ပၢပြးခိၣ်နၢ်ဒီးသုးမုၢ်ဒိၣ်ခိၣ်နၢ်မ့ၢ်မၤသကိးတၢ်ဒီး KTLA န့ၣ် တၢ်ကထုးထီၣ်ကွံၥ်လၢတၢ်ကရၢကရိပူၤအဂီၢ် KNU နဲၣ်လီၤ
လါယူၤ ၄သီ, ၂၀၂၅နံၣ်, ခ့ၣ်အဲးစံၣ်. ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ စုတီၤဖီလၥ် ကီၢ်ရ့ၣ်(၇)ဘ့ၣ်ပူၤ တၢ်ပၢတၢ်ြပးခိၣ်နၢ်ဒီးသုးမုၢ်ဒိၣ်ခိၣ်နၢ်တဖၣ်မ့ၢ်မၤသကိးတၢ်ဒီး KTLA ကီၢ်သူလ့ၤသုးမုၢ်ဒိၣ် န့ၣ်ဝဲၤကျိၤဘၣ်ထွဲဒီးအသုးထံးဒၣ်ဝဲစုၥ်စုၥ်ကထုးထီၣ်ကွံၥ်အီၤလၢတၢ်ကရၢကရိပူၤအဂီၢ် ခ့ၣ်အဲၣ်ယူၣ်-လီၢ်ခၢၣ်သးဝဲၤလီၢ်ခိၣ်သ့ၣ်အလံၥ်နဲၣ်လီၤတဘ့ၣ်ဖျါထီၣ်ဝဲဒၣ်လၢ Social Media အပူၤန့ၣ်လီၤ. ဒ်လါယူၤ ၂၅သီ ၂၀၂၅နံၣ် ခ့ၣ်အဲၣ်ယူၣ် လီၢ်ခၢၣ်သး အလံၥ်နဲၣ်လီၤဝဲန့ၣ်ပၥ်ဖျါဝဲဒၣ်အသိးန့ၣ် ဖဲလါယူၤ ၂သီတုၤ၆သီ တၢ်မၤဝဲကညီဒီကလုၥ်စၢဖှိၣ်ကရၢလီၢ်ခၢၣ်သးပၢဆှၢတၢ်ကမံးတံၥ်တၢ်အိၣ်ဖှိၣ်(၁၁)ဝီအဆၢကတီၢ်အိၣ်ဝဲဒီး တၢ်စံၣ်ညီၣ်တဲၥ်နီၣ်ဂံၣ်(၁၀) လၢ လီၢ်ခၢၣ်သး ကနဲၣ်လီၤက့ၤဝဲၤကျိၤဝဲဒ့ တၢ်ပၢတၢ်ြပးခိၣ်နၢ်သ့ၣ်တဖၣ်ဒီးတၢ်ဒီသဒၢဝဲၤကျိၤတၢ်တီခိၣ်ရိၣ်မဲအဖီလၥ်သုးမုၢ်ဒိၣ်ခိၣ်နၢ်သ့ၣ်တဖၣ် လၢမ့ၢ်မၤသကိးတၢ်ဒီး KTLA မ့ၢ်အိၣ်န့ၣ် ဝဲၤကျိၤဘၣ်ထွဲဒီးအသုးထံးဒၣ်ဝဲစုၥ်စုၥ်ကထုးထီၣ်ကွံၥ်အီၤလၢတၢ်ကရၢကရိအပူၤအဂ့ၢ် ပၥ်ဖျါဝဲဒၣ်န့ၣ်လီၤ. ဘၣ်ဃးဒီလံၥ်ဝဲတၢ်နဲၣ်လီၤဝဲအံၤန့ၣ်“ပၥ်ဂၢၢ်ပၥ်ကျၢၤအီၤသ့လီၤ.မ့ၢ်ကွၢ်လၢတၢ်မဲၥ်ညါန့ၣ် သုးမုၢ်ဒိၣ်ဒီး KTLA န့ၣ်တၢ်မၤသကိးတမ့ၢ်အိၣ်ထဲသိးပှၤဆိမိၣ်ဘၣ်.လံၥ်တၢ်နဲၣ်လီၤဝဲအံၤကမ့ၢ်ဝဲလၢ KNU ဖီလၥ်ဝဲၤကျိၤဘၣ်ထွဲဒီးတုၤလၢကီၢ်ဆၣ်ခိၣ်ပတီၢ်လီၤ.တတုၤလၢသဝီသးပှၢ်သ့ၣ်တဖၣ်အပတီၢ်ဘၣ်.”အဂ့ၢ် ခ့ၣ်အဲၣ်ယူၣ်လီၢ်ခၢၣ်သးကမံးတံၥ်ဖိတဂၤစံးဘၣ်ဝဲဒၣ် ခ့ၣ်အဲၣ်စံၣ်ကညီတၢ်ကစီၣ်အိၣ်ဝဲဒၣ်န့ၣ်လီၤ. KTLA ကီၢ်သူလ့ၤသုးမုၢ်ဒိၣ်အံၤ အိၣ်ဆီလီၤဝဲအသးလၢ ခ့ၣ်အဲၣ်ယူၣ်-သုးက့(၆)-ဒူပျၥ်ယၥ်ကီၢ်ရ့ၣ် ကီတရံးကီၢ်ဆၣ် တီနီၢ်မုၢ်ထီၣ်ဟီၣ်ကဝီၤ ကီၢ်ကၠီၣ်တဲၣ်-ကီၢ်သူလ့ၤကီၢ်ဆၢတဒူၣ်ဒီးလၢ ခ့ၣ်အဲၣ်ယူၣ်-သုးက့(၄),ဘျံးဒဝဲၢ်ကီၢ်ရ့ၣ် ထံမိၢ်ပှၢ်ဟီၣ်ကဝီၤ ကီၢ်ကၠီၣ်တဲၣ်-ကီၢ်သူလ့ၤကီၢ်ဆၢသရံးတဒူၣ်အဂ့ၢ် သ့ၣ်ညါဘၣ်န့ၣ်လီၤ. ဘၣ်ဃးဒီး KNU အလံၥ်တၢ်နဲၣ်လီၤဝဲအံၤန့ၣ် “ဖျါလၢခ့ၣ်အဲၣ်ယူၣ် အံၤ တအဲၣ်ပှၤကလုၥ်ဘၣ်,တမ့ၢ်လၢမၤတၢ်လၢထံကီၢ်ဒီးပှၤကလုၥ်အဂီၢ်ဘၣ်.တမ့ၢ်လၢအကမၤဃူမၤဖိးက့ၤအသုးမုၢ်သံၣ်ဘိလၢအလီၤမုၢ်ြပံပြါတဖၣ်ဘၣ်.ခ့ၣ်အဲၣ်ယူၣ်အံၤမၤကတၢၢ်ကွံၥ်ဝဲဒၣ်တၢ်ထံၣ်လိၥ်သးကျဲဒီးခါဆူတၢ်ဃူတၢ်ဖိးအကျဲခဲလၢၥ်အဃိပထံၣ်လၢတမ့ၢ်တၢ်မၤနၢၤဖီတၢၣ်အကျဲဘၣ်.”အဂ့ၢ် KTLA သုးရိၣ်မဲခိၣ်ကျၢၢ် သုးခိၣ်ကျၢၢ်နၢၤဒါစံးဘၣ်ဝဲဒၣ် KPTV တၢ်ကစီၣ်အိၣ်ဝဲဒၣ်စ့ၢ်ကီးန့ၣ်လီၤ. ဒ်န့ၣ်အသိး...
ဂီၤလ့ၤသုးကလၢၤတၢ်ဒုးအဃိ လီၢ်က၀ီၤကမျၢၢ် ၃၀၀၀ ဘျဲၣ်ဘၣ်ဃ့ၢ်ထီၣ်
လါယူၤလံ ၄ သီ, ၂၀၂၅ နံၣ်, ခ့ၣ်အဲးစံၣ် ဂီၤလ့ၤဒုးယၤသုးကလၢၤလၢအိၣ်ခ့ၣ်အဲၣ်ယူၣ် ဒူပျၥ်ယၥ်ကီၢ်ရ့ၣ်(သုးက့ ၆)ကီးတရံးကီၢ်ဆၣ် မၠၣ်၀တံၣ်မုၢ်ထီၣ်ကလံၤထံးအံၤ တၢ်လဲၤထီၣ်ခး၀ဲအဃိ လီၢ်က၀ီၤကမျၢၢ်လၢအိၣ်ဘူးတၢ်လီၢ်အခိၣ်အဃၢၤဖဲန့ၣ်ပှၤနီၣ်ဂံၢ်(၃၀၀၀)ဘျဲၣ်ဘၣ်ဃ့ၢ်ထီၣ်၀ဲ အဂ့ၢ်န့ၣ် သ့ၣ်ညါဘၣ်လၢလီၢ်က၀ီၤပှၤဘၣ်မူဘၣ်ဒါလၢအိၣ်ဘူးဖဲန့ၣ်တဖၣ်အအိၣ်န့ၣ်လီၤ. စးထီၣ်ဖဲလါယူၤလံ ၂ သီအနံၤန့ၣ် ဟီၣ်က၀ီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA),ကညီဒီကလုၥ်ဂၢၤသးကရၢ(KNDO) ဒီးသုးပၥ်ဖှိၣ်စးထီၣ်က၀ီၤခး၀ဲဂီၤလ့ၤဒုးယၤသုးကလၢၤအံၤအဂ့ၢ်န့ၣ် ဂံၢ်ခီၣ်ထံးပှၤဟ့ၣ်တၢ်ကစီၣ်စံး၀ဲန့ၣ်လီၤ. တၢ်ဒုးကဲထီၣ်အတီၢ်ပူၤခီဖျိသုးကလၢၤအံၤခးလီၤကဒါကျိဖးဒိၣ်အဃိ လီၢ်က၀ီၤကမျၢၢ်(၃၀၀၀)ဘျဲၣ်အံၤအကျါတနီၤန့ၣ် လဲၤစံၣ်ထီၣ်၀ဲလၢဂီၤလ့ၤထံကျိဒီးသူမှဲကျိကပၤအိၣ်၀ဲအသိးတနီၤန့ၣ်လဲၤဃ့ၢ်ထီၣ်၀ဲလၢထံ၀ၢ်ခီယိၤကီၢ်တကပၤအိၣ်၀ဲအါမး အဂ့ၢ်န့ၣ် သ့ၣ်ညါဘၣ်န့ၣ်လီၤ. ဒ်န့ၣ်အသိးဖဲမဟါလါယူၤလံ ၃ သီဒီးတနံၤအံၤ ၄ သီဂီၤခီအဆၢကတီၢ်စ့ၢ်ကီး ခီဖျိလၢကျိဖးဒိၣ်အံၤအဃိ ကမျၢၢ်ဘၣ်ဒိတစှၤန့ၢ် (၄)ဂၤလံအဂ့ၢ်န့ၣ် ပှၤမၤစၢၤပှၤလီၢ်က၀ီၤအိၣ်ကမှံဖိဘၣ်မူဘၣ်ဒါတဂၤ စံး၀ဲန့ၣ်လီၤ. အ၀ဲစံး၀ဲလၢ“လၢမဟါဒီးခးတနံၤအံၤခးခးလဲးလိးလီၤ.ဖဲတဂီၤညါအံၤန့ၣ်ခီဖျိလၢပယီၤသုးကျိဖးဒိၣ်အဃိန့ၣ် ပှၤကမျၢၢ်ဘၣ်ဒိ (၃)ဂၤညါ.မ့ၢ်အပိၥ်မုၣ်ပှဲၤဂၤ,အပိၥ်ခွါပှဲၤဂၤလဲၣ်ဒု တသ့ၣ်ညါဒံးဘၣ်.ပှၤတဲလၢအဘၣ်ဒိနးနးကျံၤကျံၤလီၤ”အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. တကီၢ်ခါခဲအံၤကမျၢၢ်လၢအဘၣ်ဒိဘၣ်ထံးသ့ၣ်တဖၣ်အံၤတၢ်ဆှၢထီၣ်ကူဆါယါဘျါအ၀ဲသ့ၣ်ဆူယိၤကီၢ်(ဖိဖြး)တၢ်ဆါဟံၣ် ဒီး ဒ်န့ၣ်အသိး ခဲအံၤခီဖျိတၢ်ဒုးဆူၣ်ထီၣ်လၢခံခီခံကပၤအဘၢၣ်စၢၤအဃိ လၢတၢ်ဘံၣ်တၢ်ဘၢအဂီၢ်ကၠီၣ်တဲၣ်သုးဆီလီၤ၀ဲ အသုး ဂံၢ်ဘါအါမးလၢကီၢ်ဆၢဒီတကျိၤအဂ့ၢ်န့ၣ် မဲၢ်ဆီးကၠီၣ်တဲၣ်တၢ်ကစီၣ်ပၥ်ဖျါထီၣ်၀ဲဖဲတနံၤန့ၣ်လီၤ. ဂီၤလ့ၤသုးကလၢၤအံၤအိၣ်ဘူး၀ဲဒီးအူကြ့ၣ်ထၣ်သုးကလၢၤထဲဒၣ်(၉)တၢၣ်လီၤဒီး ဒ်န့ၣ်အသိးဂီၤလ့ၤသုးကလၢၤအမဲၥ်ညါ အူကြ့ၣ်ထၣ်သုးကလီၤအံၤစ့ၢ်ကီး တၢ်စးထီၣ်က၀ီၤခးခးစဲးပြဲး၀ဲဒီးဒြိသ့ၣ်တဖၣ်အဂ့ၢ်န့ၣ် လီၢ်က၀ီၤပှၤဘၣ်မူဘၣ်ဒါ ၀ဲန့ၣ်လီၤ. ကီးတရံးကီၢ်ဆၣ် တီနီၢ်မုၢ်ထီၣ်ဟီၣ်က၀ီၤ ကီၢ်ကၠီၣ်တဲၣ်-ကီၢ်ပယီၤဆၢဒီတကျိၤန့ၣ် စးထီၣ်ဖဲလါမ့ၤ ၂၀ ဘျဲၣ်တုၤလၢလါယူၤန့ၣ် ဟီၣ်က၀ီၤတၢ်ပၢၢ်ဆၢသုးပၥ်ဖှိၣ်ကရူၢ်ထီၣ်န့ၢ်၀ဲ ဘျၢၣ်ဒိၣ်,သ့ၣ်ဘီဘိ,ကနဲလ့,မီခံ,ထိကၠိ,ထံကပျၢၤသုးကလၢၤသ့ၣ်တဖၣ်ဒီး လီၢ်ခံကတၢၢ်ဟီၣ်က၀ီၤပူၤဖဲန့ၣ်သုးကလၢၤအိၣ်တ့ၢ်က့ၤထဲအူကြ့ၣ်ထၣ်ဒီးဂီၤလ့ၤဒုးယၤသုးကလၢၤလၢတၢ်ထီၣ်၀ဲအဖၢမုၢ်ခံ ဖျၢၣ်အံၤန့ၣ်လီၤ....
သုးကီၣ်ကးဟ့ၣ်လၤကပီၤပိၥ်မုၣ်(၁၅၀)ဘျဲၣ်အကျါပၣ်ဃုၥ်(PC)ကရၢခိၣ်-၂ နီၢ်ကပီၤထူ
လါယူၤလံ ၃ သီ, ၂၀၂၅ နံၣ်, ခ့ၣ်အဲးစံၣ် ဖဲတနံၤအံၤလါယူၤလံ ၃ သီလၢအလီၤဘၣ်၀ဲကီၢ်ပယီၤပိၥ်မုၣ်မုၢ်နံၤဘျီ၀ဲအံၤန့ၣ် သုးကီၣ်ကးဟ့ၣ်လၤကပီၤ၀ဲပိၥ်မုၣ်(၁၅၀)ဘျဲၣ် လၢဟူးဂဲၤထံကီၢ်တၢ်ကဲဘျုးဂီၢ်အံၤအကျါပၣ်ဃုၥ်၀ဲကညီတၢ်မုၥ်တၢ်ခုၣ်ကီၣ်ကးကရၢ(KNU/KNLA-PC ) ကရၢခိၣ်-၂ ဒီကထၢၣ် နီၢ်ကပီၤထူအဂ့ၢ်န့ၣ် သုးကီၣ်ကးအတၢ်ကစီၣ်သန့တဖၣ်ထုးထီၣ်ပၥ်ဖျါ၀ဲန့ၣ်လီၤ. ပှၤ(၁၅၀)ဘျဲၣ်အကျါ ၃ ဂၤလၢအမ့ၢ် နီၢ်ကပီၤထူ ဃုၥ်ဒီးရၢၣ်ခၢၣ်တၢ်ထူၣ်ဖျဲးပၣ်တံၣ်(ALP) ကရၢခိၣ် ဒီၤမၠၣ်ယၤစၤလ့ ဒီး သုကီၣ်ကးကူၣ်သ့ကိတိၥ်၀ဲၤကျိၤစုတီၤဖီလၥ် ဒီကထၢၣ် ဒီၤပိၤ ပှၤသ့ၣ်တဖၣ်အံၤ သုးကီၣ်ကးအခိၣ် မ့အီၤလဲၤ ဟ့ၣ်လီၤအ၀ဲ သ့ၣ်လၢ ဟူးဂဲၤမၤတၢ်လၢကမျၢၢ်ဂီၢ်(ဘွဲး)တၢ်လၤကပီၤတၢ်လၤကပီၤအံၤန့ၣ်လီၤ. တကးဒံးဘၣ်လၢန့ၣ်အမဲၥ်ညါ၀ဲၤကျိၤလၢအဂၤပိၥ်မုၣ်ပှၤမၤတၢ်ဖိဒီး ကမျၢၢ်ပိၥ်မုၣ်လၢအဂၤပၥ်ဖှိၣ်ခဲလၢၥ်(၁၅၀)ဘျဲၣ်လၢ အဖျိးစိလၢတၢ်ပၢဆၢရဲၣ်ကျဲၤဒီးတၢ်သူၣ်ဒူသးဒူအပူၤအံၤတဖၣ် သုးကီၣ်ကးဟ့ၣ်လၤကပီၤအ၀ဲသ့ၣ်(ဘွဲး)တၢ်လၤကပီၤ စုၥ်စုၥ် န့ၣ်လီၤ. နီၢ်ကပီၤထူလၢအဒိးန့ၢ်ဘၣ်၀ဲသုးကီၣ်ကးအတၢ်ဟ့ၣ်လၤကပီၤအံၤန့ၣ် မ့ၢ်၀ဲကညီတၢ်မုၥ်တၢ်ခုၣ်ကီၣ်ကးကရၢ(KNU/KNLA-PC ) အခိၣ် စီၤထ့ၤမီၤ အဖိမုၣ်တဂၤဒီး ဒ်န့ၣ်အသိးတဘျီလၢ်လၢ်ဖဲသုးမီၤစိရိၤဒီးကလုၥ်ဒူၣ်လၢအဆဲးလီၤ (NCA)တဖၣ်မၤ ၀ဲတၢ်တၢၣ်ပီၣ်တဲသကိးအခါန့ၣ် အါဒၣ်တက့ၢ်မ့ၢ်ပှၤတဂၤလၢအလဲၤထီၣ်၀ဲတၢ်အိၣ်ဖှိၣ်အံၤန့ၣ်လီၤ. တကတီၢ်ဃီဖဲအပူၤကွံၥ်လါယူၤ ၂၅ သီတုၤ ၂၇ သီ လၢန့ၣ်ပၠံၣ်ဒီၣ် သုးကီၣ်ကးတီခိၣ်ရိၣ်မဲမၤ၀ဲ(Peace Forum)တၢ်တၢၣ် ပီၣ်တဲသကိးတၢ်မုၥ်တၢ်ခုၣ်တၢ်ရဲၣ်တၢ်ကျဲၤအခါန့ၣ်စ့ၢ်ကီး လၢ(KNU/KNLA-PC )အခၢၣ်စးန့ၣ် သုးခိၣ်ဒိၣ်စိ စီၤကၠီၤညိၣ် အမဲၥ်ညါ...
ခၠ့ၣ်လ့မၠဲၤခီပနံၣ်လၢသုးခိၣ်စီၤခၠ့ၣ်သူၤဃုၥ်ဒီးအဖိမုၣ်ဖိခွါပၢ၀ဲအံၤသုးကီၣ်ကးထၢနုၥ်လီၤ၀ဲလၢမံၤဟးဂီၤစရီပူၤ
လါယူၤလံ ၂ သီ, ၂၀၂၅ နံၣ်, ခ့ၣ်အဲးစံၣ် ကျိၣ်စ့လၢတၢ်ဒိးန့ၢ်၀ဲလၢတၢ်ဆှၢပနံၥ်တၢ်ကူၣ်လဲၤမၤကၤတၢ်ဖိတၢ်လံၤဆူထံဂုၤကီၢ်ဂၤအအိၣ်အံၤတဖၣ် ခီဖျိတၢ်က့ၤထၢနုၥ်လီၤ၀ဲလၢ စ့တၢး(Bank)ပူၤတအိၣ်ဘၣ်အဃိ ခၠ့ၣ်လ့မၠဲၤခီပနံၣ်လၢသုးခိးကီၢ်ဆၢ(BGF)သုးခိၣ်စီၤခၠ့ၣ်သူၤဒီးအဖိမုၣ်ဖိခွါ(၃)ဂၤပၢ၀ဲဒၣ်အံၤ ဘၣ်တၢ် ထၢနုၥ်၀ဲ လၢမံၤဟးဂီၤစရီ(Black list)ပူၤအဂ့ၢ်န့ၣ် သုးကီၣ်ကးစုတီၤဖီလၥ်လီၢ်ခၢၣ်သးအစ့တၢးထုးထီၣ်ပၥ်ဖျါ၀ဲဖဲမဟါအနံၤန့ၣ်လီၤ. စးထီၣ်လၢ(၂၀၁၆)တုၤလၢ(၂၀၂၀)နံၣ်အတီၢ်ပူၤန့ၣ် ကျိၣ်စ့လၢတၢ်ဒိးန့ၢ်ဘၣ်၀ဲလၢတၢ်ဆှၢတၢ်ဖိတၢ်လံၤဆူထံဂုၤကီၢ်ဂၤအအိၣ်အံၤတဖၣ် ခီဖျိခီပနံၣ်ကစၢ်တဖၣ်က့ၤသွီနုၥ်ကဒါစ့ဆူကီၢ်ပူၤစ့တၢးတအိၣ်ဘၣ်အဃိ ခီပနံၣ်(၁၉၇)ဖျၢၣ်ဒီး ခိၣ်နၢ်ဒိၣ်ထီတဖၣ်တနီၤ သုးကီၣ်ကး ထၢနုၥ်လီၤ၀ဲလၢမံၤဟးဂီၤစရီပူၤဘၣ်ဟဲအိၣ်ထီၣ်၀ဲဒ်အံၤန့ၣ်လီၤ. ဖဲန့ၣ်ခီၣ်ပနံၣ်လၢသုးကီၣ်ကးထၢနုၥ်လီၤ၀ဲလၢမံၤဟးဂီၤစရီပူၤအကျါပၣ်ဃုၥ်၀ဲ (BGF)သုးခိၣ်ကျၢၢ်ဖိ စီၤခၠ့ၣ်သူၤ, အဖိမုၣ်ဖိခွါလၢအမ့ၢ် စီၤထူအဲၣ်မူ, စီၤခၠ့ၣ်ခၠ့ၣ်, နါန့နဒၤအ့ ဒီး (ထွက်ကုန်ကြမ်းထုတ်လုပ်သူများ)ကရူၢ် ပှၤပၢၤလီၢ်ဆ့ၣ်နီၤ-၂ သုးခိၣ်ဒိၣ်စိ စီၤမ့မ့အူ တဖၣ်အံၤန့ၣ်လီၤ. ဘၣ်ဃးသုးကီၣ်ကးထုးထီၣ်ပၥ်ဖျါ၀ဲလၢတၢ်ထၢနုလီၤအ၀ဲသ့ၣ်ခီပနံၣ်လၢမံၤဟးဂီၤစရီပူၤတၢ်ဂ့ၢ်အံၤန့ၣ် (BGF)သုးဟီၣ်က၀ီၤ-၂ အခိၣ် သုးခိၣ် ကျၢၢ်ဖိ စီၤတ့ၤ၀့ စံး၀ဲလၢ “ဘၣ်ဃးတၢ်တခါအံၤနထၢနုၥ်လၢခိၣ်နူၥ်ပူၤတသ့ဘၣ်.မ့၀ံၤတၢ်ဂ့ၢ်တခါအံၤတမ့ၢ်ထံရူၢ်ကီၢ်သဲး တၢ်ဂ့ၢ် ဘၣ်အဃိကထံၣ်လိၥ်တဲသကိးတၢ်ဒီးသုးကီၣ်ကးအဂီၢ်တၢ်ရဲၣ်တၢ်ကျဲၤတအိၣ်ဘၣ်.သုးကီၣ်ကးန့ၣ်အတၢ်မၤအိၣ်န့ၣ်ကမၤ၀ဲလီၤ.၀ဲစ့ၢ်ကီးပတၢ်မၤအိၣ်န့ၣ်ပကမၤလီၤ.ထၢနုၥ်လီၤလၢခိၣ်နူၥ်ပူၤတသ့ဘၣ်.အိၣ်ဒၣ်ကဖီၣ်ဃံၥ်ပှၤတပတီၢ်၀ံၤတပတီၢ်ဒ်န့ၣ်လီၤ”အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. ဒ်တၢ်သိၣ်တၢ်သီတၢ်ဘျၢအိၣ်ဃၥ်အသိးန့ၣ် ကျိၣ်စ့လၢတၢ်ဒိးန့ၢ်၀ဲလၢတၢ်ဆှၢထီၣ်ပနံၥ်တၢ်ကူၣ်လဲၤမၤကၤတၢ်ဖိတၢ်လံၤဆူ အ့ရှၢၣ်ထံ ကီၢ်တဖၣ်န့ၣ် လၢအသီ(၃၀)အတီၢ်ပူၤတၢ်ကဘၣ်က့ၤသွီနုၥ်လီၤ၀ဲလၢစ့တၢးပူၤဒီး မ့မ့ၢ်စ့လၢတၢ်ဒိးန့ၢ်၀ဲလၢတၢ်ဆှၢထီၣ်ပနံၥ်ကူၣ်လဲၤမၤ ကၤတၢ်ဖိတၢ်လံၤ ဆူထံဂုၤကီၢ်ဂၤအအိၣ်တဖၣ်ခီန့ၣ် တၢ်ကဘၣ်က့ၤသွီနုၥ်၀ဲလၢအသီ(၆၀)အတီၢ်ပူၤန့ၣ်လီၤ. တကးဒံးဘၣ်ပှၤလၢအမၤကမၣ်တၢ်ဘျၢသဲးစးလၢတၢ်ထုးထီၣ်ဃၥ်၀ဲသ့ၣ်တဖၣ်အံၤန့ၣ် တၢ်ထၢနုၥ်အ၀ဲသ့ၣ်လၢဃိၥ်ပူၤတအါန့ၢ်တနံၣ် သ့၀ဲအသိး, ကဘၣ်ဟ့ၣ်စ့အီၣ်လီးဒီး အါန့ၢ်ကန့ၢ်ကဘၣ်တူၢ်၀ဲတၢ်ကမၣ်ခံခါလၢၥ်အံၤသ့၀ဲစ့ၢ်ကီးအဂ့ၢ်န့ၣ် လီၢ်ခၢၣ်သးစ့တၢးပၥ်ဖျါဃၥ်၀ဲ အိၣ်န့ၣ် လီၤ. ဒ်(Justice for...
ဟီၣ်က၀ီၤပူၤတၢ်ဂၢၢ်တၢ်ကျၢၤတအိၣ်ဘၣ်အဖီခိၣ်တၢ်ဃုထၢကဲထီၣ်တညီဘၣ်အဂ့ၢ် DKBA စံး၀ဲ
လါယူၤလံ ၂ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူပျၥ်ယၥ်ကီၢ်ရ့ၣ်(သုးက့ ၆)ကီးတရံးကီၢ်ဆၣ် တီနီၢ်မုၢ်ထီၣ် ဆိၣ်စံမၠဲၣ်ဟီၣ်က၀ီၤအပူၤ ခီဖျိတၢ်အိၣ်သးတဂၢၢ်တကျၢၤ ဘၣ်အဖီခိၣ် တၢ်ဃုထၢလၢသုးကီၣ်ကးကမၤ၀ဲအံၤကဲထီၣ်လိၣ်ထီၣ်တညီ၀ဲဘၣ်အဂ့ၢ်န့ၣ် တၢ်ဘၣ်ဘျုးဒံၣ်ခိၣ်ခြ့ၣ်စံၣ်ကညီသုးမုၢ် ဒိၣ်(DKBA)ဖီၣ်စုက၀ဲၤကရူၢ်လၢအဆဲးလီၤတ့ၢ်ဃၥ်တၢ်ပတုၥ်တၢ်ခးအံၤ စံး၀ဲန့ၣ်လီၤ. ဘၣ်ဃးတၢ်ကမၤတၢ်ဃုထၢဘျီ၀ဲအံၤ တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)ကပၥ်ဖှိၣ်မၤသကိးတၢ်ဒီးသုးကီၣ်ကး အိၣ်၀ဲအဂ့ၢ်န့ၣ် ဖဲအပူၤကွံၥ်လါယူၤ ၃၀ သီ ထံၣ်ဘၣ်လၢသုးကီၣ်ကးစုတီၤဖီလၥ်တၢ်ကစီၣ်တဖၣ်ရၤလီၤသးအိၣ်၀ဲ န့ၣ်လီၤ. ဘၣ်ဆၣ်တကီၢ်ခါခဲအံၤလၢအ၀ဲသ့ၣ်ဟီၣ်က၀ီၤအပူၤခီဖျိဒုးယၤဂ့ၢ်၀ီတၢ်အိၣ်သးအကလုၥ်ကလုၥ်အဃိ ဘၣ်ဃးသုးကီၣ်ကးကမၤ တၢ်ဃုထၢဘျီ၀ဲအံၤတမ့ၢ်လၢအကဲထီၣ်ကသ့၀ဲဘၣ်အဂ့ၢ်န့ၣ် (DKBA) သုးရိၣ်မဲခိၣ်ကျၢၢ်-၂ သုးခိၣ်ကျၢၢ်စိ စီၤစွ့ၤ၀ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. “ပှၤလဲၤအိၣ်ဖှိၣ်တၢ်ဘျီ၀ဲအံၤတၢ်ကစီၣ်ဟူထီၣ်လၢပကမၤသကိးတၢ်ဒီးသုးကီၣ်ကးလၢတၢ်ဃုထၢအဂီၢ်အိၣ်မီၤနီၤ.ကမၤတၢ်ဃုထၢအဂီၢ် တၢ်အိၣ်သးပံးပူးတဘၢးဘၢးအံၤယဆိမိၣ်ဒုအကဲထီၣ်တသ့ဘၣ်.မ့၀ံၤခံထံၣ်တထံၣ်န့ၣ်တၢ်မုၥ်တၢ်ခုၣ်ဒုပလိၣ်ဘၣ်သပှၢ်ကတၢၢ်လီၤ.ဘၣ်ဆၣ်တၢ်မုၥ်တၢ်ခုၣ်လၢအမ့ၢ်အတီမ့တမ့ၢ်ဘၣ်ဒုပတလိၣ်ဘၣ်ဘၣ်.ဆၢကတီၢ်ခဲအံၤနကမၤတၢ်ဃုထၢဒ်လဲၣ်,တၢ်လီၤတံၢ်လီၤဆဲးမးတအိၣ်ဒံးန့ၣ်.အဃိတၢ်ဃုထၢဒုလဲၤသးတညီတသ့ဘၣ်မီၤနီၤ”အဂ့ၢ်န့ၣ် စံး၀ဲန့ၣ်လီၤ. ဘၣ်ဆၣ်ဖဲအပူၤကွံၥ်လါယူၤ ၂၅ သီတုၤ ၂၇ သီ သုးကီၣ်ကးမၤ၀ဲ(Peace Forum)တၢ်တဲသကိးတၢ်မုၥ်တၢ်ခုၣ်တၢ်ရဲၣ်တၢ်ကျဲၤ အခါန့ၣ် ကလုၥ်ဒူၣ်ခိၣ်နၢ်,ပၣ်တံၣ်ခိၣ်နၢ်ခၢၣ်စးလၢအလဲၤထီၣ်တၢ်ဘျီ၀ဲအံၤတဖၣ်တနီၤန့ၣ် တၢ်ဃုထၢလၢသုးကီၣ်ကးကမၤ၀ဲဘျီ ၀ဲအံၤန့ၣ် ထံၣ်၀ဲလၢအကြၢး၀ဲဘၣ်၀ဲအဂ့ၢ်န့ၣ် ပၥ်ဖျါထီၣ်အတၢ်ထံၣ်အိၣ်န့ၣ်လီၤ. ဒ်န့ၣ်အသိးဖဲတၢ်တၢၣ်ပီၣ်တဲသကိးတၢ်ရဲၣ်တၢ်ကျဲၤပူၤအခါန့ၣ်စ့ၢ်ကီး ကလုၥ်ဒူၣ်ခိၣ်နၢ်အကျါတနီၤပၥ်ဖျါထီၣ်အတၢ်ထံၣ်လၢတချုး တၢ်မၤတၢ်ဃုထၢဒံးဘၣ်န့ၣ်တၢ်ကြၢးတၢၣ်ပီၣ်တဲသကိးလဲၤဆိ၀ဲတၢ်မုၥ်တၢ်ခုၣ်အကျဲအိၣ်ဒီး တကးဒံးဘၣ်တကီၢ်ခါခဲအံၤဟီၣ်က၀ီၤတနီၤ အပူၤခီဖျိ တၢ်အိၣ်သးတဂ့ၤဘၣ်အဃိတၢ်ဃုထၢဘျီ၀ဲအံၤတမ့ၢ်လၢကလဲၤသးဘၣ်ဂ့ၢ်ဘၣ်၀ီ၀ဲဘၣ်အဂ့ၢ်န့ၣ် (DKBA) သုးဂ့ၢ်၀ီခိၣ် သုးခိၣ်ကျၢၢ်ဖိ စီၤစ့ၤ၀့ လၢအလဲၤထီၣ်တၢ်ရဲၣ်တၢ်ကျဲၤအံၤတဂၤ စံးစ့ၢ်ကီး၀ဲဒ်အံၤန့ၣ်လီၤ. “လၢတၢ်တၢၣ်ပီၣ်တဲသကိးအပူၤန့ၣ်ကလုၥ်ဒူၣ်တဖၣ်ဟ့ၣ်ကူၣ်အီၤလၢတချုးမၤ တၢ်ဃုထၢဒံးဘၣ်န့ၣ်ကဘၣ်မၤဆိလၢတၢ်မုၥ်တၢ်ခုၣ် တၢ်ဂၢၢ်တၢ်ကျၢၤအဂ့ၢ်အကျိၤမီၤ.တၢ်တခါအံၤမ့ဘၣ်ဂီၢ်မးကြၢးမၤတၢ်ဃုထၢမီၤနီၤ.ပှၤဟ့ၣ်ကူၣ်အီၤန့ၣ်အမ့ပၥ်လီၤသးလၢကမၤတၢ်မုၥ်တၢ်ခုၣ်လီၤတံၢ်လီၤဆဲးန့ၣ်တၢ်ဃုထၢအံၤကကဲထီၣ်ဧါသၢၣ်,ဘၣ်ဆၣ်လိၣ်လၢအသးကဘၣ်ကဆှဲကဆှီလီၤ.မ့မ့ၢ်လၢပတၢ်ထံၣ်ဒုအကမၤတၢ်ဘျီ၀ဲအံၤတၢ်ကီတၢ်ခဲကအိၣ်ဖးရးညါမီၤ.မ့မၤ၀ံၤတၢ်မံၤခီက၀ံၤသ့ဘၣ်ဆၣ်တလဲၤသးလၢဘၣ်ဂ့ၢ်ဘၣ်၀ီဘၣ်ဒုကအိၣ်လီၤ.မၤတၢ်ဃုထၢထဲလၢအပှၤအိၣ်၀့ၢ်ပူၤဒ်န့ၣ်ဒုတမ့ၢ်လၢအဂ့ၢ်အကျိၤကဟဲအိၣ်ဖျါထီၣ်ဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်ဖဲမဟါန့ၣ်...
သုးဟံန့ၢ်တၢ်စိတၢ်ကမီၤ ၄ နံၣ်ဘျဲၣ်အတီၢ်ပူၤ ကဘီယူၤ,ကျိဖးဒိၣ်အဃိ ကမျၢၢ်သံ(၁၅၀၀)ဘျဲၣ်အဂ့ၢ် AAPP စံး၀ဲ
လါယူၤလံ ၁ သီ, ၂၀၂၅ နံၣ်, ခ့ၣ်အဲးစံၣ် ကီၢ်ပယီၤပူၤသုးဟံန့ၢ်ထံကီၢ်တၢ်စိတကမီၤလၢ(၄)နံၣ်ဘျဲၣ်အတီၢ်ပူၤ ခီဖျိလၢကျိဖးဒိၣ်ဒီးကဘီယူၤအံၤအဃိ ကမျၢၢ်သံပၥ်ဖှိၣ်အိၣ်၀ဲ (၁၅၀၀)ဘျဲၣ်အဂ့ၢ်န့ၣ် တၢ်ဆီၣ်ထွဲမၤစၢၤထံရူၢ်ကီၢ်သဲးပှၤဃိဖိကရူၢ်- AAPP ထုးထီၣ်ပၥ်ဖျါဖဲတနံၤအံၤလါယူၤလံ ၁ သီန့ၣ် လီၤ. စးထီၣ်(၂၀၂၁)သုးဟံန့ၢ်တၢ်စိတၢ်ကမီၤတုၤလၢ(၂၀၂၅)လါယူၤ ၃၀ သီ လၢ(၄)နံၣ်ဘျဲၣ်အတီၢ်ပူၤ သုးကီၣ်ကးသူ၀ဲကျိဖးဒိၣ်, ကဘီယူၤပညိၣ်ခးလီၤ၀ဲတၢ်ဆူကမျၢၢ်ထံဖိကီၢ်ဖိအဒူသ၀ီအိၣ်ဆိးလီၢ်ကျဲအဃိ ကမျၢၢ်ထံဖိကီၢ်ဖိသံပၥ်ဖှိၣ်ခဲလၢၥ်အိၣ်၀ဲ (၁၅၀၅)ဂၤ အဂ့ၢ်န့ၣ် လံၥ်တၢ်ပၥ်ဖျါအပူၤ ပၥ်ဖျါ၀ဲန့ၣ်လီၤ. တကးဒံးဘၣ်ခီဖျိလၢကျိဖးဒိၣ်ဒီးကဘီယူၤအံၤအဃိစ့ၢ်ကီးကမျၢၢ်ဘၣ်ဒိဘၣ်ထံး,ဟံၣ်ဃီတၢ်သူၣ်ထီၣ်,တၢ်ဘူၣ်တၢ်ဘါတၢ်သူၣ်ထီၣ်,ကၠိတၢ်သူၣ်ထီၣ်သ့ၣ်တဖၣ်ဟးဂီၤ၀ဲဒၣ်အါမးအသိး ကမျၢၢ်ကျီးတၢ်ဖံးအီၣ်မၤအီၣ်လီၢ်ကျဲသ့ၣ်တဖၣ်စ့ၢ်ကီးဘၣ်ဒိဘၣ်ထံးဟးဂီၤ ၀ဲအါမးအဂ့ၢ်န့ၣ် AAPP စံး၀ဲန့ၣ်လီၤ. ဒ်လံၥ်တၢ်ပၥ်ဖျါပူၤပၥ်ဖျါ၀ဲအသိးန့ၣ်(၄)နံၣ်ဘျဲၣ်အတီၢ်ပူၤ စကဲကီၢ်ခီန့ၣ်ကမျၢၢ်သံ(၅၂၀)ဂၤ, ရခၢၣ်(၂၇၂)ဂၤ,ယိၤဒိၣ်(၁၅၉)ဂၤ, မကွ့(၁၃၁)ဂၤ,ပကိကီၢ်ခီ(၈၇)ဂၤ,မါတလ့(၈၅)ဂၤ,ခၠီ(၇၈)ဂၤ,ကခၠ့ၣ်(၆၉)ဂၤ,ကညီကီၢ်စဲၣ်(၅၅)ဂၤ,ကယါကီၢ်စဲၣ်(၂၄)ဂၤ,တနီသရံၣ် (၁၈)ဂၤ,တလၢၤကီၢ်စဲၣ်(၆)ဂၤ,၀့ၢ်တကူၣ်(၁)ဂၤ ပၥ်ဖှိၣ်ခဲလၢၥ်(၁၅၀၅)ဂၤန့ၣ်လီၤ. တကတီၢ်ဃီလၢပှၤသံ(၁၅၀၅)ဂၤသ့ၣ်တဖၣ်အံၤအကျါ ပိၥ်မုၣ်န့ၣ်(၆၈၂)ဂၤ,ပိၥ်ခွါ(၈၂၃)ဂၤအကျါပၣ်ဃုၥ်၀ဲဖိသၣ်ပိၥ်ခွါ(၁၈)နံၣ် ဆူဖီလၥ် (၃၄၂)ဂၤ အဂ့ၢ်န့ၣ် စံး၀ဲန့ၣ်လီၤ. မ့ဘၣ်ကွၢ်စးထီၣ်လၢ(၂၀၂၁/၂၂/၂၃/၂၅)အတီၢ်ပူၤန့ၣ် ခီဖျိလၢကဘီယူၤဒီးကျိဖးဒိၣ်အဃိ စကဲကီၢ်ခီန့ၣ် ကမျၢၢ်သံအနီၣ် ဂံၢ် အါကတၢၢ်လီၤဒီး ဘၣ်ဆၣ်မ့မ့ၢ်(၂၀၂၄)နံၣ်အခါန့ၣ် ရခၢၣ်ကီၢ်စဲၣ်ပူၤ ကမျၢၢ်သံ အနီၣ်ဂံၢ်အါကတၢၢ်အဂ့ၢ်န့ၣ် (AAPP)လံၥ် တၢ်ပၥ်ဖျါအပူၤ ပၥ်ဖျါ၀ဲန့ၣ်လီၤ. ခီဖျိလၢသုးကီၣ်ကးအတၢ်ဟူးတၢ်ဂဲၤသ့ၣ်တဖၣ်အံၤအဖီခိၣ် ကမျၢၢ်ထံဖိကီၢ်ဖိဘၣ်ဃ့ၢ်မှံဟးဖျိးစ့ၢ်ကီး၀ဲအါအါဂီၢ်ဂီၢ်အသိး အ၀ဲသ့ၣ်အံၤခီဖျိဘၣ်ဟးအိၣ်ကဒုသးတၢ်ဆၢကတီၢ်ယံၤထီၣ်အဃိ သဂၢၢ်ဘၣ်၀ဲတၢ်အီၣ်တၢ်အီ,တၢ်အိၣ်တၢ်ဆိးလီၢ်ကျဲဒီး ကသံၣ်ကသီတၢ်ဂ့ၢ်ကီ အဂ့ၢ်န့ၣ် စံး၀ဲန့ၣ်လီၤ.
သုးကီၣ်ကးအပှၤဟ့ၣ်တၢ်ဆီၣ်သနံးမၢဆူၣ်၀ဲကြုၢ်တုကမျၢၢ်ပှၤဃ့ၢ်မှံဟးဖျိးတဖၣ်ဟဲက့ၤအိၣ်လၢ၀့ၢ်ပူၤ
လါယူၤလံ ၁ သီ, ၂၀၂၅ နံၣ်, ခ့ၣ်အဲးစံၣ် ကြုၢ်တု၀့ၢ်ပူၤကမျၢၢ်လၢအလဲၤစံၣ်အိၣ်ကဒုသးဖဲ(ကၠဲ)ထံကျိ၀ၢ်ခီ ဒူသ၀ီအပူၤသ့ၣ်တဖၣ်အံၤ သုးကီၣ်ကးစုတီၤဖီလၥ် အပှၤတဖၣ် ဟ့ၣ်၀ဲတၢ်ဆီၣ်သနံးလၢကဟဲက့ၤအိၣ်လၢအဟံၣ်အဃီ၀့ၢ်ပူၤအဂ့ၢ်န့ၣ် ကမျၢၢ်လၢအဟးပလဲၥ်သးတဖၣ်စံး၀ဲအသိး သ့ၣ်ညါဘၣ်န့ၣ်လီၤ. ကြုၢ်တု၀့ၢ်အခိၣ်အဃၢၤစးထီၣ်ဖဲအပူၤကွံၥ်လါအ့ဖြ့ၣ်တုၤလၢလါယူၤလၢၥ်အံၤန့ၣ်တၢ်ဒုးကဲဒံး၀ဲဒီး တုၤလၢခဲအံၤခီဖျိပယီၤသုးခးလီၤကျိဖး ဒိၣ်အိၣ်ဒံးအဃိ ကမျၢၢ်လၢအိၣ်၀့ၢ်ပူၤတဖၣ်တနီၤန့ၣ်လဲၤစံၣ်အိၣ်၀ဲလၢ(ကၠဲ)ထံကျိ၀ၢ်ခီ ကၠဲကရူၢ် ခယဲသ၀ီ, မနံၤကိ, ယိမၣ်ဟၤ,ဒူၤယ့ၤ, သၤမညၣ်သ၀ီသ့ၣ်တဖၣ်အံၤအပူၤန့ၣ်လီၤ. ဘၣ်ဆၣ်တကီၢ်ခါအံၤလီၢ်က၀ီၤကမျၢၢ်လၢအလဲၤစံၣ်အိၣ်ဖဲန့ၣ်သ့ၣ်တဖၣ် သုးကီၣ်ကးအပှၤသ့ၣ်တဖၣ်ဟ့ၣ်တၢ်ဆီၣ်သနံး မၢအဟဲ က့ၤအိၣ်လၢအကစၢ်အဟံၣ်အဃီ၀့ၢ်ပူၤအဂ့ၢ်န့ၣ် ၀့ၢ်ပူၤကမျၢၢ်လၢအဟးဆှဲးတၢ်ဒုးတၢ်ယၤတဂၤ စံးဘၣ်ခ့ၣ်အဲးစံၣ်-ကညီတၢ်ကစီၣ် ဒ်အံၤန့ၣ်လီၤ. “ပှၤအိၣ်လၢကြုၢ်တု၀့ၢ်ပူၤ က၀ီၤဒ့(၅)ဘ့ၣ်မ့၀ံၤ ခၠီဖၠါ,ကီၢ်၀ါလဲ,ကၠိကလ့သ၀ီဖိတဖၣ်န့ၣ် လဲၤစံၣ်အိၣ်ဟးပလဲၥ်သးတုၤလၢကၠဲ,ကၠါကလ့, သၤမညၣ်,စွ့ၤဖၠူၤန့ၣ်ညါ.ပှၤဖိဒံဖိသၣ်တဖၣ်နါက့ထီၣ်က့ၤကၠိဖဲန့ၣ်လီၤ.မ့မ့ၢ်အဖိအပါတဖၣ်န့ၣ်အိးထီၣ်ကျးဆါအီၣ်တၢ်ဖဲန့ၣ်အိၣ်.ခဲအံၤသုးကီၣ်ကးအပှၤသးပှၢ်ပှၤဘၣ်မူဘၣ်ဒါမၢပှၤက့ၤထီၣ်ကဒါကၠိ,မ့တက့ၤထီၣ်ကၠိဘၣ်န့ၣ်အဟံကွံၥ်ပှၤဟံၣ်ပှၤဃီ,ပှၤကျးဆါတၢ်, ပှၤဟီၣ်ခိၣ်လီၢ်ကျီးလီၢ်တဲ၀ဲဒ်န့ၣ်.မ့မ့ၢ်၀ဲဒၣ်ဒုပက့ၤဘူၣ်၀ဲလဲၣ်”အဂ့ၢ်န့ၣ် စံး၀ဲန့ၣ်လီၤ. ခီဖျိတၢ်ဟ့ၣ်တၢ်ဆီၣ်သနံးအိၣ်ထီၣ်ဒ်အံၤအဖီခိၣ် ကမျၢၢ်ပှၤဃ့ၢ်မှံဟးဖျိးလၢအလဲၤအိၣ်လၢ(ကၠဲ)ထံကျိ၀ၢ်ခီတဖၣ် တနီၤန့ၣ်မုၢ်ဆါခီ က့ၤကွၢ်အဟံၣ်အဃီတစိၢ်တလီၢ်အိၣ်၀ဲဘၣ်ဆၣ် ခီဖျိကျိဖးဒိၣ်လီၤတဲၥ်ဒံးလၢ၀့ၢ်ပူၤ၀့ၢ်ချၢတလီၢ်လီၢ်အဃိ ကမျၢၢ်တဖၣ်အါဒၣ် တက့ၢ် န့ၣ်က့ၤဟံၣ်က့ၤဃီတဘူၣ်ဒံး၀ဲဘၣ်အဂ့ၢ်န့ၣ် ကမျၢၢ်လၢဃ့ၢ်တၢ်ဒုးလၢအဂၤတဂၤစ့ၢ်ကီးစံး၀ဲဒ်အံၤန့ၣ်လီၤ. “ပက့ၤအိၣ်လၢက၀ီၤဒ့ပူၤဘူၣ်၀ဲလဲၣ်,ကျိဖးဒိၣ်လီၤတဲၥ်ကိးမုၢ်နံၤမုၢ်နၤဒဲးလီၤ.မ့၀ံၤပှၤကမျၢၢ်လၢအက့ၤအိၣ်တဖၣ်န့ၣ်စ့ၢ်ကီးပယီၤသုးတဲ၀ဲလၢအမ့ၢ်(PDF)အပှၤဘျီမၤဒၢၣ်မၤလီၤ၀ဲ,မၤသံ၀ဲ,ဖီၣ်၀ဲအိၣ်လီၤ.ဖဲအပူၤကွံၥ်(၂၀၂၃)အခါတၢ်ဒုးကဲထီၣ်အခါန့ၣ်ပယီၤသုးတပျဲပှၤကမျၢၢ်ဟးထီၣ်လၢတၢ်ချၢဘၣ်,ဟံန့ၢ်၀ဲတၢ်ဒီသဒၢလၢပှၤမျၢၢ် နၤခးယၤခးအဃိပှၤကမျၢၢ်သံဘၣ်ဒိဘၣ်ထံးကဲထီၣ်တ့ၢ်အသးဒံး”အဂ့ၢ်န့ၣ် စံး၀ဲန့ၣ်လီၤ. တကီၢ်ခါခဲအံၤလၢကြုၢ်တု-ကီးတရံးကျဲ နွါခၠၤကိအ့ကၠံ,အိတပ့ၤ,(၇)တၢၣ်,(၉)တၢၣ်သ၀ီတကပၤန့ၣ် တၢ်ဒုးဆဲးကဲထီၣ် ဒံး၀ဲလၢဟီၣ်က၀ီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ်ဒီးပယီၤသုးအဘၢၣ်စၢၤအိၣ်၀ဲကိးမုၢ်နံၤဒဲး အဂ့ၢ်န့ၣ် သ့ၣ်ညါဘၣ်န့ၣ်လီၤ.
(ယ့ဘလူ)တၢ်ပၢၢ်ဆၢသုးကရူၢ်ထီၣ်မၤန့ၢ်ဝဲပယီၤသုး(ခမရ-၃၄၃)သုးကလၢၤလူၢ်
လါယူၤလံ ၁ သီ, ၂၀၂၅ နံၣ်, ခ့ၣ်အဲးစံၣ် တလၢၤကီၢ်စဲၣ်-ယ့ကီၢ်ဆၣ်ဟီၣ်ကဝီၤအပူၤပယီၤသုးကလၢၤတဖျၢၣ်လၢအိၣ်(အါယူၣ်တီၤ)သဝီလၢအမ့ၢ်ဝဲ(ခမရ-၃၄၃)သုးကလၢၤလူၢ်အံၤ(ယ့ဘလူ)တၢ်ပၢၢ်ဆၢသုးကရူၢ်ထီၣ်မၤန့ၢ်ကွံၥ်ဝဲဒၣ်ဖဲတနံၤအံၤလါယူၤလံ(၁)သီအနံၤအဂ့ၢ်တၢ်ပၢၢ်ဆၢသုးကရူၢ်အပှၤဘၣ်မူဘၣ်ဒါပၥ်ဂၢၢ်ပၥ်ကျၢၤစံးဝဲဒၣ်န့ၣ်လီၤ. ပယီၤသုးကလၢၤလူၢ်အဝဲအံၤန့ၣ်ဘၣ်တၢ်စးထီၣ်ဒုးအီၤဖဲတနံၤအံၤဂီၤခီ(၅)နၣ်ရံၣ်အဆၢကတီၢ်ဒီးဖဲ(၅း၄၅)မံးနံးအဆၢကတီၢ်န့ၣ်တၢ်ထီၣ်မၤန့ၢ်ကွံၥ်ဝဲဒၣ်အဂ့ၢ်(ယ့ဘလူ)တၢ်ပၢၢ်ဆၢသုးကရူၢ်အပှၤဘၣ်မူဘၣ်ဒါတဂၤစံးဝဲဒၣ်ဒ်အံၤန့ၣ်လီၤ. အဝဲစံးဝဲလၢ "ဖဲတဂီၤညါအံၤလီၤတၢ်နုၥ်လီၤခးဝဲဒၣ်သုးကလၢၤမီၤနီၤ. သုးကီၣ်ကးသုးကလၢၤလူၢ်တဖျၢၣ်လၢအိၣ် (ခမရ-၃၄၃)သုး ဟီၣ်ကဝီၤအပူၤန့ၣ်ပဝဲ(ယ့ဘလူ)သုးကရူၢ်ထီၣ်မၤန့ၢ်ကွံၥ်ဝဲဒၣ်န့ၣ်လီၤ." အဂ့ၢ်စံးဝဲဒၣ်န့ၣ်လီၤ. လၢန့ၣ်အမဲၥ်ညါလၢတၢ်ထီၣ်ဒုးဘျီဝဲအံၤအပူၤန့ၣ်(ယ့ဘလူ)သုးကရူၢ်အပှၤဘၣ်သံကွံၥ်ဝဲဖဲတၢ်ဒုးအပူၤတဂၤအဂ့ၢ်အဝဲစံးအါထီၣ်ဝဲန့ၣ်လီၤ. (ယ့ဘလူ)တၢ်ပၢၢ်ဆၢသုးကရူၢ်အံၤန့ၣ်မ့ၢ်ဝဲဖီၣ်စုကဝဲၤကရူၢ်တဖုလၢအဟူးဂဲၤမၤဝဲဒုးယၤရဲၣ်ကျဲၤဖဲ(တလၢၤကီၢ်စဲၣ်,ယ့ကီၢ်ဆၣ်ဟီၣ်ကဝီၤအပူၤလၢတၢ်ထီဒါပၢၢ်ဆၢဝဲသုးမီၤစိရိၤလၢအဟံးန့ၢ်ဆူၣ်တၢ်စိတၢ်ကမီၤတဖုအံၤဒီးပှၤလၢဘၣ်ထွဲဒီးသုးကီၣ်ကးသ့ၣ်တဖၣ်အဂ့ၢ်သ့ၣ်ညါဘၣ်န့ၣ်လီၤ.
သုးကီၣ်ကးဟဲခးလီၤစၢၤတၢ်လၢကလံၤကျါအဃိကမျၢၢ်သံဘၣ်ဒိ(၅၀)ဃၣ်ဃၣ်အကျါပှၤလီၢ်အိၣ်ကမှံဖိပၣ်ဃုၥ်
လါယူၤလံ ၁ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢချၢၣ်လွံၢ်ထူၣ်ကီၢ်ရ့ၣ်,မူကီၢ်ဆၣ်ဟီၣ်ကဝီၤအပူၤခီဖျိပယီၤသုးကီၣ်ကးတကပၤ သူဝဲကလံၤကျါကဘီယူၤဟဲခးလီၤစၢၤန့ၢ်ဝဲအပှၤတၢ်မဲၥ်ညါဖိသ့ၣ်တဖၣ်ဖဲ(ဝဲဒီဝဲကၠံ)သဝီပူၤအဃိပှၤသဝီဖိဘၣ်သံ(၁၁)ဂၤ,ဘၣ်ဒိအဂၤ(၄၀)ဘျဲၣ်ဒီးလၢအကျါပှၤလီၢ်အိၣ်ကမှံဖိစ့ၢ်ကီးပၣ်ဃုၥ်ဝဲအဂ့ၢ်မူကီၢ်ဆၣ်ပှၤလီၢ်ကဝီၤဖိစံးဝဲန့ၣ်လီၤ. ဖဲလါယူၤ(၂၉)သီအနံၤန့ၣ်မ့ၢ်လၢလီၢ်ကဝီၤတၢ်ပၢၢ်ဆၢသုးပၥ်ဖှိၣ်နုၥ်လီၤခးဝဲပယီၤသုးကီၣ်ကးအပှၤလၢအအိၣ်ဖဲ(ဝဲဒီဝဲကၠံ)သဝီပူၤသ့ၣ်တဖၣ်အံၤဝံၤအလီၢ်ခံသုးကီၣ်ကးအံၤလၢကလံၤကျါကဘီယူၤတဆီဟဲခးလီၤစၢၤန့ၢ်ဝဲတၢ်အဃိဘၣ်သံဝဲသဝီဖိ(၁၁)ဂၤ,ဘၣ်ဒိနးနးကျံးကျံးဒီးဘၣ်ဒိတဆံးတက့ၢ်အိၣ်ဝဲအဂၤ(၄၀)ဃၣ်ဃၣ်အဂ့ၢ်မူကီၢ်ဆၣ်ပှၤလီၢ်ကဝီၤဖိတဂၤစံးဝဲဘၣ်ခ့ၣ်အဲးစံၣ်-ကညီတၢ်ကစီၣ်ဒ်အံၤန့ၣ်လီၤ. "တၢ်ဒုးန့ၣ်စးထီၣ်ကဲထီၣ်ဖဲ(၂၉)သီအနံၤ,ဂီၤခီ(၂)နၣ်ရံၣ်ဃၣ်ဃၣ်မီၤနီၤ. အဝဲသ့ၣ်မၤဝဲတနၢၤလၢၤဘၣ်ဒီးဃ့ဝဲတၢ်မၤစၢၤ လၢကဘီယူၤဝံၤစးထီၣ်ဟဲကွံၥ်လီၤတၢ်ဖဲန့ၣ်လီၤ. ပှၤဘၣ်ဒိအဒိၣ်အဆံးခဲလၢၥ်န့ၣ်အိၣ်ဝဲအဂၤ(၄၀)ဃၣ်ဃၣ်လီၤ. ပှၤ သံခီန့ၣ်ပန့ၢ်ဘၣ်တၢ်ကစီၣ်လၢအိၣ်ဝဲဒၣ်(၁၁)လံန့ၣ်လီၤ. ဒီးလၢတၢ်ဆါဟံၣ်စ့ၢ်ကီးပှၤဘၣ်ဒိနးနးအိၣ်ဝဲလီၤ. လၢပှၤသံ ကျါန့ၣ်ပပှၤလီၢ်အိၣ်ကမှံဖိပၣ်ဃုၥ်ဝဲန့ၣ်လီၤ." အဂ့ၢ်စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. လၢန့ၣ်အမဲၥ်ညါကမျၢၢ်ပှၤသဝီဖိဘၣ်သံဘၣ်ဒိဘၣ်ထံးသ့ၣ်တဖၣ်အကျါပၣ်ဃုၥ်ဝဲပှၤဖိဒံဖိသၣ်,သူၣ်က့သးပှၢ်သ့ၣ်တဖၣ်အသိးပှၤလီၢ်အိၣ်ကမှံဖိလၢဟဲဃ့ၢ်အိၣ်ကဒုအသးဖဲ(ဝဲဒီဝဲကၠံ)သဝီအံၤအပူၤသ့ၣ်တဖၣ်စ့ၢ်ကီးပၣ်ဃုၥ်ဝဲဒၣ်အဂ့ၢ်ပှၤလီၢ်ကဝီၤဖိဝဲန့ၣ်စံးအါထီၣ်ဝဲအသိးသ့ၣ်ညါဘၣ်န့ၣ်လီၤ. ပယီၤသုးကီၣ်ကးသုးကလၢၤတၢ်လီၢ်လၢတၢ်ပၢၢ်ဆၢသုးပၥ်ဖှီၣ်နုၥ်လီၤခးဝဲဒၣ်အံၤအိၣ်ဆီလီၤအသးဖဲသဝီအပူၤဒီးမ့ၢ်ပယီၤသုးကလၢၤတၢ်လီၢ်တဖျၢၣ်လၢမၤတံၥ်တၥ်,မၤကီမၤခဲကမျၢၢ်သ့ၣ်တဖၣ်အသိးသမံသမိးဖီၣ်ကမျၢၢ်ဒီးဃ့အီၣ်ကျိၣ်စ့မၤဝဲဒ်အံၤအဃိဖဲ(၂၉)သီအနံၤဂီၤခီ(၂)နၣ်ရံၣ်အဆၢကတီၢ်န့ၣ်ဘၣ်တၢ်နုၥ်လီၤခးဝဲဒ်အံၤလီၤအဂ့ၢ်သ့ၣ်ညါဘၣ်န့ၣ်လီၤ. ဒ်န့ၣ်အသိးခီဖျိလၢတၢ်ဒုးကဲထီၣ်ဒီးကဘီယူၤဟဲခးလီၤတၢ်ဝံၤအလီၢ်ခံကမျၢၢ်ပှၤသဝီဖိသ့ၣ်တဖၣ်အိၣ်လၢသဝီအပူၤတဘူၣ်လၢၤဘၣ်အဃိလၢကဃ့ၢ်ဟးထီၣ်လၢသဝီပူၤအဂီၢ်ဟးထီၣ်ဝဲတသ့တညီဒံးဘၣ်ဒီးခီဖျိတၢ်ပံးဃၥ်ဝဲကျဲတၢ်လဲၤတၢ်က့ၤအဃိကတီၢ်အံၤဘၣ်အိၣ်လၢပျံၤတၢ်ဖုးပူၤအဂ့ၢ်လီၢ်ကဝီၤဖိလၢအိၣ်ဘူးဖဲန့ၣ်တဂၤစံးဝဲဒၣ်န့ၣ်လီၤ. ဖဲတၢ်နုၥ်လီၤခးဝဲပယီၤသုးကီၣ်ကးဘျီဝဲအံၤအပူၤဒ်ဖၠူ(ပကဖ)တၢ်ပၥ်ဖျါပူၤအသိးန့ၣ်တၢ်ဒုးအံၤယံၥ်ဝဲ(၅)နၣ်ရံၣ်ဃၣ်ဃၣ်အတီၢ်ပူၤဒီးပယီၤသုးကီၣ်ကးတကပၤအပှၤသံတစှၤန့ၢ်အဂၤ(၁၀)ဘၣ်အသိးလၢတၢ်ပၢၢ်ဆၢသုးပၥ်ဖှိၣ်တကပၤဘၣ်သံ(၁)ဂၤဒီးဘၣ်ဒိ(၁)တဂၤအဂ့ၢ်ဖၠူ(ပကဖ)ပၥ်ဖျါစ့ၢ်ကီးဝဲန့ၣ်လီၤ.
ခ့ၣ်အဲၣ်ယူၣ်ဖၣ်အၣ်ကီၢ်ရ့ၣ်သ့ၣ်ပှၢ်ဝဲၤကျိၤတီခိၣ်ရိမဲမၤဝဲတၢ်သူၣ်သ့ၣ်ဖဲကွံလီၤဖျိသဝီတီၤဖုၣ်ကၠိကရၢၢ်ပူၤ
လါယူၤလံ ၁သီ, ၂၀၂၅နံၣ်, ခ့ၣ်အဲးစံၣ်, တလါအံၤလါယူၤလံဒီတလါအတီၢ်ပူၤဒ်အလီၤဘၣ်ဝဲကီၢ်သူလ့ၤတၢ်သူၣ်သ့ၣ်မုၢ်နံၤအသိးန့ၣ်,တနံၤအံၤလါယူၤလံထီၣ်(၁)သီအနံၤအပူၤခ့ၣ်အဲၣ်ယူၣ်ဖၣ်အၣ်ကီၢ်ရ့ၣ်သ့ၣ်ပှၢ်ဝဲၤကျိၤတီခိၣ်ရိၢ်မဲမၤဝဲတၢ်သူၣ်သ့ၣ်အတၢ်ရဲၣ်တၢ်ကျဲၤတခါဖဲသုးက့(၇)ဖၣ်အၣ်ကီၢ်ရ့ၣ်လူၢ်ပျဲၢ်ကီၢ်ဆၣ်,ကွံလီၤဖျိသဝီကရူၢ်(ကွံလီၤဖျိသဝီသီတီၤဖုၣ်ကၠိကရၢၢ်)အပူၤန့ၣ်လီၤ. ဒီးတနံၣ်အံၤကီၢ်သူလ့ၤတၢ်သူၣ်သ့ၣ်မုၢ်နံၤအတၢ်ရဲၣ်တၢ်ကျဲၤအပူၤအတၢ်ကိးသတြီမ့ၢ်ဝဲ“မၤလါထီၣ်က့ၤကစၢၢ်ကလိ,မၤဂ့ၤထီၣ်က့ၤဟီၣ်ခိၣ်ဒီးသူၣ်ထီၣ်က့ၤကီၢ်သူလ့ၤ”အဂ့ၢ်,ခ့ၣ်အဲၣ်ယူၣ်လီၢ်ခၢၣ်သးသ့ၣ်ပှၢ်ဝဲၤကျိၤတၢ်သူၣ်လီၤဝီၤလီၤတၢ်မၤဂုၥ်ထီၣ်ပသီထီၣ်ဝဲၤဒ့မူဒါခိၣ်,စီၤမ့လ်ဒၢၣ်မူစီၤမ့လ်ဒၢၣ်မူလၢပၣ်ဃုၥ်ပၣ်ဂီၢ်ဝဲဖဲတၢ်ရဲၣ်တၢ်ကျဲၤအပူၤတဂၤအံၤစံးဝဲဒ်အံၤန့ၣ်လီၤ. “တနံၣ်ညါအံၤပတၢ်ဂ့ၢ်ခိၣ်တီဒုမ့ၢ်ဝဲမၤလါထီၣ်က့ၤကစၢၢ်ကလိ,မၤဂ့ၤထီၣ်က့ၤဟီၣ်ခိၣ်ဒီးသူၣ်ထီၣ်က့ၤကီၢ်သူလ့ၤန့ၣ်လီၤ.ဘၣ်မနုၤအဃိလဲၣ်ပမ့ကွၢ်ကဒါက့ၤန့ၣ်,ပကသူၣ်ထီၣ်ကီၢ်သူလ့ၤအဂီၢ်န့ၣ်ကဘၣ်ထွဲလိၥ်ဝဲအသးဒီးကစၢၢ်ကလိ,ဟီၣ်ခိၣ်ကပံၥ်လီၤ.ဟီၣ်ခိၣ်ကပံၥ်ကစၢၢ်ကလိမ့တဂ့ၤဘၣ်ဒုပကသူထီၣ်ကီၢ်သူလ့ၤတသ့ဘၣ်,အဃိန့ၣ်,ပကဘၣ်မၤဂ့ၤထီၣ်မၤလါထီၣ်,သူၣ်လီၤက့ၤသ့ၣ်မုၢ်ဝၣ်ဘိဒ်သိး(တၢ်ကသံၣ်ကသုၣ်)သုတကဲထီၣ်တဂ့ၤအဂီၢ်အဂ့ၢ်”စံးဝဲဒၣ်န့ၣ်လီၤ. တနံၤအံၤတၢ်မၤဝဲတၢ်သူၣ်သ့ၣ်ဖဲကွံလီၤဖျိသဝီသီတီၤဖုၣ်ကၠိကရၢၢ်အပူၤလီၢ်ခၢၣ်သးသ့ၣ်ပှၢ်ဝဲၤကျိၤခိၣ်နၢ်,ဖၣ်အၣ်ကီၢ်ရ့ၣ်သ့ၣ်ပှၢ်ဝဲၤကျိၤခိၣ်နၢ်ကရူၢ်ကရၢ,ကၠိသရၣ်သရၣ်မုၣ်,ကၠိဖိဃုၥ်ဒီးဒူသဝီကမျၢၢ်အဂၤ(၇၀)ဃၣ်ဃၣ်ပၥ်ဖှိၣ်သးသူၣ်သကိးဝဲဒၣ်သ့ၣ်အဂ့ၢ်,သ့ၣ်ညါဘၣ်န့ၣ်လီၤ. ခီဖျိတၢ်မၤန့ၢ်ဝဲတၢ်သူၣ်သ့ၣ်အတၢ်ရဲၣ်တၢ်ကျဲၤလၢကၠိဖိဒီးဒူသဝီကမျၢၢ်တဖၣ်အသိးအကျါဒ်အံၤအဖီခိၣ်မ့ၢ်ဝဲတၢ်ကဲဘျူးလၢကၠိဖိတဖၣ်အဂီၢ်ဒီးဒူသဝီဖိတဖၣ်အဂီၢ်အဂ့ၢ်,ကွံလီၤဖျိတီၤဖုၣ်ကၠိသရၣ်မုၣ်နီၢ်မုၣ်စၢ်ဃံစံးဝဲဒၣ်ဒ်အံၤန့ၣ်လီၤ. “တၢ်ရဲၣ်တၢ်ကျဲၤအံၤအဖီခိၣ်တူၢ်ဘၣ်လၢသးခုလီၤ.ဖိသၣ်သ့ၣ်တဖၣ်သ့ၣ်ညါအါထီၣ်ဝဲသ့ၣ်ပှၢ်န့ၣ်မ့ၢ်တၢ်ကဲဘျူးလၢကၠိဒီးဒူသဝီဖိအဂီၢ်တကးဘၣ်,ခီဖျိသူၣ်လီၤဝဲသ့ၣ်တဖၣ်အံၤအဃိလၢခံပဒူသဝီသနၥ်က့သ့ၣ်ထူၣ်ဝၣ်ဘိကအါထီၣ်ဝဲလီၤ”အဂ့ၢ်စံးဝဲဒၣ်န့ၣ်လီၤ. တၢ်ဒုးအိၣ်ထီၣ်ဝဲကီၢ်သူလ့ၤတၢ်သူၣ်သ့ၣ်အမုၢ်နံၤအံၤအတၢ်ပညိၣ်မ့ၢ်ဝဲဒ်သိး,ကီၢ်သူလ့ၤတၢ်ပၢဟီၣ်ကဝီၤအပူၤသ့ၣ်မုၢ်ဝၣ်ဘိကအါထီၣ်,ကမျၢၢ်ဒီးသ့ၣ်ပှၢ်ဝဲၤကျိၤခိၣ်နၢ်တဖၣ်အတၢ်မၤသကိးတၢ်လၢတၢ်ကွၢ်ထွဲကတီၤသ့ၣ်ပှၢ်,တၢ်ဒီသဒၢသ့ၣ်ပှၢ်တၢ်မၤတဖၣ်ပူၤတၢ်ဂုၤထီၣ်ပသီထီၣ်အဂံၢ်ဘါကအါထီၣ်အဂီၢ်,ဒီးပှၤကိးဂၤဒဲးတၢ်အဲၣ်ထံကျိထံကွၥ်,သ့ၣ်မုၢ်ဝၣ်ဘိ,ဆၣ်ဖိကီၢ်ဖိတဖၣ်ကအိၣ်ထီၣ်ကွ့ၢ်ကွ့ၢ်အဂီၢ်အဂ့ၢ်,သ့ၣ်ညါဘၣ်ဒ်သ့ၣ်ပှၢ်ဝဲၤကျိၤခိၣ်နၢ်ပှၤဘၣ်မူဘၣ်ဒါတဖၣ်စံးဝဲဒၣ်အသိးန့ၣ်လီၤ. ဒ်န့ၣ်အသိး,၂၀၁၇)နံၣ်တၢ်စးထီၣ်ပၥ်ပနီၣ်ဝဲကီၢ်သူလ့ၤတၢ်သူၣ်သ့ၣ်အမုၢ်နံၤအလီၢ်ခံကိးနံၣ်ဒဲးတၢ်မၤဝဲတၢ်သူၣ်သ့ၣ်အတၢ်ရဲၣ်တၢ်ကျဲၤအပူၤတၢ်သူၣ်ဝဲသ့ၣ်တဖၣ်အိၣ်ဝဲအကလုၥ်ကလုၥ်ဒီးတနံၣ်အံၤတၢ်မၤဝဲတၢ်သူၣ်သ့ၣ်အတၢ်ရဲၣ်တၢ်ကျဲၤတဖၣ်အံၤပှဲၤထီၣ်ဝဲ(၈)ဝီတဝီလံ,အဂ့ၢ်ပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ.