ခ့ၣ်အဲးစံၣ် – KIC News

လါအီကူး ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤလါအီကူး ၂၆ သီႇ ဂီၤခီ ၁၁ နၣ်ရံၣ်ဃၣ်ဃၣ်အဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA)လဲၤထီၣ်ဒုးဟံးန့ၢ်ကွံာ်ကးလံၣ်ခံပယီၤသုးကလၢၤလၢအအိၣ်ဖဲနိၣ်တကီကီၢ်ဆၣ်အဂ့ၢ်န့ၣ် လီၢ်က၀ီၤဖိလၢအအိၣ်ဘူးဒီးပယီၤသုးကလၢၤတဂၤ စံးဘၣ်ခ့ၣ်အဲးစံၣ်န့ၣ်လီၤႉ ဖဲတနံၤအံၤမုၢ်ထူၣ်အဆၢကတီၢ် (KNLA)သုးရ့ၣ် ၁၇ႇ သုးဒ့(၁)လဲၤထီၣ်ဒုး ဟံးန့ၢ်ကွံာ်ကးလံၣ်ခံသုးကလၢၤအဆၢကတီၢ် (BGF)သုးဖိလၢအအိၣ်ဖဲသုးကလၢၤပူၤတဖၣ် တက့ၤခးဆၢတၢ်နီတမံၤဘၣ်ဒီးဂုၤက့ၤအလီၢ်ခံအဂ့ၢ်န့ၣ် ခ့ၣ်အဲၣ်ယူၣ်တကပၤစံး၀ဲန့ၣ်လီၤႉ “ဖဲတဂီၤအံၤကျိဖိသီၣ်ကျိဖးဒိၣ်သီၣ်စှၤကိးထံၣ်ဘျီဒု အိၣ်တစိၢ်ဘျီဒုမ့ၣ်အူခုၣ်ထီၣ် ၦၤဒွဲၣ်ကွံာ်ပယီၤသုးကလၢၤလီၤ”အဂ့ၢ်န့ၣ် လီၢ်က၀ီၤဖိလၢအအိၣ်ဘူးဒီးပယီၤသုးကလၢၤလၢတအဲၣ်ဒိးပာ်ဖျါအမံၤတဂၤ စံး၀ဲန့ၣ်လီၤႉ (KNLA)ထီၣ်ဒုးဟံးန့ၢ်ကံွာ်ကးလံၣ်ခံပယီၤသုးကလၢၤအံၤ၀ံၤအလီၢ်ခံ တကီၢ်ခါဆၢကတီၢ်ခဲအံၤ ပယီၤသုးအမုၢ်ဒိၣ်တဖၣ်ဟဲထီၣ်သုးထီၣ်အသးအါအါဂီၢ်ဂီၢ်အဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ “ခဲအံၤန့ၣ်ပယီၤသုးဟဲထီၣ်ကါတဘျုးခိၣ်ညါႉ ခဲအံၤကီၢ်သူလ့ၤအိၣ်ခိးတၢ်ဖဲသုးကလၢၤန့ၣ်လီၤႉ ခဲအံၤမၤတဘၣ်လၢၤဘၣ်တဟါညါအံၤဒုနၢ်တပၢၢ်လၢၤဘၣ်”အဂ့ၢ်န့ၣ် လီၢ်က၀ီၤပိာ်မုၣ်လၢအအိၣ်ဘူးဒီးသုးကလၢၤတဂၤ စံးဘၣ်ခ့ၣ်အဲးစံၣ်န့ၣ်လီၤႉ ကးလံၣ်ခံပယီၤသုးကလၢၤအံၤအပူၤကွံာ်န့ၣ်ပယီၤသုးတဖၣ်အိၣ်၀ဲဒီး...

လါအီကူး ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကီးတရံး၀့ၢ် ကလံၤထံးတကပၤန့ၣ် ခီဖျိလီၢ်က၀ီၤကညီဒီကလုာ်တၢ်ထူၣ်ဖျဲးသုး မုၢ်ဒိၣ်(KNLA)သုးက့ ၆ ဒီး သုးမီၤစိရိၤအသုးတဖၣ်အဘၢၣ်စၢၤ သုးတၢ်သဘံၣ်သဘုၣ်ဟဲအိၣ်ထီၣ်အဃိ အီဖးဖိသ၀ီဒီတဖျၢၣ်ဃၣ်ဃၣ် ဘၣ်လဲၤစံၣ်အိၣ်ခူသူၣ်လၢသီခါဖၠၣ်ဒီးအဘူးအတံၢ်အဟံၣ်အဂ့ၢ်န့ၣ် လီၢ်က၀ီၤဂံၢ်ခီၣ်ထံးတၢ်ကစီၣ်တဖၣ်စံးဘၣ်ခ့ၣ်အဲးစံၣ်န့ၣ်လီၤႉ အီဖးဖိသ၀ီအံၤဟံၣ်ခိၣ်အိၣ်၀ဲ(၁၂၀)ဘျဲၣ်ဒီး ခီဖျိ(KNLA)ဒီးသုးမီၤစိရိၤအသုးတဖၣ်ခးလိာ်သးအဃိ အီဖးဖိသ၀ီဖိတဖၣ်ဘၣ်လဲၤစံၣ်အိၣ်၀ဲဒၣ်လၢအီဖးသ၀ီ (မၣ်နါစ့ၤသီခါဖၠၣ်)ကစၢၢ်ခီၣ်ထံးဒီး အဘူးအတံၢ်အဟံၣ်လၢသ၀ီအဂၤတဖၣ်အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ဖဲမဟါတၢ်ဒုးကဲထီၣ်အဃိဘၣ်ဟးစံၣ်အိၣ်ခူသူၣ်အိၣ်မီၤနီၤႉ တနံၤညါအံၤစ့ၢ်ကီးဘၣ်လဲၤသုးသးလၢသီခါဖၠၣ်လီၤႉ တနီၤန့ၣ်လဲၤသုးသးလၢအဘူးအတံၢ်အဟံၣ်လီၤႉ သ၀ီဒီတဖျၢၣ်ဃၣ်ဃၣ်န့ၣ်သုးအသးမီၤနီၤႉ ဟံၣ်တနီၤန့ၣ်အိၣ်တ့ၢ်က့ၤထဲလၢကကွၢ်ထွဲအထိးႇအကျီၢ်တဖၣ်လီၤႉ ၦၤလၢအစံၣ်တဖၣ်တၢ်အိၣ်သးမ့ဂ့ၤန့ၣ် က့ၤဟံအီၣ်ဟုသးလၢအဟံၣ်အိၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်ဖဲမဟါ(လါအီကူး ၂၅)သီအနံၤန့ၣ်လီၤႉ စးထီၣ်ဖဲအပူၤကွံာ်(လါအီကူး ၂၂)သီအနံၤ လၢကမဲၤကိတကပၤန့ၣ် သုးမီၤစိရိၤအသုး မၤ၀ဲဒုးယၤတၢ်ဟူးတၢ်ဂဲၤ၀ံၤအလီၢ်ခံ ဖဲလါအီကူး ၂၃...

လါအီကူး ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် သုးမီၤစိရိၤအသုးကလၢၤ(၅)ဖျၢၣ်လၢအအိၣ်ဆီလီၤသး ဖဲခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ (KNU)ဒူပျာ်ယာ်ကီၢ်ရ့ၣ် ကီၢ်ဆၣ်တၢ်ပၢဟီၣ်က၀ီၤတဘ့ၣ်စုာ်စုာ်အပူၤအံၤ စးထီၣ်ဖဲလါယူၤန့ၣ် အ၀ဲသ့ၣ်ပာ်တ့ၢ်ကွံာ်အသုးကလၢၤ၀ံၤအလီၢ်ခံ စးထီၣ်မၤ၀ဲဒုးယၤတၢ်ဟူးတၢ်ဂဲၤတဖၣ်အဂ့ၢ်န့ၣ် သ့ၣ်ညါဘၣ်လၢခ့ၣ်အဲၣ်ယူၣ် ၦၤဘၣ်မူဘၣ်ဒါအအိၣ်န့ၣ်လီၤႉ လၢ(KNU)သုးက့(၆) သုးရ့ၣ် ၁၆ႇ၁၇ တၢ်ပၢဟီၣ်က၀ီၤတဖၣ်အပူၤ စးထီၣ်လၢအ၀ဲသ့ၣ်ပာ်တ့ၢ်ကွံာ်သုးကလၢၤတဖၣ်လၢအမ့ၢ် စံနၤပ့ၤႇအၣ်ပလိၤႇဘူၣ်ယါတီၤႇကျ့းသုးကလၢၤဒီးကၠီၣ်ထၣ်သုးကလၢၤတဖၣ်၀ံၤအလီၢ်ခံ စးထီၣ်ဖဲလါအီကူး(၂၀)သီအလီၢ်ခံန့ၣ် စးထီၣ်မၤ၀ဲဒုးယၤတၢ်ဟူးတၢ်ဂဲၤဟဲအါထီၣ်၀ဲအဂ့ၢ်န့ၣ် သ့ၣ်ညါဘၣ်လၢ KNU လီၢ်က၀ီၤၦၤဘၣ်မူဘၣ်ဒါအအိၣ်န့ၣ်လီၤႉ KNU သုးက့ ၆ ကီၢ်ရ့ၣ်နဲၣ်ရွဲၣ် ပဒိၣ်စီၤလ့ၣ်စတၣ် စံး၀ဲ“အ၀ဲသ့ၣ်ဟဲထီၣ်ဒုတၢ်ခးလိာ်သးဟဲကဲထီၣ်လီၤႉ မ့သ့မ့ဘၣ်န့ၣ်အ၀ဲသ့ၣ်မ့ၢ်က့ၤကဒါလီၢ်ခံဒုကဂ့ၤဒိၣ်လီၤႉ သုးလၢအလီၤဆီလိာ်သး(၂)ဒူၣ် မ့အိၣ်လၢဟီၣ်က၀ီၤတဘ့ၣ်ဃီအပူၤန့ၣ် မ့တကဲထီၣ်တဘျီန့ၣ်ကဲထီၣ်တဘျီလီၤမီၤနီၤႉ ခဲအံၤခီဖျိအ၀ဲသ့ၣ်ဟူးဂဲၤအဃိကဲထီၣ်လီၤမီၤနီၤႉ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ လၢ(KNU)ဒူပျာ်ယာ်ကီၢ်ရ့ၣ်...

လါအီကူး ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲကီးတရံး၀့ၢ် ကလံၤထံးတကပၤန့ၣ် လီၢ်က၀ီၤကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့ ၆ ဒီး သုးမီၤစိရိၤအသုးတဖၣ်အဘၢၣ်စၢၤတၢ်ခးလိာ်သးကဲထီၣ်ဒီး ဖဲန့ၣ်ခံခီခံကပၤလၢာ်တၢ်ဘၣ်ဒိဘၣ်ထံးသံအိၣ်၀ဲအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဂံၢ်ခီၣ်ထံးတၢ်ကစီၣ်အအိၣ်န့ၣ်လီၤ ႉ ဖဲမဟါ(လါအီကူး ၂၄)သီ ဟါခီအဆၢကတီၢ် လၢကီးတရံး၀့ၢ် ကလံၤထံး ကမဲၤကိဒီးအီးဖးဖိသ၀ီတကပၤန့ၣ် သုးမီၤစိရိၤအသုးပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ–၁၃)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ–၅၃၁)ဒီး KNLA သုးက့(၆) စုဒုၣ်တီၤအဖီလာ်သုးရ့ၣ်(၁၈)တဖၣ်အဘၢၣ်စၢၤ တၢ်ခးလိာ်သးကဲထီၣ်ဒီး ဖဲန့ၣ်သုးမီၤစိရိၤတကပၤသံ ၂ ဂၤ ဘၣ်ဒိ ၄ ဂၤအသိး မ့မ့ၢ် KNLA တကပၤသံ၀ဲ ၂ ဂၤအဂ့ၢ်န့ၣ် KNU လီၢ်က၀ီၤၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ လီၢ်က၀ီၤၦၤဘၣ်မူဘၣ်ဒါလၢတအဲၣ်ဒိးပာ်ဖျါအမံၤတဂၤစံး၀ဲ“ဒ်သိးဒီးပဒိးန့ၢ်တၢ်ကစီၣ်လီၤတံၢ်လီၤဆဲးန့ၣ်...

လါအီကူး ၂၄ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ်အပူၤ ဖဲမဟါ(လါအီကူး ၂၃)သီအနံၤ တၢ်ခးလိာ်သး ကဲထီၣ်လၢကွ့ကလ့သ၀ီကပၤန့ၣ် သုးမီၤစိရိၤအၦၤသံ ၁ ဂၤႇ ဘၣ်ဒိ ၂ ဂၤဒီး လၢန့ၣ်အမဲာ်ညါဖီၣ်က့ၤကိး၀ဲလီၢ်က၀ီၤဖိ ၃ ဂၤအဂ့ၢ်န့ၣ် လီၢ်က၀ီၤဂံၢ်ခီၣ်ထံးတၢ်ကစီၣ်တဖၣ်စံး၀ဲန့ၣ်လီၤႉ ခ့ၣ်အဲၣ်ယူၣ် သုးက့ ၆ စုဒုၣ်တီၤအဖီလာ််ဒီးသုးမီၤစိရိၤအသုးတဖၣ်အဘၢၣ်စၢၤ ဘၣ်သဂၢၢ်ခးလိာ်သးကဲထီၣ်၀ံၤအလီၢ်ခံ ဖဲတနံၤအံၤ(လါအီကူး ၂၄)သီ ဂီၤခီအဆၢကတီၢ်န့ၣ် သုးမီၤစိရိၤအသုးတဖၣ်ဟးထီၣ်ကွံာ်လၢကွ့ကလ့သ၀ီပူၤလံအဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“အ၀ဲသ့ၣ်က့ၤကဒါက့ၤဖဲတဂီၤအံၤ ၁၁ နၣ်ရံၣ်ဘျဲၣ်အခါလီၤႉ အ၀ဲသ့ၣ်တကပၤန့ၣ်သံ ၁ ဂၤ ဘၣ်ဒိ ၂ ဂၤႉ...

လါအီကူး ၂၄ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ဟီၣ်က၀ီၤအပူၤ ဖဲလါအီကူး ၂၁ သီဒီး ၂၂ သီအနံၤ လီၢ်က၀ီၤကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီးသုးမီၤစိရိၤအသုးတဖၣ်အဘၢၣ်စၢၤ တၢ်ဒုးကဲထီၣ်ပာ်ဖှိၣ်အိၣ်၀ဲ(၉)ဘျီဒီး ဖဲန့ၣ်သုးမီၤစိရိၤအၦၤသံ၀ဲ(၁၂)ဂၤအဂ့ၢ်န့ၣ် KNU မုၢ်တြီၢ်ကီၢ်ရ့ၣ် ထုးထီၣ်ပာ်ဖျါ၀ဲဖဲမဟါ(လါအီကူး ၂၃)သီအနံၤန့ၣ်လီၤႉ တၢ်ဒုးကဲထီၣ်လၢခံသီအတီၢ်ပူၤအံၤ သုးမီၤစိရိၤအၦၤသံ ၁၂ ဂၤႇ ဘၣ်ဒိ ၁၉ ဂၤ ဘၣ်ဆၣ် မ့မ့ၢ်လီၢ်က၀ီၤ(KNLA)တကပၤတၢ်ဘၣ်ဒိဘၣ်ထံးသံတအိၣ်၀ဲဘၣ်အဂ့ၢ်န့ၣ် မုၢ်တြီၢ်ကီၢ်ရ့ၣ်တကပၤစံး၀ဲန့ၣ်လီၤႉ ဖဲအပူၤကွံာ်(လါအီကူး ၂၀)သီအနံၤစ့ၢ်ကီး သုးမီၤစိရိၤအသုးပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ–၈)အဖီလာ် ခီၣ်ချ့သုးရ့ၣ်(ခမရ-၄၀၇)ဒီးသုးခိးကီၢ်ဆၢ(BGF) သုးတဖၣ်အိၣ်ခိးကျဲတၢ်ဘံၣ်တၢ် ဘၢလၢဖၣ်ပူၣ်– ကမၤမိၢ်ကျဲဖးဒိၣ်တဖၣ်အံၤ...

လါအီကူး ၂၄ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲသုးမီၤစိရိၤအသုးဟဲထီၣ်လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ တီအူကီၢ်ရ့ၣ် သုးက့ ၂ ဟီၣ်က၀ီၤအပူၤအါအါဂီၢ်ဂီၢ်၀ံၤအလီၢ်ခံ ဖဲတနံၤအံၤ(လါအီကူး ၂၄)သီ ဂီၤခီအဆၢကတီၢ် တၢ်ဘၣ်သဂၢၢ်ခးလိာ်သးကဲထီၣ်ဒီး(KNDO)အသုးယံၤ၀ဲတခီနၣ်ရံၣ်ဃၣ်ဃၣ်အဂ့ၢ်န့ၣ် KNDO ၦၤဘၣ်မူဘၣ်ဒါတဂၤစံးဘၣ်ခ့ၣ်အဲးစံၣ်န့ၣ်လီၤႉ ဖဲမဟါလါအီးကူး ၂၃ သီ မုၢ်ထူၣ် ၁ နၣ်ရံၣ်ဃၣ်ဃၣ်အဆၢကတီၢ် သုးမီၤစိရိၤအသုး သိလ့ၣ်(၂၈)ခိၣ်လၢအပၣ်ဃုာ်ဒီးသုးနီၣ်ဂံၢ်လၢလၢၦဲၤၦဲၤအံၤ ဟဲထီၣ်၀ဲဒၣ်လၢခ့ၣ်အဲၣ်ယူၣ် သုးက့ ၂ ဘီကလံၣ်၀ံၤအလီၢ်ခံ ဖဲတနံၤအံၤ(လါအီကူး ၂၄)သီအနံၤ လဲၤနုာ်လီၤ၀ဲဆူထီတထူၣ်ကီၢ်ဆၣ် သ့လ့ထၣ်တၢ်လီၢ်ႇ ကီၢ်သၢဒၢသ၀ီအမဲာ်ညါအခါ တၢ်ခးလိာ်သးကဲထီၣ်၀ဲဒီးလီၢ်က၀ီၤ(KNDO)အသုးတဖၣ်အဂ့ၢ်န့ၣ် (KNDO)သုးရ့ၣ် ၄ သုးရ့ၣ်၀ဲၤဒၢးခိၣ် သုးခိၣ်စိ စီၤတၢ်ဘိၣ်မူ...

လါအီကူး ၂၃ သီ၊ ၂၀၂၁ နံၣ်၊ ခ့ၣ်အဲးစံၣ် ဖဲတနံၤအံၤလါအီကူး ၂၃ သီ မုၢ်ဃ့ၢ်လီၤ ၂ နၣ်ရံၣ်ဘျဲၣ်အဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့ ၆ ဒီးသုးမီၤစိရိၤအသုးတဖၣ်အဘၢၣ်စၢၤ တၢ်ခးလိာ်သးကဲထီၣ်ဖဲကွ့ကလ့သ၀ီကပၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲအပူၤကွံာ်လါအီကူး ၂၁ သီ ဂီၤခီအဆၢကတီၢ် သုးမီၤစိရိၤအသုးပာ်တ့ၢ်ကွံာ်အသုးကလၢၤဖဲကျ့းသ၀ီပူၤဒီး ဒ်သိးအ၀ဲသ့ၣ်ကဟဲက့ၤအိၣ်ဆိးကဒါလၢအသုးကလၢၤအဂီၢ် ဖဲအ၀ဲသ့ၣ်ဟဲက့ၤလၢကျဲအဆၢကတီၢ် ဘၣ်သဂၢၢ်ခးလိာ်သးဒီးလီၢ်က၀ီၤ(KNLA)အသုးတဖၣ်အဂ့ၢ်န့ၣ် လီၢ်က၀ီၤသ၀ီဖိတဖၣ်စံး၀ဲန့ၣ်လီၤႉ “တၢ်ခးလိာ်သးကဲထီၣ်လၢကွ့ကလ့သ၀ီ လၢယၤအ့ခၠဲၣ်တကပၤလီၤႉ နၢ်ဟူကျိဖးဒိၣ်သီၣ် ၄ ထံၣ်လီၤႉ ကျိဖိဆံးနါက့ခး၀ဲလီၤႉ ကဲထီၣ်ကအိၣ်၀ဲအမံးနံး ၁၀ လီၤႉ ခဲအံၤပတုာ်လံႉ ၦၤခဲလၢာ်အိၣ်ဒီးတၢ်သူၣ်ကိၢ်သးဂီၤလီၤ”အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံး၀ဲန့ၣ်လီၤႉ ကွ့ကလ့သ၀ီအံၤ မ့ၢ်သ၀ီတဖျၢၣ်လၢအိၣ်ဆီလီၤအသးဖဲကၠဲးဒိဒီးကီးတရံးကျဲမုၢ်အကပၤန့ၣ်လီၤႉ တၢ်ခးလိာ််သးကဲထီၣ်၀ံၤအလီၢ်ခံ...

လါအီကူး ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် မီၤစိရိၤအသုးလၢအအိၣ်ဆီလီၤသးဖဲကၠၤအ့စ့ၣ်ကၠံကီၢ်ဆၣ် ကျ့းသ၀ီအပူၤတဖၣ်အံၤ ဖဲအပူၤကွံာ်လါအီကူး ၂၁ သီအနံၤန့ၣ် အ၀ဲသ့ၣ်ပာ်တ့ၢ်ကွံာ်အသုးကလၢၤဒီးဟးထီၣ်ကွံာ်၀ဲအလီၢ်ခံ သုးခိးကီၢ်ဆၢ(BGF)အသုးတဖၣ် ဟဲက့ၤအိၣ်ဆီလီၤက့ၤသးအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ (BGF)သုးဟဲက့ၤအိၣ်ဆီလီၤက့ၤသးအဖီခိၣ် ကညီဒီကလုာ်စၢဖှိၣ်ကရၢ(KNU)တသးလီ၀ဲဘၣ်အမဲာ်ညါ (BGF)သုးမ့ၢ်ဟူးဂဲၤမၤ၀ဲဒ်သုးမီၤစိရိၤအတၢ်နဲၣ်ကျဲအသိးန့ၣ် တူၢ်လိာ်၀ဲတသ့ဘၣ်အဂ့ၢ်န့ၣ် KNU ဒူပျာ်ယာ်ကီၢ်ရ့ၣ် နဲၣ်ရွဲၣ် ပဒိၣ်စီၤလ့ၣ်စတၣ် စံးဘၣ်ခ့ၣ်အဲးစံၣ်ဒ်အံၤန့ၣ်လီၤႉ အ၀ဲစံး၀ဲလၢ“တၢ်တခါအံၤဒုပဟ့ၣ်အခွဲးကသ့၀ဲလဲၣ်ႉ ဘၣ်မနုၤအဃိလဲၣ်န့ၣ် BGF သုးအံၤ အ၀ဲသ့ၣ်ဟူးဂဲၤ၀ဲဒၣ်လၢသုးမီၤစိရိၤအတၢ်ပၢဆှၢအဖီလာ်အဃိ တမ့ၢ်လၢအကဘၣ်ဂီၢ်ဖိးမံဒီးၦၤဘၣ်ႉ ဒီးအ၀ဲသ့ၣ်န့ၣ်ရ့လိာ်သးဒ်ဒီပုၢ်ဒီ၀ဲၢ်အသိးဒုအိၣ်မီၤနီၤႉ ဘၣ်ဆၣ်အ၀ဲသ့ၣ်မ့ၢ်ဟဲဆီလီၤအသုးဒု ပတူၢ်လိာ်အီၤတသ့ဘၣ်ႉ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ သုးမီၤစိရိၤပာ်တ့ၢ်ကွံာ်အသုးကလၢၤလၢကျ့းသ၀ီပူၤ၀ံၤအလီၢ်ခံ ဒူပျာ်ယာ်ကီၢ်ရ့ၣ်ႇ သုးက့(၆) ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးရ့ၣ်(၁၈)တီခိၣ်ရိၣ်မဲ...

လါအီကူး ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ် သ၀ီတဖၣ်အပူၤ ကမျၢၢ်လၢအလီၤဘၣ်တၢ်ကီတၢ်ခဲသ့ၣ်တဖၣ် ဖဲလါအီကူး ၂၀ သီအနံၤန့ၣ် (DKBA)စးထီၣ်ဆီၣ်ထွဲမၤစၢၤ၀ဲဂံၢ်ခီၣ်ထံးတၢ်အီၣ်တၢ်အီတဖၣ်အဂ့ၢ်န့ၣ် သ့ၣ်ညါဘၣ်လၢ တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA လီၢ်က၀ီၤၦၤဘၣ်မူဘၣ်ဒါတဖၣ်အအိၣ်န့ၣ်လီၤႉ ပၠီၤမထ့ၤႇကၠိခၠီႇကၠ့ၤခၠီႇမ့ၣ်တၤဘွံႇလ့ဖးထီသ၀ီဖိလၢအလီၤဘၣ်တၢ်ကီတၢ်ခဲသ့ၣ်တဖၣ်အံၤ တၢ်ဆီၣ်ထွဲမၤစၢၤ၀ဲဟုသးႇသိအီၣ်ႇပသၢသၣ်ဒီးဂံၢ်ခီၣ်ထံးတၢ်အီၣ်တၢ်အီလၢအဂၤတဖၣ်ဒီး လၢဆူၣ်ချ့တၢ်အံးထွဲကွၢ်ထွဲတဖၣ်စ့ၢ်ကီးရဲၣ်ကျဲၤဟံးထီၣ်ဖီၣ်ထီၣ်၀ဲလံအဂ့ၢ်န့ၣ် DKBA နီၣ်ဂံၢ်(၉၀၃)သုးရ့ၣ်ခိၣ် သုးခိၣ်ဒိၣ်ဖိ စီၤအ့ၤ၀ါ စံးဘၣ်ခ့ၣ်အဲးစံၣ်ဖဲလါအီကူး ၂၁ သီအနံၤန့ၣ်လီၤႉ “ခီဖျိခိ၀ံၣ်ဒီးထံရူၢ်ကီၢ်သဲးတဂၢၢ်တကျၢၤဘၣ်အဃိ ပၦၤကမျၢၢ်တဖၣ်အတၢ်ဖံးတၢ်မၤလီၤစှၤဒီး တၢ်လဲၤတၢ်က့ၤကီခဲထီၣ်ႇတၢ်လုၢ်အီၣ်နီၢ်ခိသးသမူစ့ၢ်ကီးတဘၣ်ဂီၢ်ဘၣ်ဒွါလၢၤဘၣ်မီၤနီၤႉ ဖဲတၢ်သ့အိၣ်ၦၤအသိးပမၤစၢၤ၀ဲဟုသးအထၢၣ်(၈၀၀)ႇသိအီၣ်ႇခီနီဃ့ဘိၣ််ဒီးတၢ်ကူတၢ်ကၤတဖၣ်မီၤနီၤႉ ခီဖျိခိ၀ံၣ်တၢ်ဆါကဲထီၣ်အဃိ လၢအ၀ဲသ့ၣ်တၢ်အံးထွဲကွၢ်ထွဲတၢ်အိၣ်ဆူၣ်အိၣ်ချ့အဂီၢ်စ့ၢ်ကီး ပရဲၣ်ကျဲၤဃာ်၀ဲအိၣ်လီၤ”အဂ့ၢ်န့ၣ် သုးခိၣ်ဒိၣ်ဖိ စီၤအ့ၤ၀ါ စံး၀ဲန့ၣ်လီၤႉ လီၢ်က၀ီၤကမျၢၢ်လၢအအိၣ်ဖဲကီၢ်ကၠီၣ်တဲၣ်–ကီၢ်ပယီၤကီၢ်ဆၢ...