KIC News

လါအီကူၥ် ၂၅ သီ, ၂၀၂၅ နံၣ်, ခ့ၣ်အဲးစံၣ် ကီၢ်ကၠီၣ်တဲၣ်,တး(ခ)ကီၢ်ရ့ၣ် မဲၢ်ဆီးဝ့ၢ်ပူၤ ကျးဆါတၢ်လီၢ်လၢပှၤကီၢ်ပယီၤဖိဆါတၢ်အါအါဂီၢ်ဂီၢ်အလီၢ်အံၤဖဲလါအီကူၥ် ၂၃, ၂၄ သီအနံၤန့ၣ် ကီၢ်ပယီၤပှၤမၤတၢ်ဖိကဒဲကဒဲတၢ်အ့ၣ်လိၥ်သး ကဲထီၣ်ဝဲဝံၤအလီၢ်ခံ ဖဲတဂီၤအံၤအဆၢကတီၢ်န့ၣ် ကၠီၣ်တဲၣ်အပှၤဘၣ်မူဘၣ်ဒါ နုၥ်လီၤသမံသမိးတၢ်ဒိၣ်ဒိၣ်မုၢ်မုၢ်အဂ့ၢ် သ့ၣ်ညါဘၣ်န့ၣ်လီၤ. လၢတၢ်န့ၣ်အဃိစးထီၣ်ဖဲတၢ်အ့ၣ်လိၥ်စိးက့ကဲထီၣ်လၢကီၢ်ပယီၤပှၤမၤတၢ်ဖိကဒဲကဒဲအဘၢၣ်စၢၤဝံၤလီၢ်ခံ ဖဲတနံၤအံၤလါအီကူး ၂၅ သီ ဂီၤခီအဆၢကတီၢ်န့ၣ် ကၠီၣ်တဲၣ်ပှၤဘၣ်မူဘၣ်ဒါဃုၥ်ဒီးပၢၤကီၢ်,တီမီ,ယိၤသုး သ့ၣ်တဖၣ်နုၥ်လီၤသမံသမိးတၢ်ဖဲဖၠါတၢ်ဆါ...

လါအီကူး ၂၄ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ်ပူၤ ဖဲတဂီၤအံၤအဆၢကတီၢ် သုးမီၤစိရိၤအဘီယူၤပညိၣ်လဲၤတ့ၢ်လီၤ မ့ၣ်ပိၢ်လၢသီခါဖၠၣ်အဃိ သီခါသံ(၂)ပါဒီးဘၣ်ဒိ(၄)ပါအဂ့ၢ်န့ၣ် လီၢ်ကဝီၤပှၤဘၣ်မူဘၣ်ဒါစံးဝဲန့ၣ်လီၤ. ဖဲတနံၤအံၤလါအီကူး ၂၄ သီ ဂီၤခီ ၁၀း၃၀ ဃၣ်ဃၣ်အဆၢကတီၢ် လၢတကွံပူၤကရူၢ် ခၠါမၠ့ၣ်သဝီအပူၤ တၢ်ဒုးကဲထီၣ်တအိၣ် သုးမီၤစိရိၤကဘီယူၤလဲၤတ့ၢ်လီၤဝဲမ့ၣ်ပိၢ်(၁)ဖျၢၣ်ဆူ သီခါဖၠၣ်တၢ်သူၣ်ထီၣ်ဖီခိၣ်ကဲထီၣ်ဝဲန့ၣ်လီၤ. ကဘီယူၤလဲၤတ့ၢ်လီၤမ့ၣ်ပိၢ်ဘျီဝဲအံၤ...

လါအီကူး ၂၁ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ် နီဖးဒိၣ်ကရူၢ် ဒူသဝီ(၇)ဖျၢၣ်အပူၤ လၢတၢ်ကတ့ထီၣ်သီခါဖၠၣ် တၢ်ထၢစ့ဟံၣ်တဖျၢၣ်(၇၀၀,၀၀၀)ကၠးအဂ့ၢ်န့ၣ် လီၢ်ကဝီၤကမျၢၢ်လၢအိၣ်ဖဲန့ၣ်တဖၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. လၢဝၣ်တရဲၢ်သဝီပူၤ သီခါဖၠၣ်တၢ်သူၣ်ထီၣ်လီၢ်လံၤလၢအိၣ်ပၥ်အံၤ လၢတၢ်ကရိၢ်လီၤတ့ထီၣ်က့ၤလၢသီအဂီၢ် သီခါဖးဒိၣ် (အူအိးတရး)လၢအီၣ်ဖၠၣ်ဖဲန့ၣ်ဃ့ဝဲစ့ဟံၣ်တဖျၢၣ်န့ၣ်(၇၀၀,၀၀၀)ကၠးဒီး လီၤဆီဒၣ်တၢ်ကမျၢၢ်လၢအဒံၣ်အဖိလဲၤဖံးလဲၤမၤတၢ်လၢ ယိၤကီၢ်,မလ့ရှါထံဂုၤကီၢ်ဂၤတဖၣ်န့ၣ် ဃ့ဝဲတုၤလၢ(၁,၅၀၀,၀၀၀)ကၠးခိၣ်ဃၢၤညါအဂ့ၢ်န့ၣ် သ့ၣ်ညါဘၣ်န့ၣ်လီၤ. သီခါဖၠၣ်လၢတၢ်ကသူၣ်ထီၣ်ဝဲအံၤ တမ့ၢ်လၢအဟးဂီၤလီၤပှီၢ်တအိၣ်ဝဲဘၣ်အသိး...

လါအီကူၥ် ၂၁ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ဘျံးဒဝဲၢ်ကီၢ်ရ့ၣ်(သုးက့-၄)တၢ်ပၢဟီၣ်ကဝီၤ,ကစၢၢ်ဒိၣ်ကီၢ်ဆၣ်အ ပူၤဖဲလါအီကူၥ် ၁၈, ၁၉, ၂၀ သီအနံၤန့ၣ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်ဃုၥ်ဒီးတၢ်ပၢၢ်ဆၢသုးပၥ်ဖှိၣ်ခိးခးဝဲပယီၤမီၤစိရိၤသုးကျိၤလၢဟဲထီၣ်တဖၣ်အဃိတၢ်မၤန့ၢ်ဝဲပယီၤသုးတၢ်စုကဝဲၤဒီးကျိချံပှၥ်သၣ်အါအါဂီၢ်ဂီၢ်အဂ့ၢ်ကီၢ်ဆၣ်ပှၤဘၣ်မူဘၣ်ဒါစံးဝဲန့ၣ်လီၤ. ပယီၤသုးကျိၤလၢကဟဲထီၣ်ဝဲဒၣ်ဆူဝ့ၢ်တၢ်အဲၣ်ဒီးကၠီၣ်မဲဒီၣ်သ့ၣ်တဖၣ်အံၤလၢ(၃)သီအတီၢ်ပူၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်ဒီးတၢ်ပၢၢ်ဆၢသုးပၥ်ဖှိၣ်ခိးခးဝဲပယီၤသုးဖဲ(ဘဲးမတဲး)တဘျီဒီးနုၥ်လီၤခးဝဲဖဲ(ကၠီၣ်မဲဒီၣ်)တဘျီအဃိတၢ်မၤန့ၢ်ဝဲပယီၤသုးတၢ်စုကဝဲၤအမဲၥ်ညါပယီၤသုးအပှၤသံအဂၤ(၂၀)ဃၣ်ဃၣ်ဒီးတၢ်ဖီၣ်မူဒံးန့ၢ်ဝဲ(၃)ဂၤအဂ့ၢ်ကစၢၢ်ဒိၣ်ကီၢ်ဆၣ်ပှၤဘၣ်မူဘၣ်ဒါစံးဝဲန့ၣ်လီၤ. ပယီၤသုးအသုးကျိၤလၢဟဲထီၣ်ဃုၥ်ဒီးသိလ့ၣ်သ့ၣ်တဖၣ် KNLA သုးရ့ၣ် ၁၀, သုးရ့ၣ် ၁၂ ဒီးတၢ်ပၢၢ်ဆၢသုး ပၥ်ဖှိၣ်တကပၤခးဟးဂီၤကွံၥ်ဝဲဒၣ်သိလ့ၣ်ခဲလၢၥ်(၈)ခိၣ်ဒီးအကျါခံခိၣ်န့ၣ်တၢ်မၤန့ၢ်ကွံၥ်ဝဲတၢ်ဖိတၢ်လံၤသ့ၣ်တဖၣ်ဝံၤတၢ်ဒွဲၣ်အီၣ်ကွံၥ်ဝဲဒၣ်အဂ့ၢ်သ့ၣ်ညါဘၣ်လၢကီၢ်ဆၣ်တၢ်ပၥ်ဖျါပူၤအသိးန့ၣ်လီၤ. တကီၢ်ခါခဲအံၤပယီၤသုးကျိၤအံၤဂုၥ်လီၤက့ၤအခံအဂ့ၢ်ကစၢၢ်ဒိၣ်ကီၢ်ဆၣ်ပှၤဘၣ်မူဘၣ်ဒါစံးဝဲလၢ “အခဲအံၤ န့ၣ်ပယီၤသုးဂုၤက့ၤဝဲအခံလံန့ၣ်လီၤ. မ့ၢ်အဝဲသ့ၣ်တုၤလီၤက့ၤဝဲဖဲလဲၣ်န့ၣ်ပမၤတန့ၢ်ဒံးဘၣ်န့ၣ်လီၤ.”...

လါအီကူး ၁၉ သီ, ၂၀၂၅ နံၣ်, ခ့ၣ်အဲးစံၣ် ထံဖိကီၢ်ဖိကအိၣ်ဘၣ်မုၥ်မုၥ်ခုၣ်ခုၣ်အဂီၢ် ကညီသုးခိးကီၢ်ဆၢ(BGF/KNA)ဒီးတၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် (DKBA) မ့ၢ်တၢ်တဒူၣ်ဃီဒီးအတၢ်လဲၤကျဲမ့ၢ်တၢ်တမံၤဃီလီၤအဂ့ၢ်န့ၣ် ခံခီခံကပၤခိၣ်နၢ်စံးလီၤဝဲလၢဖီၣ်စုကဝဲၤခံဒူၣ်တၢ်အိၣ်ဖှိၣ်ပူၤ ဖဲမဟါ လါအီကူး ၁၈ သီန့ၣ်လီၤ. ဖဲမဟါလါအီကူး ၁၈ သီ ဂီၤခီအဆၢကတီၢ်န့ၣ် လၢတီနီၢ်မုၢ်ထီၣ် (DKBA)သုးဝဲၤလီၢ်ခိၣ်သ့ၣ် ဆိၣ်စံမၠဲၣ်(ကီၢ်သူမှံခံ)ဟီၣ်ကဝီၤ အပူၤ လၢဟီၣ်ကဝီၤတၢ်မုၥ်တၢ်ခုၣ်အဂီၢ် (BGF/KNA)ဒီး(DKBA)ခံဒူၣ်အံၤမၤဝဲတၢ်ထံၣ်လိၥ်တၢၣ်ပီၣ်တဲသကိး တၢ်အိၣ်ဖှိၣ်...

လါအီကူး ၂၀ သီ, ၂၀၂၅ နံၣ်, ခ့ၣ်အဲးစံၣ် ဖဲမဟါလါအီကူး ၁၉ သီ ဂီၤခီ ၁၀း၀၀ နၣ်ရံၣ်ဆၢကတီၢ်န့ၣ် လၢမဲၢ်လးဒဲကဝီၤ ကဝီၤဒိၣ်(Zone-B) B-5B ကဝီၤဒ့ ဟံၣ်တဖျၢၣ် အပူၤ ကၠီၣ်တဲၣ်သုး,အီစီး,ပၢၤကီၢ်ဒီး ဒဲကဝီၤဘံၣ်ဘၢပၥ်ဖှိၣ်ထီၣ်သးနုၥ်လီၤသမံသမိးဖီၣ်န့ၢ်ဝဲကသံၣ်မူၤဘှီး(၂၆၃၆)ဖျၢၣ်ဃုၥ်ဒီး ကသံၣ်မူၤဘှီးလၢအဂၤဒီး စ့ယိၤ(၄၀,၈၈၀)ဘး အဂ့ၢ်န့ၣ် သ့ၣ်ညါဘၣ်န့ၣ်လီၤ. လၢတၢ်န့ၣ်အဃိပှၤဒီဖိဒိၣ်မုဂါလၢအဘၣ်ထွဲဒီးကသံၣ်ကသ့ၣ်တၢ်မူၤတၢ်ဘှီး ၃...

လါအီကူး ၂၀ သီ, ၂၀၂၅ နံၣ်, ခ့ၣ်အဲးစံၣ် အူမူထၣ် ကညီကူၣ်သ့ဆဲးလၤဝဲၤကျိၤ(KECD)ကၠိလၢအိၣ်ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ခ့ၣ်အဲၣ်ယူၣ်-ကညီဒီကလုၥ် စၢဖှိၣ် ကရၢ ဖၣ်အၣ်ကီၢ်ရ့ၣ်(သုးက့ ၇)လူၢ်ပျဲၢ် ကီၢ်ဆၣ်အပူၤအံၤ ဖဲမဟါဟါခီအဆၢကတီၢ်န့ၣ်တၢ်လဲၤတ့ၢ်လီၤဝဲဒြိမ့ၣ်ပိၢ်အဃိ ကၠိအံၤ ဟးဂီၤဝဲ အဂ့ၢ်န့ၣ် လီၢ်ကဝီၤပှၤဘၣ်မူဘၣ်ဒါ စံးဝဲအသိး သ့ၣ်ညါဘၣ်န့ၣ်လီၤ. ဖဲမဟါလါအီကူး ၁၀ သီ ဟါခီ ၅း၀၀...

လါအီကူး ၁၈ သီ, ၂၀၂၅ နံၣ်, ခ့ၣ်အဲးစံၣ် ကညီသုးခိးကီၢ်ဆၢ(BGF/KNA)ဖီၣ်စုကဝဲၤတၢ်ကရၢကရိအံၤ အပူၤကွံၥ်သုးရ့ၣ်မ့အိၣ်(၁၃)ရ့ၣ်ဘၣ်ဆၣ် လၢ(၅)နံၣ်ဘျဲၣ်အတီၢ်ပူၤ မၤအါထီၣ်ဝဲသုးရ့ၣ်အဘ့ၣ်(၅၀)ဘျဲၣ်အဂ့ၢ်န့ၣ် သုးဟီၣ်ကဝီၤ(၂)အခိၣ် သုးခိၣ်ကျၢၢ်ဖိ စီၤတ့ၤဝ့ စံးဝဲအသိးသ့ၣ်ညါဘၣ် န့ၣ်လီၤ. စးထီၣ်ဖဲ ၂၀၁၀ လၢ(DKBA)တဆီ အိၣ်ဆၢထၢၣ်က့ၤဒ်(BGF)အသိးအခါန့ၣ် သုးရ့ၣ်အိၣ်ဒၣ်ထဲ(၁၃)ရ့ၣ် လီၤဒီး ဘၣ်ဆၣ်လၢတၢ် အိၣ်သး အကလုၥ်ကလုၥ်အဖီခိၣ် စးထီၣ်ဖဲ၂၀၂၀ နံၣ်...

လါအီကူး ၁၇ သီ, ၂၀၂၅ နံၣ်, ခ့ၣ်အဲးစံၣ် ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဖၣ်အၣ်ကီၢ်ရ့ၣ်(သုးက့ ၇)သုးဝဲၤလီၢ်ခိၣ်သ့ၣ် တၢ်လီၢ် အပူၤကွံၥ်ကျိဖးဒိၣ်အဃိ ကမျၢၢ်လၢအလဲၤဃ့ၢ်ထီၣ်အိၣ်ကဒုသးဖဲသူမှဲကျိဝၢ်ခီ မဲၢ်တရံးသီခါဖၠၣ်တဖၣ်အံၤ ဖဲမဟါအနံၤန့ၣ်က့ၤကဒါ ဆူအဟံၣ်အဃီအတၢ်လီၢ်တၢ်ကျဲလံအဂ့ၢ်န့ၣ် သ့ၣ်ညါဘၣ်န့ၣ်လီၤ. ဖဲအပူၤကွံၥ်လါအီကူး ၁၀ သီဟါခီအဆၢကတီၢ်န့ၣ် လၢတၢ်တပၥ်သူၣ်ပၥ်သးအပူၤ သုးမီၤစိရိၤအကဘီယူၤလဲၤ တ့ၢ်လီၤဝဲမ့ၣ်ပိၢ် လၢ(သုးက့ ၇)သုးဝဲၤလီၢ်ခိၣ်သ့ၣ် ကျိၣ်ယီၢ်လ့အခိၣ်အဃၢၤဒီး...

လါအီကူး ၁၆ သီ, ၂၀၂၅ နံၣ်, ခ့ၣ်အဲးစံၣ် ဖဲမဟါလါအီကူး ၁၅ သီအနံၤန့ၣ် လၢကညီသုးခိးကီၢ်ဆၢ(BGF/KNA) သုးဟီၣ်ကဝီၤ(၂) အဟီၣ်ကဝီၤပူၤန့ၣ် တၢ်မၤဝဲ ၁၉ ဝီတဝီ တၢ်ပျၢ်က့ၤဂံၢ်ခီၣ်ထံးသုးတၢ်မၤလိမူးတၢ်ရဲၣ် တၢ်ကျဲၤဝံၤဝဲလံ အဂ့ၢ်န့ၣ် သ့ၣ်ညါဘၣ်န့ၣ်လီၤ. ၁၉ ဝီတဝီ ဂံၢ်ခီၣ်ထံးသုးတၢ်မၤလိလၢအဘၣ်တၢ်တီခိၣ်ရိၣ်မဲအိးထီၣ်ဝဲလၢ(BGF/KNA)အံၤ လၢဂံၢ်ခီၣ်ထံးသုးတၢ်မၤလိဘျီဝဲအံၤ အပူၤ ပှၤသုးဖိပၥ်ဖှိၣ်(၅၂၀)ဂၤဖျိထီၣ်ဝဲဒီး တကးဒံးဘၣ်လၢတၢ်ရဲၣ်တၢ်ကျဲၤအပူၤသုးဖိသံၣ်ဖိလၢအဖျိထီၣ်တဖၣ်တၢ်ဟ့ၣ်လီၤဃုၥ်ဝဲ...