ခ့ၣ်အဲးစံၣ် – KIC News

လါအီကူး ၉ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ်အပူၤ ခီဖျိထံဒိၣ်ဃိၣ်ယွၤဒီးတၢ်ဆူးတၢ်ဆါအဃိ ကမျၢၢ်ထံဖိကီၢ်ဖိလၢအလီၤဘၣ်တၢ်ကီတၢ်ခဲသ့ၣ်တဖၣ် ဖဲလါအီကူး ၇ သီအနံၤန့ၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဒူပျာ်ယာ်ကီၢ်ရ့ၣ် ၀ီၢ်ရီကီၢ်ဆၣ် ၦၤဘၣ်မူဘၣ်ဒါတဖၣ် လဲၤဆီၣ်ထွဲမၤစၢၤ၀ဲဒၣ်ဟုသးဒီး ဂံၢ်ခီၣ်ထံးတၢ်အီၣ်တၢ်အီတဖၣ်အဂ့ၢ်န့ၣ် သ့ၣ်ညါဘၣ်လၢၦၤဘၣ်မူဘၣ်ဒါတဖၣ်အအိၣ်န့ၣ်လီၤႉ ခီဖျိထံဒိၣ်ဃိၣ်ယွၤႇတၢ်ဆူးတၢ်ဆါဒီးထံရူၢ်ကီၢ်သဲးတၢ်အိၣ်သးတဂၢၢ်တကျၢၤ၀ဲအဃိ တၢ်ဖံးတၢ်မၤဒီးတၢ်လုၢ်အီၣ်နီၢ်ခိသးသမူတဖၣ် ဟဲကီခဲထီၣ်၀ဲဒိၣ်မးန့ၣ်လီၤႉ ခီဖျိဟီၣ်က၀ီၤတဖၣ်အပူၤစ့ၢ်ကီးထံဒိၣ်အဃိ ၦၤသူၣ်အီၣ်ဖျးအီၣ်တၢ်တသ့ဒံးဘၣ်ဒီး ဒ်သိးၦၤလၢအလီၤဘၣ်တၢ်ကီတၢ်ခဲသ့ၣ်တဖၣ်ကဘၣ်ဂီၢ်ဘၣ်ဒွါအဂီၢ်...

လါအီကူး ၆ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးတၢ်ကဘှါရှဲကီၢ်ပယီၤထံကီၢ်တၢ်ဃံးတၢ်စ့ၤတဖၣ်အဂီၢ် တၢ်တီၣ်ထီၣ်၀ဲကီၢ်ပယီၤဂ့ၢ်၀ီအၣ်စံၣ်ယၣ်ခၢၣ်စးလီၤဆီ အဖီခိၣ် PPST သဂၢၢ်၀ဲဒီး ဒ်သိးတၢ်နုာ်လီၤကျဲၤဃူကျဲၤဖိးလၢတၢ်ဘၢၣ်စၢၤကတုၤထီၣ်ဘးထီၣ်အဂီၢ် ကပာ်ဖှိၣ်မၤသကိးတၢ်အဂ့ၢ်န့ၣ် ကလုာ်ဒူၣ်ဖီၣ်စုက၀ဲၤကရူၢ်ကရၢလၢအဆဲးလီၤ(NCA)တဖၣ် တၢ်တီခိၣ်ရိၣ်မဲတၢ်မုာ်တၢ်ခုၣ်တၢ်မၤအကျဲကရူၢ်(PPST) ထုးထီၣ်ဘိးဘၣ်ရၤလီၤ၀ဲဖဲမဟါ(လါအီကူး ၅)သီ တၢ်အိၣ်ဖှိၣ်၀ံၤအခါန့ၣ်လီၤႉ ဖဲမဟါ(PPST)တၢ်အိၣ်ဖှိၣ်၀ံၤအလီၢ်ခံထုးထီၣ်ပာ်ဖျါ၀ဲလၢ ကီၢ်ပယီၤဂ့ၢ်၀ီအၣ်စံၣ်ယၣ်ခိၣ်နၢ်ဒိၣ်ထီလီၤဆီတၢ်အိၣ်ဖှိၣ်အပူၤ ဒ်သိးတၢ်ကမၤဖျါထီၣ်တၢ်သးလီၤပလိာ်(၅)ထံၣ်လၢတၢ်ပာ်ပနီၣ်၀ဲအံၤအမိၢ်လံၤမိၢ်ၦၢ်အဂီၢ် တၢ်ဃုထၢတီၣ်ထီၣ်ဘြူၣ်နဲထံကီၢ်ထံဂုၤကီၢ်ဂၤကိတိာ်(၂)...

လါအီကူး ၅ သီႇ ၂၀၂၁နံၣ်ႇ ခ့ၣ်အဲးစံၣ် တနံၣ်အံၤဖဲလါယူၤအတီၢ်ပူၤတၢ်တိာ်ပာ်၀ဲလၢတၢ်ကမၤ KNU- ကညီဒီကလုာ်စၢဖှိၣ် ကရၢ(၁၇) ဘျီတဘျီ ခီကရဲးတၢ်အိၣ်ဖှိၣ်ဒီး တကီၢ်ခါလၢကီၢ်ပယီၤအပူၤ ခီဖျိသုး ဟံးန့ၢ်ကွံာ်တၢ်စိတၢ်က မီၤဒီး ခိ၀ံၣ်တၢ်ဆါသံသ-တိာ်တၢ်အိၣ်သးအဃိ တၢ်တမၤဘၣ်ဒံးခီကရဲး တၢ်အိၣ်ဖှိၣ်ဘၣ်ဒီးတၢ်သုး ကွံာ်၀ဲမုၢ် နံၤမုၢ်သီတၢ်ဆၢကတီၢ်န့ၣ်လီၤႉ သုးမီၤစိရိၤဟံးန့ၢ်ကွံာ်တၢ်စိတၢ်ကမီၤ၀ံၤအလီၢ်ခံ လၢခ့ၣ်အဲၣ်ယူၣ်တၢ်ပၢဟီၣ်က၀ီၤတနီၤအပူၤ ခီဖျိသုးမီၤစိရိၤအသုးဒီးကညီတၢ်ထူၣ်ဖျဲးသုးမုၢ်ဒိၣ်(KNLA)တဖၣ်အဘၢၣ်စၢၤ တၢ်ဒုးဟဲက့ၤကဲ ထီၣ်ကဒါအဃိ...

လါအီကူး ၄ သီႇ ၂၀၂၁ နံၣ်ႇ ခ့ၣ်အဲးစံၣ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)သုးရိၣ်မဲခိၣ်ကျၢၢ် သုးခိၣ်ကျၢၢ်စိ စီၤမိၤရှ›စူးကွံာ်သး၀ံၤအလီၢ်ခံ လၢတၢ်ကဃုထၢထီၣ်က့ၤသုးခိၣ်ကျၢၢ်စိအလီၢ်အဂီၢ်တသ့ဒံးဘၣ်အဃိ တၢ်ဘၢၣ်စၢၤအတီၢ်ပူၤလီၢ်ခၢၣ်သးပၢဆှၢတၢ်ကမံးတံာ်(EC)ကဟံးထီၣ်ဖီၣ်ထီၣ်ဟံးစုနဲၣ်ကျဲ၀ဲအဂ့ၢ်န့ၣ် (DKBA)လံာ်တၢ်ဒုးသ့ၣ်ညါအပူၤအသိး သ့ၣ်ညါဘၣ်န့ၣ်လီၤႉ ဖဲအပူၤကွံာ်(လါယူၤလံ ၂၁)သီအနံၤ သုးရိၣ်မဲခိၣ်ကျၢၢ် သုးခိၣ်ကျၢၢ်စိ စီၤမိၤရှ့စူးကွံာ်သးခီဖျိခိ၀ံၣ်တၢ်ဆါဒီး လၢတၢ်ကဃုထၢထီၣ်သုးရိၣ်မဲခိၣ်ကျၢၢ်အသီအဂီၢ် ခီဖျိတၢ်ဆူးတၢ်ဆါဒီးတၢ်ဂ့ၢ်ကီအိၣ်လၢတၢ်လဲၤတၢ်က့ၤအဃိ တၢ်ကိးတၢ်အိၣ်ဖှိၣ်တသ့ဒံးဘၣ်ဒီး ဖဲတၢ်ဘၢၣ်စၢၤအတီၢ်ပူၤ...

လါအီကူး ၄ သီႇ ၂၀၂၁ နံၣ်ႇ ခ့ၣ်အဲးစံၣ် စးထီၣ်ဖဲတလါအံၤလါအီကူးထီၣ် ၁ သီအနံၤ သုးခိၣ်ကျၢၢ်ဒိၣ်စိ မ့အီၣ်လဲၣ် တီခိၣ်ရိၣ်မဲသုးကီၣ်ကးအံၤ ဆီတလဲက့ၤ၀ဲအမံၤဆူကီၢ်စၢဖှိၣ်ပဒိၣ်ကွၢ်ထွဲတၢ်အံၤန့ၣ် မ့ၢ်ဒၣ်ဒ်သိးဒီးအ၀ဲသ့ၣ်တၢ်စိတၢ်ကမီၤက အိၣ်ဂၢၢ်ဆိးကျၢၤအဂီၢ်လီၤအဂ့ၢ်န့ၣ် KNU- ကညီဒီကလုာ်စၢဖှိၣ်ကရၢ စံး၀ဲန့ၣ်လီၤႉ သုးမီၤစိရိၤဟံးန့ၢ်ဆူၣ်ကွံာ်တၢ်စိတၢ်ကမီၤယံၤ(၆)လါ၀ံၤအလီၢ်ခံ ဒုးအိၣ်ထီၣ်ဆီတ လဲက့ၤ၀ဲသုးကီၣ်ကးဆူကီၢ်စၢဖှိၣ်ပဒိၣ်ကွၢ်ထွဲတၢ်အံၤ အ၀ဲသ့ၣ်ဂုာ်ကျဲးစၢး၀ဲဒ်သိးထံဂုၤကီၢ်ဂၤကသ့ၣ်ညါပာ်ပနီၣ်အီၤဒီးဒ်သိးအ၀ဲသ့ၣ်တၢ်စိတၢ်ကမီၤကဆဲးအိၣ်ဂၢၢ်ဆိးကျၢၤ အဂီၢ်လီၤအဂ့ၢ်န့ၣ် KNU ကရၢခိၣ်(၂)ပဒိၣ်စီၤကွဲၤထူ၀့ စံး၀ဲဒ်အံၤန့ၣ်လီၤႉ...

လါအီကူး ၄ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါလါအီကူး ၃ သီ မုၢ်နၤခီ(၁၀း၃၀)ဘျဲၣ်အဆၢကတီၢ် ကညီတၢ်မုာ်တၢ်ခုၣ်ကီၣ်ကးကရၢ (KNU/KNLA-PC) သုးဂ့ၢ်၀ီခိၣ်ကျၢၢ် သုးခိၣ်ကျၢၢ်ဂီၢ်ဂ့ၢ် စီၤန့ၢ်စိမၠး(ကိး)စီၤတ့လ့ လဲၤပူၤကွံာ်ခီဖျိခိ၀ံၣ်တၢ်ဆါဖဲကီၢ်ကၠီၣ်တဲၣ်ႇ၀့ၢ်မဲၢ်ဆီးပူၤအဂ့ၢ်န့ၣ် ၦၤလၢအဘူးဒီးအီၤတဖၣ်စံး၀ဲန့ၣ်လီၤႉ သုးခိၣ်ကျၢၢ်ဂီၢ်ဂ့ၢ်စီၤန့ၢ်စိမၠးလၢအသးနံၣ်အိၣ်(၄၆)နံၣ်အံၤ ဖဲအ၀ဲၢ်အဒိၣ်ကတၢၢ် လၢအမ့ၢ်သုးခိၣ်ဒိၣ်ဂီၢ်ဂ့ၢ်စီၤန့ၢ်ကီၢ်မၠးဟံးမူဒါလၢ KNLA- ကညီဒီကလုာ်တၢ်ထူၣ်ဖျဲးသုးမုၢ်ဒိၣ် သုးရ့ၣ်(၂၀၂)ဒ်သုးရ့ၣ်ခိၣ်အကတီၢ် အ၀ဲဟံမူဒါဒ်သုးဒ့ခိၣ်တဂၤအသိးန့ၣ်လီၤႉ ဖဲန့ၣ်၀ံၤအလီၢ်ခံ ဖဲ(၂၀၀၉)နံၣ်အခါ အ၀ဲက့ၤလီၤဆူတၢ်မုာ်တၢ်ခုၣ်ကီၣ်ကးဒီးဟံမူဒါဒ်(၇၇၇)ဒုးယၤလီၤဆီ...

“ကျီၢ်ပျၢဘုဒီး ကျီၢ်အီၣ်ဘု” ၁.ဟီၣ်ခိၣ်ပမ့ၢ်ၦၤတမှံၤ သုးလီၢ်သုးကျဲကိးမုၢ်နံၤ ပထံနီၢ်ကီၢ်တီတအိၣ် ဟးအိၣ်သကုၤဝးဟီၣ်ခိၣ် ပထံပကီၢ်တအိၣ်ဃိ မ့ၢ်ဆိမိၣ်လီၤသးဘၣ်ဒိ ခွဲးယ၁်တု၁်သိးဒီးလီၢ်လၤ လ့ၤတက့ၤတအိၣ်ဒီးၦၤ ၂.ပတၢ်အိၣ်မူလၢဟီၣ်ခိၣ် အိၣ်ၦဲၤဝဲထဲတၢ်ဘၣ်ယိၣ် ဒ်ပကဲထီၣ်ၦၤကညီ ဘၣ်ခီဖျိတၢ်အၢတၢ်သီ ပဝဲၦၤကညီကလု၁်...

လါအီကူး ၃ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့(၅)တၢ်ပၢဟီၣ်က၀ီၤအပူၤ ဖဲလါယူၤလံတလါအတီၢ်ပူၤ သုးမီၤစိရိၤအၦၤသံကဒီး(၆၅)ဂၤအကျါပၣ်ဃုာ်၀ဲဒီး သုးခိၣ်ဒိၣ်ဂီၢ်ဂ့ၢ်တဂၤအဂ့ၢ်န့ၣ် ခ့ၣ်အဲၣ်ယူၣ် သုးက့(၅) ကိးလါဒဲးတၢ်ဒုးစရီအသိး သ့ၣ်ညါဘၣ်န့ၣ်လီၤႉ စးထီၣ်ဖဲလါယူၤ ၁ သီတုၤလၢ ၃၁ သီအနံၤန့ၣ် ခ့ၣ်အဲၣ်ယူၣ်တၢ်ပၢဟီၣ်က၀ီၤ မုၢ်တြီၢ်ကီၢ်ရ့ၣ်အပူၤ ဟီၣ်က၀ီၤကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၅)ဒီး သုးမီၤစိရိၤအသုးတဖၣ်အဘၢၣ်စၢၤ ...

လါယူၤလံ ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲခိ၀ံၣ်တၢ်ဘၣ်ကူဘၣ်ဂာ်ရၤလီၤသးအကတီၢ်ဒီးသုးမီၤစိရိၤဟံးန့ၢ်ကွံာ်တၢ်စိတၢ်ကမီၤအတီၢ်ပူၤ ဒူသ၀ီတၢ်လီၢ်လၢအိၣ်ကညီကီၢ်စဲၣ်ပူၤတနီၤန့ၣ် ဖိဒံဖိသၣ်သ့ၣ်တဖၣ်တဆဲးဘၣ်(ကာကွယ်ဆေး)ကသံၣ်ဒီသဒၢ ဘၣ်ဆၢဘၣ်ကတီၢ်လၢၤဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဒူသ၀ီတနီၤအပူၤ ကဆဲးန့ၢ်ဖိသၣ်ကသံၣ်ဒီသဒၢအဂီၢ် ခီဖျိဆူၣ်ချ့၀ဲၤ ကျိၤဒီးတၢ်ဆါဟံၣ်လၢအအိၣ်ဘူးတဖၣ်ႇတၢ်ဟ့ၣ်ကသံၣ်ဒၢးတဖၣ်ကးတံၢ်ဃာ်သးအဃိ ဖိဒံဖိသၣ်သ့ၣ်တဖၣ်တဆဲးဘၣ်ကသံၣ်ဒီသဒၢဘၣ်ဆၢဘၣ်ကတီၢ်ဘၣ်အဂ့ၢ်န့ၣ် ကီးတရံးကီၢ်ဆၣ် ဖိသၣ်အမိၢ်တဂၤစံး၀ဲဒ်အံၤန့ၣ်လီၤႉ “အပူၤကွံာ်လၢညါန့ၣ်ဖဲသ၀ီပူၤအံၤတၢ်ဟ့ၣ်ကသံၣ်ဒၢးအိၣ်အဃိဆဲးန့ၢ်၀ဲထီဘိလီၤႉ ခဲအံၤလၢတၢ်ဆါဟံၣ်န့ၣ်သရၣ်စ့ၢ်ကီးတအိၣ်ဘၣ်ႉ တၢ်ဆါဟံၣ်လၢအဘူးသ့ၣ်တဖၣ်စ့ၢ်ကီးတၢ်ကးတံၢ်ဃာ်၀ဲႉ ဖဲကီးတရံးႇကၠဲၤဒိန့ၣ် နၢ်ဟူလၢတၢ်ဆဲးန့ၢ်၀ဲလီၤႉ ခီဖျိခိ၀ံၣ်အကတီၢ်တၢ်ကးတံၢ်ဃာ်ကျဲအဃိလဲၤဆဲးတသ့ဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ဘၣ်ဆၣ်ကညီကီၢ်စဲၣ် ကမျၢၢ်ဆူၣ်ချ့ဒီးတၢ်ကူစါယါဘျါ၀ဲၤကျိၤခိၣ် ဒီၣ်ကထၢၣ်ကၠီၤစွၤမၠ့ၣ်...

လါယူၤလံ ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် လူၢ်ပျဲၢ်ကီၢ်ဆၣ် ကီၣ်မၠးကၠံသ၀ီအပူၤခီဖျိထံဒိၣ်ထီၣ်အဃိ ဖဲမဟါ(လါယူၤလံ ၂၉)သီ ဟါခီ ၃ နၣ်ရံၣ်တခီအဆၢကတီၢ် ဖိသၣ် ၂ ဂၤလီၤအုးသံလၢထံအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိတဖၣ်အအိၣ်န့ၣ်လီၤႉ ဖိသၣ်လၢအလီၤအုးသံလၢထံ ၂ ဂၤအံၤ အသးနံၣ်အိၣ်ဒံးထဲ(၄)နံၣ်ဒီး(၁)နံၣ် မ့ၢ်၀ဲပိာ်မုၣ်ဖိခံဂၤလၢာ်အသိး ဖိသၣ်ခံဂၤအံၤအမိအပါလဲၤမၤတၢ်မၤလၢကီၢ်ကၠီၣ်တဲၣ်ဒီးအိၣ်တ့ၢ်၀ဲဒီးအဖံန့ၣ်လီၤႉ ဖဲအဖံလဲၤလၢတၢ်ချၢအဆၢကတီၢ် လီၤအုးသံ၀ဲလၢထံလီၤအဂ့ၢ်န့ၣ်...