လါယနူၤအါရံၤ ၁၅ သီ, ၂၀၂၆ နံၣ်, ခ့ၣ်အဲးစံၣ်
ဖဲလါယနူၤအါရံၤ ၁၂ သီအနံၤန့ၣ် ပယီၤသုးဖိသီလၢတၢ်ထၢန့ၢ်ဆူၣ်သုး(၂)ဂၤဟဲက့ၤဟ့ၣ်လီၤသးလၢခ့ၣ်အဲၣ်ယူၣ်-ကညီဒီကလုၥ် စၢဖှိၣ်ကရၢ ဖၣ်အၣ်ကီၢ်ရ့ၣ်(သုးက့ ၇)အအိၣ်အဂ့ၢ်န့ၣ် လီၢ်ခၢၣ်သးထုးထီၣ်ပၥ်ဖျါဝဲလၢဖဲမဟါအနံၤန့ၣ်လီၤ.
ပယီၤသုးဖိသီလၢအဟဲက့ၤဟ့ၣ်လီၤသး(၂)ဂၤအံၤမ့ၢ်ဝဲ စံၤသူၤဟ့(၂၅)နံၣ်, မီၤမီၤစိ(၂၄)နံၣ်မ့ၢ်ဝဲသးစၢ်တဖၣ်အသိး အဝဲသ့ၣ်အံၤ အိၣ်ဝဲဒၣ်လၢခီၣ်ချ့သုးရ့ၣ်(ခမရ-၅၄၈)အသုးရ့ၣ်အဂ့ၢ်န့ၣ် ခ့ၣ်အဲၣ်ယူၣ်လံၥ်တၢ်ပၥ်ဖျါအပူၤပၥ်ဖျါဝဲန့ၣ်လီၤ.
တကးဒံးဘၣ်အဝဲသ့ၣ်ဟဲက့ၤဟ့ၣ်လီၤသးဘျီဝဲအံၤဟဲက့ၤစိၥ်ဃုၥ်ဝဲကျိ(၂)ခိၣ်ဒီးလၢအတၢ်ဟဲက့ၤပၥ်ဖှိၣ်မၤသကိးတၢ်အံၤအဖီခိၣ် ခ့ၣ်အဲၣ်ယူၣ် ဟ့ၣ်မၤလၤကပီၤအဝဲသ့ၣ်လၢစ့ပယီၤတဂၤန့ၣ်အကလီၢ်(၂၀)ကၠးန့ၣ်လီၤ.
ဒ်န့ၣ်အသိးပယီၤသုးဖိအသီလၢဘၣ်တၢ်ထၢန့ၢ်ဆူၣ်သုးလၢအအိၣ်တ့ၢ်ဒံးတဖၣ်အံၤ ခါဆူမဲညါကဟဲက့ၤပၥ်လီၤစုကဝဲၤဟဲက့ၤ ပၥ်ဖှိၣ်မၤသကိးတၢ်ဒီး တၢ်ပၢၢ်ဆၢကရူၢ်ကရၢလၢအိၣ်ဘူးဒီးအဝဲသ့ၣ်အံၤအဂ့ၢ်န့ၣ် ခ့ၣ်အဲၣ်ယူၣ် ဆီၣ်တခူစ့ၢ်ကီးဝဲန့ၣ်လီၤ.
သုးမီၤစိရိၤအံၤလၢအဝဲသ့ၣ်ဟံန့ၢ်ဆူၣ်ထံကီၢ်တၢ်စိတၢ်ကမီၤန့ၢ်(၅)နံၣ်အတီၢ်ပူၤအံၤခီဖျိအဝဲသ့ၣ်ဆှူဝဲတၢ်ဒုးတၢ်ယၤဒိၣ်ဒိၣ်မုၢ်မုၢ် အဃိ လီၢ်ခံအံၤထၢဆူၣ်ဝဲသုးလၢအတအိၣ်ဒီးကမျၢၢ်အနီၢ်ကစၢ်တၢ်အဲၣ်ဒိးဘၣ်အံၤအဖီခိၣ် သုးက့ကိးဘ့ၣ်ဒဲးဃၣ်ဃၣ်အပူၤ ပယီၤသုးဖိသီတဖၣ်ဟဲက့ၤပၥ်ဖှိၣ်မၤသကိးတၢ်ဒီးခ့ၣ်အဲၣ်ယူၣ်စုတီၤဖီလၥ်(KNLA)အိၣ်ထီၣ်ဝဲတပယူၥ်ဃီန့ၣ်လီၤ.
ဒ်ခ့ၣ်အဲၣ်ယူၣ်ထုးထီၣ်ပၥ်ဖျါဝဲအသိးန့ၣ် ဖဲတလါအံၤလါယနူၤအါရံၤ ၂ သီ, ၁၀ သီ ဒီး ၁၁ သီအနံၤစ့ၢ်ကီး လၢ(သုးက့ ၃)ဒီး (သုးက့ ၄)ဟီၣ်ကဝီၤအပူၤ ပယီၤသုးဖိသီလၢတၢ်ထၢန့ၢ်ဆူၣ်သုးအံၤဟဲက့ၤပၥ်ဖှိၣ်မၤသကိးတၢ်ဒီး(KNLA)အိၣ်ဝဲ ၆ ဂၤ ဒံးန့ၣ်လီၤ.
