တီအူ ဘှဲမိၣ်ၦာ် တၢ်ဘူၣ်တၢ်ဘါသရၣ်(၅)ဂၤလၢသုးမီၤစိရိၤဖီၣ်ဘၣ်တၢ်ပျၢ်လီၤကွံာ်
လါယူၤ ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ပကိကီၢ်ခီဒိၣ် တီအူ၀့ၢ် ဘှဲမိၣ်ၦာ် တၢ်ဘူၣ်တၢ်ဘါသရၣ်(၅)ဂၤဃုာ်ဒီး ၦၤအဂၤ လၢသုးမီၤစိရိၤဖီၣ်က့ၤကိး၀ဲဒၣ်အံၤ ဖဲမဟါလါယူၤ ၂၉ သီ ဟါခီအဆၢကတီၢ် ဟဲက့ၤပူၤဖျဲးထီၣ်၀ဲလံအဂ့ၢ်န့ၣ် သ့ၣ်ညါဘၣ်လၢၦၤလၢအဘူးဒီးအ၀ဲသ့ၣ်အအိၣ်န့ၣ်လီၤႉ ဖဲအပူၤကွံာ်(လါယူၤ ၂၇)သီ မုၢ်နၤခီ ၁၁ နၣ်ရံၣ်ဘျဲၣ်အဆၢကတီၢ် သုးမီၤစိရိၤအသုးဟဲသမံသမိး၀ဲဒၣ် ဘှဲမိၣ်ၦာ်တၢ်ဘူၣ်တၢ်ဘါကရၢၢ်ပူၤလၢသုးနီၣ်ဂံၢ်အါအါဂီၢ်ဂီၢ်ဒီး ထံၣ်န့ၢ်၀ဲသွဲၣ်လး ကမူၣ်ႇ(ပုလဲဓာတ်)ဟီၣ်ခိၣ်ညၣ်ဒီးကီၣ််ဘူလၢတၢ်ဖီးဃာ်၀ဲတဖၣ်လီၤႉ ဖဲန့ၣ်အ၀ဲသ့ၣ်တဲ၀ဲလၢအမ့ၢ်တၢ်မၤပိၢ်ဖးထီၣ်တၢ်ဖိတၢ်လံၤဒီး ဖီၣ်က့ၤကိး၀ဲဒၣ်ၦၤအဂၤဃုာ်ဒီးတၢ်ဘူၣ်တၢ်ဘါသရၣ်(၅)ဂၤန့ၣ်လီၤႉ တၢ်ဖိတၢ်လံၤလၢသုးမီၤစိရိၤအသုးတဲ၀ဲလၢအမ့ၢ်တၢ်မၤပိၢ်ဖးထီၣ်တၢ်ဖိတၢ်လံၤတဖၣ်အံၤ ဖဲတၢ်ဟ့ၣ်တၢ်သိၣ်လိ အခါမ့ၢ်တၢ်ဖိတၢ်လံၤလၢတၢ်သူ၀ဲလၢတၢ်ထုးထီၣ်မၤကွၢ်ထံလၢဘှဲမိၣ်ၦာ်တၢ်ဘူၣ်တၢ်ဘါကမျၢၢ်အဂီၢ်ဒီး မ့ၢ်(ပလဲဓာတ်)ဟီၣ်ခိၣ်ညၣ်လၢတၢ်သူ၀ဲလၢတၢ်သူၣ်တၢ်ဖျးအဂီၢ်လီၤအဂ့ၢ်န့ၣ် ၦၤလၢအဘူးဒီးဘှဲမိၣ်ၦာ်တၢ်ဘူၣ်တၢ်ဘါကရၢၢ်တဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“တၢ်ကမၣ်တအိၣ်အဃိ ပျၢ်လီၤက့ၤ၀ဲလံမီၤနီၤႉ ဆဲးလီၤတၢ်အုၣ်ကီၤဘျီဟဲက့ၤပူၤဖျဲးထီၣ်လီၤမီၤနီၤႉ အ၀ဲသ့ၣ်တဲ၀ဲဒ်လဲၣ်န့ၣ် တဲ၀ဲလၢထံၣ်တၢ်ဖိတၢ်လံၤလၢအလီၤဆီအဃိ တဲ၀ဲဒ်န့ၣ်လီၤမီၤနီၤႉ ပ၀ဲဒၣ်တကပၤစ့ၢ်ကီးပက့ၤတဲကဒါလၢ တၢ်ဖိတၢ်လံၤတဖၣ်အံၤလၢဟံၣ်ဃီတဖျၢၣ်အပူၤန့ၣ် မ့ၢ်တၢ်ဖိတၢ် လံၤလၢအအိၣ်ညီနုၢ်လီၤႉ တၢ်ဂ့ၢ်၀ဲအံၤ တၢ်မၤ၀ဲအခိၣ်သ့ၣ်န့ၣ်မ့ၢ်၀ဲသုးမီၤစိရိၤအဃိ ပၢၤကီၢ်၀ဲၤလီၢ် တကပၤအဲၣ်ဒိးဟးပလဲာ်အခိၣ်တစဲးအိၣ်လီၤမီၤနီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်=ကညီတၢ်ကစီၣ်န့ၣ်လီၤႉ ၦၤလၢတၢ်ဖီၣ်က့ၤကိး၀ဲ(၅)ဂၤအံၤ မ့ၢ်၀ဲဒၣ်ဘှဲမိၣ်ၦာ်တၢ်ဘူၣ်တၢ်ဘါသရၣ် ၂ ဂၤဒီး အဟံၣ်ဖိဃီဖိ ၂ ဂၤႇပၣ်ဃုာ်၀ဲဒီးတီအူ၀့ၢ် ၦၤမၤတၢ်ကစီၣ်ဖိတဂၤအဟံၣ်ဖိဃီဖိကကူစါယါဘျါသးအဂီၢ် ဟဲအိၣ်၀ဲလၢတၢ်ဘူၣ်တၢ်ဘါကရၢၢ်ပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲသုးမီၤစိရိၤအသုးနုာ်လီၤသမံးသမိးတၢ်လၢတၢ်ဘူၣ်တၢ်ဘါကရၢၢ်ပူၤအဆၢကတီၢ် သွဲၣ်လးကမူၣ်လၢအ ထံၣ်န့ၢ်၀ဲတဖၣ်အံၤ တဲ၀ဲလၢအမ့ၢ်ဘျါအ့ၣ်ကမူၣ်အသိး ကီၣ်ဘူလၢတၢ်ဖီးဃာ်၀ဲတဖၣ်ဒီး(ပုလဲဓာတ်)...
တၢ်ထံၣ်န့ၢ်ခိ၀ံၣ်တၢ်ဆါဃၢ်လၢမၠၣ်၀တံၣ် အထက(၁)ကၠိ သရၣ်မုၣ် ၁ ဂၤဒီး ကၠိဖိ ၂ ဂၤအအိၣ်
လါယူၤ ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ တၢ်ထံၣ်န့ၢ်ခိ၀ံၣ်တၢ်ဆါဃၢ်လၢ နီၣ်ဂံၢ်(၄)က၀ီၤဒ့ ဘယ့ၣ်နီၣ်ကျဲ အထက(၁)ကၠိ တီၤခၢၣ်သးသရၣ်မုၣ် ၁ ဂၤႇ နွံတီၤဒီး(Grade 1)ကၠိဖိ ၂ ဂၤအအိၣ််အဂ့ၢ်န့ၣ် သ့ၣ်ညါဘၣ်န့ၣ်လီၤႉ တီၤခၢၣ်သးသရၣ်မုၣ်ဒီးကၠိဖိ ၂ ဂၤအံၤ ဖဲလါယူၤ ၂၈ သီအနံၤ ဒ်မၠၣ်၀တံၣ်ကီၢ်ရ့ၣ်တၢ်ဆါဟံၣ်ၦၤဘၣ်မူဘၣ်ဒါသမံသမိး၀ဲအသိး တၢ်ထံၣ်န့ၢ်၀ဲလၢအအိၣ်ဒီးခိ၀ံၣ်တၢ်ဆါဃၢ်န့ၣ်လီၤႉ “တီၤခၢၣ်သးကၠိသရၣ်မုၣ်လၢတၢ်ထံၣ်န့ၢ်၀ဲလၢအအိၣ်ဒီးတၢ်ဆါဃၢ်အံၤ ဖဲအပူၤကွံာ်တနွံအခါန့ၣ် အအိၣ်တဆူၣ်ဘၣ်ဒီးဟံအခွဲးလီၤႉ ဖဲလါယူၤ ၂၈ သီအနံၤ ဒ်မၠၣ်၀တံၣ်ကီၢ်ရ့ၣ်တၢ်ဆါ ဟံၣ်ၦၤဘၣ်မူဘၣ်ဒါသမံသမိး၀ဲတၢ်ဆါအသိးန့ၣ် တၢ်ထံၣ်န့ၢ်၀ဲလၢအအိၣ်ဒီးခိ၀ံၣ်တၢ်ဆါဃၢ်လီၤႉ နွံတီၤဒီး(Grade 1)ကၠိဖိ ၂ ဂၤစ့ၢ်ကီးတၢ်ထံၣ်န့ၢ်လၢအအိၣ်ဒီးခိ၀ံၣ်တၢ်ဃၢ်လီၤ”အဂ့ၢ်န့ၣ် အထက(၁)သရၣ်မုၣ်ကၠိခိၣ် စံး၀ဲန့ၣ်လီၤႉ တၢ်ထံၣ်န့ၢ်ခိ၀ံၣ်တၢ်ဆါဃၢ်လၢကၠိပူၤဘၣ်ဆၣ် တကီၢ်ခါခဲအံၤတၢ်တကးတံၢ်၀ဲကၠိဒံးဘၣ်ဒီး ၦၤလၢအအိၣ်ဘူးအိၣ်တံၢ်ဒီးၦၤဆါသ့ၣ်တဖၣ် တၢ်အိၣ်ခိးကွၢ်၀ဲအတၢ်အိၣ်ဆူၣ်အိၣ်ချ့လီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ထွဲဒီးတၢ်ထံၣ်န့ၢ်ခိ၀ံၣ်တၢ်ဆါဃၢ်လၢမၠၣ်၀တံၣ်၀့ၢ် အထက(၁)ကၠိပူၤအံၤ ကၠိဖိမိၢ်ပၢ်တဂၤစံး၀ဲလၢ “ခိ၀ံၣ်ကဲထီၣ်တဘၢးဘၢးအံၤကၠိအိးထီၣ်အဖၢမုၢ်လီၤႉ တၢ်ကူၣ်ဘၣ်ကူၣ်သ့န့ၣ်အရ့ဒိၣ်ဘၣ်ဆၣ် ပဒံၣ်ပဖိအတၢ်အိၣ်ဆူၣ်အိၣ်ချ›အဂီၢ် တၢ်အိၣ်သးလီၤတံၢ်လီၤမံတအိၣ်ဒံးဘၣ်အဃိ တကီၢ်ခါခဲအံၤတဟ့ၣ်ဒုးလဲၤဖိလၢကၠိလၢၤဘၣ်”အဂ့ၢ်န့ၣ် စံး၀ဲန့ၣ်လီၤႉ ကညီကီၢ်စဲၣ် မၠၣ်၀တံၣ်၀့ၢ်ပူၤ တကီၢ်ခါတၢ်ပာ်ဂၢၢ်ပာ်ကျၢၤၦၤဘၣ်(covid-19) ၦၤဆါအိၣ်၀ဲအဂၤ ၅၀ ဃၣ်ဃၣ်အဂ့ၢ်န့ၣ်...
ခီဖျိသုးမီၤစိရိၤဖီၣ်ပီၣ်တၣ်အဃိ ဆီထံးလီၢ်က၀ီၤဖိတဖၣ်ဘၣ်အိၣ်လၢတၢ်ပျံၤတၢ်ဖုးအပူၤ
လါယူၤ ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤအပူၤ ချၢၣ်လွံၣ်ထူၣ်ကီၢ်ရ့ၣ် ဆီထံးကီၢ်ဆၣ် (သုးက့=၃)ဟီၣ်က၀ီၤအပူၤ ခီဖျိသုးမီၤစိရိၤဖီၣ်ပီၣ်တၣ်အဃိ လီၢ်က၀ီၤကမျၢၢ်ထံဖိကီၢ်ဖိတဖၣ် ဘၣ်အိၣ်လၢတၢ်ပျံၤတၢ်ဖုးတၢ်ဘၣ်ယိၣ်ဘၣ်ဘှီအပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ သုးမီၤစိရိၤအသုးလၢအအိၣ်လၢဟီၣ်က၀ီၤပူၤတဖၣ်လၢအမ့ၢ် ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ=၁၂)စု ဒုၣ်တီၤအဖီလာ် ခီၣ်ချ့သုးရ့ၣ်(ခမရ=၅၄၈)ဒီး(စကခ=၈)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ=၄၀၂)တဖၣ် ဖဲအပူၤကွံာ်(လါယူၤ ၂၃)သီအနံၤ ဟဲဖီၣ်၀ဲဆီထံးကီၢ်ဆၣ် ဘျီခိၣ်သ၀ီဖိ(၁၃) ဂၤဒ်သိးကလဲၤပီၣ်တၣ်အဃိ လီၢ်က၀ီၤဖိတဖၣ်ဘၣ်ဟးဃ့ၢ်အိၣ်ခူသူၣ်၀ဲအဂ့ၢ်န့ၣ်် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲန့ၣ်လီၤႉ အ၀ဲစံး၀ဲလၢ“မီၤစိရိၤအသုးဟဲဖီၣ်ပီၣ်တၣ်န့ၣ်မ့ၢ်၀ဲလီၤႉ ပျၢ်ဒုပျၢ်လီၤ၀ဲလံႉ စးထီၣ်လၢတၢ်ဆဲး လီၤ NCA ၀ံၤအလီၢ်ခံန့ၣ် တၢ်ဟဲဖီၣ်ပီၣ်တၣ်ဒ်အံၤတအိၣ်နီတဘျီဘၣ်ႉ ပယီၤသုးဟဲနု၁်လီၤ လၢသ၀ီပူၤဒီးဟဲဖီၣ်၀ဲပီၣ်တၣ်ဒ်အံၤအဃိ လီၢ်က၀ီၤဖိတဖၣ်ဘၣ်ယိၣ်ဘၣ်ဘှီတၢ်ဒီးဟးပလဲာ်သးတစိၢ်တလီၢ်အိၣ်လီၤမီၤနီၤႉ ခဲအံၤၦၤဟဲက့ၤကဒါလၢသ၀ီပူၤလၢာ်လံ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ သုးမီၤစိရိၤအသုးလၢအနီၣ်ဂံၢ်ကအိၣ်(၇၀)ဘျဲၣ်အံၤ ဒ်သိးကလဲၤထီၣ်လၢ KNU သုးက့(၅)တကပၤအဂီၢ် ဖဲတၢ်တနံၤန့ၣ်ဟဲနုာ်လီၤ၀ဲဒၣ်ဆူဘျီခိၣ်သ၀ီအပူၤဒီး ဖဲန့ၣ်ဖီၣ်၀ဲဒၣ်လီၢ်က၀ီၤဖိ(၁၃)ဂၤလၢကလဲၤပီၣ်တၣ်ဒီး ဖဲအကျါ(၃)ဂၤန့ၣ်ဃ့ၢ်ပူၤဖျဲးအသးန့ၣ်လီၤႉ သ၀ီဖိလၢအအိၣ်အဂၤ(၁၀)န့ၣ် တၢ်က့ၤကိးအ၀ဲသ့ၣ်တုၤလၢ သုးက့(၃)ဒီးသုးက့(၁)အဘၢၣ်စၢၤ လီပီၤထၣ်သ၀ီဒီး ဖဲလါယူၤ ၂၇ သီအနံၤန့ၣ်ပျၢ်လီၤက့ၤ၀ဲအဂ့ၢ်န့ၣ် KNU တၢ်ဘိးဘၣ်ရၤလီၤတၢ်ကစီၣ်၀ဲၤကျိၤ သူလ့ၤတၢ်ကစီၣ်ပာ်ဖျါ၀ဲန့ၣ်လီၤႉ ခီဖျိသုးမီၤစိရိၤဖီၣ်ပီၣ်တၣ်လၢဟီၣ်က၀ီၤပူၤအဃိ ဘျီခိၣ်သ၀ီကရူၢ်အပူၤ သ၀ီ(၁၁)ဖျၢၣ် လီၢ်က၀ီၤဖိတကထိဘျဲၣ် ဘၣ်ဟးဃ့ၢ်ပလဲာ်သးတစိၢ်တလီၢ်အိၣ်၀ဲအသိး ခဲအံၤလီၢ်က၀ီၤဖိတဖၣ်ဟဲက့ၤတုၤ၀ဲလၢအဟံၣ်လံဘၣ်ဆၣ် ဘၣ်ယိၣ်၀ဲလၢတၢ်ကဖီၣ်ကဒီးပီၣ်တၣ်အဂ့ၢ်န့ၣ်...
တၢ်မၤဟးဂီၤကဒီးသုးမီၤစိရိၤအတၢ်ဆဲးကျိး(mytel)အတၢၣ်လၢကၠၤအ့စ့ၣ်ကၠံကီၢ်ဆၣ်အပူၤ
လါယူၤ ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ် ၀ီၢ်ရီဟီၣ်က၀ီၤ တၢ်ဆဲးကျိး(mytel)အတၢၣ်လၢသုးမီၤစိရိၤထီထီၣ်ဃာ်၀ဲ လၢသ၀ီအပူၤတဖၣ် တၢ်မၤဟးဂီၤအိၣ်၀ဲ ၅ ခါတခါလံအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ၀ီၢ်ရီဟီၣ်က၀ီၤ ကၠီၣ်ဘလူသ၀ီ က၀ီၤဒ့(၂)အပူၤ ဖဲလါယူၤ ၂၇ သီႇ မုၢ်နၤခီ ၈ နၣ်ရံၣ်ဘျဲၣ်အဆၢကတီၢ် တၢ်ဟဲမၤပိၢ်ဖးထီၣ်၀ဲတၢ်ဆဲးကျိး(mytel)အတၢၣ်လၢတၢ်ထီထီၣ်ဃာ်၀ဲအံၤဒီး ဖဲန့ၣ်စဲးတၢ်ဖိတၢ်လံၤတဖၣ်မ့ၣ်အူအီၣ်ဟးဂီၤကွံာ်၀ဲအဂ့ၢ်န့ၣ် သ၀ီဖိလၢတအဲၣ်ဒိးပာ်ဖျါအမံၤတဂၤ စံးဘၣ်ခ့ၣ်အဲးစံၣ်ဖဲတနံၤအံၤ(လါယူၤ ၂၈)သီအနံၤန့ၣ်လီၤႉ အ၀ဲစံး၀ဲလၢ“ဖဲသ၀ီပူၤအံၤအိၣ်၀ဲဒၣ်(Telenor)အတၢၣ်ဒီး(mytel)အတၢၣ်ခံခါလီၤႉ ဖဲမဟါ ၈ နၣ်ရံၣ်ဘျဲၣ်အခါန့ၣ် မ့ၣ်ပိၢ်ပိၢ်ဖးထီၣ်လၢ (mytel)လီတဲစိအတၢၣ်ခီၣ်ထံးဒီး နၢ်ဟူအကလုၢ်သီၣ်ဖးဒိၣ်ညါလီၤႉ ခီဖျိပျံၤတၢ်အဃိလဲၤကွၢ်တဘူၣ်နီတဂၤဘၣ်ႉ ပိၢ်ဖးထီၣ်၀ဲတထံၣ်လီၤႉ မ့မ့ၢ်လီတဲစိအကျိၤဒုဆဲးကျိးတဲန့ၢ်ဒံးလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ဖဲအပူၤကွံာ်(လါယူၤ ၂၄)သီအနံၤစ့ၢ်ကီး ထံမွီၤထိးႇတီၣ်ဒံႇကၠိၤခ၀ိၤႇဖါပြးန့ၣ် မ့ၣ်အူအီၣ်(mytel)တၢ်ဆဲးကျိး လီတဲစိအတၢၣ်စ့ၢ်ကီးန့ၣ်လီၤႉ လၢတၢ်န့ၣ်အဃိလၢ၀ီၢ်ရီဟီၣ်က၀ီၤအပူၤ ၅ သီအတီၢ်ပူၤ မ့ၣ်အူအီၣ်ဟးဂီၤကွံာ်၀ဲ သုးမီၤစိရိၤပၢလီတဲစိအတၢၣ် ၅ ခါလံန့ၣ်လီၤႉ “တၢ်မၤဟးဂီၤလီတဲစိအတၢၣ်ႇမ့ၣ်အူအီၣ်ဟးဂီၤ၀ဲတဖၣ်အံၤ ပဃုသ့ၣ်ညါသမံသမိး၀ဲလီၤႉ ကဆဲးမၤ၀ဲဒ် KNU တၢ်သိၣ်တၢ်သီအိၣ်၀ဲအသိးလီၤ”အဂ့ၢ်န့ၣ် KNU ၀ီၢ်ရီကီၢ်ဆၣ် ၦၤဘၣ်မူဘၣ်ဒါတဂၤ...
သုးမီၤစိရိၤအသုးဒီး(BGF)သုးပာ်ဖှိၣ် ဖီၣ်၀ဲလီၢ်က၀ီၤဖိအသိလ့ၣ်ႇသိလ့ၣ်ယီၢ်တဖၣ်လၢတၢ်ဂ့ၢ်တအိၣ်
လါယူၤ ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် မိၣ်ကီၢ်စဲၣ်ႇ ဒူသထူၣ်ကီၢ်ရ့ၣ်ႇ ဘံလ့ကီၢ်ဆၣ် စွ့ၣ်လီအ့သ၀ီကရူၢ် နးကၠံသ၀ီအပူၤ ဖဲတနံၤအံၤ(လါယူၤ ၂၈) သီအနံၤ မီၤစိရိၤအသုးဒီးသုးခိးကီၢ်ဆၢ BGF သုးပာ်ဖှိၣ်သုးတဖၣ် ဖီၣ်၀ဲဒၣ်လီၢ်က၀ီၤသ၀ီဖိအသိလ့ၣ်ႇသိလ့ၣ်ယီၢ်လၢတၢ်ဂ့ၢ်တအိၣ်နီတမံၤဘၣ်အဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤၦၤမၤတၢ်ကစီၣ်ဖိအအိၣ်န့ၣ်လီၤႉ သုးမီၤစိရိၤအသုး နီၣ်ဂံၢ်(၁၂)ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ=၅၄၉)ႇ နီၣ်ဂံၢ်(၈)ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ် (စကခ)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ=၄၀၂)သုးကရူၢ်တဖၣ်ဒီး သုးခိးကီၢ်ဆၢ(BGF)နီၣ်ဂံၢ်(၁၀၁၁)သုးရ့ၣ် သုးခိၣ်ဒိၣ်ဖိ ဟ့ၤနရံၤတီခိၣ်ရိၣ်မဲသုးကရူၢ်တဖၣ်ကးတံၢ်ဃာ်၀ဲကျဲဒီး ဖီၣ်၀ဲဒၣ်သိလ့ၣ်ႇသိလ့ၣ်ယီၢ်လၢအဟးထီၣ်ဟးလီၤတဖၣ်ခဲလၢာ်လၢတၢ်ဂ့ၢ်တအိၣ်နီတမံၤဘၣ်အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံး၀ဲဒ်အံၤန့ၣ်လီၤႉ အ၀ဲစံး၀ဲလၢ“ခဲအံၤနါက့တၢ်ကးတံၢ်၀ဲဒၣ်လီတဲစိအကျိၤလီၤႉ ၀ံၤဘျီအ၀ဲသ့ၣ်ကးတံၢ်၀ဲကျဲဒီး ကယဲၢ်မ့ၢ်သိ လ့ၣ်ႇသိလ့ၣ်ယီၢ်လၢအဟဲတဖၣ်န့ၣ်ဖီၣ်၀ဲခဲလၢာ်လီၤႉ ခဲအံၤဖီၣ်၀ဲသိလ့ၣ်ယီၢ်ကအိၣ်၀ဲလၢအခိၣ် ၆၀ ညါလံႉ သိလ့ၣ်ဒုကအိၣ်၀ဲ ၅ ခိၣ် ၆ ခိၣ်ညါလီၤႉ ခဲအံၤပာ်၀ဲဒၣ်ဖဲနးကၠံကၠိကရၢၢ်ပူၤလီၤႉ ဖဲန့ၣ်မီၤစိရိၤအသုးနါက့အိၣ်ႇ BGF အသုးနါက့အိၣ်ႇ သိလ့ၣ်အကစၢ်နါက့အိၣ်ခဲလၢာ်လီၤႉ ကဟဲကးတံၢ်ကျဲဒ်အံၤစ့ၢ်ကီးတတဲဆိပာ်၀ဲလီၢ် က၀ီၤဖိဘၣ်အသိး ဘၣ်မနုၤအဃိဘၣ်ဖီၣ်၀ဲလဲၣ်န့ၣ်တတဲ၀ဲဘၣ်ႉ ဘၣ်ဆၣ်တဲ၀ဲတခါလၢ ဆၢကတီၢ်ခဲအံၤတဟ့ၣ်လဲၤသိလ့ၣ်ဒီးသိလ့ၣ်ယီၢ်တဖၣ်ဘၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ဟီၣ်က၀ီၤ၀ဲအံၤအိၣ်၀ဲဒၣ်လၢကညီဒီကလုာ်စၢဖှိၣ်ကရၢ -KNU သုးက့(၁)ဟီၣ်က၀ီၤအပူၤဒီး တကီၢ်ခါခဲအံၤလၢပနွဲၢ်ကျါတကပၤ တၢ်ကးတံၢ်ဃာ်၀ဲစ့ၢ်ကီးကျဲတဖၣ်ခဲလၢာ်ဒီး သုးမီၤစိရိၤအသုးခဲအံၤတဖၣ်မ့ၢ်သုးရ့ၣ်ကရူၢ်လၢအဟဲသီတဖၣ်န့ၣ်လီၤႉ သုးမီၤစိရိၤအသုးကရူၢ်၀ဲအံၤ ပာ်ဖှိၣ်မၤသကိးတၢ်ဒီးသုးခိၣ်ဒိၣ်ဖိဟ့ၤနရံၤတီခိၣ်ရိၣ်မဲဟီၣ်က၀ီၤ(BGF)သုးကရူၢ်တဖၣ်ဒီး...
ကညီကူၣ်သ့ဆဲးလၤ၀ဲၤကျိၤကၠိတဖၣ် တနံၣ်အံၤကၠိဖိဟဲအါထီၣ်လၢအကထိ
လါယူၤ ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤအပူၤ ကညီကူၣ်သ့ဆဲးလၤ၀ဲၤကျိၤ(KECD)တၢ်ပၢအဖီာ်လာ်ကၠိတဖၣ် တနံၣ်အံၤ(၂၀၂၁=၂၀၂၂)တၢ်သိၣ်လိနံၣ်အပူၤ ကၠိဖိနီၣ်ဂံၢ်ဟဲအါထီၣ်လၢအကထိအဂ့ၢ်န့ၣ် သ့ၣ်ညါဘၣ်န့ၣ်လီၤႉ တကီၢ်ခါခီဖျိထံရူၢ်ကီၢ်သဲးတၢ်အိၣ်သးအဃိ ကၠိဖိမိၢ်ပၢ်တနီၤခီဖျိလဲၤပာ်က့ၤ အဒံၣ်အဖိ ကၠိလၢ (KECD)စုဒုၣ်တီၤအဖီလာ်အဃိ ကၠိဖိနီၣ်ဂံၢ်ဟဲအါထီၣ်၀ဲလီၤဒီး တကီၢ်ခါခဲအံၤကၠိဖိနီၣ်ဂံၢ်ခဲ လၢာ်အိၣ်၀ဲ(၅ႇ၀၀၀)ဘျဲၣ်အဂ့ၢ်န့ၣ် ကညီကူၣ်သ့ဆဲးလၤ၀ဲၤကျိၤ(KECD)လီၢ်ခၢၣ်သး နဲၣ်ရွဲၣ် စီၤလီၤအဲၣ်မူ စံးဘၣ်ခ့ၣ်အဲးစံၣ်န့ၣ်လီၤႉ အ၀ဲစံး၀ဲလၢ“ခီဖျိကၠိဖိဟဲအါထီၣ်အဃိ တၢ်လိၣ်ဘၣ်တဖၣ်ဟဲအါထီၣ်စ့ၢ်လီၤႇ မ့မ့ၢ်ကၠိသရၣ်/မုၣ်ခီဒုအိၣ်လီၤႉ ဘၣ်ဆၣ်ကၠိတနီၤန့ၣ်ခီဖျိကၠိဖိနီၣ်ဂံၢ်အါအဃိ တဘၣ်လိာ်အသးဒီးကၠိသရၣ်/မုၣ်အနီၣ်ဂံၢ်ဘၣ်ႉ ခီဖျိ ကၠိက့ၤအိးထီၣ်ဖဲတနွံအံၤဒံးလီၤအဃိ တၢ်လၢအလိၣ်တဖၣ်ပကဘၣ်ဟးထၢစရီဒံးလီၤႉ ဒ်န့ၣ်မးပမၤၦဲၤကသ့လီၤ”အဂ့ၢ်န့ၣ် စံး၀ဲန့ၣ်လီၤႉ ခီဖျိကၠိဖိနီၣ်ဂံၢ်ဟါအါထီၣ်အဃိ ကၠိဟံၣ်ဒွဲ(ဘီဒၢၣ်)တဖၣ်ႇကၠိတၢ်ဖိတၢ်လံၤတဖၣ်ဒီး တၢ်သိၣ်လိတၢ်ဖိတၢ်လံၤတဖၣ်စ့ၢ်ကီးတကူတလၢ၀ဲဘၣ်အမဲာ်ညါ ခီဖျိမ့ၢ်စ့ၢ်ကီးခိ၀ံၣ်အဆၢကတီၢ်အဃိ လၢတၢ်ကဒီသဒၢကၠိတၢ်အိၣ်ဆူၣ်အိၣ်ချ›တကပၤစ့ၢ်ကီးတၢ်လိၣ်အိၣ်၀ဲအဂ့ၢ်န့ၣ် စီၤလီၤအဲၣ်မူ စံးအါထီၣ်၀ဲန့ၣ်လီၤႉ ပူယ့သ၀ီ နီၢ်ကစၢ်ဒူသ၀ီတီၤထီကၠိ ကၠိခိၣ် စီၤဂ့ၤဒိၣ် စံး၀ဲ“ပအိးထီၣ်ကၠိဘျီန့ၣ်ၦၤဟဲ ပာ်ကၠိဖိဟဲအါထီၣ်ဒီဒူၣ်ညါလီၤႉ တတူၢ်လိာ်ဘၣ်ဒီးတသ့ဘၣ်ႉ ပဆိမိၣ်ပာ်လၢပကပာ်ပကၠိ တုၤလၢတီၤခၢၣ်သးအပတီၢ်လီၤႉ ဘၣ်ဆၣ်ကၠိလၢအကဘၣ်ထီၣ်တီၤထီတဖၣ် ခီဖျိထံရူၢ်ကီၢ် သဲးတၢ်အိၣ်သးဒီးတၢ်ဆါတၢ်အိၣ်သးအဃိ ဟးပာ်၀ဲအလီၢ်တအိၣ်ဘၣ်ဒီး ပအိးထီထီၣ်က့ၤ တီၤထီအပတီၢ်လီၤမီၤနီၤႉ ကၠိအိးထီၣ်ဘျီ ၦၤလၢအအိၣ်လၢတၢ်လီၢ်အဂၤတဖၣ်ဟဲ ထီၣ်ဘျီဘၣ်တူၢ်၀ဲလီၤ”အဂ့ၢ်န့ၣ် စံး၀ဲန့ၣ်လီၤႉ တၢ်အိးထီၣ်ကၠိဒ်အံၤန့ၣ် တမ့ၢ်လၢတူၢ်လိာ်၀ဲသုးမီၤစိရိၤဘၣ်အသိး တမ့ၢ်ထီဒါဒီကလုာ်ဃူဖိးပဒိၣ်...
မၠၣ်၀တံၣ်၀့ၢ်ပူၤ တၢ်ခးသံကွံ၁်သးၦၢ်တဂၤလၢသုးမီၤစိရိၤတီၣ်ထီၣ်၀ဲ
လါယူၤ ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ဖဲတနံၤအံၤ(လါယူၤ ၂၃)သီ ဂီၤခီ ၆ နၣ်ရံၣ်တခီအဆၢကတီၢ် သးၦၢ်လၢသုးမီၤစိရိၤတီၣ်ထီၣ်၀ဲတဂၤ တၢ်ဟဲခးအီၤဒီးကျိခံထံၣ်ဒီးသံ၀ဲဒၣ်န့ၣ်လီၤႉ သးၦၢ်အူသါထ့(၅၈)နံၣ်လၢအဘၣ်တၢ်ခးသံအီၤအံၤ တၢ်ဟဲခးသံအီၤဖဲမၠၣ်၀တံၣ်၀့ၢ် နီၣ်ဂံၢ်(၂)က၀ီၤဒ့ႇနီၣ်ဂံၢ်(၂) ကျဲ ဘၣ်ဖဲအဆ့ၣ်နီၤအိၣ်လၢအဟံၣ်မဲာ်ညါအဆၢကတီၢ် ၦၤခးကျိဖိလၢအဟဲဒိးဒီးသိလ့ၣ်အသူတခိၣ်ဟဲခးသံအီၤလီၤအဂ့ၢ်န့ၣ် အဟံၣ်ဖိဃီဖိတဖၣ်စံး၀ဲန့ၣ်လီၤႉ အူသါထ့လၢတၢ်ခးသံအီၤအံၤ ကျိဘၣ်၀ဲအဟၢဖၢအသးနါၦၢ်ခံထံၣ်ဒီး ဖဲတၢ်လဲၤဆှၢအီၤဆူမၠီၣ်လမၠဲၣ်တၢ်ဆါဟံၣ်အဆၢကတီၢ်သံ၀ဲဒၣ်လၢကျဲပူၤအဃိ ဘၣ်တၢ်ဟဲက့ၤကိးကဒါအီၤဆူမၠၣ်၀တံၣ်န့ၣ်လီၤႉ ဘၣ်ထွဲဒီးတၢ်ခးသံအူသါထ့တၢ်ဂ့ၢ်အံၤ ကဘၣ်ထွဲလိာ်သးဒီးအပူၤကွံာ်(လါမးရှး)သၢနွံတနွံအခါ ဖဲသးစၢ်တဖၣ်မၤ၀ဲတၢ်ထီဒါသုးမီၤစိရိၤတၢ်ပာ်ဖျါထီၣ်သးအဆၢကတီၢ် သးၦၢ်အူသါထ့အံၤဟ့ၣ်၀ဲတၢ်ကဆီၣ်ဆူသုးမီၤစိရိၤအအိၣ်ဒီး တၢ်ဖီၣ်၀ဲန့ၢ်၀ဲသးစၢ်လၢအပာ်ဖျါထီၣ်သး တနီၤအဂ့ၢ် ၦၤလၢအဘူးဒီးၦၤသံအဟံၣ်ဖိဃီဖိတဂၤစံး၀ဲန့ၣ်လီၤႉ စးထီၣ်ဖဲလါဖ့ၤဘြူၤအါရံၤ ၁ သီ သုးမီၤစိရိၤဟံးဆူၣ်ကွံာ်ထံကီၢ်တၢ်စိတၢ်ကမီၤ၀ံၤအလီၢ်ခံ ကညီကီၢ်စဲၣ် မၠၣ်၀တံၣ်၀့ၢ်ပူၤ တၢ်မၤ၀ဲတၢ်ထီဒါသုးမီၤစိရိၤတၢ်ပာ်ဖျါထီၣ်သးအိၣ်၀ဲန့ၣ်လီၤႉ လၢတၢ်ပာ်ဖျါထီၣ်သးအပူၤ တၢ်ဖီၣ်၀ဲကမျၢၢ်အိၣ်အဂၤ(၁၀၀)ဘျဲၣ်ဒီး တၢ်တီၣ်ထီၣ်သဲစးတၢ်ဘျၢနီၣ်ဂံၢ် ၅၀၅(က) ဃုာ်ဒီးသဲစးတၢ်ဘျၢနီၣ်ဂံၢ်အကလုာ်ကလုာ်ဒီး တုၤလၢခဲအံၤတၢ်ဖီၣ်ဃာ်ဒံး အ၀ဲသ့ၣ်ဒီးဘၣ်ထီၣ်၀ဲတၢ်မူးတၢ်ရၢ်အဖၢမုၢ်ဒံးန့ၣ်လီၤႉ
လူၢ်ပျဲၢ်ကီၢ်ဆၣ် သ၀ီတနီၤအပူၤ တၢ်အိးထီၣ်တၢ်တၤကျိၣ်တၤစ့ကိးမုၢ်နံၤဒဲး
လါယူၤ ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ လူၢ်ပျဲၢ်ကီၣ်ဆၣ် ဒူသ၀ီတနီၤအပူၤန့ၣ် လီၢ်က၀ီၤသုးခိးကီၢ်ဆၢ(BGF)ကရူၢ်ဒီး သ၀ီၦၤဘၣ်မူ ဘၣ်ဒါတဖၣ််တီခိၣ်ရိၣ်မဲ၀ဲဒီး အိးထီၣ်၀ဲတၢ်ဂဲၤလိာ်ကွဲတၢ်တၤကျိၣ်တၤစ့တဖၣ်ကိးမုၢ်နံၤကိးမုၢ်နၤဒဲးအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိတဖၣ်အအိၣ်န့ၣ်လီၤႉ စးထီၣ်ဖဲအပူၤကွံာ်လါမးရှးထီၣ်တၢတနွံတုၤလၢခဲအံၤတစုန့ၣ် လူၢ်ပျဲၢ်ကီၢ်ဆၣ် ကၠိၣ်ခၠီဒိဂ့ၤသ၀ီဒီး ၀ဲလၣ်သ၀ီအဘၢၣ်စၢၤတၢ်လီၢ်တတီၤ သုးခိးကီၢ်ဆၢ(BGF)သုးခိၣ်စိ အူမံတပိၤ(ကိး)ကဘီယူၤႇသုးခိၣ်စိ ကိၤလၣ်သ့ဒီးဒူသ၀ီၦၤဘၣ်မူဘၣ်ဒါတဖၣ်တီခိၣ်ရိၣ်မဲဒီးအိးထီၣ်၀ဲ တၢ်ဒုးတဖှံဆီလီၢ်(ကြက်၀ိုင်း) ဒီးအၣ်ကလိၣ်(အံကလုံ)တၢ်တၤကျိၣ်တၤစ့တဖၣ်လီၤအဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံးဘၣ်ခ့ၣ်အဲးစံၣ်န့ၣ်လီၤႉ အ၀ဲစံး၀ဲလၢ“ တၢ်ဒုးတဖှံဆီလီၢ်အိၣ််ကၦဲၤထီၣ်၀ဲတလါလီၤႉ ဆီတဖှံလီၢ်အံၤ မၤ၀ဲလၢသုးခိၣ်စိမံတပိၤအမံၤလီၤႉ မၤ၀ဲတၢ်လီၢ်ခီန့ၣ်ဖဲကၠိၣ်ခၠီဒီး၀ဲလၣ်သ၀ီအဘၢၣ်စၢၤလီၤႉ ခဲအံၤန့ၣ်အိးထီၣ်ပာ်၀ဲအၣ်ကလိၣ်(အံကလုံ)လီၤႉ တၢ်ခဲလၢာ်ခဲဆ့န့ၣ်သုးခိၣ်စိလၣ်သ့ဟံးဃာ်၀ဲမူဒါဒီးပၢဆှၢရဲၣ်ကျဲၤ၀ဲလီၤႉ ၦၤသ၀ီလၢအဂၤန့ၣ်မးတအိၣ်ဒ်အံၤန့ၣ်ႉ တၢ်အိးထီၣ်၀ဲဆီတဖှံလီၢ်ဘၣ်ဆၣ် ၦၤအိၣ်လၢသ၀ီပူၤတဖၣ်တလဲၤ၀ါအါအါဘၣ်”အဂ့ၢ်န့ၣ်စံး၀ဲန့ၣ်လီၤႉ တၢ်ဒုးတဖှံဆီလီၢ်ဒီးအၣ်ကလိၣ်တၢ်တၤကျိၣ်တၤစ့တဖၣ်အံၤ အပူၤကွံာ်တၢ်အိးထီၣ်မၤ၀ဲဒၣ်ဖဲ(BGF)သုးကလၢၤအလီၢ်ခံဘၣ်ဆၣ် ခီဖျိအိၣ်၀ဲဒၣ်လၢကမျၢၢ်ထံဖိကီၢ်ဖိဟးထီၣ်ဟးလီၤကျဲမုၢ်ဖးဒိၣ်အကပၤအဃိ တၢ်ဆီတလဲက့ၤအလီၢ်ဖဲတၢ်ကလဲၤ၀ဲလၣ်သ၀ီတကပၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ လၢန့ၣ်အမဲာ်ညါ တၢ်မၤ၀ဲတၢ်တၤကျိၣ်တၤစ့လၢဒူသ၀ီပူၤအံၤ လီၢ်က၀ီၤဖိတဖၣ်တအဲၣ်ဒိး၀ဲဘၣ်အသိး ဘၣ်ယိၣ်၀ဲလၢကကဲထီၣ်တၢ်မၤကမၣ်ကွီၢ်မ့ၣ်တၢ်မူးတၢ်ရၢ်တဖၣ်န့ၣ်လီၤႉ တကီၢ်ခါခဲအံၤခီဖျိခိ၀ံၣ်တၢ်ဆါဘၣ်ကူဘၣ်ဂာ်အိၣ်ဒံးဒီး ၦၤလၢအဟဲတၤကျိၣ်တၤစ့တဖၣ်မ့ၢ်ၦၤတဖၣ်လၢအိၣ်ဟဲလၢတၢ်ချၢအဃိ ဘၣ်ယိၣ်လၢခိ၀ံၣ်တၢ်ဆါကဘၣ်ကူဘၣ်ဂာ်အဂ့ၢ်န့ၣ် လီၢ်က၀ီၤဖိလၢအဂၤတဂၤစံး၀ဲန့ၣ်လီၤႉ တၢ်တၤကျိၣ်တၤစ့သ့ၣ်တဖၣ်အံၤ လီၢ်က၀ီၤဖိတဖၣ်လဲၤဂဲၤလိာ်ကွဲ၀ဲတအိၣ်ဘၣ်ဒီး ၦၤလၢအဟဲဂဲၤလိာ်ကွဲတဖၣ်မ့ၢ်ၦၤလၢအအိၣ်ဟဲလၢဖၣ်အၣ်ႇစွ့ၣ်ကိႇလူၢ်ပျဲၢ်ဒီးဒူသထူၣ်၀့ၢ်တဖၣ်လီၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ အၣ်ကလိၣ်တၢ်တၤကျိၣ်တၤစ့လီၢ်လၢအအိၣ်ဖဲသ၀ီပူၤတဖၣ်အံၤ BGF သုးတဖၣ်အိၣ်ခိး၀ဲတၢ်ဘံၣ်တၢ်ဘၢဒီး တၢ်ဟဲဂဲၤလိာ်ကွဲ၀ဲကိးမုၢ်နံၤကိးမုၢ်နၤဒဲးဒီး မ့မ့ၢ်ဆီတဖှံအလီၢ်န့ၣ်အိးထီၣ်၀ဲကိးနွံဒဲးဖဲမုၢ်ဃုနံၤႇမုၢ်နွံနံၤဒီး မုၢ်ခီၣ်ထံးတနံၤန့ၣ်လီၤႉ ဒ်န့ၣ်သိးကီၢ်ဆၢ၀့ၢ်တဖျၢၣ်လၢအမ့ၢ် မၠၣ်၀တံၣ်၀့ၢ်ပူၤစ့ၢ်ကီး စးထီၣ်ဖဲအပူၤကွံာ်လါန့ၣ် ၀့ၢ်ချၢက၀ီၤဒ့တနီၤအပူၤ ကလုာ်ဒူၣ်ဖီၣ်စုက၀ဲၤကရူၢ်တဖၣ်တီခိၣ်ရိၣ်မဲဒီး အိးထီၣ်၀ဲတၢ်တၤကျိၣ်တၢ်စ့ဒ်အံၤစ့ၢ်ကီးအိၣ်၀ဲအဂ့ၢ်န့ၣ်...
တၢ်ဒုးကဲထီၣ်လၢ သုးက့(၁) သုးမီၤစရိၤအသုးသံ ၈ ဂၤႇ ဘၣ်ဒိ ၄ ဂၤ
လါယူၤ ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါ(လါယူၤ ၂၁)သီအနံၤ KNU- ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ် သုးက့(၁)ဟီၣ်က၀ီၤအပူၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီး ပယီၤသုးမီၤစိရိၤအသုးတဖၣ်အဘၢၣ်စၢၤတၢ်ဒုးကဲထီၣ်၀ဲဒီး ဖဲန့ၣ်သုးမီၤစိရိၤအသုးသံ၀ဲ(၈)ဂၤဒီးဘၣ်ဒိ(၄)ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ သုးမီၤစိရိၤအသုးကရူၢ်လၢအနုာ်လီၤဟူးဂဲၤလၢ KNU သုးက့(၁)ဟီၣ်က၀ီၤအပူၤတဖၣ်ဒီး လီၢ်က၀ီၤ KNLA သုးရ့ၣ်(၁)တဖၣ်အဘၢၣ်စၢၤ ဘၣ်သဂၢၢ်လိာ်သးဒီးတၢ်ခးလိာ်သးကဲထီၣ်ဖဲတကီၤဘိသ၀ီကပၤအဂ့ၢ်န့ၣ် KNU လီၢ်ခၢၣ်သးတၢ်ကရၢကရိဒီးတၢ်ဘိးဘၣ်ရၤလီၤ၀ဲၤကျိၤ ၀ဲၤကျိၤခိၣ်(၂)ပဒိၣ်စီၤကျၢၤစ့ စံး၀ဲန့ၣ်လီၤႉ အ၀ဲစံး၀ဲလၢ“ဖဲမဟါ(လါယူၤ ၂၁)သီအနံၤတၢ်ဒုးကဲထီၣ်လီၤႉ ကဲထီၣ်၀ဲဖဲဟါခီ ၈ နၣ်ရံၣ်လီၤႉ သုးမီၤစိရိၤ တကပၤသံ၀ဲ ၈ ဂၤႇ ဘၣ်ဒိ ၄ ဂၤလီၤႉ ခီဖျိအ၀ဲသ့ၣ်ဟူးဂဲၤအါထီၣ်ဒီးတၢ်သဘံၣ်သဘုၣ်ဆဲးကဲထီၣ်အဃိ တၢ်ဒုးဘၣ်ဟဲကဲထီၣ်၀ဲဒ်အံၤလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ခီဖျိတၢ်ဒုးကဲထီၣ်အဃိ လီၢ်က၀ီၤသ၀ီဖိတၢ်ဘၣ်ဒိဘၣ်ထံးအိၣ်တအိၣ်တသ့ၣ်ညါဒံးဘၣ်ဒီး သ၀ီလၢအအိၣ်ဘူးဖဲန့ၣ်သ့ၣ်တဖၣ် လီၢ်က၀ီၤသ၀ီဖိတနီၤဘၣ်ဃ့ၢ်ထီၣ်၀ဲဒၣ်ဒီး တနီၤန့ၣ်အိၣ်ခူသူၣ်လၢဟံၣ်ပူၤအဂ့ၢ်န့ၣ် ပဒိၣ်စီၤကျၢၤစ့ စံးအါထီၣ်၀ဲန့ၣ်လီၤႉ စးထီၣ်ဖဲလါဖ့ၤဘြူၤအါရံၤထီၣ်သီ သုးမီၤစိရိၤဟံးန့ၢ်ဆူၣ်ကွံာ်ထံကီၢ်တၢ်စိတၢ််ကမီၤ၀ံၤအလီၢ်ခံ KNU ဒူသထူၣ်ကီၢ်ရ့ၣ် သုးက့(၁)ဟီၣ်က၀ီၤအပူၤ ခီဖျိသုးမီၤစိရိၤဒီးသုးခိးကီၢ်ဆၢ BGF အသုးပာ်ဖှိၣ်တဖၣ် မၤအါထီၣ်သုးတၢ်ဟူးတၢ်ဂဲၤအဃိ ဘၣ်သဂၢၢ်ခးလိာ်သးဒီးဟီၣ်က၀ီၤ KNLA အသုးတဖၣ်အိၣ်၀ဲတလီၢ်လီၢ်အဂ့ၢ်န့ၣ် KNU...
၀ါခဲၤမၣ်ကီၢ်ဆၣ်ပူၤတၢ်ထၢသုးအသီအဂီၢ် ၦၤလၢအဖီၣ်မဲဘၣ်ဒီးတအဲၣ်ဒိးလဲၤ၀ဲတဖၣ် ဘၣ်ဟ့ၣ်စ့ခံကလီၢ်ဘျဲၣ်
လါယူၤ ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် အ့ၣ်ယၣ်၀တံၣ်ကီၢ်ခီဒိၣ်ႇမၠီမၠးကီၢ်ရ့ၣ်ႇ၀ါခဲၤမၣ်ကီၢ်ဆၣ်အပူၤ သ၀ီတနီၤအပူၤန့ၣ် လၢတၢ်ထၢသုးဖိသီအဂီၢ် ၦၤလၢအဖီၣ်မဲဘၣ်လၢကဘၣ်လဲၤသုးဒီးမ့ၢ်တအဲၣ်ဒိးလဲၤဘၣ်န့ၣ် ဘၣ်ဟ့ၣ်လီၤ၀ဲစ့ခံကလီၢ်ဘျဲၣ်အဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ “သ၀ီတနီၤန့ၣ်ဖီၣ်၀ဲမဲမီၤနီၤႉ ဖီၣ်မဲဘျီတနီၤန့ၣ်ဘၣ်၀ဲလီၤႉ ဘၣ်၀ဲနါက့တအဲၣ်ဒိးလဲၤ၀ဲဘၣ်ႇလဲၤတဘူၣ်ဘၣ်ႉ ၀ံၤဘျီသ၀ီသးၦၢ်တဲလၢ မ့ၢ်တလဲၤဘၣ်န့ၣ်မၢဟ့ၣ်လီၤစ့ခံကလီၢ်ဘျဲၣ်လီၤႉ တဲ၀ဲလၢစ့တဖၣ်န့ၣ်ဘၣ်က့ၤငါၦၤ လၢအဂၤလီၤႉ ခဲအံၤၦၤလၢအသ့ၣ်ညါလိာ်သးဒီးယၤတဂၤဖီၣ်ဘၣ်မဲဒီး လဲၤဟ့ၣ်လီၤ၀ဲစ့ဒ်သ၀ီသးၦၢ်ဃ့ ၀ဲအသိးလီၤ”အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲန့ၣ်လီၤႉ လၢန့ၣ်အမဲာ်ညါ သ၀ီသးၦၢ်ဟးတဲ၀ဲလၢ ၦၤလၢအဘၣ်လဲၤလၢၦၤအလီၢ်တဖၣ်န့ၣ်စ့ၢ်ကီး ကဒိးန့ၢ်ဘၣ်တၢ်ဆီၣ်ထွဲစ့ ၃ ကလီၢ်ကၠးအဂ့ၢ်ဒီး ဘၣ်ထွဲဒီးတၢ်ကဟ့ၣ်၀ဲစ့ ၃ ကလီၢ်တၢ်ဂ့ၢ်အံၤအဖီခိၣ် ၦၤတနီၤသးအိၣ်လဲၤ၀ဲဒၣ်ဒီး ၦၤလၢအလဲၤလၢၦၤအလီၢ်တဖၣ်စ့ၢ်ကီးအိၣ်၀ဲအါမးအဂ့ၢ်န့ၣ် လီၢ်က၀ီၤဖိတဂၤဃီအ၀ဲန့ၣ်စံးအါထီၣ်၀ဲန့ၣ်လီၤႉ စးထီၣ်ဖဲအပူၤကွံာ်လါယူၤထီၣ်သီအခါ တၢ်ဟးလူၤထၢသုးအသီလၢ၀ါခဲၤမၣ်ကီၢ်ဆၣ် သ၀ီအပူၤတဖၣ်ဒီး မ့ၢ်သုးမီၤစိရိၤအသုးရ့ၣ်ကရူၢ်မနုၤထၢ၀ဲလဲၣ်န့ၣ် လီၢ်က၀ီၤသ၀ီဖိတဖၣ်တသ့ၣ်ညါ၀ဲဘၣ်အသိး တၢ်ထၢသုးအသီဒ်အံၤစ့ၢ်ကီး တၢ်ဘၣ်ယိၣ်ဘၣ်ဘှီအိၣ်၀ဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ တၢ်ထၢသုးအသီအံၤန့ၣ် ကဘၣ်ကဲ၀ဲဒၣ်ကမျၢၢ်သုးအဂ့ၢ်ႇၦၤလၢတၢ်ကိး၀ဲသ့ၣ်တဖၣ်န့ၣ် သုးမီၤစိရိၤကဟ့ၣ်၀ဲသုးတၢ်မၤလိဒီး ထီၣ်တၢ်မၤလိမ့ၢ်၀ံၤန့ၣ်ကဘၣ်က့ၤအိၣ်လၢအကစၢ်သ၀ီပူၤဒီး ကဘၣ်ဟံးမူဒါလၢသ၀ီတၢ်ဘံၣ်တၢ်ဘၢအဂီၢ်လီၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ ဘၣ်ထွဲဒီးတကီၢ်ခါတၢ်ထၢစ့တၢ်ဂ့ၢ်အံၤ ဒ်ၦၤလၢအဘူးဒီးသ၀ီသးၦၢ်တဖၣ်စံး၀ဲအသိးန့ၣ် လၢကဘၣ်ထၢစ့အဂီၢ်သုးမီၤစိရိၤတဲဃာ်၀ဲတအိၣ်ဘၣ်ဒီး ရဲၣ်ကျဲၤဃာ်၀ဲလၢ ၦၤလၢအလဲၤသုး လၢၦၤအလီၢ်တဖၣ်န့ၣ် ကဘၣ်ဟ့ၣ်စ့အီၣ်လိးဟံၣ်တဖျၢၣ်န့ၣ်ထဲ ၃၀၀၀ ကၠးလီၤအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ သုးမီၤစိရိၤမၤ၀ဲဒၣ်တၢ်ထၢသုးအသီအံၤ တကီၢ်ခါတုၤလၢခဲအံၤကဲထီၣ်သးလၢအ့ၣ်ယၣ်၀တံၣ်ဟီၣ်က၀ီၤ ၀ါခဲၤမၣ်ကီၣ်ဆၣ်အပူၤလီၤဒီး ကီၢ်ဆၣ်လၢအဂၤဟီၣ်က၀ီၤအပူၤတဖၣ် တနၢ်ဟူလၢတၢ်ထၢသုးအသီဒံးဘၣ်အဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ကီၢ်ပယီၤအပူၤ ဒ်တၢ်ပာ်ပနီၣ်ပာ်လီၤတၢ်သိၣ်တၢ်သီလၢတကဲသုးတန့ၢ်တအိၣ်၀ဲဘၣ်အသိး...