လါယနူၤအါရံၤ ၉ သီ, ၂၀၂၆ နံၣ်, ခ့ၣ်အဲးစံၣ်
ဖၣ်ပူၣ်ဒုးယၤသုးကလၢၤလၢအိၣ်ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)တၢ်ပၢဟီၣ်ကဝီၤပူၤလၢ(KNLA)သုးပၥ်ဖှိၣ်ကဝီၤခးဝဲ န့ၢ်လၢတနံၣ်ဃၣ်ဃၣ်အံၤန့ၣ် စှၤသီအတီၢ်ပူၤသုးမီၤစိရိၤကဘီယူၤလဲၤခးလီၤတၢ်လၢသုးကလၢၤအခိၣ်အဃၢၤအိၣ်ဝဲ ကိးမုၢ်နံၤဒဲး အဂ့ၢ်န့ၣ် သ့ၣ်ညါဘၣ်လၢ(KNLA)ခိၣ်နၢ်ဒိၣ်ထီတဖၣ်အအိၣ်န့ၣ်လီၤ.
ဖၣ်ပူၣ်သုးကလၢၤလၢအိၣ်ဖၣ်ပူၣ်ဝ့ၢ်ဃၢၤလၢအရ့ဒိၣ်ဝဲလၢသုးမီၤစိရိၤအဂီၢ်အံၤ လၢတၢ်ကဝီၤခးဝဲအဖီခိၣ် သုးမီၤစိရိၤတကပၤ ကၢၤဃၥ်ဝဲမ့ၢ်န့ၢ်ဒံးဘၣ်ဆၣ် သုးကလၢၤအံၤသုတလီၤတဂ့ၤအဂီၢ် တၢ်ဃုထၢအကူၥ်-၁ ဝံၤလီၢ်ခံစးထီၣ်ဖဲလါယနူၤထီၣ်အံၤန့ၣ် သူဝဲကဘီယူၤလဲၤခးလီၤ တၢ်လၢသုးကလၢၤအခိၣ်အဃၢၤ အိၣ်ဝဲကိးမုၢ်နံၤဒဲး တုၤလၢတဂီၤအံၤအဂ့ၢ်န့ၣ် သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
“ဖၣ်ပူၣ်သုးကလၢၤတၢ်အိၣ်သးဒုအိၣ်ဒ်အလီၢ်လီၤ.မ့မ့ၢ်ကဘီယူၤဒုဟဲခးလီၤတၢ်ကိးမုၢ်နံၤလီၤ.လၢမုၢ်ဝါတဝါန့ၣ်ဟဲခးတၢ်လံ,မုၢ်ဆါခီတဘျီ,မုၢ်ဟါလီၤတဘျီန့ၣ်ဟဲခးတၢ်ထီဘိလီၤ.ဟဲခးလီၤတၢ်ခီဒုဒ်သိးပှၤလဲၤဘူးဝဲသုတန့ၢ်တဂ့ၤအဂီၢ်ဒ်န့ၣ်လီၤ. တၢ်ဒုးဒုအကဲထီၣ် အဒိၣ်အမုၢ်တအိၣ်ဘၣ်,အိၣ်ဒၣ်လၢခးလိၥ်သးလၢ(စနဲးဖၢး),မ့မ့ၢ်လၢကျိဒိၣ်ခီ န့ၣ်စှၤတစဲး .လၢတၢ်ခးလိၥ်သးအိၣ်ဒ်န့ၣ်အဖီခိၣ် သုးကီၣ်ကးကရူၢ်ဘၣ်ယိၣ်တၢ်လၢအသုးကလၢၤဂီၢ်အဃိဟဲခးဒီသဒၢန့ၢ်ဝဲဒီးကဘီယူၤလီၤ.တဂီၤညါအံၤနါက့သီဒီတဂီၤလီၤ”အဂ့ၢ်န့ၣ် စံးဝဲန့ၣ်လီၤ.
တကးဒံးဘၣ်ဖၣ်ပူၣ်ဒုးယၤသုးကလၢၤအမဲၥ်ညါအပူၤကွံၥ်တၢ်လီၢ်လၢတၢ်ပၢၢ်ဆၢကရူၢ်ကရၢအပှၤအိၣ်ဆိးဝဲအခိၣ်အဃၢၤန့ၣ် ကဘီယူၤလဲၤခးလီၤတၢ်မ့အိၣ်ဘၣ်ဆၣ် လီၢ်ခံအံၤကဘီယူၤဟးခးလီၤနါစိၤတၢ်လၢဒူသဝီ,တၢ်ဖံးအီၣ်မၤအီၣ်လီၢ်ကျဲဟဲအါထီၣ် ဝဲအဂ့ၢ်န့ၣ် စံးစ့ၢ်ကီးဝဲန့ၣ်လီၤ.
ဖၣ်ပူၣ်ဟီၣ်ကဝီၤပူၤ လၢကဟဲတလါအံၤလါယနူၤအါရံၤ ၁၁ သီ...
လါယနူၤအါရံၤ ၉ သီ, ၂၀၂၆ နံၣ်, ခ့ၣ်အဲးစံၣ်
ဖၣ်ပူၣ်ဒုးယၤသုးကလၢၤလၢအိၣ်ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)တၢ်ပၢဟီၣ်ကဝီၤပူၤလၢ(KNLA)သုးပၥ်ဖှိၣ်ကဝီၤခးဝဲ န့ၢ်လၢတနံၣ်ဃၣ်ဃၣ်အံၤန့ၣ် စှၤသီအတီၢ်ပူၤသုးမီၤစိရိၤကဘီယူၤလဲၤခးလီၤတၢ်လၢသုးကလၢၤအခိၣ်အဃၢၤအိၣ်ဝဲ ကိးမုၢ်နံၤဒဲး အဂ့ၢ်န့ၣ် သ့ၣ်ညါဘၣ်လၢ(KNLA)ခိၣ်နၢ်ဒိၣ်ထီတဖၣ်အအိၣ်န့ၣ်လီၤ.
ဖၣ်ပူၣ်သုးကလၢၤလၢအိၣ်ဖၣ်ပူၣ်ဝ့ၢ်ဃၢၤလၢအရ့ဒိၣ်ဝဲလၢသုးမီၤစိရိၤအဂီၢ်အံၤ လၢတၢ်ကဝီၤခးဝဲအဖီခိၣ် သုးမီၤစိရိၤတကပၤ ကၢၤဃၥ်ဝဲမ့ၢ်န့ၢ်ဒံးဘၣ်ဆၣ် သုးကလၢၤအံၤသုတလီၤတဂ့ၤအဂီၢ် တၢ်ဃုထၢအကူၥ်-၁ ဝံၤလီၢ်ခံစးထီၣ်ဖဲလါယနူၤထီၣ်အံၤန့ၣ် သူဝဲကဘီယူၤလဲၤခးလီၤ တၢ်လၢသုးကလၢၤအခိၣ်အဃၢၤ အိၣ်ဝဲကိးမုၢ်နံၤဒဲး တုၤလၢတဂီၤအံၤအဂ့ၢ်န့ၣ် သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
“ဖၣ်ပူၣ်သုးကလၢၤတၢ်အိၣ်သးဒုအိၣ်ဒ်အလီၢ်လီၤ.မ့မ့ၢ်ကဘီယူၤဒုဟဲခးလီၤတၢ်ကိးမုၢ်နံၤလီၤ.လၢမုၢ်ဝါတဝါန့ၣ်ဟဲခးတၢ်လံ,မုၢ်ဆါခီတဘျီ,မုၢ်ဟါလီၤတဘျီန့ၣ်ဟဲခးတၢ်ထီဘိလီၤ.ဟဲခးလီၤတၢ်ခီဒုဒ်သိးပှၤလဲၤဘူးဝဲသုတန့ၢ်တဂ့ၤအဂီၢ်ဒ်န့ၣ်လီၤ. တၢ်ဒုးဒုအကဲထီၣ် အဒိၣ်အမုၢ်တအိၣ်ဘၣ်,အိၣ်ဒၣ်လၢခးလိၥ်သးလၢ(စနဲးဖၢး),မ့မ့ၢ်လၢကျိဒိၣ်ခီ န့ၣ်စှၤတစဲး .လၢတၢ်ခးလိၥ်သးအိၣ်ဒ်န့ၣ်အဖီခိၣ် သုးကီၣ်ကးကရူၢ်ဘၣ်ယိၣ်တၢ်လၢအသုးကလၢၤဂီၢ်အဃိဟဲခးဒီသဒၢန့ၢ်ဝဲဒီးကဘီယူၤလီၤ.တဂီၤညါအံၤနါက့သီဒီတဂီၤလီၤ”အဂ့ၢ်န့ၣ် စံးဝဲန့ၣ်လီၤ.
တကးဒံးဘၣ်ဖၣ်ပူၣ်ဒုးယၤသုးကလၢၤအမဲၥ်ညါအပူၤကွံၥ်တၢ်လီၢ်လၢတၢ်ပၢၢ်ဆၢကရူၢ်ကရၢအပှၤအိၣ်ဆိးဝဲအခိၣ်အဃၢၤန့ၣ် ကဘီယူၤလဲၤခးလီၤတၢ်မ့အိၣ်ဘၣ်ဆၣ် လီၢ်ခံအံၤကဘီယူၤဟးခးလီၤနါစိၤတၢ်လၢဒူသဝီ,တၢ်ဖံးအီၣ်မၤအီၣ်လီၢ်ကျဲဟဲအါထီၣ် ဝဲအဂ့ၢ်န့ၣ် စံးစ့ၢ်ကီးဝဲန့ၣ်လီၤ.
ဖၣ်ပူၣ်ဟီၣ်ကဝီၤပူၤ လၢကဟဲတလါအံၤလါယနူၤအါရံၤ ၁၁ သီ...
လါယနူၤအါရံၤ ၈ သီ, ၂၀၂၆ နံၣ်, ခ့ၣ်အဲးစံၣ်
တၢ်သဘျ့မုၢ်နံၤဒီးထံကီၢ်ပဒိၣ်လၢ ကညီဖီၣ်စုကဝဲၤကရူၢ်လၢအမ့ၢ်ကီၢ်သူလ့ၤသုးမုၢ်ဒိၣ်(KTLA)ဘိးဘၣ်ရၤလီၤဝဲ ဖဲအပူၤကွံၥ်စှၤသီ အခါအံၤ တခၢၣ်စးဝဲ KNU တၢ်ပၢတၢ်ြပးကျဲသနူဘၣ် အဂ့ၢ်န့ၣ် ပဒိၣ်စီၤတီနံ စံးဝဲန့ၣ်လီၤ.
ဖဲအပူၤကွံၥ်တလါအံၤလါယူနူၤအါရံၤထီၣ် ၅ သီအနံၤ လၢကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဒူပျၥ်ယၥ်ကီၢ်ရ့ၣ်(သုးက့ ၆) ကီးတရံး ကီၢ်ဆၣ် ဂီၤလ့ၤဟီၣ်ကဝီၤတၢ်လီၢ်တတီၤအပူၤ (KTLA)တီခိၣ်ရိၣ်မဲမၤလၤကပီၤဝဲ တၢ်သဘျ့မုၢ်နံၤအံၤဒီး မုၢ်နံၤအံၤ ပၥ်ပနီၣ်လၢ အမ့ၢ်ကီၢ်သူလ့ၤတၢ်သဘျ့မုၢ်နံၤအဂ့ၢ်န့ၣ် (KTLA)သုးရိၣ်မဲခိၣ်ကျၢၢ် သုးခိၣ်ကျၢၢ်ဒိၣ်စိ စီၤနၢၤဒါ အနီၢ်ကစၢ် ဘိးဘၣ်ရၤလီၤစံးလီၤ ဝဲလၢ တၢ်ရဲၣ်တၢ်ကျဲၤပူၤဒ်အံၤန့ၣ်လီၤ.
“ဘၣ်မနုၤလၢပဘၣ်မၤတၢ်သဘျ့လဲၣ်န့ၣ်ဒ်ပမ့ၢ်ပှၤကညီတဖုအသိးပအဲၣ်ဒိးအိၣ်ဒီးပထံပကီၢ်,ပတၢ်သဘျ့,ပနီၢ်ကစၢ်တၢ်ပၢလီၤသးလီၤ.ပှၤတဖုလၢအထံအကီၢ်အတၢ်သဘျ့တအိၣ်ဘၣ်န့ၣ်မ့ၢ်ဒၣ်ကုၢ်လီၤ.ပှၤတကလုၥ်အသူးသ့ၣ်လၤကပီၤန့ၣ်မ့ၢ်ဒၣ်ထံကီၢ်န့ၣ်လီၤ.ဒ်ပမိၢ်ပၢ်ဖံဖုဟ့ၣ်သါပှၤပထံပကီၢ်အသိးန့ၣ်မူဒါအိၣ်လၢနၤယၤပစုပူၤလၢပကဘၣ်ဟံဃၥ်ကဟုကယၥ်အီၤ. တနံၤညါအံၤပဘိးဘၣ်ရၤ လီၤတၢ်သဘျ့မုၢ်နံၤလၢဟီၣ်ခိၣ်ဒီတဘ့ၣ်လီၤ.ဟီၣ်ခိၣ်ချၢဒီဘ့ၣ်ကထံၣ်လၢပကီၢ်န့ၣ်မ့ၢ်ဒၣ်ကီၢ်သူလ့ၤလီၤ.တၢ်သဘျ့န့ၣ်မ့ၢ်ပှၤလၢအဒုးတၢ်ဘူၣ်သ့ၣ်တဖၣ်အဂီၢ်လီၤ.အဃိပကဘၣ်အိၣ်ဒီးတၢ်သူၣ်ဒူသးဒူ,တၢ်ဃူတၢ်ဖိး ပမ့အိၣ်ဒီးတၢ်ဃူတၢ်ဖိးန့ၣ် ခဲမုၢ်ဆ့ၣ်န့ၣ်...
လါယနူၤအါရံၤ ၄သီ, ၂၀၂၅နံၣ်, ခ့ၣ်အဲးစံၣ်,
တနံၣ်အံၤ(၂၀၂၆)နံၣ်ဟီၣ်ခိၣ်ဒီဖျၢၣ်ကညီမုၣ်ဂ့ၤဆဲးလၤ,ခွါဂ့ၤဆဲးလၤ Miss and Mister Global Karen
တၢ်ပြၢအပူၤ,နီၢ်ယွၤဟ့ၣ်စ့ဒီးစီၤ((Marsha)ဒိးန့ၢ်ဘၣ်ဝဲတၢ်မၤနၢၤအဂ့ၢ်,သ့ၣ်ညါဘၣ်ဒ်တၢ်ပြၢအတၢ်ဘိးဘၣ်ရၤလီၤအသိးန့ၣ်လီၤ.
တနံၣ်အံၤတၢ်ြပၢအပူၤကီၢ်ကၠီၣ်တဲၣ်ကညီကီၢ်စဲၣ်ကီၢ်ဆၢသူၣ်ဘီၣ်သးစၢ်,ကညီဘၣ်ကီဘၣ်ခဲဒဲကဝီၤသူၣ်ဘီၣ်သးစၢ်တဖၣ်အမဲၥ်ညါ,ထံချၢကီၢ်ချၢကညီသူၣ်ဘီၣ်သးစၢ်ဒီးကီၢ်ပူၤကညီသးစၢ်တဖၣ်နုၥ်လီၤသတြီၤဒိးပြၢဝဲဒၣ်အသးအိၣ်ဝဲအဂ့ၢ်သ့ၣ်ညါဘၣ်န့ၣ်လီၤ.
ဒီးမုၣ်ဂ့ၤဆဲးလၤပှၤနုၥ်လီၤဒိးပြၢသးပိၥ်မုၣ်တဖၣ်အကျါဒိးန့ၢ်ဘၣ်ဝဲ(Miss)ပှၤမၤနၢၤတၢ်အတၢ်လၤကပီၤလၢအူးပၠၣ်ကညီဘၣ်ကီဘၣ်ခဲဒဲကဝီၤခၢၣ်စးအဖီခိၣ်,နီၢ်ယွၤဟ့ၣ်စ့စံးဝဲဒ်အံၤန့ၣ်လီၤ.
“ယတၢ်မုၢ်လၢ်အိၣ်လၢ(မီၣ်ဒၢၤ)တကပၤဒုဒီဒူၣ်ညါ,စးထီၣ်လၢယနီၢ်ဆံးဆံးခါလံၤလံၤလီၤယသးစဲ,ဘၣ်ဆၣ်ယဘၣ်အိၣ်လၢဒဲကဝီၤအပူၤအဃိယဆိမိၣ်တၢ်ခွဲးတၢ်ယၥ်တအိၣ်လၢၤဘၣ်.နါက့ယထံၣ်န့ၢ်တၢ်ခွဲးတၢ်ယၥ်ဒ်အံၤလံအဃိ,ခါဆူညါယကမၤတုၤလၢလဲၤထီၣ်လဲၤထီအါန့ၢ်ဒံးအလီၢ်”အဂ့ၢ်စံးဝဲဒၣ်န့ၣ်လီၤ.
(၂၀၂၆)နံၣ် Miss and Mister Global Karen တၢ်ပြၢအံၤ, တၢ်စးထီၣ်ကိးတ့ၢ်ဝဲကညီသူၣ်ဘီၣ်သးစၢ်လၢအသးစၢၢ်ဆၢတၢ်တဖၣ်စးထီၣ်လၢ(၂၀၂၅)နံၣ်လါနိၣ်ဝ့ဘၢၣ်အခါလံၤလံၤဒီးတၢ်ဟ့ၣ်ဝဲ(Camp- training)ဝံၤအလီၢ်ခံလၢတၢ်နုၥ်လီၤသတြီၤဒိးပြၢသးအတၢ်ရဲၣ်တၢ်ကျဲၤအဂီၢ်တၢ်မၤက့ၤဝဲဖဲမဟါယနူၤအါရံၤ(၃)သီအနံၤလၢကီၢ်ကၠီၣ်တဲၣ်ဝ့ၢ်မဲၢ်ဆီး(Robinson)အပူၤအဂ့ၢ်,သ့ၣ်ညါဘၣ်န့ၣ်လီၤ.
လၢန့ၣ်အမဲၥ်ညါ,တၢ်ပြၢအံၤတၢ်မၤဝဲအီၤပှဲၤထီၣ်သၢဝီလံဒီးတၢ်ဒုးအိၣ်ထီၣ်ဝဲအတၢ်ပညိၣ်မ့ၢ်ဝဲဒ်လဲၣ်အဂ့ၢ်န့ၣ်,ပှၤဒုးအိၣ်ထီၣ်တၢ်ပြၢမုၣ်ဂ့ၤဆဲးလၤလီၢ်လံၤ(Miss)နီၢ်စ့ဖီစံးဝဲဒ်အံၤန့ၣ်လီၤ.
“ပဒုးအိၣ်ထီၣ်တၢ်ပြၢအံၤခီဒုန့ၣ်မ့ၢ်ဒၣ်ဒ်သိးပကဂၢၤဃၥ်ပၢၤဃၥ်က့ၤပတၢ်ဆဲးတၢ်လၤအဂီၢ်,ပကွဲမုၥ်ဘၣ်သူၣ်စၢ်သးဘီၣ်လၢအိၣ်ယံၤအိၣ်ဘူးကထံၣ်လိၥ်ရ့လိၥ်မုၣ်လိၥ်သးန့ၣ်လီၤ.ဒီးပထံၣ်စ့ၢ်ကီးလၢတၢ်တမံၤလၢပကြၢးမၤအီၤလၢပပှၤကလုၥ်ကညီသူၣ်ဘီၣ်သးစၢ်အကျါ,အဃိဆူမဲၥ်ညါပကဒုးအိၣ်ထီၣ်တၢ်ဒုးနဲၣ်ဖျါတဖၣ်အိၣ်ဒံးဝဲအဃိပစးထီၣ်မၤဆိလၢတၢ်ရဲၣ်တၢ်ကျဲၤဝဲအံၤလီၤ”အဂ့ၢ်စံးဝဲဒၣ်န့ၣ်လီၤ.
တနံၣ်အံၤတၢ်ပြၢအပူၤကညီသးစၢ်မုၣ်ခွါလၢအသးစဲမုၣ်ဂ့ၤဆဲးလၤ,ခွါဂ့ၤဆဲးလၤတဖၣ်ပၥ်ဖှိၣ်သးခဲလၢၥ်အိၣ်ဝဲ(၂၄)ဂၤအဂ့ၢ်,သ့ၣ်ညါဘၣ်န့ၣ်လီၤ.
တကတီၢ်ဃီ,အပူၤကွံၥ်(၂၀၂၅)နံၣ်တၢ်ပြၢအပူၤတၢ်မၤဝဲတ့ၢ်ဝဲတၢ်ပြၢဖဲ(Robinson)ပူၤအသိး,ကညီသးစၢ်မုၣ်ခွါနုၥ်လီၤဒိးပြၢသးအိၣ်စ့ၢ်ကီးဝဲ(၂၄)ဂၤအမဲၥ်ညါ,စံၣ်ညီၣ်ကွီၢ်တဖၣ်မ့ၢ်စ့ၢ်ကီးဝဲထံဆၢကီၢ်ဆၢကညီတၢ်ဃံတၢ်လၤကစၢ်အဂ့ၢ်သ့ၣ်ညါဘၣ်န့ၣ်လီၤ.
ဒ်န့ၣ်အသိး,မဟိတနံၣ်တၢ်ပြၢအပူၤမဲၢ်ဆီးခၢၣ်စး(Namsai Saisiri)ဒိးန့ၢ်ဘၣ်ဝဲမုၣ်ဂ့ၤဆဲးလၤတၢ်မၤနၢၤတၢ်လၤကပီၤဒီးခီကီၢ်ဆၣ်သူလ့ၤကၠိခၢၣ်စး(Saw...
လါယနူၤအါရံၤ ၃သီ, ၂၀၂ နံၣ်, ခ့ၣ်အဲးစံၣ်,
ခံပတီၢ်တပတီၢ်ဒီးသၢပတီၢ်တပတီၢ်(၂၀၂၅)နံၣ်ပယီၤသုးကရူၢ်အတၢ်ဃုထၢအဂီၢ်,အိၣ်ကတီၤပၥ်ဝဲသးလၢတၢ်ဒိးဃုထၢသးလံအဂ့ၢ်,ကညီဒီကလုၥ်ဒံၣ်မိၣ်ကရ့ၣ်တ့ၣ်ပၣ်တံၣ်(KNDP)စံးဝဲဒၣ်န့ၣ်လီၤ.
လၢတၢ်ဃုထၢအံၤအဂီၢ်တကီၢ်ခါခဲအံၤ,မၤဝဲတၢ်လီၤကရၢကရိကမျၢၢ်ဒီးတၢ်ထီထီၣ်ပၣ်တံၣ်(Signboard)တဖၣ်လၢဟီၣ်ကဝီၤပူၤဒ်တၢတပတီၢ်တချူးတၢ်မၤဝဲတၢ်ဃုထၢအဆၢကတီၢ်အသိးလံအဂ့ၢ်,ပၣ်တံၣ်နဲၣ်ရွဲၣ်(မါအီၣ်ပၠ့ၤစိ)စံးဝဲဒ်အံၤန့ၣ်လီၤ.
“ခဲအံၤပစးထီၣ်ဟူးဂဲၤဒ်အပူၤကွံၥ်တချူးတၢ်မၤတၢတပတီၢ်တၢ်ဃုထၢအသိးလံန့ၣ်လီၤ.ပမၤတၢ်ဟးလီၤကရၢကရိတၢ်,တၢ်ထီထီၣ်(Signboard),တၢ်ဟးရၤလီၤလံၥ်လဲၢ်လံန့ၣ်လီၤ.ပမၤအီၤဖဲတၢ်လီၢ်လၢပနုၥ်လီၤသ့သ့ၣ်တဖၣ်န့ၣ်လီၤ.ပနုၥ်လီၤဃုထၢဘၣ်ပသးလံအဃိ,ပကဘၣ်ဆဲးမၤတုၤအကတၢၢ်လီၤ”အဂ့ၢ်စံးဝဲဒၣ်န့ၣ်လီၤ.
(၂၀၂၅)နံၣ်သုးကရူၢ်တီခိၣ်ရိၢ်မဲမၤဝဲတၢ်ဃုထၢအံၤအဆိကတၢၢ်တပတီၢ်အပူၤမၤတ့ၢ်ဝဲလၢရၤမတံ,ဖၣ်အၣ်,ဒီၣ်ဖးခိၣ်ဟီၣ်ကဝီၤအပူၤဒီးခံပတီၢ်ဒီးသၢပတီၢ်အံၤကမၤဝဲလၢဖၣ်ပူၣ်,လူၢ်ပျဲၢ်,ကီးတရံး,နိၣ်တကီဟီၣ်ကဝီၤပူၤအဂ့ၢ်,သ့ၣ်ညါဘၣ်ဒ်ပယီၤသုးကရူၢ်ကရၢဘိးဘၣ်ရၤလီၤဝဲအသိးန့ၣ်လီၤ.
ဒီးတၢတပတီၢ်တၢ်ဃုထၢဝံၤအလီၢ်ခံတၢ်ရၤလီၤဝဲတၢ်ဖးအစၢလၢဖိးသဲးစးတအိၣ်ဝဲဘၣ်ဆၣ်,ပယီၤသုးခိၣ်နၢ်လီၢ်လံၤကရူၢ်ကရၢပၣ်ကီၢ်စၢဖှိၣ်တၢ်ဃူးဖိးဒီးတၢ်ဂုၤထီၣ်ပသီထီၣ်ပၣ်တံၣ်(USDP)အံၤမၤနၢၤဝဲတၢ်ဒီး(KNDP)တခီဒိးန့ၢ်ဘၣ်ဝဲလၢနီၢ်ဂံၢ်ခံအလီၢ်အဂ့ၢ်,ပယီၤသုးကရူၢ်ကရၢပၣ်တံၣ်ဘၣ်ထွဲတဖၣ်ပၥ်ဖျါဝဲဒၣ်န့ၣ်လီၤ.
ပယီၤသုးကရူၢ်ကရၢတဖၣ်ပၥ်ဖျါဝဲအဖီခိၣ်,(KNDP)ပၣ်တံၣ်နဲၣ်ရွဲၣ်မါအီၣ်ပၠ့ၤစိစံးအါထီၣ်စ့ၢ်ကီးဝဲဒ်အံၤန့ၣ်လီၤ.
“ပှၤတဲအိၣ်အါမံၤလီၤ.တကီၢ်ခါတၢ်နီၢ်နီၢ်ပတသ့ၣ်ညါတၢ်လီၤတံၢ်လီၤဆဲးလၢအိၣ်ဒီးတၢ်ဒုးသးဘၣ်အဃိ,ပကဘၣ်တူၢ်လိၥ်တၢ်အစၢခဲလၢၥ်လီၤ.လီၢ်ခံကတၢၢ်တၢ်အိၣ်သးတဟးထီၣ်ဒံးဘၣ်ဆၣ်,ပမ့ကွၢ်ခဲအံၤကရူၢ်ကရၢတၢ်အိၣ်သးဒုတၢ်မုၢ်လၢ်အိၣ်ဒံးဝဲလီၤ”အဂ့ၢ်စံးဝဲဒၣ်န့ၣ်လီၤ.
ပယီၤသုးအတၢ်ဃုထၢအံၤမ့ၢ်တၢ်အယိၥ်အဘျၣ်တတီတတြၢ်အဃိ,ကညီဖီၣ်စုကဝဲၤကရူၢ်ကရၢ,ကမျၢၢ်ထံဖိကီၢ်ဖိဒီးပၣ်တံၣ်ဘၣ်ထွဲတဖၣ်တဘၣ်ဆီၣ်ထွဲဝဲဒၣ်ဘၣ်အဂ့ၢ်,ခ့ၣ်အဲၣ်ယူၣ်ဘိးပၥ်ဖျါတ့ၢ်ဝဲအိၣ်ဝဲဒၣ်ဘၣ်ဆၣ်,တၢ်ဃုထၢအပူၤကညီပၣ်တံၣ်နုၥ်လီၤဒိးဃုထၢဝဲအသး(၂)ဖုအိၣ်ဝဲအသိး,ကညီဖီၣ်စုကဝဲၤကရူၢ်ကရၢတနီၤဟံးန့ၢ်ဝဲပယီၤသုးတၢ်ဘံၣ်တၢ်ဘၢအိၣ်ဝဲအဂ့ၢ်သ့ၣ်ညါဘၣ်န့ၣ်လီၤ.
ဒ်န့ၣ်အသိး,တၢတပတီၢ်ပယီၤသုးတၢ်ဃုထၢအံၤတၢ်မၤတ့ၢ်ဝဲဖဲအပူၤကွံၥ်လါဒံၣ်စဲဘၢၣ်(၂၈)သီအနံၤဒီးခံပတီၢ်တပတီၢ်ဒီးသၢပတီၢ်အပူၤ,ကစးထီၣ်မၤကဒါက့ၤဝဲဖဲတလါအံၤလါယနူၤအါရံၤ(၁၁)သီဒီး(၂၅)သီအပူၤအဂ့ၢ်,ပယီၤသုးကရူၢ်ကရၢဘိးဘၣ်ရၤလီၤဝဲဒၣ်န့ၣ်လီၤ.
လါဒံၣ်စဲဘၢၣ် ၃၁ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲယူၣ်-ဘျံးဒဝဲၢ်ကီၢ်ရ့ၣ်(သုးက့-၄)ဟီၣ်ကဝီၤအပူၤထံဆဲးမဲးယွၤသုးရ့ၣ်လၢအပူၤကွံၥ်အိၣ်လၢကီၢ်သူလ့ၤသုးမုၢ်ဒိၣ် (KTLA)အတၢ်တီခိၣ်ရိၣ်မဲအဖီလၥ်အံၤဖဲလါနိၣ်ဝ့ဘၢၣ်ထီၣ်(၁)သီအနံၤန့ၣ်ဆီတလဲက့ၤအဖံဘၣ်ခိၣ်တၢ်ပနီၣ်ဒီးဒိးတၢ်တီခိၣ်ရိၣ်မဲလၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)လံအဂ့ၢ်ထံဆဲးမဲးယွၤသုးရ့ၣ်ဘိးဘၣ်ဒုးသ့ၣ်ညါကမျၢၢ်ထံဖိကီၢ်ဖိဖဲတနံၤအံၤလါဒံၣ်စဲဘၢၣ်(၃၁)သီအနံၤန့ၣ်လီၤ.
(KNLA)ထံဆဲးမဲးယွၤသုးရ့ၣ်အပှၤဘၣ်မူဘၣ်ဒါသုးခိၣ်ထးဆဲးစံးဝဲလၢ“လၢတၢ်အိၣ်သးတကတီၢ်ညါအံၤန့ၣ်ပက့ၤဆီတလဲလံဧါ,ပတဆီတလဲလံဧါန့ၣ်ပက့ၤဒုးသ့ၣ်ညါလီၤတံၢ်က့ၤလၢလံၥ်တၢ်ပၥ်ဖျါန့ၣ်လီၤ. ပက့ၤဆီတလဲလံအဃိန့ၣ်ပ ကွဲးဒုးသ့ၣ်ညါက့ၤဝဲကမျၢၢ်ထံဖိကီၢ်ဖိသ့ၣ်တဖၣ်န့ၣ်လီၤ.” အဂ့ၢ်စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
လၢန့ၣ်အမဲၥ်ညါထံဆဲးမဲးယွၤသုးရ့ၣ်အံၤမ့ၢ်ဆီတလဲက့ၤအသးဆူ(KNLA)ဘၣ်ဆၣ်တၢ်ပၥ်ဒ့ၣ်ပၥ်ကမၣ်ဒီးတၢ်ထံၣ်အၢ,တၢ်ထံၣ်သီလၢ(KTLA)အဖီခိၣ်တအိၣ်နီတမံၤဘၣ်ဒီးမ့မ့ၢ်တခီတၢ်တိၥ်မ့ၢ်ဒၣ်တၢ်တမံၤဃီလၢတၢ်ကဒုးလီၤပှီၢ်ကွံၥ်ဝဲကလုၥ်ဒိၣ်စိသနူ,သုးမီၤစိရိၤသနူဝံၤသူၣ်ထီၣ်က့ၤကီၢ်သူလ့ၤလၢအသဘျ့လၢပပှၤကလုၥ်ဒီတကလုၥ်အတၢ်မိၣ်န့ၢ်သးလီအသိးအဂ့ၢ်ပၥ်ဖျါစ့ၢ်ကီးဝဲန့ၣ်လီၤ.
ဖဲထံဆဲးမဲးယွၤသုးရ့ၣ်အိၣ်ဆၢထၢၣ်ဝဲဒ်(KTLA)အဆၢကတီၢ်လၢတၢ်မဲၥ်ညါတၢ်မၤပျီပူၤန့ၣ်တၢ်မၤသကိးတၢ်ဒီး(KNU)တနီသရံၣ်ကီၢ်ဆၣ်ဒီး(KNLA)သုးရ့ၣ်(၁၁)သ့ၣ်တဖၣ်အိၣ်ဝဲထီဘိစ့ၢ်ကီးအဂ့ၢ်န့ၣ်ဘျံးဒဝဲၢ်ကီၢ်ရ့ၣ်နဲၣ်ရွဲၣ်ပဒိၣ်စီၤအဲၣ်နၤစံးဝဲန့ၣ်လီၤ.
“ထံဆဲးမဲးယွၤသုးကျိၤအံၤစးထီၣ်လၢအသုးကျိၤအိၣ်ထီၣ်ဝံၤန့ၣ်ဒီးပတနီသရံၣ်ကီၢ်ဆၣ်ဒီးသုးရ့ၣ်(၁၁)န့ၣ်အဝဲသ့ၣ်ဆဲးကျိးမၤသကိးတၢ်တဘိယူၥ်ဃီန့ၣ်လီၤ. တၢ်ဖံးသကိးမၤသကိး,တၢ်ဒုးသကိးသုးမီၤစိရိၤဒီးတၢ်ကွၢ်ထွဲလိၥ်သးယၢ်ခီယၢ် ပၤ,တၢ်ဆဲးကျိးလိၥ်သး မၤဝဲထီဘိလီၤ. အဃိမ့ၢ်ဒၣ်တၢ်တမံၤဃီအဖီခိၣ်လၢခံန့ၣ်အဝဲသ့ၣ်ပၥ်ဖှိၣ်လိၥ်က့ၤသးအိၣ်က့ၤ လၢသုးက့(၄)တၢ်တီခိၣ်ရိၣ်မဲအဖီလၥ်န့ၣ်လီၤ. ” အဂ့ၢ်စံးဝဲဒၣ်န့ၣ်လီၤ.
ဒ်န့ၣ်အသိးဖဲပယီၤသုးမီၤစိရိၤမၤဝဲတၢ်ထီၣ်ဒုးတနီသရံၣ်ကီၢ်ဆၣ်အပူၤဖဲ(၂၀၂၃)နံၣ်လါအ့ၣ်ဖြ့ၣ်အတီၢ်ပူၤမ့ၢ်ဂ့ၤ,ဒီးဖဲပယီၤသုးမီၤစိရိၤမၤကဒီးတၢ်ထီၣ်ဒုးစးထီၣ်ဖဲ(၂၀၂၄)နံၣ်လါဒံၣ်စဲဘၢၣ်တုၤအဆၢကတီၢ်ခဲအံၤန့ၣ်ထံဆဲးယွၤသုးရ့ၣ်အံၤပၣ်ဃုၥ်မၤသကိးတၢ်တပယူၥ်ဃီဃုၥ်ဒီး(KNLA)သုးရ့ၣ်(၁၁),တနီသရံၣ်ကီၢ်ဆၣ်ဒီးတၢ်ပၢၢ်ဆၢသိၣ်မှံၤကရၢတနီၤအဂ့ၢ်သ့ၣ်ညါဘၣ်န့ၣ်လီၤ.
ဘၣ်ထွဲဒီးထံဆဲးမဲးယွၤသုးရ့ၣ်အံၤအခီၣ်ထံးခီၣ်ဘိဘၣ်တၢ်စးထီၣ်ဒုးအိၣ်ထီၣ်အီၤလၢ(၄)သုးက့ခိၣ်သုးခိၣ်ကျၢၢ်ဖိစီၤမုၢ်လၢ်ဖဲ(၂၀၁၈)နံၣ်ဒီးဖဲ(၂၀၂၁)ပယီၤသုးမီၤစိရိၤဟံးန့ၢ်ဆူၣ်ထံကီၢ်တၢ်စိတၢ်ကမီၤဝံၤအလီၢ်ခံ(KNLA)သုးက့(၄)သုးက့ခိၣ်တၢ်ဆီတလဲအိၣ်ထီၣ်ကတီၢ်တၢ်နၢ်ပၢၢ်ကမၣ်အိၣ်ထီၣ်ဝဲဒၣ်လၢထံဆဲးမဲးယွၤသုးကျိၤဒီးသုးက့(၄)အဘၢၣ်စၢၤအဃိထံဆဲးမဲးယွၤသုးကျိၤဆီတလဲက့ၤအသးဆူကီၢ်သူလ့ၤသုးမုၢ်ဒိၣ်(KTLA)ဒ်ထံဆဲးမဲးယွၤသုးရ့ၣ်တရ့ၣ်အသိးအဂ့ၢ်ပၥ်ဖျါဝဲလၢလံၥ်ပၥ်ဖျါအပူၤန့ၣ်လီၤ.
ခီဖျိတၢ်အိၣ်သးအကလုၥ်ကလုၥ်အဖီခိၣ်ဖဲ(၂၀၂၅),လါအီးကထိဘၢၣ်အတီၢ်ပူၤန့ၣ်(KNU)ကရၢမိၢ်ပှၢ်ပှၤဘၣ်မူဘၣ်ဒါထံၣ်လိၥ်အိၣ်သကိးသးဒီးထံဆဲးမဲးယွၤသုးရ့ၣ်ပှၤဘၣ်မူဘၣ်ဒါလၢတၢ်ကပၥ်ဖှိၣ်မၤသကိးက့ၤတၢ်လၢ(KNU)အဖီလၥ်န့ၣ်လီၤ.အလီၢ်ခံဖဲလါနိၣ်ဝ့ဘၢၣ်ထီၣ်(၁)သီအနံၤန့ၣ်ထံဆဲးမဲးယွၤသုးရ့ၣ်အပှၤဘၣ်မူဘၣ်ဒါအၢၣ်လီၤတူၢ်လိၥ်ဆီတလဲက့ၤအသးလၢ(KNLA)ဒ်အံၤလီၤအဂ့ၢ်သ့ၣ်ညါဒ်တၢ်ပၥ်ဖျါပူၤအသိးန့ၣ်လီၤ.
လါဒံၣ်စဲဘၢၣ် ၃၀သီ, ၂၀၂၅နံၣ်, ခ့ၣ်အဲးစံၣ်,
(၂၀၂၅)နံၣ်သုးကရူၢ်တီခိၣ်ရိၢ်မဲမၤဝဲတၢ်ဃုထၢအဆိကတၢၢ်တဘျီအပူၤ,ပယီၤသုးခိၣ်နၢ်လီၢ်လံၤပၣ်(USDP)ကီၢ်စၢဖှိၣ်တၢ်ဃူးဖိးဒီးတၢ်ဂုၤထီၣ်ပသီထီၣ်ပၣ်တံၣ်မၤနၢၤဝဲတၢ်အံၤတမ့ၢ်တၢ်လီၤကမၢကမၣ်ဘၣ်အဂ့ၢ်,(ခ့ၣ်အဲၣ်ယူၣ်)စံးဝဲဒၣ်န့ၣ်လီၤ.
မဟါလါဒံၣ်စဲဘၢၣ်(၂၈)သီအနံၤအပူၤ,ပယီၤသုးကရူၢ်မၤဝဲတၢ်ဃုထၢအဆိကတၢၢ်အခီၣ်ထံးတဘျီအပူၤ,ကညီကီၢ်စဲၣ်ရၤမတံ,ဖၣ်အၣ်,ဒီၣ်ဖးခိၣ်တၢ်လီၢ်(၃)တီၤအပူၤ(USDP)မၤနၢၤဝဲတၢ်အဂ့ၢ်,သုးကီၣ်ကးကရူၢ်ကရၢဖိတဖၣ်ဘိးဘၣ်ပၥ်ဖျါဝဲဒၣ်လၢအစိၤရှၢၣ်မံးဒံးယၢၣ်အပူၤန့ၣ်လီၤ.
ပယီၤသုးကရူၢ်တၢ်ဃုထၢအစၢအံၤအဖီခိၣ်,တမ့ၢ်တၢ်လီၤကမၢကမၣ်ဘၣ်အဂ့ၢ်,ခ့ၣ်အဲၣ်ယူၣ်ပှၤကတိၤတၢ်ပၢပဒိၣ်စီၤကျၢၤစ့စံးဝဲဒ်အံၤန့ၣ်လီၤ.
“လၢအခီၣ်ထံးလံၤလံၤဒ်သိးကနၢၤတၢ်အဂီၢ်ကမၤဝဲတုၤအတၢ်ကူၣ်ထီၣ်ဖးလီၤလၢၥ်လီၤ.ဒီးအလီၢ်ခံန့ၣ်အိၣ်ဒီးသုးခီမရှၢၣ်အဃိန့ၣ်ကပၥ်ဖှိၣ်ထီၣ်သးဒီးကသူဝဲတၢ်စိတၢ်ကမီၤလၢအဘၣ်ဘျီးဘၣ်ဒါမ့ၢ်ဂ့ၤတဘၣ်ဘှီးဘၣ်ဒါမ့ၢ်ဂ့ၤလၢ ၥ်လၢၥ်ဆ့ဆ့လီၤန့ၣ်ပဆိကမိၣ်ပၥ်စၢၤလီၤ”အဂ့ၢ်စံးဝဲဒၣ်န့ၣ်လီၤ.
လၢန့ၣ်အမဲၥ်ညါ,တၢ်ဃုထၢအစၢအံၤတမ့ၢ်တၢ်လီၤကမၢကမၣ်ဘၣ်မ့မ့ၢ်တခီကဲထီၣ်ဝဲတၢ်လီၤဘၣ်ယိၥ်လၢထံဂုၤကီၢ်ဂၤတဖၣ်ကတူၢ်လိၥ်မုၥ်ဝဲအဂ့ၢ်,(KWO)ကညီပိၥ်မုၣ်ကရၢခိၣ်(နီၢ်ဖီကညီ)စံးဝဲဒၣ်ဒ်အံၤစ့ၢ်ကီးန့ၣ်လီၤ.
“တၢ်အစၢထီၣ်အံၤတမ့ၢ်တၢ်လီၤကမၢကမၣ်လၢပှၤနီတဂၤအဂီၢ်ဘၣ်.အဝဲသ့ၣ်ရဲၣ်ကျဲၤပၥ်စၢၤဝဲအဃိန့ၣ်,မၤတ့ၢ်ပၥ်စၢၤဝဲလၢအသုကနၢၤတၢ်အဂီၢ်လီၤ.ဘၣ်ဆၣ်ကဲထီၣ်ဝဲလၢတၢ်လီၤပျံၤလီၤဖုးလီၤဘၣ်ယိၥ်လၢထံကီၢ်ဒ်အမ့ၢ်တရူးဒီးရၢရှါသ့ၣ်တဖၣ်ကတူၢ်လိၥ်ဝဲအသုတၢ်ဃုထၢအစၢဒီးကဟ့ၣ်ဝဲဖိးသဲးစးန့ၣ်လီၤ.”အဂ့ၢ်စံးဝဲဒၣ်န့ၣ်လီၤ.
(၂၀၂၅)နံၣ်တၢ်ဃုထၢအဂီၢ်ပယီၤသုးကရူၢ်အံၤရဲၣ်ကျဲၤလီၤဝဲတၢ်ဆၢကတီၢ်သၢပတီၢ်အဂ့ၢ်,သ့ၣ်ညါဘၣ်န့ၣ်လီၤ.အဆိကတၢၢ်တဘျီတၢ်ဃုထၢအံၤမၤတ့ၢ်ဝဲလၢရၤမတံ,ဖၣ်အၣ်,ဒီၣ်ဖးခိၣ်တၢ်လီၢ်တၢ်ကျဲတဖၣ်အပူၤဒီးခံဘျီတဘျီအပူၤကမၤဝဲလၢဖၣ်ပူၣ်ဒီးလူၢ်ပျဲၢ်ဟီၣ်ကဝီၤပူၤအသိး,သၢဘျီတဝီအပူၤရဲၣ်ကျဲၤဝဲလၢကမၤဝဲလၢကီးတရံးဒီးနိၣ်တကီတၢ်လီၢ်တၢ်ကျဲတဖၣ်အပူၤအဂ့ၢ်,သ့ၣ်ညါဘၣ်န့ၣ်လီၤ.
ဒ်န့ၣ်အသိး,သုးကရူၢ်အတၢ်ဃုထၢအဆိကတၢၢ်တဘျီအပူၤ,ရၤမတံကမျၢၢ်လီၢ်ကဝီၤဖိတဖၣ်အတၢ်သးစၢၢ်ဆၢအိၣ်စှၤဝဲအဖီခိၣ်ပှၤဟ့ၣ်ထီၣ်တၢ်ဖးစှၤဝဲဒိၣ်မးအသိး,ဖၣ်အၣ်ဟီၣ်ကဝီၤအပူၤတၢ်မၤဝဲတၢ်ထီဒါတၢ်ဃုထၢတၢ်ဟူးတၢ်ဂဲၤအိၣ်ဝဲအဂ့ၢ်သ့ၣ်ညါဘၣ်န့ၣ်လီၤ.
လါဒံၣ်စ့ဘၢၣ် ၂၉ သီ, ၂၀၂၅ နံၣ်, ခ့ၣ်အဲးစံၣ်
တၢ်ဃုထၢလၢသုးမီၤစိရိၤမၤဝဲအဆိကတၢၢ်တဝီဖဲမဟါလါဒံၣ်စ့ဘၢၣ် ၂၈ သီလၢအတအိၣ်ဒီးကမျၢၢ်အတၢ်အဲၣ် ဒိးဘၣ်အံၤ ပှၤလၢတဟ့ၣ်တၢ်ဖးဘၣ်တဖၣ် သုးမီၤစိရိၤစုတီၤဖီလၥ်အပှၤတဖၣ်တဲပျံၤဝဲလၢကဘၣ်ကဲသုးအဂ့ၢ်န့ၣ် လီၢ်ကဝီၤပှၤဘၣ်မူ ဘၣ်ဒါလၢအိၣ်ဘူးတၢ်ဃုထၢအံၤတဖၣ်စံးဝဲန့ၣ်လီၤ.
ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁) ဖၣ်အၣ်ကီၢ်ဆၣ် ဒူသဝီတနီၤအပူၤ ဖဲမဟါသုးမီၤစိရိၤမၤတၢ်ဃုထၢအခါ ခီဖျိလၢ တၢ်မၤပျံၤမၤဖုး,တၢ်တသ့တဘၣ်တၢ်အိၣ်သးအကလုၥ်ကလုၥ်အဃိ ဒူသဝီကမျၢၢ်ဘၣ်လဲၤဟ့ၣ်ဝဲ တၢ်ဖးဒီး ဘၣ်ဆၣ်ပှၤလၢ တလဲၤဟ့ၣ်တၢ်ဖးဘၣ်တဖၣ်တၢ်လဲၤဟ့ၣ်ဝဲတၢ်ဖးနီၣ်ဂံၢ်တုၤလၢဟံၣ်ခီၣ်ထံးအသိး တဲပျံၤစ့ၢ်ကီးဝဲန့ၣ်လီၤ.
ဘၣ်ဃးတၢ်ဂ့ၢ်အံၤ ဟီၣ်ကဝီၤ KNLA ပှၤဘၣ်မူဘၣ်ဒါလၢတအဲၣ်ဒိးပၥ်ဖျါအမံၤတဂၤ စံးဝဲလၢ “ဒ်ကမျၢၢ်ပၥ်ဖျါဝဲအသိးန့ၣ် အဝဲသ့ၣ် အိၣ်ဒၣ်မၢန့ၢ်ဆူၣ်ပှၤကမျၢၢ်တဖၣ်လီၤ.ဒ်သိးမဲၢ်ကရီသဝီန့ၣ် အဟးလူၤဟ့ၣ်ဝဲမဲ(တၢ်ဖး)နီၣ်ဂံၢ်တုၤလၢအဟံၣ်ညါ, တလဲၤဟ့ၣ်ဘၣ် န့ၣ်တသ့ဘၣ်.အထၢနုၥ်ဃၥ်ဝဲပှၤမၣ်ပိၤတ့ၤနီၣ်ဂံၢ်ခဲလၢၥ်လီၤ.ပှၤမ့တလဲၤဟ့ၣ်တၢ်ဖးဘၣ် န့ၣ်တဲဝဲလၢပှၤကဘၣ် လဲၤကဲသုးဒ်န့ၣ် မီၤနီၤ....
လါဒံၣ်စ့ဘၢၣ် ၂၇ သီ, ၂၀၂၅ နံၣ်, ခ့ၣ်အဲးစံၣ်
တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)သုးရိၣ်မဲခိၣ်ကျၢၢ် သုးခိၣ်ကျၢၢ်ဒိၣ်စိ စီၤစတံ လၢအဟံဝဲမူဒါလၢတၢ်ကရၢက ရိပူၤန့ၢ် (၅)နံၣ်ဃၣ်ဃၣ်အံၤ အလီၢ်န့ၣ်သုးခိၣ်ရိၣ်မဲခိၣ်ကျၢၢ်-၂ စီၤစွ့ၤဝၣ် ထီၣ်က့ၤဝဲအလီၢ်အဂ့ၢ်န့ၣ် တၢ်ဆၢတဲၥ်လီၤဝဲဖဲ ၁၉ ဝီတဝီ နံၣ်ကတၢၢ်ကရူၢ်အတၢ်အိၣ်ဖှိၣ်ပူၤအံၤန့ၣ်လီၤ.
၂၀၂၁ သုးရိၣ်မဲခိၣ်ကျၢၢ် သုးခိၣ်ကျၢၢ်ဒိၣ်စိ စီၤမိၤရှ့ စူၥ်ကွံၥ်သးဝံၤလီၢ်ခံ သုးခိၣ်ကျၢၢ်ဒိၣ်စိ စီၤစတံ ဟံထီၣ်ဖီၣ်ထီၣ်က့ၤမူဒါ လၢ အလီၢ်န့ၢ် ၅ နံၣ်ဃၣ်ဃၣ်ဝံၤ လၢတၢ်ကရၢကရိပူၤခဲအံၤခီဖျိသးနံၣ်ပှဲၤ ၆၅ နံၣ်လံအဃိ ဖဲလါဒံၣ်စ့ဘၢၣ် ၂၃ ဒီး ၂၄ သီ ကရူၢ်အတၢ်အိၣ်ဖှိၣ်ပူၤန့ၣ် ဒ်သုးတၢ်သိၣ်တၢ်သီတၢ်ဘျၢအိၣ်အသိး...
လါဒံၣ်စ့ဘၢၣ် ၂၅ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ဟီၣ်ကဝီၤ ကၠဲးထိၣ်ကီၢ်အပူၤ ဖဲမဟါဂီၤခီအဆၢကတီၢ်န့ၣ် ပယီၤသုးအကျိဖးဒိၣ်အဃိ အံလူၢ်ကရူၢ်ပူၤ ကမျၢၢ်လၢအလဲၤဒွး(ဗေဒင်)အံၤ သံ ၃ ဂၤ ဒီးဘၣ်ဒိဘၣ်ထံး ၂ ဂၤအဂ့ၢ်န့ၣ် သ့ၣ်ညါဘၣ်လၢကမျၢၢ်လၢအိၣ်ဘူး ဖဲန့ၣ် တဖၣ် အအိၣ်န့ၣ်လီၤ.
ဖဲမဟါလါဒံၣ်စ့ဘၢၣ် ၂၄ သီ ၁၀း၀၀ ဘျဲၣ်အဆၢကတီၢ် လၢအံလူၢ်ကရူၢ်အပူၤ ပယီၤသုး(ခမရ-၃)ခးစိဃီၤဝဲကျိဖးဒိၣ် ၂ ဖျၢၣ်လီၤ တဲၥ်ပိၢ်ဖးထီၣ်လၢ အံလူၢ်သဝီဖးဒိၣ်(ခတ္တာ)သီခါဖၠၣ်ကရၢၢ်ပူၤအဃိ သဝီဖိပိၥ်မုၣ်(၃)ဂၤသံဝဲတဘျီဃီဖဲတၢ်ကဲထီၣ် သးန့ၣ်ဒီး ပိၥ်မုၣ်(၁)ဂၤ,ပိၥ်ခွါ(၁)ဂၤ ဘၣ်ဒိဘၣ်ထံးဘၣ်ဟဲကဲထီၣ်သးဒ်အံၤလီၤအဂ့ၢ်န့ၣ် သဝီဖိတဂၤစံးဝဲန့ၣ်လီၤ.
“အိၣ်ခးစိတၢ်လၢ(ခမရ-၃)သုးကလၢၤန့ၣ်.အလီၤတဲၥ်ဖဲအံလူၢ်ဖးဒိၣ်သဝီ...