လါအ့ဖြ့ၣ် ၂၇သီ, ၂၀၂၅နံၣ်, ခ့ၣ်အဲၣ်ယူၣ်
သုးကီၣ်ကးအံၤဘိးဘၣ်ရၤလီၤဝဲလၢပတုၥ်ဝဲတၢ်ခးအိၣ်ဝဲဘၣ်ဆၣ်တၢ်နီၢ်နီၢ်တခီအတၢ်ဟူးတၢ်ဂဲၤအပူၤတဲတပူၤမၤဝဲတပူၤအဃိ,ကမျၢၢ်တူၢ်ဘၣ်န့ဆၢၣ်တၢ်တတၢၤတနါဒီးပှၤဃ့ၢ်တၢ်ဒုးလီၢ်အိၣ်ကမှံတဖၣ်သးသမူတၢ်ဘံၣ်တၢ်ဘၢအဂီၢ်,ဘၣ်ဆဲးဟံဝဲတၢ်ဒီသဒၢတၢ်ဖံးတၢ်မၤအဂ့ၢ်(KNU)ထုးထီၣ်ပၥ်ဖျါဝဲဒၣ်ဖဲမဟါလါအ့ဖြ့ၣ်(၂၇)သီအနံၤန့ၣ်လီၤ.
သုးကီၣ်ကးအံၤဘိးဘၣ်ရၤလီၤဝဲလၢပတုၥ်ဝဲတၢ်ခးဘၣ်ဆၣ်,သူကဘီယူၤပညိၣ်ခးလီၤဝဲတၢ်လၢတၢ်ပၢၢ်ဆၢသုးပၥ်ဖှိၣ်ပၢၤဃၥ်ဝဲဟီၣ်ကဝီၤကမျၢၢ်အိၣ်ဆိးဟံၣ်ဃီ,ဒူသဝီတၢ်လီၢ်တၢ်ကျဲတဖၣ်အပူၤအိၣ်ဝဲအဖီခိၣ်အတၢ်ဘိးဘၣ်ရၤလီၤတၢ်ပတုၥ်တၢ်ခးအံၤမ့ၢ်ဒၣ်တၢ်ပညိၣ်လၢကကဒိးန့ၢ်ဘၣ်ထံဂုၤကီၢ်ဂၤကရူၢ်ကရၢတၢ်ဟ့ၣ်“ပှၤကညီတၢ်ဒိသူၣ်ဒိသးတၢ်တိစၢၤမၤစၢၤ”လီၤအဂ့ၢ်(KNU)လံၥ်ထုးထီၣ်ပၥ်ဖျါအပူၤပၥ်ဖျါဝဲန့ၣ်လီၤ.
သုးကီၣ်ကးအံၤစံးဝဲလၢပတုၥ်ဝဲတၢ်ခးဘၣ်ဆၣ်တဲတပူၤမၤဝဲတပူၤဒ်အံၤအဖီခိၣ်,(KNLA)သုးရိၢ်မဲခိၣ်ကျၢၢ်,သုးခိၣ်ကျၢၢ်ဒိၣ်စိစီၤကၠီၣ်နံၣ်စံးဘၣ်ခ့ၣ်အဲးစံၣ်ကညီတၢ်ကစီၣ်ဒ်အံၤန့ၣ်လီၤ.
“ပယီၤန့ၣ်တဲဝဲလၢကပတုၥ်တၢ်ဒုးန့ၣ်,န့ၢ်အနံၣ်(၇၀)ဘျဲၣ်လံ.ကီၢ်ပယီၤအထံရုၢ်ကီၢ်သဲးတၢ်ဂ့ၢ်ကီန့ၣ်,ကဘှါရှဲဝဲဒ်ထံရုၢ်ကီၢ်သဲးသနူအသိးလီၤဘၣ်ဆၣ်တမၤထွဲဝဲဘၣ်.မီၤစိရိၤန့ၣ်မ့ၢ်ဒၣ်မီၤစိရိၤလီၤ.တၢ်လၢဘီၣ်သိၣ်န့ၣ်ကအီၣ်တၢ်ညၣ်န့ၣ်ကအီၣ်တၢ်ညၣ်လီၤ.တၢ်လၢဒုၣ်ဒါန့ၣ်မ့ၢ်ဒၣ်ဒုၣ်ဒါလီၤ.အဃိန့ၣ်တဲဝဲဒ်လဲၣ်ဒ်လဲၣ်နါက့ပနၥ်အီၤတသ့ဘၣ်.မ့အဲၣ်ဒိးဝဲတၢ်မုၥ်တၢ်ခုၣ်နီၢ်နီၢ်ဒီးမ့မၤထွဲဝဲဒ်တဲဝဲအသိးန့ၣ်,တၢ်မုၥ်တၢ်ခုၣ်အိၣ်ဖးယံၥ်လံ.ခဲအံၤမၤသံကမျၢၢ်ကိးနံၤဒဲးလီၤသုထံၣ်လီၤ.တဲဝဲကပတုၥ်တၢ်ခးန့ၣ်တမ့ၢ်ခဲအံၤဘၣ်ဖးယံၥ်လံအဃိန့ၣ်ဘၣ်ဃးအဝဲသ့ၣ်ပပတုၥ်တၢ်ခးန့ၣ်ပနၥ်တသ့ဘၣ်.”အဂ့ၢ်စံးဝဲဒၣ်န့ၣ်လီၤ.
သုးကီၣ်ကးအံၤစးထီၣ်ဖဲလါအ့ဖြ့ၣ်(၂)သီတုၤလၢ(၂၂)သီအနံၤအပူၤစံးဝဲလၢပတုၥ်တၢ်ခးအမုၢ်နံၤမုၢ်သီတဖၣ်အပူၤမၤထီဒါဝဲပှၤကညီဂ့ၢ်ဝီခွဲးယၥ်လၢကီၢ်သူလ့ၤတၢ်ပၢဟီၣ်ကဝီၤအပူၤအဘျီ(၁၀၀)ဘျဲၣ်အိၣ်ဝဲအဂ့ၢ်(KNU)ပၥ်ဖျါဝဲဒၣ်လၢလံၥ်ထုးထီၣ်ပၥ်ဖျါအပူၤန့ၣ်လီၤ.
လၢန့ၣ်အမဲၥ်ညါ,လါအ့ဖြ့ၣ်(၂)သီတုၤလၢ(၂၂)သီအနံၤအပူၤ,သုးကီၣ်ကးအံၤမၤဝဲကဘီယူၤတၢ်ထီၣ်ဒုး(၆၃)ဘျီ,ခးလီၤကျိဖးဒိၣ်(၄၃)ဘျီအိၣ်ဝဲဒီးဒီးဒိးလီၤမ့ၣ်ပိၢ်(၂)ဘျီ,ဒွဲၣ်အူအီၣ်ကမျၢၢ်ဟံၣ်ဃီ(၁)ဘျီဒီးဖီၣ်ဝဲကမျၢၢ်လီၢ်ကဝီၤဖိ(၁)ဘျီစုၥ်စုၥ်အိၣ်ဝဲအဂ့ၢ်,(KNU)အိၣ်ဝဲဒီးတၢ်မၤနီၣ်မၤဃါန့ၣ်လီၤ.
ဒ်န့ၣ်အသိး,ခီဖျိသုးကီၣ်ကးမၤထီဒါဝဲပှၤကညီဂ့ၢ်ဝီခွဲးယၥ်ဒ်အံၤအဃိလါအ့ဖြ့ၣ်(၂)သီတုၤလၢ(၂၂)သီ,လၢအသီ(၂၀)ဘျဲၣ်အတီၢ်ပူၤကမျၢၢ်ဟံၣ်ဃီ(၂၇)ဖျၢၣ်,သီခါဖၠၣ်(၅)ဖျၢၣ်,တၢ်ဘၣ်ယွၤသရိၥ်(၁)ဖျၢၣ်ဘၣ်ဟးဂီၤဝဲအသိး,ကမျၢၢ်လီၢ်ကဝီၤဖိဘၣ်ဒိဘၣ်ထံးဝဲ(၅၇)ဂၤဒီးဘၣ်သံဝဲ(၂၀)ဂၤအမဲၥ်ညါ,ဘၣ်တၢ်ဖီၣ်ဝဲအီၤ(၂)ဂၤအိၣ်ဝဲအဂ့ၢ်,သ့ၣ်ညါဘၣ်ဒ်(KNU)အတၢ်ပၥ် ဖျါအိၣ်ဝဲအသိးန့ၣ်လီၤ.
လါအ့ဖြ့ၣ် ၂၇ သီ, ၂၀၂၅နံၣ်, ခ့ၣ်အဲးစံၣ်,
ကီၢ်သူလ့ၤသုးမုၢ်ဒိၣ်(KTLA Commando )အသုးရ့ၣ်ခိၣ်,သုးခိၣ်ဒိၣ်ဂီၢ်ဂ့ၢ် စီၤစးလိတီခိၣ်ရိၢ်မဲ (KTLA)သုးဖိတနီၤ ဖဲတနံၤအံၤလါအ့ဖြ့ၣ်(၂၆)သီအနံၤန့ၣ် ဟဲက့ၤပၥ်ဖှိၣ်မၤ သကိးက့ၤတၢ်ဒီးတၢ်ဘၣ်ဘျုးဒံၣ်မိၣ်ကရ့ၣ်စံၣ် ကညီ သုးမုၢ်ဒိၣ်(DKBA)အဂ့ၢ်န့ၣ် သ့ၣ်ညါဘၣ်န့ၣ်လီၤ.
(KTLA Commando) သုးရ့ၣ်လီၤဆီအသုးရ့ၣ်ခိၣ် သုးခိၣ်ဒိၣ်ဂီၢ်ဂ့ၢ် စီၤစးလိအံၤ,ဖဲအပူၤကွံၥ်(၂၀၂၃)နံၣ် လါအီးကထိဘၢၣ်အပူၤ ဘၣ်တၢ်ပတုၥ်ကွံၥ်အမူအဒါ လၢကီၢ်သူလ့ၤသုးမုၢ်ဒိၣ်(KTLA)အပူၤ(၉)လါ၀ံၤအလီၢ်ခံ အ၀ဲဟဲက့ၤ မၤသကိးက့ၤတၢ်ဒီး DKBA ကရၢကဲထီၣ်အသးဒ်အံၤန့ၣ်လီၤ.
လၢတၢ်က့ၤမၤသကိးက့ၤဝဲတၢ်ဒီး(DKBA)ကရူၢ်ကရၢအဖီခိၣ်အံၤန့ၣ် သုးခိၣ်ဒိၣ်ဂီၢ်ဂ့ၢ် စီၤစးလိစံးဘၣ် ခ့ၣ်အဲးစံၣ် ကညီတၢ်ကစီၣ် အကွဲၤလ့လိၤ ဒ်အံၤန့ၣ်လီၤ.
“အဲၣ်ဒိးဒုးသ့ၣ်ညါကမျၢၢ်တခါလၢဝံသးစူၤတဘၣ်ဆိမိၣ်ကမၣ်ယၤတဂ့ၤ,ယၤဒုပှဲၤသိးတၢ်အိၣ်ဒီးယၤသွံၣ်ထံကပၢၤကဝါလၢၥ်ဒီးကျိချံပှၥ်သၣ်,ပျဲၢ်ဘီၣ်တၢ်ကိးမံၤဒဲးယဟ့ၣ်လီၤလၢၥ်လံ,ခီဖျိလၢတၢ်တဘၣ်လီၢ်ဘၣ်စးဒီးယမၤက့ၤတန့ၢ်လၢၤဘၣ်အဖီခိၣ်,ယဘၣ်တၢ်ပတုၥ်ကွံၥ်လၢမူဒါလီၤ. တမ့ၢ်လၢယသ့ၣ်စၤဖီၣ်ဒီး...
လါအ့ဖြ့ၣ် ၂၆သီ, ၂၀၂၅နံၣ်, ခ့ၣ်အဲးစံၣ်,
ခ့ၣ်အဲၣ်ယူၣ်ကညီဒီကလုၥ်စၢဖှိၣ်ကရၢ,သုးက့(၆)ဒူပျၥ်ယၥ်ကီၢ်ရ့ၣ်,ဃိၣ်သၢဖျၢၣ်ဝ့ၢ်မဲၢ်ကသးသဝီဟီၣ်ကဝီၤတၢ်ခူၣ်စၢၢ်ထးတၢ်လီၢ်တၢ်ကျဲအပူၤ,တနံၤဃီအတီၢ်ပူၤသုးကီၣ်ကးကဘီယူၤဟဲတ့ၢ်လီၤဝဲမ့ၣ်ပိၢ်ဒီးကဘီယူၤအဖျၢၣ်(၃၀)ဘျဲၣ်အိၣ်ဝဲအဂ့ၢ်,ဝ့ၢ်ဟီၣ်ကဝီၤပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ.
တနံၤအံၤလါအ့ဖြ့ၣ်(၂၆)သီဂီၤခီ(၆)နၣ်ရံၣ်ဘျဲၣ်အနံၤအဆၢကတီၢ်န့ၣ်,သုးကီၣ်ကး(Y12)ကဘီယူၤတ့ၢ်လီၤဝဲမ့ၣ်ပိၢ်လၢမဲၢ်ကသးတၢ်မၤစၢၢ်ထးတၢ်လီၢ်တဖၣ်ဃုၥ်ဒီးသုးက့ဝဲၤဒၢးတၢ်လီၢ်တဖၣ်အပူၤအိၣ်ဝဲအဖျၢၣ်(၃၀)ဘျဲၣ်အဂ့ၢ်,ဃိၣ်သၢဖျၢၣ်ဝ့ၢ်ပၢြပးပှၤဘၣ်မူဘၣ်ဒါတဂၤစံးဝဲဒၣ်ဒ်အံၤန့ၣ်လီၤ.
“ဖဲမုၢ်ဝါထီၣ်ဆၢကတီၢ်သုးကီၣ်ကးကဘီယူၤ(Y12)တဘ့ၣ်ဟဲထီၣ်တ့ၢ်လီၤဝဲမ့ၣ်ပိၢ်အဖျၢၣ်(၃၀)ဘျဲၣ်ဃၣ်ဃၣ်လၢမဲၢ်ကသးတၢ်မၤစၢၢ်ထးအလီၢ်ဃုၥ်ဒီးသုးက့ဝဲၤဒၢးတၢ်လီၢ်တဖၣ်အပူၤန့ၣ်လီၤ.တ့ၢ်လီၤတၢ်န့ၣ်တဘၣ်လိၤလိၤလၢတၢ်မၤ(မဲ)ပူၤဘၣ်.ဘၣ်လၢထံကျိဝၢ်မုၢ်နုၥ်သုးက့ဝဲၤဒၢးတကပၤအဃိ,တၢ်သူၣ်ထီၣ်ဘှီထီၣ်တၢ်လီၢ်တၢ်ကျဲတဖၣ်ဟးဂုၤဟးဂီၤအိၣ်ဝဲဒၣ်တဆံးတက့ၢ်အဂ့ၢ်န့ၣ်လီၤ.မ့မ့ၢ်လၢပှၤကညီတၢ်ဘၣ်ဒိဘၣ်ထံးတခီတအိၣ်ဝဲဘၣ်.”အဂ့ၢ်စံးဝဲဒၣ်န့ၣ်လီၤ.
လၢန့ၣ်အမဲၥ်ညါ,သုးကီၣ်ကးတ့ၢ်လီၤမ့ၣ်ပိၢ်ကဲထီၣ်သးဒ်အံၤအဃိတကီၢ်ခါခဲအံၤတၢ်ကးတံၥ်ဃၥ်ဝဲကမျၢၢ်တၢ်ဟးထီၣ်က့ၤလီၤလၢဃိၣ်သၢဖျၢၣ်ဒီးမဲၢ်ကသးတၢ်လီၢ်တဖၣ်အပူၤအိၣ်ဝဲဒီးဘၣ်ဃးဒီးတၢ်ကးတံၥ်ဃၥ်ဝဲတၢ်နုၥ်လီၤဆူမဲၢ်ကသးဟီၣ်ကဝီၤအပူၤအဖီခိၣ်,ဃိၣ်သၢဖျၢၣ်ဝ့ၢ်လီၢ်ကဝီၤဖိတဂၤစံးဝဲဒ်အံၤန့ၣ်လီၤ.
“ကဘီယူၤန့ၣ်ဟဲတ့ၢ်လီၤတၢ်ဖဲတၢ်လီၢ်တၢ်ကျဲတဖၣ်အပူၤန့ၣ်အိၣ်လၢအဖျၢၣ်(၃၀)ဘျဲၣ်ညါ,အဃိန့ၣ်တၢ်ကဲထီၣ်သးဒ်အံၤအဖီခိၣ်,အခဲအံၤတၢ်ပံးကွံၥ်ကမျၢၢ်တၢ်နုၥ်လီၤဟးထီၣ်လၢမဲၢ်ကသးတၢ်လီၢ်အပူၤလံ,ပှၤတၢ်ချၢနုၥ်လီၤဟးထီၣ်တန့ၢ်လၢၤဘၣ်.ယပါနါက့အိၣ်ဖဲန့ၣ်လီၤ.ပလဲၤလၢအအိၣ်တသ့ဘၣ်အသိး,အဝဲနါက့တဟဲက့ၤလၢပအိၣ်ဒံးဘၣ်.ပကျဲးစၢးဆဲးကျိးအီၤအဖၢမုၢ်လီၤ”အဂ့ၢ်စံးဝဲဒၣ်န့ၣ်လီၤ.
ဒီးကျဲတၢ်နုၥ်လီၤဟးထီၣ်အံၤတၢ်ကကးတံၥ်ဝဲပှဲၤနံၤပှဲၤသီလဲၣ်န့ၣ်,လီၢ်ကဝီၤဖိတဖၣ်တသ့ၣ်ညါလီၤတံၢ်ဝဲဒံးဘၣ်အဂ့ၢ်စံးစ့ၢ်ကီးဝဲဒၣ်န့ၣ်လီၤ.
တကတီၢ်ဃီ,ဃိၣ်သၢဖျၢၣ်ဝ့ၢ်ဟီၣ်ကဝီၤအပူၤတၢ်ဒုးတၢ်ယၤလၢသုးကီၣ်ကးဒီးတၢ်ပၢၢ်ဆၢသုးပၥ်ဖှိၣ်ဘၢၣ်စၢၤတအိၣ်ဝဲဘၣ်ဒီးသုးကီၣ်ကးအံၤတ့ၢ်လီၤဝဲမ့ၣ်ပိၣ်ဒ်အံၤအဖီခိၣ်,ဘၣ်ထွဲဘၣ်ဃးဝဲဒီးကီးတရံးကြုၢ်တုတၢ်ဒုးတၢ်ယၤအိၣ်ဝဲအဂ့ၢ်ဟီၣ်ကဝီၤပှၤဘၣ်မူဘၣ်ဒါတဖၣ်ပဲၥ်ထံနီၤဖးစံးဝဲဒၣ်ဒီးသုးကီၣ်ကးတ့ၢ်လီၤမ့ၣ်ပိၢ်ဘျီဝဲအံၤခီဖျိကမျၢၢ်လီၢ်ကဝီၤဖိတဖၣ်ဒိးန့ၢ်ဘၣ်ဝဲတၢ်ကစီၣ်ဒီးအိၣ်ကဒုဆိဝဲအသးအဃိတၢ်ဘၣ်ဒိဘၣ်ထံးတအိၣ်ဝဲဘၣ်အဂ့ၢ်,သ့ၣ်ညါဘၣ်ဒ်လီၢ်ကဝီၤပှၤဘၣ်မူဘၣ်ဒါတဖၣ်စံးဝဲအသိးန့ၣ်လီၤ.
ဃိၣ်သၢဖျၢၣ်ဝ့ၢ်ဟီၣ်ကဝီၤတၢ်မၤလၢၢ်ဒီးစၢၢ်ထးတၢ်လီၢ်တဖၣ်အပူၤ,အပူၤကွံၥ်(၂၀၂၂)နံၣ်,နံၣ်ဘူးကလၢၥ်အပူၤသုးကီၣ်ကးမၤကဘီယူၤတ့ၢ်လီၤဝဲမ့ၣ်ပိၢ်အဃိ,ပှၤခူးလၢၢ်ဖိဒီးတရူးထံဖိကီၢ်ဖိတဖၣ်ဘၣ်သံဘၣ်ဒိဘၣ်ထံးဝဲအိၣ်အဂ့ၢ်,သ့ၣ်ညါဘၣ်န့ၣ်လီၤ.
ဒ်န့ၣ်အသိး,တၢ်မၤလၢၢ်ဒီးစၢၢ်ထးတၢ်လီၢ်တဖၣ်အပူၤစးထီၣ်ဖဲလါအ့ဖြ့ၣ်နုၥ်လီၤဒီးအပူၤကွံၥ်တါလီၤအဆၢကတီၢ်တၢ်ဘၣ်ယိၣ်အိၣ်ဝဲလၢသုးကီၣ်ကးကဘီယူၤကဟဲထီၣ်တ့ၢ်လီၤမ့ၢ်ပိၣ်အိၣ်ဝဲအဃိ,ပှၤဘၣ်မူဘၣ်ဒါတဖၣ်ဟ့ၣ်ပလီၢ်ဆိဝဲလီၢ်ကမျၢၢ်တဖၣ်လၢကအိၣ်ဒီးတၢ်ပလီၢ်ပဒီသးအဂ့ၢ်,ဝ့ၢ်လီၢ်ကဝီၤကမျၢၢ်တဖၣ်စံးဝဲဒၣ်န့ၣ်လီၤ.
လါအ့ဖြ့ၣ် ၂၅ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ်အပူၤ ဖဲမဟါတနံၤဃီအတီၢ်ပူၤ ပယီၤသုးခးလီၤကျိဖးဒိၣ်အဃိ ကမျၢၢ်ဘၣ်ဒိ(၃)ဂၤအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤပှၤဘၣ်မူဘၣ်ဒါအအိၣ်န့ၣ်လီၤ.
ဖဲမဟါလါအ့ဖြ့ၣ် ၂၄ သီ မုၢ်ထူၣ်(၁၂)နၣ်ရံၣ်အဆၢကတီၢ်န့ၣ် တၢ်ဒုးကဲထီၣ်တအိၣ်ပယီၤသုးခးလီၤ(၁၂၀ မမ)ကျိဖးဒိၣ် ၃ဖျၢၣ် ဆူခရၢၢ်ကရူၢ် ခရၢၢ်သ၀ီဃၢၤအဃိ ကျိဖးဒိၣ်အက့အခီဘၣ်၀ဲကမျၢၢ်(၂)ဂၤ အဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါတဂၤ စံး၀ဲန့ၣ်လီၤ.
ဒ်န့ၣ်အသိးတနံၤဃီတကတီၢ်ဃီဖဲမုၢ်ထူၣ် ၁၂း၀၀ နၣ်ရံၣ်အဆၢကတီၢ်အံၤန့ၣ် ပယီၤသုးတြိၤ(၄၄)သုး၀ဲၤလီၢ်ခိၣ်သ့ၣ် ခးလီၤစ့ၢ်ကီး ကျိဖးဒိၣ်တဖျၢၣ်လီၤတဲၥ်ပိၢ်ဖးထီၣ်၀ဲလၢအံလူၢ်ကရူၢ် ကရၣ်၀့ဆ့ၣ်သ၀ီဃၢၤအဃိ ကမျၢၢ်ဘၣ်ဒိ(၁)ဂၤဒီး တၢ်ကဲထီၣ်သး၀ံၤ တဟါဃီ ဖဲန့ၣ် ခးလီၤကဒီး၀ဲကျိဖးဒိၣ်(၃)ဖျၢၣ်အဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါလၢအဂၤတဂၤ စံး၀ဲန့ၣ်လီၤ.
“မဟါဖဲ ၁၂...
လါအ့ဖြ့ၣ် ၂၅ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကီၢ်သူလ့ၤတၢ်ပၢ,ချၢၣ်လွံၢ်ထူၣ်ကီၢ်ရ့ၣ်,(သုးက့နီၣ်ဂံၢ်-၃)ဆီထံးကီၣ်ဆၣ်ဟီၣ်ကဝီၤအပူၤဖဲလါအ့ဖြ့ၣ် (၂၃)သီအနံၤန့ၣ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)ထီၣ်မၤန့ၢ်ကွံၥ်ဝဲပယီၤသုး(ကိဆ့ၣ်)သုးကလၢၤလၢအအိၣ် ဖဲပရဲလိၥ်ကျိကၢၢ်နံၤအဂ့ၢ်ဆီထံးကီၢ်ဆၣ်အပှၤဘၣ်မူဘၣ်ဒါပၥ်ဂၢၢ်ပၥ်ကျၢၤစံးဘၣ်ဝဲခ့ၣ်အဲးစံၣ်-ကညီတၢ်ကစီၣ်န့ၣ် လီၤ.
ပယီၤသုးကလၢၤတဖျၢၣ်လၢအမ့ၢ်(ကိဆ့ၣ်)သုးကလၢၤလၢအအိၣ်ဆီလီၤအသးဖဲဆီထံးကီၢ်ဆၣ်(သုးရ့ၣ်-၇)တၢ်ပၢ ဟီၣ်ကဝီၤအပူၤဖဲပရဲလိၥ်ကျိကၢၢ်နံၤကပၤအံၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)ဒီးတၢ်ပၢၢ်ဆၢသုးပၥ်ဖှိၣ်သ့ၣ်တဖၣ်ထီၣ်မၤန့ၢ်ကွံၥ်ဝဲလံအဂ့ၢ်န့ၣ်ဆီထံးကီၢ်ဆၣ်အပှၤကတိၤတၢ်ပၢပဒိၣ်စီၤအဲၣ်ဖိစံးဝဲဒၣ်န့ၣ်လီၤ.
"ဘၣ်ဃးဒီးပဆီထံးကီၢ်ဆၣ်(သုးရ့ၣ်-၇)ဟီၣ်ကဝီၤအပူၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်()ထီၣ်မၤန့ၢ်ဝဲဒၣ်(ကိဆ့ၣ်) သုးကလၢၤအံၤန့ၣ်တၢ်ပၥ်ဂၢၢ်ပၥ်ကျၢၤအီၤသ့န့ၣ်လီၤ. ဘၣ်ဆၣ်သနါက့တၢ်မၤန့ၢ်အီၤအပတီၢ်အိၣ်ထဲလဲၣ်, တၢ်မၤန့ၢ်အီၤ အက့ၢ်အဂီၤဒ်လဲၣ်န့ၣ်ပတန့ၢ်ဘၣ်တၢ်ပၥ်ဖျါလီၤတံၢ်လီၤဆဲးဒံးဘၣ်အဃိတဲတသ့ဒံးဘၣ်န့ၣ်လီၤ." အဂ့ၢ်န့ၣ်စံးဘၣ်ခ့ၣ် အဲးစံၣ်-ကညီတၢ်ကစီၣ်န့ၣ်လီၤ.
ဘၣ်ထွဲဒီးတၢ်ထီၣ်မၤန့ၢ်ကွံၥ်ဝဲပယီၤသုး(ကိဆ့ၣ်)သုးကလၢၤအံၤန့ၣ်တၢ်ပၥ်ဂၢၢ်ပၥ်ကျၢၤဝဲန့ၢ်လံဘၣ်ဆၣ်မ့မ့ၢ်လၢပယီၤသုးတကပၤတၢ်သံတၢ်ပှၢ်,တၢ်မၤန့ၢ်တၢ်စုကဝဲၤဒီးတၢ်ဂ့ၢ်တၢ်ကျိၤအဂုၤအဂၤသ့ၣ်တဖၣ်တခီတၢ်မၤလီၤတံၢ်အီၤတန့ၢ်ဒံးဘၣ်အဂ့ၢ်န့ၣ်ချၢၣ်လွံၢ်ထူၣ်ကီၢ်ရ့ၣ်ဒီးကီၢ်ဆၣ်အပှၤဘၣ်မူဘၣ်ဒါသ့ၣ်တဖၣ်စံးဝဲအသိးသ့ၣ်ညါဘၣ်န့ၣ်လီၤ.
လၢန့ၣ်အမဲၥ်ညါဖဲတၢ်ထီၣ်မၤန့ၢ်ကွံၥ်ဝဲ(ကိဆ့ၣ်)ပယီၤသုးကလၢၤအံၤဝံၤအလီၢ်ခံပယီၤသုးကီၣ်ကးကဘီယူၤဟဲခးလီၤတၢ်,ဟဲတ့ၢ်လီၤမ့ၣ်ပိၢ်အသိးပယီၤသုးအပှၤလၢသုးကလၢၤအဂၤသ့ၣ်တဖၣ်ခးလီၤဝဲကျိဖးဒိၣ်စ့ၢ်ကီးအဂ့ၢ်န့ၣ်လီၢ်ကဝီၤပှၤဘၣ်မူဘၣ်ဒါဘၣ်ထွဲစံးဝဲန့ၣ်လီၤ.
ဒ်န့ၣ်အသိးချၢၣ်လွံၢ်ထူၣ်ကီၢ်ရ့ၣ်,ဆီထံးကီၢ်ဆၣ်ဟီၣ်ကဝီၤအပူၤဖဲတလါအံၤလါအ့ဖြ့ၣ်ထီၣ်ခံနွံတနွံအတီၢ်ပူၤန့ၣ်တၢ်ထီၣ်မၤန့ၢ်ဒံးဝဲပယီၤသုးကလၢၤတဖျၢၣ်လၢအိၣ်သူၣ်ဆီလီၤအသးဖဲပရဲလိၥ်ကျိအမုၢ်ထီၣ်ဟီၣ်ကဝီၤအပူၤလၢအမ့ၢ် (ယၣ်လၥ်ပှၢ်)သုးကလၢၤစ့ၢ်ကီးအဂ့ၢ်န့ၣ်သ့ၣ်ညါဘၣ်လၢကီၢ်ဆၣ်အပှၤဘၣ်မူဘၣ်ဒါအအိၣ်န့ၣ်လီၤ.
လါအ့ဖြ့ၣ် ၂၄သီ, ၂၀၂၅နံၣ်,ခ့ၣ်အဲးစံၣ်,
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၆)ဒူပျၥ်ယၥ်ကီၢ်ရ့ၣ်, ကြုၢ်တုကီၢ်ဆၣ်ဟီၣ်ကဝီၤအပူၤ,သုးကီၣ်ကးခးလီၤကျိဖးဒိၣ်တ့ၢ်လီၤမ့ၣ်ပိၢ်ဒီးကဘီယူၤတဘျီဃီအဃိဝၣ်ကးသဝီကၠိတၢ်သူၣ်ထီၣ်(၁)ဖျၢၣ်,ဟံၣ်(၃)ဖျၢၣ်ဘၣ်ဟးဂီၤဝဲဒီးကမျၢၢ်လီၢ်ကဝီၤဖိဘၣ်ဒိဘၣ်ထံးဝဲ(၁)ဂၤအဂ့ၢ်,ဟီၣ်ကဝီၤပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ.
ဝၣ်ကၣ်သဝီအပူၤမဟါလါအ့ဖြ့ၣ်(၂၃)သီမုၢ်နၤခီ(၈)နၣ်ရံၣ်ဘျဲၣ်အဆၢကတီၢ်သုးကီၣ်ကးကဘီယူၤတ့ၢ်လီၤဝဲမ့ၣ်ပိၢ်(၃)ဖျၢၣ်ဒီးခးလီၤစ့ၢ်ကီးဝဲကျိဖးဒိၣ်(၂)ဖျၢၣ်အိၣ်ဝဲအဂ့ၢ်,သ့ၣ်ညါဘၣ်ဒ်လီၢ်ကဝီၤပှၤဘၣ်မူဘၣ်ဒါတဖၣ်စံးဝဲဒၣ်အသိးန့ၣ်လီၤ.
ဘၣ်ဃးဒီးသုးကီၣ်ကးကဘီယူၤတ့ၢ်လီၤမ့ၣ်ပိၢ်ဒီးခးလီၤဝဲကျိဖးဒိၣ်လၢဝၣ်ကးသဝီကဲထီၣ်သးအဖီခိၣ်,ကြုၢ်တုကီၢ်ဆၣ်ခိၣ်ပဒိၣ်မါကၠၣ်ညိၣ်စံးဘၣ်ခ့ၣ်အဲးစံၣ်ကညီတၢ်ကစီၣ်ဒ်အံၤန့ၣ်လီၤ.
“၀ၣ်ကးသဝီန့ၣ်မနၤန့ၣ်ကဘီယူၤတ့ၢ်လီၤမ့ၣ်ပိၢ်တၢ်သၢဖျၢၣ်,ခးလီၤကျိဖးဒိၣ်တခီ(၂)ဖျၢၣ်န့ၣ်လီၤ.ကဘီယူၤတ့ၢ်လီၤမ့ၣ်ပိၢ်ဒီးခးလီၤတၢ်အဖီခိၣ်လီၤတဲၥ်ဝဲဖဲလၢဝၣ်ကးတၢ်မၤလိဒီးကၠိသရၣ်မုၣ်ဝဲၤဒၢးတၢ်လီၢ်အပူၤအသိး,လီၤတဲၥ်လၢကျဲမုၢ်အဆဲလၥ်တဖၣ်န့ၣ်စ့ၢ်ကီးဘၣ်ဒိဝဲကမျၢၢ်ဟံၣ်(၃)ဖျၢၣ်ဃုၥ်ဒီးလီၢ်ကဝီၤပိၥ်ခွါလၢအအီၣ်မ့ၤဖဲဟံၣ်လီၢ်ခံအခါတဂၤန့ၣ်လီၤ”အဂ့ၢ်စံးဝဲဒၣ်န့ၣ်လီၤ.
ဝၣ်ကးသဝီကမျၢၢ်လီၢ်ကဝီၤဖိလၢအဘၣ်ဒိဝဲတဂၤအံၤမ့ၢ်ဝဲမီၤမိ,သးနံၣ်(၄၀)ဘျဲၣ်ဒီးခီဖျိဘၣ်ဒိဘၣ်ထံးဝဲဒီတဂၤအဃိ,တၢ်ဆှၢဝဲအီၤဆူဟီၣ်ကဝီၤအပူၤတၢ်ဆါဟံၣ်ဖဲအဘူးအဂ့ၢ်,ကြုၢ်တုကီၢ်ဆၣ်ပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ.
လၢန့ၣ်အမဲၥ်ညါမဟါသုးကီၣ်ကးခးကဘီယူၤတ့ၢ်လီၤမ့ၣ်ပိၢ်(၃)ဖျၢၣ်အကျါ,ပိၢ်ဖးထီၣ်ဝဲ(၂)ဖျၢၣ်ဒီးမ့ၣ်ပိၢ်လၢတပိၢ်ဖးထီၣ်ဒံးဘၣ်အိၣ်ဒံးဝဲဒၣ်(၁)ဖျၢၣ်ဒံးအဂ့ၢ်,ကြုၢ်တုကီၢ်ဆၣ်ပှၤဘၣ်မူဘၣ်ဒါတဖၣ်စံးဝဲဒၣ်စ့ၢ်ကီးန့ၣ်လီၤ.
တတကီၢ်ဃီ,ကီးတရံးဒီးကြုၢ်တုဝ့ၢ်ဟီၣ်ကဝီၤအပူၤတကီၢ်ခါခဲအံၤတၢ်ဒုးဆူၣ်ဝဲလၢသုးကီၣ်ကးဒီးတၢ်ပၢၢ်ဆၢသုးပၥ်ဖှိၣ်ကရူၢ်အဘၢၣ်စၢၤဒီးသုးကီၣ်ကးအံၤမၤဝဲကဘီယူၤတၢ်ဒုးပညိၣ်ခးလီၤဝဲကမျၢၢ်လီၢ်ကဝီၤဖိတဖၣ်အိၣ်ဝဲအဖီခိၣ်,စးထီၣ်ဖဲလါအ့ဖြ့ၣ်(၁၅)သီတုၤလၢတုၤလၢအသီ(၂၄)သီအနံၤအပူၤကမျၢၢ်လီၢ်ကဝီၤဖိဘၣ်ဒိဘၣ်ထံးအိၣ်ဝဲအဂၤ(၄၀)ဘျဲၣ်လံဒီးဘၣ်သံဝဲအဂၤ(၂၀)ဘျဲၣ်လံအဂ့ၢ်သ့ၣ်ညါဘၣ်န့ၣ်လီၤ.
ဒ်န့ၣ်အသိး,ဝၣ်ကးသဝီတၢ်မၤလိကၠိလၢသုးကီၣ်ကးလဲၤတ့ၢ်လီၤဝဲမ့ၣ်ပိၢ်အံၤအပူၤကွံၥ်တၢ်ပၥ်ဝဲပှၤဃ့ၢ်တၢ်ဒုးလီၢ်အိၣ်ကမှံဖိအိၣ်ဝဲဘၣ်ဆၣ်,ဟီၣ်ကဝီၤပူၤတၢ်ဒုးဆူၣ်ထီၣ်ဒီးသုးကီၣ်ကးပညိၣ်ခးလီၤဝဲတၢ်လၢကၠိ,သီခါဖၠၣ်,တၢ်ဆါဟံၣ်တၢ်လီၢ်တဖၣ်အပူၤအိၣ်ဝဲအဖီခိၣ်တၢ်သုးကွံၥ်ဆိလီၢ်အိၣ်ကမှံဖိတဖၣ်လီၢ်ကျဲဒီးဒူသဝီဖိတဖၣ်စ့ၢ်ကီးဃ့ၢ်ထီၣ်အိၣ်ကဒုဆိဝဲအသးအဂ့ၢ်,သ့ၣ်ညါဘၣ်ဒ်ဟီၣ်ကဝီၤပှၤဘၣ်မူဘၣ်ဒါတဖၣ်စံးဝဲအသိးန့ၣ်လီၤ.
လါအ့ဖြ့ၣ် ၂၄သီ, ၂၀၂၅နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,ဘျံးဒဝဲၢ်ကီၢ်ရ့ၣ်,သုးက့(၄),ထံမိၢ်ပှၢ်ဟီၣ်ကဝီၤလီၤဆီအပူၤ စးထီၣ်လၢ လါအ့ဖြ့ၣ် ၁၂သီအနံၤတုၤအသီ(၂၀)အနံၤန့ၣ် ခီဖျိသုးကီၣ်ကးအကလံၤကျါတၢ်ဒုးအဃိ သဝီ(၆)ဖျၢၣ်အပူၤကမျၢၢ်သ့ၣ်တဖၣ်ဘၣ်ဃ့ၢ်ပဒ့ၣ်သးအဂ့ၢ် သ့ၣ်ညါဘၣ်လၢ ဘျံးဒဝဲၢ်ကီၢ်ရ့ၣ် ကီၢ်ပူၤကညီပှၤလီၢ်အိၣ်ကမှံဖိကမံးတံၥ်အပှၤဘၣ်မူဘၣ်ဒါအအိၣ်န့ၣ်လီၤ.
ကမျၢၢ်ဖိသ့ၣ်တဖၣ်အံၤခီဖျိတၢ်သုးသဒၢစိအဝဲသ့ၣ်အလီၢ်အကျဲအဃိ ပှၤကညီတၢ်ဘၣ်ဒိဘၣ်ထံးတအိၣ်ဘၣ်,ဘၣ်ဆၣ် ဒူသဝီပူၤဟံၣ်ဃီဒီးတၢ်ဘူၣ်တၢ်ဘါလီၢ်တနီၤတၢ်ဘၣ်ဒိဘၣ်ထံးအိၣ်ဝဲဒၣ်အဂ့ၢ် ဘျံးဒဝဲၢ်ကီၢ်ရ့ၣ် ကီၢ်ပူၤကညီပှၤလီၢ်အိၣ်ကမှံဖိကမံးတံၥ်အပှၤပၢၤလီၢ်ဆ့ၣ်နီၤ သရၣ်ဘိၣ်ဘိၣ်ခ့ၣ်မီၣ် စံးဘၣ်ဝဲခ့ၣ်အဲးစံၣ်ကညီတၢ်ကစီၣ်ဒ်အံၤန့ၣ်လီၤ.
အဝဲစံးဝဲဒၣ်လၢ“စးထီၣ်လၢ လါအ့ဖြ့ၣ် (၁၂)သီ တုၤအသီ(၂၀)အနံၤန့ၣ် ပယီၤသုးကဘီယူၤဟဲခးလီၤတၢ်ကိးနံၤဒဲးလီၤ. ဘၣ်ဆၣ်ကမျၢၢ်သ့ၣ်တဖၣ်န့ၣ်ခီဖျိတၢ်သုးသဒၢကွံၥ်အလီၢ်လၢအမဲၥ်ညါတနွံလံအဃိန့ၣ် ကမျၢၢ်တၢ်ဘၣ်ဒိဘၣ်ထံးတအိၣ်ဘၣ်.မ့မ့ၢ်လၢထံထၣ်ဒီးအမျၢ်သဝီန့ၣ်တၢ်ဘၣ်ဒိဘၣ်ထံးအိၣ်လၢတၢ်သူၣ်ထီၣ်ဒ်အမ့ၢ် သီခါဖၠၣ်,တၢ်ဘါယွၤသရိၥ်ဒီးဟံၣ်ဃီသ့ၣ်တဖၣ်န့ၣ်အိၣ်ဝဲဒၣ်န့ၣ်လီၤ.မ့မ့ၢ်ပှၤကညီတၢ်ဘၣ်ဒိဘၣ်ထံးတအိၣ်ဘၣ်.”အဂ့ၢ်စံးဝဲဒၣ်န့ၣ်လီၤ.
တကတီၢ်ဃီ သဝီ(၆)ဖျၢၣ်လၢကမျၢၢ်ဘၣ်ဃ့ၢ်ပဒ့ၣ်သးသ့ၣ်တဖၣ်န့ၣ်မ့ၢ်ဝဲ အမိၤ,ထံထၣ်,ကၣ်တြၥ်ခံ,ထံခံ,အမျၢ်,အမျၢ်ထၣ်ဒီးနီၢ်တမှံၤသဝီစ့ၢ်ကီးဘၣ်အိၣ်လၢတၢ်ပလီၢ်သူၣ်ပလီၢ်သးအပူၤအဂ့ၢ်ဒီးအခဲအံၤတၢ်ထီၣ်မၤန့ၢ်ထံထၣ်ပယီၤသုးကလၢၤဘၣ်ဆၣ် ခီဖျိထံခံပယီၤသုးကလၢၤအိၣ်ဒံးအဖီခိၣ် ကဘီယူၤတၢ်လီၤဘၣ်ယိၣ်အိၣ်ဒံးအဃိ ကမျၢၢ်ဖိသ့ၣ်တဖၣ်အံၤက့ၤအိၣ်က့ၤဆိးလၢဒူသဝီတဘူၣ်ဒံးဘၣ်အဂ့ၢ် သ့ၣ်ညါဘၣ်ဒ်ကီၢ်ရ့ၣ်အပှၤဘၣ်မူၣ်ဘၣ်ဒါစံးဝဲဒၣ်အသိးန့ၣ်လီၤ.
ဒ်န့ၣ်အသိး ကမျၢၢ်သ့ၣ်တဖၣ်အံၤ ခီဖျိတၢ်သုးသဒၢအလီၢ်ဒီးအဝဲသ့ၣ်ပူၤဖျဲးဒီးတၢ်လီၤဘၣ်ယိၣ်ဘၣ်ဆၣ် ခီဖျိဘၣ်သုးလီၢ်သုးကျဲဒ်အံၤအဖီခိၣ်စိၥ်ဃုၥ်ဝဲတၢ်အီၣ်တၢ်အီတန့ၢ်ကူကူလၢလၢဘၣ်အဃိတၢ်ကီတၢ်ခဲအိၣ်ဝဲဒၣ်လၢအဝဲသ့ၣ်ဂီၢ်အဂ့ၢ် ကီၢ်ရ့ၣ်အပှၤဘၣ်မူဘၣ်ဒါစံးဝဲဒၣ်စ့ၢ်ကီးန့ၣ်လီၤ.
တကီၢ်ခါခဲအံၤန့ၣ် ဘျံးဒဝဲၢ်ကီၢ်ရ့ၣ် ဟီၣ်ကဝီၤ မိတီၤကီၢ်ဆၢဆူ တနီသရံး...
လါအ့ဖြ့ၣ် ၂၄, ၂၀၂၅နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,ဒူပျၥ်ယၥ်ကီၢ်ရ့ၣ် ကီးတရံးဒီးကြုၢ်တုကီၢ်ဆၣ် ဟီၣ်ကဝီၤ တၢ်ဒုးတၢ်ယၤအဃိ ကြၢ်တုကီၢ်ဆၣ်ပူၤ ကီးဝၣ်လဲၤသဝီဖိလၢ ဘၣ်ဃ့ၢ်အိၣ်ကဒုလၢသဝီအဂၤသ့ၣ်တဖၣ်အကျါတဂၤ ခီဖျိကလံၤတၢ်ဆါအဃိသံဝဲဖဲဃ့ၢ်တၢ်ဒုးအဆၢကတီၢ်အဂ့ၢ် သ့ၣ်ညါဘၣ်လၢလီၢ်ကဝီၤကမျၢၢ်အိၣ်န့ၣ်လီၤ.
ကီးဝၣ်လဲၤသဝီ ကမျၢၢ်သ့ၣ်တဖၣ်အံၤစးထီၣ်ဟဲဃ့ၢ်အိၣ်ကဒုဝဲဖဲ လါအ့ဖြ့ၣ်(၁၇)သီအနံၤဒီးအကျါတဂၤန့ၣ် ခီဖျိတူၢ်ဘၣ်ပၥ်ဝဲကလံၤတၢ်ဆါဒီးအသးနံၣ်ပှၢ်အဃိဖဲ လါအ့ဖြ့ၣ်(၂၂)သီအနံၤန့ၣ် သံဝဲဒၣ်အဂ့ၢ်ကြုၢ်တုကီၢ်ဆၣ်လီၢ်ကဝီၤကမျၢၢ်တဂၤစံးဝဲဒ်အံၤန့ၣ်လီၤ.
အဝဲစံးဝဲလၢ“ဖုသးပှၢ်ဝဲန့ၣ်အသးနံၣ်အိၣ်(၈၁)နံၣ်လံန့ၣ်လီၤ.အဝဲမ့ၢ်ပှၤတဂၤလၢတူၢ်ဘၣ်ပၥ်ဝဲကလံၤဘၣ်တၢ်ဆါန့ၣ်လီၤ.ဖဲတၢ်ဒုးကဲထီၣ်ဒီးပှၤဃ့ၢ်ထီၣ်အခါန့ၣ်အဖိမါတအဲၣ်ဒိးဃ့ၢ်ဘၣ်.ဘၣ်ဆၣ်အဝဲတဲလၢအသံဖဲအသဝီတဘူၣ်ဘၣ်အဃိန့ၣ်အဖိအမါဃ့ၢ်စၢၤအီၤဒီးဖဲလါအ့ဖြ့ၣ်(၁၇)သီအနံၤန့ၣ်အဝဲသ့ၣ်ဟဲတုၤဖဲအံၤဒီးဖဲ(၂၂)သီအနံၤန့ၣ်အဝဲလဲၤထီၣ်တၢ်ဟးလီၢ်ဝံၤဟဲက့ၤအခါအလီၤဃံၢ်ဝံၤ,သးပ့ၤနီၣ်သးဒီးသံဝဲတဘျီဃီဖဲန့ၣ် န့ၣ်လီၤ.အခဲအံၤတၢ်မၤဂ့ၤမၤဘၣ်အီၤဝံလံအဂ့ၢ်”အဂ့ၢ်စံးဝဲဒၣ်န့ၣ်လီၤ.
လၢန့ၣ်အမဲၥ်ညါ ကြုၢ်တုဒီးကီးတရံး တၢ်ဒုးတၢ်ယၤအဃိ တကီၢ်ခါခဲအံၤန့ၣ်လီၢ်ကဝီၤကမျၢၢ်လၢဘၣ်ဟဲအိၣ်ကဒုဖဲ အဝဲသ့ၣ်သဝီန့ၣ်အိၣ်လၢ(၃၀၀)ဘျဲၣ်လံဒီးဟဲအါထီၣ်ဒံးဝဲအိၣ်အဖၢမုၢ်အဂ့ၢ်,ဒီးပှၤသ့ၣ်တဖၣ်အံၤအကျါ,ပှၤလၢအတူၢ်ဘၣ်တၢ်ဆါထီရီၤဒ်အမ့ၢ် ဆံၣ်ဆၢတၢ်ဆါသ့ၣ်တဖၣ်န့ၣ်လိၣ်ဘၣ်ဝဲဒၣ်ကသံၣ်ကသီအဂ့ၢ် ကြုၢ်တုလီၢ်ကဝီၤကမျၢၢ်တဂၤဃီဝဲန့ၣ်တဲအါထီၣ်ဝဲဒၣ်စ့ၢ်ကီးန့ၣ်လီၤ.
တကတီၢ်ဃီ ကြုၢ်တုဝ့ၢ်ဟီၣ်ကဝီၤအံၤခီဖျိတၢ်ဒုးတၢ်ယၤကဲထီၣ်ဒီးသုးကီၣ်ကးခးလီၤကျိးဖးဒိၣ်,ဟဲခးလီၤတၢ်,တ့ၢ်လီၤမ့ၣ်ပိၢ်ဒီးကဘီယူၤအဃိ ကမျၢၢ်ဘၣ်သံတစှၤန့ၢ်အဂၤ(၂၀)အသိး,သဝီကရူၢ်(၉)ဖျၢၣ်,ပှၤနီၣ်ဂံၢ်(၃၀၀၀၀)ဘျဲၣ်ဘၣ်ဃ့ၢ်ပဒ့ၣ်သးအဂ့ၢ် သ့ၣ်ညါဘၣ်လၢကြုၢ်တုကီၢ်ဆၣ်အပှၤဘၣ်မူဘၣ်ဒါအအိၣ်န့ၣ်လီၤ.
တကီၢ်ခါခဲအံၤန့ၣ်ကြုၢ်တုဒီးကီးတရံး အဘၢၣ်စၢၤအ့ရှၢၣ်ကျဲမုၢ်ဒီတဘိ တၢ်ဒုးတၢ်ယၤကဲထီၣ်ဝဲဒၣ်လၢ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် (KNLA)သုးပၥ်ဖှိၣ်ဒီးသုးကီၣ်ကးအဘၢၣ်စၢၤအဖၢမုၢ်အိၣ်ဝဲအသိး သုးကီၣ်ကးသူဝဲဒၣ်ကျိဖးဒိၣ်,ကဘီယူၤအဃိ လီၢ်ကဝီၤကမျၢၢ်(၅၀၀၀၀)ဘျဲၣ်လိၣ်ဝဲဒၣ်ဂ့ၢ်ဂီၢ်အူပှၤဂ့ၢ်ဝီတၢ်ဆီၣ်ထွဲမၤစၢၤအဂ့ၢ် ဂံၢ်ခီၣ်ထံးတၢ်ကရၢကရိလၢအမၤစၢၤပှၤလီၢ်အိၣ်ကမှံဖိအပှၤဘၣ်မူဘၣ်ဒါစံးဝဲဒၣ်အသိး သ့ၣ်ညါဘၣ်န့ၣ်လီၤ.
လါအ့ဖြ့ၣ် ၂၃သီ, ၂၀၂၅နံၣ်, ခ့ၣ်အဲးစံၣ်,
ကီၢ်ကၠီၣ်တဲၣ်,ကံၢ်မဲဝ့ၢ်(CanelRoad)ကျဲတၢ်သမံသမိးတၢ်အိၣ်ခိးတြဲၤအပူၤကၠီၣ်တဲၣ်ပၢၤကီၢ်ပှၤဘၣ်မူဘၣ်ဒါတဖၣ်ဖီၣ်ချူးဝဲကျိချံပှၥ်သၣ်စုကဝဲၤတၢ်ပီးတၢ်လီတဖၣ်အဖီခိၣ်,ဘၣ်ဃးဒီးတၢ်ဖီၣ်န့ၢ်ဝဲစုကဝဲၤကျိချံပှၥ်သၣ်ဒီးတၢ်ပီးတၢ်လီတဖၣ်အတၢ်ဂ့ၢ်အံၤတဘၣ်ဃး(KNU)ဘၣ်အဂ့ၢ်,ကညီဒီကလုၥ်ဂၢၤသးကရၢ(KNDO)ပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ.
မဟါလါအ့ဖြ့ၣ်(၂၂)သီမုၢ်ဃ့ၢ်လီၤအဆၢကတီၢ်,ကၠီၣ်တဲၣ်ပၢၤကီၢ်ပှၤဘၣ်မူဘၣ်ဒါတဖၣ်ဖီၣ်ချူးဝဲကျိချံပှၥ်သၣ်လၢ(တိယိၣ်တၣ်)သိလ့ၣ်အသူတခိၣ်,လၢကၠီၣ်တဲၣ်ထံဖိကီၢ်ဖိ(၂)ဂၤဒိးဝဲဒီးကျိချံပှၥ်သၣ်လၢတၢ်ဖီၣ်ချူးဝဲသ့ၣ်တဖၣ်အံၤတၢ်ကဆှၢဝဲဆူကညီဒီကလုၥ်စၢဖှိၣ်ကရၢ(KNU)အစုပူၤအဂ့ၢ်,(ThaiPBS)ကၠီၣ်တဲၣ်တၢ်ကစီၣ်သန့ပၥ်ဖျါဝဲဒၣ်န့ၣ်လီၤ.
လၢတၢ်န့ၣ်အဃိ,ဘၣ်ဃးဒီးတၢ်ဖီၣ်ချူးဝဲစုကဝဲၤသ့ၣ်တဖၣ်အံၤအဖီခိၣ်,(KNDO)သုးရိၢ်မဲခိၣ်ကျၢၢ်(သုးခိၣ်ကျၢၢ်ဖိစီၤရှံလ့ၣ်)စံးဝဲဒၣ်ဒ်အံၤန့ၣ်လီၤ.
“ခ့ၣ်အဲၣ်ယူၣ်ဒုတၢ်ဒုးတၢ်ယၤအဖီခိၣ်,ကဘၣ်ကွၢ်ဆၢၣ်မဲၥ်ဒီးဒုၣ်ဒါအဖီခိၣ်စုကဝဲၤကျိချံပှၥ်သၣ်တၢ်လိၣ်ဘၣ်အဖီခိၣ်ပှၤကဟဲမၤစၢၤဒီးဟဲဆါလၢဖိးမံသဲစးတအိၣ်ဘၣ်.နါက့ပှၤမ့ဃုကျဲဟဲစိၥ်ဆါန့ၢ်ပှၤဒုပပှ့ၤလီၤ.မ့မ့ၢ်လၢပကဘၣ်လဲၤနုၥ်လီၤပှ့ၤလၢပှၤထံပှၤကီၢ်ပူၤတခီန့ၣ်တအိၣ်ဘၣ်.ပလဲၤတဖျိက့ၤတဖျိဘၣ်.အဃိန့ၣ်ပှၤလၢတၢ်ဖီၣ်ချူးတဖၣ်အံၤတခီန့ၣ်ကမ့ၢ်ဒၣ်ကဆှၢဝဲတၢ်သ့ၣ်တဖၣ်အံၤဆူထံဆၢကီၢ်ဆၢလီၤ.ဘၣ်သ့ၣ်သ့ၣ်လၢခ့ၣ်အဲၣ်ယူၣ်အိၣ်သ့ဒီးကရံၣ်နံၣ်အိၣ်စ့ၢ်ကီးသ့ဝဲလီၤ.မ့ၢ်ဟဲစိၥ်ဆါန့ၢ်ပှၤဒုပပှ့ၤအီၤန့ၣ်အိၣ်ဝဲဒၣ်န့ၣ်လီၤ.”အဂ့ၢ်စံးဝဲဒၣ်န့ၣ်လီၤ.
တကတီၢ်ဃီ,ကၠီၣ်တဲၣ်ထံဖိကီၢ်ဖိလၢတၢ်ဖီၣ်ချူးဝဲ(၂)ဂၤအံၤဒ်ပၢၤကီၢ်တၢ်သမံသမိးအသိးစံးဝဲလၢဒိးန့ၢ်ဘၣ်ဝဲတၢ်ဝံစိၥ်တီဆှၢအလဲလၢစ့ယိၤ(၈)ကထိဘးတုၤ(၉)ကထိဘးအဘၢၣ်စၢၤအိၣ်ဝဲအဂ့ၢ်,သ့ၣ်ညါဘၣ်ဒ်ကၠီၣ်တဲၣ်တၢ်ကစီၣ်သန့တဖၣ်ပၥ်ဖျါဝဲဒၣ်န့ၣ်လီၤ.
ဒ်န့ၣ်အသိး,တၢ်ဆှၢဝဲစုကဝဲၤအံၤမ့ၢ်ဝဲ(၃)ဘျီတဘျီဒီးကျိချံပှၥ်သၣ်ဒီးစုကဝဲၤလၢကၠီၣ်တဲၣ်ပၢၤကီၢ်ဖီၣ်န့ၢ်ဝဲဖဲကံၢ်မဲသ့ၣ်တဖၣ်အံၤမ့ၢ်ဝဲ,(၅.၅၆မမ)(M16)ရဲၣ်ဖၢၣ်,ကျိဆၣ်ဒၢအခိၣ်(၁၀)ဃုၥ်ဒီး(M79)လီၣ်ခၠၣ်(၁၄)ခိၣ်အဂ့ၢ်,သ့ၣ်ညါဘၣ်ဒ်ကၠီၣ်တဲၣ်တၢ်ကစီၣ်သန့တဖၣ်ပၥ်ဖျါဝဲဒၣ်အသိးန့ၣ်လီၤ.
လါအ့ဖြ့ၣ် ၂၃ သီ, ၂၀၂၅ နံၣ်, ခ့ၣ်အဲးစံၣ်
တၢ်ပတုၥ်တၢ်ခးတစိၢ်တလီၢ်လၢသုးကီၣ်ကးဘိးဘၣ်ရၤလီၤ၀ဲလၢအမုၢ်နံၤမုၢ်သီလၢၥ်၀ဲဖဲမဟါလါအ့ဖြ့ၣ် ၂၂ သီအနံၤန့ၣ် ကမၤအါထီၣ်ကဒီး၀ဲလၢတုၤလၢလါလၢၥ် ၃၀ သီ လၢ(၈)သီအတီၢ်ပူၤအဂ့ၢ်န့ၣ် သုးကီၣ်ကးထုးထီၣ်ဘိးဘၣ်ရၤလီၤ၀ဲဖဲမဟါအနံၤ န့ၣ်လီၤ.
လၢတၢ်ကဆဲးတိစၢၤမၤစၢၤဟီၣ်ခိၣ်ဟူးပှၤဘၣ်ကီဘၣ်ခဲဖိဒီးတၢ်ကက့ၤသူၣ်ထီၣ်ဆီလီၤက့ၤအိၣ်ဆိးလီၢ်ကျဲအဂီၢ် ဖဲမဟါလါအ့ဖြ့ၣ် ၂၂ သီအနံၤန့ၣ် သုးကီၣ်ကးဘိးဘၣ်ရၤလီၤ၀ဲလၢကမၤအါထီၣ်ကဒီးတၢ်ပတုၥ်တၢ်ခးမုၢ်နံၤမုၢ်သီစးထီၣ်တနံၤအံၤ ၂၃ သီတုၤ လၢ လါအ့ဖြ့ၣ်လၢၥ် ၃၀ သီ အံၤန့ၣ်လီၤ.
လၢတၢ်န့ၣ်အဃိဖဲတၢ်ပတုၥ်တၢ်ခးအတီၢ်ပူၤအံၤ ကလုၥ်ဒူၣ်ဖီၣ်စုက၀ဲၤဒီးဖီၣ်စုက၀ဲၤကရူၢ်ကရၢလၢအဂၤတဖၣ် တဘၣ်မၤတံၥ်တၥ် ကျဲလၢကမျၢၢ်သူ၀ဲတဖၣ်ဘၣ်ဒီးတဘၣ်မၤဟးဂီၤကမျၢၢ်အတၢ်စုလီၢ်ခိၣ်ခိၣ်ဘၣ်အမဲညါတဘၣ်ထီၣ်ခးအ၀ဲသ့ၣ်သုးကလၢၤ,အသုး၀ဲၤလီၢ်ခိၣ်သ့ၣ်တၢ်လီၢ်တဖၣ်ဘၣ်ဒီးတဘၣ်အိၣ်ကတဲၤကတီၤထုးဖှိၣ်သုးဂံၢ်ဘါဘၣ်အဂ့ၢ် သုးမီၤစိရိၤလံၥ်တၢ်ပၥ်ဖျါအပူၤ စံး၀ဲန့ၣ် လီၤ.
တကးဒံးဘၣ်တၢ်ဂ့ၢ်လၢအ၀ဲသ့ၣ်ထုးထီၣ်ဃၥ်၀ဲလၢလံၥ်ပၥ်ဖျါအပူၤအံၤတဖၣ် တၢ်မ့တလူၤပိၥ်မၤထွဲမၤ၀ဲဘၣ်န့ၣ် ကက့ၤခီၣ်ဆၢကဒါ၀ဲအဂ့ၢ်န့ၣ် သုးကီၣ်ကးစံး၀ဲန့ၣ်လီၤ.
ဘၣ်ဃးသုးကီၣ်ကးဘိးဘၣ်ရၤလီၤလၢကမၤအါထီၣ်ကဒီးတၢ်ပတုၥ်တၢ်ခးမုၢ်နံၤမုၢ်သီအဖီခိၣ်အံၤန့ၣ် (သုးက့ ၁) သုးက့ခိၣ် သုးခိၣ်ကျၢၢ်ဖိ...