Trending Now
DON'T MISS
သၣ်တီၣ်ကၠံကီၢ်ဆၣ်ပူၤ ၦၤဖိဒံဖိသၣ်လၢအဃ့ၢ်တၢ်ဒုးတဖၣ်ကထီၣ်ကၠိအဂီၢ်လိၣ်ဘၣ်၀ဲတၢ်ဆီၣ်ထွဲမၤစၢၤ
လါယူၤ ၂၃ သီႇ ၂၀၂၃ နံၣ်ႇ ခ့ၣ်အဲးစံၣ်
လၢကညီကီၢ်စဲၣ် သၣ်တီၣ်ကၠံကီၢ်ဆၣ် ဒူသ၀ီတဖၣ်အပူၤဒီးလ့ၣ်သိၤလီၢ်က၀ီၤတကပၤန့ၣ် တၢ်ဒုးကဲထီၣ်၀ဲဒီး ခီဖျိဟီၣ်က၀ီၤတၢ်အိၣ်သးတဂ့ၤဒံးဘၣ်အဃိၦၤဖိဒံဖိသၣ်လၢအဃ့ၢ်တၢ်ဒုးတဖၣ်ကထီၣ်ဘၣ်ကၠိအဂီၢ် လိၣ်ဘၣ်၀ဲဒၣ်တၢ်ဆီၣ်ထွဲမၤစၢၤအဂ့ၢ်န့ၣ် သ့ၣ်ညါဘၣ်လၢဖိဒံဖိသၣ်မိပါအအိၣ်န့ၣ်လီၤႉ
သုးဟံးန့ၢ်တၢ်စိတၢ်ကမီၤ၀ံၤလီၢ်ခံခီဖျိဟီၣ်က၀ီၤပူၤတၢ်အိၣ်သးတဂ့ၤဘၣ်အဃိသုးမီၤစိရိၤပဒိၣ်စုတီၤဖီလာ်တီၤဖုၣ်ကၠိႇ တီၤထီကၠိလၢအိၣ်လ့ၣ်သိၤလီၢ်က၀ီၤဒီးသၤမိတီၤႇတီပၠၤကလ့ႇတီပၠၤကၠံႇ စံၤပ့ၤကၠံႇသပၠ့ၤညိၣ်သ၀ီပူၤသ့ၣ်တဖၣ်အံၤ အါဒၣ်တက့ၢ်န့ၣ်တၢ်ကီတၢ်ခဲအိၣ်လၢကက့ၤအိးထီၣ်ကဒါကၠိအဂ့ၢ်န့ၣ် ဟီၣ်က၀ီၤဂံၢ်ခီၣ်ထံးတၢ်ကစီၣ်စံး၀ဲအသိး သ့ၣ်ညါဘၣ်န့ၣ်လီၤႉ
လၢန့ၣ်အမဲာ်ညါခီဖျိလီၢ်က၀ီမကမျၢၢ်သ့ၣ်တဖၣ်ဘၣ်ဟးဃ့ၢ်အဃိအ၀ဲသ့ၣ်တဖံးအီၣ်မၤအီၣ်ဘၣ်တၢ်ဂ့ၤဂ့ၤဘၣ်န့ၣ်လီၤႉ ၦၤကၠိဖိမိၢ်ပၢ်လၢအလဲၤဒုးထီၣ်အဒံၣ်အဖိကၠိလၢတၢ်ခိၣ်တၢ်ဃၢၤဖဲန့ၣ်သ့ၣ်တဖၣ်စ့ၢ်ကီးလၢတၢ်သိၣ်လိမၤဒိးအဂီၢ်လိၣ်ဘၣ်၀ဲတၢ်ဆီၣ်ထွဲမၤစၢၤအဂ့ၢ်န့ၣ် သၤမိတီၤသ၀ီဖိ ကၠိဖိမိၢ်ပၢ်တဂၤ စံး၀ဲန့ၣ်လီၤႉ
အ၀ဲစံး၀ဲလၢ“မ့ထီၣ်ကၠိလၢကစၢ်သ၀ီန့ၣ်တၢ်လၢာ်ဘူၣ်လၢာ်စ့န့ၣ်မးပတသ့ၣ်ညါအါအါဘၣ်ႉခဲအံၤပဘၣ်ဟဲပာ်ပဒံၣ်ပဖိကၠိလၢၦၤသ၀ီအဃိပၢၢ်တုၤလၢနကလဲၤထုးထီၣ်လံာ်အုၣ်သးန့ၣ်လၢာ်ခဲလၢာ်လီၤႉခီဖျိပဘၣ်ဟးစံၣ်ပစ့တအိၣ်ဘၣ်အဃိမိၢ်ပၢ်လၢအအဲၣ်ဒိးဆှၢအဒံၣ်အဖိလၢကၠိတဖၣ်အါဒၣ်တက့ၢ်န့ၣ်တၢ်ကီတၢ်ခဲအိၣ်၀ဲလီၤႉအဃိဟံၣ်ဖိဃီဖိလၢအနးတဖၣ်န့ၣ်အဒံၣ်အဖိတထီၣ်ဘၣ်ကၠိဘၣ်”အဂ့ၢ်န့ၣ် စံး၀ဲန့ၣ်လီၤႉ
ဒ်န့ၣ်အသိးပယီၤသုးတဖၣ်အိၣ်ဒံး၀ဲလၢ(သၤမိတီၤ)သ၀ီ ကမျၢၢ်အဟံၣ်ကရၢၢ်ပူၤတုၤလၢခဲအံၤဒီး ခီဖျိတၢ်ခးလိာ်သးကဲထီၣ်ကဒါလၢခံခီခံကပၤအဘၢၣ်စၢၤသ့၀ဲအဃိကမျၢၢ်တဖၣ်က့ၤအိၣ်လၢသ၀ီပူၤတဘူၣ်ဒံးဘၣ်အဂ့ၢ်န့ၣ် ...
KNU သုးက့ ၁ သုးက့ခိၣ် သုးခိၣ်ကျၢၢ်ဖိ စီၤပျ့ၣ် စူးကွံာ်အသး
လါအီကူး ၁၀ သီႇ ၂၀၂၁ နံၣ်ႇ ခ့ၣ်အဲးစံၣ်
ဖဲတနံၤအံၤ(လါအီကူး ၁၀)သီ ဂီၤခီ ၄ နၣ်ရံၣ်ဘျဲၣ်အဆၢကတီၢ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ သုးက့(၁)သုးက့ခိၣ် သုးခိၣ်ကျၢၢ်ဖိ စီၤပျ့ၣ်(၅၆)နံၣ် စူးကွံာ်အသးလံအဂ့ၢ်န့ၣ် သ့ၣ်ညါဘၣ်န့ၣ်လီၤႉ
သုးက့ခိၣ် သုးခိၣ်ကျၢၢ်ဖိ စီၤပျ့ၣ်အံၤ စူးကွံာ်အသးဖဲဒူသထူၣ်ကီၢ်ရ့ၣ်ႇ ဒူသထူၣ်ကီၢ်ဆၣ် မယါကိသ၀ီအပူၤဒီး တကီၢ်ခါခဲအံၤအစိၣ်န့ၣ်ဘၣ်တၢ်ဟဲက့ၤစိာ်၀ဲဆူအအိၣ်တၢ်လီၢ်သးဟီထံအဂ့ၢ်န့ၣ် ဒူသထူၣ်ကီၢ်ရ့ၣ် ဖၣ်အၣ်ကီၢ်ဆၣ်ခိၣ်...
LATEST VIDEOS
TRAVEL GUIDES
လ့နိးသ၀ီပူၤ သီခါယီၢ်ဘၣ်မ့ၣ်ပိၢ်လၢပယီၤသုးဒိးလီၤဃ၁်၀ဲအံၤအဃိအခီၣ်တူ၁်ကွံ၁်တကပၤ
လါအ့ဖြ့ၣ် ၁၃ သီႇ ၂၀၂၃ နံၣ်ႇ ခ့ၣ်အဲးစံၣ်
လၢကညီကီၢ်စဲၣ် နိၣ်တကီကီၢ်ဆၣ် ၀ီၢ်ရ့ၣ်ဟီၣ်က၀ီၤ လ့နိးသ၀ီအပူၤ ဖဲလါအ့ဖြ့ၣ် ၁၂ သီအနံၤန့ၣ် သီခါတပါယီၢ်ဘၣ်၀ဲမ့ၣ်ပိၢ်လၢပယီၤသုးဒိးလီၤဃာ်၀ဲဖဲသီခါဖၠၣ်ကရၢၢ်ပူၤအဃိ သီခါအံၤအခီၣ်တူ၁်ကွံ၁်၀ဲတကပၤအဂ့ၢ်န့ၣ် သ့ၣ်ညါဘၣ်လၢသီခါအတကၢ်မုၣ်တကၢ်ခွါတဖၣ်အအိၣ်န့ၣ်လီၤႉ
ဖဲလါအ့ဖြ့ၣ် ၁၂ သီ ဂီၤခီ ၉ နၣ်ရံၣ်အဆၢကတီၢ် လၢလ့နိးသီခါဖၠၣ်ကရၢၢ်အပူၤ အူစ့(အစှ့ၤစၤဒၣ်)တပါအံၤ ဒီးအတကၢ်ခံဂၤ ဖဲအလဲၤထီၣ်လၢတၢ်လူၢ်ခိၣ်လဲၤထီၣ်ပိာ်ဃီအခါ...
မၠၣ်ဝတံၣ်ကမျၢၢ်လၢ(KNU/KNLA-PC)ဖီၣ်က့ၤကိးအီၤဝံၤအသံတၢ်ဂ့ၢ်အံၤတၢ်ပၥ်ဖျါထီၣ်ဆူလီၢ်ခၢၣ်သးအိၣ်လံအဂ့ၢ် ပှၤဘၣ်မူဘၣ်ဒါစံးဝဲ
လါအီကူး ၂၈ သီ, ၂၀၂၅ နံၣ်, ခ့ၣ်အဲးစံၣ်
ကီၢ်ကၠီၣ်တဲၣ်-ကီၢ်ပယီၤကီၢ်ဆၢ မၠၣ်ဝတံၣ်(ရၤမတံ)ဝ့ၢ် ကဝီၤဒ့ပူၤ ကမျၢၢ်ပိၥ်ခွါတဂၤလၢ(KNU/KNLA-PC)သုးခိၣ်တဂၤ ဖီၣ်က့ၤကိးအီၤဝံၤသံကွံၥ်ဝဲတၢ်ဂ့ၢ်အံၤ သုတကဲထီၣ်တၢ်ထံၣ်ကမၣ်တဂ့ၤအဂီၢ်တၢ်တီၣ်ဖျါထီၣ်ဆူလီၢ်ခၢၣ်သးအအိၣ်လံအဂ့ၢ်န့ၣ် ကရူၢ်ပှၤဘၣ်မူဘၣ်ဒါစံးဘၣ်ခ့ၣ်အဲးစံၣ်-ကညီတၢ်ကစီၣ် ဖဲတနံၤအံၤန့ၣ်လီၤ.
မၠၣ်ဝတံၣ် ကဝီၤဒ့(၄)အပူၤ ဖဲအပူၤကွံၥ်လါအီကူး ၂၄ သီ ဟါခီ ၉း၃၀ အဆၢကတီၢ် သးပှၢ်(ရာအိမ်မှူး)အံၤ ကဝီၤဒ့ပူၤကမျၢၢ် အူမိဝ့ (၄၀)နံၣ်ဘျဲၣ်တဂၤအံၤ...
MOBILE AND PHONES
KNU သုးက့(၆)ဟီၣ်က၀ီၤပူၤခံသီအတီၢ်ပူၤ ပယီၤသုးသံ(၉)ဂၤႇဘၣ်ဒိ(၁၁)ဂၤ
လါဒံၣ်စ့ဘၢၣ် ၂၃ သီႇ ၂၀၂၁ နံၣ်ႇ ခ့ၣ်အဲးစံၣ်
လၢကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA) သုးက့(၆)ဟီၣ်က၀ီၤအပူၤ လၢခံသီအတီၢ်ပူၤတၢ်ဒုးကဲထီၣ်လၢ(KNLA)ဒီးပယီၤသုးတဖၣ်အဘၢၣ်စၢၤအဃိ ဖဲန့ၣ်ပယီၤသုးတကပၤသံ၀ဲ(၉)ဂၤႇဘၣ်ဒိ(၁၁)ဂၤအဂ့ၢ်န့ၣ် KNU ဒူပျာ်ယာ်ကီၢ်ရ့ၣ်ထုးထီၣ်ပာ်ဖျါ၀ဲဖဲတနံၤအံၤလါဒံၣ်စ့ဘၢၣ် ၂၃ သီအနံၤန့ၣ်လီၤႉ
ဖဲလါဒံၣ်စ့ဘၢၣ် ၂၁ သီ မုၢ်ထူၣ် ၁၁ နၣ်ရံၣ်ဃၣ်ဃၣ်အဆၢကတီၢ် KNLA သုးရ့ၣ်(၁၈)ႇသုးရ့ၣ်(၂၇)သုးပာ်ဖှိၣ်ဒီးပယီၤသုး(ခမရ-၂၀၁)ႇ(ခမရ-၃၁၀)သုးပာ်ဖှိၣ်တဖၣ်အဘၢၣ်စၢၤတၢ်ဒုးကဲထီၣ်၀ဲဖဲကီးတရံးကီၢ်ဆၣ် ကီးနွဲၣ်သ၀ီ အ့ရှါကျဲမုၢ်ခိၣ်(၂)ဘျီႇ ဖဲန့ၣ်ပယီၤသုးသံ(၇)ဂၤအကျါပၣ်ဃုာ်၀ဲဒီးသုးဒ့ခိၣ်(၁)ဂၤဒီးဘၣ်ဒိ၀ဲ(၈)ဂၤအဂ့ၢ်န့ၣ် KNU...
KNU(မုၢ်တြီၢ်)ကီၢ်ရ့ၣ်အပူၤသုးမီၤစိရိၤကဘီယူၤဟဲတ့ၢ်လီၤမ့ၣ်ပိၢ်အဃိလီၢ်က၀ီၤကမျၢၢ်သံ(၆)ဂၤ
လါယနူၤအါရံၤ ၉ သီႇ ၂၀၂၃ သီႇ ခ့ၣ်အဲးစံၣ်
လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ်အပူၤ ခီဖျိသုးမီၤစိရိၤကဘီယူၤဟဲတ့ၢ်လီၤမ့ၣ်ပိၢ်လၢ မဲၤသုၣ်ကရူၢ် လၢၢ်ထူၣ်ဖိဟီၣ်က၀ီၤပူၤအဃိ ဘၣ်သံ၀ဲလီၢ်က၀ီၤကမျၢၢ်(၆)ဂၤအဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲဖဲတနံၤအံၤန့ၣ်လီၤႉ
ဖဲလါယနူၤအါရံၤ ၇ သီ တနံၤဃီအတီၢ်ပူၤန့ၣ် ခီဖျိသုးမီၤစိရိၤကဘီယူၤ(၇)ဘ့ၣ်ဟဲတ့ၢ်လီၤမ့ၣ်ပိၢ်လၢ(သုးက့ ၅)ဟီၣ်က၀ီၤ မုၢ်တြီၢ်ကီၢ်ရ့ၣ်ပူၤအဃိ မ့ၣ်ပိၢ်လီၤတဲာ်ပိၢ်ဖးထီၣ်၀ဲလၢဒွဲၣ်လိကီၢ်ဆၣ် မဲၤသုၣ်ကရူၢ် ယာ်ယံၣ်ထၣ်သ၀ီပူၤ(၄)ဖျၢၣ်ဒီး ဘၣ်သံ၀ဲၦၤမၤထူဖိ(၆)ဂၤအဂ့ၢ်န့ၣ်...
NEW YORK 2014
KNU ဃ့ထီၣ်ထံဂုၤကီၢ်ဂၤလၢ ကဖီၣ်ဃံးအါထီၣ်သုးမီၤစိရိၤလၢအထီၣ်ဒုးကၠိတဖၣ်အံၤ
လါစဲးပထ့ဘၢၣ် ၁၂ သီႇ ၂၀၂၃ နံၣ်ႇ ခ့ၣ်အဲးစံၣ်
လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ်(သုးက့ ၅)ဟီၣ်က၀ီၤအပူၤ သုးကီၣ်ကးအံၤ သူ၀ဲကဘီယူၤ ပညိၣ်ဟဲခးလီၤတၢ်လၢကမျၢၢ်အဟံၣ်အဃီႇကၠိတၢ်သူၣ်ထီၣ်အပူၤဒီးလၢတၢ်န့ၣ်အဃိထံဂုၤကီၢ်ဂၤတၢ်ကရၢကရိတဖၣ် ကဖီၣ်ဃံးဆူၣ်ထီၣ်သုးကီၣ်ကးအဂ့ၢ်န့ၣ် ခ့ၣ်အဲၣ်ယူၣ် ထုးထီၣ်ပာ်ဖျါဃ့ထီၣ်၀ဲ ဖဲလါစဲးပထ့ဘၢၣ် ၁၁ သီအနံၤန့ၣ်လီၤႉ
ဖဲအပူၤကွံာ်လါစဲးပထ့ဘၢၣ် ၇ သီအနံၤ လၢတသီအတီၢ်ပူၤ ပယီၤသုးကဘီယူၤဟဲခးလီၤတၢ်လၢမုၢ်တြီၢ်ကီၢ်ရ့ၣ် လူၤသီကီၢ်ဆၣ်ဒီးဒွဲၣ်လိကီၢ်ဆၣ်ပူၤ တၢ်လီၢ်(၃)တီၤဒီး ဖဲန့ၣ်ကမျၢၢ်အဟံၣ်အဃီႇကၠိႇတၢ်ဘူၣ်တၢ်ဘါတၢ်သူၣ်ထီၣ်...
သုးက့ ၂ ဟီၣ်က၀ီၤအပူၤ KNDO ဒီး သုးမီၤစိရိၤအသုးတၢ်ခးလိာ်သးကဲထီၣ်
လါအီကူး ၂၄ သီႇ ၂၀၂၁ နံၣ်ႇ ခ့ၣ်အဲးစံၣ်
ဖဲသုးမီၤစိရိၤအသုးဟဲထီၣ်လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ တီအူကီၢ်ရ့ၣ် သုးက့ ၂ ဟီၣ်က၀ီၤအပူၤအါအါဂီၢ်ဂီၢ်၀ံၤအလီၢ်ခံ ဖဲတနံၤအံၤ(လါအီကူး ၂၄)သီ ဂီၤခီအဆၢကတီၢ် တၢ်ဘၣ်သဂၢၢ်ခးလိာ်သးကဲထီၣ်ဒီး(KNDO)အသုးယံၤ၀ဲတခီနၣ်ရံၣ်ဃၣ်ဃၣ်အဂ့ၢ်န့ၣ် KNDO ၦၤဘၣ်မူဘၣ်ဒါတဂၤစံးဘၣ်ခ့ၣ်အဲးစံၣ်န့ၣ်လီၤႉ
ဖဲမဟါလါအီးကူး ၂၃ သီ မုၢ်ထူၣ် ၁ နၣ်ရံၣ်ဃၣ်ဃၣ်အဆၢကတီၢ် သုးမီၤစိရိၤအသုး သိလ့ၣ်(၂၈)ခိၣ်လၢအပၣ်ဃုာ်ဒီးသုးနီၣ်ဂံၢ်လၢလၢၦဲၤၦဲၤအံၤ...
TECH
FASHION
LATEST REVIEWS
ကဘီယူၤမ့ၣ်ပိၢ်ချံလၢအတပိၢ်ဖးထီၣ်ဒံးဘၣ်အိၣ်အဃိကမျၢၢ်တဖၣ်ဟဲက့ၤအိၣ်လၢသ၀ီပူၤတဘူၣ်ဒံးဘၣ်
လါယနူၤအါရံၤ ၆ သီႇ ၂၀၂၃ နံၣ်ႇ ခ့ၣ်အဲးစံၣ်
လၢကီးတရံး၀့ၢ်ဃၢၤ(ယွၤသ့ၣ်ကိ)သ၀ီအပူၤန့ၣ်ခီဖျိကဘီယူၤမ့ၣ်ပိၢ်ချံလၢအတပိၢ်ဖးထီၣ်ဒံးဘၣ်အိၣ် (၆)ဖျၢၣ်ဃၣ်ဃၣ်ညါအဃိလီၢ်က၀ီၤသ၀ီဖိတဖၣ်အံၤဟဲက့ၤအိၣ်လၢသ၀ီပူၤတဘူၣ်ဒံး၀ဲဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ
ဖဲအပူၤကွံာ်လါဒံၣ်စ့ဘၢၣ် ၁၆ သီအနံၤန့ၣ် လၢကီးတရံး၀့ၢ်ခိၣ်၀့ၢ်ဃၢၤသ၀ီတဖၣ်အပူၤ တၢ်ဒုးကဲထီၣ်၀ဲလၢတၢ်ပၢၢ်ဆၢသုးပာ်ဖှိၣ်ကရူၢ်ဒီးပယီၤသုးတဖၣ်အဘၢၣ်စၢၤအဃိပယီၤသုးခးလီၤကျိဖးဒိၣ်ဆူသ၀ီပူၤတကးဒံးဘၣ်အမဲာ်ညါသုးမီၤစိရိၤကဘီယူၤဟဲတ့ၢ်လီၤမ့ၣ်ပိၢ်ဒိၣ်ဒိၣ်မုၢ်မုၢ်ဒံးန့ၣ်လီၤႉ
စှၤသီအတီၢ်ပူၤအံၤခီဖျိတၢ်ဒုးကဲထီၣ်တအိၣ်အါအါလၢၤ၀ဲဘၣ်အဃိသ၀ီဖိတဖၣ်ရဲၣ်ကျဲၤလၢကဟဲက့ၤအိၣ်လၢသ၀ီပူၤဘၣ်ဆၣ်ခီဖျိမ့ၣ်ပိၢ်ဒီးကဘီယူၤမ့ၣ်ပိၢ်ချံလၢအတပိၢ်ဖးထီၣ်ဒံးဘၣ်အိၣ်ဒံး၀ဲဒီးတၢ်ဘံၣ်တၢ်ဘၢတအိၣ်ဒံးဘၣ်အဃိအ၀ဲသ့ၣ်ဘၣ်ဟးစံၣ်ပလဲာ်သးဒံး၀ဲအဂ့ၢ်န့ၣ်သ၀ီဖိတဂၤစံး၀ဲဒ်အံၤန့ၣ်လီၤႉ
“ၦၤဃ့ၢ်ထီၣ်အကျါအံၤပၣ်ဃုာ်ဒီးၦၤအိၣ်တဆူၣ်အိၣ်တချ့ဘၣ်အဃိပဟးအိၣ်လၢၦၢ်ပူၤတဘၣ်ဂီၢ်ဘၣ်ဒီးပဟဲက့ၤအိၣ်လၢသ၀ီပူၤလီၤႉပဟဲက့ၤတုၤလၢသ၀ီဘျီပထံၣ်ၦၤဟံၣ်ၦၤဃီဟးဂီၤဒီဒူၣ်ညါႉဟံၣ်လၢတၢ်နုာ်လီၤဟုၣ်တၢ်နါက့အိၣ်စ့ၢ်ႉမ့ၣ်ပိၢ်ချံလၢကဘီယူၤဟဲတ့ၢ်လီၤ၀ဲလၢအတပိၢ်ဖးထီၣ်ဒံးဘၣ်နါက့အိၣ်ဒံးႉပယီၤသုးနါက့အိၣ်ဒံးလၢတၢ်ခိၣ်တၢ်ဃၢၤဖဲအံၤအဃိဘၣ်ယိၣ်လၢတၢ်ဒုးကကဲထီၣ်ကဒီးအဃိပလဲၤစံၣ်အိၣ်က့ၤလၢပလ့ၢ်လိၤလ့ၢ်ထီၣ်ညီအလီၢ်မီၤနီၤ” အဂ့ၢ်န့ၣ်စံး၀ဲန့ၣ်လီၤႉ
တၢ်ဒုးကဲထီၣ်လၢကီးတရံး၀့ၢ်ခိၣ်၀့ၢ်ဃၢၤအခါခီဖျိပယီၤသုးခးလီၤကျိဖးဒိၣ်ဆူသ၀ီပူၤဒီးကဘီယူၤစ့ၢ်ကီးဟဲတ့ၢ်လီၤမ့ၣ်ပိၢ်တပယူာ်ဃီအဃိလီၢ်က၀ီၤကမျၢၢ်သံဘၣ်ဒိဘၣ်ထံးဒီးဟံၣ်ဃီတၢ်သူၣ်ထီၣ်ႇတၢ်ဖံးအီၣ်မၤအီၣ်လီၢ်ဟးဂီၤ၀ဲအါမးန့ၣ်လီၤႉတကးဒံးဘၣ်ဆၣ်ဖိကီၢ်ဖိလၢၦၤဘုၣ်လၢဟံၣ်တဖၣ်စ့ၢ်ကီးသံဘၣ်ဒိဘၣ်ထံး၀ဲအါအါဂီၢ်ဂီၢ်ဒီးတၢ်ထံၣ်န့ၢ်၀ဲကဘီယူၤမ့ၣ်ပိၢ်ချံလၢအတပိၢ်ဖးထီၣ်ဒံးဘၣ်အိၣ်(၆)ဖျၢၣ်ညါအဂ့ၢ်န့ၣ်လီၢ်က၀ီၤကမျၢၢ်စံး၀ဲန့ၣ်လီၤႉ
သ၀ီဖိလၢတအဲၣ်ဒိးပာ်ဖျါအမံၤလၢအဂၤတဂၤစ့ၢ်ကီးစံး၀ဲ“လၢသ၀ီပူၤန့ၣ်ၦၤထံၣ်ကဘီယူၤမ့ၣ်ပိၢ်ချံအလၢတပိၢ်ဖးထီၣ်ဒံးဘၣ်အိၣ်(၆)ဖျၢၣ်ညါႉအ၀ဲတဖျၢၣ်န့ၣ်ကအိၣ်လၢအပီၣ်(၅၀၀)ညါတသ့ၣ်ညါဘၣ်ႉမ့ၣ်ပိၢ်ချံအံၤၦၤကညီဘၣ်ယိးအီၤ(၈)ဂၤညါႉလၢအ၀ဲတဖၣ်န့ၣ်ခီၦၤဘၣ်ယိးကအိၣ်(၂)လီၤ”အဂ့ၢ်န့ၣ်စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ
ဒ်ပဒိးန့ၢ်ဘၣ်တၢ်ကစီၣ်လၢလီၢ်ခံကတၢၢ်အသိးန့ၣ်ဖဲလါယနူၤအါရံၤ ၅ သီအနံၤ လီၢ်က၀ီၤသ၀ီဖိတနီၤဟဲက့ၤအိၣ်လၢအ၀ဲသ့ၣ်အဟံၣ်အဃီဒူသ၀ီပူၤလံဒီးလၢအအိၣ်တ့ၢ်တဖၣ်အါဒၣ်တက့ၢ်န့ၣ်ဘၣ်ဟးစံၣ်ဒံး၀ဲအဖၢမုၢ်န့ၣ်လီၤႉ
စးထီၣ်ဖဲအပူၤကွံာ်လါဒံၣ်စ့ဘၢၣ်လါတ၀ာ်အခါန့ၣ်ခီဖျိတၢ်ဒုးဆူၣ်ထီၣ်လၢကီးတရံး၀့ၢ်ပူၤအဃိ တၢ်ကးတံၢ်ကွံာ်၀ဲအ့ရှါကျဲမုၢ်ဖးဒိၣ်အံၤဒီးဖဲလါယနူၤအါရံၤ ၄ သီ ဂီၤခီအဆၢကတီၢ်န့ၣ် တၢ်က့ၤအိးထီၣ်ကဒါကျဲအံၤကအိၣ်လၢအမံးနံးအတီၢ်ပူၤ၀ံၤတၢ်က့ၤကးတံၢ်ကွံာ်အီၤလီၤအဂ့ၢ်န့ၣ် ကမျၢၢ်လၢအိၣ်ကီးတရံး၀့ၢ်ပူၤတဖၣ်စံး၀ဲန့ၣ်လီၤႉ
ဒ်န့ၣ်အသိးလၢကၠၤအ့စ့ၣ်ကၠံ၀့ၢ်ပူၤစ့ၢ်ကီးတၢ်ဒုးကဲထီၣ်၀ဲဒိၣ်ဒိၣ်မုၢ်မုၢ်ဒီးခီဖျိသုးမီၤစိရိၤကဘီယူၤဟဲခးလီၤတၢ်အဆၢတတဲာ်ဘၣ်အဃိလီၢ်က၀ီၤကမျၢၢ်ဘၣ်ဃ့ၢ်ထီၣ်၀ဲအါအါဂီၢ်ဂီၢ်အဂ့ၢ်န့ၣ်သ့ၣ်ညါဘၣ်လၢလီၢ်က၀ီၤကမျၢၢ်အအိၣ်န့ၣ်လီၤႉ
ENTERTAINMENT
