KIC News

လါစဲးပထ့ဘၢၣ် ၂၉ သီ, ၂၀၂၆ နံၣ်, ခ့ၣ်အဲးစံၣ် ရခၢၣ်ကီၢ်စဲၣ် ကၠီၣ်တီၤ(ကျောက်တော်)ဝ့ၢ် အ့ၤဒံၣ်ယၣ်ဖၠါလီၢ် ဒီး က့ၣ်စပၣ်နဒံၤတိၤလၢသုးမီၤစိရိၤပညိၣ် လဲၤခးလီၤတၢ်ဒီး ကဘီ ယူၤဖဲမဟါအံၤန့ၣ် ကမျၢၢ်လၢအလ့ၢ်ထီၣ်လ့ၢ်လိၤ,ပှၤပှ့ၤတၢ်ဆါတၢ်,ပှၤစိၥ်ထီၣ်စိၥ်လီၤတၢ်ဖိတၢ်လံၤဃုၥ်ဒီး ဖိဒံဖိသၣ်သံဝဲ (၄၉)ဂၤ ဒီး ဘၣ်ဒိဘၣ်ထံးဝဲ(၅၈)ဂၤအဂ့ၢ်န့ၣ် ရခၢၣ်ဒီကလုၥ်ကရၢ(United League of Arakan-ULA)ထုးထီၣ်ပၥ်ဖျါဝဲန့ၣ်လီၤ. ဖဲမဟါလါစဲးပထ့ဘၢၣ် ၂၈ သီ...

လါစဲးပထ့ဘၢၣ် ၂၈ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ် လါစဲးပထ့ဘၢၣ် ၂၄ တုၤ ၂၆ လၢသၢသီ အတီၢ်ပူၤ သုးမီၤစိရိၤအံၤသူဝဲကဘီယူၤ,ခးလီၤဝဲကျိဖးဒိၣ်တပယူၥ်ဃီအဃိ ကမျၢၢ်သံကဒီးဝဲ(၁)ဂၤဒီးဘၣ်ဒိဘၣ်ထံးဝဲ(၂)ဂၤ အဂ့ၢ်န့ၣ် သ့ၣ်ညါဘၣ်လၢလီၢ်ကဝီၤပှၤဘၣ်မူဘၣ်ဒါအအိၣ်န့ၣ်လီၤ. ဒီးမ့ဘၣ်ကွၢ်ဖဲလၢသုးမီၤစိရိၤသူဝဲကျိဖးဒိၣ်ဒီးမၤဝဲတၢ်ထီၣ်ဒုးလၢကလံၤကျါဆူၣ်ဆူၣ်ကိၤကိၤအကတီၢ်အံၤန့ၣ် လၢတကပၤ ဘၣ်ဝဲဒၣ်လၢကီၢ်စဲၣ်သုးမီၤစိရိၤပဒိၣ်ဒီး ဖီၣ်စုကဝဲၤကရူၢ်လၢအထုးဖးသးဒီး KNU ကရၢမိၢ်ပှၢ်အံၤတဖၣ် မၤဝဲတၢ်မုၥ်တၢ်ခုၣ်ဒီး...

လါစဲးပထ့ဘၢၣ် ၂၈ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅) ကမၤမိၢ်-ကတၢတံၥ်ကျဲတၢ်ဒ့ၣ်စၢၤဟီၣ်ကဝီၤပူၤလၢပယီၤသုး ကျိၤဟဲထီၣ်ဟူးဂဲၤဝဲအံၤ တၢ်ဒုးဆဲးကဲထီၣ်ဝဲဒီး တၢ်မၤန့ၢ်ကဒီးဝဲကျိ(၇)ခိၣ်လၢပယီၤသုးအအိၣ်အဂ့ၢ်န့ၣ် သ့ၣ်ညါဘၣ် န့ၣ် လီၤ. ဖဲလါစဲးပထ့ဘၢၣ် ၂၅ သီ ဂီၤခီ ၈း၀၀ နၣ်ရံၣ်ဃၣ်ဃၣ်အဆၢကတီၢ်န့ၣ် ပယီၤသုးလၢအဟဲထီၣ်ဟူးဂဲၤဝဲဒၣ်ဖဲဒွဲၣ်လိကီၢ်ဆၣ် တီသူကျါဒီး ဖယါကိသဝီဘၢၣ်စၢၤအံၤတဖၣ် ဘၣ်တၢ်နုၥ်လီၤခးအဝဲသ့ၣ်လၢဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်...

လါစဲးပထ့ဘၢၣ် ၂၅ သီ, ၂၀၂၆ နံၣ် ကလံၤသုး သုးခိၣ် န့ၤဝ့အီၤ ဖဲမဟါလါစဲးပထ့ဘၢၣ် ၂၄ သီ မုၢ်ဘူးကထူၣ် ၁၁ ဘျဲၣ်အဆၢကတီၢ်န့ၣ် ဒီကလုၥ်ဃူဖိးပဒိၣ်(NUG)တၢ်ဒီသဒၢစုတီၤဖီလၥ် ကီၢ်ခီ သုးဝဲၤလီၢ်ခိၣ်သ့ၣ်လၢအိၣ်ဆီလီၤသးဖဲခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ဒီး ချၢၣ်လွံၢ်ထူၣ်ကီၢ်ရ့ၣ်(သုးက့ ၃) အဆၢ ဟီၣ်ကဝီၤအပူၤအံၤ...

လါစဲးပထ့ဘၢၣ် ၂၅ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ဟီၣ်ကဝီၤ လါစဲးပထ့ဘၢ ၁ သီတုၤလၢ ၁၅ သီ လၢလါတဝၥ် အတီၢ်ပူၤ ပယီၤသုးဒီးဟီၣ်ကဝီၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)အဘၢၣ်စၢၤ တၢ်ဒုးကဲထီၣ်ဝဲ(၄၇)ဘျီ အဂ့ၢ်န့ၣ် ကီၢ်ရ့ၣ် တၢ်ကစီၣ်တၢ်မၤနီၣ်စရီပူၤအသိး သ့ၣ်ညါဘၣ်န့ၣ်လီၤ. လၢ(၁၅)သီ တၢ်ဒုးကဲထီၣ်(၄၇)ဘျီအတီၢ်ပူၤအံၤ ပယီၤသုးသံ(၂၂)ဂၤ,ဘၣ်ဒိဘၣ်ထံးဝဲ(၂၀)ဂၤဒီး ဘၣ်ဒိဘၣ်ထံးတဖၣ်အကျါ...

လါစဲးပထ့ဘၢၣ် ၂၄ သီ, ၂၀၂၆ နံၣ်, ခ့ၣ်အဲးစံၣ် ပဒိၣ်မါရှၤသးစၢ်ခိၣ်နၢ်ဖိခိၣ်ဖး လၢတၢ်ဟ့ၣ်ဝဲသးစၢ်(၃၅)နံၣ်ဆူဖီလၥ်လၢအဟူးဂဲၤဖံးမၤတၢ်လၢပှၤတဝၢတၢ်ဒိၣ်ထီၣ်ထီထီၣ်ဂီၢ်လၢ အတကွၢ်နီၢ်ကစၢ်တၢ်ဘၣ်ဘျုးဘၣ်အံၤန့ၣ် တနံၣ်အံၤ(၂၀၂၆)အဂီၢ် ပတံထီၣ်မံၤသ့ဝဲလံအဂ့ၢ်န့ၣ် (Phan Foundation) ထုးထီၣ်ဒုးသ့ၣ်ညါပၥ်ဖျါကဒီးဝဲဖဲမဟါလါစဲးပထ့ဘၢၣ် ၂၃ သီအံၤန့ၣ်လီၤ. Phan Foundation ခိၣ်ဖးလၢတၢ်ဟ့ၣ်လီၤဝဲကိးမုၢ်နံၣ်ဒဲးအံၤန့ၣ် ဒ်သိးတၢ်ကမၤဖျါထီၣ်ဝဲ ကညီသူၣ်ဘီၣ်သးစၢ်လၢအအိၣ်ဒီး တၢ်ဂုၥ်ကျဲးစၢၤ,ဟ့ၣ်လီၤသးနီၢ်နီၢ်လၢပှၤကလုၥ်တၢ်ဖံးတၢ်မၤပူၤသ့ၣ်တဖၣ်အဃိ တၢ်ကရၢကရိခိၣ်နၢ်တဖၣ်ဆှၢထီၣ်ကရူၢ် ပှၤမၤသကိးဖိ သးစၢ်သ့ၣ်တဖၣ်အံၤမံၤသ့ဝဲဒၣ်လံအဂ့ၢ်န့ၣ် စံးဝဲန့ၣ်လီၤ....

လါစဲးပထ့ဘၢၣ် ၂၄ သီ, ၂၀၂၆ နံၣ်, ခ့ၣ်အဲးစံၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ကၠဲးထိၣ်ကီၢ်ဆၣ် ပလိၥ်ခံကရူၢ်လၢသုးမီၤစိရိၤအပှၤခးလီၤဝဲကျိဖးဒိၣ်တလီၢ်လီၢ်အံၤ ကျိဖးဒိၣ်အဃိ ရီဘၢၣ်ကျီးပူၤပှၤမၤတၢ်ဖိကမျၢၢ်သံကဒီးဝဲ(၁)ဂၤဒီး ဘၣ်ဒိဘၣ်ထံးဝဲနးနးကျံၤကျံၤ(၁)ဂၤအဂ့ၢ်န့ၣ် သ့ၣ်ညါဘၣ်လၢ လီၢ်ကဝီၤပှၤဘၣ် မူဘၣ်ဒါအအိၣ်န့ၣ်လီၤ. ဖဲလါစဲးပထ့ဘၢၣ် ၂၂ သီ မုၢ်ထူၣ် ၁၁း၅၀ မံးနံးတုၤဃီၤဝဲဒၣ်လၢ ၁၂း၁၇ မံးနံးတစုန့ၣ် တၢ်ဒုးကဲထီၣ်တအိၣ် ပယီၤသုး(၄၄)...

လါစဲးပထ့ဘၢၣ် ၂၂ သီ, ၂၀၂၆ နံၣ်, ခ့ၣ်အဲးစံၣ် လီၢ်ကဝီၤကမျၢၢ်ပှၤလီၢ်အိၣ်မှံဖိလၢအိၣ်ကီးတရံးဒီး ကြုၢ်တုအဘၢၣ်စၢၤဟီၣ်ကဝီၤပူၤလၢအဃ့ၢ်ထီၣ်တဖၣ်အံၤ ဒ်သိးအဝဲသ့ၣ် ကက့ၤဆူအနီၢ်ကစၢ်ဒူသဝီတၢ်လီၢ်တၢ်ကျဲဒီးက့ၤဖံးအီၣ်မၤအီၣ်က့ၤတၢ်ကသ့အဂီၢ်န့ၣ် (KNPC)လၢအပၣ်ဃုၥ်ဝဲ (KNA), (DKBA) ဒီး(KNU/KNLA-PC)ဖီၣ်စုကဝဲၤကရူၢ်(၃)ဒူၣ်အံၤ တၢ်ရဲၣ်တၢ်ကျဲၤအိၣ်လၢကထံၣ်လိၥ်တဲသကိးတၢ်ဒီးကီၢ်စဲၣ်သုးမီၤစိရိၤအပဒိၣ် အဂ့ၢ်န့ၣ် သ့ၣ်ညါဘၣ်န့ၣ်လီၤ. ကီးတရံးဒီးကြုၢ်တုဟီၣ်ကဝီၤဘၢၣ်စၢၤဒူသဝီတဖၣ်အပူၤ အပူၤကွံၥ်စှၤနံၣ်အခါခီဖျိတၢ်ဒုးတၢ်ယၤကဲထီၣ်ဒိၣ်ဒိၣ်မုၢ်မုၢ်အဃိ လီၢ်ကဝီၤကမျၢၢ်တဖၣ်ဘၣ်ဃ့ၢ်ထီၣ်ဟးအိၣ်ကဒုသးလၢတၢ်လီၢ်အဂၤတၢ်ဆၢကတီၢ်ထီၣ်ဘးဝဲလၢ(၃)နံၣ်ဃၣ်ဃၣ်လံဒီး ဟီၣ်ကဝီၤ ပူၤဖဲန့ၣ်ခီဖျိပယီၤသုးအတၢ်ဟူးတၢ်ဂဲၤဒီးကျိဖးဒိၣ်အတၢ်လီၤဘၣ်ယိၣ်အိၣ်ဒံးဝဲအဃိ ထိၣ်ကီၤကိ(KNU/KNLA-PC)တၢ်ပၢဟီၣ် ကဝီၤပူၤအမဲၥ်ညါကမျၢၢ်တနီၤန့ၣ်လဲၤဃ့ၢ်ထီၣ်အိၣ်ဝဲလၢထံဆၢကီၢ်ဆၢစ့ၢ်ကီးအိၣ်ဝဲ န့ၣ်လီၤ. အဃိတကီၢ်ခါခဲအံၤလီၢ်ကဝီၤကမျၢၢ်လၢအဃ့ၢ်ထီၣ်တဖၣ်ဒ်သိးကက့ၤအိၣ်ဘၣ်က့ၤလၢအဟံၣ်အဃီ,ကန့ၢ်က့ၤမၤ အီၣ်မၤအီ...

လါစဲးပထ့ဘၢၣ် ၂၁ သီ, ၂၀၂၆ နံၣ်, ခ့ၣ်အဲးစံၣ် ဖဲတကီၢ်ခါထံရူၢ်ကီၢ်သဲးတၢ်သဘံၣ်သဘုၣ်ဒီးတၢ်ကီတၢ်ခဲတၢ်တၤတၢ်အတီၢ်ပူၤအံၤ ခ့ၣ်အဲၣ်ယူၣ်ဟီၣ်ကဝီၤပူၤ ဒ်သိးပတီၢ်ထီ ပီညါတၢ်ပၢဆှၢရဲၣ်ကျဲၤအဂံၢ်ကဆူၣ်ထီၣ်ဒီး တၢ်ကသ့ၣ်ညါပၥ်ပနီၣ်ကီၢ်သူလ့ၤပတီၢ်ထီပီညါအံၤအဂီၢ်န့ၣ် ကညီကူၣ်သ့ဆဲး လၤ ဝဲၤကျိၤ(KECD) ပတီၢ်ထီပီညါဝဲၤဒ့ ဒုးအိၣ်ထီၣ်ဝဲကီၢ်သူလ့ၤပတီၢ်ထီပီညါကီၣ်ကး KCHE အံၤဒီး ဖဲတနံၤအံၤလါစဲးပထ့ဘၢၣ် ၂၁ သီအံၤ လီၢ်ခၢၣ်သးခ့ၣ်အဲၣ်ယူၣ်ထုးထီၣ်ဘိးဘၣ်ရၤလီၤဝဲကီၣ်ကးအံၤန့ၣ်လီၤ. ကီၢ်သူလ့ၤပတီၢ်ထီပီညါ(Kawthoolei Council of Higher...

လါစဲးပထ့ဘၢၣ် ၂၁ သီ, ၂၀၂၆ နံၣ်, ခ့ၣ်အဲးစံၣ် ဖဲလါစဲးပထ့ဘၢၣ် ၁၉ သီ မုၢ်နၤခီ ၁၁း၀၀ ဘျဲၣ်အဆၢကတီၢ်န့ၣ် တၢ်ဒုးကဲထီၣ်တအိၣ်သုးမီၤစိရိၤလဲၤတ့ၢ်လီၤဝဲမ့ၣ်ပိၢ်လၢ ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)ဘံလ့ကီၢ်ဆၣ် ယိၤကျါမုၢ်ထီၣ်သဝီဒီးမုၢ်နုၥ်သဝီ(၂)ဖျၢၣ်အံၤပူၤဒီး လၢတၢ်ခးလီၤ တၢ်ဘျီ ဝဲအံၤကၠိတၢ်သူၣ်ထီၣ်ဃုၥ်ဒီးကမျၢၢ်ဟံၣ်ပၥ်ဖှိၣ်အဖျၢၣ်(၄၀)ဘျဲၣ်ဟးဂီၤဘၣ်ဒိဘၣ်ထံးဝဲအဂ့ၢ်န့ၣ် သ့ၣ်ညါဘၣ်လၢကီၢ်ရ့ၣ်တၢ်မၤနီၣ် စရီအပူၤန့ၣ်လီၤ. ကဘီယူၤအတၢ်လဲၤခးလီၤတၢ်ဘျီဝဲအံၤ တ့ၢ်လီၤဝဲပီၣ်(၅၀၀)မ့ၣ်ပိၢ်(၄)ဖျၢၣ်အကျါ(၂)ဖျၢၣ်န့ၣ် လီၤတဲၥ်ပိၢ်ဖးထီၣ်ဝဲလၢ ထံဖးဒိၣ်ထၣ်...