဘျဲၣ်အခိၣ်အဃၢၤဒီးတုၤလီၤလၢ(၂၀၂၄)နံၣ်,လါစဲးပထ့ဘၢၣ်အတီၢ်ပူၤန့ၣ်ပှၤလီၢ်အိၣ်ကမှံဖိအနီၣ်ဂံၢ်ဟဲအိၣ်ထီၣ်တုၤလၢ(၁)ကကွဲၢ်ဘျဲၣ်လံအဃိတၢ်ဘၣ်ကွၢ်ဆၢၣ်မဲၥ်ဘၣ်ဝဲတၢ်အီၣ်တၢ်အီတၢ်လိၣ်ဘၣ်သ့ၣ်တဖၣ်အိၣ်ဒံးဝဲအဖၢမုၢ်န့ၣ်လီၤ.
မံၣ်ဒံၣ်ယၢၣ်လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ ဒီး ပှၤမၤတၢ်ကစီၣ်ဖိလၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ တၢ်တီခိၣ်ရိၣ်မဲ
မံၣ်ဒံၣ်ယၢၣ်လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ ဒီး ပှၤမၤတၢ်ကစီၣ်ဖိလၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ တၢ်တီခိၣ်ရိၣ်မဲ (စိၣ်မံၣ်ယၣ်ကၠီၣ်) (၉-၁-၂၀၂၅) -(IT) တၢ်ကစီၣ်တၢ်သ့တၢ်ဘၣ်ဂုၤထီၣ်ပသီထီၣ်ချ့သဒံးတပယူၥ်ဃီ -ပှၤကိးဂၤဒဲးသူ၀ဲလီတဲစိဒီးအ့ထနဲးတၢ်ဆဲးကျိးဆဲးကျၢ -ထံဒိၣ်ကီၢ်လဲၢ်တနီၤ,ပဒိၣ်ဒီးသုးဂ့ၢ်၀ီ၀ဲၤကျိၤတဖၣ်မ့ၢ်ဂ့ၤ, ပၥ်ခူသူၣ်ပၥ်ကဒၢဃၥ်၀ဲတၢ်ဂ့ၢ်တခါဒီး ဒုးအိၣ်ထီၣ်၀ဲတၢ်ကစီၣ် အယီၤအဘျၣ်ဒီးတၢ်ကစီၣ်အကမၣ်လၢတၢ်ဃါဃုၥ်ဒုးအိၣ်ထီၣ်၀ဲတဖၣ် -ပှၤကိးဂၤဒဲး ဒုးအိၣ်ထီၣ်ဒုးကဲထီၣ်တၢ်ကစီၣ်အဂ့ၢ်အကျိၤသ့၀ဲအကလုၥ်ကလုၥ်လၢတဂၤဒၣ်၀ဲလၢလီတဲစိပူၤသ့ဒီး ရၤလီၤ၀ဲဒၣ်ဆူစိၣ်ရှၢၣ်မံၣ်ဒံၣ်ယၢၣ်ပူၤတဆီအံၤသ့၀ဲ -လၢပကဖီၣ်ဂၢၢ်ဃၥ်၀ဲတၢ်ဂ့ၢ်(၄)ထံၣ်အံၤအဂီၢ်တမ့ၢ်တၢ်လၢအညီ၀ဲဘၣ်. တၢ်ကစီၣ်လၢအယီၤအဘျၣ်-တၢ်ကစီၣ်အကမၣ် သ့ၣ်တဖၣ်န့ၣ် ဟံန့ၢ်၀ဲခီၣ်တဃၥ်(၄)ထံၣ်လၢအိၣ်ဖျါတၢ်ဖီခိၣ်အံၤဒီး လၢစဲးကးအတီၢ်ပူၤရၤလီၤအသးချ့သဒံးဆူ ဟီၣ်ခိၣ်ဒီတဘ့ၣ် အပူၤန့ၣ်လီၤ. -တၢ်လၢတၢ်ကစီၣ်အယီၤအဘျၣ်,အကမၣ်အတၢ်လီၤဘၣ်ယိၣ်အံၤ ပဒိၣ်ဒီးပှၤဘၣ်မူဘၣ်ဒါဘၣ်ထွဲတဖၣ် ပၢၤဃၥ်၀ဲခီဖျိလၢ တၢ်သ့တၢ်ဘၣ်, တၢ်သိၣ်တၢ်သီတၢ်ဘျၢကန့ၢ်အဂီၢ်န့ၣ် ဂုၥ်ကျဲးစၢး၀ဲလၢကျဲအကပၤကပၤန့ၣ်လီၤ. ဘၣ်ဆၣ်လၢတၢ်ကဖီၣ်ဂၢၢ်ဃၥ်၀ဲ ဘၣ်ဃးတၢ်ဒုးအိၣ်ထီၣ်တၢ်ကစီၣ်တၢ်ဂ့ၢ်တၢ်ကျိၤညီညီကဒၣ်ချ့သဒံးဒီး လၢစဲးကးအတီၢ်ပူၤရၤလီၤအသးဆူပှၤအါဂၤအအိၣ်ခီန့ၣ် ကဲ၀ဲဒၣ်တၢ်တၤတၢ်ဖးဒိၣ်ညါဒံးန့ၣ်လီၤ. -လၢတၢ်အိၣ်သးနီၢ်နီၢ်အပူၤစ့ၢ်ကီး ဒ်သိးတၢ်ကဒုးအိၣ်ထီၣ်တၢ်ကစီၣ်အယီၤအဘျၣ်,တၢ်ကစီၣ်လၢအကမၣ်အံၤအဂီၢ်န့ၣ် တၢ်အိၣ်သးတၢ်ဂ့ၢ်တၢ်ကျိၤအကလုၥ်ကလုၥ်စ့ၢ်ကီး——-လီၤ. နကဒုးအိၣ်ထီၣ် ခိၣ်ဃၢၤန့ဆၢၣ်တၢ်ဘၣ်ယိၣ်လၢအဟဲတုၤအိၣ် ပှၤသ့လၢအတရ့တၢ်ဆၢကတီၢ်ဘၣ်အံၤဘၣ်ဧါ,လၢမုၢ်ကျိၤ၀ဲၤကွၥ်တကပၤစ့ၢ်ကီး နကဒုးအိၣ်ထီၣ်လၢသိအလုၢ်အပှ့ၤဧါ, နကဒုးအိၣ်ထထီၣ်ဘၣ်ဃးတၢ်ဆါဘၣ်ကူဘၣ်ဂၥ်တခါခါဧါ,နကဒုးအိၣ်ထီၣ်ဘၣ်ဃးဒုးယၤဂ့ၢ်၀ီဧါ. လၢမုၢ်ကျိၤ၀ဲၤကွၥ်တကပၤစ့ၢ်ကီးနကဒုးအိၣ်ထီၣ်ဒ်သိအလုၢ်အပှ့ၤဧါ, တၢ်သ့ၣ်တဖၣ်အံၤ နဒုးအိၣ်ထီၣ် ဒ်တၢ်ကွဲးပူတၢ်ဂ့ၢ်တၢ်ကျိၤတခါလၢအအိၣ်ဒီးတၢ်ရဲၣ်လီၤကျဲၤလီၤန့ၣ် နထုးထီၣ်ရၤလီၤအီၤသ့န့ၣ်လီၤ. ခ့ခါဆၢကတီၢ်ခဲအံၤ ပှၤကိးဂၤဒဲးန့ၣ်အိၣ်ဒီးအလီတဲစိသူ၀ဲဒၣ်(စိၣ်ရှၢၣ်မံၣ်ဒံၣ်ယၢၣ်)တခါခါအဃိ တၢ်ဂ့ၢ်တၢ်ကျိၤတခါခါလၢ အကဲထီၣ်သးလၢပမဲၥ်ညါတဖၣ် လၢလံၥ်ကွဲးမ့ၢ်ဂ့ၤ,တၢ်ဂီၤမ့ၢ်ဂ့ၤ,တၢ်ဂီၤမူမ့ၢ်ဂ့ၤန့ၣ် ပဂုၥ်ကျဲးစၢးတီၣ်ထီၣ်၀ဲဒၣ်လီၤတမ့ၢ်ဧါ. ပှၤတနီၤန့ၣ်ကဲထီၣ်သးဒ်သိးတၢ်သးစဲတခါဒ်သိးအသးစဲ၀ဲဒၣ်ကသံၣ်မူၤဘှီးတခါခါအသိးဒီး ပှၤဒ်န့ၣ်သ့ၣ်တဖၣ်အါဒၣ်တက့ၢ် ရၤလီၤ၀ဲဒၣ်တၢ်ကစီၣ်တၢ်ဂ့ၢ်တၢ်ကျိၤလၢတလီၤတံၢ်လီၤဆဲးသ့ၣ်တဖၣ်န့ၣ်လီၤ. -အဃိဒ်သိးတၢ်ကမၤလီၢ်မၢ်ကွံၥ် တၢ်ကစီၣ်အယီၤအဘျၣ်-တၢ်ကစီၣ်ကမၣ်အတၢ်လီၤဘၣ်ယိၣ်သ့ၣ်တဖၣ်အံၤအဂီၢ် မူဒါသ့ၣ်တဖၣ် လီၤတီက့ၤ၀ဲဒၣ်လၢမံၣ်ဒံၣ်ယၢၣ်တၢ်ကစီၣ်သန့လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤသ့ၣ်တဖၣ်အလိၤန့ၣ်လီၤ. ဖဲန့ၣ် ပကဆီၣ်ဖျိးကွံၥ် “တၢ်ကစီၣ်အယီၤအဘျၣ်-တၢ်ကစီၣ်အကမၣ်သ့ၣ်တဖၣ်”လၢတၢ်မနုၤလဲၣ်.မတၤတဖၣ်ကဆီၣ်ဖျိး ကွံၥ်၀ဲလဲၣ်. ကျိၤကျဲလၢနကဆီၣ်ဖျိးထီၣ်ကွံၥ်“တၢ်ကစီၣ်အယီၤအဘျၣ်-တၢ်ကစီၣ်အကမၣ်”အမဲၥ်ညါန့ၣ် နကဘၣ်ဆီၣ်ဖျိးကွံၥ် အီၤလၢ “တၢ်ကစီၣ်တၢ်ဂ့ၢ်တၢ်ကျိၤလၢအမ့ၢ်အတီ”တဖၣ်တပယူၥ်ဃီန့ၣ်လီၤ. ကျိၤကျဲလၢအဂၤတအိၣ်နီခါဘၣ်. -ပှၤလၢအကဆီၣ်ဖျိးကွံၥ်တၢ်န့ၣ်ကမ့ၢ်မတဂၤသ့ၣ်တဖၣ်လဲၣ်. ကမ့ၢ်၀ဲဒၣ် မံၣ်ဒံၣ်ယၢၣ်ပှၤမၤတၢ်ကစီၣ်ဖိလၢအသ့ၣ်ညါမူဒါ- အိၣ်ဒီးသူးသ့ၣ်လၤကပီၤသ့ၣ်တဖၣ်အံၤ...
ဖၣ်အၣ်ကီၢ်ဆၣ်ပူၤ (DKBA)ဆီလီၤတြဲၤခိးထၢစ့လၢသ၀ီပူၤအဖီခိၣ်ကဲထီၣ်တၢ်တံၥ်တၥ်အဂ့ၢ် ကမျၢၢ်စံး၀ဲ
လါယနူၤအါရံၤ ၂၄ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ် ကၠီတလူၢ်သ၀ီအပူၤ စးထီၣ်ဖဲတလါ အံၤထီၣ်န့ၣ် ဘူးဒးတၢ်ဂုၤထီၣ်ပသီထီၣ်ကညီသုးမုၢ်ဒိၣ်(DKBA)လဲၤဆီလီၤတြဲၤ၀ံၤခိးထၢစ့လၢသိလ့ၣ်လ့ၢ်ထီၣ်လ့ၢ်လိၤတဖၣ် အအိၣ်အဃိ ကဲထီၣ်တၢ်တံၥ်တၥ်တၢ်ကီတၢ်ခဲလၢကမျၢၢ်လ့ၢ်ထီလ့ၢ်လိၤတဖၣ်အဂီၢ်အဂ့ၢ်န့ၣ် ကမျၢၢ်တဖၣ်စံး၀ဲန့ၣ်လီၤ. ဖဲတလါအံၤလါယနူၤအါရံၤ ၁၀ သီအနံၤန့ၣ် (DKBA)သုးခိၣ်စီၤခၠ့ၣ်သါတီခိၣ်ရိၣ်မဲဟဲဆီလီၤအတြဲၤလၢနီဖးဒိၣ်ကရူၢ် ကၠီတလူၢ် သ၀ီပူၤဒီး ဟ့ၣ်ထီၣ်တၢ်ဂ့ၢ်ခိၣ်တီလၢသီခါယူၤဘူၣ်၀ံၤ သိလ့ၣ်လၢအလ့ၢ်ထီၣ်လိၤမ့ၢ်ဂ့ၤ,လဲၤပှ့ၤတၢ်လၢ၀့ၢ်ပူၤတဖၣ်မ့ၢ်ဂ့ၤ ထၢ၀ဲတခိၣ်န့ၣ်အစှၤကတၢၢ်(၂၀၀၀)တုၤ လၢ(၁၀၀၀၀)ကၠး ဒိးသန့ၤထီၣ်သးလၢတီၣ်တၢ် ဖိတၢ်လံၤအဂ့ၢ်န့ၣ် လီၢ်က၀ီၤပှၤ ဘၣ်မူဘၣ်ဒါဒီးကမျၢၢ်တဖၣ် စံး၀ဲအသိး သ့ၣ်ညါဘၣ်န့ၣ်လီၤ. အပူၤကွံၥ်ကၠီတလူၢ်သ၀ီပူၤတၢ်ဆီလီၤတြဲၤခိးထၢစ့တအိၣ်၀ဲဘၣ်အသိးတကီၢ်ခါခဲအံၤလၢတၢ်ဆီလီၤတြဲၤဒ်အံၤအဖီခိၣ် လၢကလ့ၢ် ထီၣ်လ့ၢ်လိၤ,ကလဲၤက့ၤဖံးမၤတၢ်အဂီၢ်ကဲထီၣ်တၢ်ကီတၢ်ခဲ,တၢ်တံၥ်တၥ်အသိး ဘၣ်ပျံၤစ့ၢ်ကီးလၢတၢ်ဘံၣ်တၢ်ဘၢ တကပၤ အဂ့ၢ်န့ၣ် ကမျၢၢ်လၢအိၣ်ဘူးဖဲန့ၣ်တဂၤစံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. အ၀ဲစံး၀ဲလၢ“(DKBA)ဆီလီၤတြဲၤခိးထၢစ့ခဲအံၤန့ၣ်ပှၤတီခိၣ်ရိၣ်မဲတၢ်န့ၣ်ခၠ့ၣ်သါလီၤ.လၢညါန့ၣ်တအိၣ်နီဘျီဘၣ်.ဆီလီၤ၀ဲခဲအံၤပှၤလ့ၢ်လိၤက့ၤထီၣ်န့ၣ်အသံဒိးသံကွၢ်,သမံသမိးတၢ်အိၣ်စ့ၢ်မီၤ.တၢ်သမံသမိးအိၣ်ဒ်အံၤဘျီတၢ်လဲၤတၢ်က့ၤနါက့ဘၣ်ပျံၤဘၣ်ဖုးတၢ်စ့ၢ်မီၤနီၤ.သ၀ီဖိခီလ့ၢ်လိၤက့ၤထီၣ်မၢ်မၢ်လီၤ.လၢညါန့ၣ်တအိၣ်နီတဘျီဘၣ်.အဃိကမျၢၢ်နါက့တၢ်ဘၣ်အီၤတမုၥ်စ့ၢ်ဘၣ်.ပှၤတဲကါလ့ၢ်လိၤက့ၤထီၣ်န့ၣ်ဃ့အီၣ်၀ဲတခိၣ်န့ၣ်(၁၀၀၀),(၂၀၀၀),(၅၀၀၀),တုၤလၢ(၁၀၀၀၀)ညါ.ဒူသ၀ီဖိလ့ၢ်ထီၣ်လ့ၢ်လိၤန့ၣ်တၢ်ကီတၢ်ခဲအိၣ်စ့ၢ်,မ့၀ံၤဘၣ်ပျံၤဘၣ်ထုးတၢ်အိၣ်စ့ၢ်”အဂ့ၢ်န့ၣ် စံး၀ဲန့ၣ်လီၤ. လၢန့ၣ်အမဲၥ်ညါဆီလီၤတြဲၤခိးထၢစ့လၢသ၀ီပူၤအဖီခိၣ်အံၤလီၢ်က၀ီၤကမျၢၢ်တနီၤခီဖျိတအဲၣ်ဒိးတဘၣ်သး၀ဲဘၣ်အိၣ်အဃိ ဖဲလါယနူၤအါရံၤ ၁၂ သီ မုၢ်နၤခီအဆၢကတီၢ်န့ၣ် တၢ်လဲၤမၤဂီၤကွံၥ်အသ့ၣ်ထူၣ်လၢအဆီလီၤပၥ်ကဲ၀ဲလၢတြဲၤအံၤကဲထီၣ် တဘျီလံအဂ့ၢ်န့ၣ် လီၢ်က၀ီၤကမျၢၢ်တဂၤဃီ၀ဲန့ၣ်စံးအါထီၣ်၀ဲန့ၣ်လီၤ. တကီၢ်ခါသီခါလၢတၢ်မၤဘူၣ်ထီၣ်အီၤတပါအံၤလၢကဟဲလါယနူၤအါရံၤ ၂၈ သီ, ၂၉ သီအံၤ တၢ်ကကုၢ်ထီၣ်၀ဲ အိၣ်အဖီခိၣ် တၢ်ရဲၣ်တၢ်ကျဲၤမ့၀ံၤန့ၣ် တြဲၤလၢတၢ်ဆီလီၤ၀ဲလၢသ၀ီပူၤအံၤကထုးကွံၥ်၀ဲအဂ့ၢ်န့ၣ် (DKBA)ပှၤဘၣ်မူဘၣ်ဒါစံး၀ဲအိၣ် ဘၣ်ဆၣ်ဘၣ်အိၣ်ခိးကွၢ်တၢ်အိၣ်သးလၢကဟဲအဂ့ၢ်န့ၣ် ကမျၢၢ်တဖၣ်စံး၀ဲန့ၣ်လီၤ. တကးဒံးဘၣ်လၢန့ၣ်အမဲၥ်ညါဘၣ်ဃးတၢ်ဆီလီၤတြဲၤတၢ်ဂ့ၢ်အံၤမ့ၢ်ဒၣ်တၢ်ဟံန့ၢ်၀ဲတၢ်ဘံၣ်တၢ်ဘၢလၢတၢ်ဘူၣ်ပူၤအဂီၢ်အဂ့ၢ် (DKBA)စံး၀ဲဘၣ်ဆၣ်တြဲၤလၢတၢ်ခိးထၢစ့လၢကမျၢၢ်လ့ၢ်ထီၣ်လ့ၢ်လိၤအအိၣ်အံၤတဘၣ်ထွဲလိၥ်အသးဒီးသီခါတၢ်ဘူၣ်အံၤဘၣ်အဂ့ၢ်န့ၣ် ကမျၢၢ်လၢအိၣ်ဘူးဖဲန့ၣ်တဖၣ် စံး၀ဲန့ၣ်လီၤ.အဃိဘၣ်ဃးတၢ်ဂ့ၢ်အံၤလၢကပၥ်ဂၢၢ်ပၥ်ကျၢၤအီၤအဂီၢ် ပခ့ၣ်အဲးစံၣ်-ကညီတၢ်ကစီၣ်...
ကၠီၣ်တဲၣ်ပံးကွံၥ်ဃိၣ်သၢဖျၢၣ်ကီၢ်ဆၢတဖိးသဲးစးတၢ်လ့ၢ်ထီၣ်လ့ၢ်လိၤကျဲတဖၣ်
လါယနူၤအါရံၤ ၂၃သီ, ၂၀၂၅နံၣ်, ခ့ၣ်အဲးစံၣ်, ကီၢ်ကၠီၣ်တဲၣ်,ကီၢ်ပယီၤကီၢ်ဆၢဃိၣ်သၢဖျၢၣ်ဝ့ၢ်အပူၤတဖိးမံသဲးစးကျဲတၢ်နုၥ်လီၤဟးထီၣ်သ့ၣ်တဖၣ်အံၤ,စးထီၣ်ဖဲအပူၤကွံၥ်လါယနူၤအါရံၤ(၁၉)သီအနံၤအပူၤကၠီၣ်တဲၣ်ပှၤဘၣ်မူဘၣ်ဒါတဖၣ်ကးတံၥ်ကွံၥ်ဝဲအဂ့ၢ်,ဟီၣ်ကဝီၤပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ. ဘၣ်ဃးဒီးကၠီၣ်တဲၣ်ပှၤဘၣ်မူဘၣ်ဒါတကပၤစးထီၣ်ကးတံၥ်ကွံၥ်ဝဲဃိၣ်သၢဖျၢၣ်ဝ့ၢ်တဖိးသဲးစးကျဲတၢ်ဟးထီၣ်က့ၤလီၤတဖၣ်အံၤန့ၣ်,ဒံၣ်မိၣ်ကရ့ၣ်စံၣ်တၢ်ဘၣ်ဘျူးကညီသုးမုၢ်ဒိၣ်(DKBA)တီနီၢ်မုၢ်နုၥ်သုးဟီၣ်ကဝီၤနီၢ်ဂံၢ်(၂)အဒုးယၤခိၣ်သုးခိၣ်ဒိၣ်စိစီၤအ့ၣ်ဝါစံးဘၣ်ခ့ၣ်အဲးစံၣ်ကညီတၢ်ကစီၣ်ဒ်အံၤန့ၣ်လီၤ. အဝဲစံးဝဲလၢ“တချူးကးတံၥ်ဝဲအခါန့ၣ်အဝဲသ့ၣ်ဟဲကတိၤတၢၣ်ပီၣ်သကိးတၢ်ဒီးပှၤလီၤ.ဒ်တၢ်နဲၣ်လီၤအဝဲသ့ၣ်လၢထးအသိးန့ၣ်,အဝဲသ့ၣ်ရှဲပၠးပှၤတဲဝဲလၢကျဲသ့ၣ်တဖၣ်န့ၣ်တဖိးမံသဲးစးပှၤကညီဟးထီၣ်က့ၤလီၤအါဒီးတၢ်ဖိတၢ်လံၤတဖၣ်နုၥ်လီၤဟးထီၣ်လၢကျဲဟုၣ်တကပၤအါအဖီခိၣ်,တၢ်တဘၣ်လီၢ်ဘၣ်စးဘၣ်အဃိန့ၣ်ကပံးဝဲတစိၢ်တလီၢ်ဖိလီၤ.ဒီးတဲပၥ်ဝဲမ့လိၣ်ဘၣ်တခီအိးထီၣ်န့ၣ်လီၤမီၤ.ယဆိကမိၣ်န့ၣ်ပယီၤကဟ့ၣ်အဝဲသ့ၣ်တၢ်ဆီၣ်သနံးလၢတၢ်ဖီခိၣ်မီၤ.ဘၣ်မနုၤအဃိလဲၣ်န့ၣ်,ဃိၣ်သၢဖျၢၣ်တခီမ့ၢ်ဒၣ်တဖိးမံသဲးစးကျဲဒီးတမ့ၢ်ခံခီခံကပၤတၢ်သးလီၤပလိၥ်အိၣ်ထီၣ်ဝဲဘၣ်အဖီခိၣ်န့ၣ်,လီၤဂၥ်လၢကၠီၣ်တဲၣ်တကပၤဟ့ၣ်တၢ်ပျဲလၢကနုၥ်လီၤဟးထီၣ်အဃိန့ၣ်,ခဲအံၤမၤဝဲဒ်ပံးဃၥ်ဝဲတစိၢ်တလီၢ်အသိး”လီၤအဂ့ၢ်စံးဝဲဒၣ်န့ၣ်လီၤ. လၢန့ၣ်အမဲၥ်ညါ,တၢ်ကးတံၥ်ဝဲတဖိးမံသဲစးကျဲတဖၣ်ဒီးထးပျံၤတဖၣ်အိၣ်ဝဲဘၣ်ဆၣ်,ဃိၣ်သၢဖျၢၣ်၀့ၢ်အံၤခီဖျိမ့ၢ်ဝဲကီၢ်ဆၢတၢ်လီၢ်တတီၤအဃိခံခီခံကပၤတၢ်နၢ်ပၢၢ်အဖီခိၣ်,ကမျၢၢ်လီၢ်ကဝီၤဖိတဖၣ်အတၢ်ဟးထီၣ်က့ၤလီၤ,တၢ်ဖံးအီၣ်မၤအီၣ်ဒီး,တၢ်ဝံစိၥ်တီဆှၢပနံၥ်တၢ်ကၤတဖၣ်ကဘၣ်လီၢ်ဘၣ်စးအဂီၢ်,သူဝဲတဖိးမံသဲစးကျဲတဖၣ်လၢခံခီယၢ်ပၤတၢ်နၢ်ပၢၢ်ပူၤအဃိ,တကီၢ်ခါခဲအံၤတၢ်ကီတၢ်ခဲတအိၣ်ဝဲနီတမံၤဘၣ်အဂ့ၢ်,အဝဲစံးအါထီၣ်ဝဲဒၣ်န့ၣ်လီၤ. ဃိၣ်သၢဖျၢၣ်ဝ့ၢ်ကီၢ်ဆၢတၢ်ဟးထီၣ်က့ၤလီၤကျဲသ့ၣ်တဖၣ်အံၤ,ခီဖျိတမ့ၢ်ဝဲကျဲလၢထံကီၢ်ခံဘ့ၣ်ဘၢၣ်စၢၤအတၢ်သးလီၤပလိၥ်တၢ်အိးထီၣ်ဝဲလၢအဖိးသဲးစးဘၣ်အဃိ,ဒ်အလီၢ်အိၣ်ဝဲအသိးအပူၤကွံၥ်ကၠီၣ်တဲၣ်ပှၤဘၣ်မူဘၣ်ဒါတကပၤကးတံၥ်ဝဲတၢ်ဝံစိၥ်ခီဆှၢပနံၥ်ဒီးတၢ်ဟးထီၣ်က့ၤလီၤခဲအံၤခဲအံၤအိၣ်ဝဲအဂ့ၢ်,လီၢ်ကဝီၤဖိတဖၣ်စံးဝဲဒၣ်န့ၣ်လီၤ. တကတီၢ်ဃီ,ဃိၣ်သၢဖျၢၣ်ဝ့ၢ်အံၤ,သုးကီၣ်ကးတၢ်ပၢတၢ်ြပးဟးဂီၤကွံၥ်အလီၢ်ခံကတီၢ်ဘၢၣ်စၢၤပၢြပးအဂီၢ်ဝ့ၢ်တၢ်ပၢတၢ်ပြးတကပၤခ့ၣ်အဲၣ်ယူၣ်ဟံဝဲမူဒါဒီး,ဝ့ၢ်တၢ်ဘံၣ်တၢ်ဘၢတကပၤဒံၣ်မိၣ်ကရံၣ်စံၣ်တၢ်ဘၣ်ဘျူးကညီသုးမုၢ်ဒိၣ်(DKBA) တီနီၢ်မုၢ်နုၥ်သုးဟီၣ်ကဝီၤနီၢ်ဂံၢ်(၂)အဒုးယၤခိၣ်သုးခိၣ်ဒိၣ်စိစီၤအ့ၣ်ဝါတီခိၣ်ရိၢ်မဲဟံဝဲမူဒါန့ၣ်လီၤ. ဒ်န့ၣ်အသိး,ဃိၣ်သၢဖျၢၣ်ဝ့ၢ်အပူၤအံၤကီၢ်ကၠီၣ်တဲၣ်ကီၢ်ပယီၤကီၢ်ဆၢတဖိးမံသဲးစးကျဲတၢ်နုၥ်လီၤဟးထီၣ်တဖၣ်အိၣ်ဝဲအါတီၤဒီးတကီၢ်ခါခဲအံၤဝ့ၢ်ဟီၣ်ကဝီၤအပူၤတၢ်အိၣ်ခိးတြဲၤတဖၣ်သနါက့အါဒၣ်တၢ်မ့ၢ်ဝဲ(DKBA)တၢ်အိၣ်တြဲၤအဂ့ၢ်,သ့ၣ်ညါဘၣ်ဒ်လီၢ်ကဝီၤဖိတဖၣ်စံးဝဲဒၣ်အသိးန့ၣ်လီၤ.
သုးကီၣ်ကးပညိၣ်လဲၤတ့ၢ်လီၤကဒီးမ့ၣ်ပိၢ်လၢဖၣ်အၣ်ကီၢ်ဆၣ် ကျူကၠံသ၀ီပူၤ တၢ်ဟးဂူၥ်ဟးဂီၤအိၣ်
လါယနူၤအါရံၤ ၂၃ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ်အပူၤ ဖဲအဟါဟါခီအဆၢကတီၢ် သုးကီၣ်ကးအကဘီယူၤတဘ့ၣ်လဲၤတ့ၢ်လီၤကဒီး၀ဲမ့ၣ်ပိၢ် လၢဟးတရဲၥ်ကရူၢ် ကျူကၠံသ၀ီဃၢၤအဃိ တၢ်ဟးဂူၥ်ဟးဂီၤကဲထီၣ် အိၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤ. ဖဲမဟါလါယနူၤအါရံၤ ၂၂ သီ ဟါခီ ၈း၁၃ မံးနံးအဆၢကတီၢ်န့ၣ် သုးကီၣ်ကးအ(Jet fighter)ကဘီယူၤ လဲၤတ့ၢ်လီၤကဒီး၀ဲမ့ၣ်ပိၢ် (၂)ဖျၢၣ်လၢကျူကၠံသ၀ီပူၤ လီၤတဲၥ်ပိၢ်ဖးထီၣ်၀ဲလၢကျဲမုၢ်ခိၣ်(၁)ဖျၢၣ်ဒီးကျဲမုၢ်ကပၤရီဘၢၣ်ကျီးပူၤ တဖျၢၣ်အဃိကမျၢၢ်တၢ်သူၣ် ထီၣ် ဟးဂီၤအမဲၥ်ညါဆဲးကဲး(wave)တခိၣ်ဒီးရီဘၢၣ်ထူၣ်ကၢ်လီၤဟးဂီၤ၀ဲအိၣ်အဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါ စံး၀ဲန့ၣ်လီၤ. ဘၣ်ဃးတၢ်ဂ့ၢ်အံၤန့ၣ် လီၢ်က၀ီၤကမျၢၢ်လၢတအဲၣ်ဒိးပၥ်ဖျါအမံၤတဂၤစံး၀ဲလၢ“ဖဲမဟါ ၈ နၣ်ရံၣ်ဘျဲၣ်န့ၣ် ကဘီယူၤဟဲကၢလီၤ ကဒီးမ့ၣ်ပိၢ်(၂)ဖျၢၣ်.အလီၤတဲၥ်လၢကျဲပူၤတဖျၢၣ်,ကျဲကပၤတဖျၢၣ်.အလီၤစီၤစုၤန့ၣ်ကအိၣ်(၁၅)ပ့ၣ်လီၤ.အလီၤတဲၥ်ခံဖျၢၣ်န့ၣ်တယံၤတဘူးလီၤ.တၢ်သူၣ်ထီၣ်ဟးဂူၥ်ဟးဂီၤအိၣ်,မ့၀ံၤဆဲးကဲးဟးဂီၤတခိၣ်.မ့မ့ၢ်ပှၤရီဘၢၣ်ကျီးတဘ့ၣ်န့ၣ်ဘျ့ၣ်မးလီၤ.”အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်ဖဲတဂီၤအံၤန့ၣ်လီၤ. လၢန့ၣ်အမဲၥ်ညါတချုးကဘီယူၤဟဲတ့ၢ်လီၤမ့ၣ်ပိၢ်ဒံးဘၣ်န့ၣ် ကဘီယူၤဟဲဆှၣ်တၢ်လၢမုၢ်ဆါခီကအိၣ်လၢ(၃)ဘျီညါအဖီခိၣ် ပှၤသ၀ီဖိသ့ၣ်တဖၣ်စံၣ်ပလဲၥ်စိဃၥ်သးလၢတၢ်ဘံၣ်တၢ်ဘၢလီၢ်ဒီး တနီၤနုၥ်လီၤစံၣ်အိၣ်တၢ်ပူၤအဃိ ပှၤကညီတၢ်ဘၣ်ဒိၣ် ဘၣ်ထံးတအိၣ်၀ဲဘၣ်အဂ့ၢ်န့ၣ် လီၢ်က၀ီၤကမျၢၢ်တဂၤဃီ သ့ၣ်ညါဘၣ်န့ၣ်လီၤ. ဒ်န့ၣ်အသိးတချုးဖဲမဟါတၢ်ကဲထီၣ်သးဒံးဘၣ်န့ၣ် အပူၤကွံၥ်လါယနူၤအါရံၤ ၂၁ သီ ဟါခီ ၃ နၣ်ရံၣ်ဃၣ်ဃၣ်အဆၢကတီၢ်စ့ၢ်ကီး သုးကီၣ်ကးအ(Jet fighter)ကဘီယူၤ လဲၤတ့ၢ်လီၤဒံးမ့ၣ်ပိၢ်(၂)ဖျၢၣ်လီၤတဲၥ်ပိၢ်ဖးထီၣ်၀ဲလၢကျူကၠံဒီးဖှၣ်ဂီၤသ၀ီဘၢၣ်စၢၤ ရီဘၢၣ်ကျီးပူၤအဃိ ရီဘၢၣ်ထူၣ်ကၢ်လီၤဟးဂီၤဟးကဲထီၣ်တ့ၢ် အသးဒံးန့ၣ်လီၤ. တကတီၢ်ဃီသုးကီၣ်ကးအကဘီယူၤဟဲခးလီၤတၢ်ခံသီဆဲးတဲးလၢဖှၣ်ဂီၤဒီးကျူကၠံသ၀ီဒ်အံၤအဖီခိၣ် အတၢ်ပညိၣ်အိၣ်၀ဲ လိၤလိၤလၢ အဲၣ်ဒိး...
ကဘီယူၤအဃိ ဘံလ့ကီၢ်ဆၣ် တလါအတီၢ်ပူၤကရူၢ်ခံဘ့ၣ်ပူၤကၠိ ၉ ဖျၢၣ်ဘၣ်ဆိကတီၢ်တၢ်မၤလိ
လါယနူၤအါရံၤ ၂၃ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ဘံလ့ကီၢ်ဆၣ်အပူၤ စးထီၣ်ဖဲလါယနူၤအါရံၤထီၣ်အံၤ ပယီၤသုးခးလီၤကျိဖးဒိၣ်ဒီး ကဘီၤယူၤစ့ၢ်ကီး ဟဲခးလီၤတၢ်တပယူၥ်ဃီအဃိ ကရူၢ်ခံဘ့ၣ်ပူၤ ကၠိ(၉)ဖျၢၣ်ဘၣ်ဆိကတီၢ်ကွံၥ်တၢ်မၤလိအဂ့ၢ်န့ၣ် သ့ၣ်ညါဘၣ်န့ၣ်လီၤ. ဘံလ့ကီၢ်ဆၣ်ပူၤ စးထီၣ်ဖဲတလါအံၤလါယနူၤအါရံၤထီၣ် ၁ သီအနံၤန့ၣ် လၢပယီၤသုးခီၣ်ချ့သုးရ့ၣ်(ခမရ-၄၀၅)မဲးပြ့ခံသုးကလၢၤ တၢ်လီၢ်အခိၣ်အဃၢၤန့ၣ် ဒုးယၤတၢ်သဘံၣ်သဘုၣ်ကဲထီၣ်၀ဲလၢဟီၣ်က၀ီၤ ကညီဒီကလုၥ်ဂၢၤသးကရၢ(KNDO) သုးရ့ၣ်(၂) သုးပၥ်ဖှိၣ် အဘၢၣ်စၢၤအဖီခိၣ် မဲပြ့ခံကရူၢ်ဒီးအံစူၢ်ခံကရူၢ်ပူၤ ကမျၢၢ်ဃ့ၢ်ထီၣ်(၁၀၀၀)ဘျဲၣ်အမဲၥ်ညါ ကၠိ(၉)ဖျၢၣ်ကၠိဖိတဖၣ် တထီၣ်ဘၣ်ကၠိ ဘၣ်ဆိကတီၢ်ကွံၥ်တၢ်မၤလိအဂ့ၢ်န့ၣ် ကီၢ်ရ့ၣ်ပှၤဘၣ်မူဘၣ်ဒါစံး၀ဲန့ၣ်လီၤ. ဒ်န့ၣ်အသိးတကီၢ်ခါခဲအံၤဘူးထီၣ်စ့ၢ်ကီးလၢနံၣ်ကတၢၢ်တၢ်ဒိးစဲးလံဒီး အ၀ဲသ့ၣ်န့ၣ်လဲၤဃ့ၢ်အိၣ်တၢ်လီၢ်တမ့ၢ်တပူၤဃီဘၣ်အဃိ လၢတၢ်ဒိးစဲးအဂီၢ် တၢ်ရဲၣ်ကျဲၤန့ၢ်၀ဲတအိၣ်ဒံးဘၣ်အဖီခိၣ် သဂၢၢ်ဘၣ်၀ဲတၢ်ကီတၢ်ခဲကဲသ့၀ဲအဂ့ၢ်န့ၣ် ဒူသထူၣ်ကီၢ်ရ့ၣ် နဲၣ်ရွဲၣ် ပှၤကတိၤတၢ်ပၢ ပဒိၣ်စီၤအ့နဲၤ စံး၀ဲန့ၣ်လီၤ. အ၀ဲစံး၀ဲလၢ“မဲးပြ့ခံကရူၢ်,အံစူၢ်ခံကရူၢ်ဒီးပံၣ်တံၣ်ကရူၢ် ဒူသ၀ီလၢအအိၣ်ဒီးကၠိတဖၣ်န့ၣ် ဖိသၣ်သ့ၣ်တဖၣ်ကမၤလိဘၣ်လံၥ် အဂီၢ်န့ၣ်တၢ်ရဲၣ်ကျဲၤန့ၢ်အီၤတအိၣ်နီမံၤဒံးဘၣ်.အ၀ဲသ့ၣ်တမ့ၢ်အဟးစံၣ်အိၣ်တၢ်လီၢ်တပူၤဃီဘၣ်လဲၤဃ့ၢ်အိၣ်လၢကၠဲးထိၣ်ကီၢ်ဆၣ်ပူၤတနီၤ, ဖဲဘံလ့ကီၢ်ဆၣ်ပူၤအိၣ်တနီၤအဃိအ၀ဲသ့ၣ်တမၤလိဘၣ်လံၥ်ဘၣ်.လၢ(၂၀၂၄-၂၅)တၢ်သိလိနံၣ်အံၤဒု ကဒိးစဲးဘၣ် အဂီၢ် န့ၣ်တၢ်ရဲၣ်ကျဲၤန့ၢ်အီၤတအိၣ်နီမံၤဒံးဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. လၢန့ၣ်အမဲၥ်ညါထံဆံၣ်ဘီတီၤခၢၣ်သးကၠိလၢအပူၤကွံၥ်လါယနူၤအါရံၤ ၁၆ သီအနံၤ ကဘီယူၤဒြိ(၂)ဘ့ၣ်လဲၤတ့ၢ်လီၤတၢ် ကဲထီၣ်၀ံၤလီၢ်ခံန့ၣ် တၢ်က့ၤအိးထီၣ်ကၠိတဘူၣ်လၢၤဘၣ်အသိး နံၣ်ကတၢၢ်တၢ်ဒိးစဲးစ့ၢ်ကီးဘူးထီၣ်လံအဃိ တကီၢ်ခါခဲအံၤ တၢ်မၤလိန့ၢ်က့ၤပှၤကၠိဖိ သ့ၣ်တဖၣ်လၢသ၀ီပူၤဟံၣ်ဖီလၥ်အဂ့ၢ်န့ၣ် ကၠိခိၣ် သရၣ်စီၤအ့ထိ...
မံၣ်ဒံၣ်ယၢၣ်လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ ဒီး ပှၤမၤတၢ်ကစီၣ်ဖိလၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ တၢ်တီခိၣ်ရိၣ်မဲ
မံၣ်ဒံၣ်ယၢၣ်လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ ဒီး ပှၤမၤတၢ်ကစီၣ်ဖိလၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ တၢ်တီခိၣ်ရိၣ်မဲ(စိၣ်မံၣ်ယၣ်ကၠီၣ်) (၉-၁-၂၀၂၅) -(IT) တၢ်ကစီၣ်တၢ်သ့တၢ်ဘၣ်ဂုၤထီၣ်ပသီထီၣ်ချ့သဒံးတပယူၥ်ဃီ -ပှၤကိးဂၤဒဲးသူ၀ဲလီတဲစိဒီးအ့ထနဲးတၢ်ဆဲးကျိးဆဲးကျၢ -ထံဒိၣ်ကီၢ်လဲၢ်တနီၤ,ပဒိၣ်ဒီးသုးဂ့ၢ်၀ီ၀ဲၤကျိၤတဖၣ်မ့ၢ်ဂ့ၤ, ပၥ်ခူသူၣ်ပၥ်ကဒၢဃၥ်၀ဲတၢ်ဂ့ၢ်တခါဒီး ဒုးအိၣ်ထီၣ်၀ဲတၢ်ကစီၣ် အယီၤအဘျၣ်ဒီးတၢ်ကစီၣ်အကမၣ်လၢတၢ်ဃါဃုၥ်ဒုးအိၣ်ထီၣ်၀ဲတဖၣ် -ပှၤကိးဂၤဒဲး ဒုးအိၣ်ထီၣ်ဒုးကဲထီၣ်တၢ်ကစီၣ်အဂ့ၢ်အကျိၤသ့၀ဲအကလုၥ်ကလုၥ်လၢတဂၤဒၣ်၀ဲလၢလီတဲစိပူၤသ့ဒီး ရၤလီၤ၀ဲဒၣ်ဆူစိၣ်ရှၢၣ်မံၣ်ဒံၣ်ယၢၣ်ပူၤတဆီအံၤသ့၀ဲ -လၢပကဖီၣ်ဂၢၢ်ဃၥ်၀ဲတၢ်ဂ့ၢ်(၄)ထံၣ်အံၤအဂီၢ်တမ့ၢ်တၢ်လၢအညီ၀ဲဘၣ်. တၢ်ကစီၣ်လၢအယီၤအဘျၣ်-တၢ်ကစီၣ်အကမၣ် သ့ၣ်တဖၣ်န့ၣ် ဟံန့ၢ်၀ဲခီၣ်တဃၥ်(၄)ထံၣ်လၢအိၣ်ဖျါတၢ်ဖီခိၣ်အံၤဒီး လၢစဲးကးအတီၢ်ပူၤရၤလီၤအသးချ့သဒံးဆူ ဟီၣ်ခိၣ်ဒီတဘ့ၣ် အပူၤန့ၣ်လီၤ. -တၢ်လၢတၢ်ကစီၣ်အယီၤအဘျၣ်,အကမၣ်အတၢ်လီၤဘၣ်ယိၣ်အံၤ ပဒိၣ်ဒီးပှၤဘၣ်မူဘၣ်ဒါဘၣ်ထွဲတဖၣ် ပၢၤဃၥ်၀ဲခီဖျိလၢ တၢ်သ့တၢ်ဘၣ်, တၢ်သိၣ်တၢ်သီတၢ်ဘျၢကန့ၢ်အဂီၢ်န့ၣ် ဂုၥ်ကျဲးစၢး၀ဲလၢကျဲအကပၤကပၤန့ၣ်လီၤ. ဘၣ်ဆၣ်လၢတၢ်ကဖီၣ်ဂၢၢ်ဃၥ်၀ဲ ဘၣ်ဃးတၢ်ဒုးအိၣ်ထီၣ်တၢ်ကစီၣ်တၢ်ဂ့ၢ်တၢ်ကျိၤညီညီကဒၣ်ချ့သဒံးဒီး လၢစဲးကးအတီၢ်ပူၤရၤလီၤအသးဆူပှၤအါဂၤအအိၣ်ခီန့ၣ် ကဲ၀ဲဒၣ်တၢ်တၤတၢ်ဖးဒိၣ်ညါဒံးန့ၣ်လီၤ. -လၢတၢ်အိၣ်သးနီၢ်နီၢ်အပူၤစ့ၢ်ကီး ဒ်သိးတၢ်ကဒုးအိၣ်ထီၣ်တၢ်ကစီၣ်အယီၤအဘျၣ်,တၢ်ကစီၣ်လၢအကမၣ်အံၤအဂီၢ်န့ၣ် တၢ်အိၣ်သးတၢ်ဂ့ၢ်တၢ်ကျိၤအကလုၥ်ကလုၥ်စ့ၢ်ကီး——-လီၤ. နကဒုးအိၣ်ထီၣ် ခိၣ်ဃၢၤန့ဆၢၣ်တၢ်ဘၣ်ယိၣ်လၢအဟဲတုၤအိၣ် ပှၤသ့လၢအတရ့တၢ်ဆၢကတီၢ်ဘၣ်အံၤဘၣ်ဧါ,လၢမုၢ်ကျိၤ၀ဲၤကွၥ်တကပၤစ့ၢ်ကီး နကဒုးအိၣ်ထီၣ်လၢသိအလုၢ်အပှ့ၤဧါ, နကဒုးအိၣ်ထထီၣ်ဘၣ်ဃးတၢ်ဆါဘၣ်ကူဘၣ်ဂၥ်တခါခါဧါ,နကဒုးအိၣ်ထီၣ်ဘၣ်ဃးဒုးယၤဂ့ၢ်၀ီဧါ. လၢမုၢ်ကျိၤ၀ဲၤကွၥ်တကပၤစ့ၢ်ကီးနကဒုးအိၣ်ထီၣ်ဒ်သိအလုၢ်အပှ့ၤဧါ, တၢ်သ့ၣ်တဖၣ်အံၤ နဒုးအိၣ်ထီၣ် ဒ်တၢ်ကွဲးပူတၢ်ဂ့ၢ်တၢ်ကျိၤတခါလၢအအိၣ်ဒီးတၢ်ရဲၣ်လီၤကျဲၤလီၤန့ၣ် နထုးထီၣ်ရၤလီၤအီၤသ့န့ၣ်လီၤ. ခ့ခါဆၢကတီၢ်ခဲအံၤ ပှၤကိးဂၤဒဲးန့ၣ်အိၣ်ဒီးအလီတဲစိသူ၀ဲဒၣ်(စိၣ်ရှၢၣ်မံၣ်ဒံၣ်ယၢၣ်)တခါခါအဃိ တၢ်ဂ့ၢ်တၢ်ကျိၤတခါခါလၢ အကဲထီၣ်သးလၢပမဲၥ်ညါတဖၣ် လၢလံၥ်ကွဲးမ့ၢ်ဂ့ၤ,တၢ်ဂီၤမ့ၢ်ဂ့ၤ,တၢ်ဂီၤမူမ့ၢ်ဂ့ၤန့ၣ် ပဂုၥ်ကျဲးစၢးတီၣ်ထီၣ်၀ဲဒၣ်လီၤတမ့ၢ်ဧါ. ပှၤတနီၤန့ၣ်ကဲထီၣ်သးဒ်သိးတၢ်သးစဲတခါဒ်သိးအသးစဲ၀ဲဒၣ်ကသံၣ်မူၤဘှီးတခါခါအသိးဒီး ပှၤဒ်န့ၣ်သ့ၣ်တဖၣ်အါဒၣ်တက့ၢ် ရၤလီၤ၀ဲဒၣ်တၢ်ကစီၣ်တၢ်ဂ့ၢ်တၢ်ကျိၤလၢတလီၤတံၢ်လီၤဆဲးသ့ၣ်တဖၣ်န့ၣ်လီၤ. -အဃိဒ်သိးတၢ်ကမၤလီၢ်မၢ်ကွံၥ် တၢ်ကစီၣ်အယီၤအဘျၣ်-တၢ်ကစီၣ်ကမၣ်အတၢ်လီၤဘၣ်ယိၣ်သ့ၣ်တဖၣ်အံၤအဂီၢ် မူဒါသ့ၣ်တဖၣ် လီၤတီက့ၤ၀ဲဒၣ်လၢမံၣ်ဒံၣ်ယၢၣ်တၢ်ကစီၣ်သန့လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤသ့ၣ်တဖၣ်အလိၤန့ၣ်လီၤ. ဖဲန့ၣ် ပကဆီၣ်ဖျိးကွံၥ် “တၢ်ကစီၣ်အယီၤအဘျၣ်-တၢ်ကစီၣ်အကမၣ်သ့ၣ်တဖၣ်”လၢတၢ်မနုၤလဲၣ်.မတၤတဖၣ်ကဆီၣ်ဖျိး ကွံၥ်၀ဲလဲၣ်. ကျိၤကျဲလၢနကဆီၣ်ဖျိးထီၣ်ကွံၥ်“တၢ်ကစီၣ်အယီၤအဘျၣ်-တၢ်ကစီၣ်အကမၣ်”အမဲၥ်ညါန့ၣ် နကဘၣ်ဆီၣ်ဖျိးကွံၥ် အီၤလၢ “တၢ်ကစီၣ်တၢ်ဂ့ၢ်တၢ်ကျိၤလၢအမ့ၢ်အတီ”တဖၣ်တပယူၥ်ဃီန့ၣ်လီၤ. ကျိၤကျဲလၢအဂၤတအိၣ်နီခါဘၣ်. -ပှၤလၢအကဆီၣ်ဖျိးကွံၥ်တၢ်န့ၣ်ကမ့ၢ်မတဂၤသ့ၣ်တဖၣ်လဲၣ်. ကမ့ၢ်၀ဲဒၣ် မံၣ်ဒံၣ်ယၢၣ်ပှၤမၤတၢ်ကစီၣ်ဖိလၢအသ့ၣ်ညါမူဒါ- အိၣ်ဒီးသူးသ့ၣ်လၤကပီၤသ့ၣ်တဖၣ်အံၤ...
တနီသရံး-မိတီၤကျဲတၢ်ဒုးကဲထီၣ်ကိးနံၤဃၣ်ဃၣ်
လါယနူၤအါရံၤ ၂၃သီ, ၂၀၂၅နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၄)ဘျံးဒဝဲၢ်ကီၢ်ရ့ၣ်, တီသရံး ဆူ မိတီၤ ကျဲမုၢ်, တၢ်ဒုးကဲထီၣ်ဝဲလၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်သုးပၥ်ဖှိၣ်ဒီးသုးကီၣ်ကးအဘၢၣ်စၢၤကိးနံၤဒဲးဃၣ်ဃၣ်အဂ့ၢ်သ့ၣ်ညါဘၣ်လၢကီၢ်ရ့ၣ်အပှၤဘၣ်မူဘၣ်ဒါအအိၣ်န့ၣ်လီၤ. စးထီၣ်လါဒံၣ်စဲဘၢၣ် ၁၈,၁၉ သီအခါလံၤလံၤ သုးကီၣ်ကးသ့ၣ်တဖၣ်အံၤဒ်သိးဒိၣ်စိဝဲ မိတီၤကီၢ်ဆၢ တုၤလီၤဆူ ယ့ၤဖၠူၤကျဲဒီတဘိကန့ၢ်အဂီၢ် မၤဝဲဒၣ်တၢ်ထီၣ်ဒုး ပှၤကညီနီၣ်ဂံၢ်ကအိၣ်အဂၤ(၄၀၀)ဃၣ်ဃၣ်ဒီးတၢ်ဒုးကဲထီၣ်ဝဲဒၣ်ကိးနံၤဃၣ်ဃၣ်အဂ့ၢ် ဘျံးဒဝဲၢ်ကီၢ်ရ့ၣ်နဲၣ်ရွဲၣ်ပဒိၣ်စီၤစီၤအဲၣ်နၤစံးဘၣ်ဝဲ ခ့ၣ်အဲးစံၣ်-ကညီတၢ်ကစီၣ်ဒ်အံၤန့ၣ်လီၤ. အဝဲစံးဝဲလၢ“တၢ်အိၣ်သးဝဲအံၤစးထီၣ်သးလၢလါဒံၣ်စဲဘၢၣ် (၁၈),(၁၉)သီအခါလံၤလံၤလံန့ၣ်လီၤ.ပယီၤသုးအနီၣ်ဂံၢ်ကအိၣ်အဂၤ(၄၀၀)ဃၣ်ဃၣ်န့ၣ်လီၤ.အဝဲသ့ၣ်ဟးထီၣ်န့ၢ်ဝဲလၢ ယ့ၤဖၠူၤဒုးယၤသုးကလၢၤဒ်သိးကမၤတၢ်ထီၣ်ဒုးဆူ မိတီၤကီၢ်ဆၢတကပၤန့ၣ်လီၤ.အဝဲသ့ၣ်ဟဲထီၣ်ဒီးဘၣ်တၢ်ခိးခးအီၤဖဲသ့ခိသဝီအဃိဆဲးတိဝဲဆူညါတန့ၢ်ဒံးဘၣ်.ဒုၣ်ဒါအံၤအတၢ်တိၥ်လၢကဒိၣ်စိဝဲဒၣ်မိတီၤကျဲခီဖျိအဝဲသ့ၣ်အသုးကလၢၤအိၣ်လၢမိတီၤကီၢ်ဆၢန့ၣ်လီၤ.ဘၣ်ဆၣ် မိတီၤကျဲဒီတဘိန့ၣ် KNLA သုးရ့ၣ်(၁၁)အိၣ်,KTLA(ထံဆဲးမဲးယွၤသုးကျိၤ)ဒီးPDFသ့ၣ်တဖၣ်စ့ၢ်ကီးအိၣ်အဃိအဝဲသ့ၣ်ဆဲးတိဝဲဆူညါတန့ၢ်ဒံးဘၣ်န့ၣ်လီၤ.အဂ့ၢ်စံးဝဲဒၣ်န့ၣ်လီၤ. လၢန့ၣ်အမဲၥ်ညါ ဖဲတၢ်ဒုးအကတီၢ် သုးကီၣ်ကးတကပၤတၢ်ဘၣ်ဒိၣ်ဘၣ်ထံးတၢ်သံတၢ်ပှၢ်အိၣ်ဒ်လဲၣ်အဂ့ၢ်န့ၣ်တသ့ၣ်ညါဘၣ်ဒံးဘၣ်ဘၣ်ဆၣ် တၢ်မၤန့ၢ်ဝဲသုးကီၣ်ကးတၢ်စုကဝဲၤဒီးကျိချံပှၥ်သၣ်အိၣ်ဝဲဒၣ်အဂ့ၢ်ပဒိၣ်အဲၣ်နၤတဲအါထီၣ်ဝဲဒၣ်စ့ၢ်ကီးန့ၣ်လီၤ. ဒ်န့ၣ်အသိးခီဖျိတၢ်ဒုးတၢ်ယၤအဃိ သဝီသၢဖျၢၣ် ဒ်အမ့ၢ် သံခိ,မဲးဝါ,ထံမူ သဝီ,ဟံၣ်ခိၣ်(၈၀၀)ဘျဲၣ်, ပှၤကညီနီၣ်ဂံၢ်(၄၀၀၀)ဘျဲၣ်ဘၣ်ဃ့ၢ်ပဒ့ၣ်သးလၢဒူသဝီကပူၤကပၤခိခိၣ်ပှၢ်လၢ်ကျါဒီးဆူဒူသဝီလၢအဂၤအိၣ်ဝဲအဂ့ၢ်ဒီးပှၤပဒ့ၣ်သးလၢတၢ်ဒုးသ့ၣ်တဖၣ်အံၤကဒိးန့ၢ်ဘၣ်တၢ်မၤစၢၤအဂီၢ် တၢ်ရဲၣ်ကျဲၤအီၤအဖၢမုၢ်လီၤအဂ့ၢ် သ့ၣ်ညါဘၣ်လၢကီၢ်ရ့ၣ်အပှၤဘၣ်မူဘၣ်ဒါအအိၣ်န့ၣ်လီၤ. တနီသရံး ဆူ မိတီၤ ကျဲမုၢ်တၢ်ဒုးအဆၢကတီၢ်သုးကီၣ်ကးသူဝဲကလံၤကျါတၢ်ဒုးဟဲခးလီၤတၢ်ဒီးကဘီယူၤအိၣ်တစှၤန့ၣ်အဘျီ(၁၀)ဘၣ်အဂ့ၢ်သ့ၣ်ညါဘၣ်ဒ်ဂံၢ်ခီၣ်ထံးတၢ်ကစီၣ်တနီၤပၥ်ဖျါဝဲဒၣ်အသိးန့ၣ်လီၤ.
ကၠီၣ်တဲၣ်ဃ့တၢ်မၤစၢၤလၢ(DKBA)ကဃုစၢၤပှၤမၤတၢ်လၢ (ကၠါဖၠၣ်)(၁၂)ဂၤ
လါယနူၤအါရံၤ ၂၃သီ, ၂၀၂၅နံၣ်, ခ့ၣ်အဲးစံၣ် လၢကဃုက့ၤပှၤလဲၤမၤတၢ်လၢ(ကၠါဖၠၣ်)(၁၂)ဂၤအဂီၢ် ကၠီၣ်တဲၣ်ပှၤဘၣ်မူဘၣ်ဒါတဖၣ်မၤဝဲတၢ်ထံၣ်လိၥ်သးဒီး (DKBA-ဒ့ၣ်မိၣ်ကရ့ၣ်စံၣ်တၢ်ဘျုးကညီသုးမုၢ်ဒိၣ်)ဒ်သိးကဃုစၢၤအဝဲသ့ၣ်အဂ့ၢ်သ့ၣ်ညါဘၣ်လၢ(DKBA)ပှၤဘၣ်မူဘၣ်ဒါအအိၣ်န့ၣ်လီၤ. ပှၤလၢအမၤတၢ်မၤလၢ(ကၠါဖၠၣ်)(၁၂)ဂၤန့ၣ်အိၣ်ဝဲဖဲကၠီးခဲးဟီၣ်ကဝီၤဒီးကၠီၣ်တဲၣ်တကပၤဟဲဟ့ၣ်ဝဲထဲအမံၤဒီးအဝဲသ့ၣ်နီၢ်ကစၢ်တၢ်ဂ့ၢ်တၢ်ကျိၤတလၢပှဲၤဘၣ်အဃိမၢက့ၤမၤလီၤတံၢ်က့ၤဝဲပှၤသ့ၣ်တဖၣ်န့ၣ်အနီၢ်ကစၢ်တဂ့ၢ်တၢ်ကျိၤအဂ့ၢ် DKBA-သုးရိၣ်မဲခိၣ်ကျၢၢ်ခံ သုးခိၣ်ကျၢၢ်စိ စီၤစွ့ၣ်ဝၣ်စံးဘၣ်ခ့ၣ်အဲးစံၣ်ကညီတၢ်ကစီၣ်ဒ်အံၤန့ၣ်လီၤ. အဝဲစံးဝဲလၢ“ကၠီၣ်တဲၣ်ပှၤဘၣ်မူဘၣ်ဒါဟဲလၢယအိၣ်ဖဲမၢကၢၥ်တဂၤ, အဝဲမၢပျၢ်လီၤပှၤ(၁၂)ဂၤဒီးယတဲအီၤလၢသုဟဲဟ့ၣ်ပှၤထဲအမံၤ,အဝဲသ့ၣ်အိၣ်အဒၢးဖိအမံၤဒီးသုတသ့ၣ်ညါ.အဃိန့ၣ်ယဟ့ၣ်ကူၣ်အဝဲသ့ၣ်လၢကဟ့ၣ်လီၤယၤ အတၢ်ဂီၤ,အဝ့ၢ်မံၤ,အမၤတၢ်ခီပနံၣ်မံၤ,အမိၢ်ပၢ်မံၤဒီးအဝဲသ့ၣ်အိၣ်ဒၢးဖိ သ့ၣ်တဖၣ်န့ၣ်အနီၣ်ဂံၢ်သ့ၣ်တဖၣ်န့ၣ်လီၤ.ဟဲဟ့ၣ်ပှၤထဲအမံၤဒ်အံၤအဃိမ့ၢ်အိၣ်ဖဲလဲၣ်တတီၤပတသ့ၣ်ညါဘၣ်.ဟ့ၣ်ပှၤတၢ်ဂ့ၢ်တၢ်ကျိၤတဖၣ်န့ၣ်မ့ၢ်န့ၢ် န့ၣ် ပကထံၣ်လိၥ်သးဝံၤပကမၤန့ၢ်အဝဲသ့ၣ် န့ၣ်လီၤ.”အဂ့ၢ်စံးဝဲဒၣ်န့ၣ်လီၤ. လၢန့ၣ်အမဲၥ်ညါ ပှၤ(၁၂)ဂၤအကျါန့ၣ် မ့ၢ်ပှၤထံဖိကီၢ်ဖိဖဲလဲၣ်ဒီးမုၣ်ပှဲၤဂၤခွါပှဲၤဂၤလဲၣ်န့ၣ်ကီၢ်ကၠီၣ်တဲၣ်တကပၤကက့ၤမၤလီၤတံၢ်က့ၤဝဲဒီးကမၤက့ၤဝဲတၢ်ထံၣ်လိၥ်သးလၢအသီတဘျီကဒီးလၢတၢ်ကဃုစၢၤပှၤ(၁၂)ဂၤအဂီၢ်အဂ့ၢ် သုးခိၣ်ကျၢၢ်စိစီၤစွ့ၣ်ဝၣ်တဲအါထီၣ်ဝဲဒၣ်စ့ၢ်ကီးန့ၣ်လီၤ. တကတီၢ်ဃီ ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ရၤမတံဝ့ၢ်ဟီၣ်ကဝီၤတၢ်ကဲထီၣ်သးလၢတၢ်ဆါအီၣ် တရူးခွါဂဲၤဒိ ဝၤရှ့ ဝံၤအလီၢ်ခံတၢ်ကစီၣ်ဟူထီၣ်သါလီၤဝဲသကုၤစးဒးဒီး တကီၢ်ခါခဲအံၤစ့ၢ်ကီးပှၤတရူးဖိလၢအလီၤမၢ်န့ၣ်အိၣ်ဒံးဝဲအဃိအဝဲသ့ၣ်အဟံၣ်ဖိဃီဖိ မၤကိၢ်မၤဂီၤဝဲတရူးပဒိၣ်ဒီးကၠီၣ်တဲၣ်ပၢၤကီၢ်သ့ၣ်တဖၣ်အိၣ်ဝဲဒၣ်အဖၢမုၢ်န့ၣ်လီၤ. ဒ်န့ၣ်အသိး ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဒီတကျိၤ စးထီၣ်လၢ ထၣ်စီၤယါ,မဲၢ်ရမဲၣ်,မဲၢ်ဆီး,ဖိးဖြၣ်,ကျဲလၢတၢ်သူအီၤလၢ(ကၠါဖၠၣ်)တၢ်ဖံးတၢ်မၤအဂီၢ်သ့ၣ်တဖၣ်န့ၣ် ကၠီၣ်တဲၣ်တကပၤလူၤပံးကွံၥ်ဝဲဒီးပျံၤထးဆှူၣ်ဒီးသိးဝါက့အိၣ်ဝဲအဂ့ၢ် လီၢ်ကဝီၤတၢ်ကစီၣ်တနီၤပၥ်ဖျါဝဲဒၣ်အသိး ကီၢ်ကၠီၣ်တဲၣ် အ့ထၢၣ်နဲၣ်စ့ၢ်ကီးတၢ်ကပံးကွံၥ်ဒၣ်အဂ့ၢ် သ့ၣ်ညါဘၣ်ဒ်လီၢ်ကဝီၤတၢ်ကစီၣ်တနီၤပၥ်ဖျါဝဲဒၣ်အသိးန့ၣ်လီၤ.