KIC News

လါနိၣ်၀့ဘၢၣ် ၈ သီ၊ ၂၀၁၈နံၣ်။ စီၤထိလ့ ဖဲလါနိၣ်၀့ဘၢၣ်သၢသီအနံၤ တၢ်မၤ၀ဲ ၂၀၁၈ကတီၢ်ဘၢၣ်စၢၤ တၢ်ဃုထၢအံၤ လၢကလုာ်ဒူၣ်တၢ်လီၢ်သ့ၣ်တဖၣ် အပူၤ ကလုာ်ဒူၣ်ပၣ်တံၣ် သ့ၣ်တဖၣ်ကမၤတၢ်ဖးအဃိဆူညါအဂီၢ်တၢ်အိၣ်သးဂ့ၤ၀ဲအဂ့ၢ် ကညီကမျၢၢ်ပၣ်တံၣ် (KPP)ဒီး ကညီဒီကလုာ်ပၣ်တံၣ် (KNP)ၦၤဘၣ်မူဘၣ်ဒါတဖၣ်တဲ၀ဲန့ၣ်လီၤႉ ကညီကမျၢၢ်ပၣ်တံၣ်ၦၤပၢၤလီၢ်ဆ့ၣ်နီၤ(၂)စီၤစ့၀ါတဲ၀ဲလၢ“ပၣ်တံၣ်ဖးဒိၣ်ခံဖုအံၤကမျၢၢ်တၢ်နာ်စှၤလီၤလံႉ ကလုာ်ဒူၣ်သ့ၣ်တဖၣ် နာ်က့ကဘၣ်ဟံးန့ၢ်၀ဲအခွဲးအယာ်လီၤႉ ကဟံးန့ၢ်အဂီၢ်တၢ်သ့ၣ်ညါ တဖၣ်ဟဲအိၣ်ထီၣ်လံကလုာ်ဒူၣ်ပၣ်တံၣ်သ့ၣ်တဖၣ်အဂီၢ် မ့ၢ်၀ဲတၢ်အိၣ်သးလၢအဂ့ၤလီၤ” အဂ့ၢ်တဲ၀ဲခ့ၣ်အဲးစံၣ်ဖဲလါနိၣ်၀့ဘၢၣ်၅သီ အနံၤန့ၣ်လီၤႉ လၢန့ၢ်အမဲာ်ညါ ကလုာ်ဒူၣ်ပၣ်တံၣ်သ့ၣ်တဖၣ်...

၁ႉ ဖဲလၢတပာ်သူၣ်ပာ်သး တၢ်ကစီၣ်ပူၤထံၣ်ဘၣ်နၤ ခွါဖိနသ့ၣ်နီၣ်ဒံးဧါ ဖဲအိၣ်တပူၤဃီအခါ ခီဖျိပယီၤတၢ်ထီၣ်ဒု ဃ့ၢ်အိၣ်ခူသူၣ်လၢၦၢ်ပူၤ ပနီၢ်ဆံးသးလီၤဘဲညီ တၢ်အီၣ်တအိၣ်လၢပဂီၢ် နပါပါဒီးယပါပါ ပယီၤဖီၣ်မၤသံမၤဆါ ဒုၣ်ဒါတၢ်မၤအၢမၤသီ ဒွဲၣ်အူဃုာ်ပဒူသ၀ီ အိၣ်တသ့လၢာ်ပဘၣ်ဃ့ၢ် ဒ့ပီၤလီၢ်ကျဲဘၣ်ပာ်တ့ၢ် ၂ႉ ခွါဖိဧၢသ့ၣ်နီၣ်ဘၣ်နၤ ဖဲလၢပနီၢ်ဆံးဒံးခါ တၢ်ကတိၤဖိလၢပတဲ ကပိာ်ထီၣ်တၢ်ပၢၢ်ဆၢကျဲ ပကလုာ်တၢ်မ့ၢ်မၤအၢ နၤဒီးယၤကဒုးတြီဆၢ ခွါဧၢမ့မ့ၢ်ယဲတခီ ဒုးတၢ်လၢပကလုာ်ဂီၢ် တၢ်စူၤတၢ်ချံၣ်ပစီၤကျါ တၢ်သဘျ့ဂီၢ်ယတူၢ်ဆါ ဖဲထံၣ်လီၤနၤတၢ်ကစီၣ် ဃုာ်ဒီးနတၢ်အိၣ်ဆိးလီၢ် တၢ်ခဲလၢာ်လၢၦဲၤဒီးနၤ ခွါဃိပာ်ကဖၢယသး ၃ႉယခွါဖိယတံၤသကိး သ့ၣ်နီၣ်ဒံးယဲနၤထီဘိ ခီဖျိလၢတၢ်ဂ့ၢ်အါမံၤ တုၤယဲဆူထံယံၤကီၢ်ယံၤ မ့ၢ်အိၣ်ဘၣ်ဆၣ်လၢၦၤကီၢ် သ့ၣ်နီၣ်ဒံးပအိၣ်ဆိးလီၢ် တၢ်ကတိၤလၢပအၢၣ်လီၤ ယကမၤလၢၦဲၤက့ၤအီၤ တၢ်ကူၣ်သ့လၢယမၤလိ ဒ်တၤလၣ်အိၣ်ဒီးယၤသိး လၢနလီၢ်ဒီးလၢယလီၢ် မၤပ၀ဲလၢကလုာ်ဂီၢ် ထဲတမံၤယဃ့ကညး ခီဖျိလၢပာ်တ့ၢ်ယဲနၤ ၄ႉတံၤသကိးသးဘိယခွါ ဆိမိၣ်နၤဒီးယထံၣ်ဖျါ လၢကလုာ်တၢ်သဘျ့ဂီၢ် နဟ့ၣ်လီၤနသးနီၢ်နီၢ် အီၣ်နဲဒၣ်မ့မဖိ၀ါ၀ါ မံလၢသ့ၣ်လၣ်၀ၣ်လၣ်ကျါ ကလုာ်ဂီၢ်တူၢ်ခီၣ်ပာ်သး ပိာ်ထီၣ်နဲကျဲမၤထူရၤ စးထီၣ်နံၤအံၤဒီးဆူညါ ကဟံးထီၣ်ယဲယမူဒါ ဒုးနဲဒၣ်လၢစုက၀ဲၤ ကဒုးယဲတၢ်ဆီၣ်ထွဲကျဲ သွံၣ်တစၢၤဃီနၤဒီးယၤ ကသ့ၣ်နီၣ်လိာ်ဒံးပသး အိၣ်တမှံၤကီၢ်အီစ်ထြ့လ်ယါ သူလ့ၤနီၣ်မံၤဖိ

လါနိၣ်၀့ဘၢၣ် ၇သီ၊ ၂၀၁၈နံၣ်။ စီၤထိလ့ လၢတၢ်ကဃုမၤလိကညီကျိာ်အဂီၢ် ကညီ (IT) ၦၤကူၣ်ဘၣ်ကူၣ်သ့ဖိတဖၣ် ဒုးအိၣ်ထီၣ်၀ဲ(Game၊ Software၊ Mobile Application) တခါဒီးမၤ၀ဲ တၢ်ဒုးသ့ၣ်ညါမူးတခါ ဖဲလါနိၣ်၀့ဘၢၣ် (၃) သီ လၢ၀့ၢ်တကူၣ်ဖၠၣ်စိမိၤ(MICT Park)အပူၤန့ၣ်လီၤႉ တၢ်ရဲၣ်တၢ်ကျဲၤ၀ဲန့ၣ်အပူၤ တၢ်ပာ်ဖှိၣ်ဃာ်၀ဲတၢ်ဂ့ၢ်တၢ်ကျိၤသ့ၣ်တဖၣ်တခါဃီ ဒီးနနုာ်လီၤမၤ လိအီၤ န့ၢ်လၢ(အ့ထၢၣ်နဲး) အပူၤ ဒ်အမ့ၢ်(karen.center)အပူၤ၊...

လါနိၣ်၀့ဘၢၣ် ၇ သီ၊ ၂၀၁၈နံၣ်။ နါ၀့ၣ်ဖၠိစၣ် ခီဖျိလီၢ်က၀ီၤဖိတြီ၀ဲအဃိ တၢ်ထုးထီၣ်လၢၢ်တၢ်တိာ်ကျဲၤလၢတၢ်ဘၣ်ပတုာ်ဃာ်တၢ်ဂ့ၢ်အံၤ သုတဘၣ်နာ်နါစိၤၦၤတၢ်ခိၣ်တၢ်ဃၢၤအတၢ်တဲတဂ့ၤအဂ့ၢ်န့ၣ် ကညီကီၢ်စဲၣ်ကိတိာ်ခိၣ်ကျၢၢ် နါခ့ၣ်ထွ့ၣ်မၠ့ၣ်တဲဟ့ၣ်ပလီၢ်၀ဲဖဲ လါနိၣ်၀့ဘၢၣ် ၁ သီအနံၤန့ၣ်လီၤႉ ကညီကီၢ်စဲၣ်ကိတိာ်ခိၣ်ကျၢၢ် နါခ့ၣ်ထွ့ၣ်မၠ့ၣ် မၤ၀ဲတၢ်ထံၣ်လိာ်သးဒီး ကမျၢၢ်ဖိလၢကမၤ လၢၦဲၤန့ၢ်၀ဲၦၤလီၢ်က၀ီၤဖိတဖၣ်အတၢ်လိၣ်ဘၣ်ဖဲ လါနိၣ်၀့ဘၢၣ် ၁ သီဒီးအ၀ဲတဲလီၤ၀ဲဒ်န့ၢ်န့ၣ်လီၤႉ ကိတိာ်ခိၣ်တဲ၀ဲလၢ “တၢ်လီၢ်အ၀ဲအံၤန့ၣ်မ့ၢ်၀ဲယတၢ်ဖးအလီၢ်၊ အခဲအံၤၦၤဟဲမၤအ့ရှၢၣ်ကျဲမုၢ် နာ်က့တၢ်လီၢ်အ၀ဲအံၤလီၤႉ ယတဲတၢ်ၦၤတနာ်ဘၣ် ၦၤဟဲဖဲမဟါတဟါတဂၤတဲတၢ်နာ်၀ဲအဃိ...

လါနိၣ်၀့ဘၢၣ် ၇ သီ၊ ၂၀၁၈ နံၣ်။ စီၤမၠၣ်အူသၤ (ခ့ၣ်အဲၣ်ယူၣ်)ကညီဒီကလုာ်စၢဖှိၣ်ကရၢ ၀ီၢ်ရီဟီၣ်က၀ီၤ ( ကၠၤအ့ဆ့းကၠံကီၢ်ဆၣ်) အပူၤ ဖဲအပူၤကွံာ် လါအိးကထိဘၢၣ်အတီၢ်အပူၤန့ၣ် တၢ်ဟ့ၣ်တၢ်ကမၣ် လၢၦၤသူကသံၣ်မူၤဘှီးဖိအဂၤ ၃၀၀ ဃၣ်ဃၣ် အဂ့ၢ် ကညီပၢၤကီၢ်ကရူၢ် (KNPF)ၦၤဘၣ်မူဘၣ်ဒါတဲ၀ဲန့ၣ်လီၤႉ ၀ီၢ်ရီကီၢ်ဆၣ်အပူၤ(ခ့ၣ်အဲၣ်ယူၣ်)ၦၤဘၣ်မူဘၣ်ဒါတဖၣ်ဒီးဒူသ၀ီၦၤဘၣ်မူဘၣ်ဒါတဖၣ် ပာ်ဖှိၣ်ထီၣ်သး၀ံၤလီၤ၀ဲဒၣ်လၢသ၀ီအဖျၢၣ် ၂၀ဘျဲၣ်အပူၤၦၤလၢအသူကသံၣ်မူၤဘှီးတဖၣ် လၢဟံးအရ့ဟ့ၣ်တၢ်ကမၣ်ဒီးဟ့ၣ်တၢ်သ့ၣ်ညါနၢ်ပၢၢ်အဂ့ၢ် ၀ီၢ်ရီကီၢ်ဆၣ် နီၣ်ဂံၢ်...

လါနိၣ်၀ံဘၢၣ် ၃ သီ၊ ၂၀၁၈ နံၣ်။ စီၤထိလ့ ဟီၣ်ခိၣ်ဘီမုၢ်အစ့တၢး ကမၤစၢၤ၀ဲတၢ်ကတ့ထီၣ်ထံဘီကျိၤဒီး ထံတမၢၣ်တဖၣ်လၢ တၢ်ကထုး ထီၣ်၀ဲလီမ့ၣ်အူတဖၣ်အဂီၢ်တၢ်ဂ့ၢ်အံၤ ကအိၣ်ဒီး တၢ်ပလီၢ်ပဒီအဂ့ၢ်န့ၣ် လါအိၣ်ကီၢ် အၦၤလၢအ ထုးထီၣ် Nam Theun 2 တၢ်ဃုထံၣ်သ့ၣ်ညါထံတမၢၣ် အတၢ်ကဲဘျုးလံာ် ၦၤဃုသ့ၣ်ညါတၢ်ဖိ ဘရုၣ်စ်ရူမ့ၣ်ကၣ် တဲ၀ဲဒၣ်န့ၣ်လီၤႉ ဘၣ်ဃးဒီးတၢ်ဂ့ၢ်သ့ၣ်တဖၣ်န့ၣ် တၢ်မၤ၀ဲတၢ်ထံၣ်လိာ်တၢၣ်ပီၣ်တခါဖဲ...

လါအိးကထိဘၢၣ် ၂၉ သီ၊ ၂၀၁၈နံၣ်. စီၤထိလ့ ကီၢ်ပဒိၣ်ကၠိသ့ၣ်တဖၣ်အပူၤ ကၠိသရၣ်၊ မုၣ်လၢအသိၣ်လိ၀ဲကလုာ်ဒူၣ်ကျိာ်( Teacher Assistant)သ့ၣ်တဖၣ်အံၤ နံၣ်လၢကဟဲတၢ်ကတီၣ်ထီၣ်က ဒီးအ၀ဲတဆီလၢတီၤဖုၣ်သရၣ်၊ မုၣ်သ့ၣ်တဖၣ်အဂ့ၢ် ၀့ၢ်တကူၣ်ကီၢ်ခီဒိၣ်ကညီကလုာ်ဂ့ၢ်၀ီကိတိာ်ခိၣ်နီၢ်ပါသ့ၤစၤမၠိစံး၀ဲန့ၣ်လီၤႉ ကိတိာ်အံၤစံး၀ဲလၢ“(AT-Teacher Assistant)လၢအိၣ်ပာ်စၢၤတဖၣ် တၢ်ကတီၣ်ထီၣ်အီၤလၢတီၤဖုၣ်သၣ်၊ မုၣ်တဖၣ်အဂ့ၢ်တၢ် တိာ်ပာ်အိၣ်၊ အ၀ဲသ့ၣ်ကဘၣ်လဲၤထီၣ်တၢ်သိၣ်လိ မ့ၢ်၀ံၤမးကကဲထီၣ်တီၤဖုၣ်ကၠိသရၣ်၊ မုၣ်န့ၣ်လီၤ” အဂ့ၢ်စံး၀ဲဖဲလါအိးကထိဘၢၣ်သၢနွံတနွံန့ၣ်လီၤႉ ဒ်သိးတၢ်ကတီၣ်ထီၣ်၀ဲကလုာ်ဒူၣ်ကျိာ်သရၣ်၊ မုၣ်တဖၣ်လၢတီၤဖုသရၣ်ပတီၢ်အံၤ တၢ်လီၤဟိသ့ၣ်တဖၣ်ကအိၣ်၀ဲဒီး တၢ်သိၣ်လိနံၣ်လၢကဟဲ၂၀၁၉-၂၀နံၣ်အပူၤ...

====== တကီၢ်ခါ တၢ်သူၣ်ထီၣ် ထံလီၢ်ကီၢ်ပူၤ တၢ်မုာ်တၢ်ခုၣ်တၢ်အိၣ်သးတဖၣ်၊ တၢ်ကတိၤ တၢ်မုာ်တၢ်ခုၣ်အပူၤ တၢ်ဂ့ၢ်တၢ်ကျိၤ လၢတၢ်အအိၣ်ကတာ်ထီအသးတဖၣ်ဒ်အမ့ၢ် တဘၣ်ထုးဖးသးဘၣ်တၢ်ဂ့ၢ်ဒီး တၢ်စံၣ်ညီၣ်ပၢလီၤသးခွဲးယာ်တၢ်ဂ့ၢ်တဖၣ်ဒီး တၢ်ကပာ်က့ၤ သုးမုၢ်ဒိၣ်ထဲတခါဧိၤတၢ်ဂ့ၢ်တဖၣ်အံၤ ခ့ၣ်အဲးစံၣ်=ကညီတၢ်ကစီၣ်ထံၣ်လိာ်သံကွၢ်သံဒိး၀ဲ ခ့ၣ်အဲၣ်ယူၣ် အနဲၣ်ရွဲၣ်ခိၣ်ကျၢၢ် ပဒိၣ်စီၤတၤဒိၣ်မူ ဒ်အံၤန့ၣ်လီၤႉ ========= တၢ်သံကွၢ်။ ။ စးထီၣ်လၢ ခ့ၣ်အဲၣ်ယူၣ် စးထီၣ်သူၣ်ထီၣ်၀ဲတၢ်မုာ်တၢ်ခုၣ် ဒီး တုၤလၢအခဲအံၤန့ၣ်...

လါအိးကထိဘၢၣ် ၃၁ သီ၊ ၂၀၁၈နံၣ်။ ခ့ၣ်အဲးစံၣ် (BNI-Burma News International) လၢအမ့ၢ်၀ဲကလုာ်ဒူၣ်မံၣ်ဒံၣ်ယၢၣ်ၦာ်ဘျးစဲအံၤ (Southeash Asian Press Alliance-SEAPA) တူၢ်လိာ်အီၤ ဒ်အမ့ၢ် မျးကယၤလၢၦဲၤ ကရၢဖိအသိးလံန့ၣ်လီၤ။ ဖဲလါအိးကထိဘၢၣ် ၃၀ သီအနံၤ SEAPA တၢ်ကရၢကရိအံၤ မၤ၀ဲ အ၀ဲသ့ၣ် ခီကရဲးတၢ်အိၣ်ဖှိၣ်ဖး ဒိၣ်...

လါအိးကထိဘၢၣ် ၂၃ သီ, ၂၀၁၈နံၣ်, ခ့ၣ်အဲးစံၣ်. ဖဲတယံာ်ဒံးဘၣ်ကတီၢ် တၢ်မၤ၀ဲထံကီၢ်ဒီဘ့ၣ်တၢ်ပတုာ်တၢ်ခး(NCA)အနံၣ်ပှဲၤထီၣ် ၃နံၣ် အနံၣ်ဆဲးဆၢ အ မူးဒီး ခိၣ်နၢ်ဒိၣ်ထီသ့ၣ်တဖၣ်လဲၤထံၣ်လိာ်သးကတီၢ် ကီၢ်ပယီၤသုးတကပၤဃ့ထီၣ်၀ဲဒ်အမ့ၢ် တဘၣ်ထုး ဖး သး လၢကီၢ်စၢဖှိၣ်အပူၤဘၣ်အံၤမ့ၢ်၀ဲဒ်သိးတၢ်တြီဃာ်၀ဲ ကလုာ်ဒူၣ်တဖၣ်အခွဲးအယာ် တကးဘၣ် အမဲာ် ညါတၢ်ကဆီၣ်တံၢ်မၤဘၢ၀ဲကလုာ်ဒူၣ်တဖၣ် တစိၤသးလီၤအဂ့ၢ် ထံဂုၤကီၢ်ဂၤကညီတၢ်ကရၢကရိ(IKO) ထုး ထီၣ်တဲဖျါထီၣ်၀ဲန့ၣ်လီၤ. ကလုာ်ဒူၣ်ခိၣ်နၢ်ဒိၣ်ထီလၢအဆဲးလီၤဃာ်(NCA)ဒီးကီၢ်ပဒိၣ်ခိၣ်နၢ်သ့ၣ်တဖၣ်...