ခ့ၣ်အဲးစံၣ် – KIC News

လါမးရှး ၂၉ သီႇ ၂၀၂၄ နံၣ်ႇ ခ့ၣ်အဲၣ်စံၣ်ႇ ကီၢ်ကၠီၣ်တဲၣ်ကီၢ်ပဒိၣ်ဟ့ၣ်ခီ၀ဲတၢ်တိစၢၤမၤစၢၤဆူကညီကီၢ်စဲၣ်ပူၤလီၢ်အိၣ်ကမှံဖိအဂၤ(၂၀၀၀၀)အဂီၢ်အံၤအဖီခိၣ် အံၤခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဃ့ထီၣ်၀ဲထံကီၢ်လၢဟ့ၣ်တၢ်မၤစၢၤတဖၣ်ကကူၣ်လိာ်ထိၣ်ဃူလိာ်သးဒီး ဂံၢ်ထီၣ်ထံးကရူၢ်ကရၢ၀ံၤမးကဆိမိၣ်သကိးတၢ်တိစၢၤမၤစၢၤအဂ့ၢ်န့ၣ် ထုးထီၣ်ပာ်ဖျါ၀ဲလံာ်ဖဲမဟါလါမးရှး (၂၈)သီ အနံၤန့ၣ်လီၤႉ ကၠီၣ်တဲၣ်ပဒိၣ်အတၢ်ဟ့ၣ်တၢ်တိစၢၤမၤစၢၤအကျိၤအကျဲအံၤခီဖျိတၢ်ဒုးသ့ၣ်ညါ၀ဲဂံၢ်ခီၣ်ထံးတၢ်ကရၢကရိ တအိၣ် နီတမံၤဘၣ်အဃိဆူမဲာ်ညါတၢ်မၤစၢၤဒ်အံၤမ့ၢ်အိၣ်န့ၣ်ဒ်သိးတၢ်တၢၣ်ပီၣ်တဲသကိးတၢ်ဒီးဂံၢ်ခီၣ်ထံးကရူၢ်ကရၢကအိၣ်ဖျိဖျိဖျါဖျါအဂီၢ်ခ့ၣ်အဲၣ်ယူၣ်ဘၣ်ထုးထီၣ်ပာ်ဖျါ၀ဲအတၢ်ပာ်သးဒ်အံၤလီၤအဂ့ၢ်န့ၣ် ခ့ၣ်အဲၣ်ယူၣ်ၦၤကတိၤတၢ်ပၢ ပဒိၣ်စီၤကျၢၤစ့ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“တၢ်ဟ့ၣ်တၢ်ဒိသူၣ်ဒိသးတၢ်မၤစၢၤအံၤန့ၣ်ခီဖျိတၢ်တၢၣ်ပီၣ်တၢၣ်ပီတအိၣ်ဘၣ်အဃိခါဆူညါဒ်သိး တၢ်ကဒုးသ့ၣ်ညါဆဲးကျိးဆဲးကျၢ၀ဲဂံၢ်ခီၣ်ထံးၦၤဘၣ်မူဘၣ်ဒါတဖၣ်အဂီၢ်(ခ့ၣ်အဲၣ်ယူၣ်)ထုးထီၣ်ပာ်ဖျါ၀ဲအတၢ်ပာ်သးတဖၣ်လီၤဒီးပတၢ်ပာ်သးန့ၣ်မ့ၢ်ဒ်သိးပကွဲးဖျါထီၣ်လၢလံာ်ပူၤ(၆)ထံၣ်အသိးလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်-...

လါမးရှး ၂၉ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ် သုးက့(၅)ဟီၣ်က၀ီၤအပူၤ ဖဲမဟါလါမးရှး(၂၈)သီအနံၤန့ၣ် KNLA သုးက့(၅)တၢ်ပၢၢ်ဆၢသုးပာ်ဖှိၣ်ကရူၢ် နုာ်လီၤဖီၣ်ဂၢၢ်၀ဲ(ဖၣ်ပူၣ်)၀့ၢ်န့ၢ်လံ အဂ့ၢ်န့ၣ် မုၢ်တြီၢ်ကီၢ်အရ့ၣ် ၦၤဘၣ်မူဘၣ်ဒါ စံး၀ဲန့ၣ်လီၤႉ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(သုးက့ ၅)အၦၤနုာ်လီၤဖီၣ်ဂၢၢ်၀ဲဖၣ်ပူၣ်၀့ၢ်န့ၢ်လံဒီး တကီၢ်ခါခဲအံၤ ပယီၤသုးကလၢၤလၢအိၣ်ဖၣ်ပူၣ်၀့ၢ်ပူၤတဖၣ်ဟးထီၣ်ကွံာ်ခဲလၢာ်လံအဂ့ၢ်န့ၣ် (သုးက့ ၅)ၦၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ်...

လါမးရှး ၂၈ သီႇ ၂၀၂၄ နံၣ်ႇ ခ့ၣ်အဲးစံၣ် တလၢၤကီၢ်စဲၣ် ကၠဲၣ်မယီကီၢ်ဆၣ်အပူၤ (ဒမၣ်သၤ)သ၀ီအပူၤ ဖဲပူၤကွံာ်လါမးရှး(၂၇)သီအနံၤန့ၣ် ခီဖျိသုးကီၣ်ကးအကဘီသုးလၢအိၣ်(ဂျိုင်း)ထံကျိပူၤတဖၣ်အံၤခးလီၤကျိဖးဒိၣ်ဒီးလီၤတဲာ်ပိၢ်ဖးထီၣ်လၢသ၀ီပူၤအဃိမ့ၣ်အူအီၣ်ခီဂာ်၀ဲဟံၣ်အါအါဂီၢ်ဂီၢ် အဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ “ဖဲဟါခီအဆၢကတီၢ်ပယီၤသုးကျိၤနုာ်လီၤႇ တၢ်ဒုးစ့ၢ်ကီးကဲထီၣ်အဆၢကတီၢ်န့ၣ်သုးကီၣ်ကးကဘီသုးလၢအိၣ် (ဂျိုင်း)ကျိပူၤတဖၣ်ခးလီၤကျိဖးဒိၣ်လီၤတဲာ်လၢသ၀ီပူၤဘျီန့ၣ်သ၀ီဖိအဟံၣ်လွံၢ်ပူအကျါသၢပူန့ၣ်မ့ၣ်အူအီၣ်ကွံာ်ခဲလၢာ်လီၤႉ ကျဲမုၢ်အိၣ် ၅ ဘိန့ၣ် အကျါ ၄ ဘိ န့ၣ်မ့ၣ်အူအီၣ်ခဲလၢာ်လီၤႉ မ့မ့ၢ်လၢ(သယၣ်နၤ)သ၀ီတကပၤန့ၣ် တၢ်ခးလိာ်သးကဲထီၣ်လၢပယီၤသုးဒီးကညီသုးႇ တလၢၤသုးႇ...

လါမးရှး ၂၈ သီႇ ၂၀၂၄ နံၣ်ႇ ခ့ၣ်အဲးစံၣ်ႇ ပယီၤသုးကလၢၤလၢအိၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဒူပျာ်ယာ်ကီၢ်ရ့ၣ် သုးက့(၆) ကီးတရံးကီၢ်ဆၣ် ရၤမတံ၀့ၢ်ကလံၤစိး ဂီၤလ့ၤဟီၣ်က၀ီၤ စူးကလံသုးကလၢၤတဖၣ်အံၤ (KNDO)ကွဲးဒုးသ့ၣ်ညါအ၀ဲသ့ၣ်လၢကဟဲ ပာ်ဖှိၣ်မၤသကိးတၢ်ဒီးအ၀ဲသ့ၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ဃးလံာ်ဒုးသ့ၣ်ညါတဘ့ၣ်အံၤန့ၣ် ဟီၣ်က၀ီၤၦၤဘၣ်မူဘၣ်ဒါလၢတအဲၣ်ဒိးပာ်ဖျါအမံၤတဂၤ စံး၀ဲလၢ “ၦဲၤသိးယသ့ၣ်ညါန့ၣ်တၢ်လီၢ်ဖဲန့ၣ်သုးရ့ၣ်ခိၣ်အဲၣ်မၠးထူဒီးအၦၤတဖၣ်န့ၣ်အကစးထီၣ်ဟူးဂဲၤ၀ဲအဃိကဟ့ၣ်ဆိ၀ဲလံာ်ဒီးဟ့ၣ်၀ဲလံာ်ဒုးသ့ၣ်ညါဆိ၀ဲ၀ံၤပယီၤသုးတကပၤမ့ဟဲမၤသိကိးတၢ်ခီန့ၣ်တခး၀ဲဘၣ်မီၤႉနါက့အတၢ်မ့တဟဲပာ်ဖှိၣ်မၤသကိးတၢ်ဘၣ်ခီန့ၣ်ကထီၣ်ခးမီၤလဲၤသးကၠါန့ၣ်ႇစူးကလံသုးကလၢၤဒုအိၣ်ဆီလီၤ သးဖးယံၤလံဒီးအသုးလၢအိၣ်ဖဲန့ၣ်သ့ၣ်တဖၣ်ခီန့ၣ်အပူၤကွံာ်န့ၣ်အိၣ်၀ဲသုးရ့ၣ်ခိၣ်တဂၤလီၤမ့မ့ၢ်အဒုးယၤခိၣ်န့ၣ်အိၣ်လၢကၠဲးဒိလီၤမီၤအဃိန့ၣ်ယကနၣ်ဒုမ့မ့ၢ်လၢအသုးနီၣ်ဂံၢ်န့ၣ်ဒုယဆိမိၣ်ကအိၣ်အဂၤလွံၢ်ဆံဘျဲၣ်ယဲၢ်ဆံညါမီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ် န့ၣ်လီၤႉ လၢန့ၣ်အမဲာ်ညါဒ်(ု္ဒီO)လံာ်တၢ်ဒုးသ့ၣ်ညါအပူၤန့ၣ််ပာ်ဖျါ၀ဲအသိးန့ၣ်...

လါမးရှး ၂၈ သီႇ ၂၀၂၄ နံၣ်ႇ ခ့ၣ်အဲးစံၣ် လၢတၢ်ကဒုးဖျိးကွံာ်သုးမီၤစရိၤသုးကလၢၤအဂီၢ်ဖဲအပူၤကွံာ်လါဖ့ၤဘြူၤအါရံၤအခါန့ၣ်ကလံၤစိးဟီၣ်က၀ီၤ သုးက့(၄)ဘ့ၣ်ပာ်ဖှိၣ်ထီၣ်သးဒုးအိၣ်ထီၣ်၀ဲ(ခဲၤဖ့)တခါဒီးတကီၢ်ခါခဲအံၤခီဖျိစ့လၢတၢ်တိာ်ပာ်၀ဲအနီၣ်ဂံၢ်တၦဲၤဒံးဘၣ်အဃိဒ်သိးစ့နီၣ်ဂံၢ်ကၦဲၤချ့ချ့ အဂီၢ် လိၣ်ဘၣ်၀ဲဒၣ်ကမျၢၢ်အဂံၢ်အဘါအဂ့ၢ်န့ၣ် ခဲၤဖ့သီသံၣ်ခိၣ်ၦၤဘၣ်မူဘၣ်ဒါစံး၀ဲန့ၣ်လီၤႉ ခဲၤဖ့တၢ်ဟူးတၢ်ဂဲၤဘျီ၀ဲအံၤတၢ်စးထီၣ်အီၤဖဲလါဖ့ၤဘြူၤအါရံၤ ၂၀ သီတုၤလၢ လါမးရှး ၃၁ သီဒီး ဘၣ်ဆၣ်ခဲအံၤ ခီဖျိစ့လၢတၢ်ပာ်ပနီၣ်အနီၣ်ဂံၢ်နီၣ်ဒွးမျးကယၤအံၤန့ၢ်ဒံးဒၣ်ထဲ(၃၆)မျးကယၤဒံးလီၤစ့တိာ်ပာ်လိၣ်ဒံး၀ဲ(၆၄)မျးကယၤ အဃိ ကမျၢၢ်ထံဖိကီၢ်ဖိလၢအိၣ်တ့ၢ်ဒံးသ့ၣ်တဖၣ် ကဆီၣ်ထွဲမၤစၢၤသကိး(ခဲၤဖ့)တၢ်ဟူးတၢ်ဂဲၤဘျီ၀ဲအံၤအဂ့ၢ်န့ၣ် (ခဲၤဖ့)သီသံၣ်ခိၣ် ဆီၣ်တခူထီၣ်၀ဲန့ၣ်လီၤႉ (ခဲၤဖ့)သီသံၣ်ခိၣ်တၢ်ဟူးတၢ်ဂဲၤဘျီ၀ဲအံၤတၢ်တိာ်ပာ်၀ဲအစ့ပယီၤအကလီၢ်(၁၀၀)ဒီးစ့အံၤတမ့ၢ်လၢမုၢ်ကျိၤ၀ဲၤ ကွာ်အဂီၢ်ဘၣ်အဃိလိၣ်ဘၣ်၀ဲကမျၢၢ်အတၢ်ဆီၣ်ထွဲမၤစၢၤအဂ့ၢ်န့ၣ်...

လါမးရှး ၂၇ သီႇ၂၀၂၄နံၣ်ႇခ့ၣ်အဲးစံၣ်ႇ ကတီၢ်ခဲအံၤတၢ်ဆၢကတီၢ်တုၤဃီၤလံလၢပဘၣ်ရိဖှိၣ်ဃူဖိးဒီးဒုးသကိးတၢ်လၢတၢ်မၤနၢၤဖီတၢၣ်အဂီၢ်အဂ့ၢ်န့ၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ တၢ်ဒီတဒၢ၀ဲၤကျိၤခိၣ် ပဒိၣ်စီၤဆၢဂ့ၤဆီၣ်တခူထုးထီၣ်ပာ်ဖျါ၀ဲဖဲမဟါလါမးရှး(၂၆)သီ အနံၤန့ၣ်လီၤႉ တၢ်ပၢၢ်ဆၢတၢ်ဖံးတၢ်မၤဒီတကတီၢ်အပူၤခီဖျိတၢ်ဂ့ၢ်အါမံၤအဃိသုးမုၢ်သံၣ်ဘိဒီးတၢ်ကရၢကရိတဖၣ်ဘၣ်လီၤမုၢ်လီၤဖးအိၣ်ထီၣ်၀ဲဒီးဘၣ်ကွၢ်ဆၢၣ်မဲာ်တ့ၢ်၀ဲတၢ်အါမံၤအသိးလဲၤခီဖျိတ့ၢ်လၢတၢ်မၤနၢၤအဃိမ်ကပဟံန့ၢ်က့ၤတၢ်မၤလိလၢပတၢ်လဲၤခီဖျိသ့ၣ်တဖၣ်အဖီခိၣ်ဒီးအိၣ်ဆၢထၢၣ်သကိးက့ၤဂၢၢ်ဂၢၢ်ကျၢၤကျၢၤလၢပၦၤကလုာ်တဖၣ်အဂီၢ်အဂ့ၢ်န့ၣ် လံာ်ထုးထီၣ်ပာ်ဖျါအပူၤ ပဒိၣ် စီၤဆၢဂ့ၤ စံး၀ဲန့ၣ်လီၤႉ အပူၤကွံာ်တၢ်ပၢၢ်ဆၢတၢ်ဖံးတၢ်မၤအပူၤပတၢ်ဂံၢ်စၢ်ဘါစၢ်အိၣ်၀ဲအါမံၤဘၣ်ဆၣ်ပတၢ်မုၢ်လၢ်တၢ်ကွၢ်စိမ့ၢ်ဒၣ်ထဲလၢ ပၦၤကလုာ်ႇပကီၢ်သူလ့ၤအဂီၢ်ဒီးကီၢ်စၢဖှိၣ်တဘ့ၣ်အပူၤကလုာ်ဒူၣ်ကိးဖုဒဲးကဒိးန့ၢ်ဘၣ်တၢ်ထဲသိးတုၤသိးတၢ်စံၣ်ညီၣ်ပၢလီၤသးခွဲးယာ်လီၤအဃိကတီၢ်ခဲအံၤပကပာ်ဖှိၣ်ထီၣ်သးဂဲၤလိာ်ဒုးသကိးတၢ်လၢတၢ်သးတဖျၢၣ်ဃီပူၤ အဂ့ၢ်န့ၣ် လံာ်တၢ်ပာ်ဖျါအပူၤ စံး၀ဲန့ၣ်လီၤႉ ဒ်န့ၣ်အသိးႇလၢတၢ်ကသူၣ်ထီၣ်ခါဆူညါဖဲၣ်ဒရဲၣ်ဒံၣ်မိၣ်ကရ့ၣ်စံၣ်ကီၢ်စၢဖှိၣ်ႇပၦၤကညီကလုာ်ဒီးကလုာ်ဒူၣ်ခဲလၢာ်...

လါမးရှး ၂၆ သီႇ ၂၀၂၄နံၣ်ႇ ခ့ၣ်အဲးစံၣ်ႇ ဖဲမဟါလါမးရှး(၂၅)သီအနံၤ ကီၢ်ကၠီၣ်တဲၣ်ပဒိၣ်စိာ်ခီဆှၢ၀ဲ(AHACenter)ဂံၢ်ခီၣ်ထံးတၢ်ဒိသူၣ်ဒိသးတၢ်တိစၢၤမၤစၢၤလၢ ကီၢ်ပယီၤအပူၤလၢကီၢ်ဆၢၦၤလီၢ်အိၣ်ကမှံဖိ(၂၀၀၀၀)ခံကလးအဂီၢ်ဒီးတၢ်ရဲၣ်တၢ်ကျဲၤအံၤတမ့ၢ်ကျိၤကျဲလၢအဂ့ၤဘၣ် အဂ့ၢ်န့ၣ် ကညီပိာ်မုၣ်ကရၢ(KWO )စံး၀ဲန့ၣ်လီၤႉ ကၠီၣ်တဲၣ်ပဒိၣ်အတၢ်စိာ်ခီဆှၢ၀ဲတၢ်ဒိသူၣ်ဒိၣ်သးတၢ်တိစၢၤမၤစၢၤလၢကညီကီၢ်စဲၣ်ၦၤလီၢ်အိၣ်ကမှံဖိအဂၤ(၂၀၀၀၀)အဂီၢ်အံၤ ခီဖျိလဲၤ၀ဲလၢသုးကီၣ်ကးစုတီၤဖီလာ်ကရူၢ်ကရၢအအိၣ်ဒီးတကးဒံးဘၣ်တၢ်တဲၣ်ပီၣ်တၢၣ်ပီၣ်ဒီးဂံၢ်ခီၣ်ထံးကညီတၢ်ကရၢကရိ တအိၣ်၀ဲနီတမံၤဘၣ်အဃိတမ့ၢ်တၢ်စိာ်ခီဆှၢအကျိၤအကျဲလၢအတဂ့ၤဘၣ်အဂ့ၢ်န့ၣ် ကညီပိာ်မုၣ်ကရၢ(KWO) ၦၤနဲၣ်တၢ်သရၣ်မုၣ်နီၢ်ကညီဖီစံး၀ဲဒ်အံၤန့ၣ်လီၤႉ ...

လါမးရှး ၂၆ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဖၣ်အၣ်ကီၢ်ရ့ၣ် ဒူယီၢ်ကီၢ်ဆၣ်အပူၤ ဖဲတၢ်ကိၢ်ခါကၠိပံးအဆၢကတီၢ်အံၤ ဒ်သိးၦၤကၠိဖိႇဖိဒံဖိသၣ်သူၣ်ဘီၣ်သးစၢ်သ့ၣ်တဖၣ်သုတဟးကဒံကဒါဒီးကသ့ၣ်ညါပာ်လုၢ်ပာ်ၦ့ၤတၢ်ကူၣ်တၢ်ကူၣ်သ့အဂီၢ်န့ၣ် တၢ်အိးထီၣ်န့ၢ်၀ဲတၢ်ကိၢ်ခါတၢ်မၤလိတခါအဂ့ၢ်န့ၣ် သ့ၣ်ညါဘၣ်န့ၣ်လီၤႉ တၢ်ကိၢ်ခါတၢ်မၤလိဘျီ၀ဲအံၤန့ၣ်မ့ၢ်၀ဲ ဒူယီၢ်ကီၢ်ဆၣ် ကညီသးစၢ်ကရၢ(KYO)တီခိၣ်ရိၣ်မဲအိးထီၣ်၀ဲဒီး ၦၤကၠိဖိသူၣ်ဘီၣ် သးစၢ်လၢအိၣ်ဟီၣ်က၀ီၤပူၤတဖၣ်အံၤဖဲကၠိပျၢ်အခါဒ်သိးအ၀ဲသ့ၣ်သုကဟးကဒံကဒါကလီကလီ တဂ့ၤဒီး ကသ့ၣ်ညါဘၣ် အါထီၣ်လုၢ်လၢ်တၢ်ဆဲးတၢ်လၤအဂီၢ်ဘၣ်တၢ်အိးထီၣ်၀ဲတၢ်ကိၢ်ခါတၢ်မၤလိဒ်အံၤလီၤအဂ့ၢ်န့ၣ် (KYO)ၦၤဘၣ်မူဘၣ်ဒါလၢ အတီခိၣ်ရိၣ်မဲအိးထီၣ်တၢ်မၤလိအံၤတဖၣ် စံး၀ဲန့ၣ်လီၤႉ ဘၣ်ဃးတၢ်အိးထီၣ်တၢ်ကိၢ်ခါတၢ်မၤလိအတၢ်ပညိၣ်အဂ့ၢ်အကျိၤလၢလၢၦဲၤၦဲၤန့ၣ် ဒူယီၢ်ကီၢ်ဆၣ်...

လါမးရှး ၂၅ သီႇ ၂၀၂၄ နံၣ်ႇ ခ့ၣ်အဲးစံၣ်ႇ ဒ်သိးတၢ်ကသ့ၣ်ညါအါထီၣ်၀ဲကညီဖိလၢအိၣ်ထံထၣ်စွ့ပူၤအဂီၢ် လါလၢကဟဲလါအ့ဖြ့ၣ်အံၤ ထံထၣ်စွ့ကညီသးစၢ်ဒီးကီၢ်သူလ့ၤကညီသးစၢ်ပာ်ဖှိၣ်သး တီခိၣ်ရိၣ်မဲကမၤ၀ဲ တၢ်သး၀ံၣ်တၢ်ပြၢတၢ်ရဲၣ်တၢ်ကျဲၤ တခါလၢ(ONLINE)ပူၤအဂ့ၢ် ၦၤလၢအတီခိၣ်ရိၣ်မဲ ဒုးအိၣ်ထီၣ်တၢ်ပြၢတၢ်ရဲၣ်တၢ်ကျဲၤ ၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ တၢ်သး၀ံၣ်တၢ်ပၢအံၤအခိၣ်တီန့ၣ်တၢ်ဟ့ၣ်၀ဲအမံၤလၢ“ထံထၣ်စွ့ကီၢ်ခီဒိၣ်အထါ”ဒီးတၢ်သး၀ံၣ်တၢ်ပြၢတၢ်ရဲၣ်တၢ်ကျဲၤအံၤအတၢ်ပညိၣ်ကွၢ်စိန့ၣ်မ့ၢ်၀ဲဒ်သိးကညီဖိလၢအိၣ်တၢ်လီၢ်အဂၤသ့ၣ်တဖၣ်ကသ့ၣ်ညါ၀ဲထံထၣ်စွ့ကီၢ်ခီဒိၣ်အံၤမ့ၢ်ကီၢ်သူလ့ၤဟီၣ်က၀ီၤဒီးတကးဒံးဘၣ်မိၢ်ထံးပၢ်ထံးကညီဖိလၢအိၣ်ထံထၣ်စွ့တဖၣ်ကအိၣ်ဒီးတၢ်ရ့လိာ်မုာ်လိာ်သးဒီးကညီဖိလၢအိၣ်တၢ်လီၢ်ကိးတီၤဒဲးတဖၣ်အဂီၢ်လီၤအဂ့ၢ်န့ၣ် ၦၤလၢအဒုးအိၣ်ထီၣ်တၢ်ရဲၣ်တၢ်ကျဲၤ စီၤသီမၢၣ်ထူ စံး၀ဲဒ်အံၤန့ၣ်လီၤႉ ...

လါမးရှး ၂၅ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ် ဒူသထူၣ်ကီၢ်ရ့ၣ် ဘံလ့ကီၢ်ဆၣ်အပူၤ ဖဲလါမးရှး ၂၃ သီ မုၢ်နၤခီအဆၢကတီၢ်န့ၣ် ခီဖျိကဘီယူၤ ဟဲခးလီၤတၢ်လၢဃီဖိပျဲၢ်သ၀ီပူၤအဃိ တၢ်သူၣ်ထီၣ်ဟးဂီၤ၀ဲဒၣ်(၁၇)ဖျၢၣ်အကျါပၣ်ဃုာ်၀ဲကၠိတၢ်သူၣ်ထီၣ်(၃)ဖျၢၣ်ဒီး သ၀ီဖိဘၣ်ဒိ၀ဲဒၣ်တဂၤအဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါစံး၀ဲန့ၣ်လီၤႉ ဖဲမုၢ်နၤခီ ၁၀း၀၀ ဘျဲၣ်အဆၢကတီၢ်န့ၣ် ပယီၤသုးကဘီယူၤဟဲခးလီၤတၢ်(၃)ဘျီ ခးလီၤ၀ဲကျိဖးဒိၣ်ကျိဖိ (၁၂)ဖျၢၣ်ဆူ ဃီဖိပျဲၢ်သ၀ီပူၤဒီးလၢတၢ်န့ၣ်အဃိ...