လါမ့ၤ ၂၀ သီႇ ၂၀၂၁ နံၣ်ႇ ခ့ၣ်အဲးစံၣ်
တၢ်မၤ၀ဲ ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ဖၣ်အၣ်ကီၢ်ရ့ၣ် ခီကရဲးတၢ်အိၣ်ဖှိၣ် (၁၁)၀ီတ၀ီ တၢ်ဃုထၢ ထီၣ် ကီၢ်ရ့ၣ်အပတီၢ် ၄ နံၣ်တဘျီအပူၤ ကီၢ်ရ့ၣ်ခိၣ်ဆီတလဲသးတအိၣ်ဘၣ်ဒီး တၢ်က့ၤဃုထၢ ထီၣ်ကဒါအလီၢ်လီၢ်လီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ
ဖဲမဟါ(လါမ့ၤ ၁၉)သီအနံၤ ခီကရဲးတၢ်အိၣ်ဖှိၣ်လီၢ်ခံကတၢၢ်အနံၤ ကီၢ်ရ့ၣ်ႇကီၢ်ဆၣ်ဒီးဒူသ၀ီကရူၢ်အပတီၢ် ခၢၣ်စးလၢအဟဲထီၣ်၀ဲတဖၣ် ဒ်ဒံၣ်မိၣ်ခြ့ၣ်စံၣ်တၢ်မၤအကျိၤကျဲအသိး ဖဲတၢ်က့ၤဃုထၢထီၣ်ကဒါ ကီၢ်ရ့ၣ်အပတီၢ် ခိၣ်နၢ်ဒိၣ်ထီ ၄ ဂၤအံၤအကျါ ထဲဒၣ် နဲၣ်ရွဲၣ်သဃဲၤ စီၤဂ့ၤထူန့ၣ် တၢ်တဃုထၢထီၣ်အီၤလၢၤဘၣ်န့ၣ်လီၤႉ မ့မ့ၢ်လၢ ကီၢ်ရ့ၣ်ခိၣ် စီၤအီၤမီၤအ့ ဒီး နဲၣ်ရွဲၣ် ပဒိၣ်စီၤဘၤဒံၤဖိတဖၣ်တၢ်က့ၤဃုထၢထီၣ်ကဒါ၀ဲန့ၣ်လီၤႉ...
လါမ့ၤ ၁၉ သီႇ ၂၀၂၁ နံၣ်ႇ ခ့ၣ်အဲးစံၣ်
ကညီကီၢ်စဲၣ်ႇဃိၣ်သၢဖျၢၣ်၀့ၢ်ပူၤ ဖဲတနံၤအံၤလါမ့ၤ ၁၉ သီအနံၤ တၢ်ခးသံ၀ဲက၀ီၤဒ့သးၦၢ်တဂၤလၢသုးကီၣ်ကးပာ်ထီၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ
ဃိၣ်သၢဖျၢၣ်၀့ၢ်ပူၤ နီၣ်ဂံၢ်(၄)က၀ီၤဒ့ သးၦၢ်တဂၤလၢအမ့ၢ် အူကၠီၤစ့ၤမ့ လၢအအိၣ်ဖဲဒီနၣ်ကျဲ(၁)အံၤ ဖဲတနံၤညါအံၤဂီၤခီ ၉ နၣ်ရံၣ်ဘျဲၣ်အဆၢကတီၢ် ၦၤတဒူၣ်လၢတၢ်တသ့ၣ်ညါအမံၤတဒူၣ် ဟဲခးသံ၀ဲအီၤဒီးကျိဖဲတၢ်သ့ဃၢၤဆဲးကဲးသိလ့ၣ်ကျးပူၤအဂ့ၢ်န့ၣ် သ့ၣ်ညါဘၣ်လၢၦၤအိၣ်၀့ၢ်ပူၤတဖၣ်အအိၣ်န့ၣ်လီၤႉ
ကမျၢၢ်လၢအိၣ်၀့ၢ်ပူၤလၢတအဲၣ်ဒိးပာ်ဖျါအမံၤတဂၤစံး၀ဲ“ကဲထီၣ်၀ဲဖဲဂီၤခီ ၉ နၣ်ရံၣ် ၁၅ မံးနံးန့ၣ်လီၤႉ သုးကီၣ်ကးပာ်ထီၣ်အီၤလၢသးၦၢ်မီၤနီၤႇ ခီဖျိလၢသးၦၢ်အံၤအဃိ တၢ်ဖီၣ်၀ဲဃိၣ်သၢဖျၢၣ်သးစၢ်တဖၣ်အါမးလီၤႉ မ့ၢ်မတဂၤမၤ၀ဲလဲၣ်ဒုတသ့ၣ်ညါဘၣ်ႉ တၢ်လဲၤခး၀ဲလၢအကျးတၢ်သ့ဃၢၤဆဲးကဲးလီၢ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်=ကညီတၢ်ကစီၣ်၀ဲၤလီၢ်ခိၣ်သ့ၣ်န့ၣ်လီၤႉ
သုးကီၣ်ကး က၀ီၤဒ့သးၦၢ်အူကၠီၤစ့ၤမ့အံၤ မ့ၢ်ၦၤလၢအအိၣ်ဘှံး၀ဲဒၣ်လၢသုးပူၤလၢ သုးရ့ၣ်ခိၣ်(၂)အပတီၢ်တဂၤအသိးမ့ၢ်၀ဲဒၣ်ကီၢ်စၢဖှိၣ်သွံၣ်ဃူဖိးဒီးတၢ်ဂုၤထီၣ်ပသီထီၣ်ပၣ်တံၣ်ဖိတဂၤစ့ၢ်ကီးန့ၣ်လီၤႉ တကီၢ်ခါလၢတၢ်ကဲထီၣ်သးအလီၢ်န့ၣ် တၢ်ကးတံၢ်ဃာ်၀ဲတၢ်လဲၤထီၣ်က့ၤလီၤခဲလၢာ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ
လါမ့ၤ ၁၉ သီႇ ၂၀၂၁ နံၣ်ႇ ခ့ၣ်အဲးစံၣ်
ကညီကီၢ်စဲၣ်ႇဖၣ်ပူၣ်ဟီၣ်က၀ီၤအပူၤ ခီဖျိသုးတၢ်ဖ့ၣ်ဆၢတဖၣ်ဟဲအိၣ်ထီၣ်အဃိ ကညီကမျၢၢ်ထံဖိကီၢ်ဖိလၢအဟဲဃ့ၢ်ထီၣ်ဆူကီၢ်ကၠီၣ်တဲၣ် မဲၢ်ဟီၤဆီၤကီၢ်ရ့ၣ် ဃိၣ်လိာ်ကျိထံ၀ၢ်ခီတကပၤတဖၣ် ဒ်သိးတၢ်ကမၤစၢၤအ၀ဲသ့ၣ်ကန့ၢ်အဂီၢ် ဖဲလါမ့ၤ ၁၇ သီအနံၤ မဲၢ်ဟီၤဆီၤကီၢ်ရ့ၣ်ခိၣ် တီခိၣ်ရိၣ်မဲ၀ဲဒီးဒုးအိၣ်ထီၣ်၀ဲကမံးတံာ်တဖုအဂ့ၢ်န့ၣ် ထုးထီၣ်၀ဲလံာ်တၢ်ဘိးဘၣ်ရၤလီၤတဘ့ၣ်န့ၣ်လီၤႉ
ကမံးတံာ်အ၀ဲအံၤ ဘၣ်တၢ်ဒုးအိၣ်ထီၣ်၀ဲလၢကမံးတံာ်ဖိ ၁၆ ဂၤဒီး ဖဲန့ၣ်ပထံၣ်ဘၣ်လၢ ပၣ်ဃုာ်၀ဲဒၣ်ဒီးမဲၢ်ဟီၤဆီၤကီၢ်ရ့ၣ်ခိၣ် ၦၤဘၣ်မူဘၣ်ဒါတဖၣ်ႇ ကီၢ်ဆၣ်ၦၤဘၣ်မူဘၣ်ဒါတဖၣ်ႇ ဘၣ်ထွဲသုးၦၤဘၣ်မူဘၣ်ဒါတဖၣ်အမဲာ်ညါ ဟီၣ်က၀ီၤ ဟီၣ်ခိၣ်ဒီဘ့ၣ်ဘၣ်ကီဘၣ်ခဲ ဘီမုၢ်စၢဖှိၣ်ကရၢ(UNHCR)ခၢၣ်စးႇကရူၢ်ကရၢခၢၣ်စးလၢအတမ့ၢ်ပဒိၣ်ဃုာ်ဒီး ကၠီၣ်တဲၣ်ကညီကရူၢ် (KTG)ဒီး ဃိၣ်လိာ်ကျိကမျၢၢ်ကရူၢ်ခၢၣ်စးတဖၣ်န့ၣ်လီၤႉ
ကီၢ်ရ့ၣ်ခိၣ်ဟ့ၣ်လီၤကမံးတံာ်ဖိတဖၣ်မူဒါလၢ ကမၤနီၣ်မၤဃါ၀ဲ ၦၤဃ့ၢ်မှံဟးဖျိးလၢအဟဲအိၣ်ကဒုသးတၢ်အိၣ်သးတဖၣ်ႇတၢ်ဂ့ၢ်တၢ်ကျိၤႇတၢ်အီၣ်တၢ်အီဒီး တၢ်လိၣ်အရ့ဒိၣ်လၢအဂၤတဖၣ်ႇဃုကျဲဒ်သိးကဒိးန့ၢ်ဘၣ်တၢ်ဆီၣ်ထွဲမၤစၢၤႇ တၢ်ကဃုကျဲဒ်သိးတၢ်ကစိာ်ခီဂာ်၀ဲတၢ်ဖိတၢ်လံၤအဂီၢ်ႇ ဒ်သိးတၢ်ကမၤနီၣ်မၤဃါ၀ဲတၢ်ဆီၣ်ထွဲမၤစၢၤအစရီတဖၣ်အဂီၢ်တဖၣန့ၣ်လီၤႉ
ဘၣ်ထွဲဒီးတၢ်ဒုးအိၣ်ထီၣ်ကမံးတံာ်တၢ်ဂ့ၢ်အံၤ ကညီပိာ်မုၣ်ကရၢ -KWO...
လါမ့ၤ ၁၈ သီႇ ၂၀၂၁ နံၣ်ႇ ခ့ၣ်အဲးစံၣ်
ဖဲအပူၤကွံာ်စှၤသီအတီၢ်ပူၤ တၢ်ကစီၣ်ရၤလီၤသးလၢစိၣ်ရှၢၣ်မံၣ်ဒံၣ်ယၢၣ် (Social Media) အပူၤလၢ DKBA သုးခိၣ်ဒိၣ်စိ စီၤဆါအီၤႇ သုးခိၣ် ၄ ဂၤဃုာ်ဒီးသုးဖိဂံၢ်ဘါခံကထိဘျဲၣ် က့ၤပာ်ဖှိၣ်မၤသကိးတၢ်ဒီး KNU-ကညီဒီကလုာ်စၢဖှိၣ်ကရၢအံၤန့ၣ် မ့ၢ်တၢ်ကစီၣ်လၢအကမၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ
သုးခိၣ်ဒိၣ်စိ စီၤဆါအီၤအံၤ လၢအပူၤကွံာ်မ့ၢ်၀ဲ(DKBA)ထုးဖးသးကရူၢ်ဒီးခးလိာ်သးဒီး ပယီၤသုးအိၣ်၀ဲလၢအနံၣ်တဖၣ်ညါ၀ံၤအလီၢ်ခံ ဖဲအပူၤကွံာ် ၂၀၂၀ နံၣ် လါမးရှး ၁၂ သီအနံၤန့ၣ် အ၀ဲဃုာ်ဒီးအၦၤသုးဖိ(၁၃)လဲၤပာ်လီၤတၢ်စုက၀ဲၤလၢပယီၤသုးအအိၣ်န့ၣ်လီၤႉ
သုးခိၣ်ဒိၣ်စိ စီၤဆါအီၤလဲၤပာ်လီၤစုက၀ဲၤလၢ မုၢ်ထီၣ်ကလံၤထံးကီၢ်ခီသုး၀ဲၤလီၢ်သ့ၣ် မၠၣ်၀တံၣ်ကီၢ်ရ့ၣ်ႇ စုကလံၣ်၀့ၢ် ဆိၣ်စံမၠဲၣ်သ၀ီတၢ်လီၢ်တတီၤဒီး လဲၤစိာ်ဃုာ်၀ဲဒီး ကျိဖိ ၁၇ ခိၣ်...
လါမ့ၤ ၁၇ သီႇ ၂၀၂၁ နံၣ်ႇ ခ့ၣ်အဲးစံၣ်
တၢ်ဂဲၤလိာ်မၤမူထီၣ်က့ၤ(NCA)အတၢ်ဟဲလိၣ်ထီၣ်ဖးထီၣ်လၢ ၂၀၀၈ တၢ်ဘျၢသဲစးအဖီလာ်လၢ အတကဲဘျုးဘၣ်အံၤ မ့ၢ်တၢ်လၢအကွၢ်ကပာ်ကွံာ်ထံရူၢ်ကီၢ်သဲး အတၢ်ဃံးတၢ်စ့ၤနီၢ်နီၢ်လၢ ကဲထီၣ်သးလၢခ့ခါခဲအံၤလီၤအဂ့ၢ်န့ၣ် အီးစထြ့လယါ ကညီဒီကလုာ်ကရၢ(Australian Karen Organization-AKO)ထုးထီၣ်၀ဲလံာ်တၢ်ပာ်ဖျါ ဖဲလါမ့ၤ ၁၅ သီအနံၤန့ၣ်လီၤႉ
“ထံဖိကီၢ်ဖိခဲလၢာ်လၢကီၢ်ပယီၤအပူၤ တနံၤဘၣ်တနံၤ အတၢ်အိၣ်မူလၢအတအိၣ်ဒီးတၢ်ဘံၣ်တၢ်ဘၢနီတစဲးဘၣ်ဒီး ဘၣ်ပျံၤဘၣ်ဖုးတၢ်အကတီၢ် တၢ်ဂဲၤလိာ်မၤမူထီၣ် က့ၤ(NCA)အတၢ်ဟဲလိၣ်ထီၣ်ဖးထီၣ်လၢ ၂၀၀၈ တၢ်ဘျၢသဲစးအဖီလာ်လၢအတကဲဘျုးဘၣ်ဒီး ဟးဂီၤတ့ၢ်လံစးထီၣ်လၢသုးမီၤစိရိၤကရူၢ်ဟံးန့ၢ်ဆူၣ်တၢ်စိတၢ်ကမီၤအံၤန့ၣ် မ့ၢ်တၢ်လၢအကွၢ်ကပာ်ကွံာ်ထံရူၢ်ကီၢ်သဲးအတၢ်ဃံးတၢ်စ့ၤနီၢ်နီၢ်လၢကဲထီၣ်သးလၢခ့ခါခဲအံၤလီၤ” အဂ့ၢ်န့ၣ် AKO လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ
စးထီၣ်လၢတၢ်ဆဲးလီၤ(NCA)စုပနီၣ်၀ံၤအလီၢ်ခံန့ၣ် ပယီၤသုးမုၢ်ဒိၣ်အံၤလုၢ်သ့ၣ်ခါပတာ်၀ဲဒၣ်(NCA)ဖျိဖျိဖျါဖျါဒီး လၢတၢ်ဟ့ၣ်ထီၣ်တၢ်ဂ့ၢ်တၢ်ပီၢ်လၢတၢ်ကမၤဂ့ၤထီၣ်ထံလီၢ်ကီၢ်ပူၤတၢ်ဂုၤထီၣ်ပသီထီၣ်အပူၤန့ၣ် ဟံးန့ၢ်ဆူၣ်၀ဲဒၣ်ကညီထံဖိကီၢ်ဖိတဖၣ်အဟီၣ်ခိၣ်ကပံာ်ႇ...
လါမ့ၤ ၁၄ သီႇ ၂၀၂၁ နံၣ်ႇ ခ့ၣ်အဲးစံၣ်
ဖဲမဟါ(လါမ့ၤ ၁၃)သီ ဟါခီ ၉ နၣ်ရံၣ်ဘျဲၣ်အဆၢကတီၢ် မ့ၣ်ပိၢ်ပိၢ်ဖးထီၣ်လၢ ကညီကီၢ်စဲၣ် လူၢ်ပျဲၢ်ကမျၢၢ်တၢ်ဆါကရၢၢ်ပူၤတခါတဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ
မ့ၣ်ပိၢ်ပိၢ်ဖးထီၣ်အံၤ တၢ်တယးကွၢ်၀ဲလၢအမ့ၢ်မ့ၣ်ပိၢ်လၢတၢ်တ့န့ၢ်လၢစုဒီး ခီဖျိမ့ၣ်ပိၢ်ပိၢ်ဖးထီၣ်အဃိ တၢ်ဘၣ်ဒိဘၣ်ထံးတအိၣ်၀ဲဒၣ်ဘၣ်ဆၣ် တၢ်ဆါဟံၣ်ပဲတြီအယွၤတနီၤဟးဂီၤ၀ဲဒၣ်အဂ့ၢ်န့ၣ် လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤ စံး၀ဲဒ်အံၤန့ၣ်လီၤႉ
“မ့ၢ်မတဂၤဟဲမၤ၀ဲလဲၣ်န့ၣ်တသ့ၣ်ညါဘၣ်ႉ တၢ်ကဲထီၣ်န့ၣ်လၢတၢ်ကဆါဟံၣ်ကရၢၢ်ပူၤလီၤႉ ကမ့ၢ်၀ဲဒၣ်မ့ၣ်ပိၢ်လၢတၢ်တ့န့ၢ်လၢစုလီၤႉ ပိၢ်ဖးထီၣ်၀ဲလၢမုၢ်နၤခီအဃိ တၢ်တဟ့ၣ်ခီ၀ဲလူၢ်ပျဲၢ်တိၤလၢၤဘၣ်ႉ လၢအကပိၤကပၤစ့ၢ်ကီးတၢ်တဟ့ၣ်လဲၤကွၢ်၀ဲဘၣ်ႉ တၢ်ဘၣ်ဒိဘၣ်ထံးဒုတအိၣ်ဘၣ်ႇတၢ်ဆါဟံၣ်အယွၤတနီၤသ့ၣ်ဖး၀ဲလီၤ” အဂ့ၢ်န့ၣ် လီၢ်က၀ီၤဖိတဂၤဃီအ၀ဲန့ၣ် စံးဘၣ် ကညီတၢ်ကစီၣ်၀ဲၤလီၢ်ခိၣ်သ့ၣ်န့ၣ်လီၤႉ
မ့ၣ်ပိၢ်ပိၢ်ဖးထီၣ်၀ံၤအလီၢ်ခံ တၢ်ဆါဟံၣ်အခိၣ်အဃၢၤန့ၣ် တၢ်ဆီလီၤ၀ဲတၢ်ဘံၣ်တၢ်ဘၢဟဲအါထီၣ်ဒီး ဖဲမဟါမုၢ်နၤခီ ခၠီကူတိၤလၢကနုာ်လီၤလူၢ်ပျဲၢ်အံၤ တၢ်ကးတံၢ်ဃာ်၀ဲတၢ်လဲၤထီၣ်က့ၤလီၤဒီး ဖဲတနံၤညါအံၤဂီၤခီအဆၢကတီၢ် တၢ်ပျဲကဒါတၢ်လဲၤထီၣ်က့ၤလီၤအခွဲးလံအဂ့ၢ်န့ၣ် သ့ၣ်ညါဘၣ်န့ၣ်လီၤႉ
ဖဲအပူၤကွံာ်...
လါမ့ၤ ၁၄ သီႇ ၂၀၂၁ နံၣ်ႇ ခ့ၣ်အဲးစံၣ်
ဖဲမဟါ(လါမ့ၤ ၁၃)သီ ဟါခီအဆၢကတီၢ် ကညီကီၢ်စဲၣ်ႇသုးခိးကီၢ်ဆၢ(BGF)သုးကရူၢ်ဒီး သုးကီၣ်ကးအသုးကရူၢ်တဖၣ်အဘၢၣ်စၢၤ ကဒဲကဒဲတၢ်ခးကမၣ်လိာ်သးကဲထီၣ်ဒီး BGF ကတပၤသံ၀ဲ ၁၂ ဂၤ ဒီး သုးကီၣ်ကးအသုးသံ၀ဲ ၃ ဂၤအဂ့ၢ်န့ၣ် KNU သုးက့(၅)တကပၤ စံး၀ဲန့ၣ်လီၤႉ
BGF နီၣ်ဂံၢ်(၁၀၁၃)သုးရ့ၣ် စုဒုၣ်တီၤအဖီလာ်သုးတဖၣ်ဒီး သုးကီၣ်ကး ခီၣ်ချ့သုးရ့ၣ်(ခမရ-၄၀၈)တဖၣ်အဘၢၣ်စၢၤ ဖဲမဟါမုၢ်ဟါလီၤ ၃ နၣ်ရံၣ်ဘျဲၣ်အဆၢကတီၢ် ကဒဲကဒဲတၢ်ခးကမၣ်လိာ်သးကဲထီၣ်၀ဲလၢ KNU သုးက့(၅)ဟီၣ်က၀ီၤ ဒွဲၣ်လိကီၢ်ဆၣ်အပူၤအဂ့ၢ်န့ၣ် KNU သုးက့(၅)ၦၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံး၀ဲဒ်အံၤန့ၣ်လီၤႉ...
လါမ့ၤ ၁၄ သီႇ ၂၀၂၁ နံၣ်ႇ ခ့ၣ်အဲးစံၣ်
ကညီကီၢ်စဲၣ်ႇ ကၠၤအ့စ့ၣ်ကၠံကီၢ်ဆၣ် ကူၣ်သ့၀ဲၤကျိၤၦၤမၤတၢ်ဖိအဂၤ ၂၀၀ ဘျဲၣ် ခီဖျိလဲၤတလၢ၀ဲတၢ်ဃ့ခွဲးတၢ်သိၣ်တၢ်သီဒီးမူဒါတၦဲၤ၀ဲဘၣ်အဃိ ဒ်ၦၤမၤတၢ်ဖိတၢ်သိၣ်တၢ်သီအသိး တၢ်ဆိကတီၢ်ကွံာ်အမူအဒါတစိၢ်တလီၢ်အဂ့ၢ်န့ၣ် ကီၢ်စဲၣ်ကူၣ်သ့ၦၤနဲၣ်တၢ်မူဒါခိၣ် ဒုးသ့ၣ်ညါထုးထီၣ်ပာ်ဖျါ၀ဲ ဖဲလါမ့ၤ ၁၁ သီအနံၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ
ကၠိသရၣ်သရၣ်မုၣ် ၂၀၀ လၢ အသိၣ်လိ၀ဲဂံၢ်ခီၣ်ထံးကၠိတဖၣ်အံၤ ဒ်ထံကီၢ်ၦၤမၤတၢ်ဖိတၢ်ဘျၢသဲစး ၁၇၀(က)အသိး တၢ်ဆိကတီၢ်ကွံာ်၀ဲလၢမူဒါတစိၢ်တလီၢ်ဒီး ၦၤလၢတၢ်ပာ်ပတုာ်ကွံာ်လၢမူဒါအပူၤတဖၣ် ကဘၣ်လဲၤဘှါရှဲ၀ဲလၢကူၣ်သ့၀ဲၤကျိၤအအိၣ်အဂ့ၢ်န့ၣ် ကၠိသရၣ်မုၣ်လၢတအဲၣ်ဒိးပာ်ဖျါအမံၤတဂၤ စံးဘၣ် ကညီတၢ်ကစီၣ်၀ဲၤလီၢ်ခိၣ်သ့ၣ် ဖဲလါမ့ၤ ၁၃ သီအနံၤန့ၣ်လီၤႉ
“တဲ၀ဲလၢ မူဒါတလၢၦဲၤဘၣ်အဃိဆိကတီၢ်ကွံာ်၀ဲလီၤႉ စးထီၣ်လၢပနုာ်လီၤ(CDM)အပူၤန့ၣ် တဟံလၢၤလါလဲလၢၤဘၣ်ႉ တလဲၤလၢရူဘၣ်ႇတဆဲးလီၤစုမုၢ်ကျၢၢ်လၢၤဘၣ်ႉ...
လါမ့ၤ ၁၄ သီႇ ၂၀၂၁ နံၣ်ႇ ခ့ၣ်အဲးစံၣ်
ကညီဒီကလုာ်စၢဖှိၣ်ကရၢ -KNU ကရၢခိၣ် စီၤမူၤတူစ့ဖိ ထုးထီၣ်ပာ်ဖျါလံာ်တၢ်ပာ်သးအဖီခိၣ် ဒူပျာ်ယာ်ကီၢ်ရ့ၣ်ခိၣ် ပဒိၣ်စီၤစွ့ၣ်မီ တူၢ်လိာ်ထုးထီၣ်၀ဲလံာ်တၢ်ထံၣ်တၢ်ပာ်သး ၂ ဘ့ၣ် ဖဲမဟါ(လါမ့ၤ ၁၃)သီအနံၤန့ၣ်လီၤႉ
ဒူပျာ်ယာ်ကီၢ်ရ့ၣ်ခိၣ် ထုးထီၣ်၀ဲလံာ်တၢ်ပာ်သး ၂ ဘ့ၣ် လၢအပၣ်၀ဲတၢ်ဂ့ၢ်(၉)ထံၣ်အံၤ တၢ်ထိၣ်ဃူတၢၣ်ပီၣ်တဲသကိးဒီးကီၢ်ရ့ၣ်ၦၤဘၣ်မူဘၣ်ဒါတဖၣ်တအိၣ်ဒံးဘၣ်အဂ့ၢ်န့ၣ် ကီၢ်ရ့ၣ်ၦၤဘၣ်မူဘၣ်ဒါလၢတအဲၣ်ဒိးပာ်ဖျါအမံၤတဂၤ စံး၀ဲန့ၣ်လီၤႉ
အ၀ဲစံး၀ဲ“လံာ်၀ဲန့ၣ်ပထံၣ်လၢအိးလဲ(online)ပူၤလီၤႉ တထံၣ်လိာ်သးဒီးအကစၢ်ဒံးဘၣ်ႉ တဲ၀ဲလၢ(ကီၢ်ရ့ၣ်ခိၣ်)အကစၢ်ဒၣ်၀ဲကရှဲပၠး၀ဲလီၤႉ ယဆိမိၣ်ဒုကမ့ၢ်၀ဲဒၣ် ဒ် KNU ကရၢခိၣ် အတၢ်ပာ်သးအသိးလီၤႉ ဘၣ်ထွဲဒီးလံာ်တၢ်ပာ်ဖျါအံၤ တုၤလၢခဲအံၤတၢ်တၢၣ်ပီၣ်တဲသကိးတအိၣ်နီတမံၤဘၣ်ႉ ၦၤခဲလၢာ်တသ့ၣ်ညါဘၣ်အဖီခိၣ် ၦၤပၢၤလီၢ်ဆ့ၣ်နီၤအကစၢ်ဒၣ်၀ဲမ့ၢ်ရှဲပၠး၀ဲဒုကဂ့ၤ၀ဲလီၤ”အဂ့ၢ်န့ၣ် စံးဘၣ် ကညီတၢ်ကစီၣ်၀ဲၤလီၢ်ခိၣ်သ့ၣ်န့ၣ်လီၤႉ
လံာ်တၢ်ပာ်သး ၂...
လါမ့ၤ ၁၄ သီႇ ၂၀၂၁ နံၣ်ႇ ခ့ၣ်အဲးစံၣ်
KNU- ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့(၅)ဟီၣ်က၀ီၤအပူၤ သုးမီၤစိရိၤ အသုးပာ်တ့ၢ်ကွံာ်သုးကလၢၤတနီၤဒီး လဲၤပာ်ဖှိၣ်ထီၣ်သးဒီးသုးကလၢၤဖးဒိၣ်လၢအအိၣ်ဘူးဖဲန့ၣ်တဖၣ်အဂ့ၢ်န့ၣ် KNU သုးက့(၅)စံး၀ဲန့ၣ်လီၤႉ
သုးမီၤစိရိၤအသုးပာ်တ့ၢ်ကွံာ်သုးကလၢၤတနီၤတၢ်ဂ့ၢ်အံၤ တမ့ၢ်လၢအဂုၤကဒါအလီၢ်ခံဘၣ်ဒီး ဒ်သိးကပာ်ဖှိၣ်ထီၣ်ဂံၢ်ဘါအဂီၢ် မ့ၢ်ဒၣ်လဲၤပာ်ဖှိၣ်ထီၣ်သးဒီး သုးကလၢၤဖးဒိၣ်လၢအအိၣ်ဘူးဖဲန့ၣ် တဖၣ်လီၤအဂ့ၢ်န့ၣ် KNU သုးက့(၅)ၦၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံးဘၣ် ကညီတၢ်ကစီၣ်၀ဲၤလီၢ်ခိၣ်သ့ၣ်န့ၣ်လီၤႉ
အ၀ဲစံး၀ဲလၢ“ပဆိမိၣ်လၢတၢ်ကီတၢ်ခဲအိၣ်ဒီးအ၀ဲသ့ၣ်လီၤမီၤနီၤႉ ဘၣ်မနုၤအဃိလဲၣ်န့ၣ် တၢ်လဲၤထီၣ် အသုးကလၢၤအိၣ်၀ဲ ၁ ဖျၢၣ် ၂ ဖျၢၣ်လံအဃိ မ့ၢ်ဒၣ်လဲၤပာ်ဖှိၣ်ထီၣ်သးဒီးသုးကလၢၤဖးဒိၣ်လီၤႉ မ့ၢ်ဒ်သိး...