(သုးက့ ၅)ဟီၣ်က၀ီၤတလါအတီၢ်ပူၤပယီၤသုးသံ(၈၈)ဂၤႇဘၣ်ဒိ(၅၇)ဂၤအဂ့ၢ် KNU ထုးထီၣ်ပ၁်ဖျါ
လါစဲးပထ့ဘၢၣ် ၅ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)တၢ်ပၢဟီၣ်က၀ီၤပူၤ လါအီကူးတလါအတီၢ်ပူၤ ပယီၤသုးဒီးသုးခိးကီၢ်ဆၢ(BGF)တကပၤသံ၀ဲ(၈၈)ဂၤအကျါပၣ်ဃုာ်၀ဲသုးခိၣ်စိတဂၤဒီး ဘၣ်ဒိ၀ဲ(၅၇)ဂၤအဂ့ၢ်န့ၣ် ခ့ၣ်အဲၣ်ယူၣ်(သုးက့ ၅)ထုးထီၣ်ပာ်ဖျါ၀ဲလါစဲးပထ့ဘၢၣ် ၃ သီအနံၤန့ၣ်လီၤႉ လါအီကူးတလါအတီၢ်ပူၤကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ဒီးပယီၤသုးႇ(BGF)သုးပာ်ဖှိၣ်အဘၢၣ်စၢၤ တၢ်ဒုးကဲထီၣ်၀ဲခဲလၢာ်(၁၄၃)ဘျီဒီး ပယီၤသုးသံဘၣ်ဒိဘၣ်ထံးအိၣ်၀ဲအါမးအသိး မ့မ့ၢ်ဟီၣ်က၀ီၤ(KNLA)တကပၤန့ၣ် ဘၣ်ဟ့ၣ်လီၤကွံာ်အသးသမူ(၅)ဂၤႇဘၣ်ဒိ(၂၆)ဂၤ အဂ့ၢ်န့ၣ် ခ့ၣ်အဲၣ်ယူၣ်လံာ်တၢ်ပာ်ဖျါအပူၤ ပာ်ဖျါ၀ဲန့ၣ်လီၤႉ လၢန့ၣ်အမဲာ်ညါတၢ်လီၢ်လၢတၢ်ဒုးကဲထီၣ်အလီၢ်သ့ၣ်တဖၣ်န့ၣ်စ့ၢ်ကီး(BGF)ဒီးပယီၤသုးခးလီၤကျိဖးဒိၣ် (၉၆)ဖျၣ်ဆူ သ၀ီပူၤႇတၢ်ဖံးအီၣ်မၤအီၣ်လီၢ်ကျဲကျီးပူၤဒီးလုၢ်သ့ၣ်ခါပတာ်မၤကမၣ်၀ဲၦၤဂ့ၢ်၀ီခွဲးယာ်အါမးအဂ့ၢ်န့ၣ် ခ့ၣ်အဲၣ်ယူၣ် စံး၀ဲန့ၣ်လီၤႉ ဘၣ်ဆၣ်တလါအတီၢ်ပူၤ ဘၣ်ဃးတၢ်ဒုးကဲထီၣ်လၢခ့ၣ်အဲၣ်ယူၣ်(သုးက့ ၅)ဟီၣ်က၀ီၤပူၤတၢ်အိၣ်သးဒီး တၢ်သံတၢ်ဘၣ်ဒိဘၣ်ထံးတၢ်အိၣ်သးတဖၣ်န့ၣ် ပယီၤသုးကတပၤထုးထီၣ်ပာ်ဖျါ၀ဲတၢ်ကစီၣ်တအိၣ်၀ဲဘၣ်န့ၣ်လီၤႉ လၢခ့ၣ်အဲၣ်ယူၣ်(သုးက့ ၅)ဟီၣ်က၀ီၤအပူၤ တၢ်ဒုးကဲထီၣ်လၢခံခီခံကပၤအဘၢၣ်စၢၤတကးဒံးဘၣ်အမဲာ်ညါ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)သုးပာ်ဖှိၣ်ဒီးဟီၣ်က၀ီၤဒြိသုးကရူၢ် လဲၤတ့ၢ်လီၤ၀ဲဒြိမ့ၣ်ပိၢ်လၢ သုးကီၣ်ကးစုတီၤဖီလာ်ပၢပြးအ၀ဲၤကျိၤဘၣ်ထွဲ၀ဲၤဒၢးတဖၣ်အိၣ်၀ဲအဂ့ၢ်န့ၣ် ကရူၢ်ဘၣ်ထွဲတဖၣ်ထုးထီၣ်ပာ်ဖျါ တၢ်ကစီၣ်အိၣ်၀ဲန့ၣ်လီၤႉ မုၢ်တြီၢ်ကီၢ်ရ့ၣ်(သုးက့ ၅)ဟီၣ်က၀ီၤအပူၤခီဖျိတၢ်ဒုးကဲထီၣ်ႇပယီၤသုးပံးဃာ်၀ဲခိကျဲႇထံကျဲခံဘိလၢာ်အဃိ ဖၣ်ပူၣ်၀့ၢ်ပူၤ ဂံၢ်ခီၣ်ထံးတၢ်အီၣ်တၢ်အီတဖၣ်လီၤတူာ်လီၤကၤထီၣ်၀ဲလံအသိးဂံၢ်ခီၣ်ထံးတၢ်ဖိတၢ်လံၤစ့ၢ်ကီးအၦ့ၤဒိၣ်ထီၣ်၀ဲဒၣ်ကွ့ၢ်ကွ့ၢ်အဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ ဒ်န့ၣ်အသိး(ခ့ၣ်အဲၣ်ယူၣ်)တၢ်ပၢဟီၣ်က၀ီၤလၢအဂၤသ့ၣ်တဖၣ်စ့ၢ်ကီးတၢ်ဒုးတၢ်ယၤဆူၣ်ထီၣ်၀ဲဒီး တၢ်ထီၣ်မၤန့ၢ် ပယီၤသုးကလၢၤတဖၣ်အသိးလၢပျီပူၤတၢ်ဒုးပူၤစ့ၢ်ကီးပယီၤသုးသံဘၣ်ဒိဘၣ်ထံး၀ဲအါမးအဂ့ၢ်န့ၣ် (သုးက့)ကိးဘ့ၣ်ဒဲး ထုးထီၣ်ပာ်ဖျါတၢ်ကစီၣ်အသိးသ့ၣ်ညါဘၣ်န့ၣ်လီၤႉ
ပယီၤသုးကဘီယူၤဟဲခးလီၤတၢ်လၢ(မူကီၢ်ဆၣ်)ဒူသ၀ီပူၤအဃိ ကမျၢၢ်သံ(၁)ဂၤႇဘၣ်ဒိ(၆)ဂၤ
လါစဲးပထ့ဘၢၣ် ၅ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ(သုးက့ ၃)တၢ်ပၢဟီၣ်က၀ီၤ ချၢၣ်လွံၢ်ထူၣ်ကီၢ်ရ့ၣ် မူကီၢ်ဆၣ်အပူၤ ဖဲလါစဲးပထ့ဘၢၣ် ၃ သီအနံၤ ပယီၤသုးကဘီယူၤဟဲခးလီၤတၢ်လၢသ၀ီ(၃)ဖျၢၣ်ပူၤအဃိ ကမျၢၢ်သံ(၁)ဂၤဒီး ဘၣ်ဒိ(၆)ဂၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ ဖဲလါစဲးပထ့ဘၢၣ် ၃ သီ ဟါခီအဆၢကတီၢ် ခီဖျိပယီၤသုးကဘီယူၤဟဲခးလီၤတၢ်လၢ(မူကီၢ်ဆၣ်)ငထွ့ၤစိၣ်သ၀ီႇ မၠဲၣ်ယဲ(ကညီ)သ၀ီႇ(ပယီၤ)သ၀ီတဖၣ်အပူၤအဃိ (ငထွ့ၤစိၣ်)သ၀ီဖိသံဘၣ်ဒိဘၣ်ထံး၀ဲဒၣ်(၇)ဂၤအဂ့ၢ်န့ၣ် လီၢ်က၀ီၤကမျၢၢ်တဂၤစံး၀ဲဒ်အံၤန့ၣ်လီၤႉ “မၠဲၣ်ယဲသ၀ီတၢ်အိၣ်သးဒုတသ့ၣ်ညါဘၣ်ႉဖဲမဟါန့ၣ်ကဘီယူၤဟဲခးလီၤစိ၀ဲလၢ(မၠဲၣ်ယဲ)သ၀ီပူၤမီၤနီၤႉ ၀ံၤမးအဟဲ ထီၣ်ကဒါလၢ(ငထွ့ၤစိၣ်)သ၀ီဘျီပစံၣ်တချုးလၢၤဘၣ်ႉတၢ်ဒုးဒုကဘၣ်မ့ၢ်(သ့ၣ်ခၠၣ်စ့ၣ်)တၢ်ဒုးအတၢ်ပိာ်ထွဲလီၤမီၤနီၤႉဖဲမဟါတၢ်ဒုးကဲထီၣ်န့ၣ်ပတနၢ်ဟူဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်ဖဲမဟါလါစဲးပထ့ဘၢၣ် ၄ သီ အနံၤန့ၣ်လီၤႉ လၢန့ၣ်အမဲာ်ညါခီဖျိပယီၤသုးကဘီယူၤဟဲခးလီၤတၢ်(၃)ဘျီညါအဃိ ငထွ့ၤစိၣ်သ၀ီပူၤ ဟံၣ်အူဟီၣ်ကအိၣ်လၢ အဖျၢၣ်(၁၀)ဃၣ်ဃၣ်ညါအသိး ငထွ့ၤစိၣ်သ၀ီႇမၠဲၣ်ယဲ(ကညီ)သ၀ီႇ(ပယီၤ)သ၀ီ ၃ ဖျၢၣ်အံၤ ကမျၢၢ်တဖၣ် ဘၣ်ဃ့ၢ်ထီၣ်၀ဲ အဂ့ၢ်န့ၣ် သ့ၣ်ညါဘၣ်လၢဟီၣ်က၀ီၤဂံၢ်ခီၣ်ထံးတၢ်ကစီၣ်အအိၣ်န့ၣ်လီၤႉ အပူၤကွံာ်လါအီကူး ၃၁ သီအနံၤ ဖဲကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ႇကညီဒီကလုာ်ဂၢၤသးကရၢ (KNDO)ဒီးသုးပာ်ဖှိၣ်တဖၣ် လဲၤထီၣ်ခး၀ဲမူကီၢ်ဆၣ် သ့ၣ်ခၠၣ်စ့ၣ်ပယီၤသုးကလၢၤအခါ တၢ်ဒုးကဲထီၣ်၀ဲလၢ ခံခီခံကပၤအဘၢၣ်စၢၤဒီးဖဲန့ၣ်ခီဖျိပယီၤသုးခးလီၤကျိဖးဒိၣ်ႇကဘီယူၤဟဲခးလီၤစၢၤတၢ်အဃိ(မၠဲၣ်ယဲ)သ၀ီဃုာ်ဒီး သ၀ီလၢအိၣ်တၢ်ခိၣ်တၢ်ဃၢၤဖဲန့ၣ်(၂၆)ဖျၢၣ် ကမျၢၢ်တဖၣ်ဘၣ်ဃ့ၢ်ထီၣ်၀ဲအဂ့ၢ်န့ၣ် ခ့ၣ်အဲၣ်ယူၣ်ထုးထီၣ်ပာ်ဖျါ၀ဲ ဖဲလါစဲးပထ့ဘၢၣ် ၂ သီအနံၤန့ၣ်လီၤႉ ဒ်န့ၣ်အသိးဖဲမဟါလါစဲးပထ့ဘၢၣ် ၄ သီအနံၤစ့ၢ်ကီး ပယီၤသုးလၢအိၣ်(သထ့ကိ)သ၀ီတဖၣ် ခးလီၤကျိဖးဒိၣ်ဆူ ဒူသ၀ီတၢ်လီၢ်လၢ(KNLA)သုးပာ်ဖှိၣ်အိၣ်အလီၢ်သ့သ့ၣ်တဖၣ်အပူၤအဂ့ၢ် လီၢ်က၀ီၤကမျၢၣ်စံး၀ဲအိၣ်ဒီး...
တၢ်လဲၤတ့ၢ်လီၤဒြိမ့ၣ်ပိၢ်လၢမၠၣ်၀တံၣ်ကီၢ်ရ့ၣ်ပၢၤကီၢ်၀ဲၤလီၢ်အဃိ သုးကီၣ်ကးအၦၤတကပၤသံ(၅)ဂၤအကျါပၣ်ဃု၁် တၢ်မဲာ်ညါသုးခိၣ်ႇကီၢ်ရ့ၣ်ပၢပြးခိၣ်ဒီး ဘၣ်ဒိခဲလၢ၁်(၁၃)ဂၤ
လါစဲးပထ့ဘၢၣ် ၄ သီႇ ၂၀၂၃ နံၣ်ႇ ခ့ၣ်အဲးစံၣ် ဖဲမဟါလါစဲးပထ့ဘၢၣ် ၃ သီ ဟါခီ ၆း၃၀ ဘျဲၣ်အဆၢကတီၢ်န့ၣ် တၢ်လဲၤတ့ၢ်လီၤဒြိမ့ၣ်ပိၢ်လၢမၠၣ်၀တံၣ်ကီၢ်ရ့ၣ် ပၢၤကီၢ်၀ဲၤလီၢ်ကရၢၢ်ပူၤဒီး ၦၤသံ(၅)ဂၤအကျါပၣ်ဃုာ်၀ဲမၠၣ်၀တံၣ်သုးဟီၣ်က၀ီၤတၢ်မဲာ်ညါသုးခိၣ်ဒီး ကီၢ်ရ့ၣ် ပၢပြးခိၣ် တဖၣ်အသိး ၦၤဘၣ်ဒိနးနး(၅)ဂၤအကျါပၣ်ဃုာ်၀ဲကီၢ်ရ့ၣ်ပၢၤကီၢ်ခိၣ်ဒီး ပယီၤသုးအၦၤမၤတၢ်ဖိလၢအဂၤ (၈)ဂၤ ဘၣ်ဒိဘၣ်ထံး၀ဲအဂ့ၢ်န့ၣ် လီၢ်က၀ီၤဂံၢ်ခီၣ်ထံးတၢ်ကစီၣ်တဖၣ်စံး၀ဲအသိးသ့ၣ်ညါဘၣ်န့ၣ်လီၤႉ ဖဲမဟါဟါခီ ၆း၄၀ အဆၢကတီၢ်န့ၣ် (drop)ဒြိမ့ၣ်ပိၢ်လီၤတဲာ်ပိၢ်ဖးထီၣ်လၢမၠၣ်၀တံၣ်ကီၢ်ရ့ၣ် ပၢၤကီၢ်၀ဲၤလီၢ် ကရၢၢ်ပူၤ(၂)ဖျၢၣ်ဒီး ဖဲသုးကီၣ်ကးအၦၤလဲၤကွၢ်သမံသမိးတၢ်ဖဲတၢ်ကဲထီၣ်သးအလီၢ်အခါကဘၣ်ဖဲ ၇း၂၀ အဆၢကတီၢ် န့ၣ် ဒြိမ့ၣ်ပိၢ်ပိၢ်ဖးထီၣ်ကဒီး(၂)ဖျၢၣ်အဃိ မၠၣ်၀တံၣ်၀့ၢ် သုးကီၣ်ကးအသုးခိၣ်သုးနၢ်ႇ ပၢပြးခိၣ်နၢ်တဖၣ်သံ၀ဲဒီး ၦၤဘၣ်ဒိ(၁၇)ဂၤအကျါပၣ်ဃုာ်၀ဲပၢၤကီၢ်ကီၢ်ရ့ၣ်ခိၣ်အဂ့ၢ်န့ၣ် မၠၣ်၀တံၣ် ဂံၢ်ခီၣ်ထံးတၢ်ကစီၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ “ဖဲမဟါမုၢ်ဘူးကဟါန့ၣ်ပနၢ်ဟူတၢ်ပိၢ်ဖးထီၣ်သီၣ်လၢပၢၤကီၢ်၀ဲၤလီၢ်တကပၤန့ၣ်မီၤနီၤႉကအိၣ်ကဒီးတခီနၣ်ရံၣ်ဃၣ်ဃၣ်န့ၣ်ပနၢ်ဟူပိၢ်ဖးထီၣ်ကဒီး(၂)ထံၣ်ႉတၢတထံၣ်န့ၣ်ဖဲပၢပြးကရူၢ်ႇသုးတၢ်မဲာ်ညါ၀ဲဒၢးကရူၢ်ႇပၢၤကီၢ်ကရူၢ်ဟဲသမံသမိးတၢ်အခါန့ၣ်တၢ်ပိၢ်ဖးထီၣ်ကဒီးအဃိတၢ်သံတၢ်ဘၣ်ဒိဘၣ်ထံးကဲထီၣ်သးဖဲန့ၣ်လီၤႉပသ့ၣ်ညါန့ၣ်ၦၤသံတဖၣ်န့ၣ်မ့ၢ်၀ဲ ၂၇၅ သုးရ့ၣ်ခိၣ် သုးခိၣ်ဒိၣ်ဂီၢ်ဂ့ၢ် အီၤကၠီၤမ့ႇ ကီၢ်ရ့ၣ်ပၢပြးခိၣ် အူစိတ့ၣ်ႇ ပၢပြးပၢဆှၢရဲၣ်ကျဲၤခိၣ် ထိထိည့ႇ သိလ့ၣ်ပၢၤကီၢ်ခိၣ်ဒီး ပၢပြးၦၤကွဲးလံာ်ဖိ ခဲလၢာ်န့ၣ် ၅ ဂၤ မီၤနီၤ”အဂ့ၢ်န့ၣ် ဂံၢ်ခီၣ်ထံးတၢ်ကစီၣ်လၢ အဘူးဒီးပၢပြးခိၣ်တဖၣ်စံး၀ဲန့ၣ်လီၤႉ လၢန့ၣ်အမဲာ်ညါ မၠၣ်၀တံၣ်ကီၢ်ရ့ၣ်ပၢၤကီၢ်ခိၣ်ဃုာ်ဒီး ပၢပြး၀ဲၤကျိၤႇပၢၤကီၢ်၀ဲၤကျိၤဃုာ်ဒီးမၠၣ်၀တံၣ် သုးတၢ်မဲာ်ညါ...
သုးတၢ်နဲၣ်ကျဲၦၤဘၣ်စူၢ်
သုးတၢ်နဲၣ်ကျဲၦၤဘၣ်စူၢ် ၁.ပထံၣ်ဒီးပကွၢ်တဖျါ မ့ၢ်ဝဲဒၣ်ပစိၤခ့ခါ ပသ့ၣ်ညါဆိမိၣ်တတုၤ သုးမုၢ်သံၣ်ဘိမ့ၢ်မနုၤ ၂.ထံကီၢ်လၢပအိၣ်ဆိးအံၤ ခွဲးယ၁်တုၤသိးတအိၣ်ဒံး တၢ်ကူၣ်သ့မ့ၢ်အိၣ်ဘၣ်ဆၣ် တၢ်ကွၢ်တလီၤၦၤခီၣ်ဘၣ် ၃.ၦၤလၢအမၤသ့အီၣ်အိၣ် လီၢ်ကဝီၤဖိဘၣ်ပ၁်ဒိၣ် ပဒိၣ်ဟ့ၣ်လီၢ်လၤမူဒါ ခိၣ်ခံဒီးကမျၢၢ်အိၣ်အါ ၄.ဂ့ၤဘ့ၣ်ခိၣ်ကဆှၣ်ဘ့ၣ်လၤ မၤသံလီၤတူ၁်နၤဒီးယၤ ဒ်ထိၣ်မိၢ်ဧူ စိၤဝၣ်ဃး လံ၁်ညိၣ်သိၣ်ဒိၣ်ပူၤပဖး (Curricular) ၅.ခ့ယုၢ်ကီၤကျဲၣ်အမဲဝါ အီၣ်ကလိ၁်ထံကီၢ်ဖိအါ စုကဝဲၤဂံၢ်ဘါလၢၦဲၤ မီၤစိရိၤသနူတၢ်လဲၤ ၆.ထံၣ်သ့ၣ်ညါနၢ်ပၢၢ်ဘၣ်ဆၣ် ဘၣ်အိၣ်ဒ် ၦၤတကျၢဘၣ် ဘျီၣ်ဒိၣ်သဲစးၦၤတစူၢ် သုးတၢ်နဲၣ်ကျဲၦၤဘၣ်စူၢ်. ...
လီၤစိၤနကအိၣ်ဘၣ်မု၁်
လီၤစိၤနကအိၣ်ဘၣ်မု၁် ၁.ဒ်ယတၢ်လဲၤခီဖျိအသိး ကွၢ်ဆၢၣ်မဲ၁်ဘၣ်တၢ်ဒ်သိး ယၦၤကလု၁်အတၢ်ထံၣ် တမ့ၢ်ယတၢ်ထံၣ်ဆံးထံၣ်အံၣ် ၂.ထံလီၢ်ကီၢ်ပူၤလၢခဲအံၤ တၢ်အိၣ်သးအိၣ်ဝဲအါမံၤ သုးမုၢ်သံၣ်ဘိအိၣ်ဒိၣ်စိ ကမျၢၢ်ဖိဘၣ်အိၣ်ဃိဒိ ၃.ဒူသဝီခူဝ့ၢ်ဘၢၣ်စၢၤ တၢ်ခိတၢ်သွဲဟ့ၣ်မၤစၢၤ သဝီဖိဘၣ်ယိၣ်ဘၣ်ဘှီ တၢ်ဒုးတၢ်ယ၁်အိၣ်အါဘျီ ၄.ၦၤလၢကဲထီၣ်သုးခိၣ်နၢ် နီၢ်ကစၢ်ဘျုးမၤသၦၢ် ၦၤတၢ်ကိပူၤ ၦၤတၢ်ချၢ ဘူးတံၢ်ဒၣ်လဲ၁်က့ၤပၢၢ်ဆၢ ၅.နၤယၤမၤသ့တအီၣ်ဘၣ် သုးမုၢ်သံၣ်ဘိဒိးန့ၢ်ဘၣ် ပနီၢ်ကစၢ်တပၢဘၣ် ခိသွဲကစၢ်အီၣ်အီဘၣ် ၆.မ့ၢ်လၢတၢ်ပၢဆှၢဒ်အံၤ ကမျၢၢ်ဖိကိးဂၤဘၣ်ပျံၤ ဘူးတံၢ်ခိၣ်နၢ်မ့ၢ်တအိၣ် ကဲထီၣ်တၢ်သးအုးဖးဒိၣ် ၇.ၦၤအိၣ်လၢထံဆၢကီၢ်ဆၢ ထံၣ်စိတၢ်မ့ၢ်ဒၣ်အဟၢ ...
ပယီၤသုးဒြိယူၤ၀့ၢ်၀ီၤဟးဆှၣ်တၢ်အဃိ ကမျၢၢ်တဖၣ်အိၣ်ဒီးတၢ်ဘၣ်ယိၣ်ဘၣ်ဘှီတၢ်ပျံၤတၢ်ဖုး
လါစဲးပထ့ဘၢၣ် ၁ သီႇ ၂၀၂၃ နံၣ်ႇ ခ့ၣ်အဲးစံၣ် လၢဖၣ်အၣ်ကီၢ်ရ့ၣ် လူၢ်ပျဲၢ်ကီၢ်ဆၣ်အပူၤ ခီဖျိပယီၤသုးအဒြိယူၤ၀့ၢ်၀ီဟးဆှၣ်တၢ်လၢ(၀့စ့ၤ)သ၀ီႇ(မဲဆမ့ၣ်)သ၀ီဖီခိၣ် ကိးမုၢ်နၤဒဲးအဃိ ဘၣ်ယိၣ်လၢမ့ၣ်ပိၢ်ဒီးတၢ်လၢအပိၢ်ဖးထီၣ်သ့တဖၣ်ကလီၤတဲာ်လၢသ၀ီပူၤအဂ့ၢ်န့ၣ် သ၀ီဖိတဖၣ် စံး၀ဲန့ၣ်လီၤႉ စးထီၣ်ဖဲအပူၤကွံာ်လါယူၤလံထီၣ်အခါ ကဘၣ်အခါဖဲမုၢ်နၤခီ ၁၁ နၣ်ရံၣ်ကိးကတီၢ်ဒဲးဃၣ်ဃၣ်န့ၣ် ပယီၤသုးအဒြိ ယူၤ၀့ၢ်၀ီဟးဆှၣ်တၢ်လၢလူၢ်ပျဲၢ်ကီၢ်ဆၣ် ၀့စ့ၤသ၀ီႇမဲစမ့ၣ်သ၀ီဒီးဒူသ၀ီလၢအိၣ်ဘူးတၢ်ခိၣ်တၢ်ဃၢၤ ဖဲန့ၣ်သ့ၣ်တဖၣ် အဖီခိၣ်အဂ့ၢ်န့ၣ် ၀့စ့ၤလီၢ်က၀ီၤကမျၢၢ်တဂၤ စံး၀ဲဒ်အံၤန့ၣ်လီၤႉ “ဖဲပသ၀ီအံၤဒြိဟဲယူၤကိးမုၢ်နၤဒဲးလီၤႉဟဲယူၤဖဲသ၀ီဖီခိၣ်အံၤတဘျီတခီၣ်အကလုၢ်သီၣ်ဖးဒိၣ်ညါႉတဘျီတခီၣ် ပတနၢ်ဟူစ့ၢ်ဘၣ်ႉအယူၤဒုယူၤကိးမုၢ်နၤဒဲးလီၤႉယဂဲၤလိာ်ကွဲ(က့မ်)လၢမုၢ်နၤခီကိးမုၢ်နၤဒဲးအဃိအဟဲန့ၣ်ယထံၣ် မီၤနီၤႉၦၤသူၣ်က့သးၦၢ်တဖၣ်ဖုးဘၣ်သးႇၦၤဘၣ်ယိၣ်လၢမ့ၣ်ပိၢ်လၢအပိၢ်ဖးထီၣ်သ့မတၤကလီၤတဲာ်မီၤနီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ ဟီၣ်က၀ီၤဖဲန့ၣ်အပူၤတမ့ၢ်လၢဒုးယၤတၢ်ဖ့ၣ်စၢစ့ၢ်ကီးအိၣ်၀ဲဘၣ်ဒီးဘၣ်ဆၣ်ပယီၤသုးအံၤဟးဆှၣ်တၢ်ႇ ဟးအိၣ်ခိးခူသူၣ် တၢ်ဒီးလၢမုၢ်နၤခီန့ၣ်ဟးဆှၣ်တၢ်လၢဒြိအဂ့ၢ်န့ၣ် ၦၤလၢဘူးဒီးပယီၤသုးတဖၣ်စံး၀ဲန့ၣ်လီၤႉ မဲစမ့ၣ်သ၀ီဖိတဂၤ စံး၀ဲလၢ“ဘၣ်မနုၤအဃိဒြိဘၣ်ဟဲယူၤလဲၣ်ဒုပတသ့ၣ်ညါဘၣ်ႉဒြိယူၤအံၤန့ၢ်ဖးယံၤလံႇ စးထီၣ်လၢလါယူၤလံအခါလံႉၦၤသ၀ီဖိတဖၣ်ဘၣ်ယိၣ်လၢတၢ်ဒုးကကဲထီၣ်မီၤနီၤႉမ့၀ံၤဒြိန့ၣ်ဟဲလၢမုၢ်နၤခီအဃိ ၀ဲဒၣ်နါက့ပဘၣ်ဘၣ်ယိၣ်တၢ်စ့ၢ်ႉဘၣ်ယိၣ်လၢတၢ်ကကဲထီၣ်သးတမံၤမံၤမီၤနီၤ”အဂ့ၢ်န့ၣ် စံး၀ဲန့ၣ်လီၤႉ လၢခ့ၣ်အဲၣ်ယူၣ်တၢ်ပၢဟီၣ်က၀ီၤ ဖၣ်အၣ်ကီၢ်ရ့ၣ်(သုးက့ ၇)ဟီၣ်က၀ီၤ တၢ်လီၢ်၀ဲန့ၣ်အပူၤ ခံခီခံကပၤဒုးယၤ တၢ်ဖ့ၣ်စၢတအိၣ်၀ဲဘၣ်ႇဘၣ်ဆၣ်ပယီၤသုးအံၤအိၣ်ကတဲၤကတီၤထီၣ်သးဟဲအါထီၣ်၀ဲဒီးမၤ၀ဲလၢအ၀ဲသ့ၣ်တၢ်ပၢ တၢ်ပြး ကဟဲဂ့ၤဒိၣ်ထီၣ်၀ဲအဂ့ၢ်န့ၣ် ခ့ၣ်အဲၣ်ယူၣ်ၦၤဘၣ်မူဘၣ်ဒါတဖၣ်စံး၀ဲန့ၣ်လီၤႉ ဒ်န့ၣ်အသိးဖဲအပူၤကွံာ်(၂၀၂၃)လါယူၤလံအခါစ့ၢ်ကီး ခီဖျိပယီၤသုးဟးဆှၣ်တၢ်ဒီးသုးသိလ့ၣ်ဖးဒိၣ် လၢလူၢ်ပျဲၢ်၀့ၢ်ဒီး တၢ်ကြဲၢ်ကီၢ်ဆၣ်ပူၤအဃိ လီၢ်က၀ီၤကမျၢၢ်တဖၣ်ဘၣ်ယိၣ်၀ဲလၢတၢ်ဒုးကကဲထီၣ်လၢဟီၣ်က၀ီၤပူၤ ဒံးန့ၣ်လီၤႉ
ဆီထံးကီၢ်ဆၣ်ပူၤ ကျိဖးဒိၣ်လီၤတဲ၁်ပိၢ်ဖးထီၣ်လၢဟံၣ်ဖီခိၣ်အဃိ ၦၤဒီဖိမိၢ်သံ(၂)ဂၤႇ ဘၣ်ဒိ(၃)ဂၤ
လါစဲးပထ့ဘၢၣ် ၁ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ(သုးက့ ၃)တၢ်ပၢဟီၣ်က၀ီၤ ချၢၣ်လွံၢ်ထူၣ်ကီၢ်ရ့ၣ် ဆီထံးကီၢ်ဆၣ် ပၠ့ၤယ့ၤကၠံသ၀ီပူၤ ဖဲလါအပူၤကွံာ်လါအီကူး ၂၉ သီအနံၤ ခီဖျိပယီၤသုးခးလီၤကျိဖးဒိၣ်လီၤတဲာ်ပိၢ်ဖးထီၣ်လၢဟံၣ်တဖျၢၣ် အခိၣ်အဃိ ၦၤဒီဖိမိၢ်(၂)ဂၤသံ၀ဲဒီးဟံၣ်ဖိဃီဖိဒူၣ်ထၢပူၤဘၣ်ဒိ၀ဲ(၃)ဂၤအဂ့ၢ်န့ၣ် သ့ၣ်ညါဘၣ်လၢ ဟီၣ်က၀ီၤဂံၢ်ခီၣ်ထံး တၢ်ကစီၣ် အအိၣ်န့ၣ်လီၤႉ ပယီၤသုးခီၣ်သုးရ့ၣ်(ခလရ–၂၆၄)လၢအိၣ်ဆီလီၤသးဖဲ(ပ့ၤစလိၣ်)သ၀ီပူၤတဖၣ်အံၤ ခီဖျိအ၀ဲသ့ၣ်ခးလီၤ(၁၂၀ မမ) ကျိဖးဒိၣ် ၃ ဘျီညါအဃိ ၦၤဖိသၣ်မုၣ်ဖိ(၇)နံၣ်တဂၤဒီးအမိသံ၀ဲဒၣ်ဒီးအဟံၣ်ဖိဃီဖိဒူၣ်ထၢပူၤလၢအဂၤစ့ၢ်ကီးဘၣ်ဒိ ဘၣ်ထံး၀ဲအဂ့ၢ်န့ၣ် ခ့ၣ်အဲၣ်ယူၣ်–လီၢ်ခၢၣ်သးထုးထီၣ်ပာ်ဖျါ၀ဲဖဲလါအီကူး ၃၀ သီအနံၤန့ၣ်လီၤႉ “ကျိဖးဒိၣ်န့ၣ်လီၤတဲာ်၀ဲလၢၦၤဟံၣ်တဖျၢၣ်န့ၣ်အခိၣ်ႇဟံၣ်တဖျၢၣ်န့ၣ်အဟံၣ်ဖိဃီဖိအိၣ်ခဲလၢာ်(၅)ဂၤႉမ့မ့ၢ်လၢၦၤဖိသၣ်ပိာ်မုၣ်တဂၤခီန့ၣ်ဘၣ်၀ဲဒၣ်အခိၣ်သံတဘျီဃီဖဲန့ၣ်လီၤႉမ့မ့ၢ်လၢအမိခီန့ၣ်ဘၣ်၀ဲဒၣ်အယီၢ်ဒ့ႇအလဲၤတုၤလၢတၢ်ဆါဟံၣ်မးအသံမီၤနီၤႉပယီၤသုးန့ၣ်ကွၢ်လၢအအဲၣ်ဒိးခးလီၤ၀ဲန့ၣ်ခးလီၤ၀ဲကိးမုၢ်နံၤဒဲးလီၤႉတၢ်ဒုးနါက့ကဲထီၣ်မၢ်မၢ်လီၤႉ ခဲအံၤ(ပၠ့ၤယ့ၤကၠံ)သ၀ီဖိတဖၣ်န့ၣ်တအိၣ်လၢသ၀ီပူၤလၢၤဘၣ်စံၣ်လၢာ်လံ”အဂ့ၢ်န့ၣ် ဆီထံး၀့ၢ် ကမျၢၢ်ပိာ်မုၣ်တဂၤ စံးဘၣ်ခ့ၣ်အဲးစံၣ်–ကညီတၢ်ကစီၣ်ဖဲလါအီကူး ၃၀ သီ အနံၤန့ၣ်လီၤႉ တကးဒံးဘၣ်အမဲာ်ညါခီဖျိကျိဖးဒိၣ်အဃိ(ပၠ့ၤယ့ၤကၠံ)သ၀ီပူၤကမျၢၢ်အဟံၣ်ဟးဂီၤ၀ဲ(၅)ဖျၢၣ်အဂ့ၢ်န့ၣ် ခ့ၣ်အဲၣ်ယူၣ် လံာ်တၢ်ပာ်ဖျါပူၤအသိး သ့ၣ်ညါဘၣ်န့ၣ်လီၤႉ ဒ်န့ၣ်အသိးဖဲအပူၤကွံာ်လါအီကူး ၂၈ သီ ဂီၤခီအဆၢကတီၢ်စ့ၢ်ကီး ခီဖျိပယီၤသုး(ခလရ–၂၆၄)အံၤ ခးလီၤကျိဖးဒိၣ်ဆူ ဆီထံးကီၢ်ဆၣ် ခၠိၤအ့သ၀ီႇ၀ဲၣ်ခၠဲသ၀ီႇယ့ၤတွ့ကိသ၀ီႇကၠီကိသ၀ီပူၤကအိၣ်လၢအဘျီ(၁၀)ဃၣ်ဃၣ် ညါအဃိ ယ့ၤတွ့ကိသ၀ီပူၤ ဟံၣ်ဟးဂီၤ၀ဲ(၁)ဖျၢၣ်ဒံးအဂ့ၢ်န့ၣ် ခ့ၣ်အဲၣ်ယူၣ်လံာ်တၢ်ပာ်ဖျါပူၤပာ်ဖျါ၀ဲန့ၣ်လီၤႉ ဒ်န့ၣ်အသိးလၢခ့ၣ်အဲၣ်ယူၣ်တၢ်ပၢဟီၣ်က၀ီၤ မူကီၢ်ဆၣ်အပူၤ ဖဲလါအီကူး ၂၉ သီဟါခီအဆၢကတီၢ် ခီဖျိပယီၤသုး ခးလီၤကျိဖးဒိၣ်ဆူ(လဲၣ်တၣ်ကၠံ)သ၀ီပူၤအဃိ ၦၤပိာ်ခွါ(၂၇)နံၣ်တဂၤဘၣ်ဒိဒံး၀ဲအဂ့ၢ်န့ၣ် ခ့ၣ်အဲၣ်ယူၣ်လံာ်တၢ်ပာ်ဖျါပူၤ...
ပယီၤသုးဖီၣ်မၤဒၢၣ်(၀့လိၤ)သ၀ီဖိခံဂၤလၢအကလဲၤလၢတၢ်ဆါဟံၣ်
လါအီကူး ၃၀ သီႇ ၂၀၂၃ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဒူပျာ်ယာ်ကီၢ်ရ့ၣ် နိၣ်တကီကီၢ်ဆၣ်အပူၤ ဖဲအပူၤကွံာ်လါအီကူး ၂၂ သီ အနံၤ (၀့လိၤ)သ၀ီဖိခံဂၤအံၤဖဲအလဲၤလၢကၠဲးဒိတၢ်ဆါဟံၣ်အခါပယီၤသုးဖီၣ်မၤဒၢၣ်အီၤလၢကျဲပူၤအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ (၀့လိၤ)သ၀ီဖိခံဂၤအံၤဖဲအ၀ဲသ့ၣ်ကလဲၤဆှၢမ့ၤလၢကၠဲးဒိတၢ်ဆါဟံၣ်လဲၤလၢကျဲအခါန့ၣ် ပယီၤသုးဖီၣ်ဒီး မၤဒၢၣ်အ၀ဲသ့ၣ်အဂ့ၢ်န့ၣ် ကၠဲးဒိကမျၢၢ်လၢတအဲၣ်ဒိးပာ်ဖျါအမံၤတဂၤ စံး၀ဲဒ်အံၤန့ၣ်လီၤႉ “အ၀ဲသ့ၣ်ခံဂၤန့ၣ်အိၣ်လၢ(၀့လိၤ)သ၀ီကလဲၤထီၣ်ဆှၢန့ၢ်ၦၤဆါမ့ၤလၢကၠဲးဒိမီၤနီၤႉဖဲအ၀ဲသ့ၣ်လဲၤလၢကျဲအခါန့ၣ် ပယီၤသုးဖီၣ်အ၀ဲသ့ၣ်ခံဂၤန့ၣ်ဘျီမၤဒၢၣ်သမံသမိးအ၀ဲသ့ၣ်ႉမုၢ်နၤခီ ၈ နၣ်ရံၣ်မးပျၢ်လီၤက့ၤ၀ဲ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ (၀့လိၤ)သ၀ီဖိလၢပယီၤသုးဖီၣ်မၤဒၢၣ်၀ဲခံဂၤအံၤပယီၤသုးလိာ်ဘၢလိာ်ကွၢ်၀ဲလၢအမ့ၢ်တၢ်မဲာ်ချံဒီးစးထီၣ်ဖီၣ်သမံသမိး မၤဒၢၣ်၀ဲလၢဟါခီ(၅)နၣ်ရံၣ်ဒီးဟါခီ(၈)နၣ်ရံၣ်မးပျၢ်လီၤက့ၤ၀ဲအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤကမျၢၢ်အအိၣ်န့ၣ်လီၤႉ ခီဖျိပယီၤသုးဖီၣ်မၤဒၢၣ်၀ဲဒ်အံၤအဃိ(၀့လိၤ)သ၀ီဖိခံဂၤအံၤအမိၢ်ၦၢ်ထီၣ်လုးထီၣ်လါ၀ဲဒီတဂၤညါအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ ပယီၤသုးလၢအဖီၣ်မၤဒၢၣ်(၀့လိၤ)သ၀ီဖိသ့ၣ်တဖၣ်န့ၣ်မ့ၢ်၀ဲကၠဲးဒိ၀့ၢ် ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်(စကခ–၁၃) စုတီၤဖီလာ် ဒုးယၤခိၣ်–၂ သီၤစ့ၤနဲၤအူ တီခိၣ်ရိၣ်မဲအၦၤဒီး ပယီၤသုးကရူၢ်တဖၣ်အံၤမၤပျံၤမၤဖုးကမျၢၢ်ႇ ဖီၣ်မၤဒၢၣ်ကမျၢၢ်ႇခးလီၤကျိဖးဒိၣ်လၢသ၀ီပူၤအိၣ်၀ဲတလီၢ်လီၢ်အဂ့ၢ်န့ၣ် ခ့ၣ်အဲၣ်ယူၣ် ဒူပျာ်ယာ်ကီၢ်ရ့ၣ် ထုးထီၣ်ပာ်ဖျါ၀ဲဖဲလါအီကူး ၂၇ သီ အနံၤန့ၣ်လီၤႉ
ဘၣ်ဟ့ၣ်ရှူ စုတခီဘၣ်ဆၣ် အ၀ဲကဆဲးဒုးဒံးသုးမီၤစိရိၤ
ဘၣ်ဟ့ၣ်ရှူ စုတခီဘၣ်ဆၣ် အ၀ဲကဆဲးဒုးဒံးသုးမီၤစိရိၤ စးအဲၣ်ဆူ (၂၀၂၃ နံၣ်ႇ လါအီကူး) ဘၣ်ဖဲလါအ့ဖြ့ၣ်တၢ်ကိၢ်ဒိၣ်မးအဆၢကတီၢ် လၢမၠၣ်၀တံၣ်၀့ၢ်ဃၢၤ မဲၢ်ကနဲသ၀ီ ကၠီၣ်တီၤ ကၠီၣ်မဲဟီၣ်က၀ီၤ အပူၤန့ၣ် တၢ်ဒုးကဲထီၣ်၀ဲဒိၣ်ဒိၣ်မုၢ်မုၢ်လၢပယီၤသုးဒီးတၢ်ပၢၢ်ဆၢသုးကရူၢ်အဘၢၣ်စၢၤဒီးဖဲန့ၣ်စီၤဒါဖိ(တမ့ၢ်မံၤနီၢ်ကီၢ်)လၢအသးနံၣ်အိၣ်(၂၂)နံၣ်တဂၤအံၤဟဲတုၤ၀ဲဒၣ်ဖဲတၢ်ဒုးပူၤအံၤန့ၣ်လီၤႉ ခံခီခံကပၤတၢ်ဒုးကဲထီၣ်အပူၤပယီၤသုးအံၤဟံးန့ၢ်၀ဲတၢ်မၤစၢၤလၢဟီၣ်က၀ီၤသုးခိးကီၢ်ဆၢ(BGF)အအိၣ်, သုးကျိၤနုာ်လီၤ၀ဲလၢဟီၣ်က၀ီၤပူၤအသိးကဘီယူၤစ့ၢ်ကီးဟဲခးလီၤစၢၤတၢ်ဒီးဘၣ်ဆၣ်တၢ်ပၢၢ်ဆၢသုးပာ်ဖှိၣ်တကပၤ က့ၤခီၣ်ဆၢဒုးကဒါ၀ဲဒူဒူအဂ့ၢ်န့ၣ် စီၤဒါဖိက့ၤတဲပၠးကဒါအကစၢ်တၢ်လဲၤခီဖျိအဂ့ၢ်အကျိၤလၢတၢ်ဒုးတၢ်ယၤပူၤအံၤ န့ၣ်လီၤႉ “ဖဲပဟဲတုၤသီသီအခါန့ၣ်တၢ်ဒုးစးထီၣ်ကဲထီၣ်၀ဲလၢ(သိထၣ်ကွ့ၣ်)န့ၣ်မီၤနီၤႉကဘီယူၤဟဲခးလီၤစၢၤတၢ်ႇ ဖဲန့ၣ်အခါန့ၣ် တၢ်လီၢ်လၢပတုၤအိၣ်အလီၢ်န့ၣ်မ့ၢ်၀ဲဒၣ်ပဟံၣ်လီၤႉစုာ်တဖျၢၣ်ႇမိကၣ်တဘ့ၣ်န့ၣ်မ့ၢ်ဒၣ်ပဟံၣ်လီၤ”အဂ့ၢ်န့ၣ် အ၀ဲတဲပၠးကဒါက့ၤအတၢ်နုာ်လီၤပၣ်ဃုာ်လၢတၢ်ဒုးတၢ်ယၤပူၤအံၤန့ၣ်လီၤႉ စီၤဒါဖိအံၤမ့ၢ်ၦၤတဂၤလၢအ၀ဲစံၣ်လီၤ၀ဲဒၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ခီၣ်မဲဒိၣ် သုးတၢ်သိၣ်လိတဂၤဒီး စးထီၣ်ဖဲ(၂၀၂၂)န့ၣ်အ၀ဲနုာ်လီၤပၣ်ဃုာ်၀ဲဒၣ်လၢ(Cobra)သုးကျိၤပူၤလၢအဟူးဂဲၤဖဲမၠၣ်၀တံၣ်ကလံၤထံးအံၤဒီးပၣ်ဃုာ်လၢတၢ်ထီၣ်ဒုးပယီၤသုးဒီးအစုတီၤဖီလာ်သုးကရူၢ်တၢ်ဒုးတၢ်ယၤပူၤအံၤန့ၣ်လီၤႉ အ၀ဲန့ၣ်အိၣ်ဖျဲၣ်ထီၣ်၀ဲဒၣ်လၢအ့ၣ်ယၣ်၀တံၣ်ကီၢ်ခီဒိၣ် သၤပီကီၢ်ဆၣ်ပူၤဒီး ဖဲအ၀ဲဖျိထီၣ်တီၤထီကၠိ၀ံၤလီၢ်ခံ တချုးသုးဟံးန့ၢ်တၢ်စိတၢ်ကမီၤဒံးဘၣ် ဖဲအပူၤကွံာ်(၂၀၂၁)လါယနူၤအါရံၤအခါန့ၣ် စီၤဖိဒါအံၤအ၀ဲနုာ်လီၤ၀ဲဒၣ် လၢခ့ၣ်အဲၣ်ယူၣ်–ကညီဒီကလု၁်စၢဖှိၣ်ကရၢစုတီၤဖီလာ်ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)ပူၤဒီး စးထီၣ်မၤလိ၀ဲဂံၢ်ခီၣ်ထံးသုးတၢ်သိၣ်လိန့ၣ်လီၤႉ စီၤဒါဖိအံၤအဒီပုၢ်၀ဲၢ်အိၣ်၀ဲခဲလၢာ်(၆)ဂၤဒီးဖဲန့ၣ်အကျါမ့မ့ၢ်အ၀ဲန့ၣ်လၢကနုာ်လီၤမၤတၢ်ပၢၢ်ဆၢအဂီၢ် အမိၢ်ပၢ်အဒီပုၢ်၀ဲၢ် တြီအီၤဒီးဘၣ်ဆၣ်မ့မ့ၢ်တခီအ၀ဲပာ်တ့ၢ်ကွံာ်အအိၣ်ဖျဲၣ်ဒ့ပီၤလီၢ်ႇအမိၢ်အပၢ်နုာ်လီၤ၀ဲဒၣ်လၢ ကညီဒီကလုာ်တၢ်ထူၣ်ဖျဲး သုးမုၢ်ဒိၣ်(KNLA)ပူၤဒီးမ့ၢ်စ့ၢ်ကီးၦၤတဂၤလၢအသူၣ်ဆူၣ်သးဂဲၤလၢတၢ်ပၢၢ်ဆၢပူၤတဂၤ န့ၣ်လီၤႉ “ယဟဲဖဲအံၤန့ၣ်ၦၤတဆီၣ်ထွဲဟ့ၣ်ဂံၢ်ဟ့ၣ်ဘါယၤနီတဂၤဘၣ်ႉအ၀ဲသ့ၣ်တြီယၤမီၤနီၤႉဂီၤခီဘျီယဟးထီၣ်ႇ အ၀ဲသ့ၣ် ကိးစိယၤတဲယၤလၢတဘၣ်လဲၤတဂ့ၤႉယဲယပာ်လီၤသးလၢကျဲလၢယဃုထၢအီၤန့ၣ်ယကလဲၤတုၤလၢအတုၤလီၤအဃိယလဲၤတုၤလၢအတုၤလီၤႉယကၠိ၀ံၤတဘျီဃီန့ၣ်ယဟဲဖဲအံၤလီၤ”အဂ့ၢ်န့ၣ် အ၀ဲတဲပၠးကဒါက့ၤ အတၢ်ဟဲနုာ်လီၤလၢ တၢ်ပၢၢ်ဆၢပူၤအဂ့ၢ်အကျိၤအံၤန့ၣ်လီၤႉ စီၤဒါဖိအံၤဖဲအထီၣ်ဂံၢ်ခီၣ်ထံးသုးတၢ်သိၣ်လိ၀ံၤအခါန့ၣ်လၢဂံၢ်ခီၣ်ထံးသုးတၢ်သိၣ်လိအံၤတဆီ ကလဲၤလီၤတထံၣ်ဃီလၢ ပျီပူၤတၢ်မဲာ်ညါတသ့ဒံးဘၣ်အဃိဖဲ(၂၀၂၂)နံၣ်န့ၣ်အ၀ဲဆဲးထီၣ်ကဒါ၀ဲ(ခီၣ်မဲဒိၣ်)တၢ်သိၣ်လိလီၤဆီအံၤဒီးဖျိထီၣ်၀ဲဒၣ်န့ၣ်လီၤႉ ဖဲအ၀ဲဖျိထီၣ်(ခီၣ်မဲဒိၣ်)သုးတၢ်သိၣ်လိအခါန့ၣ်လၢခ့ၣ်အဲၣ်ယူၣ်တၢ်ပၢဟီၣ်က၀ီၤတဖၣ်အကျါလီၤဆီဒၣ်တၢ်လၢ (သုးက့ ၆)လ့က့ၣ်ကိာ်လီၢ်က၀ီၤအခိၣ်အဃၢၤန့ၣ် တၢ်ဒုးဆူၣ်ထီၣ်၀ဲလၢပယီၤသုးဒီး(KNLA) ခီၤဘြၤ သုးကျိၤ အဘၢၣ်စၢၤအဃိ အ၀ဲနုာ်လီၤထီၣ်ဒုးဃုာ်တၢ်ဒီး(ခီၤဘြၤ)သုးကျိၤအံၤန့ၣ်လီၤႉ “၀ဲဒၣ်န့ၣ်ပအဲၣ်ဒိးဒုးတၢ်မီၤနီၤႉပအဲၣ်ဒိးဒုးတၢ်အဃိပကဘၣ်လဲၤလၢတၢ်ဒုးကဲထီၣ်အလီၢ်န့ၣ်လီၤႉ အဃိယၤဒီးကၠီတဂၤ ပလဲၤထီၣ်လၢ(ခီၤဘြၤ)သုးကျိၤအအိၣ်ႉဖဲ(၂၀၂၂)တၢ်ဒုးကဲထီၣ်ဒီတနံၣ်န့ၣ်ပအိၣ်ဖဲန့ၣ်လီၤႉ” အဂ့ၢ်န့ၣ် စံး၀ဲန့ၣ်လီၤႉ ဆၢကတီၢ်ဖဲန့ၣ်ပယီၤသုးအံၤလၢကထီၣ်မၤဆှဲကွံာ်မၠၣ်၀တံၣ်ကလံၤထံး(ခီၤဘြၤ)သုးကျိၤသုးပာ်ဖှိၣ်ဒီတခါ အဂီၢ်န့ၣ် အ၀ဲသ့ၣ်သုးကျိၤအိၣ်ဟဲထီၣ်၀ဲဒၣ်စးထီၣ်လၢလ့က့ၣ်ကိာ်တုၤလၢတၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ် (DKBA) တၢ်ပၢဟီၣ်က၀ီၤ ဂီၤလ့ၤဒီးဆိၣ်စံမၠဲၣ်လီၢ်က၀ီၤညါအဃိ တၢ်ဒုးဆူၣ်ထီၣ်၀ဲလၢခံခီခံကပၤအဘၢၣ်စၢၤန့ၣ်လီၤႉ စီၤဒါဖိအံၤဖဲ(၂၀၂၃)လါအ့ဖြ့ၣ်...
ဖၣ်ပူၣ်၀့ၢ်ပူၤ သုးမီၤစိရိၤအတၢ်ပၢတၢ်ပြးဆိကတီၢ်သးခဲလၢ၁်လံအဂ့ၢ် KNU စံး၀ဲ
လါအီကူး ၃၀ သီႇ ၂၀၂၃ နံၣ်ႇ ခ့ၣ်အဲးစံၣ် လၢဖၣ်ပူၣ်၀့ၢ်ပူၤသုးမီၤစိရိၤအတၢ်ပၢတၢ်ပြးဆိကတီၢ်သးခဲလၢာ်လံဒီးတုၤလၢခဲအံၤလဲၤတရံးသးတန့ၢ်လၢၤဘၣ် အဂ့ၢ်န့ၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ၦၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံး၀ဲန့ၣ် လီၤႉ စးထီၣ်ဖဲ(၂၀၂၁)န့ၣ်လၢဖၣ်ပူၣ်၀့ၢ်ပူၤသုးမီၤစိရိၤအတၢ်ပၢတၢ်ပြးစုတီၤဖီလာ်လၢအမ့ၢ်ဆူၣ်ချ့ႇကူၣ်သ့ဒီး ၀ဲၤကျိၤလၢအဂၤ တၢ်ဖံးတၢ်မၤသ့ၣ်တဖၣ်အံၤလဲၤတရံးသးတန့ၢ်လၢၤဘၣ်အသိးဆိကတီၢ်သးတုၤလၢခဲအံၤဒီးကမျၢၢ်အိၣ်တ့ၢ်က့ၤလၢ၀့ၢ်ပူၤ စှၤကိာ်ဖိလီၤအဂ့ၢ်န့ၣ် သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံး၀ဲဒ်အံၤန့ၣ်လီၤႉ “ဖၣ်ပူၣ်၀့ၢ်ပူၤန့ၣ်ဘၣ်ဃးတၢ်ပၢတၢ်ပြးန့ၣ်သုးမီၤစိရိၤမၤတၢ်တသ့နီတမံၤလၢၤဘၣ်ႉအ၀ဲသ့ၣ်တၢ်ပၢတၢ်ပြးဖီလာ် ဆူၣ်ချ့ႇ ကူၣ်သ့တဖၣ်စ့ၢ်ကီးလဲၤတရံးသးတန့ၢ်လၢၤဘၣ်ႉမ့၀ံၤအ၀ဲသ့ၣ်၀ဲၤဒၢးနါက့အိးထီၣ်၀ဲတန့ၢ်နီတခါလၢၤဘၣ်ႉ အိၣ်ဒၣ်အမၤန့ၢ်၀ဲထဲအ၀ဲသ့ၣ်သုးပူၤတစဲးမွဲးဒ်န့ၣ်လီၤႉကျိဖးဒိၣ်လီၤတဲာ်ချုးလီၤခံအဃိကမျၢၢ်လၢအိၣ်က၀ီၤဒ့ပူၤ တဖၣ်န့ၣ် ဘၣ်သုးလီၢ်သုးကျဲႉခဲအံၤလၢ၀့ၢ်ပူၤန့ၣ်ကမျၢၢ်သၢပူန့ၣ်အိၣ်တ့ၢ်က့ၤထဲတပူလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်– ကညီတၢ်ကစီၣ် န့ၣ်လီၤႉ လၢန့ၣ်အမဲာ်ညါစးထီၣ်ဖဲအပူၤကွံာ်(၂၀၂၂)အခါန့ၣ်ခ့ၣ်အဲၣ်ယူၣ်(သုးက့ ၅)ထုးထီၣ်တၢ်ကလုၢ်လၢသုးမီၤစိရိၤစု တီၤဖီလာ် ၦၤမၤတၢ်ဖိခဲလၢာ်ကဘၣ်ဟးထီၣ်လၢဖၣ်ပူၣ်၀့ၢ်ပူၤအိၣ်၀ဲအသိးတကီၢ်ခါခဲအံၤသုးမီၤစိရိၤအပၢပြး၀ဲၤဒၢးလၢအိၣ်၀့ၢ်ပူၤအံၤတဖၣ်တနီၤန့ၣ်က့ၤအိးထီၣ်ကဒါ၀ဲလၢ(ကမၤမိၢ်၀့ၢ်)တကပၤအဂ့ၢ်န့ၣ် ခ့ၣ်အဲၣ်ယူၣ်စံး၀ဲန့ၣ်လီၤႉ ကမၤမိၢ်၀့ၢ်အံၤစ့ၢ်ကီးခီဖျိအိၣ်၀ဲဒၣ်လၢခ့ၣ်အဲၣ်ယူၣ်(သုးက့ ၅)ဟီၣ်က၀ီၤပူၤအဃိ ဖဲတလါအံၤလါအီကူး(၈)သီအခါ စ့ၢ်ကီး KNLA(သုးက့ ၅)ထုးထီၣ်ကဒီး၀ဲတၢ်ကလုၢ်လၢသုးမီၤစိရိၤစုတီၤဖီလာ်၀ဲၤကျိၤၦၤမၤတၢ်ဖိဒီး ပၢပြးၦၤဘၣ်မူဘၣ်ဒါ ခဲလၢာ်ကဘၣ်ဟးထီၣ်ကွံာ်လၢ၀့ၢ်ပူၤအံၤန့ၣ်လီၤႉ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ်စံး၀ဲလၢ“ဖၣ်ပူၣ်၀့ၢ်ပူၤအံၤအ၀ဲသ့ၣ်တၢ်ပၢတၢ်ပြးလဲၤတရံးသးတန့ၢ်လၢၤဘၣ်အဃိ အ၀ဲသ့ၣ်လဲၤ အိးထီၣ်ကဒါအ၀ဲၤဒၢးလၢ(ကမၤမိၢ်)တကပၤန့ၣ်မီၤနီၤႉကမၤမိၢ်စ့ၢ်ကီးအိၣ်၀ဲဒၣ်လၢခ့ၣ်အဲၣ်ယူၣ် (သုးက့ ၅) တၢ်ပၢဟီၣ်က၀ီၤပူၤလီၤအဃိ ဖဲ(၂၀၂၂)အခါ (သုးက့ ၅)ထုးထီၣ်တၢ်ကလုၢ်လၢကဟးထီၣ်ကွံာ်လၢ၀့ၢ်ပူၤခဲလၢာ်မီၤနီၤႉ ဘၣ်ဆၣ်အ၀ဲသ့ၣ်တလူၤပိာ်မၤထွဲ၀ဲဘၣ်အဃိဖဲအပူၤကွံာ်စှၤသီအခါန့ၣ်ၦၤက့ၤထုးထီၣ်ကဒါလံာ်ၦၤဟ့ၣ်ပလီၢ်ကဒါတဘျီမီၤနီၤ”အဂ့ၢ်န့ၣ် စံး၀ဲန့ၣ်လီၤႉ ဒ်န့ၣ်အသိးဖဲအပူၤကွံာ်တလါအံၤလါအီကူး ၂၃ သီအခါစ့ၢ်ကီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ်-KNLA (သုးက့ ၅) သုးပာ်ဖှိၣ် နုာ်လီၤခး၀ဲ(က၀ီၤဒ့ ၁)ဖၣ်ပူၣ်ပၢၤကီၢ်၀ဲၤလီၢ်အံၤဒီး ဖဲန့ၣ်တၢ်မၤန့ၢ်၀ဲကျိတခိၣ်ဒီးကျိချံၦာ်သၣ်တနီၤအဂ့ၢ်န့ၣ်...