လီၢ်က၀ီၤကမျၢၢ်လၢ မုၢ်တြီၢ်ကီၢ်ရ့ၣ်အပူၤ မၤ၀ဲတၢ်ပာ်ဖျါထီၣ်တၢ်ဘၣ်သးလၢ တၢ်လီၢ် (၂) တီၤ
လါအိးကထိဘၢၣ် ၂၅ သီႇ၂၀၁၉ နံၣ်ႇ ဖဲအါအိးကထိဘၢၣ် ၂၅ သီအနံၤ မုၢ်တြီၢ်ကီၢ်ရ့ၣ် လူၤသီကီၢ်ဆၣ် ဖျးခိၣ်သ၀ီကရူၢ် ဒီး လၢၢ်မုၢ်ပျီ–စှီၤမုၢ်ပျီသ၀ီကရူၢ် သ့ၣ်တဖၣ်အပူၤ လီၢ်က၀ီၤကမျၢၢ်သ၀ီဖိတဖၣ် မၤ၀ဲတၢ်ပာ်ဖျါထီၣ်တၢ်ဘၣ်သး တၢ်လီၢ် ၂တီၤ လၢအဘၣ်ဃးဒီး တသးလီ၀ဲ တၢ်ဟဲတ့ထီၣ်ကျဲမုၢ်ကျဲဘိ လၢအ၀ဲသ့ၣ် ဟီၣ်က၀ီၤအပူၤန့ၣ် လီၤႉ လီၢ်က၀ီၤသ၀ီဖိဖဲန့ၣ်တဖၣ် ခီဖျိသဂၢၢ်ဘၣ်၀ဲ တၢ်ကီတၢ်ခဲတဖၣ်ဒ်အမ့ၢ် ကီၢ်ပယီၤပဒိၣ်သုးတဖၣ် ဟဲတ့၀ဲကျဲမုၢ်ဖဲအ၀ဲသ့ၣ် ဟီၣ်က၀ီၤအပူၤအဖီခိၣ် တၢ်ခးကဲထီၣ်ဒီး ခ့ၣ်အဲၣ်ယူၣ်စုဒုၣ်စုတီၤအဖီလာ် ခ့ၣ်အဲၣ်အဲလ်အ့ၣ် –ကညီကလုာ်တၢ်ထူၣ်ဖျဲးသုးမုၢ်ဒိၣ် ခဲအံၤခဲအံၤအိၣ်စ့ၢ်ကီးဒီး အဒိၣ်အအါ ပယီၤသုးလၢဟဲတ့ထီၣ်ကျဲတဖၣ် ဟံးန့ၢ်၀ဲကျဲတၢ်ဘံၣ်တၢ်ဘၢ ဟဲဆီလီၤအသုး တုၤဒၣ်လဲာ် ခးလီၤကျိလၢဒူသ၀ီတဖၣ်အပူၤဒီး အ၀ဲသ့ၣ်ဘၣ်ပာ်တ့ၢ်ကွံာ်လီၢ်ကျဲ ဘၣ်စံၣ်အိၣ်ကဒုလၢတၢ်လီၢ်အဂၤ လၢတၢ်နးတၢ်ဖှီၣ်အပူၤအဃိ အ၀ဲသ့ၣ်မၤ၀ဲ တၢ်ကီးသထြီ လၢတလိၣ်ဘၣ်၀ဲ တၢ်တ့ထီၣ်ကျဲမုၢ်၀ဲအံၤလၢၤဘၣ်အဂ့ၢ် လၢၢ်မုၢ်ပျီသ၀ီကရူၢ်ခိၣ် စီၤဒါပံၣ် တဲ၀ဲဒံးအံၤန့ၣ်လီၤႉ “ခးလီၤကျိလၢ ကမျၢၢ်သ့ၣ်အကျါ ဒီးဟဲလီၤ၀ဲဒီး သိလ့ၣ်ဒီး ဟဲမၤပျံၤကမျၢၢ်အိၣ်စ့ၢ်ကီး တဲ၀ဲလၢ ဟဲဟံးတၢ်ဘံၣ်တၢ်ဘၢ တလိၣ်ဟဲဟံး တၢ်ဘံၣ်တၢ်ဘၢလၢ ပလီၢ်က၀ီၤအပူၤဘၣ်...
ယုၢ်မၤဟးဂီၤ အံတူၢ်ထၣ်လီၢ်ကမှံဃုးလီၢ်တဖၣ်အဃိ ဃုးလီၢ် ၁၀၀ဘျဲၣ် ဟးဂီၤကွံာ်
လါအိးကထိဘၢၣ် ၂၄သီႇ၂၀၁၉နံၣ်ႇနါ၀့ၤဖၠိစၣ် ဖၣ်ပူၣ်ကီၢ်ရ့ၣ် ဘုသိၣ်ကီၢ်ဆၣ်အပူၤ ဖဲတလါအံၤ လါစဲးပထ့ဘၢၣ် ထီၣ်သီကတီၢ် ယုၢ်တဖၣ်နုာ်လီၤအီၣ် မၤဟးဂီၤကွံၢ်၀ဲ ဘုလၢဃုး(ခုး)ပူၤတဖၣ် နးနး ကျံာ်ကျံာ်န့ၣ်ဒီး ကတီၢ်အံၤ ခုးလီၢ်ခဲလၢာ် ၁၀၀ ဘျဲၣ်ဟးဂီၤ ကွံာ်၀ဲအဂ့ၢ် ၦၤဖဲးအီၣ်ဃုး(ခုး)တဖၣ် တဲ၀ဲန့ၣ်လီၤႉ စးထီၣ်ဖဲ တလါအံၤ လါစဲးပထ့ဘၢၣ် အသီ ၂၀ ကတီၢ် ယုၢ်တဖၣ်နုာ်လီၤ အ့ၣ်ဟးဂီၤ၀ဲဃုး(ခုး)လီၢ်တဖၣ် ဖဲအံတူၢ်ထၣ်ၦၤလီၢ်အိၣ်ကမှံဒဲက၀ီၤ ဒီးကတီၢ်အံၤ ဃုး(ခုး)လီၢ် ၁၀၀ ဃၣ်ဃၣ် ဟးဂီၤကွံာ်၀ဲ တုၤသူအီၤတသ့ နီတမံၤလၢၤဘၣ်အဂ့ၢ် အံတူၢ်ထၣ်ၦၤလီၢ်အိၣ်ကမှံဒဲက၀ီၤ ၦၤဂ့ၢ်၀ီမူဒါခိၣ် စီၤပီၣ်လဲၣ်ကၤလံၤလါမူ စံး၀ဲဒ်အံၤန့ၣ်လီၤႉ “လၢတၢ်မၤစၢၤ တန့ၢ်လၢၤဘၣ်ကတီၢ် ၦၤလၢမၤတၢ်တဘၣ် နီတမံၤဘၣ်တဖၣ် သူၣ်အီၣ်၀ဲ ခုးလီၢ်တဂၤတစဲးလီၤႉ တနံၤအံၤ ယုၢ်မၤဟးဂီၤဘု လၢာ်ဃၣ်ဃၣ်အဃိ တန့ၢ် က့ၤတၢ်နီတမံၤလၢၤဘၣ်ႉ ခုးလီၢ်လၢ အိၣ်တ့ၢ်တဖၣ်သနာ်က့ ယုၢ်မ့အ့ၣ်ဟးဂီၤကွံာ် ကဒီးန့ၣ် တန့ၢ်က့ၤတၢ်နီတမံၤလၢၤဘၣ်”အဂ့ၢ် စီၤပီၣ်လဲၣ်ကၤလံၤလါမူ စံး၀ဲန့ၣ်လီၤႉ ယုၢ်လၢနုာ်လီၤ မၤဟးဂီၤ၀ဲ ခုးလီၢ်တဖၣ်န့ၣ်...
ခ့ၣ်အဲၣ်ယူၣ်ဒီး တလၢၤ(မိၣ်)ကီၢ်သီပၣ်တံၣ် တၢ်ထံၣ်လိာ်အိၣ်သကိး တၢ်ဘၣ်သးတဖၣ် ကရှဲလဲဒုးသ့ၣ်ညါကမျၢၢ်
လါအီးကထိဘၢၣ် ၂၃ သီႇ၂၀၁၉ နံၣ်ႇ စီၤမၠးအူသၣ်ႉ ကညီကီၢ်စဲၣ် ကၠၤအ့ဆ့ၣ်ကၠံကီၢ်ဆၣ် ပလဲၣ်တိၣ်ဖဲၣ် ဒီးထံ၀ၣ်ဒိၣ်သ၀ီ ဟီၣ်က၀ီၤအပူၤ တၢ်ခးကဲထီၣ်၀ဲအဃိ ခံခီခံကပၤ ခိၣ်နၢ်တဖၣ် ထံၣ်လိာ်ကဒီးအသးဖဲ လါအိးကထိဘၢၣ် ၂၃ သီအနံၤကတီၢ် တၢ်ဘၣ်သးအစၢလၢ မၤန့ၢ်၀ဲသ့ၣ်တဖၣ် ခံခီခံကပၤ ကရှဲလဲဒုးသ့ၣ်ညါ၀ဲ ကမျၢၢ်တဖၣ်အဂ့ၢ် စံး၀ဲန့ၣ်လီၤႉ ခ့ၣ်အဲၣ်ယူၣ် ဒူပျာ်ယာ်ကီၢ်ရ့ၣ် ၀ီၢ်ရ့ၣ်ကီၢ်ဆၣ်အပူၤ ကညီနီၣ်တယၢ်လၢ တၢ်ဆီလီၤဃာ်အီၤန့ၣ် တလၢၤ(မိၣ်)ကီၢ်သီပၣ်တံၣ် တကပၤ လဲၤထုးလီၤ၀ဲ ၦဲၤထီၣ် ၃ ဘျီလံဒီး ဖဲလါအိးကထိဘၢၣ် ၁၇ သီအနံၤဒီး ၂၁ သီအနံၤ ခ့ၣ်အဲၣ်ယူၣ်ဒီး တလၢၤ(မိၣ်)ကီၢ်သီပၣ်တံၣ် တၢ်ခးလိာ်သးကဲထီၣ်၀ဲ ၂ ဘျီအဃိ သ၀ီအပူၤ လီၢ်က၀ီၤကမျၢၢ်တဖၣ် ဘၣ်ပာ်တ့ၢ်ကွံာ်အဟံၣ်ဒီး ဘၣ်ဃ့ၣ်တၢ်ဒုးအိၣ်၀ဲအဖီခိၣ် ကမၤ၀ဲတၢ်ရှဲလဲလီၤလၢ ကမျၢၢ်အိၣ်အဂ့ၢ် ခံခီခံကပၤ ခိၣ်နၢ်တဖၣ် စံး၀ဲန့ၣ်လီၤႉ တလၢၤ(မိၣ်)ကီၢ်သီပၣ်တံၣ် သုးခိၣ်ဒိၣ်ဂီၢ်ဂ့ၢ် နဲၣ်အဲၣ်စဲၣ်ခၠဲ တဲ၀ဲ“ အခဲအံၤန့ၣ် ခံခီခံကပၤ န့ၢ်တၢ်နၢ်ပၢၢ်လံႉ ကအိၣ်သကိး ဒ်သိးသိးဒီး...
ဂာ်လၢၢ်ကမူၣ် စဲးဖီကဟၣ်တၢ်မၤလီၢ်လၢအလဲၤတရံးခီဖျိလၢၢ်သွဲၣ်လးအံၤန့ၣ် လီၢ်က၀ီၤဖိတဖၣ်အဲၣ်ဒိးလၢတၢ်ကပတုာ်အီၤ
လါအိးကထိဘၢၣ် ၂၂ သီႇ၂၀၁၉ နံၣ်ႇ ခ့ၣ်အဲးစံၣ် လၢၢ်သွဲၣ်လးအဃိ တၢ်ဂ့ၢ်ကီကကဲထီၣ်အသးလၢ တၢ်လီၢ်ခံတဖၣ်အဖီခိၣ် လီၢ်က၀ီၤဖိတဖၣ် ဘၣ်ယိၣ်၀ဲအဃိ ကညီကီၢ်စဲၣ် ဂာ်လၢၢ်ကမူၣ်(ဘံလးမၠ့ၣ်) စဲးဖီကဟၣ် တၢ်မၤလီၢ်လၢ အသူ၀ဲလၢၢ်သွဲၣ်လးအံၤန့ၣ် လီၢ်က၀ီၤသ၀ီဖိ လၢအအိၣ်ဘူးဖဲန့ၣ်တဖၣ် အဲၣ်ဒိးလၢတၢ်ကပတုာ်အီၤအဂ့ၢ် သ့ၣ်ညါဘၣ်လီၤႉ ဖဲအပူၤကွံာ် လါအိးကထိဘၢၣ် ထီၣ်သီကတီၢ် မၠဲၣ်ကလ့ ဘံလးမၠ့ၣ် စဲးဖီကဟၣ် တၢ်မၤလီၢ်ကပၤ သ၀ီတဖၣ်အပူၤ ထံကျိထံကွာ်ဒီး ထံပူၤ(ထံကမျၢ) တဖၣ်အပူၤ ထံတဖၣ် ဟဲထီၣ်သူ၀ဲန့ၣ် လီၢ်က၀ီၤ ကမျၢၢ်တဖၣ် တယး၀ဲလၢ လၢၢ်သွဲၣ်လးအဃိအဂ့ၢ် စံးဖျါထီၣ်၀ဲ ဒ်အံၤအသိးန့ၣ်လီၤႉ မၠဲၣ်ကလ့ သ၀ီဖးဒိၣ်သ၀ီဖိတဂၤစံး၀ဲ“ကတီၢ်အံၤ လၢပသ၀ီအပူၤ တၢ်သူ၀ဲလၢၢ်သွဲၣ်လး တၢ်မၤလီၢ် အိၣ်၀ဲ ၄ႇ၀၀၀ တၣ်န့ၣ်လီၤႉ ဘၣ်မနုၤအဃိ ပဘၣ်ယိၣ်လဲၣ်န့ၣ် တၢ်မၤလီၢ်၀ဲန့ၣ် သ၀ီ ၃၀ ဘျဲၣ် အိၣ်၀းက၀ီၤဃာ်အီၤ အဃိန့ၣ်လီၤႉ လၢၢ်သွဲၣ်လး အကမူၣ်ကဖ့လၢ ဟဲဒံတဖၣ်န့ၣ် လီၢ်က၀ီၤဖိတဖၣ် တူၢ်ဘၣ်အီၤခဲလၢာ်လီၤႉ အဃိ ပကွၢ်လၢ...
စံာ်လီၢ်လၢ တၢ်ဟံးန့ၢ်တဖၣ် ကက့ၤဒိးန့ၢ်အီၤအဂီၢ် ၦၤထူစံာ်ကစၢ်တဖၣ် ပာ်ဖျါထီၣ်တၢ်ဘၣ်သး
လါအိးကထိဘၢၣ် ၂၀ သီႇ၂၀၁၉ နံၣ်ႇ ခ့ၣ်အဲးစံၣ်ႉ ကီၢ်ပဒိၣ် ထံလီၢ်ကီၢ်ပူၤ၀ဲၤကျိၤ အဖီလာ် ဃိာ်တၢ်ဒုးဃာ်လီၢ်၀ဲၤကျိၤ လၢအအိၣ်ဖဲ တီၣ်ကလ့အံၤ ဟံးန့ၢ်ဃာ်၀ဲ စံာ်လီၢ်ဖဲ ၀့ၢ်ဖၣ်အၣ် ယဲသၣ်သ၀ီကရူၢ် နီၣ်ခရဲၣ် သ၀ီကရူၢ်အပူၤသ့ၣ်တဖၣ်အံၤ ကက့ၤဒိးန့ၢ်ဘၣ်က့ၤအဂီၢ် ၦၤမၤစံာ်ဖိတဖၣ် ပာ်ဖျါထီၣ်၀ဲတၢ်ဘၣ်သး တခါဖဲ လါအီးကထိဘၢၣ် ၁၉ သီအနံၤန့ၣ်လီၤႉ တၢ်မၤ၀ဲ တၢ်ပာ်ဖျါထီၣ်တၢ်ဘၣ်သးအံၤ ဖဲဖၣ်အၣ်–မီၣ်လမၠဲၣ် ကျဲမုၢ်ဖးဒိၣ်ကပၤ ကိၣ်ကလဲၣ် သီခါဖၠၣ် ကျဲနုာ်လီၤအကပၤ ဟီၣ်ခိၣ်လီၢ်လၢ တၢ်ဟံးန့ၢ်အီၤတဖၣ်န့ၣ် ၦၤတီခိၣ်ရိၣ်မဲတၢ်ဒီး ၦၤထူစံာ်ဖိတဖၣ် ခဲလၢာ် ၁၀ ဘျဲၣ် ပာ်ဖျါထီၣ်၀ဲ တၢ်ဘၣ်သးန့ၣ်လီၤႉ ဒ်ကီၢ်ခိၣ်တၢ်နဲၣ်လီၤအိၣ်လၢ တၢ်ကက့ၤဘၣ်ဟ့ၣ်က့ၤ ဟီၣ်ခိၣ်လီၢ်တဖၣ်အဖီခိၣ် တၢ်ကလူၤပိာ်မၤထွဲအီၤဒီး တီၣ်ကလ့ ဃိာ်တၢ်ဒုးဃာ်လီၢ်၀ဲၤကျိၤ ကက့ၤဟ့ၣ်လီၤကဒါက့ၤ စံာ်ကစၢ်တဖၣ်အဂ့ၢ် ကိးသတြီ၀ဲန့ၣ်လီၤႉ ၦၤတီခိၣ်ရိၣ်မဲ ၦၤပာ်ဖျါထီၣ်တၢ်ဘၣ်သးတဖၣ် စံး၀ဲအသိး စံာ်လီၢ်အအ့ကၢၣ် ၅၂ အ့ကၢၣ်ဘျဲၣ်အံၤ ထံလီၢ်ကီၢ်ပူၤ၀ဲၤကျိၤဖီလာ် တီၣ်ကလ့ ဃိာ်တၢ်ဒုးဃၣ်လီၢ်၀ဲၤကျိၤအံၤ ဖဲ ၁၉၉၈–၉၉ နံၣ်န့ၣ်...
လၢၢ်ဒိၣ် လီၢ်က၀ီၤကမျၢၢ်လၢတသးလီ၀ဲ ကီၢ်ပယီၤပဒိၣ်သုး ဟဲတ့ကျဲတဖၣ် ထုးထီၣ်ပာ်ဖျါတၢ်ဘၣ်သးႉ
လါအီးကထိဘၢၣ် ၁၈ သီႇ၂၀၁၉ နံၣ်ႇ ခ့ၣ်အဲးစံၣ်ႉ ပကိကီၢ်ခီဒိၣ်ႇ လၢၢ်ဒိၣ်ကီၢ်ဆၣ်အပူၤ လီၢ်က၀ီၤ ကညီၦၤထူလံၤဖိတဖၣ် လၢအ၀ဲသ့ၣ် ဟီၣ်က၀ီၤအပူၤ ကီၢ်ပဒိၣ်အသုးတဖၣ် ဟဲနုာ်လီၤတ့၀ဲကျဲမုၢ် အဖီခိၣ် တသးလီ၀ဲဘၣ်အဃိ ဖဲလါအီးကထိဘၢၣ် ၁၇ သီအနံၤ ဂီၤခီကတီၢ် မၤ၀ဲ တၢ်ပာ်ဖျါထီၣ်၀ဲ တၢ်ဘၣ်သးတခါန့ၣ်လီၤႉ လီၢ်က၀ီၤ ကညီဖိတဖၣ် တီခိၣ်ရိၣ်မဲ၀ဲဒၣ်ဒီး သ၀ီ ၁၈ ဖျၢၣ်အပူၤ လီၢ်က၀ီၤဖိ ၃၈၇ ဂၤပၣ်ဃုာ်၀ဲဖဲ တၢ်ထုးထီၣ်၀ဲ တၢ်ဘၣ်သးအပူၤန့ၣ်ဒီး ဘၣ်ထွဲတၢ်ရဲၣ်တၢ်ကျဲၤ၀ဲန့ၣ် ၦၤတီခိၣ်ရိၣ်မဲတၢ်တဂၤ လၢအမ့ၢ် စီၤ၀ါဒိၣ် တဲဘၣ်ခ့ၣ်အဲးစံၣ်–ကညီတၢ်ကစီၣ် ဒ်အံၤန့ၣ်လီၤႉ အ၀ဲတဲ၀ဲလၢ“ကီၢ်ပယီၤပဒိၣ်သုး ဟဲတ့ထီၣ်ကျဲဒ်အံၤ မၤဘၣ်ဒိ၀ဲ တၢ်ဖံးအီၣ်မၤအီၤလီၢ်ကျဲႇပတၢ်ခွဲးတၢ်ယာ်ဒိၣ်မးလီၤႉ ပတအဲၣ်ဒိး တၢ်၀ဲန့ၣ်ဘၣ်ႉ မ့ၢ်၀ံၤ ခိၣ်နၢ်လၢ အဆဲးလီၤဃာ် အဲၣ်စံၣ်အ့ၣ် တဖၣ် ပအဲၣ်ဒိးလၢကလူၤပိာ်မၤထွဲ တၢ်အၢၣ်လီၤတဖၣ်န့ၣ်လီၤႉ အဲၣ်စံၣ် အ့ၣ်အံၤ ပညိၣ်၀ဲဒၣ် တၢ်မုာ်တၢ်ခုၣ်အမ့ၢ်အတီဒီး ဖဲၣ်ဒရဲၣ်ဒံၣ်မိၣ်ကရ့ၣ်စံၣ် ကီၢ်စၢဖှိၣ်န့ၣ်လီၤ”အဂ့ၢ် တဲ၀ဲန့ၣ်လီၤႉ လီၢ်က၀ီၤဖိတဖၣ် ပာ်ဖျါထီၣ်၀ဲတၢ်ဘၣ်သးန့ၣ် စးထီၣ်လၢ ဂီၤခီ...
ခ့ၣ်အဲၣ်ယူၣ်ဒီး တလၢၤကီၢ်သီပၣ်တံၣ် အဘၢၣ်စၢၤ တၢ်ဒုးသုတကဲထီၣ်လၢၤအဂီၢ် ခံခီခံကပၤမၤ၀ဲ တၢ်အၢၣ်လီၤ၀ံၤလီၢ်ခံ တၢ်ခးလိာ်က့ၤကဲထီၣ်ကဒီးတဘျီ
လါအိးကထိဘၢၣ် ၂၂ သီႇ၂၀၁၉ နံၣ်ႇ စီၤမၠၣ်အူသၣ်ႉ ကညီကီၢ်စဲၣ် ကၠးအ့ဆ့ကၠံကီၢ်ဆၣ် ပလဲတိၣ်ဖဲၣ်သ၀ီဒီး ထံ၀ၣ်ဒိၣ်သ၀ီက၀ီၤအပူၤ ဖဲအိးကထိဘၢၣ် ၁၇ သီအနံၤ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢဒီး (NMSP) တလၢၤ(မိၣ်)ကီၢ်သီပၣ်တံၣ် အဘၢၣ်စၢၤ တၢ်ဒုးကဲထီၣ်ဒီး လၢခံသုတကဲထီၣ်သးလၢၤတဂ့ၤအဂီၢ် ဒိးန့ၢ်ဘၣ်တၢ်သးလီၤပလိာ်ဖဲတနံၤအံၤ၀ံၤအလီၢ်ခံ တၢ်ခးက့ၤကဲထီၣ်အဒီးတဘျီအဂ့ၢ် အဂ့ၢ်သ့ၣ်ညါဘၣ်လီၤႉ ဖဲလါအိးကထိဘၢၣ် ၂၀ သီအနံၤန့ၣ် တလၢၤ(မိၣ်)ကီၢ်သီပၣ်တံၣ် ခိၣ်နၢ်ဒီး ခ့ၣ်အဲၣ်ယူၣ် ခိၣ်နၢ်တဖၣ် ထံၣ်လိာ်သးဖဲ ခ့ၣ်အဲၣ်ယူၣ် တၢ်ရ့လိာ်မုာ်လိာ်၀ဲၤဒၢး၀ံၤ ဒိးန့ၢ်ဘၣ်တၢ်သးလီၤပလိာ်လၢ ဆူမဲာ်ညါ တၢ်ဒုးသုတကဲထီၣ် လၢၤတဂ့ၤအဂ့ၢ် သ့ၣ်ညါဘၣ် (KNLA)–ကညီကလုာ်တၢ်ထူၣ်ဖျဲး သုးမုၢ်ဒိၣ် သုးက့ ၆ သရ့ၣ် နီၣ်ဂံၢ် ၁၆ ဘၣ်မူဘၣ်ဒါအအိၣ်န့ၣ်လီၤႉ “ထံ၀ၣ်ဒိၣ်သ၀ီဖိတဂၤ က့ၤဟ့ၣ်ဒုးအီၣ် ထီးဆၣ်လၢသ၀ီၤပူၤအခါ တၢ်ခးအီၤဒီး ကျိစနဲးဖၢၣ်(Sniper)လီၤႉ အဲၣ်ဒိးသ့ၣ်ညါ ကျိချံကလုာ်ဒီး ဖဲလဲၤခူၣ်က့ၤကတီၢ် တၢ်ခးလီၤ၀ဲကျိဖးဒိၣ်လီၤႉ ကအိၣ်ဖဲ မံးနံး ၃၀ ကတီၢ်န့ၣ် တၢ်ဒုးက့ၤကဲထီၣ်သးလီၤ ”အဂ့ၢ် (KNLA) သုးရ့ၢ်...
န့ဆၢၣ် တၢ်အိၣ်ယၢၤဒီး ဟီၣ်ခိၣ်ကပံာ်သ့ၣ်တဖၣ်အံၤ တၢ်မ့ၢ်ပၢဆှၢရဲၣ်ကျဲၤအီၤ ဒ်မိၢ်လုၢ်ပၢ်လၢ်အသိးမး ကကဲဘျုး၀ဲ ထံကီၢ်
လါအိးကထိဘၢၣ် ၂၁ႇ၂၀၁၉ နံၣ်ႇစီၤမၠၣ်အူသၣ်ႉ ခိၣ်ဃၢၤန့ဆၢၣ် တၢ်အိၣ်ယၢၤဒီး ဟီၣ်ခိၣ်ကပံာ်သ့ၣ်တဖၣ်အံၤ ၦၤထူလံၤဖိတဖၣ် ပၢဆှၢရဲၣ်ကျဲၤတ့ၢ်ပာ်၀ဲ လၢအစိၤဘၣ်အစိၤ ဒ်အမ့ၢ် “ကီၢ်” နူနူအံၤ လၢထံကီၢ်အသ့ၣ်ၦၢ်ဒီး ခိၣ်ဃၢၤန့ဆၢၣ်ကဂ့ၤထီၣ်အဂီၢ် ကဲဘျုး၀ဲအဂ့ၢ်န့ၣ် ဖဲလါအိးကထိဘၢၣ် ၁၈သီအနံၤႇတၢ်မၤ၀ဲ တၢ်ကူၣ်လိာ်တၢၣ်ပီၣ်သကိးၦၤထူလံၤဖိ “တၢ်ပၢဆှၢရဲၣ်ကျဲၤ၀ဲဒၣ်ဟီၣ်ခိၣ်ကပံာ်ဒီး ခိၣ်ဃၢၤန့ဆၢၣ်တၢ်အိၣ်ယၢၤ” တၢ်အိၣ်ဖှိၣ်ဖဲ ဘျံးဒ၀ဲၢ်ကီၢ်ရ့ၣ်ႇဒ၀ဲၢ်ကီၢ်ဆၢႇပီဖျိဟီၣ်က၀ီၤႇကနဲဃီသ၀ီအကတီၢ် ခ့ၣ်အဲၣ်ယူၣ်ဘျံးဒ၀ဲၢ်ကီၢ်ရ့ၣ် ၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ ခ့ၣ်အဲၣ်ယူၣ် ဘျံး,ဒ၀ဲၢ်ကီၢ်ရ့ၣ်နဲၣ်ရွဲၣ် ပဒိၣ်စီၤအဲၣ်နၤ စံး၀ဲ“လၢတနီသရံၣ်အပူၤန့ၣ် သ့ၣ်ၦၢ်အိၣ်တ့ၢ်ဒၣ်ထဲ ခ့ၣ်အဲၣ်ယူၣ် တၢ်ပၢဟီၣ်က၀ီၤဒီး လီၢ်က၀ီၤၦၤထူလံၤ သ့ၣ်ၦၢ်လီၤႉ သ့ၣ်ၦၢ်ဒီး န့ဆၢၣ်တၢ်အိၣ်ယၢၤအံၤ အရ့ဒိၣ်လၢ ထံကီၢ်ဒီး ၦၤကညီအဂီၢ်အဃိ ပကတီၤအီၤန့ၣ်လီၤႉ န့ဆၢၣ်သ့ၣ်ၦၢ်အံၤ တၢ်မ့ၢ်ပၢဆှၢအီၤဒ် ကလုာ်ဒူၣ် လုၢ်လၢ်တၢ်ပၢဆှၢအသိးန့ၣ် ကဲထီၣ်တၢ်ကဲဘျုးလၢ ထံကီၢ်အဂီၢ်လီၤ”အဂ့ၢ် စံးဘၣ် ခ့ၣ်အဲးစံၣ်လီၤႉ တၢ်ကူၣ်လိာ်တၢၣ်ပီၣ်သကိးၦၤထူလံၤဖိ “တၢ်ပၢဆှၢရဲၣ်ကျဲၤ၀ဲဒၣ်ဟီၣ်ခိၣ်ကပံာ်ဒီး ခိၣ်ဃၢၤန့ဆၢၣ်တၢ်အိၣ်ယၢၤ”တၢ်အိၣ်ဖှိၣ်အပူၤ လီၢ်က၀ီၤဖိတဖၣ် တီၣ်ဖျါထီၣ်၀ဲ အ၀ဲသ့ၣ်တၢ်ပၢဆှၢရဲၣ်ကျဲၤ ဟီၣ်ခိၣ်ႇသ့ၣ်ၦၢ် ကစၢၢ်ကလိတဖၣ်ဒီး ကီၢ်ပဒိၣ် ပာ်လီၤ၀ဲ ဟီၣ်ခိၣ်ကလီႇဟီၣ်ခိၣ်သဘျ့ႇ ဟီၣ်ခိၣ်မံၤ တၢ်ဘျၢခိၣ်သ့ၣ် တၢ်ဂ့ၢ်သ့ၣ်တဖၣ်ဒီး...
တၢ်ကဒီသဒၢန့ၢ်၀ဲၦၤထူလံၤဖိ ကွံကတီၤတဖၣ်အဂ့ၢ် ကညီဂ့ၢ်၀ီကိတိာ်စံး၀ဲ
လါအိးကထိဘၢၣ် ၂၀ သီႇ၂၀၁၉ နံၣ်ႇ စီၤမၠၣ်အူသၣ်ႉ တနီသရံၣ်ကီၢ်ခီဒိၣ် ဒ၀ဲၢ်ကီၢ်ဆၣ် ဘါခၠီ ပီၣ်ချၢၣ် ဟီၣ်က၀ီၤ သ၀ီတဖၣ်အပူၤ ဒ်မိၢ်လုၢ်ပၢ်လၢ်ပၢၤဃာ်၀ဲ ကွံကတီၤတဖၣ်န့ၣ် တၢ်ကဒီသဒၢန့ၢ်အ၀ဲသ့ၣ်အဂ့ၢ် တနီသရံၣ်ကီၢ်ခီဒိၣ် ကညီဂ့ၢ်၀ီကတိာ်ခိၣ် စီၤလူကၣ်စံး၀ဲန့ၣ်လီၤႉ ဖဲလါအိးကထိဘၢၣ် ၁၇ သီအနံၤ တၢ်မၤ၀ဲ ၈ ဘျီတဘျီ ၦဲၤထီၣ် ဘါခၠီဟီၣ်က၀ီၤ ကံကွတီၤ တၢ်ဘူၣ်တၢ်ဘါ တၢ်ရဲၣ်တၢ်ကျဲၤအပူၤအကတီၢ် ကညီကလုာ်ဂ့ၢ်၀ီကိတိာ် စီၤလူကၣ် စံး၀ဲဒ်အံၤ န့ၣ်လီၤႉ “ညၣ်အစၢၤတဖၣ်ဒီး န့ဆၢၣ်တၢ်အိၣ်ယၢၤတဖၣ် တၢ်မ့ၢ်တဒီသဒၢအီၤဘၣ်န့ၣ် အဟးဂီၤကွံာ် ခဲလၢာ်န့ၣ်လီၤႉ ပဟဲဟ့ၣ်ဂံၢ်ဟ့ၣ်ဘါ အ၀ဲသ့ၣ် အတၢ်ပၢၤဃာ်န့ၣ်လီၤႉ ပမ့ၢ်မၤသကိးအီၤ ကိးဂၤဒဲးမး တၢ်၀ဲအံၤ ကကဲထီၣ်လီၤႉ အ၀ဲသ့ၣ် ဒီးသဒၢ၀ဲ ဖဲအန့ၢ်လၢ အဟီၣ် က၀ီၤအပူၤလီၤႉ တၢ်မၤအံၤအဖီခိၣ် ပဟ့ၣ်ဂံၢ်ဟ့ၣ်ဘါအီၤလီၤႉ ပတြီအီၤတအိၣ်ဘၣ် မူဒါအိၣ်လၢ ပမၤစၢၤအီၤလီၤ တၢ်မ့ၢ်ဟဲမၤ တံာ်တာ်အီၤန့ၣ် ပကလဲၤအီၤဒ် တၢ်ဘျၢအသိးလီၤ”အဂ့ၢ် စံးဘၣ် ခ့ၣ်အဲးစံၣ်န့ၣ်လီၤႉ ပီချိဟီၣ်က၀ီၤ လီၢ်က၀ီၤ ကညီကမျၢၢ်သ၀ီအဖျၢၣ်...
ပီချိလီၢ်က၀ီၤဖိ မၤလၤကပီၤ၀ဲ တၢ်အီၣ်တၢ်အီမုၢ်နံၤ
လါအီးကထိဘၢၣ် ၁၉ သီႇ၂၀၁၉ နံၣ်ႇ စီၤမၠၣ်အူသၣ် တနီသရံၣ် လီၢ်က၀ီၤကမျၢၢ် တၢ်ဃူတၢ်ဖိးကရူၢ် တီခိၣ်ရိၣ်မဲ၀ဲဒီး မၤ၀ဲဟီၣ်ခိၣ်ဒီဖျၢၣ် တၢ်အီၣ်တၢ်အီမုၢ်နံၤ ဖဲတနီသရံၣ် ကီၢ်ခီဒိၣ် ဒ၀ဲၢ်ကီၢ်ဆၣ် ဘါခၠီဟီၣ်က၀ီၤ (ပီချိ)တၢ်လီၢ်အံၤ လါအိးကထိဘၢၣ် ၁၆ သီအနံၤန့ၣ်လီၤႉ ၦၤနီၢ်ဂံၢ်ဟဲအါထီၣ်ဒီး ထံကီၢ်ဟီၣ်ခိၣ်ကပံာ် ဖီလ်စံၣ်အဃိ လီၢ်က၀ီၤကမျၢၢ်လၢ အဒိးသန့ၤထီၣ်အသးလၢ တၢ်သူၣ်အီၣ် ဖျးအီၤတဖၣ်အဂီၢ် အ၀ဲသ့ၣ်အတၢ်ခွဲးတၢ်ယာ်ဒီး တၢ်အီၣ်တၢ်အီ ကလၢကၦဲၤအဂီၢ် တၢ်ပညိၣ်အီၤဒီး မၤ၀ဲ တၢ်ရဲၣ်တၢ်ကျဲၤအံၤအဂ့ၢ် တနီသရံၣ် ကလုာ်ဒူၣ် လီၢ်က၀ီၤကမျၢၢ်ဒီး တၢ်ဃူတၢ်ဖိးကရူၢ် ၦၤပၢၤလီၢ်ဆ့ၣ်နီၤ စီၤခိၣ် စံးဘၣ် ခ့ၣ်အဲးစံၣ်န့ၣ်လီၤႉ “တနံၣ်ဒီးတနံၣ် တၢ်အီၣ်တၢ်အီတဖၣ် ဟဲစှၤလီၤႉ လီၢ်က၀ီၤကမျၢၢ်တဖၣ်လၢ အဒိးသန့ၤထီၣ်အသးလၢ န့ဆၢၣ်တၢ်အိၣ်ယၢၤတဖၣ် တၢ်သူၣ်အီၣ်ဖျးအီၣ် တၢ်ချံတၢ်သၣ်တဖၣ်အံၤ ကအိၣ်ဂၢၢ်ဆိးကျၢၤအဂီၢ် တၢ်ကဘၣ်ကတီၤအီၤန့ၣ် လိၣ်၀ဲလီၤႉ သဲးစးတၢ်ဘျၢသ့ၣ် တဖၣ်သနာ်က့ မၤဘၣ်ဒိက့ၤ၀ဲလီၢ်က၀ီၤကလုာ်ဒူၣ်ကမျၢၢ်တဖၣ်လီၤႉ ဟီၣ်ခိၣ်ကပံာ်တဖၣ် ဟဲစှၤလီၤ တၢ်ဘျၢတဖၣ် အိၣ်ဒီး တၢ်အဒူၣ်အဆၢအဃိ မၤအီၣ်ဘၣ်တၢ်လၢ တၢ်သဘျ့ဟဲစှၤလီၤႉ...