ခ့ၣ်အဲးစံၣ် – KIC News

လါအီးကထိဘၢၣ် ၂၇ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိတၢ်နုာ်လီၤခူသူၣ်လၢကီၢ်ကၠီၣ်တဲၣ်ကီၢ်ဆၢလၢအတဖိးသဲစးဘၣ်အဃိ ဖဲတလါညါအံၤလၢတလါအတီၢ်ပူၤတၢ်ဖီၣ်ချုးန့ၢ်ၦၤကီၢ်ပယီၤဖိအဂၤ(၁ႇ၀၀၀)ဃၣ်ဃၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ခီဖျိတၢ်ကစီၣ်ရၤလီၤသးလၢကီၢ်ကၠီၣ်တဲၣ်ပဒိၣ်ကထုးထီၣ်န့ၢ်ကီၢ်ပယီၤၦၤမၤတၢ်ဖိလၢအလံာ်အလဲၢ်တအိၣ်ဘၣ်သ့ၣ်တဖၣ်လၢ(ပါယီၤကးဒီးCI)အဃိ ၦၤကီၢ်ပယီၤဖိတဖၣ်ဟဲနုာ်လီၤခူသူၣ်လၢကီၢ်ကၠီၣ်တဲၣ်ပူၤအိၣ်၀ဲကိးမုၢ်နံၤဒဲးဃၣ်ဃၣ်ညါဒီး ဖဲတလါညါအံၤအတီၢ်ပူၤတၢ်ဖီၣ်န့ၢ်၀ဲခဲလၢာ်အဂၤ(၁ႇ၀၀၀)ဃၣ်ဃၣ်အဂ့ၢ်န့ၣ် (JACBA)ကရူၢ်လၢအအိၣ်ဆီလီၤသးဖဲမဲၢ်ဆီး၀့ၢ် အၦၤပၢၤလီၢ်ဆ့ၣ်နီၤ အူမိကၠိစံး၀ဲန့ၣ်လီၤႉ ဖဲအပူၤကွံာ်(လါအီးကထိဘၢၣ် ၂၅)သီ တသီအတီၢ်ပူၤ လၢကီၢ်ကၠီၣ်တဲၣ် ကၤခၠနါဘူရံကီၢ်ရ့ၣ်အပူၤ တၢ်ဖီၣ်န့ၢ်ၦၤကီၢ်ပယီၤဖိလၢအနုာ်လီၤခူၣ်သူၣ်(၂၁၂)ဂၤႇကီၢ်သီ-ယနီကီၢ်ဆၢန့ၣ်တၢ်ဖီၣ်ချုးန့ၢ်၀ဲ(၄၄)ဂၤန့ၣ်လီၤႉ ၦၤကီၢ်ပယီၤဖိလၢတၢ်ဖီၣ်န့ၢ်၀ဲသ့ၣ်တဖၣ်အံၤကလဲၤထီၣ်၀ဲဆူဘီကီး၀့ၢ်ဒီးကီၢ်ကၠီၣ်တဲၣ်ပူၤအဂီၢ် ဘၣ်ဟ့ၣ်၀ဲကဲၤရံၤအၦ့ၤတဂၤန့ၣ်လၢစ့ယိၤ(၁၉ႇ၀၀၀)ဘးအဂ့ၢ်န့ၣ် ကီၢ်ကၠီၣ်တဲၣ်ထုးထီၣ်ပာ်ဖျါတၢ်ကစီၣ်အသိး သ့ၣ်ညါဘၣ်န့ၣ်လီၤႉ JACBA ၦၤပၢၤလီၢ်ဆ့ၣ်နီၤ အူမိကၠိစံး၀ဲ“ၦၤဟဲလၢကီၢ်ကၠီၣ်တဲၣ်ပူၤသ့ၣ်တဖၣ်ကြၢးဃုသ့ၣ်ညါ၀ဲ မ့ၢ်အဟဲလၢတၢ်မၤအိၣ်အလီၢ်န့ၣ်မ့ၢ်ဧါႇမ့ၢ်တၢ်မၤအိၣ်အနီၢ်ကီၢ်ဧါန့ၣ်မ့ၢ်ဧါႇမ့ၢ်ကဲၤရံၤအတၢ်ကတိၤန့ၣ်မ့ၢ်အဘၣ်အတီဧါမီၤနီၤႉ ကယဲၢ်မ့ၢ်ကဲၤရံၤအတၢ်ကတိၤန့ၣ်နာ်အီၣ်တသ့ဘၣ်ႇသးတဘၣ်ဒ့ဒီတဂ့ၤႉ ကြၢးလဲၤထီၣ်က့ၤလီၤလၢအ့ၣ်ကၠ့ၣ်စံၣ်တၢ်ရဲၣ်တၢ်ကျဲၤလၢအဖိးသဲစးလီၤ”အဂ့ၢ်န့ၣ် စံး၀ဲန့ၣ်လီၤႉ ခီဖျိထံရူၢ်ကီၢ်သဲးတဂၢၢ်တကျၢၤဒီးခိ၀ံၣ်တၢ်ဆါအဃိ စဲးဖီကဟၣ်တၢ်မၤလီၢ်(၂၀၀)ဘျဲၣ်လၢထံဂုၤကီၢ်ဂၤဘျၢလီၤဃာ်၀ဲတဖၣ်တၢ်ကးတံၢ်ကွံာ်၀ဲဒီး ခီဖျိၦၤနီၣ်ဂံၢ်လၢအတၢ်ဖံးတၢ်မၤတအိၣ်လၢၤဘၣ်တဖၣ်ဟဲအါထီၣ်၀ဲအဃိ အ၀ဲသ့ၣ်ဟးထီၣ်လၢကီၢ်ပယီၤပူၤဒီးနုာ်လီၤခူသူၣ်၀ဲလၢကီၢ်ကၠီၣ်တဲၣ်ကီၢ်ဆၢဟဲအါထီၣ်ကွ့ၢ်ကွ့ၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ လၢန့ၣ်အမဲာ်ညါ ခိ၀ံၣ်အတီၢ်ပူၤ စးထီၣ်ဖဲ(၂၀၂၀)လါမးရှးတုၤလၢခဲအံၤတစုန့ၣ် ကီၢ်ပယီၤၦၤမၤတၢ်ဖိလၢအဖံးမၤတၢ်လၢကီၢ်ကၠီၣ်တဲၣ်ပူၤတဖၣ်က့ၤဆူအဟံၣ်အဃီ၀ံၤ ဟဲက့ၤထီၣ်ကဒါလၢကီၢ်ကၠီၣ်တဲၣ်ကီၢ်ဆၢကျဲလၢအတဖိးသဲစးဒ်အံၤအိၣ်၀ဲဒီး...

လါအီးကထိဘၢၣ် ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ၂၀၂၁ နံၣ် ပဒိၣ်မါရှၣ်လါဖါသးစၢ်ခိၣ်နၢ်ဖိခိၣ်ဖးအဂီၢ် စးထီၣ်ဟ့ၣ်လီၤမံၤစရီသ့၀ဲလံအဂ့ၢ်န့ၣ်် ဖါဖီၣ်ဒ့ရှၢၣ်(Phan Foundation)ထုးထီၣ်ဘိးဘၣ်ရၤလီၤ၀ဲဖဲမဟါ(လါအီးကထိဘၢၣ် ၂၅)သီအနံၤန့ၣ်လီၤႉ ပဒိၣ်မါရှၣ်သးစၢ်ခိၣ်နၢ်ဖိခိၣ်ဖးအံၤ ကဘၣ်မ့ၢ်ကညီသးစၢ်လၢတကွၢ်လီၤနီၢ်ကစၢ်အဘျုးဘၣ်ႇ ဂုာ်ကျဲးစၢးဟူးဂဲၤတၢ်လၢကညီဒီကလုာ်တၢ်ကူၣ်ဘၣ်ကူၣ်သ့ႇၦၤဂ့ၢ်၀ီခွဲးယာ်ဒီးလံာ်လဲၢ်တၢ်ဆဲးတၢ်လၤတဖၣ်(Phan Foundation)ဃုထၢထီၣ်ဒီးဟ့ၣ်လၤဟ့ၣ်ကပီၤ၀ဲခိၣ်ဖးအံၤကိးနံၣ်ဒဲးန့ၣ်လီၤႉ “ကညီသးစၢ်ခိၣ်နၢ်တဖၣ်အံၤ လၢတၢ်ကူၣ်ဘၣ်ကူၣ်သ့ႇ တၢ်အံးထွဲကွၢ်ထွဲတၢ်အိၣ်ဆူၣ်အိၣ်ချ့ႇတၢ်ဆီတလဲၦၤဂ့ၢ်၀ီဒီးခိၣ်ဃၢၤန့ဆၢၣ်လၢအအိၣ်ကၢတဖၣ်တဆီ လၢဒူသ၀ီတၢ်လဲၤထီလဲၤထီၣ်အဂီၢ်န့ၣ် ပၣ်ဃုာ်၀ဲလၢသနၢၣ်လၢအကါဒိၣ်န့ၣ်လီၤႉ လၢအ၀ဲသ့ၣ်အတၢ်ဂုာ်ကျဲးစၢးထဲးဂံၢ်ထဲးဘါတဖၣ်အံၤ ကြၢးတၢ်သ့ၣ်ညါပာ်ပနီၣ်အီၤဒီးကြၢးဒိးန့ၢ်ဘၣ်၀ဲစ့တၢ်ဆီၣ်ထွဲမၤစၢၤအံၤလီၤ”အဂ့ၢ်န့ၣ် Phan Foundation ၦၤနဲၣ်တၢ် နၣ်ဘွါဘွါဖါ စံးလီၤ၀ဲဖဲလံာ်တၢ်ပာ်ဖျါအပူၤန့ၣ်လီၤႉ ဖါဖီၣ်ဒ့ရှၢၣ်ခိၣ်ဖးအံၤအဂီၢ် ကဘၣ်မ့ၢ်ကညီသးစၢ်အသးနံၣ်(၃၅)နံၣ်ဆူဖီလာ်ဒီး အိၣ်တၢ်လီၢ်တပူၤဂ့ၤတပူၤဂ့ၤတီၣ်ထီၣ်မံၤသ့၀ဲအသိး တၢ်ကရၢကရိတဖၣ်စ့ၢ်ကီးအုၣ်ကီးဆှၢထီၣ်၀ဲအကရၢဖိအမံၤသ့၀ဲစ့ၢ်ကီးန့ၣ်လီၤႉ ၂၀၂၁ နံၣ် ပဒိၣ်မါရှၣ်လါဖါသးစၢ်ခိၣ်နၢ်ဖိခိၣ်ဖးအဂီၢ် တၢ်ကဟ့ၣ်မၤလၤကပီၤ၀ဲလၢ အမဲရကၤစ့ဒီၣ်လၣ်(၄၀၀၀) ဒီး လံာ်ဆှၢနုာ်တဖၣ်တၢ်ကတူၢ်လိာ်အစဲၤခံတုၤဖဲ(၂၀၂၁)လါဒံၣ်စ့ဘၢၣ် ၃၁ သီလီၤအဂ့ၢ်န့ၣ် ...

လါအီးကထိဘၢၣ် ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ဘျံးဒ၀ဲၢ်ကီၢ်ရ့ၣ် လၢၢ်မုၢ်လါကီၢ်ဆၣ် မံကၠီသ့းဒီးခၠီလၣ်သ၀ီအဘၢၣ်စၢၤ ဖဲအပူၤကွံာ်လါအီးကထိဘၢၣ် ၂၂ သီ ဒီး ၂၃ သီအနံၤ ခီဖျိပယီၤသုးဒီးတၢ်ဒီသဒၢကမျၢၢ်သုးမုၢ်(PRDF)တဖၣ်အဘၢၣ်စၢၤတၢ်ဒုးကဲထီၣ်အဃိ လီၢ်က၀ီၤဖိလၢအဃ့ၢ်မှံဟးဖျိးသ့ၣ်တဖၣ်တုၤလၢခဲအံၤတစု တက့ၤဘၣ်လၢအဟံၣ်အဃီဒံးဘၣ်အဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ဘၣ်ထွဲဒီး(PDF)ကရူၢ်မၤန့ၢ်ကျိလၢဂၢၤကီၢ်သုးတဖၣ်အအိၣ်တၢ်ဂ့ၢ်အံၤ ခီဖျိပယီၤသုးဂံၢ်ဘါဟဲနုာ်လီၤ ၀ဲအါအါဂီၢ်ဂီၢ်အဃိ ခံခီခံကပၤတၢ်ခးလိာ်သးကဲထီၣ်ဒီး ဖဲန့ၣ်လီၢ်က၀ီၤသ၀ီဖိလၢအကယၤဘၣ်ဃ့ၢ်မှံဟးဖျိး၀ဲဒၣ်န့ၣ််လီၤႉ “လၢမံကၠီသ့းသ၀ီန့ၣ်ၦၤစံၣ်အိၣ်ခူသူၣ်လၢတၢ်ချၢကအိၣ်အဂၤ(၅၀၀)ဃၣ်ဃၣ်ညါႉ ၦၤအိၣ်တ့ၢ်လၢသ၀ီပူၤ(၄၀၀) ဘျဲၣ်အံၤအိၣ်ဖှိၣ်၀ဲလၢသီခါဖၠၣ်လီၤႉ မ့မ့ၢ်ခၠီလၣ်သ၀ီန့ၣ်အိၣ်ဖှိၣ်၀ဲဖဲသီခါဖၠၣ်န့ၣ်(၁၅၀)ဂၤညါလီၤႉ မ့မ့ၢ်ၦၤစံၣ်ထီၣ်လၢသ၀ီချၢန့ၣ်တသ့ၣ်ညါစရီလီၤတံၢ်လီၤဆဲးဒံးဘၣ်ႉ ၦၤခဲလၢာ်န့ၣ်က့ၤဟံၣ်တဘူၣ်ဒံးဘၣ်ႉ ဘၣ်မနုၤအဃိလဲၣ်န့ၣ်ဘၣ်ယိၣ်၀ဲလၢပယီၤကဖီၣ်မၤဒၢၣ်အ၀ဲသ့ၣ်လီၤ”အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံးဘၣ်ခ့ၣ်အဲးစံၣ်န့ၣ်လီၤႉ မံကၠီသ့းသ၀ီလၢသ၀ီဖိဟးဃ့ၢ်အိၣ်ခူသူၣ်၀ဲအံၤ ဟံၣ်ခိၣ်ကအိၣ်၀ဲအဖျၢၣ်(၂၀၀)ဃၣ်ဃၣ်ဒီး မ့မ့ၢ်ခၠီလၣ်သ၀ီန့ၣ်ဟံၣ်အိၣ်၀ဲ(၄၀)ဘျဲၣ်ဒီးတကီၢ်ခါခဲအံၤၦၤလၢအဃ့ၢ်အိၣ်ခူသူၣ်လၢၦၢ်ပူၤတနီၤဟဲက့ၤလၢဟံၣ်တဘူၣ်ဒံးဘၣ်ဒီးလၢတၢ်အိၣ်တၢ်ဆိးတၢ်အီၣ်တၢ်အီအဂီၢ်တၢ်ကီတၢ်ခဲအိၣ်၀ဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ ဖဲအပူၤကွံာ်(လါအီးကထိဘၢၣ် ၂၂)သီ ဟါခီ ၄ နၣ်ရံၣ်ဃၣ်ဃၣ်အဆၢကတီၢ်န့ၣ် တၢ်ခးလိာ်သးကဲထီၣ်လၢခၠီလၣ်သ၀ီပူၤ၀ံၤ မုၢ်ဆ့ၣ်ထီၣ်တနံၤ...

လါအီးကထိဘၢၣ် ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ဒူသထူၣ်ကီၢ်ရ့ၣ် သထူၣ်ကီၢ်အပူၤ ဖဲမဟါ(လါအီးကထိဘၢၣ် ၂၅)သီ မုၢ်ဃ့ၢ်လီၤအဆၢကတီၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးက့(၁)အိၣ်ခိးထုးပယီၤသုးခိၣ်အသိလ့ၣ်ဒီးမ့ၣ်ပိၢ်အဃိ ပယီၤသုးခိၣ်တဂၤဒီးအမါသံ၀ဲအသိးမၤန့ၢ်၀ဲကျိဖုၣ်တခိၣ်အဂ့ၢ်န့ၣ် KNU စံး၀ဲန့ၣ်လီၤႉ ဖဲမဟါကၢာ် မုၢ်ဃ့ၢ်လီၤ ၃ နၣ်ရံၣ်တခီတဆၢကတီၢ်န့ၣ် ပယီၤသုးခိၣ်ဒီးအမါအသိလ့ၣ်လၢအိၣ်ဟဲထီၣ်လၢကၠဲၣ်ကီာ်ဆူပနွဲၢ်ကျါသုးကလၢၤအံၤအကတီၢ်န့ၣ် (KNLA)အိၣ်ခိးထုး၀ဲဒီးမ့ၣ်ပိၢ်ဖဲနိၣ်ဖးလဲၢ်သ၀ီဒီးတလၤအီဖိကျါသ၀ီအဘၢၣ်စၢၤအဂ့ၢ်န့ၣ် KNU သုးက့(၁)သုးခိၣ်တဂၤ ပာ်ဂၢၢ်ပာ်ကျၢၤစံးဘၣ်ခ့ၣ်အဲးစံၣ်ဖဲမဟါ(လါအီးကထိဘၢၣ် ၂၅)သီအနံၤန့ၣ်လီၤႉ အ၀ဲစံး၀ဲလၢ“ပမၤန့ၢ်တၢ်ကစီၣ်လီၤတံၢ်လီၤဆဲးအဃိ ပၦၤတဖၣ်လဲၤအိၣ်ခိးထုး၀ဲဒီးပိချံးမီၤနီၤႉ ဖဲန့ၣ်သုးခိၣ်ဒိၣ်ဖိတဂၤန့ၣ်သံ၀ဲတဘျီဃီလီၤႉ မ့မ့ၢ်အမါန့ၣ်ပနၢ်ဟူက့ၤလၢၦၤလဲၤဆှၢလၢတၢ်ဆါဟံၣ်ဘျီမးအသံလီၤႉ ပဟံးန့ၢ်၀ဲကျိဖုၣ်တခိၣ်လၢသုးခိၣ်တဂၤန့ၣ်ဖီၣ်၀ဲမီၤနီၤ”အဂ့ၢ်န့ၣ် စံး၀ဲန့ၣ်လီၤႉ တၢ်ကဲထီၣ်သး၀ံၤအလီၢ်ခံ ပယီၤသုးအါအါဂီၢ်ဂီၢ်ဟဲတုၤ၀ဲဖဲတၢ်ကဲထီၣ်သးအလီၢ်န့ၣ်ဒီး ခးနါစိၤကျိဖးဒိၣ်ဖဲတၢ်လီၢ်အကပိၤကပၤဖဲန့ၣ်အဂ့ၢ်န့ၣ် KNU သုးခိၣ်တဂၤဃီ၀ဲန့ၣ် စံးအါထီၣ်၀ဲန့ၣ်လီၤႉ ဖဲအပူၤကွံာ်(လါအီးကထိဘၢၣ် ၂၄)သီအနံၤစ့ၢ်ကီး ဟီၣ်က၀ီၤဖဲန့ၣ်အပူၤ(KNLA)ဒီးပယီၤသုးတဖၣ်အဘၢၣ်စၢၤ တၢ်ခးလိာ်သးကဲထီၣ်ဒံး၀ဲ(၅)ဘျီဒီး ဖဲန့ၣ်ပယီၤသုးတကပၤသံ(၁၄)ဂၤႇဘၣ်ဒိ(၉)ဂၤအဂ့ၢ်န့ၣ် KNU ဒူသထူၣ်ကီၢ်ရ့ၣ်တကပၤ...

လါအီးကထိဘၢၣ် ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ဘၣ်ထွဲဒီးတၢ်ကစီၣ်ရၤလီၤသးလၢတၢ်ကွဲမုာ်မဲၢ်တီၢ်တၢ်ဆါဟံၣ်ၦၤနဲၣ်တၢ်ဒီကထၢၣ်စ့ၣ်သံၣ်ယၣ်မီၣ်လၢကလဲၤထီၣ် အၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်လၢတယံၤတမီၢ်တၢ်ကမၤ၀ဲအံၤန့ၣ် အ၀ဲတသ့ၣ်ညါဘၣ်အဂ့ၢ်န့ၣ် သရၣ်မုၣ်အနီၢ်ကစၢ်ဒၣ်၀ဲစံးဘၣ်ခ့ၣ်အဲးစံၣ်န့ၣ်လီၤႉ ဒီကထၢၣ်စ့ၣ်သံၣ်ယၣ်မီၣ်စံး၀ဲ“ယတသ့ၣ်ညါထွဲတၢ်နီတမံၤဘၣ်မီၤနီၤႉ ၦၤဟဲသံကွၢ်ဒ်န့ၣ်အိၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်ဖဲတနံၤအံၤ(လါအီးကထိဘၢၣ် ၂၅)သီအနံၤန့ၣ်လီၤႉ လၢကဟဲတလါအံၤ(လါအီးကထိဘၢၣ် ၂၆ တုၤလၢ ၂၈)သီအနံၤ တၢ်ကမၤအၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်အံၤန့ၣ် တၢ်ကစီၣ်ရၤလီၤသးအါအါဂီၢ်ဂီၢ်လၢတၢ်ကွဲမုာ်၀ဲဒီၣ်ကထၢၣ်စ့ၣ်သံၣ်ယၣ်မီၣ်လၢကမျၢၢ်ခၢၣ်စးလၢအတဘျးစဲလိာ်သးဒီးထံရူၢ်ကီၢ်သဲးဘၣ်န့ၣ်လီၤႉ အၣ်စံၣ်ယၣ်ခိၣ်နၢ်ဒိၣ်ထီတၢ်အိၣ်ဖှိၣ်လၢတၢ်ကမၤ၀ဲဘျီ၀ဲအံၤ တၢ်တဟ့ၣ်ထီၣ်၀ဲသုးကီၣ်ကးအခိၣ်မ့အီၣ်လဲၣ်ဘၣ်ဒီး လၢအခၢၣ်စးတၢ်ကဟ့ၣ်ထီၣ်၀ဲကမျၢၢ်ခၢၣ်စးလၢအတဘျးစဲလိာ်သးဒီးထံရူၢ်ကီၢ်သဲးဘၣ်အဂ့ၢ်န့ၣ် ဘၣ်တၢ်ဆၢတဲာ်လီၤ၀ဲဖဲတလါအံၤ(လါအီးကထိဘၢၣ် ၁၅)သီအနံၤတၢ်မၤ၀ဲဂ့ၢ်ဂီၢ်အူ အၣ်စံၣ်ယၣ်ထံဂုၤကီၢ်ဂၤကိတိာ်တၢ်အိၣ်ဖှိၣ်အပူၤန့ၣ်လီၤႉ

လါအီးကထိဘၢၣ် ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ် သထူၣ်ကီၢ်ဆၣ်အပူၤ ဖဲမဟါ(လါအီးကထိဘၢၣ် ၂၄)သီ ထဲတသီအတီၢ်ပူၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီးပယီၤသုးအဘၢၣ်စၢၤ တၢ်ခးလိာ်သးကဲထီၣ်၀ဲ(၅)ဘျီ ဖဲန့ၣ်ပယီၤသုးတကပၤသံ၀ဲ(၁၄)ဂၤႇဘၣ်ဒိ(၉)ဂၤအဂ့ၢ်န့ၣ် KNU ဒူသထူၣ်ကီၢ်ရ့ၣ်ထုးထီၣ်ပာ်ဖျါ၀ဲဖဲတနံၤညါအံၤန့ၣ်လီၤႉ ပယီၤသုးပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ-၈)စုဒုၣ်တီၤအဖီလာ်(ခမရ-၄၀၆)သုးကျိၤဒီး BGF (၁၀၁၄) သုးဒ့(၂)သုးပာ်ဖှိၣ်လၢအဆီလီၤအသုးကလၢၤဖဲဘံလ့ကီၢ်ဆၣ် တးပီသ၀ီအပူၤတဖၣ် ဖဲအ၀ဲသ့ၣ်ဆီတလဲ အသုးဟဲက့ၤလၢကျဲအဆၢကတီၢ် တၢ်ခးလိာ်သးကဲထီၣ်ဒီး(KNLA)သုးက့(၁)စုဒုၣ်တီၤအဖီလာ် ဖဲထံညၣ်လူၢ်သ၀ီဒီးနိၣ်ထိၣ်ဒ့ၣ်သ၀ီအဘၢၣ်စၢၤႇတလးအီကျါသ၀ီဒီးနိၣ်ထိၣ်ဒ့ၣ်သ၀ီအဘၢၣ်စၢၤႇဆီဘံၣ်နါသ၀ီကပၤ ကီးကၠးသၢသ၀ီဒီး၀ံရီသ၀ီအဘၢၣ်စၢၤဒီး နိၣ်ဖးလဲၢ်သ၀ီဒီးကီးကၠးသၢသ၀ီအဘၢၣ်စၢၤတဖၣ်အဂ့ၢ်န့ၣ် KNU ပာ်ဖျါ၀ဲန့ၣ်လီၤႉ KNLA သုးက့(၁)သုးခိၣ်တဂၤစံး၀ဲ“ဖဲတၢ်တနံၤန့ၣ်အ၀ဲသ့ၣ်ဟဲက့ၤကအိၣ်၀ဲအဂၤ(၁၀၀)ဘျဲၣ်မီၤနီၤႉ စးထီၣ်ဖဲ(၄)နၣ်ရံၣ်တုၤလၢအနၣ်ရံၣ်(၁၀း၃၀)ဘျဲၣ်န့ၣ် ပၦၤလဲၤခိးခးအ၀ဲသ့ၣ်(၅)တီၤမီၤနီၤႉ အ၀ဲသ့ၣ်ဟဲက့ၤလၢခီၣ်အဃိဘၣ်ဒိဘၣ်ထံး၀ဲအါလီၤႉ မ့မ့ၢ်ပ၀ဲတကပၤဒုတၢ်ဘၣ်ဒိဘၣ်ထံးတအိၣ်ဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်ဖဲတနံၤအံၤန့ၣ်လီၤႉ ဖဲတၢ်တနံၤန့ၣ်ဂီၤခီအဆၢကတီၢ်တၢ်ခးလိာ်သးကဲထီၣ်(၅)ဘျီ၀ံၤအလီၢ်ခံ...

လါအီးကထိဘၢၣ် ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲအနံၤအံၤ(လါအီးကထိဘၢၣ် ၂၅)သီအနံၤ လၢကညီကီၢ်စဲၣ် ကီးတရံး၀့ၢ် ကလံၤထံး သ၀ီသီအပူၤ တၢ်ထံၣ်န့ၢ်ၦၤပိာ်ခွါအသံစိၣ်တစိၣ်လၢတၢ်ခူၣ်လီၤဃာ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲအပူၤကွံာ်(လါအီးကထိဘၢၣ် ၁၈)သီအနံၤ ပယီၤသုးပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ် (ခမရ-၅၅၆)(ခမရ-၅၆၀)ဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးရ့ၣ်(၁၈)တဖၣ်အဘၢၣ်စၢၤတၢ်ခးလိာ်သးကဲထီၣ်အခါန့ၣ် ၦၤသံတဂၤအံၤဘၣ်ဖဲအဟဲက့ၤအိၣ်ခိးန့ၢ်အဘူးတံၢ်အဟံၣ်အခါဒီးလီၤမၢ်ကွံာ်၀ဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲ“ဖဲတၢ်ဒုးကဲထီၣ်အခါန့ၣ်အ၀ဲအိၣ်တပူၤဃီဒီးအကၠီဒီးအဖိဒိၣ်ခွါလီၤႉ တၢ်ဒုးကဲထီၣ်ဘျီအကၠီန့ၣ်ကစံၣ်မီၤနီၤႉ အ၀ဲတဲအကၠီလၢစံၣ်ဆိနၤယကအိၣ်ခိးန့ၢ်နဟံၣ်လီၤႉ ဖဲန့ၣ်၀ံၤအလီၢ်ခံန့ၣ်တနၢ်ဟူအကစီၣ်နီတမံၤလၢၤဘၣ်မီၤနီၤႉ အသိလ့ၣ်ဒီတခိၣ်တၢ်မၤဟးဂီၤကွံာ်၀ဲလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ၦၤလၢအသံတဂၤအံၤအမံၤမ့ၢ်၀ဲအူမၠ့ၣ်အီၤဒီးမ့ၢ်စ့ၢ်ကီးအီးဖးဖးဒိၣ်သ၀ီကရူၢ်ၦၤဘၣ်မူဘၣ်ဒါတဂၤအဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲန့ၣ်လီၤႉ ၦၤလၢအသံတဂၤအံၤအဘူးအတံၢ်အဟံၣ်န့ၣ်အိၣ်၀ဲဒၣ်လၢသ၀ီသီ သီခါဖၠၣ်ကပၤလၢတကီၢ်ခါပယီၤသုးအိၣ်ဆီလီၤသးအလီၢ်အံၤဒီး အသံအံၤကမ့ၢ်၀ဲဒၣ်ပယီၤသုးဖီၣ်မၤသံ၀ဲလီၤအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ

လါအီးကထိဘၢၣ် ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် ပယီၤသုးဒွဲၣ်အူကံ၁်ခ့ၣ်အဲၣ်ယူၣ် သုးက့(၁)တၢ်သမံသမိးတြဲၤတဖျၢၣ်ဒီးၦၤသ၀ီဖိအဟံၣ်တဖျၢၣ်လၢအအိၣ်ဖဲ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ သထူၣ်ဒီးဘံလ့ကီၢ်ဆၣ်ခံဘ့ၣ်အဘၢၣ်စၢၤအံၤအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤတၢ်ကစီၣ်အအိၣ်န့ၣ်လီၤႉ ဖဲအပူၤကွံာ်(လါအီးကထိဘၢၣ် ၂၁)သီ မုၢ်ဃ့ၢ်လီၤအဆၢကတီၢ် ပယီၤသုးပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ-၈)စုဒုၣ်တီၤအဖီလာ်ခီၣ်ချ့သုးရ့ၣ်(ခမရ-၄၀၆)ဒီးသုးခိးကီၢ်ဆၢ(BGF)သုးပာ်ဖှိၣ်လၢအအိၣ်ဖဲလ့က့ၣ်ဒီးတၤပီသ၀ီလၢကဟဲက့ၤဆူပနွဲၢ်ကျါသ၀ီအံၤ တၢ်ဘၣ်သဂၢၢ်ခးလိာ်သးကဲထီၣ်၀ဲဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA) သုးက့(၁)ႇသုးရ့ၣ်(၁)ဖဲ သထူၣ်-ဘံလ့ကီၢ်ဆၣ်အဘၢၣ်စၢၤန့ၣ်လီၤႉ တၢ်ခးလိာ်သးကဲထီၣ်၀ံၤအလီၢ်ခံ ပယီၤသုးပာ်ဖှိၣ်တဖၣ်နုာ်လီၤဒွဲၣ်အူမၤဟးဂီၤ၀ဲဘံလ့ကီၢ်ဆၣ်(KNLA)သုးရ့ၣ် ၁ ကါမဲတၢ်သမံသမိးတြဲၤဒီးသထူၣ်ကီၢ်ဆၣ်မီၤဖိကျိသ၀ီပူၤဟံၣ်တဖျၢၣ်အဂ့ၢ်န့ၣ် ခ့ၣ်အဲၣ်ယူၣ် သထူၣ်ကီၢ်ဆၣ် ၦၤဘၣ်မူဘၣ်ဒါတဂၤစံး၀ဲန့ၣ်လီၤႉ “ဖဲမုၢ်ဃ့ၢ်လီၤ ၂ နၣ်ရံၣ်အဆၢကတီၢ်န့ၣ် တၢ်ခးလိာ်သးကဲထီၣ်ဖဲ ကါမဲတၢ်သမံသမိးတြဲၤတဘျီဒီးလါခိတၢ်လီၢ်တဘျီ တၢ်ဒုးကဲထီၣ်(၂)ဘျီမီၤနီၤႉ တၢ်ခးလိာ်သးကဲထီၣ်၀ံၤန့ၣ်ပယီၤသုးနုာ်လီၤဒွဲၣ်အူ၀ဲတၢ်သမံသမိးတြဲၤလီၤႉ မ့၀ံၤဘျီဒွဲၣ်အူ၀ဲမီၤဖိကျိသ၀ီဖိအဟံၣ်တဖျၢၣ်လီၤႉ ဟံၣ်လၢတၢ်ဒွဲၣ်အူကွံာ်၀ဲန့ၣ်မ့ၢ်၀ဲမုၣ်ကမဲအဟံၣ်လီၤႉ အကဲ၀ဲဟံၣ်န့ၣ်အ၀ဲသ့ၣ်စ့ၢ်ကီးသ့ၣ်ညါလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ တၢ်ခးလိာ်သးကဲထီၣ်အခါန့ၣ် ပယီၤသုးတကပၤသံ(၄)ဂၤႇဘၣ်ဒိ(၅)ဂၤဒီး မ့မ့ၢ်(KNLA)တကပၤတၢ်ဘၣ်ဒိဘၣ်ထံးတအိၣ်ဘၣ်အဂ့ၢ်န့ၣ် ခ့ၣ်အဲၣ်ယူၣ်...

လါအီးကထိဘၢၣ် ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ပယီၤသုးဒွဲၣ်အူကံ၁်ခ့ၣ်အဲၣ်ယူၣ် သုးက့(၁)တၢ်သမံသမိးတြဲၤတဖျၢၣ်ဒီးၦၤသ၀ီဖိအဟံၣ်တဖျၢၣ်လၢအအိၣ်ဖဲ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ သထူၣ်ဒီးဘံလ့ကီၢ်ဆၣ်ခံဘ့ၣ်အဘၢၣ်စၢၤအံၤအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤတၢ်ကစီၣ်အအိၣ်န့ၣ်လီၤႉ ဖဲအပူၤကွံာ်(လါအီးကထိဘၢၣ် ၂၁)သီ မုၢ်ဃ့ၢ်လီၤအဆၢကတီၢ် ပယီၤသုးပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ-၈)စုဒုၣ်တီၤအဖီလာ်ခီၣ်ချ့သုးရ့ၣ်(ခမရ-၄၀၆)ဒီးသုးခိးကီၢ်ဆၢ(BGF)သုးပာ်ဖှိၣ်လၢအအိၣ်ဖဲလ့က့ၣ်ဒီးတၤပီသ၀ီလၢကဟဲက့ၤဆူပနွဲၢ်ကျါသ၀ီအံၤ တၢ်ဘၣ်သဂၢၢ်ခးလိာ်သးကဲထီၣ်၀ဲဒီးကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA) သုးက့(၁)ႇသုးရ့ၣ်(၁)ဖဲသထူၣ်-ဘံလ့ကီၢ်ဆၣ်အဘၢၣ်စၢၤန့ၣ်လီၤႉ တၢ်ခးလိာ်သးကဲထီၣ်၀ံၤအလီၢ်ခံ ပယီၤသုးပာ်ဖှိၣ်တဖၣ်နုာ်လီၤဒွဲၣ်အူမၤဟးဂီၤ၀ဲဘံလ့ကီၢ်ဆၣ်(KNLA)သုးရ့ၣ် ၁ ကါမဲတၢ်သမံသမိးတြဲၤဒီး သထူၣ်ကီၢ်ဆၣ်မီၤဖိကျိသ၀ီပူၤဟံၣ်တဖျၢၣ်အဂ့ၢ်န့ၣ် ခ့ၣ်အဲၣ်ယူၣ် သထူၣ်ကီၢ်ဆၣ် ၦၤဘၣ်မူဘၣ်ဒါတဂၤစံး၀ဲန့ၣ်လီၤႉ “ဖဲမုၢ်ဃ့ၢ်လီၤ ၂ နၣ်ရံၣ်အဆၢကတီၢ်န့ၣ် တၢ်ခးလိာ်သးကဲထီၣ်ဖဲ ကါမဲတၢ်သမံသမိးတြဲၤတဘျီဒီးလါခိတၢ်လီၢ်တဘျီ တၢ်ဒုးကဲထီၣ်(၂)ဘျီမီၤနီၤႉ တၢ်ခးလိာ်သးကဲထီၣ်၀ံၤန့ၣ်ပယီၤသုးနုာ်လီၤဒွဲၣ်အူ၀ဲတၢ်သမံသမိးတြဲၤလီၤႉ မ့၀ံၤဘျီဒွဲၣ်အူ၀ဲမီၤဖိကျိသ၀ီဖိအဟံၣ်တဖျၢၣ်လီၤႉ ဟံၣ်လၢတၢ်ဒွဲၣ်အူကွံာ်၀ဲန့ၣ်မ့ၢ်၀ဲမုၣ်ကမဲအဟံၣ်လီၤႉ အကဲ၀ဲဟံၣ်န့ၣ်အ၀ဲသ့ၣ်စ့ၢ်ကီးသ့ၣ်ညါလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ တၢ်ခးလိာ်သးကဲထီၣ်အခါန့ၣ် ပယီၤသုးတကပၤသံ(၄)ဂၤႇဘၣ်ဒိ(၅)ဂၤဒီး မ့မ့ၢ်(KNLA)တကပၤတၢ်ဘၣ်ဒိဘၣ်ထံးတအိၣ်ဘၣ်အဂ့ၢ်န့ၣ် ခ့ၣ်အဲၣ်ယူၣ် သထူၣ်ကီၢ်ဆၣ်ၦၤဘၣ်မူဘၣ်ဒါစံး၀ဲန့ၣ်လီၤႉ တၢ်ခးလိာ်သးကဲထီၣ်၀ံၤအလီၢ်ခံ ပယီၤသုးဒီး(BGF)သုးပာ်ဖှိၣ်တနီၤ က့ၤနုာ်လီၤ၀ဲလၢပနွဲၢ်ကျါပယီၤသုးကလၢၤပူၤအသိး တနီၤနုာ်လီၤဟံးန့ၢ်အလီၢ်အကျဲလၢသ၀ီပူၤသီခါဖၠၣ်လၢအအိၣ်ဘူးဖဲန့ၣ်သ့ၣ်တဖၣ်အိၣ်၀ဲအဂ့ၢ်န့ၣ်...

လါအီးကထိဘၢၣ် ၂၀ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကီးတရံး၀့ၢ် ကလံၤထံး သ၀ီသီလီၢ်က၀ီၤဖိတဖၣ်မ့ဟးစံၣ်အိၣ်ခူသူၣ်လၢတၢ်ချၢန့ၣ် ပယီၤသုးလၢအအိၣ်ဆိးဖဲသ၀ီပူၤတဖၣ်တဲပျံၤတဲဖုး၀ဲလၢကဒွဲၣ်အူကွံာ်အဟံၣ်အဃီအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ပယီၤသုးပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ-၁၃)စုဒုၣ်တီၤအဖီလာ်ခီၣ်ချ့သုးရ့ၣ်(ခမရ-၅၅၆ႇ၅၆၀)လၢအနီၣ်ဂံၢ်ကအိၣ်၀ဲအဂၤ(၆၀)လၢအိၣ်ဆိး၀ဲဖဲသ၀ီသီပူၤသ့ၣ်တဖၣ် တဲပျံၤတဲဖုး၀ဲလီၢ်က၀ီၤဖိလၢ တၢ်ဒုးမ့ကဲထီၣ်သ၀ီဖိတဖၣ်မ့ဟးစံၣ်အိၣ်ခူသူၣ်လၢတၢ်ချၢန့ၣ် ကဒွဲၣ်အူကွံာ်၀ဲအဟံၣ်အဃီအဃိ သ၀ီဖိတဖၣ်ဘၣ်အိၣ်လၢတၢ်ပျံၤတၢ်ဖုးအပူၤအဂ့ၢ်န့ၣ် ၦၤလၢအဘူးဒီး(KNLA)တဂၤစံး၀ဲန့ၣ်လီၤႉ “ခဲအံၤပယီၤသုးအိၣ်ဖဲသ၀ီသီမီၤနီၤႉ ဟံၣ်လၢအ၀ဲသ့ၣ်လဲၤအိၣ်၀ဲတဖၣ်န့ၣ်စ့ၢ်ကီး တဟ့ၣ်ဒုးဟး၀ဲဟံၣ်ကစၢ်တဖၣ်လၢတၢ်ချၢဘၣ်ႉ မ့ဟးထီၣ်န့ၣ်တဲပျံၤ၀ဲလၢကဒွဲၣ်အူဟံၣ်မီၤနီၤႉ ဖဲမဟါန့ၣ်စ့ၢ်ကီးဒွဲၣ်အူၦၤသိလ့ၣ်တခိၣ်လီၤႉ မ့၀ံၤဘျီန့ၣ်လူၤဖီၣ်အီၣ်၀ဲထိးဆီလၢသ၀ီပူၤအိၣ်လီၤႉ ခးလိာ်သးအိၣ်ကိးမုၢ်နံၤဒဲးလီၤ”အဂ့ၢ်န့ၣ် လီၢ်က၀ီၤဖိဖဲန့ၣ်စံးဘၣ်ခ့ၣ်အဲးစံၣ်ဖဲမဟါ(လါအီးကထိဘၢၣ် ၁၉)သီအနံၤန့ၣ်လီၤႉ ပယီၤသုးတဖၣ်တက့ၤ၀ဲဒံးဘၣ်ႇဆဲးအိၣ်ဒံး၀ဲဖဲလီၢ်က၀ီၤ၀ဲန့ၣ်အပူၤဒီး ခီဖျိတၢ်ဒုးဆဲးကဲထီၣ်ဒံး၀ဲအဃိ တကီၢ်ခါခဲအံၤသ၀ီသီအမဲာ်ညါသ၀ီလၢအိၣ်ဘူးဖဲန့ၣ်သ့ၣ်တဖၣ်လၢအမ့ၢ် ၀့ၢ်လီၢ်လံၤဒီး အီကြီသ၀ီလီၢ်က၀ီၤဖိလၢအကယၤဘၣ်ဃ့ၢ်အိၣ်ခူသူၣ်၀ဲအဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ ပယီၤသုးတဖၣ်အံၤစးထီၣ်ဖဲအပူၤကွံာ်လါအီးကထိဘၢၣ် ၁ သီအနံၤန့ၣ် ဟဲနုာ်လီၤ၀ဲဒၣ်လၢကီးတရံး၀့ၢ် ကလံၤထံးတကပၤဒီး စးထီၣ်ဖဲလါအီးကထိဘၢၣ် ၁ သီတုၤလၢ ၁၈...