ခ့ၣ်အဲးစံၣ် – KIC News

လါယူၤ ၁၃ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်က၀ီၤအပူၤ တလါအံၤလါယူၤတၢတနွံအတီၢ်ပူၤန့ၣ် သုးမီၤစိရိၤကဘီယူၤဟဲခးလီၤတၢ်အိၣ်၀ဲ(၃)ဘျီအဂ့ၢ်န့ၣ် ကီၢ်ပယီၤတၢ်မၤနီၣ်ၦၤဂ့ၢ်၀ီခွဲးယာ်ၦာ်ဘျးစဲ(ND-Burma) ထုးထီၣ်ပာ်ဖျါ၀ဲဖဲလါယူၤ ၈ သီအနံၤန့ၣ်လီၤႉ ဖဲတလါအံၤလါယူၤ ၂ သီ ဂီၤခီအဆၢကတီၢ်န့ၣ် လၢခ့ၣ်အဲၣ်ယူၣ်(သုးက့ ၆) ဒူပျာ်ယာ်ကီၢ်ရ့ၣ် နိၣ်တကီကီၢ်ဆၣ်အပူၤ တၢ်ဒုးကဲထီၣ်၀ဲလၢတၢ်ပၢၢ်ဆၢသုးပာ်ဖှိၣ်ဒီးပယီၤသုးအဘၢၣ်စၢၤ၀ံၤလီၢ်ခံ သုးမီၤစိရိၤကဘီယူၤဟဲခးလီၤတၢ်တဘျီႇ ဒီးဖဲတၢ်တနံၤန့ၣ် ဂီၤခီအဆၢကတီၢ် ကဘီယူၤဟဲခးလီၤကဒီးတၢ်လၢ ကီးတရံးကီၢ်ဆၣ်(ဆံဖလား)သ၀ီ ကၠိကရၢၢ်ပူၤ တဘျီအဃိ ကၠိဟးဂီၤ၀ဲဒီးဟံၣ်ဟးဂီၤ၀ဲ(၄)ဖျၢၣ်အဂ့ၢ်န့ၣ် လံာ်တၢ်ပာ်ဖျါအပူၤပာ်ဖျါ၀ဲန့ၣ်လီၤႉ ဖဲန့ၣ်၀ံၤလီၢ်ခံဖဲလါယူၤ ၆ သီအနံၤစ့ၢ်ကီးန့ၣ် ပယီၤသုးကလၢၤ(၅)ဖျၢၣ်လၢအိၣ်ခ့ၣ်အဲၣ်ယူၣ်(သုးက့ ၃) ချၢၣ်လွံၢ်ထူၣ်ကီၢ်ရ့ၣ် နၣ်သၤကွ့၀့ၢ်ကပၤအံၤတဖၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးပာ်ဖှိၣ် နုာ်လီၤခး၀ဲ၀ံၤလီၢ်ခံ သုးမီၤစိရိၤကဘီယူၤဟဲတ့ၢ်လီၤမ့ၣ်ပိၢ်တဘျီအဂ့ၢ်န့ၣ်...

လါယူၤ ၁၃ သီႇ ၂၀၂၃ နံၣ်ႇ ခ့ၣ်အဲးစံၣ် လၢကညီကီၢ်စဲၣ် ဖၣ်အၣ်၀့ၢ်ပူၤတကးဒံးဘၣ်ကီၢ်ဆၣ်လၢအဂၤတဖၣ်စ့ၢ်ကီး စှၤသီအတီၢ်ပူၤအံၤ ခီဖျိပယီၤသုးဖီၣ်(Without)သိလ့ၣ်လၢလံာ်လဲၢ်တအိၣ်ဘၣ်ဟဲအါထီၣ်အဃိ ဟးထီၣ်က့ၤလီၤကီခဲထီၣ်၀ဲအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ အပူၤကွံာ်လၢညါန့ၣ်ပယီၤသုးဖီၣ်သိလ့ၣ်လၢအလံာ်လဲၢ်တအိၣ်ဘၣ်အံၤအါလၢဖၣ်အၣ်၀့ၢ်ပူၤလီၤဒီးဘၣ်ဆၣ် ခဲအံၤလၢကီးတရံးႇလူၢ်ပျဲၢ်ဒီးမၠၣ်၀တံၣ်ကီၢ်ဆၣ်တဖၣ်န့ၣ်စ့ၢ်ကီးအ၀ဲသ့ၣ်ဖီၣ်ဟံ၀ဲအရ့ဟဲအါထီၣ်အဃိ ကမျၢၢ်လၢအိၣ်ခိခိၣ်ဒူသ၀ီပူၤတဖၣ်တၢ်ကီတၢ်ခဲအိၣ်ထီၣ်လၢကလဲၤၦ့ၤပနံာ်တၢ်ဖိတၢ်လံၤလၢ၀့ၢ်ပူၤအဂ့ၢ်န့ၣ် ကီးတရံးကမျၢၢ်တဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“အ၀ဲသ့ၣ်သမံသမိး၀ဲသိလ့ၣ်လံာ်ႇၦၤနီသိလ့ၣ်ဖိကစၢ်ႉမ့တအိၣ်ဘၣ်န့ၣ်မ့ၢ်အ၀ဲသ့ၣ်အသ့ကွံာ်၀ဲဧါႇကဒိတၢ်၀ဲဧါန့ၣ်ယသ့ၣ်ညါတလီၤတံၢ်ဒံးဘၣ်ႉမ့အိၣ်လၢ၀့ၢ်ပူၤဟးထီၣ်ခီန့ၣ်အ၀ဲသ့ၣ်တသမံသမိး၀ဲအါအါဘၣ်ႉမ့အိၣ်လၢ(လဲၤ၀ၣ်)ဟဲက့ၤနုာ်လီၤလၢကီးတရံးန့ၣ်မၢၦၤကုၣ်ထီၣ်ဆဲးကဲးပိပူၤႇသိလ့ၣ်မတၤခဲလၢာ်လီၤႉမ့မ့ၢ်ခဲအံၤခီန့ၣ်တမ့ၢ်ဒ်န့ၣ်လၢာ်ဘၣ်သံကွၢ်၀ဲမ့ၢ်သိလ့ၣ်လံာ်လဲၢ်အိၣ်ဧါတအိၣ်ဧါဒ်န့ၣ်တထံၣ်ဃီလီၤႉယဲယသိလ့ၣ်န့ၣ်အကဲ၀ဲဒၣ်(Without)အဃိယလဲၤလၢ၀့ၢ်ပူၤတဘူၣ်လၢၤဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ် န့ၣ်လီၤႉ လီၢ်က၀ီၤကမျၢၢ်လၢအိၣ်ကညီကီၢ်စဲၣ်ဟီၣ်က၀ီၤပူၤတဖၣ်အါဒၣ်တက့ၢ်န့ၣ်အ၀ဲသ့ၣ်သူ၀ဲဒၣ်(Without)သိလ့ၣ်လၢအိၣ်ဟဲလၢမၠၣ်၀တံၣ်ကီၢ်ဆၢအံၤလီၤဒီးခီဖျိပယီၤသုးဟးဖီၣ်သိလ့ၣ်လၢအလံာ်လဲၢ်တအိၣ်ဘၣ်ဒ်အံၤဟဲအါထီၣ်အဃိ တၢ်ကီတၢ်ခဲအိၣ်လၢကလဲၤက့ၤဖံးမၤအီၣ်တၢ်အဂ့ၢ်န့ၣ် လီၢ်က၀ီၤကမျၢၢ်လၢအနီ(Without)သိလ့ၣ်တဂၤ စံး၀ဲန့ၣ်လီၤႉ “လၢမၠၣ်၀တံၣ်ႇကီးတရံးနါက့နဘၣ်ဟးထီၣ်က့ၤလီၤလၢတၢ်ပလီၢ်ပဒီပူၤလီၤႉလၢဖၣ်အၣ်နါက့က့ၤတဘူၣ်ဘၣ်ႉနဘၣ်က့ၤတရံးကျဲလၢတန့ခၠါ–လူၢ်ပျဲၢ်တကပၤန့ၣ်မီၤနီၤႉ နမ့လဲၤလၢဖၣ်အၣ်တကပၤန့ၣ်အ၀ဲသ့ၣ်ခိးသမံသမိးဖီၣ်သိလ့ၣ်ႇ သ့ကွံာ်၀ဲဃ့အီၣ်လိး၀ဲႇကထၢနုာ်၀ဲလၢဃိာ်ပူၤအဃိလၢၦၤနီသိလ့ၣ်ဖိတဖၣ်အဂီၢ်န့ၣ်တဘၣ်ဂီၢ်ဘၣ်မီၤနီၤႉၦၤလၢအအိၣ်ဒီးလံာ်လဲၢ်တဖၣ်န့ၣ်ဒုကိညၢ်၀ဲႉၦၤလၢအသိလ့ၣ်လံာ်တအိၣ်ဘၣ်တဖၣ်န့ၣ်ဟးထီၣ်က့ၤလီၤဖံးအီၣ်မၤအီၣ်တဘၣ်ဂီၢ်လၢၤဘၣ်”အဂ့ၢ်န့ၣ် စံး၀ဲန့ၣ်လီၤႉ အပူၤကွံာ်လၢညါန့ၣ်ပယီၤသုးခိးဖီၣ်သမံသမိးသိလ့ၣ်လၢလံာ်လဲၢ်တအိၣ်ဘၣ်သ့ၣ်တဖၣ်အံၤလၢကျဲဖးဒ့ကျဲကစူးလီၤ ဘၣ်ဆၣ်တကီၢ်ခါခဲအံၤအိၣ်ခိးဖီၣ်၀ဲပၢၢ်တုၤလၢကျဲမုၢ်ခိၣ်ႇက၀ီၤဒ့ပူၤႇၦၤဟံၣ်မဲာ်ညါညါအဂ့ၢ်န့ၣ် သ့ၣ်ညါဘၣ်န့ၣ်လီၤႉ လၢန့ၣ်အမဲာ်ညါကညီကီၢ်စဲၣ်အပူၤ(Without)သိလ့ၣ်လၢအဟးထီၣ်က့ၤတဖၣ်တနီၤန့ၣ်အ၀ဲသ့ၣ်မၤဃာ်၀ဲဒီး ဖီၣ်စုက၀ဲၤကရူၢ်ကရၢအလံာ်အလဲၢ်အိၣ်၀ဲဘၣ်ဆၣ်တကီၢ်ခါခဲအံၤကရူၢ်ကရၢအလံာ်လဲၢ်တဖၣ်အံၤတၢ်အုၣ်ကီၤတအိၣ်၀ဲနီတမံၤလၢၤဘၣ်အဂ့ၢ်န့ၣ် ၦၤနီသိလ့ၣ်ဖိတဖၣ်စံး၀ဲန့ၣ်လီၤႉ ခီဖျိပယီၤသုးဖီၣ်(Without)သိလ့ၣ်ဒ်အံၤအဃိဖၣ်အၣ်၀့ၢ်တကးဒံးဘၣ်အမဲာ်ညါလၢမၠၣ်၀တံၣ်ႇကီးတရံး၀့ၢ်ပူၤစ့ၢ်ကီး (Without)သိလ့ၣ်ဟးထီၣ်က့ၤလီၤတအိၣ်အါအါလၢၤဘၣ်အဂ့ၢ်န့ၣ် သ့ၣ်ညါဘၣ်လၢလီၢ်က၀ီၤကမျၢၢ်အအိၣ်န့ၣ်လီၤႉ

လါယူၤ ၁၂ သီႇ ၂၀၂၃ နံၣ်ႇ ခ့ၣ်အဲးစံၣ် လၢကီၢ်ကၠီၣ်တဲၣ်–ကီၢ်ပယီၤကီၢ်ဆၢ မၠၣ်၀တံၣ်ကီၢ်ဆၣ်အပူၤ တၢ်ပတုာ်ကွံာ်ကၠီၣ်တဲၣ်လီမ့ၣ်အူလၢ တရူး(ကၣ်စံၣ်နိၣ်) ၀့ၢ်သီ တၢ်လီၢ်(၂)တီၤဘၣ်ဆၣ် မ့မ့ၢ်(ကၣ်စံၣ်နိၣ်)တၢ်တၤကျိၣ်တၤစ့လီၢ်လၢအဂၤအခါ(၁၀)ဘျဲၣ် အံၤ မ့ၣ်အူဟဲဒံး၀ဲ အဂ့ၢ်န့ၣ် သ့ၣ်ညါဘၣ်လၢကမျၢၢ်လၢအအိၣ်ဘူးဒီးတရူး(ကၣ်စံၣ်နိၣ်)ကပၤသ့ၣ်တဖၣ်အံၤအအိၣ် န့ၣ်လီၤႉ ဖဲအပူၤကွံာ်လါယူၤ ၆ သီ မုၢ်နၤခီ ၁၂ နၣ်ရံၣ်အဆၢကတီၢ်န့ၣ် တၢ်ပတုာ်ကွံာ်မ့ၣ်အူလၢ စွ့ၤကိၣ်ကိၤ(ကၣ်စံၣ်နိၣ်) ၀့ၢ်သီဒီး မဲၢ်ထီးသလ့(ကၣ်စံၣ်နိၣ်)၀့ၢ်သီတၢ်လီၢ်သ့ၣ်တဖၣ်အံၤဒီး ဘၣ်ဆၣ် မ့မ့ၢ်တရူး(ကၣ်စံၣ်နိၣ်)လီၢ်လၢအိၣ် မၠၣ်၀တံၣ်၀့ၢ် ဟီၣ်က၀ီၤပူၤတဖၣ်ခီန့ၣ်မ့ၣ်အူဟဲဒံး၀ဲအဂ့ၢ်န့ၣ် မဲၢ်ထီးသလ့လီၢ်က၀ီၤကမျၢၢ်တဂၤ စံး၀ဲဒ်အံၤန့ၣ်လီၤႉ “ခဲအံၤမ့ၣ်အူတဟဲလၢၤဘၣ်န့ၣ်မဲၢ်ထီးသလ့ဒီးစွ့ၤကိၣ်ကိၤလီၤႉလၢကၠီးခဲးႇဆိၣ်စံမၠဲၣ်ႇဂီၤလ့ၤႇဃိၣ်သၢဖျၢၣ် (DKBA) အကၣ်စံၣ်နိၣ်တဖၣ်န့ၣ်တမၤတဲာ်၀ဲမ့ၣ်အူဒံးဘၣ်မ့ၣ်အူဟဲဒံးအဖၢမုၢ်လီၤႉလၢမၠၣ်၀တံၣ်သူမှဲကျိကပၤ(BGF) အကၣ်စံၣ်နိၣ်လီၢ်စ့ၢ်ကီးမ့ၣ်အူဟဲဒံးလီၤႉအ့ဆ့လီၤမ့ၣ်အူကပီၤမၢ်မၢ်လီၤႉတၢ်ဒုးကဲထီၣ်နါက့အ့ဆ့လီၤႉမုၢ်နၤခီန့ၣ်ၦၤတရူးဖိႇၦၤယိၤဖိနုာ်လီၤဟးထီၣ်မၢ်မၢ်လီၤႉလၢတရူးအ(ကၣ်စံၣ်နိၣ်)တကပၤန့ၣ်ပတနၢ်ဟူၦၤလဲၤကွံာ်လီၤမ့ၣ်ပိၢ်ႇကဘီယူၤဟဲတ့ၢ်လီၤမ့ၣ်ပိၢ်တအိၣ်နီတဘျီဒံးဘၣ်ႉမ့မ့ၢ်တၢ်ဒုးခီန့ၣ်ကဲထီၣ်မၢ်မၢ်လီၤ”အဂ့ၢ်န့ၣ် မဲၢ်ထီးသလ့လီၢ်က၀ီၤကမျၢၢ်တဂၤ စံး၀ဲန့ၣ် လီၤႉ ဖဲစှၤသီအတီၢ်ပူၤအံၤလၢမဲၢ်ထီးသလ့သ၀ီဆၢခိၣ်လဲၣ်ခၣ်တီၤႇကၠီၣ်တီၤကိႇကၠီၣ်မဲကိတကပၤန့ၣ် တၢ်ဒုးကဲထီၣ်၀ဲလၢ...

လါယူၤ ၁၂ သီႇ ၂၀၂၃ နံၣ်ႇ ခ့ၣ်အဲးစံၣ် လၢမီၣ်လမၠဲၣ်ႇမူၣ်ဒိၤႇသရိာ်၀ါ(သၤဖၠူၤစယၣ်),ယ့ႇဘျံးဒ၀ဲၢ်(နီၣ်ဂံၢ် ၈)ကျဲမုၢ်ခိၣ်ဒီတကျိၤန့ၣ် သိလ့ၣ်လၢအဟးထီၣ်က့ၤလီၤ တဖၣ် တဘၣ်တီၣ်ပယီၤသုးဒီးတၢ်ဖိတၢ်လံၤလၢအဘၣ်ဃးဒီးပယီၤသုးတဖၣ်ဘၣ်အဂ့ၢ်န့ၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ(သုးက့ ၆) သုးရ့ၣ်(၂၇)၀ဲၤလီၢ်ခိၣ်သ့ၣ် ထုးထီၣ်ပာ်ဖျါတၢ်ကလုၢ် ဖဲလါယူၤ ၁၀ သီအနံၤ န့ၣ်လီၤႉ စးထီၣ်ဖဲတလါအံၤလါယူၤ ၁၅ သီန့ၣ် သိလ့ၣ်လၢအဟးထီၣ်က့ၤလီၤဖဲမီၣ်လမၠဲၣ်ႇမူၣ်ဒိၤႇသၤဖၠူၤစယၣ်ႇယ့ႇဘျံးဒ၀ဲၢ် (နီၣ်ဂံၢ် ၈)ကျဲဒီတကျိၤအံၤတဖၣ် ခ့ၣ်အဲၣ်ယူၣ်(သုးရ့ၣ်–၂၇)အၦၤမ့ကိးပတုာ်သိလ့ၣ်သမံသမိး၀ဲန့ၣ် သိလ့ၣ်တဖၣ် ကအိၣ်ပတုာ်ဒိးသမံသမိးသးဂ့ၤဂ့ၤအဂ့ၢ်န့ၣ် လံာ်တၢ်ပာ်ဖျါအပူၤပာ်ဖျါ၀ဲန့ၣ်လီၤႉ လၢန့ၣ်အမဲာ်ညါလၢသိလ့ၣ်အပူၤတၢ်တဘၣ်တီၣ်၀ဲပယီၤသုးဒီးတၢ်ဖိတၢ်လံၤလၢအဘၣ်ဃးပယီၤသုးတဖၣ်ဘၣ်ႇ ကမျၢၢ်ထံဖိကီၢ်ဖိလၢအဟးထီၣ်က့ၤလီၤတဖၣ်အံၤတဘၣ်ဒိးဃုာ်သိလ့ၣ်ဒီးပယီၤသုးဘၣ်ဒီး ကလုာ်ဒူၣ်ဖီၣ်စုက၀ဲၤကရူၢ်ကရၢလၢအဂၤတဖၣ်စ့ၢ်ကီးမ့ကိးသမံသမိး၀ဲန့ၣ်ကတူၢ်ဒိးသမံသမိးသးဂ့ၤဂ့ၤအဂ့ၢ်န့ၣ် လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ တကီၢ်ခါခဲအံၤစ့ၢ်ကီးအ၀ဲသ့ၣ်ကရူၢ်အံၤစးထီၣ်မၤ၀ဲဒုးယၤတၢ်ဟူးတၢ်ဂဲၤလၢ(နီၣ်ဂံၢ် ၈)ကျဲမုၢ်ခိၣ်ဒီတကျိၤအံၤလံ အဃိ ဒ်သိးကမျၢၢ်တၢ်ဘၣ်ဒိဘၣ်ထံးသုတအိၣ်ထီၣ်တဂ့ၤအဂီၢ်န့ၣ် ဘၣ်ထုးထီၣ်၀ဲတၢ်ကလုၢ်ဒ်အံၤလီၤအဂ့ၢ်န့ၣ် စံး၀ဲန့ၣ်လီၤႉ လၢန့ၣ်အမဲာ်ညါတၢ်ကလုၢ်လၢတၢ်ထုးထီၣ်ဟ့ၣ်ပလီၢ်၀ဲအံၤၦၤလၢအမ့တလူၤပိာ်မၤထွဲ၀ဲဘၣ်တဖၣ် တၢ်ဂ့ၢ်မ့ဟဲကဲထီၣ်သးတမံၤမံၤန့ၣ်တမ့ၢ်လၢအ၀ဲသ့ၣ်ကဟံးမူဒါဘှါဆှဲ၀ဲဘၣ်အဂ့ၢ်န့ၣ် (KNLA)သုးရ့ၣ် ၂၇...

လါယူၤ ၁၂ သီႇ ၂၀၂၃ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ(သုးက့ ၅)ဟီၣ်က၀ီၤ မုၢ်တြီၢ်ကီၢ်ရ့ၣ်ပူၤ ကမျၢၢ်လၢအလဲၤဃ့ၢ်အိၣ်ကဒုသး ဖဲမၠဲၣ်ကၠံငူၣ်လီၢ်အိၣ်ကမှံလီၢ်သ့ၣ်တဖၣ်အံၤ အဲၣ်ဒိးက့ၤအိၣ်လၢအကစၢ်ဒူသ၀ီတၢ်လီၢ်တၢ်ကျဲလံန့ၣ် တီၣ်ဖျါထီၣ်၀ဲဖဲလါယူၤ ၁၀ သီ လၢခ့ၣ်အဲၣ်ယူၣ်(ဖၣ်အၣ်ကီၢ်ရ့ၣ်)ၦၤဘၣ်မူဘၣ်ဒါမၤ၀ဲတၢ်ထံၣ်လိာ်အိၣ်သကိးဒီး ၦၤလီၢ်အိၣ်ကမှံဖိတၢ်ရဲၣ်တၢ်ကျဲၤပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ခီဖျိတၢ်ဒုးကဲထီၣ်လၢဖၣ်ပူၣ်ဟီၣ်က၀ီၤပူၤအဃိလီၢ်က၀ီၤကမျၢၢ်လၢအလဲၤဃ့ၢ်အိၣ်ကဒုသးဖဲမၠဲၣ်ကၠံငူၣ်လီၢ်အိၣ်ကဒုလီၢ်အံၤၦၤနီၣ်ဂံၢ်အိၣ်၀ဲလၢအကထိညါအသိး တကီၢ်ခါခဲအံၤစ့ၢ်ကီးခီဖျိဟဲဃ့ၢ်အါထီၣ်ကဒီးအိၣ်ဒီဒူၣ်ညါဒီး ဟီၣ်က၀ီၤပူၤတၢ်မုာ်တၢ်ခုၣ်မ့အိၣ်န့ၣ်အဲၣ်ဒိးက့ၤအိၣ်ကဒါလၢကစၢ်ဒူသ၀ီတၢ်လီၢ်တၢ်ကျဲအဂ့ၢ်န့ၣ် အ၀ဲသ့ၣ်တီၣ်ဖျါထီၣ်၀ဲဖဲ တၢ်ထံၣ်လိာ်အိၣ်သကိးတၢ်ရဲၣ်တၢ်ကျဲၤပူၤန့ၣ်လီၤႉ ၦၤလီၢ်အိၣ်ကမှံပိာ်မုၣ်တဂၤစံး၀ဲလၢ“ပအဲၣ်ဒိးဃ့ထီၣ်ကီၢ်ရ့ၣ်ခိၣ်လၢမ့သ့န့ၣ်ကပတုာ်ကွံာ်တၢ်ဒုးတၢ်ယၤဒီးဘှါဆှဲက့ၤအီၤလၢစီၤနီၢ်ခိၣ်မီၤနီၤႉပဟဲအိၣ်ဖဲအံၤဒုဒ်သုသ့ၣ်ညါအသိးလီၤနဖံးအီၣ်မၤအီၣ်တၢ်တသ့နီတမံၤဘၣ်ႉဟီၣ်က၀ီၤပူၤတၢ်မ့မုာ်မ့ခုၣ်ထီၣ်န့ၣ်ပအဲၣ်ဒိးက့ၤအိၣ်လၢပကစၢ်ဒူသ၀ီလီၤႉမ့မ့ၢ်လၢပကစၢ်သ၀ီခီန့ၣ်ပဖံးအီၣ်မၤအီၣ်တၢ်သ့မီၤနီၤ”အဂ့ၢ်န့ၣ် စံးလီၤ၀ဲလၢတၢ်ထံၣ်လိာ်အိၣ်သကိးတၢ်ရဲၣ်တၢ်ကျဲၤပူၤန့ၣ်လီၤႉ ကမျၢၢ်ၦၤဃ့ၢ်မှံဟးဖျိးလၢအဟဲအိၣ်ကဒုသးဖဲမၠဲၣ်ကၠံငူၣ်လီၢ်ကဒုလီၢ်သ့ၣ်တဖၣ်အံၤမ့ၢ်ၦၤသ့ၣ်တဖၣ်လၢအိၣ်ဟဲလၢခ့ၣ်အဲၣ်ယူၣ်(သုးက့ ၅)တၢ်ပၢဟီၣ်က၀ီၤတဖၣ်အပူၤဒီးစးထီၣ်ဖဲမဟိန့ၣ်ခီဖျိတၢ်ဒုးကဲထီၣ်လၢဟီၣ်က၀ီၤပူၤအဃိ အ၀ဲသ့ၣ်လဲၤအိၣ်ဆိ၀ဲလၢအဘူးအတံၢ်ဟံၣ်ႇဟဲအိၣ်ကဒုသးဖဲမၠဲၣ်ကၠံငူၣ်ၦၤလီၢ်အိၣ်ကဒုလီၢ်လီၢ်လံၤအံၤန့ၣ်လီၤႉဒီးၦၤသ့ၣ်တဖၣ်အံၤဒိးသန့ၤထီၣ်သးအိၣ်ဆၢထၢၣ်၀ဲလၢတၢ်မၤဘူၣ်ကစၢ်ဒီးတၢ်ဘူၣ်တၢ်ဘါခိၣ်နၢ်အတၢ်ဆီၣ်ထွဲမၤစၢၤသ့ၣ်တဖၣ်အံၤလီၤအဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါစံး၀ဲအသိးသ့ၣ်ညါဘၣ်န့ၣ်လီၤႉ ကမျၢၢ်ၦၤဃ့ၢ်မှံဟးဖျိးလၢအအိၣ်ဖဲမၠဲၣ်ကၠံငူၣ်လီၢ်အိၣ်ကဒုလီၢ်သ့ၣ်တဖၣ်အံၤလၢအ၀ဲသ့ၣ်ဟီၣ်က၀ီၤတနီၤအပူၤန့ၣ် တၢ်ဒုးတၢ်ယၤကဲထီၣ်တအိၣ်လၢၤ၀ဲဘၣ်ဆၣ်ႇခီဖျိတၢ်ဒိးလီၤဃာ်မ့ၣ်ပိၢ်အိၣ်ဒံးအဃိအ၀ဲသ့ၣ်က့ၤအိၣ်လၢသ၀ီတဘူၣ်ဒံးဘၣ်ဒီးဆၢမုၢ်လၢ်၀ဲလၢၦၤကမၤဆှဲကွံာ်ဟီၣ်လာ်မ့ၣ်ပိၢ်သ့ၣ်တဖၣ်အံၤအဂ့ၢ်န့ၣ် ၦၤလီၢ်အိၣ်ကမှံပိာ်မုၣ်လၢအဂၤတဂၤ စ့ၢ်ကီး တီၣ်ဖျါထီၣ်၀ဲဒ်အံၤန့ၣ်လီၤႉ အ၀ဲစံး၀ဲလၢ“ပဟဲအိၣ်ဖဲအံၤပဖံးအီၣ်မၤအီၣ်တၢ်တသ့နီတမံၤဘၣ်ႉယဲဒၣ်နါက့ယခီၣ်တဂ့ၤဘၣ်ႉယ၀ၤနါက့ၦၤခးကမၣ်အီၤဒီး(စနဲးဖၢး)ကျိအဃိသံလံႉခဲအံၤယဒံၣ်ယဖိတဖၣ်န့ၣ်လဲၤထီၣ်မၤတၢ်လၢယိၤကီၢ်မီၤနီၤႉပအဲၣ်ဒိးက့ၤအိၣ်လၢပသ၀ီဘၣ်ဆၣ်ခီဖျိၦၤဒိးလီၤဃာ်ဟီၣ်လာ်မ့ၣ်ပိၢ်အိၣ်အဃိပက့ၤအိၣ်တဘူၣ်ဘၣ်ႉမ့သ့မ့ဘၣ်န့ၣ်ပဆၢမုၢ်လၢ်လၢၦၤကမၤဆှဲကွံာ်မ့ၣ်ပိၢ်တဖၣ်အံၤမီၤနီၤ”အဂ့ၢ်န့ၣ် စံး၀ဲန့ၣ်လီၤႉ တၢ်ထံၣ်လိာ်သးဒီးကမျၢၢ်ၦၤလီၢ်အိၣ်ကမှံတၢ်ရဲၣ်တၢ်ကျဲၤဘျီ၀ဲအံၤန့ၣ်(ခ့ၣ်အဲၣ်ယူၣ်)ဖၣ်အၣ်ကီၢ်ရ့ၣ်ခိၣ် ပဒိၣ်စီၤအီၤမီၤအ့ဒီး ကီၢ်ရ့ၣ်ႇသုးက့ခိၣ်နၢ်တနီၤဃုာ်ဒီးသုးခိးကီၢ်ဆၢ(BGF)ခိၣ်နၢ်ႇ လီၢ်က၀ီၤဒူသ၀ီၦၤဘၣ်မူဘၣ်ဒါ တကးဒံးဘၣ်ကမျၢၢ်ၦၤဃ့ၢ်မှံဟဖျိးခဲလၢာ်ဟဲထီၣ်၀ဲအဂၤ(၅၀၀)ဃၣ်ဃၣ်န့ၣ်လီၤႉ

လါယူၤ ၁၁ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ်အပူၤ ကျိဖးဒိၣ်ပယီၤသုး(၄၀၂)သုးရ့ၣ်ဒီး ခီၣ်ချ့သုးရ့ၣ်(၁)လၢအိၣ်ဆီလီၤသးဖဲသထူၣ်၀့ၢ်ပူၤတဖၣ်အံၤ ဖဲလါအပူၤကွံာ်ယူၤ ၇ သီ ဂီၤခီအဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးပာ်ဖှိၣ်နုာ်လီၤခး၀ဲအဃိ ပယီၤသုးသံ(၅)ဂၤဒီး ဘၣ်ဒိ(၄)ဂၤ အကျါပၣ်ဃုာ်၀ဲသုးရ့ၣ်ခိၣ်တဂၤအဂ့ၢ်န့ၣ် သ့ၣ်ညါဘၣ်လၢခ့ၣ်အဲၣ်ယူၣ်ဂံၢ်ခီၣ်ထံးၦၤဟ့ၣ်တၢ်ကစီၣ်ဖိ အအိၣ်န့ၣ်လီၤႉ ဖဲတၢ်တနံၤန့ၣ်ဂီၤခီ ၆ နၣ်ရံၣ်ဃၣ်ဃၣ်အဆၢကတီၢ် (KNLA)သုးပာ်ဖှိၣ်လၢအမ့ၢ် သထူၣ်တၢ်ဒီသဒၢကမျၢၢ်သုးႇ ဘံလ့ကီၢ်ဆၣ်တၢ်ဒီသဒၢကမျၢၢ်သုးဒီးဒြိသုးကရူၢ်တဖၣ်အံၤနုာ်လီၤခး၀ဲအဃိပယီၤသုး(၄၀၂)သုးရ့ၣ်အၦၤသံ၀ဲ(၅)ဂၤအသိး (ခမရ)သုးရ့ၣ်အၦၤဘၣ်ဒိ(၄)ဂၤအကျါပၣ်ဃုာ်၀ဲ သုးရ့ၣ်ခိၣ်လၢအဟဲသီတဂၤအဂ့ၢ်န့ၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ် သိၣ်မှံၤဂ့ၢ်၀ီပၢဆှၢရဲၣ်ကျဲၤကမံးတံာ်ခိၣ် သုးခိၣ် စီၤကၠီၤမၠ့ၣ်စံး၀ဲန့ၣ်လီၤႉ အ၀ဲစံး၀ဲလၢ“သုးရ့ၣ်ခိၣ်တဂၤန့ၣ်စးထီၣ်လၢအဟဲအိၣ်ဖဲအံၤန့ၣ်ခးလီၤကျိဖးဒိၣ်လၢသ၀ီပူၤကိးမုၢ်နံၤဒဲးလီၤ အဃိၦၤသ၀ီဖိဘၣ်ဒိဘၣ်ထံးအိၣ်တနီၤမီၤနီၤႉအဃိန့ၣ်တၢ်ပၢၢ်ဆၢသုးကရူၢ်က့ၤခးဆၢကဒါ၀ဲဒ်အံၤလီၤႉပနၢ်ဟူလၢ သုးရ့ၣ်ခိၣ်တဂၤန့ၣ်ဘၣ်ဒိနးအဃိၦၤက့ၤဆှၢကူစါယါဘျါအီၤလၢန့ၣ်ပၠံၣ်တီၣ်တၢ်ဆါဟံၣ်မီၤနီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်ဖဲလါယူၤ ၁၀ သီအနံၤန့ၣ်လီၤႉ ဒ်န့ၣ်အသိးတၢ်နုာ်လီၤခးပယီၤသုးဘျီ၀ဲအံၤန့ၣ်မ့မ့ၢ်တၢ်ပၢၢ်ဆၢသုးပာ်ဖှိၣ်တကပၤခီန့ၣ် တၢ်သံတၢ်ဘၣ်ဒိဘၣ်ထံးတအိၣ်၀ဲဘၣ်အဂ့ၢ်န့ၣ် ဂံၢ်ခီၣ်ထံးၦၤဟ့ၣ်တၢ်ကစီၣ်ဖိ စံး၀ဲန့ၣ်လီမႉ တၢ်ဒုးကဲထီၣ်၀ံၤလီၢ်ခံကဘၣ်ဖဲဂီၤခီ...

လါယူၤ ၁၁ သီႇ ၂၀၂၃ နံၣ်ႇ ခ့ၣ်အဲးစံၣ် လၢဖၣ်အၣ်ကီၢ်ရ့ၣ် လူၢ်ပျဲၢ်ကီၢ်ဆၣ် တရံးဖိကွံသ၀ီပူၤ တရံးဖိကွံကီၢ်သူလ့ၤတီၤခၢၣ်သးကၠိအံၤ တနံၣ်အံၤ(၂၀၂၃–၂၀၂၄) တၢ်သိၣ်လိနံၣ်အဂီၢ် တၢ်ကီတၢ်ခဲအိၣ်၀ဲလၢကၠိသရၣ်သရၣ်မုၣ်တကူတလၢ၀ဲဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ တနံၣ်အံၤတၢ်သိၣ်လိနံၣ်အဂီၢ်တရံးဖိကွံကၠိအံၤအိၣ်တုၤ၀ဲဒၣ်လၢ(၈)တီၤဒီးၦၤကၠိဖိနီၣ်ဂံၢ်အိၣ်၀ဲ(၁၉၀)ဂၤဘၣ်ဆၣ် ခီဖျိကၠိအံၤကၠိသရၣ်၊မုၣ်အိၣ်ဒၣ်ထဲ(၁၂)ဂၤလီၤအဃိတၢ်ကီတၢ်ခဲအိၣ်လၢတၢ်သိၣ်လိတကပၤအဂ့ၢ်န့ၣ် တရံးဖိကွံကၠိခိၣ် သရၣ်မုၣ် နီၢ်မုၣ်ကျၢၤ စံးလီၤ၀ဲဖဲလါမ့ၤ ၆ သီ တၢ်အိးထီၣ်ကၠိတၢ်ရဲၣ်တၢ်ကျဲၤမူးအပူၤန့ၣ်လီၤႉ အ၀ဲစံး၀ဲလၢ“တနံၣ်အံၤကၠိသရၣ်သရၣ်မုၣ်လီၢ်လံလၢအသိၣ်လိတၢ်ဖဲမဟိတနံၣ်န့ၣ်အဟးထီၣ်ကွံာ်ဃုဂၤညါမီၤနီၤႉ အဃိန့ၣ်ပဟးဃုအါထီၣ်ကဒီးဃိးဂၤႉပဟးဃုအါထီၣ်၀ံၤဘျီခဲအံၤသရၣ်သရၣ်မုၣ်ခဲလၢာ်အိၣ်၀ဲ(၁၂)ဂၤမီၤနီၤႉနဟးဃုဘၣ်ကၠိသရၣ်သရၣ်မုၣ်ကီဒိၣ်မးလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ တချုးသုးဟံးန့ၢ်တၢ်စိတၢ်ကမီၤဒံးဘၣ်အခါတရံးဖိကွံကၠိအံၤမ့ၢ်ကၠိတဖျၢၣ်လၢကီၢ်ပယီၤပဒိၣ်ဒီးကညီကူၣ်သ့ဆဲးလၤ၀ဲၤကျိၤ(KECD)ပာ်ဖှိၣ်အိးထီၣ်၀ဲန့ၣ်လီၤႉသုးဟံးန့ၢ်တၢ်စိတၢ်ကမီၤ၀ံၤလီၢ်ခံကၠိအံၤအိၣ်ဆၢထၢၣ်က့ၤ၀ဲဒ်(KECD)ကၠိအသိးဒီး တၢ်သိၣ်လိ၀ဲ(KECD)အလံာ်ညိၣ်သိၣ်ဒိၣ်န့ၢ်၀ဲခံနံၣ်လံအဂ့ၢ်န့ၣ် သ့ၣ်ညါဘၣ်န့ၣ်လီၤႉ လူၢ်ပျဲၢ်ကီၢ်ဆၣ် KNU ၦၤဘၣ်မူဘၣ်ဒါတဂၤ စံး၀ဲလၢ“မ့မၤလိကီၢ်သူလ့ၤကူၣ်သ့သနူန့ၣ်လီၤဂာ်ဒ်သိး ပကၢၤက့ၤဂၢၤက့ၤ ပလံာ်လဲၢ်ပတၢ်ဆဲးတၢ်လၤမီၤနီၤႉဒ်န့ၣ်မးပကသ့ၣ်ညါဘၣ်ပၦၤကညီအတၢ်စံၣ်စိၤတဲစိၤအဂ့ၢ်အကျိၤသ့ၣ်တဖၣ်လီၤႉပမ့သ့ၣ်ညါမးပသးလၢအအဲၣ်ၦၤကလုာ်န့ၣ်ကဟဲအိၣ်ထီၣ်၀ဲမီၤနီၤႉပဆၢမုၢ်လၢ်လၢၦၤဖိဒံဖိသၣ်သ့ၣ်တဖၣ်တသ့လံာ်သ့လဲၢ်မီၤနီၤႉၦၤဖိဒံဖိသၣ်သ့ၣ်တဖၣ်အံၤမ့သ့လံာ်သ့လဲၢ်မးအ၀ဲသ့ၣ်ကသ့နီၤဖး၀ဲတၢ်ဂ့ၤႇတဂ့ၤဒီးဃုထၢ၀ဲတၢ်လၢအကြၢးမၤ၀ဲသ့ၣ်တဖၣ်ကသ့မီၤနီၤ”အဂ့ၢ်န့ၣ် စံး၀ဲန့ၣ်လီၤႉ ဖၣ်အၣ်ကီၢ်ရ့ၣ်ပူၤ ကၠိလၢအိၣ်(KECD)တၢ်ပၢဆှၢဖီလာ်သ့ၣ်တဖၣ်ခဲလၢာ်ဃၣ်ဃၣ်န့ၣ် တၢ်ကီတၢ်ခဲအိၣ်ထီၣ်၀ဲလၢ ကၠိသရၣ်သရၣ်မုၣ်တကူတလၢဒီးကၠိတၢ်ပီးတၢ်လီတကူတလၢ၀ဲဘၣ်အဂ့ၢ်န့ၣ် ကူၣ်သ့ၦၤဘၣ်မူဘၣ်ဒါတဖၣ် စံး၀ဲန့ၣ်လီၤႉ ဖဲတလါအံၤလါယူၤ ၆ သီအနံၤန့ၣ် တရံးဖိကွံကၠိမၤ၀ဲ(၂၀၂၃–၂၀၂၄)တၢ်အိးထီၣ်ကၠိတၢ်ရဲၣ်တၢ်ကျဲၤမူးဒီး...

လါယူၤ ၁၁ သီႇ ၂၀၂၃ နံၣ်ႇ ခ့ၣ်အဲးစံၣ်   ဖဲလါယူၤ ၉ သီ ဟါခီအဆၢကတီၢ် ပယီၤသုးလၢအိၣ်ကညီကီၢ်စဲၣ် ကီးတရံး၀့ၢ်ပူၤတဖၣ်အံၤ ခးလီၤကျိဖးဒိၣ်တပယူာ်ဃီအဃိ ကမဲၤကိသ၀ီဖိဘၣ်ဒိကဒီး၀ဲ ၃ ဂၤအဂ့ၢ်န့ၣ် သ၀ီဖိတဖၣ်စံး၀ဲန့ၣ်လီၤႉ ခီဖျိပယီၤသုးတဖၣ်အံၤခးလီၤနါစိၤကျိဖးဒိၣ်တပယူာ်ဃီအဃိလီၢ်က၀ီၤကမျၢၢ်သံဘၣ်ဒိဘၣ်ထံးကဲထီၣ်ခဲအံၤခဲအံၤအသိး ပယီၤသုးခးလီၤ၀ဲကျိဖးဒိၣ်ဘျီ၀ဲအံၤစ့ၢ်ကီးကမဲၤကိသ၀ီဖိဘၣ်ဒိကဒီး၀ဲ ၃ ဂၤဒီးအကျါတဂၤန့ၣ်ဘၣ်ဒိ၀ဲနးနးကျံၤကျံၤ အဂ့ၢ်န့ၣ် သ၀ီဖိတဂၤစံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ပယီၤသုးခးလီၤကျိဖးဒိၣ်ဒီယုၢ်လီၤႉတလါအံၤအ၀ဲသ့ၣ်ခးလီၤကျိဖးဒိၣ်အါထီၣ်မီၤနီၤႉခးလီၤ၀ဲလၢကီးတရံး၀့ၢ်ခိၣ်၀့ၢ်ဃၢၤ၀း၀းတရံးလီၤႉအခးလီၤ၀ဲဖဲမဟါန့ၣ်ၦၤသ၀ီဖိဘၣ်ဒိသၢဂၤႉလၢဘၣ်အခီၣ်တဂၤန့ၣ်ကိညၢ်ထီၣ်လံႉ မ့မ့ၢ်ၦၤလၢအဘၣ်အနၢ်ဃၢၤထံးတဂၤန့ၣ်တၢ်ဘၣ်ယိၣ်အိၣ်၀ဲ”အဂ့ၢ်န့ၣ် စံးဘၣ်ခ့ၣ််အဲးစံၣ်–ကညီတၢ်ကစီၣ်ဖဲလါယူၤ ၁၀ သီအနံၤန့ၣ်လီၤႉ သ၀ီဖိလၢအဘၣ်ဒိသၢဂၤန့ၣ်မ့ၢ်၀ဲဒီၤမူလိ(၄၂)နံၣ်ဘၣ်၀ဲဒၣ်အနၢ်ဃၢၤထံးတၢ်ဘၣ်ယိၣ်အိၣ်ဒီးမ့မ့ၢ်လၢကၠီၤမ့ထိ(၃၂)နံၣ်ဒီးစးမူသါ(၂၉)နံၣ်ခံဂၤအံၤဘၣ်၀ဲဒၣ်အဟၢဖၢဒီးအခီၣ်ကံၣ်ဒုၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဒ်န့ၣ်အသိးဖဲအပူၤကွံာ်လါယူၤ ၇ သီအခါစ့ၢ်ကီး လဲၤ၀ၣ်ကိပယီၤသုးခးလီၤကျိဖးဒိၣ်အဃိ (ရွာတန်းရှည်) သ၀ီဖိဟံၣ်ဖိဃီဖိဘၣ်ဒိဒံး၀ဲ ၃ ဂၤဒီး ဖဲန့ၣ်အကျါဖိသၣ်သံ၀ဲ ၁ ဂၤကဲထီၣ်တ့ၢ်အသးဒံးန့ၣ်လီၤႉ လၢကီးတရံးကီၢ်ဆၣ်အပူၤ တလါအံၤလါယူၤအတီၢ်ပူၤ ခီဖျိပယီၤသုးခးလီၤကျိးဖဒိၣ်တကးဒံးဘၣ် ကဘီယူၤစ့ၢ်ကီးဟဲခးလီၤတၢ်အဃိ...

လါယူၤ ၉ သီႇ ၂၀၂၃ နံၣ်ႇ ခ့ၣ်အဲးစံၣ် လၢကညီကီၢ်စဲၣ် ဖၣ်အၣ်၀့ၢ်ပူၤ စှၤသီအတီၢ်ပူၤအံၤ ခီဖျိပယီၤသုးဟးလူၤဖီၣ်၀ဲသိလ့ၣ်ႇသိလ့ၣ်ယီၢ်(ဆဲးကဲး) လၢလံာ်လဲၢ်တအိၣ်ဘၣ်သ့ၣ်တဖၣ်အံၤဟဲအါထီၣ်၀ဲအဃိ တၢ်ကြဲၢ်ကီၢ်ဆၣ်ပူၤ သိလ့ၣ်လၢအလဲၤၦ့ၤ တၢ်ပနံာ်တၢ်ဖိတၢ်လံၤသ့ၣ်တဖၣ်အံၤလဲၤၦ့ၤတၢ်တဘူၣ်လၢၤဘၣ်အဃိ လၢကျးပူၤန့ၣ်နံာ်တၢ်ဖိတၢ်လံၤလီၤတူာ်ထီၣ်၀ဲလံ အဂ့ၢ်န့ၣ် သ့ၣ်ညါဘၣ်န့ၣ်လီၤႉ ကျးလၢအိၣ်တၢ်ကြဲၢ်ကီၢ်ဆၣ်ပူၤတဖၣ်အံၤအါဒၣ်တက့ၢ်အ၀ဲသ့ၣ်လံၤၦ့ၤဆါ၀ဲပနံာ်တၢ်ဖိတၢ်လံၤလၢဖၣ်အၣ်၀့ၢ်ပူၤလီၤဒီး စးထီၣ်လါမ့ၤ ၁ သီန့ၣ် ခီဖျိပယီၤသုးလူၤဖီၣ်၀ဲသိလ့ၣ်ႇသိလ့ၣ်ယီၢ်(ဆဲးကဲး)လၢလံာ်လဲၢ်တအိၣ်ဘၣ်သ့ၣ်တဖၣ်အံၤ အဖီခိၣ် သိလ့ၣ်လၢအလဲၤၦ့ၤပနံာ်တၢ်ဖိတၢ်လံၤတဖၣ် ဟးထီၣ်တဘူၣ်လၢၤဘၣ်အဃိ လၢကျးပူၤန့ၣ် ပနံာ်တၢ်ဖိတၢ်လံၤ လီၤစှၤ၀ဲအဂ့ၢ်န့ၣ် ကျးကစၢ်တဂၤစံး၀ဲဒ်အံၤန့ၣ်လီၤႉ အ၀ဲစံး၀ဲလၢ“အခိၣ်သ့ၣ်န့ၣ်တၢ်အီၣ်ဃ့မီၤနီၤႉခဲအံၤပတလဲၤၦ့ၤဘၣ်လၢ၀့ၢ်ပူၤလၢၤဘၣ်အဃိတၢ်အီၣ်ဃ့လီၤတူာ်ထီၣ်တအိၣ်လၢၤဘၣ်ႉမ့၀ံၤကလဲၤအဂီၢ်စ့ၢ်ကီးပလဲၤတဘူၣ်ဘၣ်အဃိနကလဲၤၦ့ၤဒ်လဲၣ်ႉသိလ့ၣ်လဲၤမ့တန့ၢ်လၢာ်ဘၣ်ဒုပကဘၣ်ဟံး န့ၢ်က့ၤ တၢ်ဖိတၢ်လံၤလၢသိလ့ၣ်လၢအဟဲဆါတၢ်ဖဲအံၤတဖၣ်အအိၣ်လီၤမီၤနီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ် န့ၣ်လီၤႉ ခီဖျိသိလ့ၣ်လၢအဟဲဆါတၢ်ဖိတၢ်လံၤလၢဒူသ၀ီပူၤတဖၣ်အံၤဆါတၢ်ၦ့ၤဒိၣ်အဃိ ကျးတဖၣ်တၦ့ၤ၀ဲဘၣ်ဒီး မ့မ့ၢ်တခီလဲၤၦ့ၤ၀ဲလၢဖၣ်အၣ်၀့ၢ်လဲၤ၀ဲဒီးအကစၢ်သိလ့ၣ်ဒ်န့ၣ်လီၤဒီးခီဖျိပယီၤသုးဖီၣ်သိလ့ၣ်ဒ်အံၤအဃိ သိလ့ၣ်လၢအိၣ်ဒူသ၀ီပူၤတဖၣ်လဲၤၦ့ၤတၢ်တသ့လၢၤဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ စီၤလွဲစ့ လၢအလဲၤၦ့ၤတၢ်လၢဖၣ်အၣ်၀့ၢ်ပူၤကိးနွံဒဲးအံၤ စံး၀ဲလၢ“ယဲဒၣ်န့ၣ်ယလဲၤၦ့ၤတၢ်တနွံတဘျီမီၤနီၤႉ ယကျးန့ၣ်ဆါတၢ်န့ၢ်အဃိတၢ်ဖိတၢ်လံၤလၢၤဖျဲၣ်မးႉခဲအံၤပတလဲၤၦ့ၤဘၣ်တၢ်န့ၢ်(၄)နွံလံႉကျးပူၤအံၤတၢ်ဖိတၢ်လံၤတအိၣ်တ့ၢ်အါအါလၢၤဘၣ်”အဂ့ၢ်န့ၣ်...

လါယူၤ ၉ သီႇ ၂၀၂၃ နံၣ်ႇ ခ့ၣ်အဲးစံၣ် လၢတနီသရံၣ်ကီၢ်ခီဒိၣ် လီလိကီၢ်ဆၣ်အပူၤ (Non CDM)ၦၤမၤတၢ်ဖိလၢအမၤတၢ်လၢသုးမီၤစိရိၤစုတီၤဖီလာ်တဖၣ်အံၤ မ့ဆဲးမၤဒံး၀ဲဒ်သုးမီၤစိရိၤအတၢ်အဲၣ်ဒိးအသိးမ့တအိၣ်ပတုာ်၀ဲဘၣ်န့ၣ် ကဟံး၀ဲအရ့အဂ့ၢ် လီလိကီၢ်ဆၣ် တၢ်ဒီသဒၢကမျၢၢ်သုးကရူၢ် ထုးထီၣ်လံာ်ဟ့ၣ်ပလီၢ်၀ဲဖဲလါယူၤ ၇ သီအနံၤန့ၣ်လီၤႉ (ပျူစောထီး),(Non CDM)၀ဲၤကျိၤဘၣ်ထွဲၦၤမၤတၢ်ဖိဒီး(Non CDM)ကူၣ်သ့ၦၤမၤတၢ်ဖိလၢအဆီၣ်ထွဲမၤစၢၤ ဟ့ၣ်ဂံၢ်ဟ့ၣ်ဘါသုးမီၤစိရိၤတဖၣ်အံၤမ့တအိၣ်ပတုာ်မ့ဆဲးမၤဒံး၀ဲဒ်သုးမီၤစိရိၤအတၢ်အဲၣ်ဒိးအသိးန့ၣ် စးထီၣ်တလါအံၤလါယူၤ ၁၀ သီန့ၣ် ကဟံးအရ့တုၤလီၤတီၤလီၤအဂ့ၢ်န့ၣ် လီလိတၢ်ဒီသဒၢကမျၢၢ်သုးကရူၢ် စံး၀ဲန့ၣ်လီၤႉ လီလိတၢ်ဒီသဒၢကမျၢၢ်သုးကရူၢ် တၢ်ဘိးဘၣ်ရၤလီၤမူဒါခိၣ်တဂၤစံး၀ဲလၢ“ပထုးထီၣ်လံာ်အံၤ ၦၤကၠိဖိလၢအထီၣ်ကၠိ တဖၣ်န့ၣ်တပၣ်ဘၣ်ႉပထုးထီၣ်လံာ်အံၤအခိၣ်သ့ၣ်န့ၣ်ကၠိသရၣ်§မုၣ်လၢအဟ့ၣ်တၢ်ဆီၣ်သနံးမၢၦၤက့ၤထီၣ်န့ၢ်ဆူၣ်ကဒါကၠိသ့ၣ်တဖၣ်အံၤအဂီၢ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ လၢလီလိကီၢ်ဆၣ်အပူၤ(ပျူစောထီး)ကရူၢ်ဒီးသုးမီၤစိရိၤ၀ဲၤကျိၤၦၤမၤတၢ်ဖိတဖၣ်အံၤ နုာ်လီၤသမံသမိးၦၤတမှံၤစရီ သတူၢ်ကလာ်ဒီး(Non CDM)ကၠိသရၣ်§မုၣ်တဖၣ်စ့ၢ်ကီးဟ့ၣ်တၢ်ဆီၣ်သနံးဆူကၠိဖိမိၢ်ပၢ်တဖၣ်အအိၣ်လၢမၢအဒံၣ်အဖိ ဟဲထီၣ်ကၠိအဂ့ၢ်န့ၣ် တၢ်ဒီသဒၢသမျၢၢ်သုးကရူၢ်စံး၀ဲန့ၣ်လီၤႉ ဒ်န့ၣ်အသိးဖဲလါယူၤ ၇ သီအခါစ့ၢ်ကီး တၢ်နုာ်လီၤမၤဟးဂီၤ၀ဲလီလိဂံၢ်ခီၣ်ထံးတီၤထီကၠိတၢ်ဖိတၢ်လံၤသ့ၣ်တဖၣ်ဒီး ကွဲးလီၤစ့ၢ်ကီးလံာ်မဲာ်ဖျၢၣ်လၢ(White...