ခ့ၣ်အဲးစံၣ် – KIC News

လါမ့ၤ ၅ သီႇ ၂၀၂၁ နံၣ်ႇ ခ့ၣ်အဲးစံၣ် ဖၣ်ပူၣ်ကီၢ်ဆၣ်အပူၤ ခီဖျိမီၤစိရိၤအသုးဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးက့(၅)တဖၣ်အဘၢၣ်စၢၤ တၢ်ဒုးကဲထီၣ်ကိးမုၢ်နံၤဒဲးအဃိ လီၢ်က၀ီၤသ၀ီဖိလၢအအိၣ််ဘူးဒီးဖၣ်ပူၣ်၀့ၢ်တဖၣ် ဟးထီၣ်က့ၤလီၤတသ့ဘၣ်ဒီးတၢ်အီၣ်တၢ်အီတဖၣ်ဘူးထီၣ်ကလၢၤလံအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိတဖၣ်အအိၣ်န့ၣ်လီၤႉ လီၢ်က၀ီၤကမျၢၢ်ထံဖိကီၢ်ဖိလၢအအိၣ်ဖၣ်ပူၣ်၀့ၢ်ပူၤတဖၣ် ခီဖျိတၢ်ဒုးကဲထီၣ်အဃိစးထီၣ်ဖဲအပူၤကွံာ်လါမးရှး လၢာ် ဟးထီၣ်ဟးလီၤလၢတၢ်ချၢတန့ၢ်လၢၤဘၣ်အမဲာ်ညါ ခီဖျိတၢ်ဒုးကဲထီၣ်အဆၢတတဲာ်ဘၣ်အဃိ ကမျၢၢ်တဖၣ်ထံၣ်ဘၣ်ဒီးတၢ်အီၣ်တၢ်အီတၢ်ဂ့ၢ်ကီအဂ့ၢ်န့ၣ် သ့ၣ်ညါဘၣ်န့ၣ်လီၤႉ တကီၢ်ခါခဲအံၤ ကမျၢၢ်ထံဖိကီၢ်ဖိလၢအအိၣ်ဖဲဟီၣ်က၀ီၤအပူၤတဖၣ် ခီဖျိတၢ်ဒုးကဲထီၣ်အဃိ ဟးထီၣ်လၢတၢ်ချၢတန့ၢ်ဘၣ်အမဲာ်ညါ ၀့ၢ်ချၢဒီးသ၀ီအချၢတဖၣ်စ့ၢ်ကီးခီဖျိတၢ်ဒိးလီၤဃာ်မ့ၣ်ပိၢ်အဃိ ၦၤလၢအဟးထီၣ်လၢတၢ်ချၢတဖၣ်ဒီးဆၣ်ဖိကီၢ်ဖိတနီၤဘၣ်ဒိဘၣ်ထံးအိၣ်၀ဲအဂ့ၢ်န့ၣ်...

လါမ့ၤ ၅ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးကလဲၤဆှၢမၤစၢၤမီၤစိရိၤအသုးတဖၣ်တၢ်အီၣ်တၢ်အီအဂီၢ် သုးခိးကီၢ်ဆၢ -BGF သုးတဖၣ် ဟဲတုၤ၀ဲဒၣ်လၢ KNU- ကညီဒီကလုာ်စၢဖှိၣ်ကရၢ သုးက့(၅)ဟီၣ်က၀ီၤအါအါဂီၢ်ဂီၢ်အဂ့ၢ်န့ၣ် သုးက့(၅)တကပၤ စံး၀ဲန့ၣ်လီၤႉ ခီဖျိသုးတၢ်အီၣ်တၢ်အီတလၢတၦဲၤဘၣ်ဒီး တၢ်ကးတံၢ်ဃာ်၀ဲတၢ်အီၣ်တၢ်အီအကျဲတဖၣ်အဃိ ဒ်သိးကလဲၤဆှၢမၤစၢၤ၀ဲမီၤစိရိၤအသုးကလၢၤလၢအအိၣ်ဖဲသုးက့(၅)ဟီၣ်က၀ီၤပူၤတဖၣ်တၢ်အီၣ်တၢ်အီအဂီၢ် သုးခိးကီၢ်ဆၢ(BGF)တဖၣ် စးထီၣ်ဖဲအပူၤကွံာ်စှၤသီန့ၣ် သုးနီၣ်ဂံၢ် ၅၀၀ ဘျဲၣ် ဟဲတုၤ၀ဲဒၣ်လၢကမၤမိၢ်၀့ၢ်အဂ့ၢ်န့ၣ် ခ့ၣ်အဲၣ်ယူၣ်...

လါမ့ၤ ၄ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤ(လါမ့ၤ ၄ သီ)ဂီၤခီ ၂ နၣ်ရံၣ်တခီအဆၢကတီၢ် မ့ၣ်ပိၢ်ပိၢ်ဖးထီၣ်လၢ ကညီကီၢ်စဲၣ် လူၢ်ပျဲၢ်၀့ၢ် ကူၣ်သ့၀ဲၤဒၢးအကပၤတခါအဂ့ၢ်န့ၣ် ၦၤအိၣ်လၢ၀့ၢ်ပူၤတဖၣ်စံး၀ဲန့ၣ်လီၤႉ ၦၤအိၣ်လၢ၀့ၢ်ပူၤလၢတအဲၣ်ဒိးပာ်ဖျါအမံၤတဂၤ စံး၀ဲ“ဖဲမုၢ်နၤခီ ၂ နၣ်ရံၣ်တခီအဆၢကတီၢ် မ့ၣ်ပိၢ်ပိၢ်ဖးထီၣ်လၢ လူၢ်ပျဲၢ်ဖၠါအမဲာ်ညါ ကူၣ်သ့၀ဲၤဒၢးအကရၢၢ်ကပၤလီၤႉ ကဲ၀ဲမ့ၣ်ပိၣ်လၢတၢ်တ့န့ၢ်လၢစုလီၤႉ ခီဖျိမ့ၣ်ပိၢ်ပိၢ်ဖးထီၣ်အဃိ အိၣ်ဒၣ်ထဲလၢယွၤသ့ၣ်ဖးလီၤႉ...

လါမ့ၤ ၃ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်= ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ် သုးက့(၁)ဟီၣ်က၀ီၤအပူၤ စးထီၣ်ဖဲသုး ကီၣ်ကးဒီးသုးခိးကီၢ်ဆၢ -BGF ပာ်ဖှိၣ်ထီၣ်သးဟူးဂဲၤအလီၢ်ခံ တၢ်ဒုးကဲထီၣ်၀ဲဒၣ်ဒီး KNU သုးက့(၁) စုဒုၣ်တီၤအဖီလာ်တဖၣ်ကိးမုၢ်နံၤဒဲးအဂ့ၢ်န့ၣ် သ့ၣ်ညါဘၣ်လၢ ခ့ၣ်အဲၣ်ယူၣ် လီၢ်က၀ီၤခိၣ်နၢ်အအိၣ်န့ၣ်လီၤႉ ဖဲအပူၤကွံာ်စးထီၣ်ဖဲလါအ့ဖြ့ၣ် ၂၃ သီ တုၤလၢ...

လါမ့ၤ ၃ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးကထီဒါဒီးဒုးလီၤၦီၢ်သကိးပယီၤသုးမီၤစိရိၤတဖၣ်ဒူဒူအဂီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးရိၣ်မဲခိၣ်ကျၢၢ်(၂) သုးခိၣ်ကျၢၢ်စိ စီၤဘီကၠီၣ်ဟဲ ဆီၣ်တခူထီၣ်ကညီဖီၣ်စုက၀ဲၤကရူၢ် ၄ ဒူၣ် ဖဲမဟါ(လါမ့ၤ ၂ သီ)အနံၤန့ၣ်လီၤႉ ဘၣ်ထွဲပယီၤသုးမီၤစိရိၤအသုးတၢ်ဟဲကွံာ်လီၤမ့ၣ်ပိၢ်ဒီးတၢ်ဟဲထီၣ်ဒုးကညီကီၢ်စဲၣ်ကလံၤစိး ဖၣ်ပူၣ်ဟီၣ်က၀ီၤပူၤတၢ်ဂ့ၢ်အံၤ KNLA သုးရိၣ်မဲခိၣ်ကျၢၢ်=၂ သုးခိၣ်ကျၢၢ်စိ စီၤဘီကၠီၣ်ဟဲ ဆှၢန့ၢ်၀ဲ...

လါအ့ဖြ့ၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲလါအ့ဖြ့ၣ် ၂၈ သီအနံၤ ခီဖျိပယီၤသုးမီၤစိရိၤအသုးကဘီယူၤဟဲကွံာ်လီၤမ့ၣ်ပိၢ်လၢ ခ့ၣ်အဲၣ်ယူၣ်= ကညီဒီလုာ်စၢဖှိၣ်ကရၢ သုးက့ ၅ ဟီၣ်က၀ီၤပူၤအဃိ လီၢ်က၀ီၤသ၀ီဖိ ၃၀၀ ဘျဲၣ် လဲၤဘၣ်ဃ့ၢ်ထီၣ်၀ဲဆူကီၢ်ကၠီၣ်တဲၣ်တကပၤအဂ့ၢ်န့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ -KPSN ပာ်ဖျါထီၣ်၀ဲဖဲတနံၤအံၤ တၢ်မၤရှဲလဲၦၤကွဲးတၢ်ကစီၣ်ဖိၣ်အမူးလၢ(online)ပူၤ အဆၢကတီၢ်န့ၣ်လီၤႉ ...

လါအ့ဖြ့ၣ် ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ဖဲမဟါမုၢ်နၤခီအဆၢကတီၢ် တၢ်လဲၤကိးလံၣ်၀ဲက၀ီၤဒ့(၂)သးၦၢ်လီၢ်လံၤဒီး တၢ်ဖီၣ်ဒုးဃာ်၀ဲဖဲမၠၣ်၀တံၣ်မၠိၣ်မၣ်ပၢၤကီၢ်၀ဲၤလီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲမဟါ လါအ့ဖြ့ၣ် ၂၈ သီ မုၢ်နၤခီ ၁၁ နၣ်ရံၣ်အဆၢကတီၢ် နီၣ်ဂံၢ်(၁)က၀ီၤဒ့ ကရူၢ်ခိၣ် ဟဲကိး၀ဲသးၦၢ်လီၢ်လံၤတဲ၀ဲလၢအဲၣ်ဒိးဃ့တၢ်မၤစၢၤအိၣ်ဒီးက့ၤကိး၀ဲအဂ့ၢ်န့ၣ် က၀ီၤဒ့(၂)သးၦၢ်လီၢ်လံၤ အူမီၤမီၤညိၣ်အဟံၣ်ဖိဃီဖိတဖၣ် စံး၀ဲန့ၣ်လီၤႉ ...

လါအ့ဖြ့ၣ် ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ပယီၤသုးမီၤစိရိၤအသုးကဘီယူၤဟဲကွံာ်လီၤမ့ၣ်ပိၢ်ခံသီဆဲးတဲးလၢ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်ႇ သုးက့ ၅ တၢ်ပၢဟီၣ်က၀ီၤအပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲမဟါ လါအ့ဖြ့ၣ် ၂၇ သီ ဂီၤခီအဆၢကတီၢ် KNU စုဒုၣ်တီၤအဖီလာ် KNLA သုးက့ ၅ လဲၤထီၣ်ဟံးန့ၢ်ကွံာ်၀ဲ သုးမီၤစိရိၤ အသုးကလၢၤလၢအအိၣ်ဖဲ...

လါအ့ဖြ့ၣ် ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီဖီၣ်စုက၀ဲၤကရူၢ်လၢအမ့ၢ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA ဒီး ကညီတၢ်မုာ်တၢ်ခုၣ်ကီၣ်ကး -KNU/KNLA(PC) ခိၣ်နၢ်လၢအလဲၤထံၣ်လိာ်သးဒီးသုးကီၣ်ကးတဖၣ်အံၤ ကြၢးလၢကဘၣ်ကနၣ်ကမျၢၢ်တၢ်အိၣ်သးဒီးအကလုၢ်တဖၣ်အဂ့ၢ်န့ၣ် ကညီတၢ်တိစၢၤမၤစၢၤတၢ်မုာ်တၢ်ခုၣ်ၦာ်ဘျးစဲ -KPSN ဟ့ၣ်ထီၣ်အတၢ်ထံၣ်စံး၀ဲန့ၣ်လီၤႉ ဖဲလါအ့ဖြ့ၣ် ၂၆ သီအနံၤ ဘၣ်ထွဲဒီး DKBA ဒီး KNU/KNLA(PC)...

တၢ်ဆဲးကျိးသံကွၢ်ဒီး သုးခိၣ်ဒိၣ်စိ စီၤကျၢၤဒိၣ် ‘အ၀ဲသ့ၣ်အိၣ်၀ဲဒၣ်လၢထံကျိနံၤမၤတံာ်တာ်တၢ်ခး၀ဲထံဖိကီၢ်ဖိကမျၢၢ်အချံအဃိ တၢ်သ့ၣ်တဖၣ်အံၤပတူၢ်လိာ်တသ့ဘၣ်အဖီခိၣ် အလီၢ်အိၣ်လၢဒ်ပမၤန့ၢ်မၤသ့အသိးန့ၣ် ပကဘၣ်မၤဖျိးထီၣ်က့ၤအီၤန့ၣ်အလီၢ်အိၣ်၀ဲလီၤႉ’ ဖဲတနံၤအံၤ (လါအ့ဖြ့ၣ် ၂၇)သီအနံၤ ဂီၤခီန့ၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်=ခ့ၣ်အဲၣ်အဲလ်အ့ၣ် သုးက့ ၅ ထီၣ်ဒုးန့ၢ်၀ဲ သီလဲၤထၣ် သုးမီၤစိရိၤအသုးကလၢၤလၢအအိၣ်ဖဲ ကီၢ်ကၠီၣ်တဲၣ်=ကီၢ်ပယီၤကီၢ်ဆၢအံၤန့ၣ်လီၤႉ ဘၣ်ထွဲဒီးတၢ်ဂ့ၢ်အံၤ ကညီတၢ်ကစီၣ်၀ဲၤလီၢ်ခိၣ်သ့ၣ် ဆဲးကျိးသံကွၢ်၀ဲ သုးက့ (၅) ၦၤကတိၤတၢ်ပၢဒ်အံၤန့ၣ်လီၤႉ တၢ်သံကွၢ်=...