KIC News

လါဒံၣ်စဲဘၢၣ် ၂၂သီ, ၂၀၂၅နံၣ်, ခ့ၣ်အဲးစံၣ်, ကကွၢ်ထံဆိၣ်မိၣ်က့ၤတၢ်လၢကမျၢၢ်တၢ်မိၣ်န့ၢ်သးလီဒီးတၢ်မုၢ်လၢ်ကွၢ်စိအဂီၢ်အဂ့ၢ်,သုးခိၣ်ဒိၣ်စိစီၤ(AOne)ဆီၣ်တခူစံးလီၤဝဲလၢ(၃၁)နံၣ်ပှဲၤထီၣ်(DKBA)မုၢ်နံၤလၢတၢ်မၤဝဲဖဲမဟါလါဒံၣ်စဲဘၢၣ်(၂၁)သီအနံၤလၢတၢ်မၤဝဲလၢဝဲၤလီၢ်ခိၣ်သ့ၣ်ဆိၤစံမၠဲၣ်တၢ်လီၢ်အပူၤန့ၣ်လီၤ. (၃၁)အတီၢ်ပူၤအံၤတၢ်ကကွၢ်ထံနီၤဖးက့ၤဝဲကရူၢ်ကရၢအတၢ်ပညိၣ်တၢ်ပၥ်လီၤကျဲဒီးကမျၢၢ်တၢ်မုၢ်လၢ်ကွၢ်စိတၢ်မိၣ်န့ၢ်သးလီတၢ်မုၥ်တၢ်ခုၣ်အဂ့ၢ်,တီနီၢ်မုၢ်နုၥ်သုးဟီၣ်ကဝီၤနီၣ်ဂံၢ်(၂)ဒုးယၤခိၣ်သုးခိၣ်ဒိၣ်စိစီၤ(AONE)စံးလီၤတ့ၢ်ဝဲဒၣ်လၢတၢ်ရဲၣ်တၢ်ကျဲၤအပူၤဒ်အံၤန့ၣ်လီၤ. “မုၢ်တနံၤအံၤပ(DKBA)ပှဲၤထီၣ်ဝဲ(၃၁)နံၣ်လံ,ပကက့ၤစိၥ်ထံက့ၤဆိမိၣ်ထံက့ၤပပှၤကလုၥ်တၢ်မိၣ်န့ၢ်သးလီ,ပပှၤကလုၥ်တၢ်မုၢ်လၢ်ကွၢ်စိ,ပမၤအီၤလၢပှဲၤထီၣ်ပှဲၤခါလံလဲၣ်.ကမျၢၢ်ကန့ၢ်တၢ်မုၥ်တၢ်ခုၣ်တၢ်သဘျ့ဂီၢ်ပဂုၢ်ကျဲးစၢးပမၤန့ၢ်အီၤန့ၢ်ထဲလဲၣ်.ဒီးစုကဝဲၤလၢပဖီၣ်ထီၣ်အံၤပကဘၣ်မၤအီၤလၢမနုၤအဂီၢ်လဲၣ်,ပတၢ်ပညိၣ်တၢ်ပၥ်လီၤကျဲပဘၣ်လဲၤအီၤဒ်လဲၣ်န့ၣ်ပကပဲၥ်ထံနီၤဖးအီၤထံထံဆးဆးန့ၣ်လီၤ”အဂ့ၢ်စံးဝဲဒၣ်န့ၣ်လီၤ. လၢန့ၣ်အမဲၥ်ညါ,စုကဝဲၤလၢပဖီၣ်ထီၣ်ဝဲအံၤပကဘၣ်က့ၤသူက့ၤအီၤလၢပပှၤကလုၥ်တၢ်မိၢ်န့ၢ်သးလီ,ပပှၤကလုၥ်အတၢ်လိၣ်ဘၣ်,တၢ်ခွဲးတၢ်ယၥ်,တၢ်ထဲသိးတုၤသိးအဂီၢ်လီၤအဂ့ၢ်,ကတိၤဟ့ၣ်ဂံၢ်ဟ့ၣ်ဘါစံးလီၤဝဲဒၣ်စ့ၢ်ကီးန့ၣ်လီၤ. မုၢ်မဆါတနံၤအံၤ,ထံရုၢ်ကီၢ်သဲးတၢ်ဆီၣ်သနံးအိၣ်ဝဲအါမံၤအါကပၤအဖီခိၣ်,ကညီကလုၥ်ဒူၣ်တဖၣ်လီၤမုၢ်လီၤဖးဝဲဒီး,သုးမုၢ်ဒိၣ်တဖၣ်စ့ၢ်ကီးလီၤဖးဝဲဒၣ်အဖုအါမးအဖီခိၣ်,မ့ၢ်တၢ်လီၤသးအုးဒိၣ်မးအဂ့ၢ်,သုးခိၣ်ဒိၣ်စိစီၤ(AONE)ကတိၤပၥ်ဖျါဝဲဒၣ်လၢတၢ်ရဲၣ်တၢ်ကျဲၤအပူၤန့ၣ်လီၤ. တကတီၢ်ဃီ,ဒ်သိးတၢ်လီၤမုၢ်ပၠံပၠါသုတအိၣ်လၢၤတဂ့ၤဒီးတၢ်ဃူတၢ်ဖိးကအိၣ်က့ၤထီၣ်က့ၤအဂီၢ်,ကပၥ်ဖှိၣ်မၤသကိးက့ၤတၢ်ဒ်သနၢၣ်ဒၣ်ဝဲဒ်ဒီပုၢ်ဒီဝဲၢ်အသိးအဂ့ၢ်,ကတိၤပၥ်ဖျါဆီၣ်တခူစံးစ့ၢ်ကီးဝဲဒၣ်န့ၣ်လီၤ. (DKBA)ကညီဖီၣ်စုကဝဲၤကရူၢ်ကရၢအံၤအပူၤကွံၥ်(၁၉၉၄)ပူၤထုးဖးကွံၥ်ဝဲအသးဒီး(ခ့ၣ်အဲၣ်ယူၣ်)ဒီးက့ၤမၤသကိးက့ၤဝဲတၢ်ဒီး(နဝတ)အဂ့ၢ်သ့ၣ်ညါဘၣ်န့ၣ်လီၤ. ...

လါဒံၣ်စ့ဘၢၣ် ၁၆ သီ, ၂၀၂၅ နံၣ်, ခ့ၣ်အဲးစံၣ် ကညီတၢ်မုၥ်တၢ်ခုၣ်ကီၣ်ကးကရၢ(KNU/KNLA-PC)ကညီဖီၣ်စုကဝဲၤကရူၢ်တဖုလၢအမံၤဟးထီၣ်လၢအတၢ်ပၣ်ဃုၥ်ပၣ်ဂီၢ် အိၣ်ဝဲဒီး(ကၠါဖၠၣ်)တၢ်လံၣ်အီၣ်လီအီၣ်တၢ်ဖံးတၢ်မၤအပူၤအံၤ ကရူၢ်ကရၢဖိလၢအမၤဘၣ်ထွဲသးဒီးတၢ်ဖံးတၢ်မၤအံၤတဖၣ် ကဟံဝဲဂ့ၢ်ဝီအဂ့ၢ်န့ၣ် ကရူၢ်အံၤပှၤဘၣ်မူဘၣ်ဒါ စံးဝဲ န့ၣ်လီၤ. စးထီၣ်ဖဲတၢ်ကစီၣ်ဟးထီၣ်လၢ(PC)ပၣ်ဃုၥ်ပၣ်ဂီၢ်စိၥ်ဆှၢဝဲတရူး(ကၠါဖၠၣ်)အိၣ်ထီၣ်ဝံၤလီၢ်ခံ ဖဲတလၢကွံၥ်အသီ ၂၀ ဘျဲၣ်ဃၣ်ဃၣ် အခါန့ၣ် တၢ်မၤဝဲတၢ်အိၣ်ဖှိၣ်တခါဒီးလၢတၢ်အိၣ်ဖှိၣ်အပူၤ ဒ်သိးခါဆူမဲၥ်ညါတၢ်ပၣ်ဃုၥ်ပၣ်ဂီၢ်သုတအိၣ်လၢၤတဂ့ၤအဂီၢ် သုးရ့ၣ်, သုးထံးကရူၢ်ကရၢဖိလၢအမၤဘၣ်ထွဲသးလၢတၢ်ဖံးတၢ်မၤပူၤအံၤတဖၣ်ကဟံဝဲဂ့ၢ်ဝီတုၤလီၤတီၤလီၤအဂ့ၢ်န့ၣ် PC ပှၤကတိၤတၢ်ပၢ သုးခိၣ်ဒိၣ်စိ စီၤကၠီၤညိၣ်...

လါဒံၣ်စ့ဘၢၣ် ၁၅ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ်အပူၤ ဖဲအပူၤကွံၥ်နွံအခါ တၢ်ဖီၣ်န့ၢ်ဝဲ တရူး(ကၠါဖၠၣ်)ပှၤမၤတၢ်ဖိ ၆ ဂၤလၢ KNU/KNLA-PC ဆှၢခီဖျိဝဲအံၤအဂ့ၢ်န့ၣ် သ့ၣ်ညါဘၣ်လၢလီၢ်ကဝီၤ ပှၤဘၣ်မူဘၣ်ဒါ အအိၣ်န့ၣ်လီၤ. ဖဲတလါအံၤလါဒံၣ်စ့ဘၢၣ်ထီၣ် ၆ သီအနံၤန့ၣ် တရူး(ကၠါဖၠၣ်)ပှၤမၤတၢ်ဖိလၢအိၣ်ဟဲက့ၤလီၤလၢဒူပျၥ်ယၥ်ကီၢ်ရ့ၣ်(သုးက့ ၆) ဒီး ဖၣ်အၣ်ကီၢ်ရ့ၣ်(သုးက့...

လါဒံၣ်စ့ဘၢၣ် ၁၄ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဘုသိၣ်ကီၢ်ဆၣ် ဘုအါဒၢကရူၢ်အပူၤ ကဘီယူၤလဲၤခးလီၤတၢ်အဃိ ဘၣ်သံဝဲဖိသၣ်တဂၤဒီး ကမျၢၢ်ဘၣ်ဒိတစှၤန့ၢ်ဝဲ ၁၀ ဂၤအဂ့ၢ်န့ၣ် ကီၢ်ရ့ၣ်ပှၤဘၣ်မူဘၣ်ဒါ စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ. ဖဲလါဒံၣ်စ့ဘၢၣ် ၁၂ သီ မုၢ်နၤခီအဆၢကတီၢ် တၢ်ဒုးကဲထီၣ်တအိၣ်ပယီၤသုးကဘီယူၤလဲၤတ့ၢ်လီၤဝဲမ့ၣ်ပိၢ်လၢ ဘုအါဒၢကရူၢ် မးမုၢ်သဝီပူၤအဃိ တၢ်သံတၢ်ဘၣ်ဒိဘၣ်ထံးဘၣ်ဟဲကဲထီၣ်ဝဲဒ်အံၤလီၤအဂ့ၢ်န့ၣ် ကီၢ်ရ့ၣ်ခိၣ်...

လါဒံၣ်စ့ဘၢၣ် ၁၃ သီ, ၂၀၂၅ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ် အံလူၢ်ကရူၢ်အပူၤ ဖဲမဟါအနံၤပယီၤသုးကျိၤ နုၥ်လီၤဒီးခးလီၤကျိဖးဒိၣ်အဃိ သဝီဖိသံဝဲ ၂ ဂၤဒီး ဖီၣ်ဝဲသဝီဖိအိၣ်တနီၤအဂ့ၢ်န့ၣ် သ့ၣ်ညါဘၣ်လၢလီၢ်ကဝီၤကမျၢၢ်အအိၣ်န့ၣ်လီၤ. ဖဲမဟါလါဒံၣ်စ့ဘၢၣ် ၁၂ သီအနံၤန့ၣ် ပယီၤသုးကျိၤနုၥ်လီၤလၢဖိဝၣ်သ့ၤ(ဖိုး၀သိမ်),(ညောင်ထောက်),(ရှမ်းစု)ဒူသဝီတကပၤဒီးခးလီၤ ကျိဖးဒိၣ်လီၤတဲၥ်ပိၢ်ဖးထီၣ်ဝဲလၢဖိဝၣ်သ့ၤသဝီပူၤအဃိ ဘၣ်သံဝဲသဝီဖိပိၥ်ခွါ ၂ ဂၤဒီးဘၣ်ဒိဘၣ်ထံဒီးဝဲတဂၤအဂ့ၢ်န့ၣ် သဝီဖိလၢအိၣ်ဘူးဖဲန့ၣ်တဂၤ...

လါဒံၣ်စ့ဘၢၣ် ၅ သီ, ၂၀၂၅ နံၣ်, ခ့ၣ်အဲးစံၣ် ပကိကီၢ်ခီဒိၣ် တီအူကီၢ်ရ့ၣ် အိၣ်တွ့(အုတ်တွင်း)ဝ့ၢ်မုၢ်နုၥ် ဘူၣ်တလ့(ဘုတလင်း)သဝီ ကမျၢၢ်ပှၤလီၢ်အိၣ်ကမှံဖိတဖၣ် ခဲအံၤလိၣ်ဘၣ်ဝဲဂ့ၢ်ဂီၢ်အူတၢ်ကူတၢ်သိး ဒီး တၢ်အီၣ်တၢ်အီတၢ်ဆီၣ်ထွဲမၤစၢၤအဂ့ၢ်န့ၣ် သ့ၣ်ညါဘၣ်လၢပှၤမၤစၢၤတၢ်ဖိအအိၣ်န့ၣ်လီၤ. ဖဲအပူၤကွံၥ်လါနိၣ်ဝ့ဘၢၣ် ၂၇ သီ ဟါခီအဆၢကတီၢ် ပယီၤသုးဒီးတၢ်ပၢၢ်ဆၢသုးကရူၢ်အဘၢၣ်စၢၤတၢ်ဒုးကဲထီၣ်ဝံၤလီၢ်ခံ ခီဖျိပယီၤသုးကဘီယူၤလဲၤခးလီၤတၢ်အဃိ ဘူၣ်တလ့သဝီ ဃုၥ်ဒီးဒူသဝီလၢအိၣ်ဘူးဖဲန့ၣ်တဖၣ် ကမျၢၢ်အဂၤ(၁၀၀)ဃၣ်ဃၣ် ဘၣ်ဃ့ၢ်ထီၣ်ဝဲ န့ၣ်လီၤ. တကီၢ်ခါခဲအံၤစ့ၢ်ကီးသဝီနုၥ်လီၤဟးထီၣ်ကျဲလၢတၢ်ဒုးကဲထီၣ်အလီၢ်သ့ၣ်တဖၣ်န့ၣ်...

လါဒံၣ်စ့ဘၢၣ် ၅ သီ, ၂၀၂၅ နံၣ်, ခ့ၣ်အဲးစံၣ် ကရ့ၣ်ကီၢ်စဲၣ်အပူၤ အပူၤကွံၥ်လါနိၣ်ဝ့ဘၢၣ်တလါအတီၢ်ပူၤ ခီဖျိသုးမီၤစိရိၤအတၢ်မၤကမၣ်ပှၤဂ့ၢ်ဝီခွဲးယၥ်အဃိ ကမျၢၢ်သံ ၁၆ ဂၤအကျါ ပၣ်ဃုၥ်ဝဲဖိသၣ်တဂၤအဂ့ၢ်န့ၣ် ကရ့ၣ်နံၣ်ဂ့ၢ်ဝီခွဲးယၥ်ကရူၢ်(KnHRG)ထုးထီၣ်ပၥ်ဖျါဝဲဖဲမဟါလါဒံၣ်စ့ဘၢၣ် ၄ သီအနံၤအံၤန့ၣ်လီၤ. သုးမီၤစိရိၤအံၤခီဖျိသူဝဲကဘီယူၤ,ကျိဖးဒိၣ်ဒီးဟီၣ်လၥ်မ့ၣ်ပိၢ်,ကျိတဖၣ်အဃိ ဘၣ်သံဝဲဖိသၣ် ၁ ဂၤ, ပိၥ်ခွါ ၁၂ ဂၤ, ပိၥ်မုၣ် ၁၃ ဂၤဒီး...

လါဒံၣ်စဲဘၢၣ် ၅သီ, ၂၀၂၅နံၣ်, ခ့ၣ်အဲးစံၣ်, န့ဆၢၣ်ခိၣ်ဃၢၤတဖၣ်သုတဟးဂီၤအါထီၣ်လၢၤတဂ့ၤဒီး,တၢ်ကကတီၤဝဲခိၣ်ဃၢၤန့ဆၢၣ်တဖၣ်အဂီၢ်,တၢ်ဒုးအိၣ်ထီၣ်ဝဲမူခိၣ်ကလံၤသီၣ်ဂီၤတၢ်ကသုၣ်ကသံးတၢ်မၤရဲၣ်ကျဲၤအဂ့ၢ်,ကီၢ်သူလ့ၤတၢ်ရဲၣ်သဲကတီၤခိၣ်ဃၢၤန့ဆၢၣ်ဒီးန့ဆၢၣ်တၢ်အိၣ်ယၢၤကမံတံၥ်(K-NRECC)ဘိးဘၣ်ရၤလီၤဝဲဒၣ်ဖဲမဟါလါဒံၣ်စဲဘၢၣ်(၄)သီအနံၤန့ၣ်လီၤ. ခီဖျိမူခိၣ်ကလံၤသီၣ်ဂီၤဟီၣ်ခိၣ်ကပံၥ်ဒီးန့ဆၢၣ်ခိၣ်ဃၢၤတၢ်တတၢၤတနါတၢ်ဘၣ်ဒိဘၣ်ထံးအဃိ,ဒိဘၣ်ဝဲပှၤကညီတဖၣ်တဖၣ်တၢ်အိၣ်မူအိၣ်ဂဲၤဒီးတၢ်ဖံးအီၣ်မၤအီၣ်အကပၤကပၤအိၣ်ဝဲအဂ့ၢ်,ကီၢ်သူလ့ၤတၢ်ရဲၣ်သဲကတီၤခိၣ်ဃၢၤန့ဆၢၣ်ဒီးန့ဆၢၣ်တၢ်အိၣ်ယၢၤပှၤဘၣ်မူဘၣ်ဒါတဖၣ်စံးဝဲဒၣ်န့ၣ်လီၤ. လၢတၢ်န့ၣ်အဃိ,တၢ်ဘိးဘၣ်ပၥ်ဖျါဝဲတၢ်ရဲၣ်ကျဲၤအံၤအတၢ်ပညိၣ်မ့ၢ်ဒ်သိးတၢ်ကဘၣ်ဟးဆှဲးဝဲတၢ်မၤဘၣ်ဒိခိၣ်ဃၢၤန့ဆၢၣ်ဒီးတၢ်ကပၥ်ဃုၥ်ပၣ်ဃုၥ်ပၣ်ဂီၢ်လၢတၢ်မၤဂ့ၤထီၣ်ခိၣ်ဃၢၤန့ဆၢၣ်အဂ့ၢ်,(KNRECC)နဲၣ်ရွဲၣ်ပဒိၣ်စီၤဆၢပှဲၤစံးဝဲဒ်အံၤန့ၣ်လီၤ. “မူခိၣ်ကလံၤသီၣ်ဂီၤတၢ်ကသုၣ်ကသံးသုတကဲထီၣ်လၢၤတဂ့ၤဒီးန့ဆၢၣ်ခိၣ်ဃၢၤသုတဟးဂီၤလၢၤတဂ့ၤကအိၣ်က့ၤဒ်လၢညါအဂီၢ်တၢ်ကဘၣ်ဟးဆှဲးဝဲမနုၤသ့ၣ်တဖၣ်လဲၣ်,တၢ်ကဘၣ်ကတီၤဝဲမနုၤသ့ၣ်တဖၣ်လဲၣ်,တၢ်ကဘၣ်မၤဝဲမနုၤသ့ၣ်တဖၣ်လဲၣ်န့ၣ်ကမျၢၢ်သ့ၣ်တဖၣ်ကသ့ၣ်ညါဒီးပၣ်ဃုၥ်ပၣ်ဂီၢ်ဝဲအဂီၢ်မ့ၢ်ပတၢ်ပညိၣ်ဘိးဘၣ်ရၤတၢ်ပညိၣ်လီၤ”အဂ့ၢ်စံးဝဲဒၣ်န့ၣ်လီၤ. လၢန့ၣ်အမဲၥ်ညါ,မူခိၣ်ကလံၤသီၣ်ဂီၤအတၢ်ကသုၣ်ကသံးအံၤမၤဘၣ်ဒိဝဲပှၤဟီၣ်ခိၣ်ဖိတုၤလၢတၢ်သံတၢ်ပှၢ်ပတီၢ်အိၣ်ဝဲအဃိ,တၢ်ကတီၤခိၣ်ဃၢၤန့ဆၢၣ်အံၤအကါဒိၣ်ဝဲလၢပှၤတဝၢအဂီၢ်ဃုၥ်ဒီးဟီၣ်ခိၣ်ဒီဘ့ၣ်အဂ့ၢ်စံးစ့ၢ်ကီးဝဲဒၣ်န့ၣ်လီၤ. ကီၢ်သူလ့ၤတၢ်ပၢဟီၣ်ကဝီၤအပူၤတၢ်ကမၤဆူၣ်ထီၣ်တၢ်သ့တူၢ်တၢ်ဒီးခီၣ်ဆၢတၢ်ကသုၣ်ကသံးဒီးမၤဂ့ၤထီၣ်ခိၣ်ဃၢၤန့ဆၢၣ်အတၢ်ယူၥ်ကၢအဂီၢ်,တၢ်ဒုးအိၣ်ထီၣ်မူခိၣ်ကလံၤသီၣ်ဂီၤတၢ်ကသုၣ်ကသံးတၢ်မၤရဲၣ်ကျဲၤအံၤယံၥ်ဝဲ(၂)နံၣ်အဂ့ၢ်(KNRECC)အပူၤပၥ်ဖျါဝဲဒၣ်လၢလံၥ်ဘိးဘၣ်ရၤလီၤအပူၤန့ၣ်လီၤ. ဒီးတၢ်ရဲၣ်ကျဲၤအံၤမ့ၢ်တၢ်အဆိကတၢၢ်တခါလၢဟီၣ်ကဝီၤအပူၤလၢအပၥ်ဖျါထီၣ်ဝဲတၢ်ဒိတၢ်တဲၥ်လၢအဘၣ်ဃးဒီးပှၤထူလံၤဖိဒီးကလုၥ်ဒူၣ်ဖိအတၢ်ပၢတၢ်ြပးဆူတၢ်လီၢ်အဂၤတဆီဆူဟီၣ်ခိၣ်ဒီဘ့ၣ်အဂ့ၢ်,ပၥ်ဖျါဝဲဒၣ်န့ၣ်လီၤ. တကတီၢ်ဃီ,တၢ်ရဲၣ်ကျဲၤအံၤမ့ၢ်ဝဲဂံၢ်ခီၣ်ထံးတၢ်မၤဘၣ်ဃးတၢ်ကသုၣ်ကသံးတၢ်မၤရဲၣ်ကျဲၤအတကွီၢ်တခါလၢအပၣ်ဃုၥ်ဒီးပှၤထူလံၤဖိလုၢ်လၢ်ထူသနူမိၢ်လုၢ်ပၢ်လၢ်မၤတ့ၢ်ဝဲတဖၣ်တကးဘၣ်,ပၣ်ဃုၥ်ဝဲဒီးတကီၢ်ခါဆူညါခ့ၣ်အဲၣ်ယူၣ်အတၢ်မၤရဲၣ်ကျဲၤဟီၣ်ခိၣ်ကပံၥ်,သ့ၣ်ပှၢ်,လီသဟီၣ်ဖီၣ်လ်စံၣ်တဖၣ်,လီၢ်ကဝီၤပှၤထူလံၤဖိ,ဒီးကရၢသဘျ့မၤတ့ၢ်ဝဲသ့ၣ်တဖၣ်အသိး,မ့ၢ်တၢ်အၢၣ်လီၤလၢအဘၣ်ဃးဒီးတၢ်မၤစှၤလီၤဝဲတၢ်ကသုၣ်ကသံးအဆိကတၢၢ်တခါလၢတၢ်ဒုးအိၣ်ထီၣ်ပၢဆှၢရဲၣ်ကျဲၤအီၤလၢလီၢ်ကဝီၤကလုၥ်ဒူၣ်တၢ်ကရၢကရိလၢကီၢ်ပယီၤအပူၤအဂ့ၢ်,ပၥ်ဖျါစ့ၢ်ကီးဝဲဒၣ်န့ၣ်လီၤ. ဒ်န့ၣ်အသိး,တၢ်မၤရဲၣ်ကျဲၤအံၤကကဲထီၣ်လိၣ်ထီၣ်အဂီၢ်ကဒိးသန့ၤထီၣ်သးလၢထံဂုၤကီၢ်ဂၤတၢ်ပၥ်ပနီၣ်ဝဲအဖီခိၣ်,ကဆၢထၢၣ်သကိးဒီး,ကအိၣ်ဃူပၥ်ဖှိၣ်မၤသကိးတၢ်အဂ့ၢ်()ဘိးဘၣ်ဒုးသ့ၣ်ညါဝဲဒၣ်န့ၣ်လီၤ.

လါဒံၣ်စ့ဘၢၣ် ၄ သီ, ၂၀၂၅ နံၣ်, ခ့ၣ်အဲးစံၣ် လၢကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဖိဖြးကီၢ်ဆၣ် ဟွ့နးနးဟီၣ်ကဝီၤအပူၤ ဖဲတနံၤအံၤလါဒံၣ်စ့ဘၢၣ် ၄ သီအံၤ ကၠီၣ်တဲၣ်သုးဖီၣ် ချုးန့ၢ်ဝဲတရူး(ကၠါဖၠၣ်)ပှၤမၤတၢ်ဖိ ၈ ဂၤလၢအိၣ်ဃ့ၢ်ထီၣ်ဝဲဆူတၢ်ဘၣ်ဘျုးဒံၣ်မိၣ်ခြ့ၣ်စံၣ်ကညီသုးမုၢ်ဒိၣ်(DKBA)ဟီၣ်ကဝီၤတၢ်လီၢ် တကပၤအဂ့ၢ်န့ၣ် (ThaiPBS North)ကၠီၣ်တဲၣ်တၢ်ကစီၣ်သန့ပၥ်ဖျါဝဲန့ၣ်လီၤ. ဒ်ကၠီၣ်တဲၣ်တၢ်ကစီၣ်သန့ပၥ်ဖျါဝဲအသိးန့ၣ် တရူး(ကၠါဖၠၣ်)လၢတၢ်ဖီၣ်ချုးန့ၢ်ဝဲ ၈ ဂၤ အံၤ လၢကဟဲမၤ တၢ်လံၣ်တၢ်လီတၢ်ဖံး...

လါဒံၣ်စ့ဘၢၣ် ၄ သီ, ၂၀၂၅ နံၣ်, ခ့ၣ်အဲးစံၣ် ကညီကီၢ်စဲၣ် ကီးတရံး ဒီး ကြုၢ်တုဝ့ၢ် လၢတၢ်ကဟ့ၣ်တၢ်ဖးအဂီၢ် ခီဖျိပှၤကမျၢၢ်ဟဲသမံသမိးတၢ်ဖးစရီလၢတၢ်ပၥ်ပနီၣ်လီၢ် တအိၣ်ဘၣ်အဃိ သုးမီၤစိရိၤစုတီၤဖီလၥ်အပှၤတဖၣ်ဟးသမံသမိးဝဲတၢ်ဖးစရီဒီးတဲဘၣ်ကမျၢၢ်လၢကလဲၤဟ့ၣ်တၢ်ဖးအဂ့ၢ်န့ၣ် ကမျၢၢ်လၢအိၣ်ဝ့ၢ်ပူၤတဖၣ် စံးဝဲန့ၣ်လီၤ. သုးမီၤစိရိၤအံၤလၢကဟဲလါဒံၣ်စ့ဘၢၣ် ၂၈ သီ တၢ်ဃုထၢအဂီၢ် ကမျၢၢ်လၢအန့ၢ်ဟ့ၣ်တၢ်ဖးလၢအိၣ်ကီးတရံးဒီးကြုၢ်တုဟီၣ်ကဝီၤ အပူၤတဖၣ် စးထီၣ်ဖဲအပူၤကွံၥ်လါနိၣ်ဝ့ဘၢၣ်လၢၥ်အံၤန့ၣ် ကဝီၤဒ့ပူၤပၢြပးရူဒုးသ့ၣ်ညါလီၤဝဲဒီး ကွဲမုၥ်ကမျၢၢ်လၢကဟဲဒိး သမံသမိးသးန့ၣ်လီၤ. ဘၣ်ဆၣ်ဟီၣ်ကဝီၤဖဲန့ၣ်အပူၤ...