ခ့ၣ်အဲးစံၣ် – KIC News

လါဒံၣ်စ့ဘၢၣ် ၈ သီ, ၂၀၂၁ နံၣ်, ခ့ၣ်အဲးစံၣ် ဖဲတနံၤအံၤလါဒံၣ်စ့ဘၢၣ် ၈ သီ ဂီၤခီအဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၅) လဲၤခး၀ဲပယီၤသုးမီၤစိရိၤဖဲဖၣ်ပူၣ်ဟီၣ်က၀ီၤထွံၣ်သံအုၣ်တၢ်လီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲတနံၤအံၤ ဂီၤခီ(၇း၂၅)မံးနံးအဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၅)အပှၤလဲၤခးပယီၤသုးတဖုဖဲဖၣ်ပူၣ်ဟီၣ်က၀ီၤပူၤထွံၣ်သံအုၣ်တၢ်လီၢ်ဒီးပယီၤသုးအၦၤသံဘၣ်ဒိဘၣ်ထံးအိၣ်၀ဲအဂ့ၢ်န့ၣ် ခ့ၣ်အဲၣ်ယူၣ်မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲဖဲတနံၤအံၤန့ၣ်လီၤႉ ဒ်န့ၣ်အသိးဖဲမဟါလါဒံၣ်စ့ဘၢၣ် ၇ သီ ဟါခီ(၅း၃၀)ဃၣ်ဃၣ်အဆၢကတီၢ်စ့ၢ်ကီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)အၦၤနုာ်လီၤခးကဒီးပယီၤသုးလၢအအိၣ်ဖဲထွံၣ်သံအုၣ်ဒီး(၂၁)တၢၣ်အဘၢၣ်စၢၤတဘျီအသိး ဖဲတၢ်တနံၤဃီ၀ဲန့ၣ်ဟါခီ(၆)ဃၣ်ဃၣ်အဆၢကတီၢ် နုာ်လီၤခးကဒီး၀ဲပယီၤသုးဖဲဃီၤကျါသ၀ီတဘျီကဒီးအဂ့ၢ်န့ၣ် အဂ့ၢ်န့ၣ် KNU မုၢ်တြီၢ်တၢ်ကစီၣ်ပာ်ဖျါ၀ဲန့ၣ်လီၤႉ တၢ်ဒုးကဲထီၣ်ခံဘျီလၢာ်အတီၢ်ပူၤပယီၤသုးသံဘၣ်ဒိဘၣ်ထံးအိၣ်၀ဲဘၣ်ဆၣ်...

လါဒံၣ်စ့ဘၢၣ် ၈ သီႇ ၂၀၂၁ နံၣ်ႇ ခ့ၣ်အဲးစံၣ် သုးမီၤစိရိၤဘိးဘၣ်ရၤလီၤ၀ဲလၢကပတုာ်ဃာ်တၢ်ဒုးလၢ(၅)လါအတီၢ်ပူၤဘၣ်ဆၣ် လၢ(၂)လါအတီၢ်ပူၤတၢ်ဒုးကဲထီၣ်၀ဲဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ပာ်ဖှိၣ်ခဲလၢာ်အဘျီ(၄၀၀)ဘျဲၣ် ဖဲန့ၣ်ပယီၤသုးဒီးသုးခိးကီၢ်ဆၢ(BGF)သုးသံ၀ဲအဂၤ(၄၀၀)ဘျဲၣ်အဂ့ၢ်န့ၣ် KNU ကိးလါဒဲးတၢ်ထုးထီၣ်ပာ်ဖျါစရီအသိးသ့ၣ်ညါဘၣ်န့ၣ်လီၤႉ သုးမီၤစိရိၤဘိးဘၣ်ရၤလီၤ၀ဲလၢကဆိကတီၢ်ဃာ်တၢ်ဒုးစးထီၣ်ဖဲ(၂၀၂၁)နံၣ် လါအီးကထိဘၢၣ် ၁ သီတုၤလၢ(၂၀၂၂)နံၣ် လါဖ့ၤ-ဘူၤအါရံၤလၢာ်ဘၣ်ဆၣ်သနါက့ ဖဲလါအီးကထိဘၢၣ်တလါအတီၢ်ပူၤ လၢ(KNU)တၢ်ပၢဟီၣ်က၀ီၤသုးက့(၅)ဘ့ၣ်အပူၤတၢ်ဒုးကဲထီၣ်၀ဲ(၂၇၅)ဘျီဒီး မ့မ့ၢ်လါနိၣ်၀့ဘၢၣ်န့ၣ်တၢ်ဒုးကဲထီၣ်(၂၀၆)ဘျီ တၢ်ဒုးကဲထီၣ်ပာ်ဖှိၣ်ခဲလၢာ်(၄၈၁)ဘျီန့ၣ်လီၤႉ တၢ်ဒုးကဲထီၣ်(၄၈၁)ဘျီအံၤ လါအီးကထိဘၢၣ်အတီၢ်ပူၤပယီၤသုးသံ၀ဲ(၂၇၁)ဂၤႇဘၣ်ဒိ(၂၆၆)ဂၤဒီး မ့မ့ၢ်လါနိၣ်၀့ဘၢၣ်န့ၣ်ပယီၤသုးသံ၀ဲ(၁၉၀)ဂၤႇဘၣ်ဒိ(၁၅၉)ဂၤအဂ့ၢ်န့ၣ် ခ့ၣ်အဲၣ်ယူၣ်ထုးထီၣ်ပာ်ဖျါ၀ဲန့ၣ်လီၤႉ တၢ်ဒုးကဲထီၣ်လၢခံလါအတီၢ်ပူၤပယီၤသုးဒီး(BGF)သံဘၣ်ဒိဘၣ်ထံးအကျါပၣ်ဃုာ်၀ဲသုးရ့ၣ်ခိၣ်(၂)ဂၤႇသုးရ့ၣ်ခိၣ်-၂ တဂၤႇသုးခိၣ်စိ(၆)ဂၤႇသုးဒ့ခိၣ်(၁)ဂၤႇသုးခိၣ်ဒိၣ်ဖိ(၁)ဂၤႇသုးခိၣ်(၂)ဂၤႇသုးစကီၤ(၂)ဂၤန့ၣ်လီၤႉ မ့မ့ၢ်(KNU)စုဒုၣ်တီၤအဖီလာ်ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီးကညီဂၢၤသးကရၢ(KNDO)တကပၤသံ၀ဲ(၉)ဂၤႇဘၣ်ဒိ(၃၀)ဂၤန့ၣ်လီၤႉ တကီၢ်ခါခဲအံၤပယီၤသုးဒီး(KNU)အဘၢၣ်စၢၤတၢ်ခးလိာ်သးကဲထီၣ်၀ဲဖဲ...

လါဒံၣ်စ့ဘၢၣ် ၇ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိပယီၤသုးစုဒုၣ်တီၤအဖီလာ်သုးခိးကီၢ်ဆၢ(BGF)သုးဟူးဂဲၤဟဲအါထီၣ်လၢ KNU-ကညီဒီကလုာ်စၢဖှိၣ်ကရၢ သုးက့(၁)တၢ်ပၢဟီၣ်က၀ီၤဒူသထူၣ်ကီၢ်ရ့ၣ် ဖၣ်အၣ်ကီၢ်ဆၣ်ပူၤအဃိ လၢကမျၢၢ်တၢ်ဟးထီၣ်ဟးလီၤအဖီခိၣ် KNU ဖၣ်အၣ်ကီၢ်ဆၣ် ထုးထီၣ်၀ဲလံာ်ဟ့ၣ်ပလီၢ်တဘ့ၣ်ဖဲတလါအံၤလါဒံၣ်စ့ဘၢၣ် ၁ သီအနံၤန့ၣ်လီၤႉ ခီဖျိသုးခိးကီၢ်ဆၢ(BGF)လၢအဟဲအိၣ်ဆီလီၤသးဖဲဃိၣ်လိာ်ကျိမုၢ်နုာ်ဖၣ်အၣ်ကီၢ်ဆၣ်ပူၤတဖၣ်ဟူးဂဲၤဟဲအါထီၣ်အဃိ KNU ဖၣ်အၣ်ကီၢ်ဆၣ်ပၢဆှၢတၢ်ခၢၣ်စးနဲၣ်ရွဲၣ်စီၤန့ၢ်ထူဆဲးလီၤစုပနီၣ်ထုးထီၣ်ဒုး သ့ၣ်ညါကမျၢၢ်ထံဖိကီၢ်ဖိတဖၣ်လၢ ကဘၣ်ဟးထီၣ်က့ၤလီၤစးထီၣ်ဖဲဂီၤခီ ၆ နၣ်ရံၣ်တုၤလၢဟါခီ ၆ နၣ်ရံၣ်လီၤဒီးတၢ်တဘၣ်ဟးထီၣ်က့ၤလီၤတလၢတၢ်ပာ်ပနီၣ်တၢ်ဆၢကတီၢ်ဘၣ်န့ၣ်လီၤႉ KNU...

လါဒံၣ်စ့ဘၢၣ် ၇ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါလါဒံၣ်စ့ဘၢၣ် ၆ သီ ဟါခီ ၆ နၣ်ရံၣ်ဘျဲၣ်အဆၢကတီၢ် မ့ၣ်ပိၢ်ပိၢ်ဖးထီၣ်တပယူာ်ဃီလၢကညီကီၢ်စဲၣ် ဖၣ်အၣ်၀့ၢ်က၀ီၤဒ့(၅)ပူၤဒီး ဖဲန့ၣ်ကမျၢၢ်တဂၤဘၣ်ဒိ၀ဲတဆံးတက့ၢ်အဂ့ၢ်န့ၣ် ဖၣ်အၣ်လီၢ်က၀ီၤဖိတဂၤပာ်ဂၢၢ်ပာ်ကျၢၤစံး၀ဲန့ၣ်လီၤႉ တၢ်ကဲထီၣ်သးန့ၣ်ဖဲဖၣ်အၣ်၀့ၢ်က၀ီၤဒ့(၅)ဖၠၣ်စိမိၤကျဲႇဘၣ်ဖဲၦၤတဂၤဆၢထၢၣ်ဖဲဆဲးကဲးကပၤအခါန့ၣ် ၦၤခံဂၤဟဲဒိး၀ဲဒီးဆဲးကဲးကွံာ်လီၤ၀ဲတၢ်ဘိၣ်တဘိၣ်ဒီး ၦၤလၢအဆၢထၢၣ်ဖဲဆဲးကဲးကပၤတဂၤအံၤထူဖျိးကွံာ်၀ဲအခါမ့ၣ်ပိၢ်ဖးထီၣ်၀ဲအဂ့ၢ်န့ၣ် ဖၣ်အၣ်၀့ၢ်ဖိတဂၤစံး၀ဲဒ်အံၤန့ၣ်လီၤႉ “ဖဲန့ၣ်ကျးကၣ်ဆါတၢ်ညၣ်အိၣ်တဖျၢၣ်လီၤႉ ဆဲးကဲတခိၣ်အိၣ်ပတုာ်၀ဲဖဲကျးတဖျၢၣ်န့ၣ်အကပၤႇဖဲဆဲးကဲးကပၤန့ၣ်အိၣ်၀ဲဒီးၦၤတဂၤလီၤႉ ၦၤတဂၤအံၤထံၣ်၀ဲလၢၦၤဟဲကွံာ်လီၤမ့ၣ်ပိၢ်တဖျၢၣ်အဃိ အ၀ဲလဲၤကရီထူးဖျိးကွံာ်၀ဲလီၤႉ မ့ၣ်ပိၢ်ပိၢ်ဖးထီၣ်အခါန့ၣ်အခီၣ်ဘၣ်ဒိတစဲးလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ၦၤလၢအဟဲကွံာ်လီၤမ့ၣ်ပိၢ်တဖၣ်ဟဲသိး၀ဲဒီးကမျၢၢ်ကူကၤႇစိာ်ဃုာ်စ့ၢ်ကီးဒီးကျိ၀ံၤကွံာ်စိဃီၤ၀ဲမ့ၣ်ပိၢ်အဂ့ၢ်ႇ...

လါဒံၣ်စ့ဘၢၣ် ၃ သီႇ ၂၀၂၁ နံၣ်ႇ ခ့ၣ််အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ဟီၣ်က၀ီၤအပူၤ တလါအတီၢ်ပူၤတၢ်ဒုးကဲထီၣ်ပာ်ဖှိၣ်အိၣ်၀ဲအဘျီ(၁၅၀)ဘျဲၣ်ဒီး ဖဲန့ၣ်ပယီၤသုးတကပၤသံအဂၤ(၁၀၀)ဘျဲၣ်အဂ့ၢ်န့ၣ် ခ့ၣ်အဲၣ်ယူၣ်မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲဖဲတနံၤအံၤလါဒံၣ်စ့ဘၢၣ် ၃ သီအနံၤန့ၣ်လီၤႉ ဒ်ခ့ၣ်အဲၣ်ယူၣ်မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲအသိးန့ၣ် စးထီၣ်ဖဲလါနိၣ်၀့ဘၢၣ် ၁ သီတုၤလၢ ၃၀ သီ တလါ အတီၢ်ပူၤတၢ်ဒုးကဲထီၣ်လၢကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီးပယီၤသုးမီၤစိရိၤတဖၣ်အဘၢၣ်စၢၤခဲလၢာ်အိၣ်၀ဲ(၁၅၁)ဘျီ ဖဲန့ၣ်ပယီၤသုးႇသုးခိးကီၢ်ဆၢသုးပာ်ဖှိၣ်တကပၤသံ၀ဲ(၁၀၃)ဂၤႇဘၣ်ဒိ၀ဲ(၈၈)ဂၤန့ၣ်လီၤႉ ပယီၤသုးသံခဲလၢာ်အကျါပၣ်ဃုာ်၀ဲဒီးသုးရ့ၣ်ခိၣ်တဂၤႇသုးဒ့ခိၣ်(၂)ဂၤအသိး ၦၤဘၣ်ဒိဘၣ်ထံးအကျါပၣ်ဃုာ်၀ဲသုးရ့ၣ်ခိၣ်တဂၤႇသုးဒ့ခိၣ်(၃)ဂၤန့ၣ်လီၤႉ လၢန့ၣ်အမဲာ်ညါပယီၤသုးအကသ့ၣ်သံ၀ဲ(၆)ဒုႇဘၣ်ဒိ(၆)ဒုဒီးသိလ့ၣ်ဟးဂီၤ၀ဲ(၇)ခိၣ်အဂ့ၢ်န့ၣ်...

လါဒံၣ်စ့ဘၢၣ် ၂ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤလါဒံၣ်စ့ဘၢၣ်ထီၣ် ၂ သီအနံၤ လီၢ်က၀ီၤကမျၢၢ်လၢအအိၣ်ဖဲကီၢ်ကၠီၣ်တဲၣ်-ကီၢ်ပယီၤကီၢ်ဆၢ KNU-ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤအပူၤတဖၣ် ကီၢ်ကၠီၣ်တဲၣ်ပဒိၣ်လဲၤဆဲးန့ၢ်၀ဲခိ၀ံၣ်ကသံၣ်ဒီသဒၢန့ၣ်လီၤႉ တၢ်ဆဲးန့ၢ်၀ဲကသံၣ်ဒီသဒၢအတၢ်ပညိၣ်မ့ၢ်၀ဲဒ်သိးတၢ်တြီဆၢဒီသဒၢတၢ်ဆါဘၣ်ကူဘၣ်ဂာ်လၢကီၢ်ဆၢကန့ၢ်အဂီၢ်ႇဒ်သိးဆါတၢ်ၦ့ၤတၢ်ကဘၣ်ဂီၢ်အဂီၢ်ဒီးမ့ဟဲကဲထီၣ်သးလၢဂ့ၢ်ဂီၢ်အူတၢ်အိၣ်ဆူၣ်အိၣ်ချ့န့ၣ် ကလဲၤကူစါယါဘျါသးလၢကၠီၣ်တဲၣ်တကပၤကသ့အဂီၢ် ဘၣ်တၢ်ဆဲးန့ၢ်၀ဲကသံၣ်ဒီသဒၢအံၤလီၤအဂ့ၢ်န့ၣ် ကၠီၣ်တဲၣ်ၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ တၢ်ဆဲးကသံၣ်ဒီသဒၢတၢ်ရဲၣ်တၢ်ကျဲၤအံၤ တၢ်စးထီၣ်ဆဲး၀ဲဖဲတနံၤအံၤလၢကီၢ်ကၠီၣ်တဲၣ်မဲၢ်တရံးသူမှဲကျိကၢၢ်နံၤဒီး တိာ်ဃာ်ရဲၣ်ကျဲၤ၀ဲလၢကဆဲးကလီန့ၢ်၀ဲမဲၢ်တရံးထံ၀ၢ်ခီတကပၤသ၀ီလၢအမ့ၢ်ချၢၣ်ခိၣ်ႇချၢၣ်ကၤႇချၢၣ်ဒ့ဒီးမီီၤပဲၤခိၣ် သ၀ီဖိအဂၤ(၁၀၀၀)လၢအအိၣ်ဖဲ(KNU)တၢ်ပၢဟီၣ်က၀ီၤပူၤအဂ့ၢ်န့ၣ် မီၤပဲၤခိၣ်သ၀ီစံၣ်ညီၣ်ကွီၢ်စီၤနဲၤထူ စံးဘၣ်ခ့ၣ်အဲးစံၣ်န့ၣ်လီၤႉ အ၀ဲစံး၀ဲ“မ့ဟဲထီၣ်လၢတၢ်ဆိးက့ဆါဘီမ့လဲၤထီၣ်တၢ်ဆါဟံၣ်လၢယိၤကီၢ်န့ၣ်မ့တဆဲးဘၣ်ခိ၀ံၣ်ကသံၣ်ဒီသဒၢဘၣ်န့ၣ်လဲၤတၢ်ဆါဟံၣ်တန့ၢ်ဘၣ်ႉ တၢ်ခွဲးတၢ်ယာ်ခီဒုကဆှူ၀ဲဖဲန့ၣ်တခါလီၤႉ တၢ်လ့ၢ်ထီၣ်လ့ၢ်လိၤၦၤတအိးထီၣ်ဒိၣ်ဒိၣ်မုၢ်မုၢ်ဒံးဘၣ်ႇနါက့ခီဒုဆဲးကသံၣ်ဒီသဒၢမ့၀ံၤန့ၣ် တၢ်နၢ်ပၢၢ်အီၤတဆံးတက့ၢ်ဖဲလဲၤၦ့ၤထီၣ်ၦ့ၤလီၤတၢ်အခါမီၤနီၤႉ ဒ်သိးယိၤကီၢ်တကပၤတၢ်ဆါသုတဟဲအါထီၣ်လၢၤတဂ့ၤဒီးလၢအံၤတကပၤသုတအါထီၣ်လၢၤတဂ့ၤအဂီၢ် ဘၣ်တၢ်ဆဲးန့ၢ်၀ဲဒ်အံၤလီၤႉ”အဂ့ၢ်န့ၣ်...

လါဒံၣ်စ့ဘၢၣ် ၂ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါလါဒံၣ်စ့ဘၢၣ် ၁ သီ ဟါခီ ၆ နၣ်ရံၣ်အဆၢကတီၢ် လၢကညီကီၢ်စဲၣ်လူၢ်ပျဲၢ်ကီၢ်ဆၣ်ႇဒဲပၠၣ်ဒိဂ့ၤသ၀ီအပူၤ တၢ်ဟးဆါသ၀ီသးၦၢ်လံာ်ဟးထီၣ်က့ၤလီၤလဲးမးလၢသ၀ီဖိအအိၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ လံာ်ဟးထီၣ်က့ၤလီၤလဲးမးအံၤသ၀ီသးၦၢ်တဖၣ်ဟးဆါ၀ဲလၢသ၀ီဖိအဟံၣ်ဒီး လဲးမးတဘ့ၣ်န့ၣ်ဆါ၀ဲလၢစ့ပယီၤ(၁၀၀၀)ကၠးအဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံးဘၣ်ခ့ၣ်အဲးစံၣ်ဒ်အံၤန့ၣ်လီၤႉ အ၀ဲစံး၀ဲလၢ“သ၀ီသးၦၢ်ခံဂၤဟဲဆါ၀ဲလဲးမးတဘ့ၣ်န့ၣ်(၁၀၀၀)ကၠးႇမ့ၦ့ၤဃာ်တဟံၣ်တဘ့ၣ်န့ၣ် က့ၤကူကဒါလၢအသီ၀ံၤသူကဒါန့ၢ်လီၤႉ ယသံကွၢ်အ၀ဲသ့ၣ်မ့ဟးထီၣ်လၢတၢ်ချၢလဲးမးမ့တပၣ်ဘၣ်န့ၣ် ကဘၣ်မနုၤလဲၣ်န့ၣ် တက့ၤစံးဆၢတၢ်နီတမံၤဘၣ်ႉ အပူၤကွံာ်လၢညါခိ၀ံၣ်အခါကလဲၤလၢဖၣ်အၣ်အဂီၢ်လဲၤကွဲးလဲးမးန့ၣ်တဘၣ်ဟ့ၣ်စ့ဘၣ်”အဂ့ၢ်န့ၣ် စံး၀ဲန့ၣ်လီၤႉ ခီဖျိသ၀ီသးၦၢ်လၢကီၢ်ဆၣ်သုးကီၣ်ကးသးၦၢ်၀ဲၤဒၢးတီၣ်ထီၣ်၀ဲအံၤနဲၣ်လီၤ၀ဲအဃိ ဘၣ်တၢ်ဟးဆါ၀ဲလံာ်ဟးထီၣ်က့ၤလီၤလဲးမးသ့ၣ်တဖၣ်အံၤအသိး...

လါဒံၣ်စ့ဘၢၣ် ၁ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိပယီၤသုးအိးထီၣ်တၢ်သမံသမိးလီၢ်ဖဲကညီကီၢ်စဲၣ် ကီးတရံး၀့ၢ်ကပၤ တတါကၠိသ၀ီပူၤႇ သမံသမိး၀ဲသိလ့ၣ်လၢလံာ်လဲၢ်တအိၣ်ဘၣ်သ့ၣ်တဖၣ်ဟဲအါထီၣ်ဒီး ခီဖျိလၢဒူသ၀ီအပူၤစ့ၢ်ကီး တၢ်ဖိတၢ်လံၤအၦ့ၤထီၣ်အဃိ သ၀ီဖိတဖၣ်ထံၣ်ဘၣ်တၢ်ကီတၢ်ခဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ တၢ်သမံသမိးတြဲၤလီၢ်အံၤအိးထီၣ်၀ဲဒ်သိးကသမံသမိး၀ဲပနံာ်တၢ်ဖိတၢ်လံၤလၢအတဖိးသဲစးသ့ၣ်တဖၣ်တုၤလီၤတီၤလီၤဘၣ်ဆၣ်သနါက့ ခီဖျိသမံသမိးဖီၣ်ဃုာ်စ့ၢ်ကီးဒီးလီၢ်က၀ီၤကမျၢၢ်လၢအအိၣ်ဘူးဖဲန့ၣ်အသိလ့ၣ်ႇဆဲးကဲးတဖၣ်အဃိ ၦၤသ၀ီဖိတဖၣ်လဲၤၦ့ၤတၢ်လၢ၀့ၢ်ပူၤတဘူၣ်လၢၤဘၣ်ဒီးလၢဒူသ၀ီပူၤတၢ်ဖိတၢ်လံၤအၦ့ၤထီၣ်၀ဲအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ၦၤလၢအဟးဆါတၢ်အီၣ်တၢ်အီတၢ်ဖိတၢ်လံၤလၢသ၀ီပူၤတဂၤစံး၀ဲ“ခဲအံၤမတၤတဂၤမးလဲၤလၢ၀့ၢ်ပူၤတဘူၣ်လၢၤဘၣ်ႉ မ့လဲၤန့ၣ်ဘၣ်ငါ၀ဲသိလ့ၣ်ႇ ဆဲးကဲးလၢအလံာ်အိၣ်တဖၣ်လီၤမီၤနီၤႉ ခီဖျိဘၣ်ဟ့ၣ်အလဲဒိၣ်အဃိ တၢ်ဖိတၢ်လံၤသ့ၣ်တဖၣ်အၦ့ၤထီၣ်၀ဲလီၤ ႉ လၢမၠၣ်၀တံၣ်နါက့ခဲအံၤလံာ်လဲၢ်မ့တအိၣ်ဘၣ်န့ၣ်လဲၤတဘူၣ်ဘၣ်အဃိ လၢ၀့ၢ်ပူၤနါက့တၢ်ဖိတၢ်လံၤအၦ့ၤထီၣ်စ့ၢ်ကီး၀ဲလီၤႉ ခဲအံၤစ့ၢ်ကီးမုၢ်ကျိၤ၀ဲၤကွာ်တဘၣ်ဂီၢ်ဘၣ်ဒွါတမၠိ ခီဖျိအ၀ဲသ့ၣ်ဖီၣ်သိလ့ၣ်ႇ...

လါနိၣ်၀့ဘၢၣ် ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤလါနိၣ်၀့ဘၢၣ် ၃၀ သီ ဂီၤခီအဆၢကတီၢ် ကညီကီၢ်စဲၣ်သုးခိးကီၢ်ဆၢ-BGF(၁၀၁၉)သုးရ့ၣ်ခိၣ် သုးခိၣ်ဒိၣ်ဖိ စီၤလဲသ့ၣ်စူးကွံာ်သးလၢတၢ်သတူၢ်ကလာ်အပူၤအဂ့ၢ်န့ၣ် ကညီကီၢ်စဲၣ်သုးခိးကီၢ်ဆၢအနဲၣ်ရွဲၣ်ခိၣ်ကျၢၢ် သုးခိၣ်ဒိၣ်စိ စီၤခၠ့ၣ်သူၤ ပာ်ဂၢၢ်ပာ်ကျၢၤစံးဘၣ်ခ့ၣ်အဲးစံၣ်န့ၣ်လီၤႉ သုးခိၣ်ဒိၣ်စိ စီၤခၠ့ၣ်သူၤစံး၀ဲလၢ“ဖဲမဟဟါန့ၣ်အတဲတၢ်ဒီးယၤကၠးနးလီၤႉ အလဲၤထီၣ်ကွၢ်တၢ်လၢတၢ်ဖီခိၣ်ထံခံန့ၣ်အဟဲက့ၤလီၤႇအ၀ဲမံန့ၣ်လၢဘ့ၣ်ဆ့ဖဲအဟံၣ်ကၠွဒ်ၣ်ပၠါ(ကြွေပြား)အဖီခိၣ်ဖဲအဟံၣ်န့ၣ်လီၤႉ မုၢ်၀ါထီၣ်နွံနၣ်ရံၣ်ဃိးနၣ်ရံၣ်န့ၣ်အပျဲၢ်လဲၤကွၢ်ၦၤတဂၤတဆၢထၢၣ်ဒံးဘၣ်ႉ ဖဲခွံနၣ်ရံၣ်က့ၤကွၢ်၀ဲဘျီအသံလံလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ သုးခိၣ်ဒိဖိစီၤလဲသ့ၣ်စူးကွံာ်သးအကတီၢ်အသးနံၣ်အိၣ်၀ဲ(၄၂)နံၣ်ဒီး လၢကညီကီၢ်စဲၣ်သုးခိးကီၢ်ဆၢ(BGF)သုးရ့ၣ် ၁၃ ရ့ၣ်အကျါ...

လါနိၣ်၀့ဘၢၣ် ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ကီၢ်ကၠီၣ်တဲၣ် တးခ်ကီၢ်ရ့ၣ် ဖိဖြၣ်ကီၢ်ဆၣ် အူးပၠၣ်ဘၣ်ကီဘၣ်ခဲဒဲက၀ီၤအပူၤ ဖဲအပူၤကွံာ်လါအခါၦၤဘၣ်ကူဘၣ်ဂာ်လၢခိ၀ံၣ်တၢ်ဆါဟဲအါထီၣ်၀ဲဒီး တုၤအခဲအံၤ တၢ်အိၣ်သးအိၣ်ဒံး၀ဲဒၣ်လၢတၢ်ဘၣ်ယိၣ်ဘၣ်ဘှီပူၤအဂ့ၢ်န့ၣ် ဒဲက၀ီၤၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ စးထီၣ်ဖဲအပူၤကွံာ်(လါအီးကထိဘၢၣ် ၅)သီအခါ တၢ်စးထီၣ်ထီၣ်ထံၣ်န့ၢ်ခိ၀ံၣ်တၢ်ဆါ လၢအူးပၠၣ်ဒဲက၀ီၤဆူၣ်ချ့ၦၤမၤတၢ်ဖိအအိၣ်၀ံၤ ခီဖျိတၢ်ဆဲးသမံသမိး၀ဲၦၤလၢအဘၣ်ထွဲလိာ်သးတဖၣ်အဃိၦၤဘၣ်ကူဘၣ်ဂာ်လၢတၢ်ဆါအံၤဟဲအါထီၣ်၀ဲဒီး တုၤလၢတလါအံၤလါနိၣ်၀့ဘၢၣ်(၂၉)သီအနံၤ တၢ်ဆဲးထံၣ်၀ဲၦၤဘၣ်ကူဘၣ်ဂာ်လၢတၢ်ဆါအံၤအိၣ်ဒံး၀ဲဒီး ၦၤဘၣ်ကူလၢခိ၀ံၣ်တၢ်ဆါခဲလၢာ်အိၣ်၀ဲ(၄၀၀)ဘျဲၣ်လံအဂ့ၢ်န့ၣ် ဒဲက၀ီၤခိၣ် စီၤနံၤဒိၣ် စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ဖဲအပူၤကွံာ်ခံသီန့ၣ်တၢ်ထံၣ်ကဒီး၀ဲ(၄)ဂၤလီၤႉ ဖဲတၢ်တသီခံသီအံၤလီၤစှၤ၀ဲဘၣ်ဆၣ်...