ကၠီၣ်တဲၣ်သုးဆှၢန့ၢ်သုးမီၤစိရိၤအသုးတၢ်အီၣ်တၢ်အီအံၤ တဖိးမံလိာ်သးဒီးထံဖိကီၢ်ဖိအတၢ်တူၢ်ဘၣ်ခီၣ်ဘၣ်ဘၣ် အဂ့ၢ် KNU စံး၀ဲ
လါမ့ၤ ၁ သီႇ ၂၀၂၁ နံၣ်ႇ ခ့ၣ်အဲးစံၣ် ကၠီၣ်တဲၣ်သုးဆှၢဟ့ၣ်မၤစၢၤ၀ဲဒၣ်သုးမီစိရိၤအသုးလၢအအိၣ်ဖဲသုးက့(၅)ဟီၣ်က၀ီၤပူၤတဖၣ်တၢ်အီၣ်တၢ်အီတၢ်ဂ့ၢ်အံၤန့ၣ် ကဲထီၣ်၀ဲလၢအတဖိးမံလိာ်သးဒီးထံဖိကီၢ်ဖိအတၢ်တူၢ်ဘၣ်ခီၣ်ဘၣ်ဘၣ်အဂ့ၢ်န့ၣ် KNU စံး၀ဲန့ၣ်လီၤႉ ဖဲတလါအံၤ(လါမ့ၤ ၂၄ သီတုၤလၢ ၂၈)သီအနံၤ ကၠီၣ်တဲၣ်သုးအချံ ၄ ဘ့ၣ် ဒီးကမျၢၢ်ချံ Honda ၁ ဘ့ၣ်လၢ မျၢၢ်သူ၀ဲအံၤ လဲၤဆှၢန့ၢ်၀ဲသုးကီၣ်ကးတၢ်အီၣ်တၢ်အီစးထီၣ်လၢယံကၠၤထၣ်သုးကလၢၤတုၤလၢ မုၢ်တြီၢ်ကီၢ်ရ့ၣ်ႇ လူၢ်သီကီၢ်ဆၣ်ႇကီၤလူဒဲသ၀ီကရူၢ် လၢၢ်စ့(စီထၣ်)တၢ်လီၢ်အဂ့ၢ်န့ၣ် KNU တၢ်ဘိးဘၣ်ရၤလီၤသူလ့ၤတၢ်ကစီၣ်သန‹ထုးထီၣ်ပာ်ဖျါ၀ဲဖဲလါမ့ၤ ၃၀ သီအနံၤန့ၣ်လီၤႉ KNU သုးက့(၅)ၦၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံး၀ဲလၢ“သုးက့(၅)တြီတံၢ်ဃာ်၀ဲ ပယီၤသုးတၢ်အီၣ်တၢ်အီအံၤ ဒ်သိးကထိၣ်လီၤဆှၣ်က့ၤအသးလၢအသုတဆီၣ်သနံးလၢၤ ထံဖိကီၢ်ဖိကမျၢၢ်လၢၤတဂ့ၤအဂီၢ်လီၤႉ ကၠီၣ်တဲၣ်သုးဟ့ၣ်ဂံၢ်ဟ့ၣ်ဘါ၀ဲဒ်အံၤ ကဲထီၣ်၀ဲလၢအတဖိး မံလိာ်သးဒီးထံဖိကီၢ်ဖိအတၢ်တူၢ်ဘၣ်ခီၣ်ဘၣ်ဘၣ်လီၤႉ အဲၣ်ဒိးဒုးသ့ၣ်ညါကၠီၣ်တဲၣ်အသုးလၢ တၢ်ဆီၣ်ထွဲမၤစၢၤဟ့ၣ်ဂံၢ်ဟ့ၣ်ဘါ၀ဲဒၣ်သုးလၢအဟံးန့ၢ်ဆူၣ်တၢ်စိတၢ်မီၤအံၤ တမ့ၢ်တၢ်လၢအဘၣ်ဘျီးဘၣ်ဒါဘၣ်လီၤႉ”အဂ့ၢ် စံး၀ဲန့ၣ်လီၤႉ ဒ်သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံး၀ဲအသိးန့ၣ် ကၠီၣ်တဲၣ်သုးခိးကီၢ်ဆၢဆှၢစၢၤ၀ဲဒၣ်သုးမီၤစရိၤအသုးတၢ်အီၣ် တၢ််အီလၢ သုးချံအသူ ၄ဘ့ၣ်န့ၣ် ၉ ဘျီ ဒီး (Honda)သုးချံတခိၣ်ခီန့ၣ်ဟဲဆှၢ၀ဲဒၣ် ၈...
DKBA ထုးဖးသးကရူၢ် ဖီၣ်၀ဲဒၣ် ပယီၤပၢၤကီၢ်(၃)ဂၤဒီး သုးမၤသံမ့ၣ်အူ(၁)ဂၤ
လါမ့ၤ ၃၁ သီႇ ၂၀၂၁ နံၣ်ႇ ခ့ၣ်အဲးစံၣ် DKBA ထုးဖးသးကရူၢ် ဖီၣ်က့ၤကိး၀ဲဒၣ် ကညီကီၢ်စဲၣ် မၠၣ်၀တံၣ်၀့ၢ်ကလံၤထံး မၠၣ်၀တံၣ်ကီၢ်ရ့ၣ် ၀ီၤလ့ၤမၠဲၤ၀့ၢ် ဟီၣ်က၀ီၤပယီၤပၢၤကီၢ် ၃ ဂၤ ဒီးသုးမၤသံမ့ၣ်အူဖိ(၁)ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲတနံၤအံၤ(လါမ့ၤ ၃၁)သီ မုၢ်ထူၣ်အဆၢကတီၢ် ဖဲ၀ီၤလ့ၤ၀့ၢ်=မၠၣ်၀တံၣ်ကျဲဆဲးဖးဒ့အကပိၤကပၤန့ၣ် DKBA ထုးဖးသးကရူၢ် ဖီၣ်၀ဲဒၣ် ၀ီၤလ့ၤမၠဲၤ၀့ၢ် ပယီၤပၢၤကီၢ်မူူဒါခိၣ်တဂၤဃုာ်ဒီး ပၢၤကီၢ်သုးဖိ(၂)ဂၤဒီး သုးမၤသံမ့ၣ်အူဖိ(၁)ဂၤအဂ့ၢ်န့ၣ် လီၢ်က၀ီၤဖိတဂၤ စံး၀ဲန့ၣ်လီၤႉ ဘၣ်ထွဲဒီးတၢ်ဖီၣ်ပၢၤကီၢ်သုး(၃)ဂၤဒီး သုးမၤသံမ့ၣ်အူဖိတဂၤတၢ်ဂ့ၢ်အံၤ သုးမီၤစိရိၤအသုးရၤလီၤသုးဂံၢ်ဘါဒီး ဃုသ့ၣ်ညါသမံသမိး၀ဲတၢ်ကိၢ်ကိၢ်ဂီၤဂီၤန့ၣ်လီၤႉ လၢတၢ်န့ၣ်အဃိ ဒူသ၀ီလၢအအိၣ်ဘူးဖဲန့ၣ်သ့ၣ်တဖၣ်လၢအမ့ၢ် ကၠီးခဲးႇဖလူဒီးအ့ၤကၠ‹မၠဲၣ်သ၀ီ ထံဖိကီၢ်ဖိကမျၢၢ်တဖၣ်ဘၣ်ယိၣ်၀ဲလၢတၢ်ဒုးကကဲထီၣ်အဃိ ဟးပလဲာ်သးအိၣ်၀ဲအဂ့ၢ်န့ၣ် လီၢ်က၀ီၤဖိတဂၤဃီအ၀ဲန့ၣ် စံးအါထီၣ်၀ဲန့ၣ်လီၤႉ သုးခိၣ်ကျၢၢ် စီၤကၠီၤသဲၣ် တီခိၣ်ရိၣ်မဲ(DKBA)ထုးဖးသးကရူၢ်အံၤ စးထီၣ်ဖဲ(၂၀၁၅)နံၣ်၀ံၤအလီၢ်ခံ ထုးဖးက့ၤအသးလၢတၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)ကရူၢ်န့ၣ်လီၤႉ အ၀ဲသ့ၣ်ကရူၢ်အံၤ တၢ်ဒုးကဲထီၣ်၀ဲဒီးသုးမီၤစိရိၤအသုးအိၣ်၀ဲအဘျီအါမးဃုာ်ဒီး မၠၣ်၀တံၣ်=ကီးတရံးအ့ရှါကျဲမုၢ်ဖီခိၣ်တၢ်ဒုးတဖၣ်န့ၣ်လီၤႉ
သုးမီၤစိရိၤအသုးဒီး BGF သုး ခး၀ဲအဃိ ဘၣ်ဒိ၀ဲကမျၢၢ် ၂ ဂၤ
လါမ့ၤ ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် သုးမီၤစိရိၤအသုးဒီး BGF သုးပာ်ဖှိၣ်ကရူၢ် လၢအအိၣ်ခိးတၢ်ဖဲရၤမတံ(မၠၣ်၀တံၣ်)=မဲၢ်ထီးသလ့ကျဲ တၢ်သမံသမိးတြဲၤ(မံလီၤခၠီတိၤ)ကျဲဖီခိၣ်တဖၣ် ခး၀ဲသိလ့ၣ်တခိၣ်လၢအတဒုးသမံသမိးသးဘၣ်အဃိ ဖဲန့ၣ် ကမျၢၢ် ၂ ဂၤ ဘၣ်ဒိ၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲတနံၤအံၤ(လါမ့ၤ ၂၈)သီ မုၢ်ထူၣ် ၁၂ နၣ်ရံၣ်အဆၢကတီၢ် ရၤမတံ၀့ၢ် နီၣ်ဂံၢ် ၃ က၀ီၤဒ့ ရၤမတံ =မဲၢ်ထီးသလ့ကျဲမုၢ်ခိၣ် မံလီၤခၠီတိၤအကပၤ သုးမီၤစိရိၤအသုးဒီး BGF သုးပာ်ဖှိၣ်တဖၣ် ဖဲအသမံသမိး သိလ့ၣ်ဟးထီၣ်ဟးလီၤတဖၣ်အကတီၢ် ခီဖျိသိလ့ၣ်တခိၣ်တအိၣ်ပတုာ်ဘၣ်ဒီးနီစံၣ်၀ဲအဃိ တၢ်လူၤခး၀ဲအဂ့ၢ်န့ၣ် ကမျၢၢ်လၢအအိၣ်က၀ီၤဒ့ပူၤတဖၣ် စံး၀ဲန့ၣ်လီၤႉ ဖဲလၢတၢ်လူၤခး၀ဲသိလ့ၣ်အဆၢကတီၢ် ကျိချံဘၣ်၀ဲဒၣ်ကမျၢၢ်လၢအအိၣ်လၢသိၣ်လ့ၣ်ပူၤ ၁ ဂၤဒီး ၦၤနီဒိးလဲသိလ့ၣ်ယီၢ်လၢအဟးထီၣ်က့ၤလီၤ ၁ ဂၤ ဘၣ်ဒိဘၣ်ထံး၀ဲအဃိ ခဲအံၤတၢ်လဲၤဆှၢ ကူဆါယါဘျါအ၀ဲသ့ၣ်လၢသ့ၣ်ကါညံၣ်နီၣ်သုးမီၤစိရိၤအသုးတၢ်ဆါဟံၣ်အဂ့ၢ်န့ၣ် က၀ီၤဒ့ ၦၤဘၣ်မူဘၣ်ဒါတဖၣ် စံး၀ဲန့ၣ်လီၤႉ လၢန့ၣ်အမဲာ်ညါ ခီဖျိသုးမီၤစိရိၤအသုးဘံၣ်ဘၢကရူၢ်ခး၀ဲအဃိ ပိာ်မုၣ်တဂၤဘၣ်ဒီးကျိသံ၀ဲဒၣ်အဂ့ၢ်န့ၣ် လီၢ်က၀ီၤကမျၢၢ်တနီၤစံး၀ဲဒၣ်ဘၣ်ဆၣ် ခ့ၣ်အဲးစံၣ်=ကညီတၢ်ကစီၣ်၀ဲၤလီၢ်ခိၣ်သ့ၣ် ပာ်ဂၢၢ်ပာ်ကျၢၤ၀ဲလီၤလီၤဆီဆီတန့ၢ်ဒံးဘၣ်န့ၣ်လီၤႉ စးထီၣ်ဖဲတနံၤအံၤဂီၤခီန့ၣ် ရၤမတံ၀့ၢ်ချၢဒီးတၢ်ကနုာ်လီၤ၀့ၢ်ပူၤကျဲခိၣ်ထိး ဃုာ်ဒီးတၢ်ကဲထီၣ်သးအလီၢ်ခဲအံၤတဖၣ် သုးမီၤစိရိၤအသုးဒီး...
လၢၢ်ဒိၣ်-မုၢ်သဲးကျဲမုၢ်ဖီခိၣ်တၢ်ခးလိာ်သးကဲထီၣ်လၢအဃိ လီၢ်က၀ီၤပိာ်မုၣ် ၁ ဂၤဘၣ်ဒိ
လါမ့ၤ ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲအပူၤကွံာ်(လါမ့ၤ ၂၅)သီအနံၤ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤ ချၢၣ်လွံၣ်ထူၣ်ကီၢ်ရ့ၣ်(သုးက့ ၃)ႇလၢၢ်ဒိၣ်ကီၢ်ဆၣ်အပူၤ လၢၢ်ဒိၣ်=မုၢ်သဲးကျဲမုၣ်ဖီခိၣ် ခီဖျိခ့ၣ်အဲၣ်ယူၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် -KNLA ဒီး သုးမီၤစိရိၤအသုးတဖၣ်အဘၢၣ်စၢၤ တၢ်ခးလိာ်သးကဲထီၣ်အဃိ လီၢ်က၀ီၤပိာ်မုၣ်တဂၤဘၣ်ဒိ၀ဲဒၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ သုးမီၤစိရိၤအသုးလၢအဟဲထီၣ်ဒီးသိလ့ၣ်ဖဲလၢၢ်ဒိၣ်=မုၢ်သဲးကျဲမုၢ်ဖီခိၣ်အံၤ တၢ်ခးလိာ်သးကဲထီၣ်၀ဲဒၣ်ဒီး ဟီၣ်က၀ီၤ KNLA အသုးတဖၣ်ဒီး လၢတၢ်ခးလိာ်သးဘျီ၀ဲအံၤအပူၤ ခီဖျိသုးမီၤစိရိၤအသုးတကပၤသူ၀ဲဒၣ်ကျိဖးဒိၣ်အဃိ ဘၣ်၀ဲဒၣ်ပိာ်မုၣ်လၢအအိၣ်ဘူးဖဲန့ၣ်တဂၤလၢအဟံၣ်ပူၤန့ၣ်လီၤႉ လၢန့ၣ်အမဲာ်ညါ တၢ်ခးလိာ်သးကဲထီၣ်ဘျီ၀ဲအံၤအပူၤ ခီဖျိကျိဖးဒိၣ်အချံလီၤတဲာ်၀ဲဒၣ်ကျးပူၤဒီးကမျၢၢ်အကရၢၢ်ပူၤအဃိ တၢ်ဘၣ်ဒိဘၣ်ထံးအိၣ်၀ဲတနီၤအဂ့ၢ်န့ၣ် KNU တၢ်ဘိးဘၣ်ရၤလီၤတၢ်ကစီၣ်၀ဲၤကျိၤ ထုးထီၣ်ဘိးဘၣ်ရၤလီၤ၀ဲ ဖဲ(လါမ့ၤ ၂၆)သီအနံၤန့ၣ်လီၤႉ သုးမီၤစိရိၤအသုးလၢအအိၣ်လၢၢ်ဒိၣ်ကီၢ်ဆၣ်အပူၤတဖၣ် ပာ်လီၤ၀ဲဒၣ်တြဲၤဒီးသမံးသမိးတၢ်ႇ မၤပျံၤမၤဖုး၀ဲကမျၢၢ်တဖၣ်ႇ ဖီၣ်ဒုးဃာ်ကမျၢၢ်လၢတၢ်ဂ့ၢ်တအိၣ်နီတမံၤဘၣ်ဒီး ဖီၣ်ဃံး၀ဲတၢ်အံၤ လ့ၤတက့ၤတတူၢ်လိာ်ဘၣ်အသိး သုးမီၤစိရိၤအသုးဟူးဂဲၤမၤ၀ဲတၢ်ထီၣ်ဒုးတဖၣ်အံၤ လ့ၤတက့ၤတတူၢ်လိာ်ဘၣ်အဂ့ၢ်န့ၣ် KNU လၢၢ်ဒိၣ်ကီၢ်ဆၣ် ထုးထီၣ်ပာ်ဖျါ၀ဲဖဲ(လါမ့ၤ ၁၂)သီအနံၤန့ၣ်လီၤႉ သုးမီၤစိရိၤအသုးလၢအအိၣ်ဖဲလၢၢ်ဒိၣ်ကီၢ်ဆၣ်အပူၤတဖၣ် ဖဲအပူၤကွံာ်(လါမ့ၤ ၂၄)သီအနံၤစ့ၢ်ကီး ဖီၣ်က့ၤကိး၀ဲဒၣ်လီၢ်က၀ီၤ ၦၤဂ့ၢ်၀ီကရၢဖိ နီၢ်အ့ကၠၤဒံးန့ၣ်လီၤႉ ဒ်သိးတၢ်ကပျၢ်လီၤကွံာ်နီၢ်အ့ကၠၤလၢအဆိအချ›အဂီၢ်ဒီး မ့ၢ်တပျၢ်လီၤဘၣ်န့ၣ် ကက့ၤခီၣ်ဆၢကဒါ၀ဲတဲာ်တဲာ်ဖျုဖျုအဂ့ၢ်န့ၣ် လီၢ်က၀ီၤၦၤဂ့ၢ်၀ီတၢ်ကရၢကရိထုးထီၣ်ပာ်ဖျါ၀ဲစံး၀ဲန့ၣ်လီၤႉ တကီၢ်ခါခဲအံၤ လီၢ်က၀ီၤၦၤဂ့ၢ်၀ီနီၢ်အ့ကၠၤလၢတၢ်ဖီၣ်ဃာ်၀ဲအံၤ အဟံၣ်ဖိဃိဖိတဖၣ်စ့ၢ်ကီး အိၣ်လၢအဟံၣ်တဘူၣ်လၢၤဘၣ်ဒီး ဘၣ်ဟးစံၣ်အိၣ်ခူသူၣ်၀ဲအဂ့ၢ်န့ၣ်...
ပယီၤသုးမီၤစိရိၤကွၢ်ကပာ်ကွံာ် တၢ်ကဘှါရှဲတၢ်စုဆူၣ်ခီၣ်တကးတဖၣ်အဂ့ၢ် PPST ၦၤပၢၤလီၢ်ဆ့ၣ်နီၤ စံး၀ဲ
လါမ့ၤ ၂၇ သီႇ ၂၀၂၁ နံၣ်ႇ ခ့ၣ်အဲးစံၣ် ထံဂုၤကီၢ်ဂၤဒီးကီၢ်ပူၤတၢ်ကရၢကရိတဖၣ်ဃ့ထီၣ်၀ဲ ဒ်သိးကယဲၢ်မ့ၢ်တၢ်စုဆူၣ်ခီၣ်တကးကပတုာ်ကွံာ် တဘျီဃီအဂီၢ် သုးမီၤစိရိၤအံၤကွၢ်ကပာ်ကွံ၁်၀ဲအဂ့ၢ်န့ၣ် တၢ်တီခိၣ်ရိၣ်မဲတၢ်မုာ်တၢ်ခုၣ်တၢ်မၤအကျဲ (PPST) တစိၢ်တလီၢ်ၦၤပၢၤလီၢ်ဆ့ၣ်နီၤ သုးခိၣ်ကျၢၢ်စိ ယွဲၣ်စ့ၣ် စံး၀ဲန့ၣ်လီၤႉ ဖဲတနံၤအံၤ(လါမ့ၤ ၂၇)သီအနံၤ တၢ်စးထီၣ်မၤ၀ဲဒၣ် ကလုာ်ဒူၣ်ဖီၣ်စုက၀ဲၤတၢ်ကရၢကရိ(EAO)အဒူၣ်(၁၀) လၢအဆဲးလီၤ၀ဲဒၣ်ထံကီၢ်ဒီဘ့ၣ်တၢ်ပတုာ်တၢ်ခး(NCA)တဖၣ် မၤ၀ဲ PPST တၢ်အိၣ်ဖှိၣ်လၢ Video Conferencing တၢ်ကတိၤအိးထီၣ်အပူၤ တစိၢ်တလီၢ်ၦၤပၢၤလီၢ်ဆ့ၣ်နီၤ သုးခိၣ်ကျၢၢ်စိ ယွဲၣ်စ့ၣ် စံးလီၤ၀ဲဒ်အံၤန့ၣ်လီၤႉ “သုးမီၤစိရိၤပၢတၢ်အတီၢ်ပူၤ ခီဖျိသုးဒီးပၢၤကီၢ်သုးတဖၣ်သူ၀ဲဒၣ်တၢ်စုဆူၣ်ခီၣ်တကးခးသံ၀ဲထံဖိကီၢ်ဖိ ကမျၢၢ်တဖၣ်အဃိ ကမျၢၢ်ထံဖိကီၢ်ဖိ ၈၀၀ ဘျဲၣ်ဘၣ်သံ၀ဲဒၣ်ဒီး အဂၤ ၅ႇ၀၀၀ ဘျဲၣ် တၢ်ဖီၣ်ဟံးဂ့ၢ်၀ီအ၀ဲသ့ၣ်န့ၣ်လီၤႉ ကပတုာ်ကွံာ်ကယဲၢ်မ့ၢ်တၢ်စုဆူၣ်ခီၣ်တကးတၢ်ဖံးတၢ်မၤခဲလၢာ်လၢ ထံဂုၤကီၢ်ဂၤဒီးကီၢ်ပူၤတၢ်ကရၢကရိဃ့ထီၣ်၀ဲအံၤ သုးမီၤစိရိၤကွၢ်ကပာ်ကွံာ်ဒီးတပာ်သ့ၣ်ညါသးဘၣ်”အဂ့ၢ်န့ၣ် သုးခိၣ်ကျၢၢ်စိ ယွဲၣ်စ့ၣ် စံး၀ဲန့ၣ်လီၤႉ သုးမီၤစိရိၤပၢဆှၢတၢ်လၢအတဖိးသဲစးအတီၢ်ပူၤ ထံရူၢ်ကီၢ်သဲးႇ တၢ်မုာ်တၢ်ခုၣ်ႇ ပၢပြးႇ မုၢ်ကျိၤ၀ဲၤကွာ်ႇတၢ်ဆါတၢ်ၦ့ၤႇကျိၣ်စ့ႇတၢ်ကူၣ်ဘၣ်ကူၣ်သ့ႇၦၤဂ့ၢ်၀ီႇတၢ်ဘံၣ်တၢ်ဘၢႇသဲစးတၢ်ဒိၣ်စိ ဒီး အသနၢၣ်လၢအဂၤတဖၣ်လီၤထုးကွံာ်၀ဲခီဖျိလၢ သုးမီၤစိရိၤ ပၢဆှၢရဲၣ်ကျဲၤတၢ်အကျိၤအကျဲတဘၣ်ဘၣ်အဃိလီၤအဂ့ၢ်န့ၣ် သုးခိၣ်ကျၢၢ်စိ ယွဲၣ်စ့ၣ် စံးအါထီၣ်၀ဲန့ၣ်လီၤႉ လၢန့ၣ်အမဲာ်ညါ တကီၢ်ခါထံရူၢ်ကီၢ်သဲးတၢ်ဃံးတၢ်စ့ၤအံၤ ခီဖျိသုးမီၤစိရိၤဘှါရှဲ၀ဲဒၣ်လၢ...
KNU သုးက့(၅)ဟီၣ်က၀ီၤအပူၤ လါမ့ၤအတီၢ်ပူၤတၢ်ဒုးကဲထီၣ်အဘျီတကယၤဘျဲၣ်ဒီး သုးမီၤစိရိၤအၦၤသံ ၂၀၀ ဃၣ်ဃၣ်
လါမ့ၤ ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ခီဖျိပယီၤသုးမီၤစိရိၤအသုးဒီး သုးခိးကီၢ်ဆၢ (BGF)သုးပာ်ဖှိၣ်တဖၣ်မၤအါထီၣ်သုးဂံၢ်ဘါအဃိ လၢကညီဒီကလုာ်စၢဖှိၣ်ကရၢ -KNU သုးက့(၅)ဟီၣ်က၀ီၤအပူၤ တၢ်ဒုးဟဲဆူၣ်ထီၣ်၀ဲဒီး လၢလါမ့ၤအတီၢ်ပူၤ တၢ်ဒုးကဲထီၣ်အိၣ်၀ဲအဘျီတကယၤဘျဲၣ်အဂ့ၢ်န့ၣ် KNU တကပၤ စံး၀ဲန့ၣ်လီၤႉ စးထီၣ်ဖဲလါမ့ၤထီၣ်သီန့ၣ် ခီဖျိသုးမီၤစိရိၤအသုးဒီး BGF သုးပာ်ဖှိၣ်တဖၣ် မၤအါထီၣ်၀ဲသုးဂံၢ်ဘါဒီးဟူးဂဲၤအါထီၣ်၀ဲအဃိတၢ်ဒုးဘၣ်ဟဲဆူၣ်ထီၣ်ဒီး တုၤလၢတနံၤအံၤလါမ့ၤ ၂၆ သီအနံၤတစု တၢ်ဒုးကဲထီၣ်အိၣ်၀ဲအဘျီတကယၤဘျဲၣ်ဒီး သုးမီၤစိရိၤအၦၤသံအိၣ်၀ဲဒၣ်လၢအကယၤအဂ့ၢ်န့ၣ် KNU သုးက့(၅)ၦၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံး၀ဲဒ်အံၤန့ၣ်လီၤႉ “လၢသုးက့(၅)အပူၤန့ၣ် ခီဖျိပယီၤသုးဆှၢထီၣ်သုးဂံၢ်ဘါဃုာ်ဒီး BGF အဃိ တၢ်ဒုးတၢ်ယၤန့ၣ်တလီၤပတြုာ်သးဘၣ်မီၤနီၤႉ တၢ်ဒုးဆူၣ်ထီၣ်တဆဲးတဆဲးအဃိန့ၣ် တၢ်ခးလိာ်သးန့ၣ်အိၣ်လၢကိးမုၢ်နံၤဒဲးဃၣ်ဃၣ်ညါလီၤႉ စးထီၣ်ဖဲလါမ့ၤထီၣ်တုၤလၢတနံၤအံၤန့ၣ် တၢ်ဒုးကဲထီၣ်အိၣ်၀ဲ ၁၉၃ ဘျီလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်=ကညီတၢ်ကစီၣ်၀ဲၤလီၢ်ခိၣ်သ့ၣ်န့ၣ်လီၤႉ လၢန့ၣ်အမဲာ်ညါ တၢ်ဒုးကဲထီၣ်အဘျီတကယၤဘျဲၣ်အပူၤန့ၣ် သုးမီၤစိရိၤအၦၤသံ၀ဲ ၁၂၈ ဂၤဒီး ဘၣ်ဒိ၀ဲဒၣ် ၁၈၀ ဂၤအသိး ပယီၤသုးအကသ့ၣ်သံ၀ဲခဲလၢာ် ၁၂ ဒုဒီး သိလ့ၣ်ဟးဂီၤ၀ဲဒၣ် ၉ ခိၣ်အဂ့ၢ်န့ၣ်...
ကီၢ်စဲၣ်သုးကီၣ်ကးဆီၣ်ထွဲဟုသးဆူကညီဖီၣ်စုက၀ဲၤကရူၢ် ၂ ဒူၣ်
လါမ့ၤ ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် သုးကီၣ်ကးဟ့ၣ်လီၤဆီၣ်ထွဲ၀ဲဟုသးဆူကညီဖီၣ်စုက၀ဲၤကရူၢ် ၂ ဒူၣ်လၢအမ့ၢ် တၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် -DKBA ဒီး ကညီတၢ်မုာ်တၢ်ခုၣ်ကီၣ်ကး KNU/KNLA(PC) တဖၣ်အဂီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ တၢ်ဟ့ၣ်လီၤမၤစၢၤဟုသးတၢ်ဆီၣ်ထွဲအံၤ တၢ်ဟ့ၣ်လီၤမၤ၀ဲဒၣ်ဖဲ(လါမ့ၤ ၂၂)သီ ကီၢ်စဲၣ်သုးကီၣ်ကးရူ တၢ်အိၣ်ဖှိၣ်ဘျီၣ်အပူၤဒီး တၢ်ရ့လိာ်မုာ်လိာ်၀ဲၤဒၢးၦၤဘၣ်မူဘၣ်ဒါလၢအဘၣ်ထွဲတဖၣ် လဲၤထီၣ်ဟံးန့ၢ်၀ဲဒၣ်န့ၣ်လီၤႉ တၢ်မၤစၢၤဆီၣ်ထွဲဟ့ၣ်လီၤ၀ဲဒၣ် DKBA ဟုသးအထၢၣ်(၅၀၀)ဒီး KNU/KNLA(PC) ဟုသးအထၢၣ်(၄၅၀)အဂ့ၢ်န့ၣ် ကီၢ်စဲၣ်သုးကီၣ်ကးတၢ်ဘိးဘၣ်ရၤလီၤဒီး တၢ်ဒီတဒၢကမျၢၢ်ကိတိာ်၀ဲၤကျိၤထုးထီၣ်ပာ်ဖျါတၢ်ကစီၣ်အသိး သ့ၣ်ညါဘၣ်န့ၣ်လီၤႉ ဘၣ်ထွဲဒီးတၢ်ဆီၣ်ထွဲမၤစၢၤ၀ဲဟုသးတၢ်ဂ့ၢ်အံၤ KNU/KNLA(PC) နဲၣ်ရွဲၣ်သဃဲၤ(၁)စီၤကၠီၤညိၣ် စံး၀ဲလၢ “တၢ်တခါအံၤ မၤ၀ဲလၢညါလံၤလံၤလံမီၤနီၤ တမ့ၢ်လၢခဲအံၤဘၣ်ႉ ဒ်သိးပသ့ၣ်ညါဘၣ်န့ၣ် ဟုသးအထၢၣ် ၁၀၀ ဘျဲၣ်လီၤႉ တမ့ၢ်ဆီၣ်ထွဲမၤစၢၤကျိၣ်စ့ဘၣ်ႉ မၤစၢၤ၀ဲဒၣ်တနံၣ်တဘျီခံဘျီအိၣ်စ့ၢ်မီၤႉ တမ့ၢ်လၢကိးဘျီဒဲးဘၣ်” အဂ့ၢ်န့ၣ် စံးဘၣ်ခ့ၣ်အဲးစံၣ်=ကညီတၢ်ကစီၣ်၀ဲၤလီၢ်ခိၣ်သ့ၣ်န့ၣ်လီၤႉ လၢန့ၣ်အမဲာ်ညါ တၢ်ဆီၣ်ထွဲမၤစၢၤတဖၣ်အံၤ လၢပဒိၣ်အစိၤဘၣ်အစိၤ လၢတၢ်မုာ်တၢ်ခုၣ်ကရူၢ်တဖၣ်အဂီၢ် ကီၢ်ဆၢဂ့ၢ်၀ီကိတိာ်၀ဲၤကျိၤ ပာ်လီၤ၀ဲဒၣ်(ဘးကၠဲၤ)တဖၣ်ဒီး ကိးနံၣ်ဒဲးတၢ်ဆီၣ်ထွဲမၤစၢၤအိၣ်၀ဲလီၤအဂ့ၢ်န့ၣ် ကီၢ်စဲၣ်သုးကီၣ်ကးတၢ်ဘိးဘၣ်ရၤလီၤဒီး တၢ်ဒီတဒၢကမျၢၢ်ကိတိာ်၀ဲၤကျိၤထုးထီၣ်ပာ်ဖျါတၢ်ကစီၣ်အသိး သ့ၣ်ညါဘၣ်န့ၣ်လီၤႉ တၢ်ဟ့ၣ်လီၤဆီၣ်ထွဲဟုသးတၢ်ရဲၣ်တၢ်ကျဲၤအပူၤ ကီၢ်စဲၣ်သုးကီၣ်ကး ၦၤပၢၤလီၢ်ဆ့ၣ်နီၤ စီၤမၠ့ၣ်အူႇ...
မၠၣ်၀တံၣ်၀့ၢ်ပူၤ တၢ်ဆဲးလီၤကၠိဖိမံၤတၢတသီ ၦၤဟဲဆဲးလီၤကၠိဖိမံၤစှၤ၀ဲ
လါမ့ၤ ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ စးထီၣ်ဖဲမဟါ(လါမ့ၤ ၂၄)သီအနံၤ ၂၀၂၁=၂၀၂၂ နံၣ်တၢ်သိၣ်လိနံၣ်အဂီၢ်် တၢ်စးထီၣ်ဆဲးလီၤ၀ဲဒၣ်ကၠိဖိအမံၤလံဒီး ဖဲမဟါတၢ်စးထီၣ်ဆဲးလီၤကၠိဖိအမံၤတၢတသီန့ၣ် ၦၤဟဲဆဲးလီၤကၠိဖိမံၤအနီၣ်ဂံၢ်စှၤန့ၢ်အပူၤကွံာ်နံၣ်ဒံးအဂ့ၢ်န့ၣ် သ့ၣ်ညါဘၣ်န့ၣ်လီၤႉ သုးမီၤစိရိၤတိာ်ဃာ်၀ဲလၢကီၢ်ပယီၤဒီတဘ့ၣ်အပူၤ ကက့ၤအိးထီၣ်ကဒါကၠိ ဖဲလါယူၤ ၁ သီအနံၤဒီး မ့မ့ၢ်တၢ်တူၢ်လိာ်ကၠိဖိအမံၤန့ၣ်ပာ်ပနီၣ်၀ဲစးထီၣ် ဖဲလါမ့ၤ ၂၄ သီ တုၤလၢ လါမ့ၤ ၃၁ သီအနံၤန့ၣ်လီၤႉ ဒ်တၢ်ပာ်ပနီၣ်ဃာ်၀ဲအသိး မၠၣ်၀တံၣ်ကီၢ်ဆၣ်အပူၤ တၢ်စးထီၣ်ဆဲးလီၤကၠိဖိမံၤလံဒီး အပူၤကွံာ်တၢ် သိၣ်လိနံၣ်တဖၣ် ကၠိဖိနီၣ်ဂံၢ် ၂ ကထိဘျဲၣ်ဃၣ်ဃၣ်လၢအလဲၤမၤလိတၢ်လၢ နီၣ်ဂံၢ်(၃)က၀ီၤဒ့ အထက(၂)ကၠိအံၤဒီး အထက အဒ့(၃)ကၠိတဖၣ် ဖဲမဟါ(လါမ့ၤ ၂၄)သီတၢ်ဆဲးလီၤကၠိဖိအမံၤတၢတသီအနံၤ တၢ်ဟဲဆဲးလီၤကၠိဖိမံၤအိၣ်ထဲအဆံလီၤအဂ့ၢ်န့ၣ် အထက(၂)သရၣ်ကၠိခိၣ် အူမိကၠီၤ စံး၀ဲန့ၣ်လီၤႉ တနံၣ်ညါအံၤ ခီဖျိထံကီၢ်တၢ်အိၣ်သးတဂၢၢ်တကျၢၤဘၣ်အဃိ ကၠိဖိမိၢ်ပၢ်တဖၣ်တၢ်ဘၣ်ယိၣ်ဘၣ်ဘှီအိၣ်၀ဲဒၣ်ဒီး ဒ်သိးတၢ်ဘၣ်ယိၣ်ဘၣ်ဘှီသုတအိၣ်တဂ့ၤအဂီၢ် တၢ်ပာ်လီၤတၢ်ဘံၣ်တၢ်ဘၢလၢကၠိပူၤဃံာ်ဃီၣ်ဒီၣ်အသိး လၢတၢ်ကဒီတဒၢဆိဃာ်ခိ၀ံၣ်တၢ်ဆါတၢ်ရဲၣ်တၢ်ကျဲၤအဂီၢ်စ့ၢ်ကီး တၢ်မၤဃာ်၀ဲဒၣ်အဂ့ၢ်န့ၣ် အထက(၂)သရၣ်ကၠိခိၣ် အူမိကၠီၤ စံးအါထီၣ်၀ဲန့ၣ်လီၤႉ မၠၣ်၀တံၣ်၀့ၢ်ပူၤကၠိတဖၣ်အပူၤ ပၢပြးကရူၢ်တဖၣ်အမဲာ်ညါ သုးမီၤစိရိၤသုးဒီးပၢၤကီၢ်သုးတဖၣ် ပာ်လီၤ၀ဲ တၢ်ဘံၣ်တၢ်ဘၢလၢက၀ီၤဒ့စုာ်စုာ်အပူၤအိၣ်၀ဲဘၣ်ဆၣ် ဒ်တကီၢ်ခါထံရူၢ်ကီၢ်သဲးတၢ်အိၣ်သးအသိး ကၠိဖိမိၢ်ပၢ်တဖၣ်ဘၣ်ယိၣ်၀ဲလၢတၢ်ကကဲထီၣ်သးတမံၤမံၤန့ၣ်လီၤႉ “တၢ်အိၣ်သးဆၢကတီၢ်ခဲအံၤ...
ၦၤဂ့ၢ်၀ီကရၢဖိတဂၤလၢပယီၤသုးမီၤစိရိၤဖီၣ်ဃာ်၀ဲအံၤ မ့ၢ်တပျၢ်လီၤက့ၤဘၣ်န့ၣ် ကက့ၤခီၣ်ဆၢကဒါတဲာ်တဲာ်ဖျုဖျုအဂ့ၢ် ထုးထီၣ်ပာ်ဖျါ
လါမ့ၤ ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ်(သုးက့ ၃)လၢၢ်ဒိၣ်ကီၢ်ဆၣ်အပူၤ ဘၣ်ထွဲဒီးသုးမီၤစိရိၤဟဲဖီၣ်၀ဲလီၢ်က၀ီၤကညီၦၤဂ့ၢ်၀ီကရၢဖိနီၢ်အ့ကၠၤတၢ်ဂ့ၢ်အံၤ တၢ်မ့တပျၢ်လီၤဘၣ်န့ၣ် ကဖီၣ်လိာ်စုဒီးကမျၢၢ်ဒီးကက့ၤခီၣ်ဆၢကဒါ၀ဲတဲာ်တဲာ်ဖျုဖျုလီၤအဂ့ၢ်န့ၣ် လီၢ်က၀ီၤကညီၦၤဂ့ၢ်၀ီတၢ်ကရၢကရိ ထုးထီၣ်ပာ်ဖျါ၀ဲဖဲ(လါမ့ၤ ၂၄)သီအနံၤန့ၣ်လီၤႉ လီၢ်က၀ီၤကညီၦၤဂ့ၢ်၀ီကရၢဖိ နီၢ်အ့ကၠၤအံၤ ဖဲ(လါမ့ၤ ၂၄)သီ ဂီၤခီ ၄ နၣ်ရံၣ်တခီအဆၢကတီၢ် ခီဖျိသုးမီၤစိရိၤအသုး ခလရ(၆၀)အသုးဟဲနုာ်လီၤဖီၣ်အီၤဖဲလၢၢ်ဒိၣ်ကီၢ်ဆၣ် ပိၤလိးနိၣ်ဖိသ၀ီလၢအဟံၣ်ပူၤအဃိ ဒ်သိးတၢ်ကက့ၤပျၢ်လီၤကဒါလၢအဆိအချ့အဂီၢ် လီၢ်က၀ီၤကညီၦၤဂ့ၢ်၀ီတၢ်ကရၢကရိ ထုးထီၣ်ပာ်ဖျါဒီးဃ့ထီၣ်၀ဲန့ၣ်လီၤႉ “ဘၣ်မနုၤအဃိဟဲဖီၣ်၀ဲလဲၣ်န့ၣ် ပတသ့ၣ်ညါစ့ၢ်ကီးဘၣ်ႉ မ့ၢ်ဟးဖီၣ်၀ဲလၢ(CDM)ဖိဒုတမၠိမီၤနီၤႉ ခဲအံၤဟး ဖီၣ်၀ဲဒၣ်ကညီၦၤဂ့ၢ်၀ီၦၤမၤတၢ်ဖိတဖၣ်အဃိ တၢ်ဂ့ၢ်ကီလၢကဟဲပိာ်ထွဲထီၣ်အခံန့ၣ် ကဟဲဒိၣ်ထီၣ်သ့၀ဲလီၤႉ မ့ၢ်တပျၢ်လီၤက့ၤ၀ဲဘၣ်န့ၣ် ကအိၣ်၀ဲဒ်ပထုးထီၣ်ပာ်ဖျါလံာ်တၢ်ပာ်သးပူၤအသိးလီၤ”အဂ့ၢ်န့ၣ် လီၢ်က၀ီၤ ကညီၦၤဂ့ၢ်၀ီကရၢဖိတဂၤ စံး၀ဲန့ၣ်လီၤႉ သုးမီၤစိရိၤဖီၣ်ဒုးဃာ်၀ဲဒၣ်နီၢ်အ့ကၠၤလၢအတဖိးသဲစးဒ်အံၤန့ၣ် ပဲာ်အၢပဲာ်သီ၀ဲတဲာ်တဲာ်ဖျုဖျုအသိး ဒ်သိး တၢ်ကပျၢ်လီၤကွံာ်အီၤလၢအဆိအချ့အဂီၢ် မ့ၢ်တၢ်ဟ့ၣ်ဒုးသ့ၣ်ညါၦၤဘၣ်မူဘၣ်ဒါလၢအဘၣ်ထွဲတဖၣ်လီၤအဂ့ၢ်န့ၣ် လီၢ်က၀ီၤကညီၦၤဂ့ၢ်၀ီကရူၢ်လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ ခ့ၣ်အဲၣ်ယူၣ် လၢၢ်ဒိၣ်ကီၢ်ဆၣ်အပူၤ လီၢ်က၀ီၤၦၤဂ့ၢ်၀ီတၢ်ကရၢကရိအံၤ မ့ၢ်တၢ်ကရၢကရိလၢ လီၢ်က၀ီၤပူၤတၢ်လိၣ်ဘၣ်တဖၣ်ဒီး လီၢ်က၀ီၤကမျၢၢ်ထံဖိကီၢ်ဖိအမုၢ်ကျိၤ၀ဲၤကွာ်တၢ်မၤအကျဲတဖၣ် ဟံးထီၣ်ဖီၣ်ထီၣ်မၤ၀ဲဒ်ခ့ၣ်အဲၣ်ယူၣ်တၢ်နဲၣ်ကျဲအသိးအဂ့ၢ်န့ၣ် သ့ၣ်ညါဘၣ်န့ၣ်လီၤႉ လၢန့ၣ်အမဲာ်ညါ ခလရ(၆၀)သုးရ့ၣ်ဒီးအစုဒုၣ်တီၤအဖီလာ်သုးကလၢၤလၢအလဲၤဖီၣ်၀ဲနီၢ်အ့ကၠၤအံၤ လၢခ့ၣ်အဲၣ်ယူၣ် လၢၢ်ဒိၣ်ကီၢ်ဆၣ်အပူၤ ပာ်လီၤ၀ဲဒၣ်တြဲၤလၢကမျၢၢ်လ့ၢ်လိၤဟးထီၣ်ကျဲမုၢ်ဖးဒိၣ်အပူၤဒီး ခီဖျိသမံသမိး၀ဲဒၣ်ကမျၢၢ်ထံဖိကီၢ်ဖိလၢအဟးထီၣ်က့ၤလီၤတဖၣ်အဃိ ခ့ၣ်အဲၣ်ယူၣ် လၢၢ်ဒိၣ်ကီၢ်ဆၣ်တကပၤ လ့ၤတက့ၤတတူၢ်လိာ်၀ဲဘၣ်အဂ့ၢ်န့ၣ်...
သၣ်တီၣ်ကၠံအပူၤ ဂံၢ်ခီၣ်ထံးကူၣ်သ့ၦၤမၤတၢ်ဖိ ၈၅၁ ဂၤ တၢ်ဆိကတီၢ်ကွံာ်အမူဒါ
လါမ့ၤ ၂၁ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇသၣ်တီၣ်ကၠံကီၢ်ဆၣ်အပူၤ တၢ်ဆိကတီၢ်ကွံာ်၀ဲဂံၢ်ခီၣ်ထံးကၠိၦၤမၤတၢ်ဖိ ၈၅၁ ဂၤလၢအမူဒါပူၤ အဂ့ၢ်န့ၣ် ကူၣ်သ့ၦၤတ၀ၢလၢအအိၣ်လၢကီၢ်ဆၣ်အပူၤတဖၣ် စံး၀ဲန့ၣ်လီၤႉ “ပထံၣ်လၢတၢ်ထုးထီၣ်လၢလံာ်ပူၤန့ၣ် သၣ်တီၣ်ကၠံ၀့ၢ်ဒီတဖျၢၣ်အပူၤ ကူၣ်သ့တကပၤန့ၣ်အိၣ်၀ဲဒၣ် ၈၅၁ ဂၤလီၤ”အဂ့ၢ်န့ၣ် ၦၤလၢအအိၣ်လၢကူၣ်သ့ၦၤတ၀ၢပူၤလၢတအဲၣ်ဒိးပာ်ဖျါအမံၤတဂၤ စံး၀ဲန့ၣ်လီၤႉ တၢ်ဆိကတီၢ်ကွံာ်မူဒါတစိၢ်တလီၢ်အံၤ ခီဖျိကူၣ်သ့ၦၤမၤတၢ်ဖိတဖၣ် ခီပတာ်၀ဲဒၣ်ခွဲးတၢ်သိၣ်တၢ်သီဒီး တဟဲလီၤမူဒါလၢခွဲးတအိၣ်ႇဟ့ၣ်ထီၣ်တၢ်ဂ့ၢ်လၢလၢၦဲၤၦဲၤတအိၣ်ဘၣ်ဒီး မ့ၢ်ၦၤသ့ၣ်တဖၣ်လၢ အတမၤၦဲၤမူဒါဘၣ်အဂ့ၢ်န့ၣ် လံာ်လၢတၢ်ဆိကတီၢ်ကွံာ်မူဒါအပူၤ ပာ်ဖျါ၀ဲန့ၣ်လီၤႉ ဂံၢ်ခီၣ်ထံးကူၣ်သ့ၦၤမၤတၢ်ဖိလၢတၢ်ဆိကတီၢ်ကွံာ်အီၤလၢမူဒါအပူၤတဖၣ်အကျါ ပၣ်ဃုာ်၀ဲဒၣ်ဒီး သရၣ်/သရၣ်မုၣ်လၢအသိၣ်လိတၢ်တဖၣ်အမဲာ်ညါ ပၣ်ဃုာ်စ့ၢ်ကီးဒီး ၦၤနီသိလ့ၣ်ဖိလၢအပၣ်ဃုာ်လၢကၠိတၢ်ပၢဆှၢရဲၣ်ကျဲၤတကပၤတဖၣ်ႇၦၤအိၣ်ခိးကၠိတဖၣ် ဒီး ၀ဲၤဒၢးၦၤမၤတၢ်ဖိတဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဘၣ်ထွဲဒီးတၢ်ဆိကတီၢ်ကွံာ်ကူၣ်သ့ၦၤမၤတၢ်ဖိမူဒါတစိၢ်တလီၢ်ဒ်အံၤ မ့ၢ်အနုာ်လီၤပၣ် ဃုာ်လၢ(CDM)တၢ်ဟူးတၢ်ဂဲၤအပူၤမ့ၢ်တမ့ၢ်န့ၣ် ခ့ၣ်အဲးစံၣ်=ကညီတၢ်ကစီၣ်၀ဲၤလီၢ်ခိၣ်သ့ၣ် ပာ်ဂၢၢ်ပာ်ကျၢၤလီၤလီၤဆီဆီတအိၣ်ဒံး၀ဲဘၣ်န့ၣ်လီၤႉ တကီၢ်ခါခဲအံၤ တၢ်ရဲၣ်ကျဲၤဃာ်၀ဲလၢ လါလၢကဟဲလါယူၤထီၣ်သီအကတီၢ်ပူၤ တၢ်ကက့ၤအိးထီၣ်ကဒါတဘျီဃီအဂ့ၢ်န့ၣ် သ့ၣ်ညါဘၣ်န့ၣ်လီၤႉ