မံၣ်ဒံၣ်ယၢၣ်လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ ဒီး ပှၤမၤတၢ်ကစီၣ်ဖိလၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ တၢ်တီခိၣ်ရိၣ်မဲ
မံၣ်ဒံၣ်ယၢၣ်လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ ဒီး ပှၤမၤတၢ်ကစီၣ်ဖိလၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ တၢ်တီခိၣ်ရိၣ်မဲ (စိၣ်မံၣ်ယၣ်ကၠီၣ်) (၉-၁-၂၀၂၅) -(IT) တၢ်ကစီၣ်တၢ်သ့တၢ်ဘၣ်ဂုၤထီၣ်ပသီထီၣ်ချ့သဒံးတပယူၥ်ဃီ -ပှၤကိးဂၤဒဲးသူ၀ဲလီတဲစိဒီးအ့ထနဲးတၢ်ဆဲးကျိးဆဲးကျၢ -ထံဒိၣ်ကီၢ်လဲၢ်တနီၤ,ပဒိၣ်ဒီးသုးဂ့ၢ်၀ီ၀ဲၤကျိၤတဖၣ်မ့ၢ်ဂ့ၤ, ပၥ်ခူသူၣ်ပၥ်ကဒၢဃၥ်၀ဲတၢ်ဂ့ၢ်တခါဒီး ဒုးအိၣ်ထီၣ်၀ဲတၢ်ကစီၣ် အယီၤအဘျၣ်ဒီးတၢ်ကစီၣ်အကမၣ်လၢတၢ်ဃါဃုၥ်ဒုးအိၣ်ထီၣ်၀ဲတဖၣ် -ပှၤကိးဂၤဒဲး ဒုးအိၣ်ထီၣ်ဒုးကဲထီၣ်တၢ်ကစီၣ်အဂ့ၢ်အကျိၤသ့၀ဲအကလုၥ်ကလုၥ်လၢတဂၤဒၣ်၀ဲလၢလီတဲစိပူၤသ့ဒီး ရၤလီၤ၀ဲဒၣ်ဆူစိၣ်ရှၢၣ်မံၣ်ဒံၣ်ယၢၣ်ပူၤတဆီအံၤသ့၀ဲ -လၢပကဖီၣ်ဂၢၢ်ဃၥ်၀ဲတၢ်ဂ့ၢ်(၄)ထံၣ်အံၤအဂီၢ်တမ့ၢ်တၢ်လၢအညီ၀ဲဘၣ်. တၢ်ကစီၣ်လၢအယီၤအဘျၣ်-တၢ်ကစီၣ်အကမၣ် သ့ၣ်တဖၣ်န့ၣ် ဟံန့ၢ်၀ဲခီၣ်တဃၥ်(၄)ထံၣ်လၢအိၣ်ဖျါတၢ်ဖီခိၣ်အံၤဒီး လၢစဲးကးအတီၢ်ပူၤရၤလီၤအသးချ့သဒံးဆူ ဟီၣ်ခိၣ်ဒီတဘ့ၣ် အပူၤန့ၣ်လီၤ. -တၢ်လၢတၢ်ကစီၣ်အယီၤအဘျၣ်,အကမၣ်အတၢ်လီၤဘၣ်ယိၣ်အံၤ ပဒိၣ်ဒီးပှၤဘၣ်မူဘၣ်ဒါဘၣ်ထွဲတဖၣ် ပၢၤဃၥ်၀ဲခီဖျိလၢ တၢ်သ့တၢ်ဘၣ်, တၢ်သိၣ်တၢ်သီတၢ်ဘျၢကန့ၢ်အဂီၢ်န့ၣ် ဂုၥ်ကျဲးစၢး၀ဲလၢကျဲအကပၤကပၤန့ၣ်လီၤ. ဘၣ်ဆၣ်လၢတၢ်ကဖီၣ်ဂၢၢ်ဃၥ်၀ဲ ဘၣ်ဃးတၢ်ဒုးအိၣ်ထီၣ်တၢ်ကစီၣ်တၢ်ဂ့ၢ်တၢ်ကျိၤညီညီကဒၣ်ချ့သဒံးဒီး လၢစဲးကးအတီၢ်ပူၤရၤလီၤအသးဆူပှၤအါဂၤအအိၣ်ခီန့ၣ် ကဲ၀ဲဒၣ်တၢ်တၤတၢ်ဖးဒိၣ်ညါဒံးန့ၣ်လီၤ. -လၢတၢ်အိၣ်သးနီၢ်နီၢ်အပူၤစ့ၢ်ကီး ဒ်သိးတၢ်ကဒုးအိၣ်ထီၣ်တၢ်ကစီၣ်အယီၤအဘျၣ်,တၢ်ကစီၣ်လၢအကမၣ်အံၤအဂီၢ်န့ၣ် တၢ်အိၣ်သးတၢ်ဂ့ၢ်တၢ်ကျိၤအကလုၥ်ကလုၥ်စ့ၢ်ကီး——-လီၤ. နကဒုးအိၣ်ထီၣ် ခိၣ်ဃၢၤန့ဆၢၣ်တၢ်ဘၣ်ယိၣ်လၢအဟဲတုၤအိၣ် ပှၤသ့လၢအတရ့တၢ်ဆၢကတီၢ်ဘၣ်အံၤဘၣ်ဧါ,လၢမုၢ်ကျိၤ၀ဲၤကွၥ်တကပၤစ့ၢ်ကီး နကဒုးအိၣ်ထီၣ်လၢသိအလုၢ်အပှ့ၤဧါ, နကဒုးအိၣ်ထထီၣ်ဘၣ်ဃးတၢ်ဆါဘၣ်ကူဘၣ်ဂၥ်တခါခါဧါ,နကဒုးအိၣ်ထီၣ်ဘၣ်ဃးဒုးယၤဂ့ၢ်၀ီဧါ. လၢမုၢ်ကျိၤ၀ဲၤကွၥ်တကပၤစ့ၢ်ကီးနကဒုးအိၣ်ထီၣ်ဒ်သိအလုၢ်အပှ့ၤဧါ, တၢ်သ့ၣ်တဖၣ်အံၤ နဒုးအိၣ်ထီၣ် ဒ်တၢ်ကွဲးပူတၢ်ဂ့ၢ်တၢ်ကျိၤတခါလၢအအိၣ်ဒီးတၢ်ရဲၣ်လီၤကျဲၤလီၤန့ၣ် နထုးထီၣ်ရၤလီၤအီၤသ့န့ၣ်လီၤ. ခ့ခါဆၢကတီၢ်ခဲအံၤ ပှၤကိးဂၤဒဲးန့ၣ်အိၣ်ဒီးအလီတဲစိသူ၀ဲဒၣ်(စိၣ်ရှၢၣ်မံၣ်ဒံၣ်ယၢၣ်)တခါခါအဃိ တၢ်ဂ့ၢ်တၢ်ကျိၤတခါခါလၢ အကဲထီၣ်သးလၢပမဲၥ်ညါတဖၣ် လၢလံၥ်ကွဲးမ့ၢ်ဂ့ၤ,တၢ်ဂီၤမ့ၢ်ဂ့ၤ,တၢ်ဂီၤမူမ့ၢ်ဂ့ၤန့ၣ် ပဂုၥ်ကျဲးစၢးတီၣ်ထီၣ်၀ဲဒၣ်လီၤတမ့ၢ်ဧါ. ပှၤတနီၤန့ၣ်ကဲထီၣ်သးဒ်သိးတၢ်သးစဲတခါဒ်သိးအသးစဲ၀ဲဒၣ်ကသံၣ်မူၤဘှီးတခါခါအသိးဒီး ပှၤဒ်န့ၣ်သ့ၣ်တဖၣ်အါဒၣ်တက့ၢ် ရၤလီၤ၀ဲဒၣ်တၢ်ကစီၣ်တၢ်ဂ့ၢ်တၢ်ကျိၤလၢတလီၤတံၢ်လီၤဆဲးသ့ၣ်တဖၣ်န့ၣ်လီၤ. -အဃိဒ်သိးတၢ်ကမၤလီၢ်မၢ်ကွံၥ် တၢ်ကစီၣ်အယီၤအဘျၣ်-တၢ်ကစီၣ်ကမၣ်အတၢ်လီၤဘၣ်ယိၣ်သ့ၣ်တဖၣ်အံၤအဂီၢ် မူဒါသ့ၣ်တဖၣ် လီၤတီက့ၤ၀ဲဒၣ်လၢမံၣ်ဒံၣ်ယၢၣ်တၢ်ကစီၣ်သန့လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤသ့ၣ်တဖၣ်အလိၤန့ၣ်လီၤ. ဖဲန့ၣ် ပကဆီၣ်ဖျိးကွံၥ် “တၢ်ကစီၣ်အယီၤအဘျၣ်-တၢ်ကစီၣ်အကမၣ်သ့ၣ်တဖၣ်”လၢတၢ်မနုၤလဲၣ်.မတၤတဖၣ်ကဆီၣ်ဖျိး ကွံၥ်၀ဲလဲၣ်. ကျိၤကျဲလၢနကဆီၣ်ဖျိးထီၣ်ကွံၥ်“တၢ်ကစီၣ်အယီၤအဘျၣ်-တၢ်ကစီၣ်အကမၣ်”အမဲၥ်ညါန့ၣ် နကဘၣ်ဆီၣ်ဖျိးကွံၥ် အီၤလၢ “တၢ်ကစီၣ်တၢ်ဂ့ၢ်တၢ်ကျိၤလၢအမ့ၢ်အတီ”တဖၣ်တပယူၥ်ဃီန့ၣ်လီၤ. ကျိၤကျဲလၢအဂၤတအိၣ်နီခါဘၣ်. -ပှၤလၢအကဆီၣ်ဖျိးကွံၥ်တၢ်န့ၣ်ကမ့ၢ်မတဂၤသ့ၣ်တဖၣ်လဲၣ်. ကမ့ၢ်၀ဲဒၣ် မံၣ်ဒံၣ်ယၢၣ်ပှၤမၤတၢ်ကစီၣ်ဖိလၢအသ့ၣ်ညါမူဒါ- အိၣ်ဒီးသူးသ့ၣ်လၤကပီၤသ့ၣ်တဖၣ်အံၤ...
ကဒုးပျီကွံၥ်သုးမီၤစိရိၤသုးကလၢၤလၢအိၣ်(ပရဲလိၥ်ကျိ)ဟီၣ်ကဝီၤပူၤတဖၣ်အဂီၢ်တၢ်ဒုးအိၣ်ထီၣ်ကဒီးဝဲ(ပရဲလိၥ်ကျိခဲၣ်ဖ့)
လါဖ့ၤဘြူၤအါရံၤ ၁၀ သီ, ၂၀၂၅ နံၣ်, ခ့ၣ်အဲးစံၣ် လၢတၢ်ကဒုးမၤပျီကွံၥ်ဝဲသုးမီၤစိရိၤသုးကလၢၤလၢအိၣ်(ပရဲလိၥ်ကျိ)ဟီၣ်ကဝီၤပူၤသ့ၣ်တဖၣ်အဂီၢ်တၢ်ဒုးအိၣ်ထီၣ်ကဒီးဝဲ(ပရဲလိၥ်ကျိခဲၣ်ဖ့)ဝဲအံၤအဂ့ၢ်သ့ၣ်ညါဘၣ်အသိးတၢ်အိးထီၣ်ဝဲ(ခဲၣ်ဖ့)မူးတၢ်ရဲၣ်တၢ်ကျဲၤအံၤဖဲအပူၤကွံၥ်မဟါလါဖ့ၤဘြူၤအါရံၤ(၈)သီအနံၤအဂ့ၢ်န့ၣ်သ့ၣ်ညါဘၣ်န့ၣ်လီၤ. ဘၣ်ထွဲဒီးတၢ်ဒုးအိၣ်ထီၣ်ဝဲ(ပရဲလိၥ်ကျိခဲၣ်ဖ့)အံၤန့ၣ်မ့ၢ်ဒ်သိးဒီးတၢ်ကဒုးလီၤပှီၢ်ကွံၥ်သုးမီၤစိရိၤသနူအဂီၢ်ဒီးတၢ်ကမၤပျီကွံၥ်ဝဲသုးမီၤစိရိၤသုးကလၢၤလၢအိၣ်(ပရဲလိၥ်ကျိ)ဟီၣ်ကဝီၤပူၤတဖၣ်အဂီၢ်တကးဒံးဘၣ်မ့ၢ်စ့ၢ်ကီးဝဲတၢ်ဒီသဒၢကမျၢၢ်ထံဖိကီၢ်ဖိသ့ၣ်တဖၣ်ကပူၤဖျဲးထီၣ်လၢသုးမီၤစိရိၤအသုးဒုးယၤတၢ်ဟူးတၢ်ဂဲၤတဖၣ်အဂီၢ်အဂ့ၢ်န့ၣ်ပှၤလၢအတီခိၣ်ရိၣ်မဲ(ပရဲလိၥ်ကျိခဲၣ်ဖ့)အပှၤပၢၤလီၢ်ဆ့ၣ်နီၤကမံးတံၥ်(သရၣ်မုၣ်နါကၠံၤအ့စွ့ၤ)စံးဝဲဒ်အံၤန့ၣ်လီၤ. "တၢ်ပညိၣ်န့ၣ်အိၣ်ဝဲ(၃)ထံၣ်မ့ၢ်ဝဲလၢတၢ်ကဒုးလီၤပှီၢ်ကွံၥ်ဝဲသုးကလၢၤလၢအအိၣ်တ့ၢ်လၢပရဲလိၥ်ကျိဟီၣ်ကဝီၤပူၤသ့ၣ်တဖၣ်ဒီးခံထံၣ်တထံၣ်န့ၣ်တၢ်ကမၤဆူၣ်ထီၣ်တၢ်ဒီသဒၢထံဖိကီၢ်ဖိသ့ၣ်တဖၣ်အတၢ်ဘံၣ်တၢ်ဘၢအဂီၢ်လၢတၢ်မၤပျံၤမၤဖုးအကလုၥ်ကလုၥ်လၢအဟဲလၢသုးမီၤစိရိၤအိၣ်တကပၤန့ၣ်လီၤ. သၢထံၣ်တထံၣ်န့ၣ်မ့ၢ်တၢ်ကဒုးလီၤပှီၢ်ကွံၥ်ဝဲသုးမီၤစိရိၤသနူအံၤဒီးကဖီၣ်လိၥ်သးစု,မၤသ ကိးတၢ်ဒီးကလုၥ်ဒူၣ်အဂၤသ့ၣ်တဖၣ်ဒ်သိးပကဒိးန့ၢ်ဘၣ်ဝဲ(ဖဲၣ်ဒရဲၢ်ဒံၣ်မိၤကရ့ၣ်စံၣ်)လၢအမ့ၢ်အတီမီၤနီၤ. " အဂ့ၢ်န့ၣ်စံးဘၣ်ခ့ၣ်အဲး စံၣ်-ကညီတၢ်ကစီၣ်န့ၣ်လီၤ. (ပရဲလိၥ်ကျိခဲၣ်ဖ့)တၢ်ဃုစ့ပၥ်ကီၤအံၤဘၣ်တၢ်တီခိၣ်ရိၣ်မဲအီၤလၢထံကီၢ်အါဘ့ၣ်ပှၤကညီတဝၢခိၣ်နၢ်သ့ၣ်တဖၣ်ဃုၥ်ဒီးကလုၥ်ဒူၣ်ခိၣ်နၢ်သ့ၣ်တဖၣ်ဒီး(ခဲၣ်ဖ့)အံၤတၢ်စးထီၣ်အိးထီၣ်လံဝဲဖဲတလါအံၤလါဖ့ၤဘြူၤအါရံၤ(၃)သီအနံၤဒီးကတုၤလီၤဝဲလၢလါမးၡး(၃၁) သီအနံၤ,လၢ(၂)လါအတီၢ်ပူၤဃၣ်ဃၣ်န့ၣ်လီၤ. မ့မ့ၢ်လၢ(ခဲၣ်ဖ့)တဘျီညါအံၤန့ၣ်တၢ်တိၥ်ပၥ်ပနီၣ်စ့ယိၤခဲလၢၥ်(၃)ကကွဲၢ်ဘးအဂ့ၢ် သ့ၣ်ညါဘၣ်န့ၣ်လီၤ. ဒ်န့ၣ်အသိးတၢ်ဆီၣ်ထွဲမၤစၢၤလၢတၢ်မ့ၢ်ဒိးန့ၢ်ဘၣ်ဝဲလၢ(ပရဲလိၥ်ကျိခဲၣ်ဖ့)တဘျီညါအံၤအပူၤန့ၣ်တၢ်ကက့ၤသူဝဲလၢတၢ်ကဒုးလီၤပှီၢ်ကွံၥ်ဝဲသုးမီၤစိရိၤသုးကလၢၤလၢအအိၣ်တ့ၢ်သ့ၣ်တဖၣ်ဒီးတၢ်လိၣ်လၢတၢ်ဖံးတၢ်မၤ,တၢ်ရဲၣ်တၢ်ကျဲၤကကဲထီၣ်လိၣ်ထီၣ်အဂီၢ်သ့ၣ်တဖၣ်အဂ့ၢ်န့ၣ်(ခဲၣ်ဖ့)ပှၤပၢၤလီၢ်ဆ့ၣ်နီၤကမံးတံၥ်သရၣ်မုၣ်နါကၠံၤအ့စွ့ၤစံးအါထီၣ်ဝဲဒၣ်စ့ၢ်ကီးန့ၣ်လီၤ. လၢန့ၣ်အမဲၥ်ညါလၢတၢ်ဒုးအိၣ်ထီၣ်ဝဲ(ပရဲလိၥ်ကျိခဲၣ်ဖ့)အဝဲအံၤန့ၣ်ကကဲထီၣ်စ့ၢ်ကီးဝဲဒၣ်တၢ်မၤစှၤလီၤဝဲပယီၤသုးကီၣ်ကး(အီၣ်စ့ၣ်ယး)သုးကျိၤလၢအဟဲထီၣ်သ့ၣ်တဖၣ်အံၤအဃိကမျၢၢ်ထံဖိကီၢ်ဖိသ့ၣ်တဖၣ်ခဲလၢၥ်ကဆီၣ်ထွဲဘၣ်ဝဲ(ခဲၣ်ဖ့)တဘျီအံၤဃူဃူဖိးဖိးအဂ့ၢ်(ခိၤဘြၤ)သုးကျိၤ-၁ သုးကျိၤခိၣ်, သုးခိၣ်စီၤကီၢ် ဆီၣ်တခူထီၣ်ဝဲဒၣ်စ့ၢ်ကီးန့ၣ်လီၤ. ဒ်န့ၣ်အသိးအပူၤနံၣ်(၂၀၂၄)အနံၣ်အတီၢ်ပူၤန့ၣ်တၢ်ဒုးအိၣ်ထီၣ်တ့ၢ်ဝဲ(သီသံၣ်ခိၣ်ခဲၣ်ဖ့),(တီနီၢ်ခဲၣ်ဖ့)သ့ၣ်တဖၣ်အိၣ်ဝဲအသိးဖဲတၢ်ဒုးအိၣ်ထီၣ်(တီနီၢ်ခဲၣ်ဖ့)လၢတၢ်ကဒုးလီၤပှီၢ်ကွံၥ်ဝဲသုးကီၣ်ကး(အီၣ်စ့ၣ်ယး)ထံကီၢ်ပတီၢ်သုးကျိၤအံၤအဂီၢ်ဒ်တၢ်တိၥ်ပၥ်ပနီၣ်ဝဲစ့ပၥ်ကီၤစ့ယိၤအကကွဲၢ်(၂၀)တပှဲၤထီၣ်ဘးဘၣ်ဘၣ်ဆၣ်ပစံးသ့လၢ(ခဲၣ်ဖ့)အံၤအသူးအသၣ်ဟဲအိၣ်ဖျါထီၣ်ဝဲဒၣ်အဂ့ၢ်န့ၣ်သ့ၣ်ညါဘၣ်လၢ(ခဲၣ်ဖ့)ကမံးတံၥ်အပှၤဘၣ်မူဘၣ်ဒါအအိၣ်န့ၣ်လီၤ.
ကဘီယူၤကစီၢ်လီၤအဂီၢ်ဒီးကခးဘၣ်တၢ်ပျီပျီအဂီၢ်,နိၣ်ခၠိနဲၣ်ဒုးယၤသုးကလၢၤပယီၤသုးဒွဲၣ်အူကမျၢၢ်ဟံၣ်အဖျၢၣ်(၅၀)ဘျဲၣ်
လါဖ့ၤဘြူၤအါရံၤ (၈)သီ, ၂၀၂၅နံၣ်, ခ့ၣ်အဲးစံၣ်, ခ့ၣ်အဲၣ်ယူၣ်ကညီဒီကလုၥ်စၢဖှိၣ်ကရၢ,သုးက့(၆)ဒူပျၥ်ယၥ်ကီၢ်ရ့ၣ်,ဝီၢ်ရ့ၣ်ကီၢ်ဆၣ်ဟီၣ်ကဝီၤနိၣ်ခၠိနဲၣ်ဒုးယၤသုးကလၢၤအပူၤ,ဒ်သိးကဘီယူၤစီၢ်လီၤကန့ၢ်အဂီၢ်ဒီးကခးဘၣ်ဝဲတၢ်ပျီပျီရှဲရှဲအဂီၢ်,ပယီၤသုးသ့ၣ်တဖၣ်အံၤဒွဲၣ်အူအီၣ်ကွံၥ်ဝဲကမျၢၢ်လီၢ်ကဝီၤဖိဟံၣ်ဃီအိၣ်ဝဲလၢအဖျၢၣ်(၅၀)ဘျဲၣ်ဃၣ်ဃၢ်လံအဂ့ၢ်,ဟီၣ်ကဝီၤပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ. နိၣ်ခၠိနဲၣ်ဒုးယၤသုးကလၢၤအပူၤပယီၤသုးသ့ၣ်တဖၣ်အံၤ,အပူၤကွံၥ်(၂၀၂၄)နံၣ်လါဒံၣ်စဲဘၢၣ်လၢၥ်အပူၤဟဲမၤအါထီၣ်ဝဲအသုးဂံၢ်ဘါဒီးဆီတလဲဝဲအဒုးယၤခိၣ်သ့ၣ်တဖၣ်အိၣ်ဝဲဒီး,ပယီၤသုးသ့ၣ်တဖၣ်အံၤစးထီၣ်ဖဲဟဲမၤအါထီၣ်အဂံၢ်ဘါဒီးဆီတလဲဝဲအဒုးယၤအခိၣ်အနၢ်သ့ၣ်တဖၣ်ဝံၤအလီၢ်ခံ,ဒွဲၣ်အူအီၣ်ဝဲကမျၢၢ်ဟံၣ်ဃီတဖၣ်အိၣ်ဝဲတပယူၥ်ဃီဒီးတုၤလၢခဲအံၤထီၣ်ဘးဝဲလၢအဖျၢၣ်(၅၀)ဘျဲၣ်ဃၣ်ဃၣ်လံအဂ့ၢ်,ဝီၢ်ရ့ၣ်ကီၢ်ဆၣ်ပှၤဘၣ်မူဘၣ်ဒါတဂၤစံးဝဲဒၣ်ဒ်အံၤန့ၣ်လီၤ. အဝဲစံးဝဲလၢ“ပယီၤသုးန့ၣ်ခဲအံၤဒွဲၣ်အူအီၣ်ဟံၣ်အိၣ်လၢအဖျၢၣ်(၅၀)ဘျဲၣ်ဃၣ်ဃၣ်လံန့ၣ်မ့ၢ်ဝဲလီၤ.ပယီၤသုးသ့ၣ်တဖၣ်အံၤန့ၣ်စးထီၣ်ဖဲအပူၤကွံၥ်ဟဲထီၣ်ဆီတလဲအပှၤဝံၤအလီၢ်ခံ,မၤလဲၢ်ထီၣ်ဝဲအတၢ်လီၢ်ကအိၣ်လၢတအ့ကၢၣ်န့ၣ်လီၤ.ဖဲအမၤလဲၢ်ထီၣ်တၢ်လီၢ်တၢ်ကျဲအဆၢကတီၢ်တခီဒွဲၣ်အူဝဲကမျၢၢ်ဟံၣ်တဖၣ်န့ၣ်လီၤ.အခီပညီန့ၣ်,မၤပျီမၤရှဲဝဲတၢ်လီၢ်တၢ်ကျဲတဖၣ်မီၤနီၤ.ဒီးမၤပျီဝဲတၢ်လီၢ်တၢ်ကျဲဒ်အံၤန့ၣ်အတၢ်ပညိၣ်တခီန့ၣ်ယဆိမိၣ်ကမ့ၢ်ဒၣ်လၢအဝဲသ့ၣ်အကဘီယူၤကဟဲစီၢ်လီၤအဂီၢ်ဒီး,အဝဲသ့ၣ်ကခးဘၣ်တၢ်ပျီပျီရှဲရှဲအဂီၢ်လီၤ.တုၤလၢခဲအံၤမၤဝဲအဖၢမုၢ်လီၤ”အဂ့ၢ်စံးဘၣ်ခ့ၣ်အဲးစံၣ်ကညီတၢ်ကစီၣ်န့ၣ်လီၤ. လၢန့ၣ်အမဲၥ်ညါ,နိၣ်ခၠိနဲၣ်ဒုးယၤသုးကလၢၤအပူၤပယီၤသုးသ့ၣ်တဖၣ်အံၤဒိးလီၤဝဲမ့ၣ်ပိၢ်ဝးဝးလၢခိၣ်ဃၢၤတၢ်လီၢ်တၢ်ကျဲတဖၣ်အပူၤအိၣ်ဝဲအသိး,ခီဖျိမၤလဲၢ်ထီၣ်ဝဲတၢ်လီၢ်တၢ်ကျဲန့ၢ်အဃိ,လၢတၢ်ဆှၢထီၣ်တၢ်အီၣ်တၢ်အီဒီးစုကဝဲၤတၢ်ပီးတၢ်လီတကပၤအဒုးယၤသုးကလၢၤအပူၤမၤဝဲန့ၢ်ဂ့ၤဂ့ၤလီၤအဂ့ၢ်,ဂံၢ်ခီၣ်ထံးပှၤဟ့ၣ်တၢ်ကစီၣ်ဖိတဖၣ်စံးဝဲဒၣ်စ့ၢ်ကီးန့ၣ်လီၤ. နိၣ်ခၠိနဲၣ်ဒုးယၤသုးကလၢၤအံၤ,အပူၤကွံၥ်လါဒံၣ်စဲၣ်ဘၢၣ်လၢၥ်အပူၤခီဖျိပယီၤသုးတကပၤမၤအါထီၣ်ဝဲသုးဂံၢ်ဘါဒီးဆှၢထီၣ်ဝဲအစ့ၣ်ကူၣ်တဖၣ်အဃိ,တကီၢ်ခါခဲအံၤပယီၤသုးနီၢ်ဂံၢ်နီၢ်ဒွးအိၣ်ဝဲလၢ(၂၀၀)ဘျဲၣ်ခိၣ်ဃၢၤအဂ့ၢ်,ဂံၢ်ခီၣ်ထံးပှၤဟ့ၣ်တၢ်ကစီၣ်ဖိတဖၣ်စံးဝဲဒၣ်န့ၣ်လီၤ. တကတီၢ်ဃီ,ဒုးယၤသုးကလၢၤအပူၤပယီၤသုးအဒုးယၤခိၣ်အသီလၢအမ့ၢ်(မ့ၣ်ခဲၣ်)ဒီးဒုးယၤခိၣ်လီၢ်လံၤ(၀နၣ်လဲၤ)သ့ၣ်တဖၣ်အိၣ်ဒံးဝဲဒၣ်အဖၢမုၢ်အသိး,အသုးရ့ၣ်ခိၣ်အိၣ်စ့ၢ်ကီးဝဲ(၂)ဂၤအမဲၥ်ညါ,သုးဂံၢ်ဘါလၢဟဲထီၣ်ပၥ်ဖှိၣ်အါထီၣ်ဝဲအသးသးတဖၣ်အံၤမ့ၢ်ဝဲ(တမ)(၄၄)စုတီၤဖီလၥ်သ့ၣ်တဖၣ်အဂ့ၢ်,သ့ၣ်ညါဘၣ်ဒ်ဂံၢ်ခီၣ်ထံးပှၤဟ့ၣ်တၢ်ကစီၣ်ဖိတဖၣ်စံးဝဲဒၣ်အသိးန့ၣ်လီၤ. နိၣ်ခၠိနဲၣ်ဒုးယၤပယီၤသုးကလၢၤအံၤအိၣ်ဝဲဒၣ်ဖဲဃိၣ်သၢဖျၢၣ်,သရိၥ်ဝါကျဲမုၢ်အဖီခိၣ်ဒီးမ့ၢ်ဝဲသုးကလၢၤလၢအရ့ဒိၣ်လၢပယီၤသုးတဖၣ်အဂီၢ်အဃိဒ်သိးသုတလီၤကွံၥ်တဂ့ၤအဂီၢ်,သုးကီၣ်ကးတကပၤသူကဘီယူၤမၤဝဲတၢ်ခးလီၤတၢ်တပယူၥ်ဃီအိၣ်ဝဲအဂ့ၢ်,သ့ၣ်ညါဘၣ်န့ၣ်လီၤ. ဒ်န့ၣ်အသိး,စးထီၣ်လၢ(၂၀၂၄)လါမးရှးအခါလံၤလံၤအပူၤ,တၢ်ပၢၢ်ဆၢသုးပၥ်ဖှိၣ်တကပၤစ့ၢ်ကီး,ခိးတြီတံၥ်ဃၥ်ဝဲသုးကီၣ်ကးဒီးခံခီခံကပၤတၢ်ခးလိၥ်သးအိၣ်ဝဲတပယူၥ်ဃီအဖီခိၣ်နိၣ်ခၠိနဲၣ်သဝီဟံၣ်ခိၣ်အဖျၢၣ်(၄၀၀)ဘျဲၣ်,ဒူသဝီကမျၢၢ်(၂၅၀၀)ခိၣ်ဃၢၤဃုၥ်ဒီးသဝီလၢအိၣ်ဘူးတဖၣ်ဘၣ်ဃ့ၢ်ထီၣ်အိၣ်ကဒုဝဲအသးတုၤလၢခဲအံၤအိၣ်ဝဲအဂ့ၢ်,သ့ၣ်ညါဘၣ်န့ၣ်လီၤ.
တၢ်ဖီၣ်ချုးန့ၢ်ဝဲ(မဲးပြံခံ)ပယီၤသုးလၢအဃ့ၢ်ထီၣ်သ့ၣ်တဖၣ်(၁၉)ဂၤဃုၥ်ဒီးကျိ(၁၈)ခိၣ်
လါဖ့ၤဘြူၤအါရံၤ ၈ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ဒူသထူၣ်ကီၢ်ရ့ၣ်(သုးက့-၁),ဘံလ့ကီၢ်ဆၣ်ဟီၣ်ကဝီၤပူၤ,မဲးပြံခံပယီၤသုးလၢၤလၢ(KNLA)တၢ်ထီၣ်မၤန့ၢ်ကွံၥ်ဝဲဖဲတ လါအံၤလါဖ့ၤဘြူၤအါရံၤ(၁)သီအနံၤန့ၣ်ပယီၤသုးအပှၤလၢအဃ့ၢ်ထီၣ်ဝဲသ့ၣ်တဖၣ်တၢ်ဖီၣ်ချုးန့ၢ်ကဒီးဝဲ(၁၉)ဂၤဖဲ(မဲးပြံခံ)သုးကလၢၤအဃၢၤ,ဖဲ(ဃီၣ်ထံခံ)သဝီမုၢ်နုၥ်တၢ်လီၢ်တတီၤအဂ့ၢ်န့ၣ်ကီၢ်ရ့ၣ်အပှၤဘၣ်မူဘၣ်ဒါစံးဝဲအသိးသ့ၣ်ညါဘၣ်န့ၣ် မဲးပြံခံပယီၤသုးကလၢၤအပှၤလၢအဃ့ၢ်ထီၣ်သ့ၣ်တဖၣ်အံၤဖဲလါဖ့ၤဘြူၤအါရံၤ(၆)သီအနံၤန့ၣ်တၢ်ဖီၣ်ချုးန့ၢ်ဝဲခဲလၢၥ်(၁၉)ဂၤဃုၥ်ဒီးတၢ်စုကဝဲၤ(၁၈)ခိၣ်အသိးတချုးလၢတၢ်ဖီၣ်န့ၢ်ဒံးဝဲဘၣ်အဆၢကတီၢ်န့ၣ်တၢ်ဒုးကဲထီၣ်စ့ၢ်ကီးဝဲစဲးပြဲးဒီးပယီၤသုးသ့ၣ်တဖၣ်န့ၣ်အဂ့ၢ်ဒူသထူၣ်ကီၢ်ရ့ၣ်ခိၣ်ပဒိၣ်စီၤစိမၠ့ၣ်စံးဝဲဒ်အံၤန့ၣ်လီၤ. "ဖဲ(၆)သီတနံၤန့ၣ်ပှၤဖီၣ်ထးန့ၢ်ဝဲဒၣ်ပယီၤသုး(၁၉)ဂၤမီၤနီၤ. ဖဲတချုးဖီၣ်န့ၢ်ဒံးဘၣ်န့ၣ်တၢ်ဒုးကဲထီၣ်ဝဲတစဲးဖိဖဲန့ၣ်ဒီးအိၣ်တစိၢ်တၢ်ဖီၣ် န့ၢ်အဝဲသ့ၣ်ဒီးပၥ်လီၤစုကဝဲၤခဲလၢၥ်(၁၈)ခိၣ်မီၤနီၤ. ပယီၤသုးသ့ၣ်တဖၣ်န့ၣ်ဟဲက့ၤတိကျဲမီၤနီၤ. အဝဲသ့ၣ်ဟဲက့ၤတိဒီးပှၤဘျီပှၤခးအ ဝဲသ့ၣ်ဖဲန့ၣ်လီၤ. တၢ်ဘၣ်ဒိဘၣ်ထံးဒုတအိၣ်ဘၣ်. ဒီးပယီၤသုးတဖၣ်န့ၣ်လဲၤဃ့ၢ်အိၣ်ကဒါလၢတၢ်လူၢ်တလူၢ်အခိၣ်ဖဲ(ဃီၣ်ထံခံ)အ ဆၢလၥ်,ဖဲ(ဟါလ့ၢ်)နိၣ်တခွ့ၣ်တခွီၣ်ဖဲန့ၣ်လီၤ. ပှၤလဲၤတိအဝဲသ့ၣ်ဒီးအဝဲသ့ၣ်ပၥ်လီၤစုကဝဲၤဖဲန့ၣ်န့ၣ်လီၤ. " အဂ့ၢ်န့ၣ်စံးဘၣ်ခ့ၣ်အဲး စံၣ်-ကညီတၢ်ကစီၣ်ဒ်အံၤန့ၣ်လီၤ. လၢန့ၣ်အမဲၥ်ညါပယီၤသုးအပှၤလၢတၢ်ဖီၣ်ချုးန့ၢ်ဝဲ(၁၉)ဂၤအံၤသ့ၣ်တဖၣ်အကျါပၣ်ဃုၥ် နီၣ်နဲၣ်ဖျါ ၄ ဂၤ, (ဘံၤအံ) ၂ ဂၤ,ဒီး ကသံၣ် သရၣ်န့ၣ် ၂ ဂၤ သ့ၣ်တဖၣ်ဒီးပှၤသ့ၣ်တဖၣ်အံၤဟဲအိၣ်ဝဲဖဲသုးကလၢၤအပူၤအံၤန့ၢ်ဝဲ(၄)နံၣ်ဘျဲၣ်လံအဂ့ၢ်န့ၣ်ပဒိၣ်စီၤစိမၠ့ၣ်စံးအါထီၣ် ဝဲအသိးသ့ၣ်ညါဘၣ်န့ၣ်လီၤ. ဒ်န့ၣ်အသိးဖဲတၢ်ထီၣ်မၤန့ၢ်မဲးပြံခံသုးကလၢၤအံၤအဆၢကတီၢ်ပယီၤသုးသံ(၂၉)ဂၤ,ဒီးတၢ်ဖီၣ်န့ၢ်စ့ၢ်ကီးဝဲပယီၤသုး(၂၉)ဂၤ,အကျါပၣ်ဃုၥ် သုးခိၣ်စိတဂၤ, သုးဒ့ပၢၤသုးပီးလီ သုးစကီၤဖိတဂၤ, သုးစကီၤ(၄)ဂၤ, သုးစကီၤဖိ(၅)ဂၤ, သုးစကီၤပြံ(၄)ဂၤဒီး သုးဖိ(၁၄)ဂၤ သ့ၣ်တဖၣ်အဂ့ၢ်န့ၣ်ခ့ၣ်အဲၣ်ယူၣ်လံၥ်တၢ်ပၥ်ဖျါအပူၤပၥ်ဖျါဝဲန့ၣ်လီၤ. တကးဒံးဘၣ်ပယီၤသုး(ခမရ-၃)သုးရ့ၣ်အပှၤသ့ၣ်တဖၣ်ခးလီၤကျိဖးဒိၣ်အိၣ်ဒံးဝဲကိးနံၤဒဲးဃၣ်ဃၣ်အမဲၥ်ညါပယီၤသုးအံၤဟဲဆှၢမၤ အါထီၣ်စ့ၢ်ကီးအသုးဂံၢ်ဘါလၢ(ခမရ-၃)အသုးရ့ၣ်အပူၤအိၣ်ဝဲအသိးတၢ်နၢ်ဟူဘၣ်စ့ၢ်ကီးလၢမဲးပြံခံပယီၤသုးကလၢၤအံၤပယီၤသုးက ဟဲက့ၤထီၣ်ကဒါဒံးဝဲအဂ့ၢ်ကီၢ်ရ့ၣ်အပှၤဘၣ်မူဘၣ်ဒါစံးဝဲအသိးသ့ၣ်ညါဘၣ်န့ၣ်လီၤ. တကးဒံးဘၣ်ဖဲတၢ်ထီၣ်မၤန့ၢ်(မဲးပြံခံ)သုးကလၢၤအံၤဝံၤအလီၢ်ခံပယီၤသုး(ခမရ-၃)သုးရ့ၣ်အပှၤသ့ၣ်တဖၣ်ခးလီၤကျိဖးဒိၣ်အိၣ်ဒံးဝဲ ကိးနံၤဒဲးဃၣ်ဃၣ်အဃိဒူသဝီလၢအိၣ်မဲးပြံခံသုးကလၢၤအခိၣ်အဃၢၤသ့ၣ်တဖၣ်တုၤတကီၢ်ခါခဲအံၤန့ၣ်ဟဲက့ၤအိၣ်ဆိးဝဲတဘူၣ်ဒံး ဘၣ်အဂ့ၢ်သ့ၣ်ညါဘၣ်န့ၣ်လီၤ. လၢအမဲၥ်ညါပယီၤသုးအံၤဟဲဆှၢမၤအါထီၣ်စ့ၢ်ကီးအသုးဂံၢ်ဘါလၢ(ခမရ-၃)အသုးရ့ၣ်အပူၤအိၣ်ဝဲအသိးတၢ်နၢ်ဟူဘၣ်စ့ၢ်ကီးလၢ မဲးပြံခံပယီၤသုးကလၢၤအံၤပယီၤသုးကဟဲက့ၤထီၣ်ကဒါဒံးဝဲအဂ့ၢ်ကီၢ်ရ့ၣ်အပှၤဘၣ်မူဘၣ်ဒါစံးဝဲအသိးသ့ၣ်ညါဘၣ်န့ၣ်လီၤ.
မံၣ်ဒံၣ်ယၢၣ်လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ ဒီး ပှၤမၤတၢ်ကစီၣ်ဖိလၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ တၢ်တီခိၣ်ရိၣ်မဲ
မံၣ်ဒံၣ်ယၢၣ်လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ ဒီး ပှၤမၤတၢ်ကစီၣ်ဖိလၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤ တၢ်တီခိၣ်ရိၣ်မဲ (စိၣ်မံၣ်ယၣ်ကၠီၣ်) (၉-၁-၂၀၂၅) -(IT) တၢ်ကစီၣ်တၢ်သ့တၢ်ဘၣ်ဂုၤထီၣ်ပသီထီၣ်ချ့သဒံးတပယူၥ်ဃီ -ပှၤကိးဂၤဒဲးသူ၀ဲလီတဲစိဒီးအ့ထနဲးတၢ်ဆဲးကျိးဆဲးကျၢ -ထံဒိၣ်ကီၢ်လဲၢ်တနီၤ,ပဒိၣ်ဒီးသုးဂ့ၢ်၀ီ၀ဲၤကျိၤတဖၣ်မ့ၢ်ဂ့ၤ, ပၥ်ခူသူၣ်ပၥ်ကဒၢဃၥ်၀ဲတၢ်ဂ့ၢ်တခါဒီး ဒုးအိၣ်ထီၣ်၀ဲတၢ်ကစီၣ် အယီၤအဘျၣ်ဒီးတၢ်ကစီၣ်အကမၣ်လၢတၢ်ဃါဃုၥ်ဒုးအိၣ်ထီၣ်၀ဲတဖၣ် -ပှၤကိးဂၤဒဲး ဒုးအိၣ်ထီၣ်ဒုးကဲထီၣ်တၢ်ကစီၣ်အဂ့ၢ်အကျိၤသ့၀ဲအကလုၥ်ကလုၥ်လၢတဂၤဒၣ်၀ဲလၢလီတဲစိပူၤသ့ဒီး ရၤလီၤ၀ဲဒၣ်ဆူစိၣ်ရှၢၣ်မံၣ်ဒံၣ်ယၢၣ်ပူၤတဆီအံၤသ့၀ဲ -လၢပကဖီၣ်ဂၢၢ်ဃၥ်၀ဲတၢ်ဂ့ၢ်(၄)ထံၣ်အံၤအဂီၢ်တမ့ၢ်တၢ်လၢအညီ၀ဲဘၣ်. တၢ်ကစီၣ်လၢအယီၤအဘျၣ်-တၢ်ကစီၣ်အကမၣ် သ့ၣ်တဖၣ်န့ၣ် ဟံန့ၢ်၀ဲခီၣ်တဃၥ်(၄)ထံၣ်လၢအိၣ်ဖျါတၢ်ဖီခိၣ်အံၤဒီး လၢစဲးကးအတီၢ်ပူၤရၤလီၤအသးချ့သဒံးဆူ ဟီၣ်ခိၣ်ဒီတဘ့ၣ် အပူၤန့ၣ်လီၤ. -တၢ်လၢတၢ်ကစီၣ်အယီၤအဘျၣ်,အကမၣ်အတၢ်လီၤဘၣ်ယိၣ်အံၤ ပဒိၣ်ဒီးပှၤဘၣ်မူဘၣ်ဒါဘၣ်ထွဲတဖၣ် ပၢၤဃၥ်၀ဲခီဖျိလၢ တၢ်သ့တၢ်ဘၣ်, တၢ်သိၣ်တၢ်သီတၢ်ဘျၢကန့ၢ်အဂီၢ်န့ၣ် ဂုၥ်ကျဲးစၢး၀ဲလၢကျဲအကပၤကပၤန့ၣ်လီၤ. ဘၣ်ဆၣ်လၢတၢ်ကဖီၣ်ဂၢၢ်ဃၥ်၀ဲ ဘၣ်ဃးတၢ်ဒုးအိၣ်ထီၣ်တၢ်ကစီၣ်တၢ်ဂ့ၢ်တၢ်ကျိၤညီညီကဒၣ်ချ့သဒံးဒီး လၢစဲးကးအတီၢ်ပူၤရၤလီၤအသးဆူပှၤအါဂၤအအိၣ်ခီန့ၣ် ကဲ၀ဲဒၣ်တၢ်တၤတၢ်ဖးဒိၣ်ညါဒံးန့ၣ်လီၤ. -လၢတၢ်အိၣ်သးနီၢ်နီၢ်အပူၤစ့ၢ်ကီး ဒ်သိးတၢ်ကဒုးအိၣ်ထီၣ်တၢ်ကစီၣ်အယီၤအဘျၣ်,တၢ်ကစီၣ်လၢအကမၣ်အံၤအဂီၢ်န့ၣ် တၢ်အိၣ်သးတၢ်ဂ့ၢ်တၢ်ကျိၤအကလုၥ်ကလုၥ်စ့ၢ်ကီး——-လီၤ. နကဒုးအိၣ်ထီၣ် ခိၣ်ဃၢၤန့ဆၢၣ်တၢ်ဘၣ်ယိၣ်လၢအဟဲတုၤအိၣ် ပှၤသ့လၢအတရ့တၢ်ဆၢကတီၢ်ဘၣ်အံၤဘၣ်ဧါ,လၢမုၢ်ကျိၤ၀ဲၤကွၥ်တကပၤစ့ၢ်ကီး နကဒုးအိၣ်ထီၣ်လၢသိအလုၢ်အပှ့ၤဧါ, နကဒုးအိၣ်ထထီၣ်ဘၣ်ဃးတၢ်ဆါဘၣ်ကူဘၣ်ဂၥ်တခါခါဧါ,နကဒုးအိၣ်ထီၣ်ဘၣ်ဃးဒုးယၤဂ့ၢ်၀ီဧါ. လၢမုၢ်ကျိၤ၀ဲၤကွၥ်တကပၤစ့ၢ်ကီးနကဒုးအိၣ်ထီၣ်ဒ်သိအလုၢ်အပှ့ၤဧါ, တၢ်သ့ၣ်တဖၣ်အံၤ နဒုးအိၣ်ထီၣ် ဒ်တၢ်ကွဲးပူတၢ်ဂ့ၢ်တၢ်ကျိၤတခါလၢအအိၣ်ဒီးတၢ်ရဲၣ်လီၤကျဲၤလီၤန့ၣ် နထုးထီၣ်ရၤလီၤအီၤသ့န့ၣ်လီၤ. ခ့ခါဆၢကတီၢ်ခဲအံၤ ပှၤကိးဂၤဒဲးန့ၣ်အိၣ်ဒီးအလီတဲစိသူ၀ဲဒၣ်(စိၣ်ရှၢၣ်မံၣ်ဒံၣ်ယၢၣ်)တခါခါအဃိ တၢ်ဂ့ၢ်တၢ်ကျိၤတခါခါလၢ အကဲထီၣ်သးလၢပမဲၥ်ညါတဖၣ် လၢလံၥ်ကွဲးမ့ၢ်ဂ့ၤ,တၢ်ဂီၤမ့ၢ်ဂ့ၤ,တၢ်ဂီၤမူမ့ၢ်ဂ့ၤန့ၣ် ပဂုၥ်ကျဲးစၢးတီၣ်ထီၣ်၀ဲဒၣ်လီၤတမ့ၢ်ဧါ. ပှၤတနီၤန့ၣ်ကဲထီၣ်သးဒ်သိးတၢ်သးစဲတခါဒ်သိးအသးစဲ၀ဲဒၣ်ကသံၣ်မူၤဘှီးတခါခါအသိးဒီး ပှၤဒ်န့ၣ်သ့ၣ်တဖၣ်အါဒၣ်တက့ၢ် ရၤလီၤ၀ဲဒၣ်တၢ်ကစီၣ်တၢ်ဂ့ၢ်တၢ်ကျိၤလၢတလီၤတံၢ်လီၤဆဲးသ့ၣ်တဖၣ်န့ၣ်လီၤ. -အဃိဒ်သိးတၢ်ကမၤလီၢ်မၢ်ကွံၥ် တၢ်ကစီၣ်အယီၤအဘျၣ်-တၢ်ကစီၣ်ကမၣ်အတၢ်လီၤဘၣ်ယိၣ်သ့ၣ်တဖၣ်အံၤအဂီၢ် မူဒါသ့ၣ်တဖၣ် လီၤတီက့ၤ၀ဲဒၣ်လၢမံၣ်ဒံၣ်ယၢၣ်တၢ်ကစီၣ်သန့လၢသ့ၣ်ညါမူဒါ-အိၣ်ဒီးသူးသ့ၣ်လၤကပီၤသ့ၣ်တဖၣ်အလိၤန့ၣ်လီၤ. ဖဲန့ၣ် ပကဆီၣ်ဖျိးကွံၥ် “တၢ်ကစီၣ်အယီၤအဘျၣ်-တၢ်ကစီၣ်အကမၣ်သ့ၣ်တဖၣ်”လၢတၢ်မနုၤလဲၣ်.မတၤတဖၣ်ကဆီၣ်ဖျိး ကွံၥ်၀ဲလဲၣ်. ကျိၤကျဲလၢနကဆီၣ်ဖျိးထီၣ်ကွံၥ်“တၢ်ကစီၣ်အယီၤအဘျၣ်-တၢ်ကစီၣ်အကမၣ်”အမဲၥ်ညါန့ၣ် နကဘၣ်ဆီၣ်ဖျိးကွံၥ် အီၤလၢ “တၢ်ကစီၣ်တၢ်ဂ့ၢ်တၢ်ကျိၤလၢအမ့ၢ်အတီ”တဖၣ်တပယူၥ်ဃီန့ၣ်လီၤ. ကျိၤကျဲလၢအဂၤတအိၣ်နီခါဘၣ်. -ပှၤလၢအကဆီၣ်ဖျိးကွံၥ်တၢ်န့ၣ်ကမ့ၢ်မတဂၤသ့ၣ်တဖၣ်လဲၣ်. ကမ့ၢ်၀ဲဒၣ် မံၣ်ဒံၣ်ယၢၣ်ပှၤမၤတၢ်ကစီၣ်ဖိလၢအသ့ၣ်ညါမူဒါ- အိၣ်ဒီးသူးသ့ၣ်လၤကပီၤသ့ၣ်တဖၣ်အံၤ...
ပယီၤသုး(၄)ဂၤဟဲဟ့ၣ်လီၤသးလၢ(KNLA)သုးရ့ၣ်(၉)အစုပူၤဟဲစိၥ်ဃုၥ်ဒီးတၢ်စုကဝဲၤ
လါဖ့ၤဘြူၤအါရံၤ ၇ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကီၢ်သူလ့ၤတၢ်ပၢချၢၣ်လွံၢ်ထူၣ်ကီၢ်ရ့ၣ်သုးက့(၃)ဟီၣ်ကဝီၤ,လၢၢ်ဒိၣ်ကီၢ်ဆၣ်အပူၤဖဲအပူၤကွံၥ်လါဖ့ၤဘြူၤအါရံၤ(၄)သီ အနံၤ,ပယီၤသုးအပှၤ(၄)ဂၤဟဲဟ့ၣ်လီၤသးဃုၥ်ဒီးတၢ်စုကဝဲၤသ့ၣ်တဖၣ်လၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးရ့ၣ်(၉)အအိၣ်အဂ့ၢ်န့ၣ်ချၢၣ်လွံၢ်ထူၣ်ကီၢ်ရ့ၣ်လၢၢ်ဒိၣ်ကီၢ်ဆၣ်အပှၤကတိၤတၢ်ပၢစံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. လၢန့ၣ်အမဲၥ်ညါပယီၤသုးအပှၤဖိလၢဟဲက့ၤဟ့ၣ်လီၤအသး(၄)ဂၤအံၤမ့ၢ်ဝဲ ညံၤညံၤလွ့ၤ, ကိၤမၠ့ၣ်ဝ့, မၠိမ့သဲၣ်, စီၤအ့ဖြ့ၣ် သ့ၣ်တ ဖၣ်ဒီးအဝဲသ့ၣ်အံၤအခီၣ်ထံးပယီၤသုးကီၣ်ကးဖီၣ်န့ၢ်ဆူၣ်အဝဲသ့ၣ်(ပီၤတၥ်)ဝံၤဘၣ်တၢ်မၢန့ၢ်ဆူၣ်နုၥ်လီၤလၢသုးပူၤဒ်အံၤလီၤအဂ့ၢ်,အဝဲသ့ၣ်အံၤဟဲလီၤဘၣ်မူဒါဖဲပယီၤသုးခီၣ်ချ့သုးရ့ၣ်(ခလရ-၅၈၄)သုးရ့ၣ်အပူၤလီၤအဂ့ၢ်လၢၢ်ဒိၣ်ကီၣ်ဆၣ်ပှၤကတိၤတၢ်ပၢပဒိၣ်စီၤ ဝါမုၢ်စံးဝဲဒ်အံၤန့ၣ်လီၤ. "ဘၣ်ထွဲဒီးဒုၣ်ဒါဟဲဟ့ၣ်လီၤအသးလၢပဟီၣ်ကဝီၤအပူၤ(၄)ဂၤအံၤန့ၣ်မ့ၢ်ဝဲဒၣ်(ခမရ-၅၈၄)အသုးလီၤ. သုးဖိ(၄)ဂၤအံၤန့ၣ်မ့ၢ်ဝဲပှၤလၢ အိၣ်လီၢ်ယံၤသ့ၣ်တဖၣ်အိၣ်ဝဲလၢဝ့ၢ်တကူၣ်,ပသံၣ်မီၤနီၤ. ဒီးခီဖျိလၢဒုၣ်ဒါတၢ်ရဲၣ်တၢ်ကျဲၤလၢအမ့ၢ်ဝဲကမျၢၢ်တၢ်ဘၣ်ကဲသုးသဲးစး တၢ်ဘျၢအဃိလၢတၢ်ဃုဖံးဃုမၤ,တၢ်လဲၤတၢ်က့ၤအဖီခိၣ်န့ၣ်ဘၣ်တၢ်ဖီၣ်န့ၢ်အဝဲသ့ၣ်မီၤနီၤ. မ့ၢ်လၢတၢ်ဖီၣ်ဃံးအဝဲသ့ၣ်အဃိဘၣ်နုၥ် လီၤကဲဝဲဒၣ်သုးဒ်အံၤဒီးဟဲလီၤဘၣ်မူဒါဖဲ(တိၤသ့ၣ်ဖူ)ဒီး(ဘီကထၣ်)အဘၢၣ်စၢၤသိလ့ၣ်ကျဲမုၢ်ပူၤဖဲန့ၣ်လီၤ. ဟဲဟ့ၣ်လီၤသးပၣ်ဃုၥ် ဒီးတၢ်စုကဝဲၤလီၤ." အဂ့ၢ်န့ၣ်စံးဘၣ်ခ့ၣ်အဲးစံၣ်ကညီတၢ်ကစီၣ်န့ၣ်လီၤ. ပယီၤသုးဖိ(၄)ဂၤလၢဟဲက့ၤဟ့ၣ်လီၤသးလၢ(KNLA)သုးရ့ၣ်(၉)အစုပူၤအံၤ,ဟဲက့ၤစိၥ်ဃုၥ်ဝဲဒီးတၢ်စုကဝဲၤဒ်အမ့ၢ်ကျိ MA4 - ၁ ခိၣ်, MA1 - ၂ ခိၣ်, ကျိချံ ၇၅ ဖျၢၣ်ဒီးကျိဆၣ်ဒၢ ၃ ဘ့ၣ် သ့ၣ်တဖၣ်စ့ၢ်ကီးန့ၣ်လီၤ. ခီဖျိဟဲက့ၤစိၥ်ဃုၥ်ဝဲတၢ်စုကဝဲၤ ,ကျိချံပှၥ်သၣ် သ့ၣ်တဖၣ်အံၤအဃိ(KNLA)သုးရ့ၣ်(၉)ဟ့ၣ်လၤဟ့ၣ်ကပီၤအဝဲသ့ၣ်လၢကျိၣ်စ့တဂၤစုၥ်စုၥ်န့ၣ်အကလီၢ်(၁၀)ကၠးအဂ့ၢ်န့ၣ်စံးဝဲဒၣ်န့ၣ်လီၤ. ပှၤသုးဖိလၢအဟဲဟ့ၣ်လီၤသးသ့ၣ်တဖၣ်အံၤဒ်သုးတၢ်သိၣ်တၢ်သီတၢ်ဘျၢ,အတၢ်မၤကျဲအိၣ်ဝဲအသိးန့ၣ်တၢ်တူၢ်လိၥ်အဝဲသ့ၣ်,တၢ်အံးထွဲကွၢ်ထွဲအဝဲသ့ၣ်ဂ့ၤဂ့ၤဘၣ်ဘၣ်ဒီးဒ်န့ၣ်အသိးပယီၤသုးဖိလၢမ့ၢ်တအဲၣ်ဒိးကဲလၢၤသုးသ့ၣ်တဖၣ်မ့ၢ်ဂ့ၤ, မ့ၢ်အဲၣ်ဒိးဟဲက့ၤဟ့ၣ် လီၤအသးသ့ၣ်တဖၣ်မ့ၢ်ဂ့ၤ တၢ်အိၣ်ဒီးတၢ်တူၢ်လိၥ်မုၥ်အဝဲသ့ၣ်ထီဘိလီၤအဂ့ၢ်ပဒိၣ်စီၤဝါမုၢ်တဲဒုးသ့ၣ်ညါအါထီၣ်ဝဲဒၣ်န့ၣ်လီၤ. မ့ၢ်ဘၣ်ကွၢ်က့ၤဖဲအပူၤကွံၥ်စှၤသီအတီၢ်ပူၤန့ၣ်ချၢၣ်လွံၢ်ထူၣ်ကီၢ်ရ့ၣ်,လၢၢ်ဒိၣ်ဟီၣ်ကဝီၤပူၤဒီးကျဲမုၢ်လၢအမ့ၢ် နၣ်သၤကွ့ ထီၣ်ဆူ မုၢ် သဲးတတီၤ, ပဒဲကီဟီၣ်ကဝီၤ ဒီးထီၣ်ဆူ ဆီထံးဟီၣ်ကဝီၤတတီၤ, ကျဲမုၢ်ဝဲန့ၣ်သ့ၣ်တဖၣ်န့ၣ်တၢ်ဒုးတၢ်ယၤကဲထီၣ်အသးအိၣ်ဝဲကိး နံၤဒဲးဃၣ်ဃၣ်စ့ၢ်ကီးအဂ့ၢ်လီၢ်ကတီၤအပှၤဘၣ်မူဘၣ်ဒါစံးဝဲန့ၣ်လီၤ. ဒ်န့ၣ်အသိးလၢၢ်ဒိၣ်ကီၢ်ဆၣ်ဟီၣ်ကဝီၤအပူၤဖဲအပူၤကွံၥ်လါယနူၤအါရံၤ(၆)သီအနံၤန့ၣ်စ့ၢ်ကီးပယီၤသုးခီၣ်သုးရ့ၣ်(ခလရ-၂၈၈)အပှၤ (၂)ဂၤဟဲဟ့ၣ်လီၤသးလၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးရ့ၣ်(၉)အအိၣ်ဃုၥ်ဒီးတၢ်စုကဝဲၤသ့ၣ်တဖၣ်အဂ့ၢ်န့ၣ်ချၢၣ်လွံၢ်ထူၣ်ကီၢ်ရ့ၣ်လၢၢ်ဒိၣ်ကီၢ်ဆၣ်အပှၤကတိၤတၢ်ပၢစံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
တၢ်ကစီၣ်ဟူထီၣ်လၢတၢ်ကပတုၥ်ကွံၥ်ရ့ၣ်နီၣ်သိအဃိ,ရၤမတံဝ့ၢ်သိကျးတဖၣ်အပူၤတၢ်လဲၤပှ့ၤဝဲသိအါ
လါဖ့ၤဘြူၤအါရံၤ (၆)သီ, ၂၀၂၅နံၣ်, ခ့ၣ်အဲးစံၣ်, ကီၢ်ကၠီၣ်တဲၣ်ကီၢ်ပယီၤကီၢ်ဆၢ,ရၤမတံဝ့ၢ်ကၠီၣ်တဲၣ်အတၢ်ဟ့ၣ်လီၤဝဲလီမ့ၣ်အူဒီးသိသ့ၣ်တဖၣ်အံၤ,ကၠီၣ်တဲၣ်ပှၤဘၣ်မူဘၣ်ဒါတဖၣ်ပတုၥ်ကွံၥ်ဝဲအဃိ,မဟါလါဖ့ၤဘြူၤအါရံၤ(၅)သီအနံၤအပူၤဂီၤခီဆၢကတီၢ်,လီၢ်ကဝီၤဖိတဖၣ်ဘၣ်ယိၥ်ဝဲလၢသိတအိၣ်လၢၤဘၣ်အဃိ,ရၤမတံဝ့ၢ်ရ့ၣ်နီၣ်သိကျးတၢ်လီၢ်တဖၣ်အပူၤ,ကမျၢၢ်တဖၣ်လူၤပှ့ၤပၥ်ဝဲသိအါအါဂီၢ်ဂီၢ်အဂ့ၢ်,သ့ၣ်ညါဘၣ်န့ၣ်လီၤ. ရၤမတံလီၢ်ကဝီၤဖိတဂၤစံးဝဲလၢ“စးထီၣ်လၢဂီၤခီတၢ်စးထီၣ်လဲၤပှ့ၤဝဲသိန့ၣ်လီၤ.သိလ့ၣ်ကစၢ်,ဆဲးကဲးကစၢ်တဖၣ်လဲၤပှ့ၤဝဲအါအဃိ,သိကျးတဖၣ်န့ၣ်ပှဲၤဝဲလီၤ.ကၠီၣ်တဲၣ်တကပၤပတုၥ်ကွံၥ်ဝဲမ့ၣ်အူန့ၣ်တဘၣ်ဒိဘၣ်ထံးကမျၢၢ်ဘၣ်ဆၣ်,ပတုၥ်ကွံၥ်ဝဲသိဒုဘၣ်ဒိဝဲကမျၢၢ်သ့လီၤ”အဂ့ၢ်စံးဝဲဒၣ်န့ၣ်လီၤ. ခီဖျိလၢတၢ်ပှ့ၤပၥ်ဝဲစဲးဖီကဟၣ်သိဒ်အံၤအဃိ,တကီၢ်ခါခဲအံၤ,တသဂၢၢ်ဘၣ်ဒံးဝဲသိတၢ်ဂ့ၢ်ကီဒံးဘၣ်ဘၣ်ဆၣ်,ကၠီၣ်တဲၣ်တကပၤမ့ပတုၥ်ကွံၥ်တၢ်ဟ့ၣ်ရ့ၣ်နီၣ်သိသပှၢ်ကတၢၢ်န့ၣ်,ရၤမတံဝ့ၢ်တဖျၢၣ်တကးဘၣ်ကီၢ်ပူၤရ့ၣ်နီၣ်သိအတၢ်ရၤလီၤသးကီခဲထီၣ်ဝဲသ့အဂ့ၢ်ပှၤလၢအဘူးဒီးစဲးဖီကဟၣ်တၢ်မၤလီၢ်တဂၤစံးဝဲဒၣ်န့ၣ်လီၤ. အဝဲစံးဝဲလၢ“တၢ်လဲၤပှ့ၤပၥ်ဝဲသိလၢသိကျး,တၢ်ကဘၣ်ဆှၢသိလၢလၥ်မ့လၢၥ်လၢၥ်တခီန့ၣ်,သိလ့ၣ်လၢကဘၣ်လဲၤလၢဖၣ်အၣ်,မီၣ်လမၠဲၣ်,ဝ့ၢ်တကူၣ်,ကပတုၥ်ကွံၥ်အသးလီၤ.တၢ်တီသိအသိလ့ၣ်န့ၣ်လၢတိၤနီၢ်ဂံၢ်ခံတကပၤပံးလံ,တၢ်မ့ပံးကွံၥ်လၢတၢ်ဖီလၥ်()တၢ်ခိးတြဲၤဒုကီၢ်ပူၤသိတၢ်ဂ့ၢ်ကီအိၣ်ထီၣ်ဝဲသ့အဂ့ၢ်”စံးဝဲဒၣ်န့ၣ်လီၤ. တကီၢ်ခါခဲအံၤ,ရၤမတံ,ရွံၣ်ကိၣ်ကိၤ,ဝီၢ်လ့ၤဒီးမဲထီသလ့လီၢ်ကဝီၤဖိတဖၣ်လူၤပှ့ၤပၥ်ဝဲရ့ၣ်နီၣ်သိလၢသိကျးတဖၣ်အပူၤအိၣ်ဝဲဒီးရၤလီၤဝဲအသးလၢစိၤရှၢၣ်မံးဒံးယၢၣ်ပူၤအိၣ်ဝဲဒၣ်န့ၣ်လီၤ. ဒ်န့ၣ်အသိး,တနံၤအံၤလါယနူၤအါရံၤ(၆)သီဂီၤခီအနံၤအပူၤ,ရၤမတံဝ့ၢ်ပူၤသိလ့ၣ်လၢအိၣ်ဒီး(လဲၤစ့ၣ်)သ့ၣ်တဖၣ်စ့ၢ်ကီးရဲၣ်လီၤသးလဲၤနုၥ်လီၤပှ့ၤဝဲသိလၢကၠီၣ်တဲၣ်မဲၢ်ဆီးတၢ်ဆါသိကျးလီၢ်တဖၣ်အိၣ်ဝဲအဂ့ၢ်,ကၠီၣ်တဲၣ်စိၤရှၢၣ်မံးဒံးယၢၣ်တၢ်ကစီၣ်တနီၤပၥ်ဖျါစ့ၢ်ကီးဝဲဒၣ်န့ၣ်လီၤ.
ကမၤသကိးတၢ်ဒီးထံဂုၤကီၢ်ဂၤလၢ,တၢ်ကဒုးလီၤပှီၢ်တၢ်မၤကမၣ်ကွီၣ်မ့ၣ်တၢ်ဖံးတၢ်မၤတဖၣ်အဂ့ၢ်,(BGF)ပၥ်ဖျါ
လါဖ့ၤဘြူၤအါရံၤ ၆သီ, ၂၀၂၅နံၣ်, ခ့ၣ်အဲးစံၣ်. ကညီကီၢ်စဲၣ်,ထံဆၢကီၢ်ဆၢဟီၣ်ကဝီၤတၢ်လဲၤထီၣ်လဲၤထီအဂီၢ်, ထံဂုၤကီၢ်ဂၤတၢ်ဘျၢလီၤကျိၣ်စ့တၢ်ဖံးတၢ်မၤတၢ်တိၤကျဲၤဖဲကီၢ်ဆၢဟီၣ်ကဝီၤ,လၢကီၢ်စၢဖှိၣ်တၢ်ဘျၢလီၤကျိၣ်စ့ ခီၣ်မ့ရှၢၣ်ဟ့ၣ်ဝဲတၢ်ပျဲဒ်အမ့ၢ် ဟံၣ်လီၢ်,ဟီးတဲးဒီးတၢ်ဟးကသုၣ်ကသီအလီၢ်သ့ၣ်တဖၣ်န့ၣ် BGF တပၣ်ဃုၥ် လၢပှၤဘျၢလီၤကျိၣ်စ့,န့ၢ်ဘၣ်တၢ်ဘျုးသ့ၣ်တဖၣ်အကျါဘၣ်ဒီးမ့မ့ၢ်တခီ BGFဒိးလဲလီၤဝဲထဲဟီၣ်ခိၣ်လီၤအဂ့ၢ် ကညီကီၢ်စဲၣ်,သုးခိးကီၢ်ဆၢ(BGF)ထုးထီၣ်ပၥ်ဖျါဝဲဖဲတနံၤအံၤလါဖ့ၤဘြူၤအါရံၤ(၆)သီအနံၤအံၤန့ၣ်လီၤ. ဒ်(BGF)အလံၥ်ပၥ်ဖျါအသိးန့ၣ် ဟံၣ်လီၢ်တၢ်တိၤကျဲၤလၢ(BGF)ဒိးလဲလီၤဝဲဆူပှၤဘျၢလီၤကျိၣ်စ့အအိၣ်သ့ၣ်တဖၣ်န့ၣ် အဝဲသ့ၣ်ဒိးလဲက့ၤဝဲဆူတၢ်မၤကစၢ်လၢအဂၤတဆီဒီးတၢ်မၤကစၢ်သ့ၣ်တဖၣ်အကျါတနီၤန့ၣ်မၤဝဲဒၣ်တၢ်လံၣ်တၢ်လီ,တၢ်မၤကၤပှၤကူပှၤကညီအဃိသုးခိးကီၢ်ဆၢ(ကညီကီၢ်စဲၣ်)ကဖီၣ်လိၥ်စုမၤသကိးတၢ်ဒီးထံကီၢ်ပဒိၣ်,ထံဂုၤကီၢ်ဂၤတၢ်ကရၢကရိသ့ၣ်တဖၣ်လၢတၢ်ကဒုးလီၤမၢ်ကွံၥ်တၢ်သ့ၣ်တဖၣ်အံၤအဂီၢ်အဂ့ၢ် ပၥ်ဖျါဝဲဒၣ်လၢ BGF အလံၥ်ပၥ်ဖျါအပူၤန့ၣ်လီၤ. လၢန့ၣ်အမဲၥ်ညါ BGFအံၤလ့ၤတက့ၤတတူၢ်လိၥ်ဝဲ တၢ်မၤကၤပှၤကညီ, တၢ်မၤကဘျံးကဘျၣ်,တၢ်မၤဆါမၤပယွဲ,တၢ်ဒိးမၢဖိသၣ်,တၢ်လံၣ်တၢ်လီဒီးတၢ်မူၤတၢ်ဘှီးသ့ၣ်တဖၣ်အဃိဃုထံသမံသမိးဟံးထီၣ်ဝဲဒၣ်ဂ့ၢ်ဝီအိၣ်ဝဲအဖၢမုၢ်ဒီး ပှၤလၢမၤကဘျံးကဘျၣ်တၢ်တဖၣ် ဟ့ၣ်လီၤက့ၤဝဲဆူပှၤလၢအဘၣ်ထွဲဘၣ်ဃးသ့ၣ်တဖၣ်အအိၣ် အိၣ်ဝဲအသိး တုၤဖဲ၂၀၂၃နံၣ်တီၢ်ပူၤ BGF ပၥ်ဖှိၣ်သးဒီးထံကီၢ်ပဒိၣ်,ထံဂုၤကီၢ်ဂၤတၢ်ကရၢကရိဝံၤ မၤစၢၤပှၤကညီလၢအဘၣ်တၢ်မၤကၤအီၤန့ၢ်ဝဲ(၂၀၀၀)ဘျဲၣ်အဖီခိၣ် ခါဆူညါစ့ၢ်ကီးကဖီၣ်လိၥ်စုဒီးထံကီၢ်ပဒိၣ်ဒီးထံဂုၤကီၢ်ဂၤတၢ်ကရၢကရိလၢ ကဒုးထီဒါဝဲဒၣ် တဖိးသဲစးတၢ်မၤကမၣ်ကွီၣ်မ့ၢ်သ့ၣ်တဖၣ်အံၤအဂ့ၢ် BGF အလံၥ်ပၥ်ဖျါအပူၤပၥ်ဖျါဝဲဒၣ်စ့ၢ်ကီးန့ၣ်လီၤ. တကတီၢ်ဃီ အဝဲသ့ၣ်မ့ၢ်တၢ်ကရၢကရိတဖုလၢမၤတၢ်လၢလၢကညီကီၢ်စဲၣ်တၢ်လဲၤထီၣ်လဲၤထီဒီးထံဆၢကီၢ်ဆၢတၢ်လဲၤထီၣ်လဲၤထီအဂီၢ်အသိးလီၢ်ကဝီၤပူၤ ကျဲ,ထံ,မ့ၣ်အူ,တၢ်ကူၣ်ဘၣ်ကူၣ်သ့,တၢ်အိၣ်ဆူၣ်အိၣ်ချ့,မုၢ်ကျိၤဝဲၤကွၥ်ဒီးထံဖိကီၢ်ဖိကျၢၢ်တၢ်ဘၣ်ဘျုးအဂီၢ်န့ၣ်အဝဲသ့ၣ်ရဲၣ်ကျဲၤမၤန့ၢ်ဝဲအိၣ်ထီဘိလီၤအဂ့ၢ် BGFအလံၥ်ပၥ်ဖျါအပူၤစံးဝဲဒၣ်န့ၣ်လီၤ. ဒ်န့ၣ်အသိးလီၤ ဒံၣ်မိၣ်ကရ့ၣ်စံၣ်တၢ်ဘၣ်ဘျုးကညီသုးမုၢ်ဒိၣ် DKBAစ့ၢ်ကီး လၢတၢ်ကဒုးထီဒါတၢ်မၤကၤပှၤကူပှၤကညီဒီးတၢ်မၤဆါမၤပယွဲအဂီၢ် ကဖီၣ်လိၥ်စုဒီးထံဂုၤကီၢ်ဂၤအိၣ်ဝဲအသိးလၢထံဖိကီၢ်ဖိတၢ်ဖံးတၢ်မၤခွဲးယၥ်အဂီၢ်တကပၤစ့ၢ်ကီးအဝဲသ့ၣ်ကမၤဖျါထီၣ်ဝဲတၢ်မၤအမိၢ်လံၤမိၢ်ပှၢ်သ့ၣ်တဖၣ်အဂ့ၢ်ထုးထီၣ်ပၥ်ဖျါဝဲဖဲ အပူၤကွံၥ်လါ ဖ့ၤဘြူၤအါရံၤ(၅)သီအနံၤအိၣ်ဝဲဒၣ်စ့ၢ်ကီးန့ၣ်လီၤ.
မဲးပြ့ခံသုးကလၢၤတၢ်ဒုးအပူၤ တၢ်ဖီၣ်န့ၢ်ဒုၣ်ဒါ(၂၉)ဂၤ,မၤန့ၢ်ကျိဖးဒိၣ်ကျိဖိအခိၣ်(၄၀)ဘျဲၣ်အဂ့ၢ် KNU ထုးထီၣ်ပၥ်ဖျါ
လါဖ့ၤဘြူၤအါရံၤ ၆ သီ, ၂၀၂၅ နံၣ်, ခ့ၣ်အဲးစံၣ် မဲးပခ့ခံပယီၤသုးကလၢၤလၢအိၣ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ဘံလ့ကီၢ်အပူၤအံၤ ဖဲတၢ်ထီၣ်န့ၢ် သုးကလၢၤအံၤအခါတၢ်ဖီၣ်န့ၢ်၀ဲပယီၤသုး(၂၉)ဂၤဒီးတၢ်မၤန့ၢ်ဃုၥ်၀ဲကျိဖးဒိၣ်ကျိဖိအခိၣ်(၄၀)ဘျဲၣ်အဂ့ၢ်န့ၣ် ခ့ၣ်အဲၣ်ယူၣ် လီၢ်ခၢၣ်သး ထုးထီၣ်ပၥ်ဖျါ၀ဲဖဲမဟါလါဖ့ၤဘြူၤအါရံၤ ၅ သီအနံၤန့ၣ်လီၤ. သုးကလၢၤအံၤဟီၣ်က၀ီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)တီခိၣ်ရိၣ်မဲသုးပၥ်ဖှိၣ်သ့ၣ်တဖၣ်ဒီးစးထီၣ်လဲၤခး၀ဲမဲးပြ့ခံသုး ကလၢၤအံၤဖဲအပူၤကွံၥ်လါယနူၤအါရံၤ ၁ သီ ဒီး ဖဲတလါအံၤလါဖ့ၤဘြူၤအါရံၤထီၣ် ၁ သီ မုၢ်ထူၣ် ၁၁း၄၅ မံးနံးအဆၢကတီၢ် လၢတလါအတီၢ်ပူၤ တၢ်မၤန့ကွံၥ်၀ဲ သုးကလၢၤအံၤအဂ့ၢ်န့ၣ် သ့ၣ်ညါဘၣ်န့ၣ်လီၤ. ဒ်န့ၣ်အသိးလၢတၢ်ဒုးဘျီ၀ဲအံၤအပူၤန့ၣ် ဒုၣ်ဒါသံ(၂၉)ဂၤဒီး တၢ်ဖီၣ်သမူန့ၢ်၀ဲ(၂၉)ဂၤအကျါပၣ်ဃုၥ်၀ဲ သုးခိၣ်စိတဂၤ,သုးဒ့ ပၢၤသုးပီလီ သုးစကီၤတဂၤ, သုးစကီၤ(၄)ဂၤ, သုးစကီၤဖိ(၅)ဂၤ, သုးစကီၤပြံ(၄)ဂၤဒီး သုးဖိ(၁၄)ဂၤ အဂ့ၢ်န့ၣ် ခ့ၣ်အဲၣ်ယူၣ် လံၥ်တၢ်ပၥ်ဖျါအပူၤ စံး၀ဲန့ၣ်လီၤ. တကးဒံးဘၣ်လၢန့ၣ်အမဲၥ်ညါတၢ်ပၢၢ်ဆၢသုးပၥ်ဖှိၣ်ကရူၢ် မၤန့ၢ်၀ဲ(howitzer)ဃုၥ်ဒီးကျိဖးဒိၣ်,ကျိဖိ(၄၂)ခိၣ်, ကျိဖးဒိၣ်အချံ(၁၃၃)ဖျၢၣ်, ကျိဖိအချံ(၁၇၂၆၄)ဖျၢၣ်ဒီး တၢ်မၤန့ၢ်ဃုၥ်၀ဲသုးတၢ်ဖိတၢ်လံၤပီးလီသ့ၣ်တဖၣ်အါမးအဂ့ၢ်န့ၣ် ပၥ်ဖျါ၀ဲန့ၣ်လီၤ. ဒ်န့ၣ်အသိးမဲပြ့ခံသုးကလၢၤတၢ်ဒုးအပူၤ မ့မ့ၢ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ်တကပၤန့ၣ် ဘၣ်ဟ့ၣ်လီၤကွံၥ်အသး သမူ (၃)ဂၤဒီး ဘၣ်ဒိဘၣ်ထံး၀ဲ(၃၃)ဂၤ အဂ့ၢ်န့ၣ် ခ့ၣ်အဲၣ်ယူၣ် စံး၀ဲန့ၣ်လီၤ. တကတီၢ်ဃီစးထီၣ်ဖဲတၢ်စးထီၣ်လဲၤခးသုးကလၢၤဒီတကတီၢ်အပူၤန့ၣ် ပယီၤသုးကဘီယူၤ(Jet Fighter)...
ကရ့ၣ်နံၣ်ဟီၣ်က၀ီၤ (၂၀၂၄)အတီၢ်ပူၤ လၢသုးကီၣ်ကးအတၢ်ဖံးတၢ်မၤအဃိကမျၢၢ်ဘၣ်သံ(၁၀၀)ဘျဲၣ်
လါဖ့ၤဘြူၤအါရံၤ ၆ သီ, ၂၀၂၅ နံၣ်, ခ့ၣ်အဲးစံၣ် ကရ့ၣ်နံၣ်ဟီၣ်က၀ီၤအပူၤ အပူၤကွံၥ်(၂၀၂၄)တနံၣ်အတီၢ်ပူၤ လၢသုးကီၣ်ကးအတၢ်ဖံးတၢ်မၤအကလုၥ်ကလုၥ်အဃိ လီၢ်က၀ီၤကမျၢၢ် ထံဖိကီၢ်ဖိသံ၀ဲဒၣ်အဂၤ(၁၀၀)ဘျဲၣ်လၢတၢ်ဂ့ၢ်တအိၣ် နီမံၤအဂ့ၢ်န့ၣ် ကရ့ၣ်နံၣ်ဂ့ၢ်၀ီခွဲးယၥ်ကရူၢ်(KnHRG) ထုးထီၣ်ပၥ်ဖျါ၀ဲဒၣ် ဖဲလါဖ့ၤဘြူၤအါရံၤ ၄ သီအနံၤ န့ၣ်လီၤ. ဒ်လံၥ်တၢ်ပၥ်ဖျါပူၤပၥ်ဖျါ၀ဲအသိးန့ၣ် ခီဖျိလၢသုးကီၣ်ကးအသုးကျိၤနုၥ်လီၤလၢဟီၣ်က၀ီၤပူၤ,သူကဘီယူၤဟဲခးလီၤတၢ်,ခးလီၤကျိဖးဒိၣ် ဆူကမျၢၢ်အိၣ်ဆိးလီၢ်ကျဲ,ဖီၣ်မၤသံကမျၢၢ်လၢတၢ်ဂ့ၢ်တအိၣ်,လၢအ၀ဲသ့ၣ်ဟီၣ်လၥ်မ့ၣ်ပိၢ်အံၤအဃိ လီၢ်က၀ီၤကမျၢၢ်ထံဖိကီၢ်ဖိဘၣ်သံ ကဲထီၣ်၀ဲဒ်အံၤလီၤအဂ့ၢ်န့ၣ် ပှၤလၢအမၤစၢၤပှၤဃ့ၢ်မှံဟးဖျိးဒီးတၢ်ပၢၢ်ဆၢသုးကရူၢ်တဖၣ် ပဲၥ်ထံနီၤဖးစံး၀ဲန့ၣ်လီၤ. လၢ(၂၀၂၄)နံၣ်အတီၢ်ပူၤအံၤ သုးကီၣ်ကးသူ၀ဲဒၣ်ကဘီယူၤတ့ၢ်လီၤ၀ဲမ့ၣ်ပိၢ်(၃၆)ဘျီ, ပယီၤသုးဒိးလီၤမ့ၣ်ပိၢ်,ဖီၣ်ပှၤကမျၢၢ်ကဲထီၣ်(၂၆)ဘျီ, ခးလီၤတပျုၥ်တပျီၥ်ကျိဖးဒိၣ်(၄၆)ဘျီအဂ့ၢ်န့ၣ် ကရ့ၣ်နံၣ်ဂ့ၢ်၀ီခွဲးယၥ်ကရူၢ်လံၥ်တၢ်ပၥ်ဖျါအပူၤ ပၥ်ဖျါ၀ဲ န့ၣ်လီၤ. ခီဖျိလၢတၢ်ဂ့ၢ်သ့ၣ်တဖၣ်အံၤအဃိ ကရ့ၣ်နံၣ်ကီၢ်စဲၣ် ဟီၣ်က၀ီၤအပူၤ ကမျၢၢ်ပှၤဃ့ၢ်မှံဟးဖျိးအိၣ်၀ဲ(၂၁၀၀၀၀)ဂၤညါဒီး ပှၤသ့ၣ်တဖၣ်အံၤ အကျါအါဒၣ်တက့ၢ်န့ၣ်မ့ၢ်၀ဲပိၥ်မုၣ်ပိၥ်မၢၤ,ပှၤသူၣ်က့သးပှၢ်ဒီးဖိဒံဖိသၣ်သ့ၣ်တဖၣ်အဃိ လၢအ၀ဲသ့ၣ်အဂီၢ်လိၣ်ဘၣ်၀ဲဒၣ်တၢ်ဆီၣ်ထွဲ မၤစၢၤအဂ့ၢ်န့ၣ် ကရ့ၣ်နံၣ်ပှၤလီၢ်အိၣ်ကဒုမူဒါခိၣ်တဂၤ စံး၀ဲဒ်အံၤန့ၣ်လီၤ. “ခဲအံၤန့ၣ်ပယီၤသုးစ့ၢ်ကီးပံးဃၥ်၀ဲတၢ်စိၥ်ထီၣ်စိၥ်လီၤကသံၣ်ကသီအဃိပဘၣ်စိၥ်ခူသူၣ်လီၤ.အဃိလၢကရ့ၣ်နံၣ်ဟီၣ်က၀ီၤ ပှၤလီၢ်အိၣ်ကဒုအလီၢ်န့ၣ်အခိၣ်သ့ၣ်န့ၣ်လိၣ်ဘၣ်ကသံၣ်ကသီလီၤ.ပှၤလီၢ်အိၣ်ကဒုတၢ်လီၢ်တတီၤန့ၣ်အါဒၣ်တက့ၢ်(၅၀)မျးကယၤန့ၣ် မ့ၢ်၀ဲပှၤသူၣ်က့သးပှၢ်ဒီးပှၤဖိဒံဖိသၣ်သ့ၣ်တဖၣ်လီၤ”အဂ့ၢ်န့ၣ် စံး၀ဲန့ၣ်လီၤ. လၢတၢ်အိၣ်သးဒ်အံၤအဖီခိၣ် ကီၢ်ပယီၤပူၤထံဖိကီၢ်ဖိကမျၢၢ်တဖၣ်တဒိးန့ၢ်ဘၣ်၀ဲပှၤဟီၣ်ခိၣ်ဖိခွဲးယၥ်ဘၣ်အဃိ ထံဂုၤကီၢ်ဂၤတဖၣ် အလီၢ်အိၣ်လၢကတြီဆၢဟံထီၣ်ဖီၣ်ထီၣ်ဂ့ၢ်၀ီလၢအဆိအချ့ဒီး အလီၢ်အိၣ်လၢတၢ်ကဘၣ်ဒီၣ်တဲၥ်ကွံၥ် တၢ်ဆါန့ၢ်သုးကီၣ်ကးအ ကျိချံပှၥ်သၣ်ဒီးကဘီယူၤသိသ့ၣ်တဖၣ်အဂ့ၢ်န့ၣ် (KnHRG)ဆီၣ်တခူဃ့ထီၣ်၀ဲန့ၣ်လီၤ.