ခံခီခံကပၤ တၢ်ဂ့ၢ်ကီသုတဒိၣ်ထီၣ်အဂီၢ် တၢ်ကဘှါရှဲအီၤလၢ အဆိအချ့အဂ့ၢ် KNU ဒီး (NMSP)စံး၀ဲႉ
လါအိးကထိဘၢၣ် ၁၈ သီႇ၂၀၁၉ နံၣ်ႇ စီၤရှါ တကီၢ်ခါ ခံကပၤအဘၢၣ်စၢၤ တၢ်ခးလိာ်သးကဲထီၣ်တၢ်ဂ့ၢ်အံၤန့ၣ် သုတဟဲဒိၣ်ထီၣ်အဂီၢ်ဒီး တဆဲးကဲထီၣ်သး ဆူမဲာ်ညါအဂီၢ် တၢ် ကဘှါရှဲအီၤလၢ အဆိအချ့အဂ့ၢ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢဒီး တလၢၤကီၢ်မီၣ်သီပၣ်တံၣ် (NMSP) ဘၣ်မူဘၣ် ဒါတဖၣ် စံး၀ဲန့ၣ်လီၤႉ ဖဲကညီကီၢ်စဲၣ် ဃိၣ်သၢဖျၢၣ်ဟီၣ်က၀ီၤအပူၤ ဖဲလါအိးကထိဘၢၣ် ၁၇ သီအနံၤ ခ့ၣ်အဲၣ်ယူၣ် ဒူပျာ်ယာ်ကီၢ်ရ့ၣ်ႇ ၀ီၢ်ရ့ၣ်ကီၢ်ဆၣ် သုးရ့ၣ် နီၢ်ဂံၢ် ၁၆ ဒီး တလၢၤကီၢ်မိၣ်သီပၣ်တံၣ် ကရူၢ်သ့ၣ်တဖၣ် အဘၢၣ်စၢၤ တၢ်ခးလိာ်သး ကဲထီၣ်အဖီခိၣ် တလၢၤကီၢ်မိၣ်သီပၣ်တံၣ် လီၢ်ခၢၣ်သး ဘၣ်မူဘၣ်ဒါ နဲၣ်နဲထူရၣ်မ့ၣ် စံးဘၣ် ခ့ၣ်အဲးစံၣ် ဒ်အံၤန့ၣ်လီၤႉ “တၢ်ဂ့ၢ်ကီသုတဒိၣ်ထီၣ်အဂီၢ် ကဘၣ်ထံၣ်လိာ်တဲသကိး လၢအဆိအချ့လီၤႉ တဂီၤအံၤ ခ့ၣ်အဲၣ်ယူၣ် ကီၢ်ရ့ၣ်ခိၣ် ပဒိၣ်ရွ့ၣ်မီ ပနၣ်ဟူလၢ လဲၤတုၤလၢ ဃိၣ်သၢဖျၢၣ်လီၤႉ အခဲအံၤ ယအိၣ်လၢတၢ်အိၣ်ဖှိၣ်ပူၤလီၤႉ မ့ၢ်တဲတၢ်ဂ့ၢ်အံၤန့ၣ် ကဘၣ်ဂီၢ်ကဒါက့ၤလီၤ”အဂ့ၢ် နဲၣ်နဲထူရၣ်မ့ၣ် စံးဘၣ်၀ဲဖဲ လါအီးကထိဘၢၣ်...
ကီၣ်ကၠီၣ်တဲၣ်အပူၤ ၦၤကီၢ်ပယီၤဖိ လၢအဘၣ်တၢ်ကူၣ်မၤကၤ ၅၄ ဂၤ တၢ်ဟဲက့ၤဆှၢဟ့ၣ်ကဒါက့ၤ
လါအီးကထိဘၢၣ် ၁၇ သီႇ၂၀၁၉ နံၣ်ႇန့ၣ်နီၣ်ႉ ကီၢ်ပယီၤဖိ ၅၄ ဂၤလၢ ဘၣ်တၢ်ကူၣ်မၤကၤအ၀ဲသ့ၣ်ဒီး ဘၣ်တၢ်ကွၢ်ထွဲက့ၤအ၀ဲသ့ၣ်လၢ ကီၢ်ကၠီၣ်တဲၣ် တၢ်ဂုၤထီၣ်ပသီထီၣ်ဒီး ကမျၢၢ်တၢ်ဘံၣ်တၢ်ဘၢ ကိတိာ်၀ဲၤကျိၤအံၤ ဘၣ်တၢ်က့ၤဆှၢအ၀ဲသ့ၣ်လၢ ၀့ၢ်ရၤမတံ က၀ီၤဒ့ ၃ ဒ့ၣ်ထဲၣ်အီၣ်ဃိၣ်ကပၤ တၢ်ကွၢ်ထွဲပတြီာ်အလီၢ် ဖဲလါအီးကထိဘၢၣ် ၁၇ သီ ဂီၤခီကတီၢ်အဂ့ၢ် သ့ၣ်ညါဘၣ်လီၤႉ ကီၢ်ပယီၤဖိလၢ ဟဲက့ၤတုၤလၢ ရၤမတံတဖၣ်အံၤ ဘၣ်တၢ်ဆှၢဃီၤအ၀ဲသ့ၣ်လၢ ကီၢ်ကၠီၣ်တဲၣ် တးခ်ကီၢ်ရ့ၣ် ပၢၤကီၢ်ကရူၢ်လၢ အဟူးဂဲၤဖီၣ်၀ဲ ၦၤမၤကၤၦၤကညီတဖၣ်ဒီး ၦၤက့ၤတူၢ်လိာ်ကဒါက့ၤ ၦၤတဖၣ်န့ၣ်လၢ ရၤမတံကီၢ်ရ့ၣ် တၢ်ကွၢ်ထွဲၦၤဂ့ၢ်၀ီ၀ဲၤကျိၤခိၣ် အူန့ၣ်၀ၣ်ထိ တီခိၣ်ရိၣ်မဲ၀ဲကရူၢ်န့ၣ်လီၤႉ တၢ်က့ၤဆှၢကဒါက့ၤ၀ဲ ၦၤလၢဘၣ်တၢ် ကူၣ်မၤကၤအီၤတဖၣ် အတၢ်ရဲၣ်တၢ်ကျဲၤ၀ဲန့ၣ် ကီၢ်ပယီၤ တၢ်တိစၢၤမၤစၢၤ ၦၤဂ့ၢ်၀ီဒီး တၢ်က့ၤပာ်လီၤက့ၤ တၢ်လီၢ်တၢ်ကျဲ၀ဲၤကျိၤႇ တၢ်က့ၤသူၣ်ထီၣ်ဆီလီၤ ကဒါက့ၤလီၢ်ကျဲ၀ဲၤကျိၤႇ ကီၢ်ကၠီၣ်တဲၣ် ကမျၢၢ်တၢ်ဂုၤထီၣ်ပသီထီၣ်ဒီး တၢ်ဘံၣ်တၢ်ဘၢ၀ဲၤကျိၤႇ တၢ်ထီဒါ ၦၤမၤကၤၦၤကညီ၀ဲၤကျိၤတဖၣ် ပာ်ဖှိၣ်မၤသကိးတၢ်အဂ့ၢ် တၢ်က့ၤသူၣ်ထီၣ်ဆီလီၤ ၀ဲၤကျိၤၦၤနဲၣ်တၢ်ခိၣ် ၂ ဒီၣ်ခဲၣ်စုလွ့ၣ် တဲ၀ဲလီၤႉ “တနံၤအံၤ...
ဖၣ်အၣ်ယ့ၣ်တွ့ကိသ၀ီအပူၤ ညၣ်တဖၣ်သံအဃိ လီၢ်က၀ီၤဖိတဖၣ် တၢ်ဘၣ်ယိၣ် ဟဲအါထီၣ်
လါအီးကထိဘၢၣ် ၁၆ သီႇ၂၀၁၉နံၣ်ႇစီၤရှါႉ တကီၢ်ခါခဲအံၤလၢ၀့ၢ်ဖၣ်အၣ်အလီၢ်ခံ ဘါကၣ်သ၀ီကရူၢ်ယ့ၣ်တွ့ကိသ၀ီလၢ အအိၣ်ဘူးဒီးနၣ်ကိသ၀ီန့ၣ် ထံသ့ၣ်တဖၣ်အမံၤဒိၣ်ထီၣ် ခီဖျိထံသ့ၣ်တဖၣ် တမ့ၢ်ဒ်သိးလၢအပူၤကွံာ်ဒီး ဟဲသူထီၣ်၀ဲန့ၣ်လီၤႉ ထံသ့ၣ်တဖၣ်သူထီၣ်၀ံၤအလီၢ်ခံဖဲလါအီးကထိဘၢၣ်၁၅သီ အနံၤန့ၣ် ညၣ်သ့ၣ်တဖၣ်သံဒီး ထီၣ်ဖီ၀ဲဒၣ်ဒီဒူၣ်ဒီထၢအဃိ ဘၣ်အိၣ်လၢတၢ်ဘၣ်ယိၣ်ဘၣ်ဘှီပူၤလီၤအဂ့ၢ် လီၢ်က၀ီၤဖိသ့ၣ်တဖၣ်စံး၀ဲ ဒၣ်န့ၣ်လီၤႉ စးထီၣ်လၢ လါအိးကထိဘၢၣ် ထီၣ်သီကတီၢ် ထံဟဲထီၣ်သူအဃိ ညၣ်သံ၀ဲအဂ့ၢ် သ၀ီဖိတဖၣ်တဲ၀ဲ ခ့ၣ်အဲးစံၣ် ဒ်အံၤန့ၣ်လီၤႉ ယ့ၣ်တွ့ကိ သ၀ီသးၦၢ် စီၤငွ့ၣ်လိစံး၀ဲ“တဂီၤအံၤ ညၣ်သံအုၣ် ထီၣ်ဖီဒီဒူၣ်န့ၣ်လီၤႉ ညၣ်ဘၣ်တၢ်အစုၣ်ဧါႉ သ့ၣ်လၣ်အုၣ်အဃိဧါႉ တသ့ၣ်ညါလီၤတံၢ်ဘၣ်သနာ်က့ ပဆိကမိၣ်ဒု ခီဖျိလၢၢ်သွဲၣ်လးအဃိလီၤႉ တမ့ၢ်ထဲသ၀ီဖဲအံၤဘၣ် လၢကီးယ့ႇ ကမါသ၀ီတကပၤ သနာ်က့ နၢ်ဟူဘၣ်လၢ ညၣ်သံဒီဒူၣ်လီၤႉ ထံထီၣ်သူ ညၣ်သံဒ်အံၤ စးထီၣ်ကဲထီၣ်အသးလၢ တနံၣ်အံၤအတီၢ်ပူၤလီၤ”အဂ့ၢ် စံး၀ဲလီၤႉ လီၢ်က၀ီၤဖိသ့ၣ်တဖၣ်အံၤ ထံဟဲထီၣ်သူအဃိ သူက့ၤ၀ဲထံလၢ ထံပူၤတဖၣ်တဘူၣ်လၢၤဘၣ်ဒီး သူက့ၤ၀ဲထံအီဒၢသ့ၣ်တဖၣ်ဒီး ထံအလွဲၢ်ဆီတလဲသးဒ်အံၤ သ၀ီဖိတဖၣ် တယး၀ဲလၢ ဂာ်လၢၢ်ကမူၣ်(ဘံလးမၠ့ၣ်)စဲးဖီကဟၣ်တၢ်မၤလီၢ် လၢအဘူးဖဲသ၀ီဖဲန့ၣ် ပာ်ပူၣ်ဃာ်၀ဲ လၢၢ်သွဲၣ်လးအဃိလီၤ အဂ့ၢ် ပဲၣ်ထံနီၤဖး၀ဲန့ၣ်လီၤႉ နါထူလ့ၣ်လၢ အမ့ၢ် ယ့ၣ်ထွ့ကိသ၀ီဖိတဂၤ...
ကၠိဖိနီၢ်ဂံၢ်အါအဃိ သူမှဲခံကၠိ သဂၢၢ်ဘၣ် တၢ်သိၣ်လိတီၤဒၢးဒီး အိၣ်ဆိးတၢ်လီၢ် တၢ်ဂ့ၢ်ကီ
လါအီးကထိဘၢၣ် ၁၅ သီႇ၂၀၁၉ နံၣ်ႇ နါ၀့ၣ်ဖၠိစၣ်ႉ ကီၢ်ကၠီၣ်တဲၣ်ႇ ဖိၣ်ဖြၣ်ကီၢ်ဆၣ် ခီကီၢ်ကၠိတဖျၢၣ်လၢအမ့ၢ် သူမှဲခံကၠိအံၤ တနံၣ်အံၤအပူၤ တူၢ်လိာ်၀ဲကၠိဖိနီၢ်ဂံၢ် အါန့ၢ်ဒံး တၢ်ပာ်ပနီၣ်အဃိ သဂၢၢ်ဘၣ်တၢ်ကီတၢ်ခဲလၢ အိၣ်ဆိးတၢ်လီၢ်ဒီး တၢ်သိၣ်လိတီၤဒၢးအဂ့ၢ် ၦၤဘၣ်မူဘၣ်ဒါတဖၣ် တဲ၀ဲန့ၣ်လီၤႉ ခီကီၢ်ၦၤမၤတၢ်ဖိ ကၠိဖိတဖၣ်ပာ်ဂံၢ်ပာ်ဘါ၀ဲ ကၠိတဖျၢၣ်လၢအမ့ၢ် သူမှဲခံကၠိအံၤ တနံၣ်အံၤ ၂၀၁၉–၂၀ တၢ်သိၣ်လိနံၣ်အပူၤ ကၠိဖိနီၢ်ဂံၢ်အိၣ်၀ဲ ၁ႇ၀၀၀ ဃၣ်ဃၣ်အဃိ သဂၢၢ်ဘၣ်ဒီး တၢ်ကီတၢ်ခဲဒ်အံၤလီၤအဂ့ၢ် ကၠိခိၣ် စီၤၦ့ၤဒိၣ် တဲဘၣ် ခ့ၣ်အဲးစံၣ်–ကညီတၢ်ကစီၣ် ဒ်အံၤန့ၣ်လီၤႉ “ဘၣ်ထွဲတၢ်တူၢ်လိာ်၀ဲ ကၠိဖိနီၢ်ဂံၢ်အံၤ ပအဲၣ်ဒိးပာ်ပနီၣ်အီၤလီၤႉ ကၠိဖိလၢအဲၣ်ဒိးမၤလိတၢ် ဒီးဟဲတုၤဖဲအံၤတဖၣ် ပမ့ၢ်တတူၢ်လိာ်အီၤဘၣ်န့ၣ် အ၀ဲသ့ၣ်ကသဂၢၢ်ဘၣ်ဒီး တၢ်ကီတၢ်ခဲလီၤႉ မ့ၢ်လဲၤထီၣ်ကၠိလၢ တၢ်လီၢ်အဂၤ ကစဲၤခံလီၤႉ လၢဖိသၣ်တဖၣ် တၢ်ခွဲးတၢ်ယာ် တၢ်သးစဲ အဲၣ်ဒီးထီၣ်ကၠိဖဲအံၤန့ၣ် ပကဘၣ်ကွၢ်ဒီး ဟ့ၣ်အီၤတၢ်ခွဲးတၢ်ယာ်လီၤႉ တၢ်ကီတၢ်ခဲအိၣ်သနာ်က့ တကပၤပဘၣ်တူၢ်လိာ်အိၣ်လီၤ” အဂ့ၢ် ကၠိခိၣ်စီၤၦ့ၤဒိၣ် တဲ၀ဲန့ၣ်လီၤႉ သူမှဲခံကၠိအံၤ ကၠိဖိလၢကီၢ်ပူၤ ကီၢ်ဆၢတဖၣ်အပူၤ ဟဲမၤလိတၢ်ဒီး အိၣ်၀ဲ...
ထံဟဲထီၣ်သူတဖၣ် တၢ်မၤကွၢ်အီၤ တၢ်ဘၣ်ယိၣ်မ့ၢ်အိၣ်တမံၤမံၤတခီ တၢ်ကလိာ်ကွီၢ်၀ဲ စဲးဖီကဟၣ်တၢ်မၤလီၢ်အဂ့ၢ် ကိတိာ်ခိၣ်စံး၀ဲႉ
လါအိးကထိဘၢၣ် ၁၄ သီႇ၂၀၁၉ နံၣ်ႇ ခ့ၣ်အဲးစံၣ်ႉ ဖၣ်အၣ်ကီၢ်ဆၣ်ႇဘါကၣ်သ၀ီကရူၢ်ႇ နၣ်ကိသ၀ီအပူၤ ထံဟဲထီၣ်သူအဃိ သ၀ီဖိတဖၣ် တၢ်ဘၣ်ယိၣ်အိၣ်ထီၣ်အဖီခိၣ် တၢ်ဟံးန့ၢ်၀ဲထံ၀ဲန့ၣ်၀ံၤ တၢ်မၤကွၢ်ထံ၀ဲန့ၣ်၀ံၤ တၢ်မ့ၢ်ကဲထီၣ်သးတခါခါန့ၣ် တၢ်ကလိာ်ကွီၢ်၀ဲ စဲးဖီကဟၣ်တၢ်မၤလီၢ်အဂ့ၢ် ကညီကီၢ်စဲၣ် ကိတိာ်ခိၣ်ကျၢၢ် နါခ့ၣ်ထွ့မၠ့ၣ် စံး၀ဲဖဲတၢ်ထံၣ်လိာ်အသးဒီး သ၀ီဖိတဖၣ်ဖဲ လါအိးကထိဘၢၣ် ၁၂ သီအနံၤန့ၣ်လီၤႉ လီၢ်က၀ီၤဖိတကပၤ ပဲာ်ထံနီၤဖး၀ဲလၢ ထံဟဲထီၣ်သူထီၣ်ဒ်အံၤ မ့ၢ်၀ဲ တၣ် ၄ႇ၀၀၀ ဂာ်လၢၢ်ကမူၣ်(ဘံလးမၠ့ၣ်)စဲးဖီကဟၣ် တၢ်မၤလီၢ် လၢအဘူးဖဲ မၠဲၣ်ကလ့ဖဲန့ၣ် ပူၣ်ထီၣ်ဃာ်၀ဲ လၢၢ်သွဲၣ်လးအဃိ ကဲထီၣ်လီၤအဖီခိၣ် ကီၢ်စဲၣ်ကိတိာ် စံးလီၤ၀ဲဒ်အံၤန့ၣ်လီၤႉ ကိတိာ်ခိၣ်ကျၢၢ်စံး၀ဲ“ယအဲၣ်ဒီးတဲ ၦၤကမျၢၢ်တဖၣ်လၢ ပက့ၤမၤကွၢ်ထံ၀ဲန့ၣ်ဒီး တၢ်ကမၣ်မ့ၢ်အိၣ်ထီၣ်တမံၤမံၤန့ၣ် ယကလိာ်ကွီၢ် စဲးဖီကဟၣ်တၢ်မၤလီၢ်၀ဲန့ၣ်လီၤႉ အိၣ်တခါလီၤ ယမ့ၢ်လိာ်ကွီၢ်တၢ်အခါန့ၣ် ကမျၢၢ်သ့ၣ်တဖၣ် ကဘၣ်မၤသကိးတၢ်ဒီးယၤလီၤႉ မ့ၢ်တမၤသကိးတၢ်ဘၣ် မ့ၢ်တတဲဖျါထီၣ်တၢ်ဘၣ်န့ၣ် ၦၤလိာ်ကွီၢ်တၢ်ဖိတကကပၤ ခီလီလီလီၤ”အဂ့ၢ် စံး၀ဲလီၤႉ လၢန့ၣ်အမဲာ်ညါ ကတီၢ်အံၤ တအိၣ်ဒံးလၢ တၢ်ဘၣ်ယိၣ်ကတီၢ် ဒံးဘၣ်ဒီး ထံတဖၣ်န့ၣ် တၢ်က့ၤမၤကွၢ်အီၤလၢ တၢ်မၤကွၢ်အလီၢ်လံဒီး တၢ်အစၢလၢဟဲထီၣ်တဖၣ် တၢ်ကက့ၤဒုးသ့ၣ်ညါကဒါက့ၤ...
ခီဖျိထံထီၣ်သူအဃိ ဖၣ်အၣ်ကီၢ်ဆၣ်သ၀ီတနီၤ သဂၢၢ်ဘၣ်ဒီးတၢ်ကီတၢ်ခဲ
လါအိးကထိဘၢၣ် ၁၁ သီႇ၂၀၁၉နံၣ်ႇခ့ၣ်အဲးစံၣ် ကညီကီၢ်စဲၣ် ဖၣ်အၣ်ကီၢ်ဆၣ် ဘါကၣ်သ၀ီကရူၢ် နၣ်ကိသ၀ီဃုာ်ဒီး သ၀ီလၢအအိၣ်ဘူးဖဲန့ၣ်တနီၤသ့ၣ်တဖၣ် အထံကမျၢႇ ထံပူၤဒီးနိၣ်ထံဖိကျိအထံလၢအအိၣ်ဘူးဖဲန့ၣ်လၢလီၢ်က၀ီၤသ၀ီဖိအီဒီးစူးကါ၀ဲသ့ၣ်တဖၣ် တမ့ၢ်ဒ်သိးညီနုၢ်အသိးဒီး ထံသ့ၣ်တဖၣ်အလွဲၢ်ဆီတလဲသးထီၣ်သူ၀ဲအဃိ လီၢ်က၀ီၤသ၀ီဖိသ့ၣ်တဖၣ်စူးကါက့ၤ၀ဲတဘူၣ်လၢၤဘၣ်အဂ့ၢ်သ့ၣ်ညါဘၣ်န့ၣ်လီၤႉ စးထီၣ်လၢ လါအိးကထိဘၢၣ် ထီၣ်သီကတီၢ် ဟီၣ်က၀ီၤဖဲန့ၣ်အပူၤ ထံတဖၣ်အလွဲၢ် ဟဲလီၤဆီၣ်ထီၣ်၀ဲအဂ့ၢ် သ့ၣ်ညါဘၣ်လၢ လီၢ်က၀ီၤဖိတဖၣ် စံး၀ဲအဃိဒီး ဘၣ်ထဲတွၢ်ကဲထီၣ်သး၀ဲန့ၣ် နၣ်ကိသ၀ီ ၦၤပၢဆှၢရဲၣ်ကျဲၤတၢ် စီၤအတံၣ် စံး၀ဲဒၣ်ဒ်အံၤန့ၣ်လီၤႉ အ၀ဲစံး၀ဲလၢ “ပသ့ၣ်ညါဘၣ်အီၤလၢ ထံဟဲစှၤလီၤအကတီၢ်မးလီၤႉ တကဲထီၣ်အသး ဒ်အံၤနီတဘျီဘၣ်ႉ အခဲအံၤ မ့မ့ၢ်လၢ နိၣ်တဖၣ်အပူၤ သ့ၣ်ညါဘၣ်အီၤ ဖျိဖျိဖျါဖျါလီၤႉ ထံလီၤသံးဒီး ကဲထီၣ် ဒ်သိးထံအခံဒး ဟဲထီၣ်အသိးလီၤႉ လၢညါခါဒု ပအီထံ၀ဲအံၤလီၤ အခဲအံၤပအီတဘူၣ်လၢၤဘၣ်”အဂ့ၢ် စံးဘၣ်ခ့ၣ်အဲးစံၣ်န့ၣ်လီၤႉ လီၢ်က၀ီၤဖိသ့ၣ်တဖၣ် ပာ်ဂံၢ်ပာ်ဘါ သူ၀ဲဒၣ်ထံပူၤ ထံကမါသ့ၣ်တဖၣ်ဒီး တၢ်ကဲထီၣ်သးဒ်အံၤ အဖီခိၣ် လီၢ်က၀ီၤကမျၢၢ်သ့ၣ်တဖၣ် သူက့ၤ၀ဲ ထံဖဲန့ၣ်တဖၣ် တဘူၣ်လၢၤဘၣ်ဒီး ဘၣ်ၦ့ၤသူက့ၤ၀ဲ ထံအီဒၢတဖၣ်အဂ့ၢ် သ့ၣ်ညါဘၣ်န့ၣ်လီၤႉ လၢန့ၣ်အမဲာ်ညါ ထံအတၢ်ဆီတလဲအဂံၢ်ခီၣ်ထံးဟဲကဲထီၣ်သးဒ်အံၤန့ၣ် ခီဖျိ လီၢ်က၀ီၤဖဲန့ၣ် အိၣ်ဘူးဒီးတၢ်ပာ်ပူၣ်ထီၣ်၀ဲလၢၢ်...
ရၤမတံကီၢ်ဆၢတြဲၤ (Gate) အံၤ ၦၤကီၢ်ချၢဖိ အဟဲနုာ်လီၤလၢ (E.Visa)အိၣ်၀ဲ ၁၉ႇ၀၀၀ ဘျဲၣ်ႇ အါန့ၢ်ဒံး နံၣ်လၢအပူၤကွံာ်
လါအိးကထိဘၢၣ် ၁၀ သီႇ၂၀၁၉နံၣ်ႇန့ၣ်နီၣ်ႉ ကီၢ်ကၠီၣ်တဲၣ်–ကီၢ်ပယီၤ ကီၢ်ဆၢ နီၢ်ဂံၢ် ၁ တိၤ ထံဂုၤကီၢ်ဂၤ ကီၢ်ဆၢတိၤအဖီခိၣ် ၦၤကီၢ်ချၢဖိ ဟဲနုာ်လီၤလၢ အဖိးသဲစးဒ်အမ့ၢ်(E.Visa-Electronic Visa) အံၤ တနံၣ်အံၤ လါယနူၤအါရံၤ တုၤလါစဲးပထ့ဘၢၣ် ၉ လါကတီၢ် ၦၤအနီၢ်ဂံၢ်အိၣ်၀ဲ ၁၉ႇ၇၄၃ ဂၤဒီး အါန့ၢ်ဒံး နံၣ်လၢအပူၤကွံာ် တပူ(တစး)အဂ့ၢ် သ့ၣ်ညါဘၣ်လၢ ၦၤဘၣ်မူဘၣ်ဒါလၢ တိၤ၀ဲန့ၣ်တဖၣ် အအိၣ်န့ၣ်လီၤႉ ဟဲနုာ်လီၤ၀ဲလၢ ရၤမတံကီၢ်ဆၢတြဲၤ ဒ်အမ့ၢ် (E.Visa) ဟဲဟးလိာ်ကွဲဒီး မုၢ်ကျိၤ၀ဲၤကွာ်ၦၤကီၢ်ချၢဖိ လၢမဟိတနံၣ် ၂၀၁၈ နံၣ်အပူၤ မုၣ်ခွါခဲလၢာ် အနီၢ်ဂံၢ်အိၣ်၀ဲ ၈ႇ၁၈၇ ဂၤဒီး တနံၣ်အံၤ ၂၀၁၉ နံၣ်စးထီၣ် လါယနူၤအါရံၤတုၤ လါစဲးပထ့ဘၢၣ်ကတီၢ် နီၢ်ဂံၢ်အိၣ်၀ဲ ၁၉ႇ၇၄၃ ဂၤအဃိ အါန့ၢ်ဒံးမဟိတနံၣ် ၁၁ႇ၅၅၆ ဂၤန့ၣ်လီၤႉ ရၤမတံ–မဲဆီးကီၢ်ဆၢ ထံဂုၤကီၢ်ဂၤ တၢ်နုာ်လီၤဟးထီၣ်တြဲၤအပူၤ တၢ်အိးထီၣ်ဃာ်၀ဲ (E.Visa)အံၤ စးထီၣ်လၢ ၂၀၁၆...
အ့ယၣ်၀တံၣ်ကီၢ်ခီဒိၣ် ကီၢ်ဆၣ် ၂၂ ဘ့ၣ်အပူၤ အိးထီၣ်ဃာ် ပၣ်တံၣ်ရူတဖၣ်လံ အဂ့ၢ်(KPP)စံး၀ဲ
လါအီးကထိဘၢၣ် ၈ သီႇ၂၀၁၉ နံၣ်ႇ စီၤထိလ့ႉ အ့ယၣ်၀တံၣ်ကီၢ်ခီဒိၣ် ကီၢ်ဆၣ် ၂၂ ဘ့ၣ်အပူၤ ကညီကမျၢၢ်ပၣ်တံၣ် (KPP) အိးထီၣ်ဃာ်၀ဲကီၢ်ဆၣ်အပတီၢ် ပၣ်တံၣ်ရူတဖၣ်၀ံၤ မၤ၀ဲ တၢ်လီၤကရၢကရိပၣ်တံၣ် တၢ်မၤတဖၣ်အဂ့ၢ် ပၣ်တံၣ်ၦၤပၢၤလီၢ်ဆ့ၣ်နီၤ စီၤစ့၀ါ တဲဘၣ်၀ဲ ခ့ၣ်အဲးစံၣ် ဖဲလါအီးကထိဘၢၣ် ၈ သီအနံၤန့ၣ်လီၤႉ အ၀ဲတဲ၀ဲလၢ“အ့ၣ်ယၣ်၀တံၣ်ကီၢ်ခီဒိၣ်အပူၤ ကီၢ်ဆၣ်အိၣ်၀ဲ ၂၆ ဘ့ၣ်အကျါ ကီၢ်ဆၣ် ၂၂ ဘ့ၣ်အပူၤ တၢ်အိးထီၣ်ဃာ်၀ဲ ပၣ်တံၣ်ရူတဖၣ်လီၤႉ ကီၢ်ရ့ၣ်ပတီၢ် ရူတဖၣ်ခီ တၢ်အိးထီၣ်ဃာ်လၢ ပသံၣ်ႇ ဟ့သတးဒီး မအူၣ်ပ့ၣ်အပူၤလီၤႉ အ့ၣ်ရၣ်၀တံၣ် ကလံၤထံး ကၠၣ်ခ့မ့ၢ်ဂ့ၤ ၀့ၢ်မၠဲၣ်အီၣ်၀့ၢ်တကပၤမ့ၢ်ဂ့ၤ တၢ်အိးထီၣ်ရူ တန့ၢ်ဒံးဘၣ်ႉ ၂၀၂၀ တၢ်ဃုထၢအပူၤ လၢအ့ယၣ်၀တံၣ်ကီၢ်ခီဒိၣ်အပူၤ ကထၢနုာ်လီၤဂံၢ်ဘါ ကနုာ်လီၤပြၢတၢ်လီၤႉ ကတီၢ်အံၤ ဟ့ၣ်တၢ်သ့ၣ်ညါနာ်ပၢၢ်လၢ ကဘၣ်ဟ့ၣ်တၢ်ဖး ကျိၤကျဲတဖၣ်န့ၣ်လီၤႉ ကွဲးလီၤပာ် ပၣ်တံၣ်ကျိၤကျဲ သနူတဖၣ်လီၤႉ အခဲအံၤ ပမၤတၢ်သ့ၣ်တဖၣ်န့ၣ်လီၤ”အဂ့ၢ် တဲ၀ဲလီၤႉ ကညီကမျၢၢ် ပၣ်တံၣ်အံၤ တိာ်ပာ်၀ဲဒၣ်လၢ...
(DKBA)သုးရ့ၣ်ခိၣ် စီၤ၀့ၢ်ထူ ဘၣ်တၢ်ကူၣ်မၤသံ
လါအိးကထိဘၢၣ် ၆ သီႇ၂၀၁၉နံၣ်ႇခ့ၣ်အဲးစံၣ် တၢ်ဘၣ်ဘျုး ဒံၣ်မိၣ်ကရ့ၣ်စံၣ် ကညီသုးမုၢ်ဒိၣ်(ဒံၣ်ခ့ၣ်ဘံၣ်အ့ၣ်) သုးရ့ၣ်ခိၣ်တဂၤ ဘၣ်တၢ်ကူၣ်မၤသံအီၤဖဲလါအိးကထိဘၢၣ် ၆ သီဟါလီၤခီ ၇ နၣ်ရံၣ်ဃၣ်ဃၣ်အဆၢကတီၢ် ဖဲအိၣ်လၢအဟံၣ်အခါ ၦၤဖီၣ်စုက၀ဲၤဖိလၢတၢ်တသ့ၣ်ညါအီၤတဂၤ ဟဲခးသံအီၤအဂ့ၢ် သ့ၣ်ညါဘၣ်လီၤႉ ဒံၣ်ခ့ၣ်ဘံၣ်အ့ၣ် သုးခိၣ်လၢ ဘၣ်တၢ်ကူၣ်သံအီၤအံၤ မ့ၢ်၀ဲ သုးရ့ၣ် ၉၀၉ သုးရ့ၣ်ခိၣ် သုးခိၣ်ဒိၣ်စိ စီၤ၀့ၢ်ထူ (၄၉ )နံၣ်ဒီး ဘၣ်ဃးတၢ်ကူၣ်မၤသံအီၤ တၢ်ဂ့ၢ်အံၤအဖီခိၣ် (ဒံၣ်ခ့ၣ်ဘံၣ်အ့ၣ်) ကီၤတရံး တၢ်ရ့လိာ်မုာ်လိာ်၀ဲၤဒၢး ၀ဲၤကျိၤခိၣ် သုးခိၣ်ဒိၣ်စိ စီၤကၠီၣ်သဲထ့ စံး၀ဲဒ်အံၤန့ၣ်လီၤႉ “ဖဲမဟါ ဟါလီၤခီ ၇နၣ်ရံၣ် မံးနံး ၂၀ ကတီၢ် ၦၤကၠီၤ(စိာ်)ကျိလၢတသ့ၣ်ညါအမံၤဘၣ်တဂၤ ဟဲခးသံအီၤန့ၣ်လီၤႉ ကဲထီၣ်အသးဖဲအဟံၣ်န့ၣ်လီၤ”အဂ့ၢ် သုးခိၣ်ဒိၣ်စိ စီၤကၠီၣ်သဲထ့ စံးဘၣ်ခ့ၣ်အဲးစံၣ်န့ၣ်လီၤႉ သုးခိၣ်ဒိၣ်ဂီၢ်ဂ့ၢ် စီၤ၀့ၢ်ထူအံၤ အဟံၣ်အိၣ်၀ဲဖဲ ကီးတရံး၀့ၢ်ႇ က၀ီၤဒ့ ၁ႇ ခၠီတီၣ်ကွဲးသ့ၣ် ကျဲနီၢ်ဂံၢ် ၂ အံၤဒီး ဖဲအနံၤ၀ဲန့ၣ် ဘၣ်ဖဲ အ၀ဲ...
ထိၣ်လံွၢ်ဝါ ကီၢ်သူလ့ၤတီၤထီကၠိမၤလၤကပီၤဝဲ ကၠိသရၣ်ႇသရၣ်မုၣ်မုၢ်နံၤ
လါအိးကထိဘၢၣ် ၅သီႇ ၂ဝ၁၉နံၣ်ႇ ခ့ၣ်အဲးစံၣ် ဖဲ လါအီးကထိဘၢၣ် ၅ သီႇ ၂ဝ၁၉နံၣ်န့ၣ် ထိၣ်လွံၢ်ဝါကၠိလၢတီအူကီၢ်ရ့ၣ် မၤလၤကပီၤဝဲဒၣ် ဟီၣ်ခိၣ် ဒီဘ့ၣ်ကၠိသရၣ်ႇ သရၣ်မုၣ်အမုၢ်နံၤ အဆိကတၢၢ်တဘျီန့ၣ်လီၤ. တၢ်ရဲၣ််တၢ်ကျဲၤ တဘျီအံၤထိၣ်လွံၢ်ဝါ ကၠိဖိဒီးကၠိသရၣ်ႇ သရၣ်မုၣ်ႇ တီအူကီၢ်ရ့ၣ်ခ့ၣ်အဲၣ်ယူၣ််ခိၣ်နၢ်ႇ တီအူကီရ့ၣ် စံၣ်ညီၣ်ကီွၢ်ခိၣ်ႇ ကူၣ်သ့ ဆဲးလၤနဲၣ်ရွဲၣ်ႇ ထိၣ်လွံၢ်ဝါကၠိ ဖိမုၣ်ခွါဒီး ကၠိသရၣ် သရၣ် မုၣ်ဖဲန့ၣ်တဖၣ် ႇ တကးဘၣ်ကၠိသရၣ် သ ရၣ်မုၣ် လၢအလီၤမူဒါ ဖဲကီၢ်ပယီၤ ပဒိၣ် အကၠိ လၢအအိၣ်ဘူး ဟီၣ်ကဝီၤ ဖဲန့ၣ်တဖၣ် ခဲလၢာ်ၦၤနီၢ်ဂံၢ် ၅ဝဝ ဃၣ်ဃၣ် ဟဲထီၣ်ဝဲဒၣ်န့ၣ်လီၤ. ထိၣ် လွံၢ်...