ကဆီတလဲမၤလၤကပီၤ ကညီတၢ်ပၢၢ်ဆၢမုၢ်နံၤတၢ်လီၢ်တၢ်ရဲၣ်တၢ်ကျဲၤတအိၣ်ဘၣ်အဂ့ၢ် သုးက့ ၅ ထုးထီၣ်ပာ်ဖျါ၀ဲ
လါယနူၤအါရံၤ ၂၆ သီႇ ၂၀၂၁ နံၣ်ႇ နါ၀့ၤဖၠိစၣ် KNU သုးက့ ၅ ဖၣ်ပူၣ်ကီၢ်ဆၣ် ကိပ့ၤ၀ၣ်ကရူၢ် ထံလီၤသံးထၣ်သ၀ီအပူၤ ဘၣ်ထွဲဒီးတၢ်ကမၤလၤကပီၤ ကညီတၢ်ပၢၢ်ဆၢမုၢ်နံၤတၢ်ဂ့ၢ်အံၤ တဆီတလဲတၢ်လီၢ်ဘၣ်အဂ့ၢ်န့ၣ် ဖဲမဟါလါယနူၤအါရံၤ ၂၅ သီအနံၤ သုးက့(၅)တကပၤ ထုးထီၣ်ပာ်ဖျါ၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ထွဲဒီးတၢ်ကမၤလၤကပီၤကညီတၢ်ပၢၢ်ဆၢမုၢ်နံၤအံၤ ဖဲသ၀ီအ၀ဲန့ၣ်အပူၤ တၢ်တဟ့ၣ်ဒုးမၤလၤကပီၤ၀ဲဘၣ်ဒီး ကဘၣ်မၤလၤကပီၤ၀ဲဖဲသုးက့(၅)သုး၀ဲၤလီၢ်ခိၣ်သ့ၣ် ဒ့ၣ်ပူၤနိၣ်လီၤန့ၣ် ဖဲလါယနူၤအါရံၤ ၂၂ သီအနံၤ မုၢ်ထီၣ်ကလံၤထံးကီၢ်ခီသုး၀ဲၤလီၢ်သ့ၣ်အံၤ ဆှၢထီၣ်လံာ်ဆူ ဖၣ်အၣ်၀့ၢ် KNU သုးက့တၢ်ရ့လိာ်မုာ်လိာ်၀ဲၤဒၢးတဖၣ်အအိၣ်အဖီခိၣ် သုးက့(၅)တကပၤ က့ၤစံးဆၢကဒါ၀ဲဒ်န့ၣ်န့ၣ်လီၤႉ ၇၂ နံၣ်ၦဲၤထီၣ် ကညီတၢ်ပၢၢ်ဆၢမုၢ်နံၤလၢတၢ်ကမၤလၤကပၤ၀ဲဖဲထံလီၤသံးထၣ်သ၀ီအံၤန့ၣ် အိၣ်သူၣ်လီၤအသးလၢ KNU သုးက့(၅)တၢ်ပၢဟီၣ်က၀ီၤ ထံသဘျုၣ်ထၣ်သ၀ီအပူၤဒီး တမ့ၢ်တၢ်လီၢ်လၢကီၢ်ပယီၤပဒိၣ်တကပၤပၢ၀ဲလၢလၢၦဲၤၦဲၤဘၣ်အသိး မ့ၢ်တၢ်မၤလၤကပီၤ၀ဲလၢ KNU တၢ်ပၢဟီၣ်က၀ီၤအပူၤလီၤအဃိ ဘၣ်ဟဲကဒူးကဒ့ၣ်တၢ်အလီၢ်တအိၣ်ဘၣ်အဂ့ၢ်န့ၣ် KNLA သုးက့(၅)တကပၤ စံး၀ဲန့ၣ်လီၤႉ KNLA သုးက့(၅)ၦၤကတိၤတၢ်ပၢ ပဒိၣ်မါမါ စံး၀ဲလၢ“ပယီၤသုးမုၢ်ဒိၣ်တကပၤ နု၁်လီၤတြီမၤတံာ်တာ်တၢ်အံၤ တလိၣ်တဲအါအါလၢၤဘၣ်ႉ တၢ်သ့ၣ်တဖၣ်အံၤယိလံလီၤႉ အဲၣ်ဒိးဟ့ၣ်ထီၣ်တၢ်ထံၣ်ဒ်န့ၣ်လီၤႉ အကါဒိၣ်န့ၣ် ထံရူၢ်ကီၢ်သဲးတၢ်ဂ့ၢ်ကီန့ၣ်...
ပယီၤသုးဒွဲၣ်အူကမျၢၢ်အဟံၣ်တဖျၢၣ်အဂ့ၢ် ခ့ၣ်အဲၣ်ယူၣ်စံး၀ဲ
လါယနူၤအါရံၤ ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် မုၢ်တြီၢ်ကီၢ်ရ့ၣ်ႇ ဒွဲၣ်လိကီၢ်ဆၣ် မဲၤ၀့ၤသ၀ီပူၤ ဖဲလါယနူၤအါရံၤ ၂၄ သီအနံၤ ဟါခီ ၆ နၣ်ရံၣ်အဆၢကတီၢ်န့ၣ် ကီၢ်ပယီၤသုးမုၢ်ဒိၣ် ဒွဲၣ်အူ၀ဲကမျၢၢ်အဟံၣ်တဖျၢၣ်အဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ် ၦၤကတိၤတၢ်ပၢ ပဒိၣ်မါမါ ပာ်ဂၢၢ်ပာ်ကျၢၤစံးဘၣ်ခ့ၣ်အဲးစံၣ်န့ၣ်လီၤႉ အ၀ဲစံး၀ဲလၢ “ဒ်တၢ်ဖီလာ်ဟ့ၣ်တၢ်ကစီၣ်အသိးန့ၣ် ကီၢ်ပယီၤသုးမုၢ်ဒိၣ်ဒွဲၣ်၀ဲန့ၣ်မ့ၢ်တၢ်ကစီၣ်လၢအလီၤတံၢ်လီၤႉ ဒွဲၣ်အူ၀ဲတၢ်ဂ့ၢ်တၢ်ကျိၤတခီန့ၣ်တသ့ၣ်ညါဘၣ်ႉ လၢသ၀ီပူၤန့ၣ် ခမရ=၃၃၉ သုးရ့ၣ်အိၣ်၀ဲလီၤႉ လၢသ၀ီပူၤသီခါစ့ၢ်ကီးဖီၣ်၀ဲအိၣ်စ့ၢ်ကီးလီၤ” အဂ့ၢ်န့ၣ် ပဒိၣ်မါမါ စံး၀ဲန့ၣ်လီၤႉ တၢ်ဆၢကတီၢ်လၢတၢ်ကမၤဖျါထီၣ်တၢ်မုာ်တၢ်ခုၣ်အတီၢ်ပူၤအံၤ ကီၢ်ပယီၤသုးမုၢ်ဒိၣ်တကပၤ တၢ်ဖံးတၢ်မၤလၢအပညိၣ်၀ဲဒၣ်သ၀ီဖိတဖၣ်အံၤ မ့ၢ်တၢ်ဟူးတၢ်ဂဲၤလၢအတကြၢး၀ဲဘၣ်လီၤအဂ့ၢ်န့ၣ် ပဒိၣ်မါမါ ဆဲးစံး၀ဲန့ၣ်လီၤႉ စးထီၣ်ဖဲတလါညါအံၤထီၣ်သီအဆၢကတီၢ်န့ၣ် ခီဖျိလၢ ခ့ၣ်အဲၣ်ယူၣ် သုးက့(၅) ဒီး ကီၢ်ပယီၤသုးမုၢ်ဒိၣ်တဖၣ်အဘၢၣ်စၢၤ သုးတၢ်ဖ့ၣ်ဆၢဟဲအိၣ်ထီၣ်အဃိ မဲၤ၀့ၤသ၀ီဖိတဖၣ်အါဒၣ်တက့ၢ်န့ၣ် ဘၣ်ဃ့ၢ်မှံဟးဖျိး၀ဲဒၣ်ဒီး လၢသ၀ီအပူၤန့ၣ်အိၣ်တ့ၢ်က့ၤထဲ သီခါဒီးအတကၢ်တနီၤလီၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ ဘၣ်ထွဲဒီးတၢ်ဂ့ၢ်ကဲထီၣ်သးအံၤ ခ့ၣ်အဲးစံၣ်ဆဲးကျိးသံကွၢ်၀ဲဒီး သုးမုၢ်ဒိၣ်ၦၤဘၣ်မူဘၣ်ဒါလၢအဘၣ်ထွဲတဖၣ်တန့ၢ်၀ဲဘၣ်အသိး လၢသုးမုၢ်ဒိၣ်တၢ်ဘိးဘၣ်ရၤလီၤတၢ်ကစီၣ်လၢအမ့ၢ်အတီကရူၢ် (social media site)အပူၤစ့ၢ်ကီး ထုးထီၣ်ပာ်ဖျါ၀ဲတအိၣ်နီတမံၤဒံးဘၣ်လီၤႉ
ဒ်သိးတၢ်ကမၤဖျါထီၣ် NCA လံာ်ဃံးဃာ်လၢလၢၦဲၤၦဲၤအဂီၢ် ဘံလ့လီၢ်က၀ီၤဖိခံကထိဃၣ်ဃၣ် ပာ်ဖျါထီၣ်တၢ်ဘၣ်သး
လါယနူၤအါရံၤ ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ဒ်သိးတၢ်ကဟံးထီၣ်ဖီၣ်ထီၣ်မၤဖျါထီၣ်ထံကီၢ်ဒီဘ့ၣ်တၢ်ပတုာ်တၢ်ခး -NCA အပူၤတၢ်သိၣ်တၢ်သီတဖၣ်အဂီၢ် ဖဲမဟါ လါယူနူၤအါရံၤ ၂၄ သီ ဂီၤခီအဆၢကတီၢ်န့ၣ် ဒူသထူၣ်ကီၢ်ရ့ၣ်ႇ ဘံလ့ကီၢ်ဆၣ်အပူၤ လီၢ်က၀ီၤဖိခံကထိဃၣ်ဃၣ်မၤ၀ဲတၢ်ပာ်ဖျါထီၣ်တၢ်ဘၣ်သးတခါန့ၣ်လီၤႉ ကညီဒီကလုာာ်စၢဖှိၣ်ကရၢ -KNU ဟီၣ်က၀ီၤတဖၣ်အပူၤ တကီၢ်ခါတၢ်အိၣ်သးလၢအကဲထီၣ်သးတဖၣ်အံၤ ထံကီၢ်ဒီဘ့ၣ်တၢ်ပတုာ်တၢ်ခး -NCA တၢ်သိၣ်တၢ်သီလၢခံခီခံကပၤဆဲးလီၤ၀ဲတဖၣ် တၢ်လုၢ်သ့ၣ်ခီပတာ်ဟဲအိၣ်ထီၣ်ဒီး လီၢ်က၀ီၤကမျၢၢ်တဖၣ်တၢ်ဘၣ်ယိၣ်ဘၣ်ဘှီဟဲအါထီၣ်၀ဲအဃိ ဘၣ်ပာ်ဖျါထီၣ်တၢ်ဘၣ်သးလီၤအဂ့ၢ်န့ၣ် ၦၤလၢအတီခိၣ်ရိၣ်မဲတၢ်တဖၣ် စံးဘၣ်ခ့ၣ်အဲးစံၣ်န့ၣ်လီၤႉ ၦၤလၢအတီခိၣ်ရိၣ််မဲပၣ်ဃုာ်လၢတၢ်ပာ်ဖျါထီၣ်တၢ်ဘၣ်သးအကျါတဂၤ စီၤထူထူလ့ စံး၀ဲလၢ “ပဒိၣ်အံၤ ဆဲးလီၤ၀ဲဒၣ် NCA လံာ်ဃံးဃာ်ဒီး KNU အံၤဘၣ်ဆၣ် ပဒိၣ်သုးအံၤဆဲးသူဒံးဒၣ်သုးမီၤစိရိၤသနူဒီး တလူၤပိာ်မၤထွဲ၀ဲတၢ်သိၣ်တၢ်သီလၢအပၣ်ဃုာ်လၢလံာ်ဃံးဃာ်အပူၤတဖၣ်ဘၣ်ဒီး ဆဲးမၤကမၣ်ခီပ တာ်၀ဲအဃိဒီးႇ ၀ံၤဘျီ ပထံၣ်ဘၣ်လၢဆဲးမၤဒၣ်တၢ်ဂ့ၢ်တၢ်ကျိၤလၢကမျၢၢ်ဘၣ်ယိၣ်ဘၣ်ဘှီ၀ဲတဖၣ်အဃိ လီၢ်က၀ီၤကမျၢၢ်တဖၣ်ဘၣ်ပာ်ဖှိၣ်ထီၣ်သးဒီး ဘၣ်ပာ်ဖျါထီၣ်တၢ်ဘၣ်သးလီၤ” အဂ့ၢ်န့ၣ် စံး၀ဲန့ၣ်လီၤႉ KNU ဒူသထူၣ်ကီၢ်ရ့ၣ်အပူၤ ပယီၤသုးကလၢၤတနီၤန့ၣ် ခီဖျိလၢဆီလီၤ၀ဲဒၣ်သုးတဖၣ်လၢဒူသ၀ီပူၤအဃိ လၢကလဲၤထီၣ်က့ၤလီၤအဂီၢ် ကဲထီၣ်၀ဲဒၣ်တၢ်နိးတၢ်ဘျးအမဲာ်ညါ ခံခီခံကပၤတၢ်ဖ့ၣ်ဆၢမ့ၢ်ဟဲအိၣ်ထီၣ်န့ၣ် ဘၣ်ယိၣ်၀ဲလၢကဘၣ်ဒိဘၣ်ထံး၀ဲဒၣ်တၢ်လုၢ်အီၣ်သးသမူတၢ်ဖံးအီၣ်မၤအီၣ်အလီၢ်အကျဲတဖၣ်အဂ့ၢ်န့ၣ် လီၢ်က၀ီၤဖိတဖၣ် စံး၀ဲန့ၣ်လီၤႉ လီၢ်က၀ီၤဖိ နီၢ်ငွ့ၤအ့ စံး၀ဲ “ဒူသ၀ီလၢအပာ်ဖျါထီၣ်တၢ်ဘၣ်သးအကျါတနီၤန့ၣ်...
ကပတုာ်ကွံာ်တၢ်ထီၣ်ဒုးတဖၣ်လၢအဆိအချ့ဒီး ကထိၣ်ဃူထိၣ်ဖိးဃုတၢ်အစၢလၢအချ့အဂီၢ် ကညီပၣ်တံၣ် ဆီၣ်တခူဟ့ၣ်ကူၣ်၀ဲ
လါယနူၤအါရံၤ ၂၂ သီႇ ၂၀၂၁ နံၣ်ႇ စီၤရှါ KNLA- ကညီဒီကလုာ်တၢ်ထူၣ်ဖျဲးသုးမုၢ်ဒိၣ် ဒီး ကီၢ်ပယီၤသုးမုၢ်ဒိၣ်တဖၣ်အဘၢၣ်စၢၤ တၢ်ခးလိာ်သးလၢအကဲထီၣ်တဖၣ်အံၤ ဒ်သိးကပတုာ်ကွံာ်၀ဲတဘျီဃီအဂီၢ် KNDP-ကညီဒီကလုာ်ဒံၣ်မိၣ်ကရဲၣ်တ့ၣ်ပၣ်တံၣ် ဆီၣ်တခူဃ့ထီၣ်၀ဲသၦၢ်ၦၢ်အဂ့ၢ်န့ၣ် ထုးထီၣ်ဘိးဘၣ်ရၤလီၤ၀ဲ ဖဲမဟါ(လါယနူၤအါရံၤ ၂၁ သီအနံၤ)န့ၣ်လီၤႉ KNU- ကညီဒီကလုာ်စၢဖှိၣ်ကရၢ တၢ်ပၢဟီၣ်က၀ီၤအပူၤတဖၣ်လၢအမ့ၢ် မုၢ်တြီၢ်ဒီး ချၢၣ်လွံၢ်ထူၣ်ကီၢ်ရ့ၣ်ဟီၣ်က၀ီၤတဖၣ်အပူၤ ခီဖျိလၢတၢ်ဒုးကဲထီၣ်အဃိ ထံဖိကီၢ်ဖိကမျၢၢ်တဖၣ်အစုလီၢ်ခီၣ်ခိၣ် ဟံၣ်ဃီဘၣ်ဟးဂီၤကွံာ်ႇ ဘၣ်ဃ့ၢ်မှံဟးဖျိးဘၣ်သုးလီၢ်သုးကျဲႇ တူၢ်ဘၣ်တၢ်နးတၢ်ဖှီၣ်တဖၣ်အံၤ ဒ်သိးကကွၢ်ဆိကမိၣ်န့ၢ်တၢ်လၢအ၀ဲသ့ၣ်အဂီၢ် ဘၣ်ဆီၣ်တခူထီၣ်၀ဲဒ်အံၤလီၤအဂ့ၢ်န့ၣ် KNDP ၦၤပၢၤလီၢ်ဆ့ၣ်နီၤ မါအီၤပၠံၤစိ စံး၀ဲန့ၣ်လီၤႉ အ၀ဲစံး၀ဲလၢ “ခီဖျိလၢတၢ်ဒုးတၢ်ယၤအဃိ ထံဖိကီၢ်ဖိကမျၢၢ်တဖၣ် ဘၣ်စံၣ်ဘၣ်ဃ့ၢ်လီၤဘၣ်တၢ်ကီ တၢ်ခဲထဲအံၤန့ၣ် ဃုတၢ်အစၢလၢအဆိအချ့ႇ ကပတုာ်ကွံာ်တၢ်ဒုးတၢ်ယၤအဂီၢ် ပဆီၣ်တခူထီၣ်၀ဲလီၤႉ တၢ်ထီၣ်ဒုးတဖၣ်အံၤတကြၢးဘၣ်ႇတကြၢးမၤ၀ဲလၢၤဘၣ်” အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ KNLA ဒီး ပဒိၣ်သုးမုၢ်ဒိၣ်အံၤ မ့ၢ်သုးမုၢ်ဒိၣ်တဖၣ်လၢအဆဲးလီၤဃာ်၀ဲ ထံကီၢ်ဒီဘ့ၣ်တၢ်ပတုာ်တၢ်ခးလံာ်ဃံးဃာ်(NCA)အဃိ ခံခီခံကပၤလၢာ်(NCA)အလုၢ်အလၢ်တဖၣ်အံၤ ဒ်သိးကမၤဖျါထီၣ် ဟံးထီၣ်ဖီၣ်ထီၣ်အီၤလၢလၢၦဲၤၦဲၤလီၤတံၢ်လီၤဆဲးအဂီၢ် အဲၣ်ဒိးဆီၣ်တခူထီၣ်စ့ၢ်ကီး၀ဲအဂ့ၢ်န့ၣ် မါအီၤပၠံၤစိ ဆဲးစံး၀ဲန့ၣ်လီၤႉ စးထီၣ်ဖဲတနံၣ်အံၤထီၣ်သီအဆၢကတီၢ် မုၢ်တြီၢ် ဒီး ချၢၣ်လွံၢ်ထူၣ်ကီၢ်ရ့ၣ်အပူၤ KNU...
ဒ်သိးကဘှါရှဲသုးတၢ်သဘံၣ်သဘုၣ်တဖၣ်လၢအဆိအချ့အဂီၢ် တၢ်ကရၢကရိ ၁၀၀ ဘျဲၣ် ဆှၢထီၣ်လံာ်ဆူ ကီၢ်ခိၣ် ဒီး ၦၤဟ့ၣ်ကူၣ်တၢ်ဖိအအိၣ်
လါယနူၤအါရံၤ ၂၁ သီႇ ၂၀၂၁ နံၣ်ႇ နါ၀့ၤဖၠိစၣ် KNU-ကညီဒီကလုာ်စၢဖှိၣ်ကရၢဟီၣ်က၀ီၤအပူၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်-KNLA ဒီး ကီၢ်ပယီၤသုးမုၢ်ဒိၣ်တဖၣ်အဘၢၣ်စၢၤ ဘၣ်ထွဲဒီးတၢ်ဒုးဆဲးကဲထီၣ်၀ဲကွ့ၢ်ကွ့ၢ်တၢ်ဂ့ၢ်အံၤ ဒ်သိးကဘှါရှဲ၀ဲလၢအဆိအချ့အဂီၢ် ဖဲလါယနူၤအါရံၤ ၂၀ သီအနံၤ ကမျၢၢ်တၢ်ကရၢကရိ ၁၀၀ ဘျဲၣ် ဆှၢထီၣ်လံာ်တဘ့ၣ်ဆူ ထံကီၢ်ကီၢ်ခိၣ် အူ၀့မၠ့ၣ် ဒီး ၦၤဟ့ၣ်ကူၣ်တၢ်ဖိ ဒီၣ်အီၣ်ဆါဆူးကၠံၣ်အအိၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ခီဖျိလၢတၢ်ဒုးဆဲးကဲထီၣ်၀ဲတဘိယူၢ်ဃီအဃိ ဖၣ်ပူၣ်ကီၢ်ရ့ၣ်ႇ ဒူသထူၣ်ကီၢ်ရ့ၣ် ဒီး ချၢၣ်လွံၢ်ထူၣ်ကီၢ်ရ့ၣ်တဖၣ်အပူၤ လီၢ်က၀ီၤထံဖိကီၢ်ဖိကမျၢၢ် ၄ႇ၀၀၀ ဃၣ်ဃၣ် ဘၣ်ပာ်တ့ၢ်ကွံာ်အတၢ်အိၣ်တၢ်ဆိးအလီၢ်အကျဲဒီး ဘၣ်လဲၤဃ့ၢ်အိၣ်ခူသူၣ်လၢတၢ်လီၢ်အဂၤတဖၣ်အံၤအဖီခိၣ် ဘၣ်ယိၣ်ဘၣ်ဘှီတၢ်လၢအ၀ဲသ့ၣ်အဂီၢ်အဃိ ဒ်သိးတၢ်ကဘှါရှဲ၀ဲလၢအဆိအချ့အဂီၢ် ကမျၢၢ်တၢ်ကရၢကရိ ၁၆၅ ဒူၣ် ဘၣ်ဆှၢထီၣ်၀ဲလံာ်ဒ်အံၤန့ၣ်လီၤႉ တၢ်ခးလိာ်သးကဲထီၣ်အဂ့ၢ်အကျိၤန့ၣ် ခီဖျိလၢထံရူၢ်ကီၢ်သဲးတၢ်ဂ့ၢ်ကီအဃိ တၢ်သဘံၣ်သဘုၣ်ကဲထီၣ်တဖၣ်အံၤ ဆၢမုၢ်လၢ်လၢထံကီၢ်ပဒိၣ်အံၤ ကဘှါရှဲဟံးထီၣ်ဖီၣ်ထီၣ်၀ဲအဂီၢ် ကလုာ်ဒူၣ်လီၢ်က၀ီၤ ကမျၢၢ်တၢ်ကရၢကရိတဖၣ်ပာ်ဖှိၣ်ထီၣ်သးဒီး ဘၣ်ဆှၢထီၣ်၀ဲလံာ်ဒ်အံၤလီၤအဂ့ၢ်န့ၣ် ကညီပိာ်မုၣ်ကရၢ နီၢ်ဆၢဆၢ စံး၀ဲန့ၣ်လီၤႉ “လၢကလုာ်ဒူၣ်ဟီၣ်က၀ီၤအပူၤ တၢ်ဒုးမ့ၢ်စးထီၣ်ကဲထီၣ်န့ၣ် ပထံၣ်ဘၣ်လၢပယီၤသုးတကပၤစး ထီၣ်မၤကမၣ်တၢ်လီၤမီၤႉ တၢ်အံၤအဖီခိၣ် ကီၢ်ပယီၤသုးမုၢ်ဒိၣ်တကပၤ တတဲတၢ်နီတမံၤဘၣ်ႉ မၤ၀ဲသုး တၢ်ဟူးတၢ်ဂဲၤႇ...
ကဟ့ၣ်တၢ်ဆီၣ်ထွဲမၤစၢၤဆူ ဖၣ်ပူၣ်ႇလၢၢ်ဒိၣ်ၦၤလီၢ်အိၣ်ကမှံဖိတဖၣ်ကန့ၢ်အဂီၢ် ကညီသးစၢ်ဒီးလံာ်လဲၢ်တၢ်ဆဲးတၢ်လၤကရူၢ်ရဲၣ်ကျဲၤ၀ဲ
လါယနူၤအါရံၤ ၂၁သီႇ ၂၀၂၁ နံၣ်ႇ စးဖါရှီ ခီဖျိလၢသုးတၢ်ဖ့ၣ်ဆၢတဖၣ်အဃိ ကညီကီၢ်စဲၣ် ဖၣ်ပူၣ်ဒီးလၢၢ်ဒိၣ်ကီၢ်ဆၣ်တဖၣ်အပူၤ ကညီလီၢ်က၀ီၤဖိလၢအဘၣ်ဃ့ၢ်မှံဟးဖျိးတဖၣ် လိၣ်ဘၣ်၀ဲဒၣ်တၢ်ဆီၣ်ထွဲမၤစၢၤအဖီခိၣ် လီၢ်က၀ီၤကမျၢၢ်ၦၤဃ့ၢ်မှံဟးဖျိးဖိတဖၣ်အဂီၢ် ၀့ၢ်တကူၣ် ဒီး အ့ၣ်ယၣ်၀တံၣ်ကီၢ်ခီဒိၣ်အပူၤ ကညီလံာ်လဲၢ်တၢ်ဆဲးတၢ်လၤဒီး ကညီသးစၢ်ကရူၢ်တဖၣ် မၤ၀ဲဒၣ်တၢ်ရၤလီၤဒုး သ့ၣ်ညါ၀ဲလၢကပာ်ဖှိၣ်မၤဘူၣ်လီၤစ့အဂ့ၢ်န့ၣ် သ့ၣ်ညါဘၣ်န့ၣ်လီၤႉ လၢတၢ်ဆီၣ်ထွဲမၤစၢၤတဖၣ်အံၤအဂီၢ် တၢ်ရၤလီၤဒုးသ့ၣ်ညါ၀ဲဆူ online န)ပူၤတဆီအမဲာ်ညါ အ့ၣ်ယၣ်၀တံၣ် ကညီသးစၢ်ခိၣ်နၢ်ကမံးတံာ်ႇ ပါတနီၤကီၢ်ဆၣ် ကညီလံာ်လဲၢ်တၢ်ဆဲးတၢ်လၤကမံးတံာ်ဒီး ၀့ၢ်တကူၣ်ႇ အ့ၣ်ယၣ်၀တံၣ်ကီၢ်ခီဒိၣ်အပူၤ ကညီသးစၢ်ကရူၢ်တဖၣ်နီၤဖးလီၤ၀ဲမူဒါဒီး တူၢ်လိာ်၀ဲဒၣ်တိၢ်မၤဘူၣ်စ့ဒီး တၢ်ဆီၣ်ထွဲမၤစၢၤတၢ်ဖိတၢ်လံၤလၢအဂၤတဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ပါတနီၤ ကညီလံာ်လဲၢ်တၢ်ဆဲးတၢ်လၤကမံးတံာ် ၦၤဟ့ၣ်ကူၣ်တၢ် မါ၀့မီၤ စံး၀ဲ “လၢတဘျီအခါအ့ၣ်ယၣ်၀တံၣ်ပူၤအံၤစ့ၢ်ကီး ပနီၢ်ဆံးအခါဘၣ်စံၣ်မှံဟးဖျိးႇ ဘၣ်စံၣ်အိၣ်ခူသူၣ်လၢတၢ်ပူၤႇ တၢ်မၤသံ၀ဲဒၣ်ၦၤအိၣ်၀ဲအါမးလီၤႉ ခဲအံၤတၢ်ကဲထီၣ်အသးတဖၣ်အံၤႇ က့ၤထံၣ်မှံကဒါက့ၤတၢ်ကီတၢ်ခဲႇ က့ၤနၢ်ဟူဘၣ်ကဒါက့ၤဒီး လၢပ၀ဲဒၣ်စ့ၢ်ကီး သးအုးတူၢ်ဘၣ်ဒ်သိးဒီးအ၀ဲသ့ၣ်အသိး ဒိသူၣ်ဒိသးတူၢ်ဘၣ်အဃိ ဒ်သိးကမၤစၢၤလၢအဂ့ၤကတၢၢ်ကန့ၢ်အဂီၢ် ပမၤ၀ဲဒၣ်တၢ်ဟူးတၢ်ဂဲၤအံၤလီၤ” အဂ့ၢ်န့ၣ် စံး၀ဲန့ၣ်လီၤႉ စးထီၣ်ဖဲအပူၤကွံာ် လါဒံၣ်စ့ဘၢၣ်ထီၣ်သီန့ၣ် ကီၢ်ဆၣ်ဖဲန့ၣ်တဖၣ်အပူၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA သုးတဖၣ်ဒီး ကီၢ်ပယီၤသုးမုၢ်ဒိၣ်တဖၣ်အဘၢၣ်စၢၤ ခီဖျိလၢသုးတၢ်ဖ့ၣ်ဆၢဟဲက့ၤကဲထီၣ်ကဒါအဃိ လီၢ်က၀ီၤသ၀ီဖိလၢအကထိဘၣ်ဃ့ၢ်မှံဟးဖျိဘၣ်သုးလီၢ်သုးကျဲတုၤလၢခဲအံၤတစုအဃိ လိၣ်ဘၣ်၀ဲဒၣ်တၢ်ဆီၣ်ထွဲမၤစၢၤတဖၣ်အဂ့ၢ်န့ၣ်...
တၢ်ခးသံကဒီး၀ဲ လၢၢ်ဒိၣ် လီၢ်က၀ီၤသ၀ီဖိ ၂ ဂၤ
လါယနူၤအါရံၤ ၂၀ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါ လါယနူၤအါရံၤ ၁၉ သီအနံၤ ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ် (သုးက့=၃) ဒီး မုၢ်တြီၢ်ကီၢ်ရ့ၣ် (သုးက့=၅)အဘၢၣ်စၢၤ တၢ်ခးသံကဒီး၀ဲလီၢ်က၀ီၤကမျၢၢ် ၂ ဂၤ ကဲထီၣ်သးအဂ့ၢ်န့ၣ် သ့ၣ်ညါဘၣ်န့ၣ်လီၤႉ တၢ်ခးသံ ကမျၢၢ် ၂ ဂၤ တၢ်ဂ့ၢ်ကဲထီၣ်သးအံၤအဖီခိၣ် ပယီၤသုးမုၢ်ဒိၣ် ဒီး ကညီဒီကလုာ်စၢဖှိၣ်ကရၢ -KNU ခံဒူၣ်လၢာ် ထုးထီၣ်ပာ်ဖျါလိာ်ဘၢလိာ်ကွီၢ်လိာ်သးအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲမဟါလါယနူၤအါရံၤ ၁၉ သီအနံၤ ဒ်ပယီၤသုးတၢ်ဘိးဘၣ်ရၤလီၤတၢ်ကစီၣ်ကရူၢ် ထုးထီၣ်ပာ်ဖျါ၀ဲအသိးန့ၣ် လၢၢ်ဒိၣ်ကီၢ်ဆၣ်ႇ မုၢ်သဲၣ်သ၀ီမုၢ်ထီၣ်တကပၤ ဘၣ်ဖဲမုၢ်ဃ့ၢ်လီၤ ၁ နၣ်ရံၣ် ၁၅ မံးနံးအဆၢကတီၢ် နၢ်ဟူ၀ဲဒၣ်ကျိသီၣ်အဃိ ဖဲလဲၤသမံသမိး၀ဲအဆၢကတီၢ်န့ၣ် လၢအယံၤ၀ဲဒီးသုးကလၢၤ(၁၂၀၀) မံထၢၣ်ဃၣ်ဃၣ်အံၤ ထံၣ်၀ဲလၢလီၢ်က၀ီၤကမျၢၢ် ၂ ဂၤ သံ၀ဲဒၣ်ဒီးကျိဖိအဂ့ၢ်န့ၣ် စံး၀ဲန့ၣ်လီၤႉ လၢန့ၣ်အမဲာ်ညါ ကမျၢၢ် ၂ ဂၤအံၤ အိၣ်၀ဲဒၣ်လၢ လၢၢ်ဒိၣ်ကီၢ်ဆၣ်ႇ တီၤငူၤတါ က၀ီၤဒ့ အူတာ်(၅၄)နံၣ်...
ပယီၤသုးခးကျိဖးဒိၣ်အဃိ လၢၢ်ဒိၣ်လီၢ်က၀ီၤဖိတဂၤဘၣ်ဒိဘၣ်ထံးနးနးကလဲာ်
လါယနူၤအါရံၤ ၂၀ သီႇ ၂၀၂၁ နံၣ်ႇ စးအဲၣ်ဆူ တကီၢ်ခါ တၢ်ဖ့ၣ်ဆၢကဲထီၣ်သးလၢ ကီၢ်ပယီၤသုးမုၢ်ဒိၣ် ဒီး KNU-ကညီဒီကလုာ်စၢဖှိၣ်ကရၢ လၢၢ်ဒိၣ်ကီၢ်ဆၣ်ႇ သုးက့(၃)ဟီၣ်က၀ီၤႇ ပဲၤကီၤခံသ၀ီအပူၤ လီၢ်က၀ီၤဖိတဂၤ ခီဖျိလၢဘၣ်၀ဲဒၣ်ဒီးသုးမုၢ်ဒိၣ်ကျိဖးဒိၣ်အဃိ ဘၣ်ဒိဘၣ်ထံး၀ဲနးနးကလဲာ်အဂ့ၢ်န့ၣ် ၦၤလၢအအိၣ်ဒီးအီၤတပူၤဃီ စီၤ၀ါဒိၣ် စံးဘၣ်ခ့ၣ်အဲးစံၣ်န့ၣ်လီၤႉ လၢၢ်ဒိၣ်ကီၢ်ဆၣ်ႇ ပဲၤကီၤခံသ၀ီဖိ စီၤလၢၢ်ဘီ ၄၁ နံၣ်အံၤ ဖဲအအိၣ်လၢတၢ်ဟးစံၣ်အိၣ်ခူသူၣ်သးအလီၢ်ဒီး ဟဲက့ၤဘုၣ်လီၤဆၣ်ဖိကီၢ်ဖိအဆၣ်လၢအဟံၣ်အဆၢကတီၢ် ခီဖျိလၢပယီၤသုးခးလီၤ၀ဲဒၣ်ကျိဖးဒိၣ်အဃိ ဘၣ်ဒိၣ်ဘၣ်ထံး၀ဲလီၤအဂ့ၢ်န့ၣ် လီၢ်က၀ီၤဖိ စီၤ၀ါဒိၣ် စံး၀ဲဒ်အံၤန့ၣ်လီၤႉ အ၀ဲစံး၀ဲလၢ “ဟဲက့ၤလၢသ၀ီပူၤအဃိဘၣ်၀ဲဒၣ်လီၤႉ ဖဲအဘၣ်ဒီးကျိအဆၢကတီၢ်န့ၣ်အိၣ်၀ဲဒၣ်ယၤဒီးအ၀ဲလီၤႉ ပယီၤသုးအံၤခး၀ဲကျိဖးဒိၣ် ၂ ဖျၢၣ် နုာ်လီၤ၀ဲလၢသ၀ီပူၤတဖျၢၣ်လီၤႉ ဘၣ်ဒိ၀ဲအခီၣ်ကံၣ်ဒုၣ်လီၤႉ ဟဲက့ၤယါဘျါလၢၦၢ်ပူၤၦၤစံၣ်အိၣ်ခူသူၣ်အလီၢ်အံၤလီၤႉ သးသမူတၢ်ဘၣ်ယိၣ် ဘၣ်ဘှီအိၣ်ဧါႇတအိၣ်ဧါဒုတသ့ၣ်ညါဘၣ်ႉ လၢသ၀ီပူၤန့ၣ်အဟံၣ်ဖိဃီဖိတဖၣ်တအိၣ်ဘၣ်ႉ သ၀ီဖိတဖၣ်ဃ့ၢ်ကွံာ်လၢာ်လံႉ ခဲအံၤလၢသ၀ီပူၤန့ၣ်ယအိၣ်ယၤတဂၤလီၤ” အဂ့ၢ်န့ၣ် စံး၀ဲန့ၣ်လီၤႉ ဒ်န့ၣ်အသိး ခီဖျိလၢ သုးခိၣ်ဒိၣ်ဖိ မီၣ်မီၣ်စါ တီခိၣ်ရိၣ်မဲ၀ဲ ပယီၤသုး ခီၣ်ချ့သုးရ့ၣ် (ခမရ=၆၀၃)အံၤ ခးလီၤ၀ဲကျိဖးဒိၣ်ကျိဖိလၢသ၀ီပူၤအဃိ လီၢ်က၀ီၤဖိ စီၤလၢၢ်ဘီ အခီၣ်ကံၣ်ဒုၣ်ခံကပၤႇ အခိၣ်သၣ်ဃံဘၣ်ဒိဘၣ်ထံး၀ဲဒၣ်ဒီး တၢ်ဘၣ်ယိၣ်ဘၣ်ဘှီအိၣ်၀ဲဒၣ်အဃိ KNU...
သုးမုၢ်ဒိၣ်တၢ်ထီၣ်ဒုးတဖၣ်အဖီခိၣ် ထံဂုၤကီၢ်ဂၤကဟ့ၣ်ဂ့ၢ်ဂီၢ်အူ တၢ်ဆီၣ်သနံးအဂီၢ် KPSN ဆီၣ်တခူထီၣ်၀ဲ
လါယနူၤအါရံၤ ၁၉ သီႇ ၂၀၂၁ နံၣ် စးအဲၣ်ဆူ ကညီကီၢ်စဲၣ်ႇ ဖၣ်ပူၣ်ဟီၣ်က၀ီၤ ဒီး ပကိကီၢ်ခီ ချၢၣ်လွံၢ်ထူၣ်ဟီၣ်က၀ီၤတဖၣ်အပူၤ တကီၢ်ခါတၢ်ကဲထီၣ်သးလၢ ပယီၤသုးမုၢ်ဒိၣ်ခးလီၤကျိဖးဒိၣ်ဆူကမျၢၢ်အအိၣ်တဖၣ်အံၤ ထံဂုၤကီၢ်ဂၤကဟ့ၣ်ဂ့ၢ်ဂီၢ်အူ တၢ်ဆီၣ်သနံးအဂီၢ် ကညီတၢ်မၤစၢၤဆီၣ်ထွဲတၢ်မုာ်တၢ်ခုၣ်ၦာ်ဘျးစဲ -KPSN အံၤ ဖဲလါယနူၤအါရံၤ ၁၈ သီအနံၤန့ၣ် ထုးထီၣ်၀ဲလံာ်တၢ်ပာ်ဖျါဒီးဆီၣ်တခူထီၣ်၀ဲန့ၣ်လီၤႉ ခီဖျိလၢပယီၤသုးမုၢ်ဒိၣ်ခးလီၤ၀ဲကျိဖးဒိၣ်အဃိ လီၢ်က၀ီၤဒူဖိသ၀ီဖိတဖၣ် တၢ်ဘၣ်ဒိဘၣ်ထံးဘၣ်သံ ဟဲအိၣ်ထီၣ်၀ဲအသိး လီၢ်က၀ီၤဖိလၢကထိဘၣ်စံၣ်မှံဟးဖျိး၀ဲဒၣ်အံၤန့ၣ် မ့ၢ်ဒၣ်တၢ်ခီပတာ်၀ဲဒၣ်ဟီၣ်ခိၣ်ဒီ ဘ့ၣ်တၢ်ဘျၢသဲစးဒီး အလီၢ်အိၣ်လၢဟီၣ်ခိၣ်ဒီဘ့ၣ်ကနုာ်လီၤဟ့ၣ်တၢ်ဆီၣ်သနံးအဂီၢ်လိၣ်၀ဲအဂ့ၢ်န့ၣ် KPSN စံး၀ဲန့ၣ်လီၤႉ KPSN ၦၤကတိၤတၢ်ပၢ နီၢ်၀ါခုၣ်ရှံ စံး၀ဲ “ခဲအံၤ ပယီၤသုးမၤ၀ဲတၢ်ထီၣ်ဒုးအံၤ ထီဘိန့ၣ်(target)၀ဲဒၣ်ၦၤ ထံဖိကီၢ်ဖိကမျၢၢ်တဖၣ်လီၤႉ တၢ်လီၢ်လၢလီၢ်က၀ီၤဖိမၤအီၣ်မၤအီအလီၢ်တဖၣ်အပူၤန့ၣ် ပယီၤသုးခးလီၤ၀ဲဒၣ်ကျိ ဖးဒိၣ်အံၤ မၤဟးဂီၤ၀ဲဒၣ်ထံကီၢ်ဒီဘ့ၣ်တၢ်သိၣ်တၢ်သီလီၤမီၤနီၤႉ လၢကလဲၤဟ့ၣ်ၦၤလီၢ်အိၣ်ကမှံဖိတဖၣ် တၢ်ဆီၣ်ထွဲမၤစၢၤအဂီၢ် သုးမုၢ်ဒိၣ်အံၤကးတံၢ်တြီ၀ဲကျဲအံၤစ့ၢ်ကီး မၤဟးဂီၤ၀ဲဒၣ်ထံကီၢ်ဒီဘ့ၣ်တၢ်သိၣ်တၢ်သီလီၤႉ တၢ်အဃိန့ၣ် လီၤဆီဒၣ်တၢ် UN တၢ်ဘံၣ်တၢ်ဘၢကီၣ်ကးအံၤ အ၀ဲသ့ၣ်အမူဒါအိၣ်လၢကဘၣ်ဟ့ၣ်တၢ်ဆီၣ် သနံးဆူ ကီၢ်ပယီၤပဒိၣ်ဒီးသုးမုၢ်ဒိၣ်အအိၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ခီဖျိလၢပယီၤသုးခးလီၤကျိဖးဒိၣ်အဃိ လီၢ်က၀ီၤသ၀ီသးၦၢ်တဂၤဘၣ်ဒိဘၣ်ထံးသံ၀ဲဒၣ်ဒီးႇ ဖိသၣ်(၁၁)...
ပဒိၣ်တၢ်မုာ်တၢ်ခုၣ်တၢ်မၤအကျဲအဒိသီအံၤ သဂၢၢ်၀ဲအသိးအမိၢ်လံၤမိၢ်ၦၢ်ကဖျါထီၣ်နီၢ်နီၢ်အဂီၢ် KNU မုၢ်လၢ်၀ဲ
လါယနူၤအါရံၤ ၁၉ သီႇ ၂၀၂၁ နံၣ်ႇ စးအဲၣ်ဆူ စးထီၣ် ဖဲ၂၀၂၁ နံၣ်န့ၣ် တၢ်ကစးထီၣ်သူ၀ဲ ပဒိၣ်တၢ်မုာ်တၢ်ခုၣ်တၢ်မၤအကျဲသီ(New Peace Architecture)အံၤ သဂၢၢ်၀ဲအသိး အမိၢ်လံၤမိၢ်ၦၢ်ကဖျါထီၣ်နီၢ်နီၢ်အဂီၢ် မုၢ်လၢ်၀ဲအဂ့ၢ်န့ၣ် KNU-ကညီဒီကလုာ်စၢဖှိၣ်ကရၢ စံး၀ဲန့ၣ်လီၤႉ စးထီၣ်ဖဲ ၂၀၁၈ နံၣ် တုၤလၢ ၂၀၂၀ နံၣ်တစု တၢ်မၤ၀ဲဒၣ်တၢ်တၢၣ်ပီၣ်တဲသကိးတၢ်မုာ်တၢ်ခုၣ်တၢ်မၤအကျဲ တဘၣ်ဂီၢ်ဘၣ်ဒွါဘၣ်အံၤ ဒ်သိးကဘှီဘၣ်၀ဲအဂီၢ်တၢၣ်ပီၣ်တဲသကိးဆီၣ်တခူထီၣ်၀ဲအဘျီဘၣ်အဘျီဘၣ်ဆၣ် ခဲအံၤပဒိၣ်စးထီၣ်တဲ၀ဲတၢ်မုာ်တၢ်ခုၣ်တၢ်မၤအကျဲသီဒ်အံၤအဖီခိၣ် ခ့ၣ်အဲၣ်ယူၣ် နဲၣ်ရွဲၣ်ခိၣ်ကျၢၢ် ပဒိၣ်စီၤတၢ်ဒိၣ်မူ စံးဘၣ်ခ့ၣ်အဲးစံၣ်ဒ်အံၤန့ၣ်လီၤႉ “ခဲအံၤပက့ၤနၢ်ဟူကဒါလၢ New Peace Architecture လီၤမီၤႉ တၢ်အံၤ လၢပဒိၣ်အဂီၢ် ဘၣ်သ့ၣ်သ့ၣ်ကမ့ၢ်၀ဲတၢ်ထံၣ်အသီတခါကသ့လီၤဘၣ်ဆၣ် တၢ်သ့ၣ်တဖၣ်အံၤ ကိးဘျီဒဲးဒ်ပဆီၣ် တခူစံးပာ်၀ဲအသိး လၢကဘှီဘၣ်ဆီတလဲ၀ဲအဂီၢ် ခဲအံၤန့ၣ်ဟဲစံးကတိၤအိၣ်၀ဲလံလီၤႉ အဃိန့ၣ် ပသးခုလီၤႉ ဘၣ်ဆၣ်တဘၣ်မ့ၢ်ထဲတဲတခါဧိၤဘၣ်ဒီး ကျဲသနူအသီဆီတလဲနီၢ်ကီၢ်ဧါ တဆီတလဲဘၣ်ဧါန့ၣ် ကအိၣ်ခိးကွၢ်၀ဲလီၤ” အဂ့ၢ်န့ၣ် ပဒိၣ်စီၤတၢ်ဒိၣ်မူ စံး၀ဲန့ၣ်လီၤႉ New Peace Architecture အံၤ ဖဲအပူၤကွံာ် လါယနူၤအါရံၤ...