ပယီၤသုးမီၤစိရိၤအၦၤတဂၤဟဲက့ၤဟ့ၣ်လီၤကဒီးအသးဆူခ့ၣ်အဲၣ်ယူၣ်အအိၣ်ဃုာ်ဒီးတၢ်စုက၀ဲၤ
လါယနူၤအါရံၤ ၂၈ သီႇ ၂၀၂၂ နံၣ်ႇ ခ့ၣ်အဲးစံၣ်
ဖဲလါယနူၤအါရံၤ ၂၆ သီအနံၤ ပယီၤသုးမီၤစိရိၤခီၣ်ချ့သုးရ့ၣ်(ခမရ-၆၄၂)လၢအအိၣ်ဖဲဖၣ်ပူၣ်၀့ၢ် အၦၤတဂၤဟဲက့ၤဟ့ၣ်လီၤအသးဆူခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ (သုးက့- ၅)မုၢ်တြီၢ်ကီၢ်ရ့ၣ်အအိၣ်ဃုာ်ဒီးတၢ်စုက၀ဲၤလၢလၢၦဲၤၦဲၤအဂ့ၢ်န့ၣ် ခ့ၣ်အဲၣ်ယူၣ်-မုၢ်တြီၢ်တၢ်ကစီၣ် ထုးထီၣ်ပာ်ဖျါ၀ဲဖဲမဟါအနံၤန့ၣ်လီၤႉ
ပယီၤသုးမီၤစိရိၤ(ခမရ-၆၄၂)သုးရ့ၣ်လၢအအိၣ်ဆီလီၤသးဖဲတီအူဟီၣ်က၀ီၤ အသုးဖိမီၣ်မၠိလွ့ၤ(၂၃)နံၣ် ကစၢ်နီၣ်ဂံၢ်(တ-၅၄၈၁၂၈)အံၤ ခီဖျိတအဲၣ်ဒိး၀ဲဒၣ်ခိၣ်နၢ်လၢတၢ်ဖီခိၣ်အတၢ်ဖံးတၢ်မၤတဖၣ်ဘၣ်အဃိ ဘၣ်စံၣ်ဖျိးထီၣ်၀ဲဒ်အံၤလီၤအဂ့ၢ်န့ၣ် မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲတၢ်ဂီၤမူအပူၤစံး၀ဲန့ၣ်လီၤႉ
သုးဖိမီၣ်မၠိလွ့ၤစံး၀ဲလၢ“စံၣ်ဖျိးထီၣ်တၢ်ဂ့ၢ်တၢ်ကျိၤခီန့ၣ် ခီဖျိမၢ၀ဲၦၤသုးဖိလၢတၢ်ဖီလာ်တဖၣ်ဖဲကတိလီၤႉ မ့၀ံၤဒုးအီၣ်၀ဲဘျဲဘျဲတဘျဲဘျဲလီၤႉ ထံနါက့ဒုးအီ၀ဲလၢစက့လီၤႉ ဒုးအီၣ်မ့ၤန့ၣ်သိတပၣ်ဘၣ်ႇအ၀ဲသ့ၣ်မၢၦၤသုးဖိလၢတၢ်ဖီလာ်တဖၣ်ဒီးတၢ်မ့တဘၣ်အ၀ဲသ့ၣ်သူၣ်သးဘၣ်န့ၣ်ဒဲ၀ဲပမဲာ်သၣ်ႇခးပုာ်ၦၤလီၤႉ မ့၀ံၤထိ၀ဲဒၣ်ဒီးအစုခိၣ်သၣ်ႇဒဲ၀ဲဒၣ်ပမဲာ်သၣ်လီၤႉ...
ဒ်သိးသဲးစးဂ့ၢ်၀ီအဂံၢ်ကဆူၣ်ထီၣ်အဂီၢ် ကညီတၢ်ဆီၣ်ထွဲမၤစၢၤသဲစး၀ဲၤလီၢ်ဒီးဂံၢ်ခီၣ်ထံးတၢ်ကရၢကရိတဖၣ် ကပာ်ဖှိၣ်မၤသကိးတၢ်
လါယနူၤအါရံၤ ၂၆ သီႇ ၂၀၂၂ နံၣ်ႇ ခ့ၣ်အဲးစံၣ်
ဒ်သိးသဲစးဂ့ၢ်၀ီအဂံၢ်ကဆူၣ်ထီၣ်တုၤလီၤတီၤလီၤအဂီၢ် ဖဲမဟါလါယနူၤအါရံၤ ၂၅ သီအနံၤ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ သဲစး၀ဲၤကျိၤစုတီၤအဖီလာ် ကညီတၢ်ဆီၣ်ထွဲမၤစၢၤသဲစး၀ဲၤလီၢ်(KLAC)ဒီးကညီဂံၢ်ခီၣ်ထံးတၢ်ကရၢကရိတဖၣ် မၤ၀ဲတၢ်တၢၣ်ပီၣ်တဲသကိးတၢ်ရဲၣ်တၢ်ကျဲၤတခါဒီး ကပာ်ဖှိၣ်မၤသကိး၀ဲတၢ်န့ၣ်လီၤႉ
ထံဖိကီၢ်ဖိကမျၢၢ်တဖၣ်ဖဲအကွၢ်ဆၢၣ်မဲာ်ဒီးသဲစးဂ့ၢ်၀ီတၢ်ကီတၢ်ခဲႇတၢ်တၤတၢ်အဆၢကတီၢ် ဒ်သိးကပာ်ဖှိၣ်ဃဲၣ်လီၤဘှါရှဲသကိး၀ဲအဂီၢ် တၢ်တၢၣ်ပီၣ်ဃုသကိး၀ဲအစၢဒီး တၢ်ပာ်လီၤ၀ဲခါဆူညါတၢ်ရဲၣ်တၢ်ကျဲၤတဖၣ်အဂ့ၢ်န့ၣ် (KLAC)နဲၣ်ရွဲၣ် နီၢ်လွဲထူစ့ စံးဘၣ်ခ့ၣ်အဲးစံၣ်-ကညီတၢ်ကစီၣ်၀ဲၤလီၢ်ခိၣ်သ့ၣ်ဒ်အံၤန့ၣ်လီၤႉ
အ၀ဲစံး၀ဲလၢ“ခဲအံၤခီဖျိထံရူၢ်ကီၢ်သဲးဒီးတၢ်ဘံၣ်တၢ်ဘၢတၢ်အိၣ်သးအဃိ ဒ်သိးတၢ်ကဟ့ၣ်၀ဲသဲစးဂ့ၢ်၀ီတၢ်သ့ၣ်ညါနၢ်ပၢၢ်အဂီၢ် တၢ်ကီတၢ်ခဲအိၣ်၀ဲဒၣ်အါမးလီၤႉ ဒ်သိးကမျၢၢ်တဖၣ်အတၢ်နာ်အီၣ်သဲစးဂ့ၢ်၀ီအံၤအဂီၢ်န့ၣ် အရ့ဒိၣ်၀ဲဒၣ်လီၤႉ...
ခီဖျိတၢ်ဒုးကဲထီၣ်ကိးနံၤဒဲးအဃိ ကမျၢၢ်လၢအိၣ်ဘူးဒီးတၢ်ဒုးကဲထီၣ်အလီၢ်တဖၣ် တုၤလၢခဲအံၤက့ၤလၢဟံၣ်တဘူၣ်ဒံးဘၣ်
လါယနူၤအါရံၤ ၂၆ သီႇ ၂၀၂၂ နံၣ်ႇ ခ့ၣ်အဲးစံၣ်
ခီဖျိတၢ်ဒုးကဲထီၣ်လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤတဖၣ်အပူၤကိးမုၢ်နံၤဒဲးအဃိ လီၢ်က၀ီၤကမျၢၢ်လၢအအိၣ်ဘူးဒီးတၢ်ဒုးဟီၣ်က၀ီၤတဖၣ်တုၤလၢခဲအံၤတစုက့ၤအိၣ်ဆိးလၢအဒူသ၀ီပူၤတဘူၣ်ဒံး ၀ဲဘၣ်အဂ့ၢ်န့ၣ် ခ့ၣ်အဲၣ်ယူၣ်တၢ်ကစီၣ်ဒီးတၢ်ဘိးဘၣ်ရၤလီၤ၀ဲၤကျိၤထုးထီၣ်ပာ်ဖျါ၀ဲဖဲတနံၤအံၤလါယနူၤအါရံၤ ၂၆ သီအနံၤန့ၣ်လီၤႉ
ဒ်ခ့ၣ်အဲၣ်ယူၣ်ထုးထီၣ်ပာ်ဖျါ၀ဲအသိးန့ၣ် ခီဖျိပယီၤသုးမီၤစိရိၤဒီးသုးခိးကီၢ်ဆၢ(BGF)သုးပာ်ဖှိၣ်တဖၣ် နုာ်လီၤဟူးဂဲၤ၀ဲလၢခ့ၣ်အဲၣ်ယူၣ်တၢ်ပၢဟီၣ်က၀ီၤပူၤတပယူာ်ဃီအဃိ တၢ်ဒုးကဲထီၣ်၀ဲဒီးကညီဒီကလုာ်တၢ်ထူၣ်ဖျဲး သုးမုၢ်ဒိၣ်(KNLA)ဒီးကညီဒီကလုာ်ဂၢၤသးကရၢ(KNDO)တဖၣ်ကိးမုၢ်နံၤဒဲးညါန့ၣ်လီၤႉ
ခ့ၣ်အဲၣ်ယူၣ်တၢ်ပၢဟီၣ်တဖၣ်အပူၤစးထီၣ်ဖဲလါယနူၤအါရံၤ ၁၅ သီ တုၤလၢ ၂၅ သီအနံၤ လၢ(၁၀)သီအတီၢ်ပူၤ တၢ်ဘၣ်သဂၢၢ်ခးလိာ်သးကဲထီၣ်၀ဲ(၁၀၅)ဘျီဒီး ဖဲန့ၣ်ပယီၤသုးမီၤစိရိၤအၦၤသံ၀ဲ(၁၅၀)ဂၤႇဘၣ်ဒိ(၁၁၅)ဂၤအဂ့ၢ်န့ၣ် ခ့ၣ်အဲၣ်ယူၣ်လံာ်တၢ်ပာ်ဖျါအပူၤပာ်ဖျါ၀ဲန့ၣ်လီၤႉ
လၢန့ၣ်အမဲာ်ညါခီဖျိပယီၤသုးမီၤစိရိၤအသုးႇသုးခိးကီၢ်ဆၢ(BGF)တဖၣ်...
ကီးတရံးလီၢ်က၀ီၤဖိလၢအကထိဘၣ်ပာ်တ့ၢ်ကွံာ်အတၢ်ဖံးတၢ်မၤဒီးဘၣ်ဟးစံၣ်ပလဲာ်သး
လါယနူၤအါရံၤ ၂၅ သီႇ ၂၀၂၂ နံၣ်ႇ ခ့ၣ်အဲးစံၣ်
ခီဖျိအယီၤသုးမီၤစိရိၤအသုးနုာ်လီၤဟူးဂဲၤလၢကီးတရံး၀့ၢ်ကလံၤထံးသ၀ီတဖၣ်အပူၤအဃိ လီၢ်က၀ီၤဒူဖိသ၀ီဖိလၢအကထိဘၣ်ပာ်တ့ၢ်ကွံာ်တၢ်လုၢ်အီၣ်နီၢ်ခိသးသမူတၢ်ဖံးတၢ်မၤတဖၣ်ဒီး ဘၣ်ဟးစံၣ်ပလဲာ်သးအဂ့ၢ်န့ၣ် သ့ၣ်ညါဘၣ်န့ၣ်လီၤႉ
လီၢ်က၀ီၤဖိလၢအအိၣ်ဖဲကီးတရံးကလံၤထံးသ့ၣ်တဖၣ် ဆၢကတီၢ်ခဲအံၤတၢ်ဆၢကတီၢ်ဘၣ်လၢကဘၣ်ကူးက့ၤ၀ဲအဘုႇသဘ့ဟီၣ်လာ်(ပဲ),ဘုခ့ဒီးနံၣ်သိသ့ၣ်တဖၣ်လံဘၣ်ဆၣ် အ၀ဲသ့ၣ်ဘၣ်ပာ်တ့ၢ်ကွံာ်အတၢ်သူၣ်တၢ်ဖျးတဖၣ်ခဲလၢာ်တကးဒံးဘၣ် ဘၣ်တ့ၢ်ကွံာ်ဆၣ်ဖိကီၢ်ဖိလၢအဘုၣ်ဃာ်၀ဲလၢဟံၣ်သ့ၣ်တဖၣ်ဒီးဘၣ်ဟးစံၣ်ပလဲာ်သးအဂ့ၢ်န့ၣ် အီဖးဖးဒိၣ်ကရူၢ်လီၢ်က၀ီၤဖိတဂၤစံး၀ဲန့ၣ်လီၤႉ
အ၀ဲစံး၀ဲလၢ“ၦၤတနီၤန့ၣ်အဘုဘီထီၣ်လံႇဘၣ်ကူး၀ဲအဆၢကတီၢ်ဘၣ်လံ ကူးတချုးဒံးဘၣ်ႉ ၦၤလၢအသူၣ်ပဲတနီၤန့ၣ်စ့ၢ်ကီးတထဲးဘၣ်ဒံးပဲဒံးဘၣ်ႉ မ့၀ံၤကျီၢ်ႇမဲးတဲးလဲးသ့ၣ်တဖၣ်စ့ၢ်ကီး ဖဲအကစၢ်တအိၣ်ဘၣ်အခါဘၣ်ယိၣ်လၢကလီၤဒိဒီးတၢ်အီၣ်ဘၣ်ပျၢ်လီၤကွံာ်၀ဲခဲလၢာ်အဃိ အ၀ဲသ့ၣ်နုာ်လီၤလၢတၢ်သူၣ်တၢ်ဖျးကရၢၢ်ပူၤဒီးမၤဟးဂီၤ၀ဲတၢ်ခဲလၢာ်လီၤမီၤနီၤႉ လၢကက့ၤကွၢ်တၢ်သူၣ်တၢ်ဖျးကျီးအဂီၢ်စ့ၢ်ကီးဘၣ်ယိၣ်လၢတၢ်ကဖီၣ်ပီၣ်တၣ်အဃိ ၦၤက့ၤတဘူၣ်နီတဂၤဘၣ်ႉ တၢ်သ့ၣ်တဖၣ်န့ၣ်ဆှူကွံာ်ခဲလၢာ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ
စးထီၣ်ဖဲလါယနူၤအါရံၤ ၆ သီတုၤလၢအခဲအံၤန့ၣ်...
တနံၤဃီအတီၢ်ပူၤတၢ်ဒုးကဲထီၣ်(၆)ဘျီဒီးပယီၤသုးသံ(၈)ဂၤႇဘၣ်ဒိ(၇)ဂၤ
လါယနူၤအါရံၤ ၂၅ သီႇ ၂၀၂၂ နံၣ်ႇ ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ (သုးက့ ၅)မုၢ်တြီၢ်ကီၢ်ရ့ၣ်ဟီၣ်က၀ီၤအပူၤ ဖဲလါယနူၤအါရံၤ ၂၂ သီ တသီအတီၢ်ပူၤတၢ်ဒုးကဲထီၣ်၀ဲ(၆)ဘျီဒီး ဖဲန့ၣ်ပယီၤသုးမီၤစိရိၤအၦၤသံခဲလၢာ်(၈)ဂၤႇဘၣ်ဒိ(၇)ဂၤအဂ့ၢ်န့ၣ် ခ့ၣ်အဲၣ်ယူၣ်-မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲဖဲမဟါလါယနူၤအါရံၤ ၂၄ သီအနံၤန့ၣ်လီၤႉ
ဒ်မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲအသိးန့ၣ် ဖဲလါယနူၤအါရံၤ ၂၂ သီႇ ဂီၤခီ ၂ နၣ်ရံၣ်ဃၣ်ဃၣ်အဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်-KNLA သုးရ့ၣ်(၁၀၂)သုးပာ်ဖှိၣ်တဖၣ်နုာ်လီၤခး၀ဲသုးခိးကီၢ်ဆၢ(BGF)ဖဲဃီ၀ါထၣ်တိၤဒီး...
ပယီၤသုးကလၢၤလၢအအိၣ်ဖဲလ့နါထိး(တီၣ်စိ)သ၀ီပူၤအံၤခးပိၢ်ကျိကိးမုၢ်နၤဒဲးအဃိ သ၀ီဖိတဖၣ်ဘၣ်ဟးစံၣ်ပလဲာ်သး
လါယနူၤအါရံၤ ၂၄ သီႇ ၂၀၂၂ နံၣ်ႇ ခ့ၣ်အဲးစံၣ်
ပယီၤသုးမီၤစိရိၤအသုးကလၢၤလၢအအိၣ်ဆီလီၤသးဖဲကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ် လ့နၢ်ထိး(တီၣ်စိ)သ၀ီပူၤတဖၣ်အံၤ ခီဖျိခးပိၢ်ထီၣ်ကျိကိးမုၢ်နၤဒဲးအဃိ သ၀ီဖိတဖၣ်ဘၣ်ယိၣ်ဘၣ်ဘှီပျံၤတၢ်ဖုးတၢ်ဒီးဘၣ်ဟးစံၣ်ပလဲာ်သးအဂ့ၢ်န့ၣ် သ့ၣ်ညါဘၣ်န့ၣ်လီၤႉ
လ့နၢ်ထိး(တီၣ်စိ)သုးကလၢၤအံၤမ့ၢ်၀ဲဒၣ်ပယီၤသုးခီၣ်သုးရ့ၣ်(ခလရ-၂၈၃)အိၣ်ဆီလီၤသးဒီး ဖဲဟါခီ(၇)နၣ်ရံၣ်ဃၣ်ဃၣ်အဆၢကတီၢ်န့ၣ်ခီဖျိခးတပျုာ်တပျီာ်ကျိအဃိ သ၀ီဖိတဖၣ်အါဒၣ်တက့ၢ်န့ၣ်အိၣ်လၢဟံၣ်တဘူၣ်လၢၤဘၣ်ဒီး ပာ်တ့ၢ်ကွံာ်အဟံၣ်အဃီဘၣ်ဟးစံၣ်ပလဲာ်သးအဂ့ၢ်န့ၣ် လီၢ်က၀ီၤသ၀ီဖိတဂၤစံးဘၣ်ခ့ၣ်အဲးစံၣ်န့ၣ်လီၤႉ
“မတၤတဂၤမးတဟဲခးအ၀ဲသ့ၣ်ဘၣ် ဘၣ်ဆၣ်အိၣ်ခးပိၢ်ထီၣ်ကျိလၢအသုးကလၢၤကိးမုၢ်နၤဒဲးလီၤႉ ၦၤအိၣ်တဘူၣ်နီတဂၤလၢၤဘၣ်ႉ ခးလီၤတၢ်လၢသ၀ီပူၤအဃိၦၤပျံၤတၢ်မီၤနီၤႉ အ၀ဲသ့ၣ်အိၣ်အဃိၦၤဖံးအီၣ်မၤအီၣ်တၢ်တညီဘၣ်ႉ လဲၤလၢကျီးပူၤတဘူၣ်လၢၤဘၣ်ႉ ခဲအံၤဘၣ်ဟးစံၣ်ပလဲာ်သးလီၤ”အဂ့ၢ်န့ၣ် သ၀ီဖိလၢတအဲၣ်ဒိးပာ်ဖျါအမံၤတဂၤစံးဘၣ်ခ့ၣ်အဲးစံၣ်န့ၣ်လီၤႉ
လ့နၢ်ထိး(တီၣ်စိ)ယီၤသုးကလၢၤလၢအအိၣ်ဖဲခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ၀ီၢ်ရီကီၢ်ဆၣ်တၢ်ပၢဟီၣ်က၀ီၤအပူၤအံၤ ခးလီၤကျိဖးဒိၣ်ကျိဖိတဖၣ်ဆူဒူသ၀ီအပူၤအိၣ်၀ဲတလီၢ်လီၢ်အသိး...
တတူၢ်လိာ်တၢ်ဆိကတီၢ်ကွံာ်မူဒါဒီးလီၢ်လးဘၣ်အဂ့ၢ် သုးခိၣ်ကျၢၢ်ဖိစီၤနၢၤဒါမၠးထုးထီၣ်ပာ်ဖျါ
လါယနူၤအါရံၤ ၂၄ သီႇ ၂၀၂၂ နံၣ်ႇ ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ တၢ်ဒီသဒၢ၀ဲၤကျိၤဆိကတီၢ်ကွံာ်အ၀ဲသ့ၣ်စုဒုၣ်တီၤအဖီလာ် ကညီဒီကလုာ်ဂၢၤသးကရၢ(KNDO)ဂၢၤသးခိၣ်ကျၢၢ် သုးခိၣ်ကျၢၢ်ဖိ စီၤနၢၤဒါမၠးဒီး သုးခိၣ်စီၤဘး၀ါတဖၣ်လၢမူဒါဒီးလီၢ်လးအံၤအဖီခိၣ် တတူၢ်လိာ်၀ဲဘၣ်အဂ့ၢ်န့ၣ် သုးခိၣ်ကျၢၢ်ဖိစီၤနၢၤဒါမၠးထုးထီၣ်ပာ်ဖျါ၀ဲလံာ်ဖဲလါယနူၤအါရံၤ ၂၁ သီအနံၤန့ၣ်လီၤႉ
ဘၣ်ဃးဒီးတၢ်မၤသံၦၤ(၂၅)ဂၤ ဖဲမၠၣ်၀တံၣ် ၀ီၤလ့ၤဟီၣ်က၀ီၤပူၤအံၤအဖီခိၣ် ဖဲလါယနူၤအါရံၤ(၁၇)သီအနံၤ ခ့ၣ်အဲၣ်ယူၣ်တၢ်ဒီသဒၢ၀ဲၤကျိၤထုးထီၣ်လံာ်တၢ်ကလုၢ်လၢဆိကတီၢ်ကွံာ်ၦၤဘၣ်မူဘၣ်ဒါခံဂၤအမူဒါဒီးလီၢ်လး အံၤအဖီခိၣ် သုးခိၣ်ကျၢၢ်ဖိစီၤနၢၤဒါမၠးက့ၤထုးထီၣ်ပာ်ဖျါကဒါ၀ဲလံာ်အံၤန့ၣ်လီၤႉ
လံာ်တၢ်ကလုၢ်တဘ့ၣ်အံၤအဖီခိၣ်မ့ၢ်တၢ်လၢအမၤကမၣ်တၢ်ဖးဒိၣ်ညါအသိး တူၢ်လိာ်အီၤတသ့လ့ၤတက့ၤဘၣ်အမဲာ်ညါ ခိၣ်နၢ်လၢအလဲၤတၢ်တဘၣ်ကျဲဒီးမၤန့ၢ်ဒုၣ်ဒါပယီၤအတၢ်မၤဒီးဟ့ၣ်ဂံၢ်ဟ့ၣ်ဘါပယီၤသုးမီၤစိရိၤတဖၣ်အံၤ...
ကီၢ်သူလ့ၤတၢ်ပၢဟီၣ်က၀ီၤပူၤၦၤဃ့ၢ်မှံဟးဖျိးအနီၣ်ဂံၢ်ဟဲအါထီၣ်
လါယနူၤအါရံၤ ၁၉ သီႇ ၂၀၂၂ နံၣ်ႇ ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤတဖၣ်အပူၤ တကီၢ်ခါခဲအံၤၦၤဃ့ၢ်မှံဟးဖျိးအနီၣ်ဂံၢ်ဟဲအါထီၣ်၀ဲ(၅၀ႇ၀၀၀)ဘျဲၣ်အဂ့ၢ်န့ၣ် ခ့ၣ်အဲၣ်ယူၣ်တၢ်ကစီၣ်ဒီးတၢ်ဘိးဘၣ်ရၤလီၤ၀ဲၤကျိၤထုးထီၣ်ဘိးဘၣ်ရၤလီၤ၀ဲဖဲတနံၤအံၤလါယနူၤအါရံၤ ၁၉ သီအနံၤန့ၣ်လီၤႉ
ၦၤဃ့ၢ်မှံဟးဖျိးသ့ၣ်တဖၣ်အံၤ ခီဖျိပယီၤသုးမီၤစိရိၤအကဘီယူၤဟဲကွံာ်လီၤမ့ၣ်ပိၢ်ဒီးခးလီၤနါစိၤကျိဖးဒိၣ်တဖၣ်အဃိ မ့ၢ်ၦၤသ့ၣ်တဖၣ်လၢအဃ့ၢ်ထီၣ်၀ဲလၢတကီၢ်ခါခဲအံၤသ့ၣ်တဖၣ်ဒီး ကီၢ်သူလ့ၤတၢ်ပၢဟီၣ်က၀ီၤပူၤ လီၢ်က၀ီၤကမျၢၢ်တကလီၢ်ဘျဲၣ်စ့ၢ်ကီး ဘၣ်အိၣ်၀ဲလၢတၢ်ပျံၤတၢ်ဖုးတၢ်ဘၣ်ယိၣ်ပူၤအဂ့ၢ်န့ၣ် ခ့ၣ်အဲၣ်ယူၣ်လံာ် တၢ်ဘိးဘၣ်ရၤလီၤအပူၤပာ်ဖျါ၀ဲန့ၣ်လီၤႉ
ၦၤဃ့ၢ်မှံဟးဖျိးလၢအဟဲအါထီၣ်အံၤမ့ၢ်၀ဲ(သုးက့ ၆)ဒူပျာ်ယာ်ကီၢ်ရ့ၣ်ဒီး(သုးက့ ၅)မုၢ်တြီၢ် ကီၢ်ရ့ၣ်တဖၣ်အါကတၢၢ်လီၤအသိး လၢ(သုးက့ ၁)ဒူသထူၣ်ကီၢ်ရ့ၣ်ႇ(သုးက့ ၃)ချၢၣ်လွံၢ်ထူၣ်ကီၢ်ရ့ၣ်ႇ(သုးက့ ၄)ဘျံးဒ၀ဲၢ်ကီၢ်ရ့ၣ်တဖၣ်အပူၤစ့ၢ်ကီး...
ၦၤဃ့ၢ်မှံဟးဖျိးလၢအအိၣ်ကီၢ်ကၠီၣ်တဲၣ်ပူၤတဖၣ်ဘၣ်ယိၣ်၀ဲလၢတၢ်ကက့ၤဆှၢဆူၣ်အ၀ဲသ့ၣ်
လါယနူၤအါရံၤ ၁၈ သီႇ ၂၀၂၂ နံၣ်ႇ ခ့ၣ်အဲးစံၣ်
ခီဖျိတၢ်ဒုးကဲထီၣ်လၢလ့က့ၣ်ကိာ်ဟီၣ်က၀ီၤပူၤအဃိလီၢ်က၀ီၤကမျၢၢ်လၢအလဲၤဃ့ၢ်အိၣ်လၢကီၢ်ကၠီၣ်တဲၣ်ပူၤသ့ၣ်တဖၣ် ပယီၤသုးမီၤစိရိၤတဲ၀ဲလၢက့ၤအိၣ်လၢကစၢ်လီၢ်ကျဲသ့လံအဖီခိၣ်အံၤ ဘၣ်ယိၣ်၀ဲလၢတၢ်ကက့ၤဆှၢဆူၣ်အ၀ဲသ့ၣ်အဂ့ၢ်န့ၣ် ၦၤဃ့ၢ်မှံဟးဖျိးလၢအအိၣ်ကီၢ်ကၠီၣ်တဲၣ်တကပၤစံး၀ဲန့ၣ်လီၤႉ
ပယီၤသုးမီၤစိရိၤဘိးဘၣ်ရၤလီၤ၀ဲလၢဖီၣ်ဂၢၢ်ဃာ်လ့က့ၣ်ကိာ်ဟီၣ်က၀ီၤန့ၢ်လံအသိး ၦၤဃ့ၢ်မှံဟးဖျိးတဖၣ်ကက့ၤဆူအတၢ်အိၣ်တၢ်ဆိးလီၢ်ကျဲကသ့အဂီၢ် တၢ်ကစီၣ်ဟူထီၣ်လၢကီၢ်ကၠီၣ်တဲၣ်-ကီၢ်ပယီၤခံကပၤၦၤဘၣ်မူဘၣ်ဒါတဖၣ်တဲသကိးတၢ်အိၣ်အဖီခိၣ်အံၤ တၢ်ဘၣ်ယိၣ်ဘၣ်ဘှီဟဲအိၣ်ထီၣ်၀ဲဒ်အံၤလီၤအဂ့ၢ်န့ၣ် ၦၤဃ့ၢ်မှံဟးဖျိးလၢအိၣ်ကီၢ်ကၠီၣ်တဲၣ်ပူတဂၤစံး၀ဲန့ၣ်လီၤႉ
“ဖဲမဟါန့ၣ်ကၠီၣ်တဲၣ်ၦၤဘၣ်မူူဘၣ်ဒါတဖၣ်ဟဲတဲ၀ဲဒီး(speaker)လီၤ တဲ၀ဲလၢက့ၤလၢကီၢ်ပယီၤတကပၤသ့လံမီၤနီၤႉ ၦၤဃ့ၢ်မှံဟးဖျိးတဖၣ်တဲဆၢ၀ဲလၢက့ၤတဘူၣ်ဘၣ်အဃိ တဲ၀ဲလၢမၠၣ်၀တံၣ်ပယီၤသုးမီၤစိရိၤပၢပြးတကပၤကရဲၣ်ကျဲၤ၀ဲဒီး လၢမၠၣ်၀တံၣ်ကၠီၣ်လိကၠံတၢ်လီၢ်န့ၣ်ကက့ၤဆှၢ၀ဲတနံၤတကယၤႇကပာ်၀ဲဖဲန့ၣ်တနွံလီၤႉ ကသမံသမိး၀ဲမ့၀ံၤ သ၀ီသးၦၢ်မ့ဟဲကိးမးကအးလီၤက့ၤ၀ဲအဃိ ပ၀ဲဒၣ်ဒုပက့ၤလၢတၢ်ရဲၣ်တၢ်ကျဲၤ၀ဲန့ၣ်တဘူၣ်ဘၣ်ႉ ၦၤအါဒၣ်တက့ၢ်န့ၣ်ပျံၤ၀ဲလၢတၢ်ကဖီၣ်ႇသမံသမိးအီၤလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ
ဖဲအပူၤကွံာ် ၂၀၂၁...
တၢ်ဃုထၢထီၣ်က့ၤခ့ၣ်အဲၣ်ယူၣ်ဘျံးဒ၀ဲၢ်တၢ်ရ့လိာ်မုာ်လိာ်၀ဲၤဒၢးခိၣ်ဆူကီၢ်ရ့ၣ်ခိၣ်
လါယနူၤအါရံၤ ၁၈ သီႇ ၂၀၂၂ နံၣ်ႇ ခ့ၣ်အဲးစံၣ်
တၢ်မၤ၀ဲခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဘျံးဒ၀ဲၢ်ကီၢ်ရ့ၣ်(သုးက့ ၄)ခီကရဲးတၢ်အိၣ်ဖှိၣ်(၁၉)ဘျီတဘျီအပူၤ ကီၢ်ရ့ၣ်ခိၣ်အလီၢ်တၢ်ဃုထၢထီၣ်က့ၤ၀ဲလၢတၢ်ရ့လိာ်မုာ်လိာ်၀ဲၤဒၢးခိၣ်ႇလၢအမ့ၢ်စ့ၢ်ကီးကီၢ်ရ့ၣ်နဲၣ်ရွဲၣ်သဃဲၤပဒိၣ်စီၤဖျိးစိ၀့အဂ့ၢ်န့ၣ် သ့ၣ်ညါဘၣ်န့ၣ်လီၤႉ
(၁၉)ဘျီတဘျီခီကရဲးတၢ်အိၣ်ဖှိၣ်အံၤဘၣ်တၢ်မၤအီၤဖဲဘျံးဒ၀ဲၢ်ကီၢ်ရ့ၣ် ၀ဲၤလီၢ်ခိၣ်သ့ၣ် အမျၢ်ထၣ် စးထီၣ်လၢလါယနူၤအါရံၤ ၁၁ သီ တုၤလၢ ၁၅ သီအနံၤဒီး ကီၢ်ဆၣ်(၄)ဘ့ၣ်ပူၤခၢၣ်စးတဖၣ်ဒီးဟီၣ်က၀ီၤလီၤဆီ(၂)ဘ့ၣ်ခၢၣ်စးတဖၣ် ပာ်ဖှိၣ်ခဲလၢာ်(၉၃)ဂၤဟဲထီၣ်၀ဲဒၣ်တၢ်အိိၣ်ဖှိၣ်အံၤန့ၣ်လီၤႉ
ခီကရဲးတၢ်အိၣ်ဖှိၣ်အပူၤတၢ်ဃုထၢတီၣ်ထီၣ်ကီၢ်ရ့ၣ်ခိၣ်လၢပဒိၣ်စီၤဖျိးစိ၀့ႇကီၢ်ရ့ၣ်ခိၣ်(၂)သုးခိၣ်ကျၢၢ်စီၤမုၢ်လၢ်ႇ နဲၣ်ရွဲၣ်ပဒိၣ်စီၤအဲၣ်နၤႇ နဲၣ်ရွဲၣ်သဃဲၤ ပဒိၣ်စီၤဘိၤဘိခ့ၣ်မီၣ်အမဲာ်ညါ စံၣ်ညီၣ်ကွီၢ်ခိၣ်...