KIC News

လါယူၤ ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤအပူၤ ချၢၣ်လွံၣ်ထူၣ်ကီၢ်ရ့ၣ် ဆီထံးကီၢ်ဆၣ် (သုးက့=၃)ဟီၣ်က၀ီၤအပူၤ ခီဖျိသုးမီၤစိရိၤဖီၣ်ပီၣ်တၣ်အဃိ လီၢ်က၀ီၤကမျၢၢ်ထံဖိကီၢ်ဖိတဖၣ် ဘၣ်အိၣ်လၢတၢ်ပျံၤတၢ်ဖုးတၢ်ဘၣ်ယိၣ်ဘၣ်ဘှီအပူၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ သုးမီၤစိရိၤအသုးလၢအအိၣ်လၢဟီၣ်က၀ီၤပူၤတဖၣ်လၢအမ့ၢ် ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ=၁၂)စု ဒုၣ်တီၤအဖီလာ် ခီၣ်ချ့သုးရ့ၣ်(ခမရ=၅၄၈)ဒီး(စကခ=၈)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ=၄၀၂)တဖၣ် ဖဲအပူၤကွံာ်(လါယူၤ ၂၃)သီအနံၤ ဟဲဖီၣ်၀ဲဆီထံးကီၢ်ဆၣ် ဘျီခိၣ်သ၀ီဖိ(၁၃) ဂၤဒ်သိးကလဲၤပီၣ်တၣ်အဃိ လီၢ်က၀ီၤဖိတဖၣ်ဘၣ်ဟးဃ့ၢ်အိၣ်ခူသူၣ်၀ဲအဂ့ၢ်န့ၣ်် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲန့ၣ်လီၤႉ အ၀ဲစံး၀ဲလၢ“မီၤစိရိၤအသုးဟဲဖီၣ်ပီၣ်တၣ်န့ၣ်မ့ၢ်၀ဲလီၤႉ...

လါယူၤ ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ် ၀ီၢ်ရီဟီၣ်က၀ီၤ တၢ်ဆဲးကျိး(mytel)အတၢၣ်လၢသုးမီၤစိရိၤထီထီၣ်ဃာ်၀ဲ လၢသ၀ီအပူၤတဖၣ် တၢ်မၤဟးဂီၤအိၣ်၀ဲ ၅ ခါတခါလံအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ၀ီၢ်ရီဟီၣ်က၀ီၤ ကၠီၣ်ဘလူသ၀ီ က၀ီၤဒ့(၂)အပူၤ ဖဲလါယူၤ ၂၇ သီႇ မုၢ်နၤခီ ၈ နၣ်ရံၣ်ဘျဲၣ်အဆၢကတီၢ် တၢ်ဟဲမၤပိၢ်ဖးထီၣ်၀ဲတၢ်ဆဲးကျိး(mytel)အတၢၣ်လၢတၢ်ထီထီၣ်ဃာ်၀ဲအံၤဒီး ...

လါယူၤ ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် မိၣ်ကီၢ်စဲၣ်ႇ ဒူသထူၣ်ကီၢ်ရ့ၣ်ႇ ဘံလ့ကီၢ်ဆၣ် စွ့ၣ်လီအ့သ၀ီကရူၢ် နးကၠံသ၀ီအပူၤ ဖဲတနံၤအံၤ(လါယူၤ ၂၈) သီအနံၤ မီၤစိရိၤအသုးဒီးသုးခိးကီၢ်ဆၢ BGF သုးပာ်ဖှိၣ်သုးတဖၣ် ဖီၣ်၀ဲဒၣ်လီၢ်က၀ီၤသ၀ီဖိအသိလ့ၣ်ႇသိလ့ၣ်ယီၢ်လၢတၢ်ဂ့ၢ်တအိၣ်နီတမံၤဘၣ်အဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤၦၤမၤတၢ်ကစီၣ်ဖိအအိၣ်န့ၣ်လီၤႉ သုးမီၤစိရိၤအသုး နီၣ်ဂံၢ်(၁၂)ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ=၅၄၉)ႇ နီၣ်ဂံၢ်(၈)ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ် (စကခ)စုဒုၣ်တီၤအဖီလာ် ခီၣ်ချ့သုးရ့ၣ်(ခမရ=၄၀၂)သုးကရူၢ်တဖၣ်ဒီး သုးခိးကီၢ်ဆၢ(BGF)နီၣ်ဂံၢ်(၁၀၁၁)သုးရ့ၣ်...

လါယူၤ ၂၅ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢတၢ်ပၢဟီၣ်က၀ီၤအပူၤ ကညီကူၣ်သ့ဆဲးလၤ၀ဲၤကျိၤ(KECD)တၢ်ပၢအဖီာ်လာ်ကၠိတဖၣ် တနံၣ်အံၤ(၂၀၂၁=၂၀၂၂)တၢ်သိၣ်လိနံၣ်အပူၤ ကၠိဖိနီၣ်ဂံၢ်ဟဲအါထီၣ်လၢအကထိအဂ့ၢ်န့ၣ် သ့ၣ်ညါဘၣ်န့ၣ်လီၤႉ တကီၢ်ခါခီဖျိထံရူၢ်ကီၢ်သဲးတၢ်အိၣ်သးအဃိ ကၠိဖိမိၢ်ပၢ်တနီၤခီဖျိလဲၤပာ်က့ၤ အဒံၣ်အဖိ ကၠိလၢ (KECD)စုဒုၣ်တီၤအဖီလာ်အဃိ ကၠိဖိနီၣ်ဂံၢ်ဟဲအါထီၣ်၀ဲလီၤဒီး တကီၢ်ခါခဲအံၤကၠိဖိနီၣ်ဂံၢ်ခဲ လၢာ်အိၣ်၀ဲ(၅ႇ၀၀၀)ဘျဲၣ်အဂ့ၢ်န့ၣ် ကညီကူၣ်သ့ဆဲးလၤ၀ဲၤကျိၤ(KECD)လီၢ်ခၢၣ်သး နဲၣ်ရွဲၣ် စီၤလီၤအဲၣ်မူ စံးဘၣ်ခ့ၣ်အဲးစံၣ်န့ၣ်လီၤႉ အ၀ဲစံး၀ဲလၢ“ခီဖျိကၠိဖိဟဲအါထီၣ်အဃိ...

လါယူၤ ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ပူၤ ဖဲတနံၤအံၤ(လါယူၤ ၂၃)သီ ဂီၤခီ ၆ နၣ်ရံၣ်တခီအဆၢကတီၢ် သးၦၢ်လၢသုးမီၤစိရိၤတီၣ်ထီၣ်၀ဲတဂၤ တၢ်ဟဲခးအီၤဒီးကျိခံထံၣ်ဒီးသံ၀ဲဒၣ်န့ၣ်လီၤႉ သးၦၢ်အူသါထ့(၅၈)နံၣ်လၢအဘၣ်တၢ်ခးသံအီၤအံၤ တၢ်ဟဲခးသံအီၤဖဲမၠၣ်၀တံၣ်၀့ၢ် နီၣ်ဂံၢ်(၂)က၀ီၤဒ့ႇနီၣ်ဂံၢ်(၂) ကျဲ ဘၣ်ဖဲအဆ့ၣ်နီၤအိၣ်လၢအဟံၣ်မဲာ်ညါအဆၢကတီၢ် ၦၤခးကျိဖိလၢအဟဲဒိးဒီးသိလ့ၣ်အသူတခိၣ်ဟဲခးသံအီၤလီၤအဂ့ၢ်န့ၣ် အဟံၣ်ဖိဃီဖိတဖၣ်စံး၀ဲန့ၣ်လီၤႉ အူသါထ့လၢတၢ်ခးသံအီၤအံၤ ကျိဘၣ်၀ဲအဟၢဖၢအသးနါၦၢ်ခံထံၣ်ဒီး ဖဲတၢ်လဲၤဆှၢအီၤဆူမၠီၣ်လမၠဲၣ်တၢ်ဆါဟံၣ်အဆၢကတီၢ်သံ၀ဲဒၣ်လၢကျဲပူၤအဃိ ဘၣ်တၢ်ဟဲက့ၤကိးကဒါအီၤဆူမၠၣ်၀တံၣ်န့ၣ်လီၤႉ ဘၣ်ထွဲဒီးတၢ်ခးသံအူသါထ့တၢ်ဂ့ၢ်အံၤ ကဘၣ်ထွဲလိာ်သးဒီးအပူၤကွံာ်(လါမးရှး)သၢနွံတနွံအခါ...

လါယူၤ ၂၃ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်ႇ လူၢ်ပျဲၢ်ကီၣ်ဆၣ် ဒူသ၀ီတနီၤအပူၤန့ၣ် လီၢ်က၀ီၤသုးခိးကီၢ်ဆၢ(BGF)ကရူၢ်ဒီး သ၀ီၦၤဘၣ်မူ ဘၣ်ဒါတဖၣ််တီခိၣ်ရိၣ်မဲ၀ဲဒီး အိးထီၣ်၀ဲတၢ်ဂဲၤလိာ်ကွဲတၢ်တၤကျိၣ်တၤစ့တဖၣ်ကိးမုၢ်နံၤကိးမုၢ်နၤဒဲးအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိတဖၣ်အအိၣ်န့ၣ်လီၤႉ စးထီၣ်ဖဲအပူၤကွံာ်လါမးရှးထီၣ်တၢတနွံတုၤလၢခဲအံၤတစုန့ၣ် လူၢ်ပျဲၢ်ကီၢ်ဆၣ် ကၠိၣ်ခၠီဒိဂ့ၤသ၀ီဒီး ၀ဲလၣ်သ၀ီအဘၢၣ်စၢၤတၢ်လီၢ်တတီၤ သုးခိးကီၢ်ဆၢ(BGF)သုးခိၣ်စိ အူမံတပိၤ(ကိး)ကဘီယူၤႇသုးခိၣ်စိ ကိၤလၣ်သ့ဒီးဒူသ၀ီၦၤဘၣ်မူဘၣ်ဒါတဖၣ်တီခိၣ်ရိၣ်မဲဒီးအိးထီၣ်၀ဲ တၢ်ဒုးတဖှံဆီလီၢ်(ကြက်၀ိုင်း) ဒီးအၣ်ကလိၣ်(အံကလုံ)တၢ်တၤကျိၣ်တၤစ့တဖၣ်လီၤအဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံးဘၣ်ခ့ၣ်အဲးစံၣ်န့ၣ်လီၤႉ အ၀ဲစံး၀ဲလၢ“ တၢ်ဒုးတဖှံဆီလီၢ်အိၣ််ကၦဲၤထီၣ်၀ဲတလါလီၤႉ...

လါယူၤ ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါ(လါယူၤ ၂၁)သီအနံၤ KNU- ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ် သုးက့(၁)ဟီၣ်က၀ီၤအပူၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီး ပယီၤသုးမီၤစိရိၤအသုးတဖၣ်အဘၢၣ်စၢၤတၢ်ဒုးကဲထီၣ်၀ဲဒီး ဖဲန့ၣ်သုးမီၤစိရိၤအသုးသံ၀ဲ(၈)ဂၤဒီးဘၣ်ဒိ(၄)ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ သုးမီၤစိရိၤအသုးကရူၢ်လၢအနုာ်လီၤဟူးဂဲၤလၢ KNU သုးက့(၁)ဟီၣ်က၀ီၤအပူၤတဖၣ်ဒီး လီၢ်က၀ီၤ KNLA သုးရ့ၣ်(၁)တဖၣ်အဘၢၣ်စၢၤ ဘၣ်သဂၢၢ်လိာ်သးဒီးတၢ်ခးလိာ်သးကဲထီၣ်ဖဲတကီၤဘိသ၀ီကပၤအဂ့ၢ်န့ၣ် KNU...

လါယူၤ ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် အ့ၣ်ယၣ်၀တံၣ်ကီၢ်ခီဒိၣ်ႇမၠီမၠးကီၢ်ရ့ၣ်ႇ၀ါခဲၤမၣ်ကီၢ်ဆၣ်အပူၤ သ၀ီတနီၤအပူၤန့ၣ် လၢတၢ်ထၢသုးဖိသီအဂီၢ် ၦၤလၢအဖီၣ်မဲဘၣ်လၢကဘၣ်လဲၤသုးဒီးမ့ၢ်တအဲၣ်ဒိးလဲၤဘၣ်န့ၣ် ဘၣ်ဟ့ၣ်လီၤ၀ဲစ့ခံကလီၢ်ဘျဲၣ်အဂ့ၢ်န့ၣ် လီၢ်က၀ီၤဖိတဖၣ်စံး၀ဲန့ၣ်လီၤႉ “သ၀ီတနီၤန့ၣ်ဖီၣ်၀ဲမဲမီၤနီၤႉ ဖီၣ်မဲဘျီတနီၤန့ၣ်ဘၣ်၀ဲလီၤႉ ဘၣ်၀ဲနါက့တအဲၣ်ဒိးလဲၤ၀ဲဘၣ်ႇလဲၤတဘူၣ်ဘၣ်ႉ ၀ံၤဘျီသ၀ီသးၦၢ်တဲလၢ မ့ၢ်တလဲၤဘၣ်န့ၣ်မၢဟ့ၣ်လီၤစ့ခံကလီၢ်ဘျဲၣ်လီၤႉ တဲ၀ဲလၢစ့တဖၣ်န့ၣ်ဘၣ်က့ၤငါၦၤ လၢအဂၤလီၤႉ ခဲအံၤၦၤလၢအသ့ၣ်ညါလိာ်သးဒီးယၤတဂၤဖီၣ်ဘၣ်မဲဒီး လဲၤဟ့ၣ်လီၤ၀ဲစ့ဒ်သ၀ီသးၦၢ်ဃ့ ၀ဲအသိးလီၤ”အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲန့ၣ်လီၤႉ လၢန့ၣ်အမဲာ်ညါ သ၀ီသးၦၢ်ဟးတဲ၀ဲလၢ ၦၤလၢအဘၣ်လဲၤလၢၦၤအလီၢ်တဖၣ်န့ၣ်စ့ၢ်ကီး ကဒိးန့ၢ်ဘၣ်တၢ်ဆီၣ်ထွဲစ့...

လါယူၤ ၂၂ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲမဟါလါယူၤ ၂၁သီအနံၤ တၢ်ပာ်လီၤက့ၤကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA) သုးက့(၇)သုးက့ခိၣ် သုးခိၣ်ကျၢၢ်ဖိ စီၤကၠီၤဖၠူၤ တၢ်ရဲၣ်တၢ်ကျဲၤ ဖဲဖၣ်အၣ်ကီၢ်ရ့ၣ် သုးက့ ၇ သုး၀ဲၤလီၢ်ခိၣ်သ့ၣ်တၢ်လီၢ်ဒီး ကမျၢၢ်လၢအကထိဟဲထီၣ်၀ဲအါအါဂီၢ်ဂီၢ်န့ၣ်လီၤႉ သုးက့(၇)သုးက့ခိၣ် သုးခိၣ်ကျၢၢ်ဖိ စီၤကၠီၤဖၠူၤအံၤ လဲၤပူၤကွံ၁်အသးဖဲအပူၤကွံာ်(လါယူၤ ၁၉)သီ မုၢ်နၤခီ(၁၀း၅၀)မံးနံးအဆၢကတီၢ်လၢသးၦၢ်တၢ်ဆါန့ၣ်လီၤႉ တၢ်လဲၤပာ်လီၤသုးခိၣ်ကျၢၢ်ဖိစီၤကၠီၤဖၠူၤအစိၣ်တၢ်ရဲၣ်တၢ်ကျဲၤအပူၤ KNU-...

ကနဲလ့တၢ်ကဲထီၣ်သးတၢ်ဂ့ၢ်အဖီခိၣ် တၢ်ဆဲးကျိးသံကွၢ်ဒီး(KNDO)အသုးခိၣ်ကျၢၢ် စီၤနၢၤဒါမၠး ဖဲအပူၤကံ၁် လါယူၤ ၁၆ သီအနံၤ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ထုးထီၣ်၀ဲလံာ်တၢ်ပာ်ဖျါ တဘ့ၣ်လၢအဘၣ်ထွဲ၀ဲဒၣ်ဒီး တၢ်ကစီၣ်ရၤလီၤအသးလကညီဂၢၤသးကရၢအၦၤမၤသံကမျၢၢ်တၢ်ဂ့ၢ်တၢ်ကျိၤအံၤ ကဒုးအိၣ်ထီၣ်၀ဲကမံးတံာ်လၢ ကလူၤဃိထံသ့ၣ်ညါတၢ်ဂ့ၢ်အံၤအဖီခိၣ် ပဆဲးကျိးသံကွၢ်၀ဲ ကညီဂၢၤသးသုးမုၢ်ဒိၣ် အသုးခိၣ်ကျၢၢ် သုးခိၣ်ကျၢၢ်ဖိစီၤနၢၤဒါမၠးအတၢ်ထံၣ်တၢ်ပာ်သးဒ်အံၤန့ၣ်လီၤႉ တၢ်သံကွၢ်=ဘၣ်ထဲဒွီးကနဲလ့ဟီၣ်က၀ီၤအပူၤ တၢ်ကစီၣ်ဟူထီၣ်သါလီၤသ့ၣ်တဖၣ်န့ၣ် နအဲၣ်ဒိးတဲဒ်လဲၣ်ႉ စံးဆၢ=ပမ့ၢ်ကွၢ်လၢဖဲမဟါတၢ်ကဲထီၣ်သးလၢ(KNDO)န့ၣ်ၦၤလၢအမၤတရီတပါဖိဒံဖိသၣ်ပိာ်မုၣ်ပိာ်မၢၤအခွဲးယာ် န့ၣ်အိၣ်ဒၣ်ပယီၤသုးလၢအခးကျိဖးဒိၣ်လၢအအိၣ်ကနဲလ့တဖၣ်န့ၣ်လီၤႉ ဘၣ်မနုာ်အဃိလဲၣ်န့ၣ်ခီဖျိသ့ၣ်ညါ၀ဲလၢဖိဒံဖိသၣ်ပိာ်မုၣ်ပိာ်မၢၤအိၣ်လၢပတၢ်လီၢ်ဒီး ခးလီၤ၀ဲကျိဖးဒိၣ် ၁၂၀...